روايةاتزوجتك غصب
الفصل الخامس
بقلم:حوراء الشمري
ام ابراهيم..يمه اطلب منج طلب....
رسل..اي خاله كولي...
ام ابراهيم..يمه ماا اريد بعد اتكوليلي خاله...اريد اسمع منج كلمة يمه.....و اني خالتج و مثل امج اللة يرحمهاا ..احنه كلنه اهلج و هذا بيتج.....تدرين حته سناء خليتهاا اتصيحلي يمه....و اني ماا اريد اسمعج اتكولين خاله ماا اريد احسسج انو انتي غريبه بيناتنه..انتي يمه منه و بينه و بتنه همين...مناا و رايح احنه أهلج من بعد امج و ابوج و اخوج اللة يرحمهم............شگلتي يمه...؟!!
رسل..ضليت صافنه على حجيهاا طفرت دمعتي و حسيت اكو غصه بگلبي....صفنت شويه و هيه كالتلي شگلتي يمه ؟!! جاوبتهاا..............اي اكيد خاله...ااا قصدي يمه..
ام ابراهيم..يمه فدوه رحتلج..هااا هالتشوفينهاا شكد حلوه من حلگج........يله يمه مثل ماا كتلج بدلي و سبحي و نزلي جوه وي خواتج الولد طالعين بس هذا الشفيه كاعد يمي...ههه
رسل..ههه ماشي يمه........طلعت خالتي ... اني كمت من الجربايه و وكفت كدام المرايه شفت جسمي و وجهي حيل ضعفانه و صايره صفره...لازم ارجع مثل قبل .....سبحت و جففت شعري و مشطته و نزلت...لكيتهن ديطبخن و هدى اتسوي زلاطة گعدت يمهاا و بديت اساعدهاا ..شويه و بدت خالتي تحجي و اتسولف.. يعني اتغيرلنه جو شويه ....تونسنه بسوالفهاا ......
كملنه و كعدنه نتغده اجه علي .........
علي..ادري اتطبخن باجه...هيه مركه وين صار الاكل....
سناء..انت التهي ابطنك بس هاي الهامتك...
علي..هاا لعد شلون غير العزيزة شعندي غيرهاا...
هدى..اهوووو...
رسل..ههه شبيج..
هدى..راح يضل يسولف عن بطنه كل يوم سامعين هالأسطوانه...
علي..دنجبي لا اجيج اكسر راسج......ام الوصخ
هدى..يمممممه
ام ابراهيم..اتسكتون لو شلون....مو راسي كام يوجعني.....كافي انت ابو بطن هذا الغدة خلصنه ......
رسل..كعدنه عالطاولة و بدينه نتغده........حچه علي
علي..اكول رسل..؟!!
رسل..مم كول
علي..انتي بالثالث موو ؟!!
رسل..اي..ليش
علي..مو نتائج الوزاري راح تطلع بعد اسبوع للثالث متوسط...
رسل..بتعجب..صدك
علي..و داعت چنگال
رسل..هذااا منووو
علي..واحد صحبي متعرفوش
الكل..هههههه
علي..اي و انتي الكسولي بعد سنة النتايج مالتكم...
هدى..يمه عليج اللة سكتيه..
سناء..انت شعدك وي البنت بس اتناگرهاا....ههه
علي..هيج اخبث عليهاا
رسل..ضحكت على كيف ...و كلهم باوعولي بأبتسامه....
ام ابراهيم..ياااا زين من سمع هالضحكة صارلنه شهر مسامعيهاا
هدى..اي و اللة
سناء..ههههه اي
رسل..ممم احم الحمد اللة
علي..هاا وين ام الدجاج هههه
رسل..ام الدجاج شنوو..شايفني اكل دجاج قبل..
علي..لا بس احب اخبث عالبنات
رسل..هههه دكافي اسكت..
علي..هاااا ليش بويه
رسل..احسن
علي..اضربي ميانه اضربي....اني سبورتي و احب الشقه...ضربي ميانه يله خنشوفج...
رسل..ممممم احم
ام ابراهيم..ماا اتعوف البنت لا اكوملك بالجفجير هسه..
الكل..هههههه
رسل..خذتنه السوالف و الضحك....و سوالف علي اتونس و ماا ينشبع منهااا .....كاعدين شويع و اجه هذا النفسيه و رعد وياه....
ابراهيم و رعد..سلام عليكم
الكل..و عليكم السلام
ابراهيم و رعد..شلونج يالعزيزة
ام ابراهيم..يمه صرت زينه بس شفتكم...
علي..هااااا ...و اني شنو طنطل هناا..
ابراهيم..ماا تنجب انت لا اكوم ارفس اببطنك
رعد..اي و اني وياك همه
علي..هاااا تگابلتو عليه...عمي مگرود ماا حاجي ...عافهم و صعد الغرفته و هوه يضحك......
رسل..اترخصت من عدهم و صعدت الغرفتي..........بقينه هيج اسبوعين طلعت نتيجتي ناجحه بمعدل 90 الحمد اللة كلهم باركولي و رحت علمي....
و هدى هم نجحت بمعدل زين و راحت طب قسم تحليلات مرضية...حيل فرحتلهاا .....بقينه 10 ايام نفس الروتين و ماكو شي جديد و علي سوالفه متخله من الضحك و الشقة.... الاربعينه اجت........
..اجت هدى اتگعدني.........
هدى..وووولج رررسل ررسسسسل
رسل..😴😴😴
هدى..و هيه اتهز ب رسل.....ووولج رسل اگعدي
رسل..هااا هاا شنوه ...شبيييييج
هدى..ولج و مرض كومي راح نتأخر...يله
رسل..ليش وين رايحين؟!!
هدى..ربي صبرك...ولج للنجف يله كومييييي
رسل..يبووووو نسيت..بيش الساعه هسه
هدى..ب1 بالليل...يله
رسل..يله...سبحنه و بدلنه....اني لبست بنطرون اسود بأسود و شال امرتب و لبست فوكاهم عبايه....و هدى نفسي.......كملنه كل شي و نزلنه اني وياها جوه ننتضرهم طبعاا طالعين بسيارة ابراهيم و رعد ...ابراهيم سيارته كلش جبيرة و حلوه مضلله من ذني الحديثات لونهاا اسود و رعد نفس السيارة بس بيضه.........بقينه كاعدين اني و هدى و سناء كاعدين عالتخم و انسولف على ماا يكملون صارت بال 2..
نزل ابراهيم و رعد و علي ...كلهم لابسن بناطير و فوانيل سود..ابراهيم حاط نضارة شمسيه على الفانيله مالته...بس كلهم كاشخين.....ساعات و محابس و مدري ايش.....المهم كملنه............طلعنه بالطرمه ...هيه السيارات بالكراج مالت البيت بقينه منتضريهم يحركون السيارات و علي فتح الباب....اني و هدى و سناء بسيارة رعد ...
..فجأه اجه ابراهيم يصيح و اني گمزت......
ابراهيم..انتي وين كاااااعده ؟!!
ام ابراهيم..بسيارة ابراهيم و اتحاجي....يمممه صلي عالنبي الدنيا ليل و الناس نايمه ليش اتصيح ...
ابراهيم..يممممه خلي تجي تكعد يمج لا اسويلي عمله هسه بالعباس...
ام ابراهيم..يمه شبيك خليهاا كاعده وي البنات مرتاحه عوفهاا شتريد منهاا...
ابراهيم..يمممه انتي من شوكت و اتعارضيني..
ام ابراهيم..يبووووو...تعاااالي يمه رسوله
رسل..نزلت من السيارة و اني خايفه من كد صياح ابراهيم...........هااا يمه
ام ابراهيم..يمه تعاي كعدي يمي
رسل..بس يمه اني مرتاحه كاعده يم البنات...
ام ابراهيم..يمه بس اليوم عديهاا على خير ترا ابراهيم راح يگلب الدنياا علينه...
رسل..اوك...كعدت يمهاا و اني حيل ضايجه...ادري هوه شنوه و هيج يتحكم بيه ..نزلت دمعتي ..بسرعه مسحتهاا.....جان ابراهيم واكف يحاجي رعد من الجامه.....طبعاا حته علي بسيارة رعد......يعني بس اني و خاله و ابراهيم بسيارته......اجه فتح الباب و لبگه اني اختسلت من عنده طبعا صايرة وره الكرسي اللي هوه كاعد بي يعني يكدر يشوفني من المرايه...جان يخنزر بيه و هوه ماا راضي...
...طلعنه من بغداد باوعت لساعة تلفوني ب3 الفجر و خالتي نامت..بقيت خايفه لان هذا كل ساعه و يفتح ضوه السيارة يباوعلي بالمرايه و يخنزر و يرجع يسد الضوه...
....طلع جگاره ورثهاا و بده يدخن...جان من يدخن يرفع راسه ليفوك وره الكشن و ينفخ الدخان يريد يضوجني بهذا تصرفه بله؟!!!
.لعب نفسي و درت وجهي عنه جان يباوع عليه من المرايه الخلفيه اللي يم الباب و يبتسملي بخبث ....بقينه هيج كلساع و يباوع خفت من عنده طلعت تلفوني و بديت العب بي جان الصوت عالي مالت التلفون....حچه هو
ابراهيم..نصي
رسل..........ماا اهتميتله
ابراهيم..اني شگلت..
رسل...........
ابراهيم..شنو ولج ك......د اني هناا....شگللللت انيييي
رسل..خفت من عنده حيل كلت هسه شويه و يرجع يصيح...نصيته و سكتت....
ابراهيم..عفيه.......ماااا تجين بالعيني و اغاتي....اله بالأهااانه يله
رسل..هسه خلص كافي....نصيته
ابراهيم..رفع راسه عالمرايه.....هاااي ويااامن
رسل..يعني بس خالتي و نايمه...جاي احجي وياهاا مثلا.....
ابراهيم..شنوووو وووولج
بسسسسييييطه...خلي نرجع للبيت و اني اعرف شلون اتصرف ويااااج
رسل..متت من الخوف....ندمت لأن مديت لساني عليه ادري بي عصبي...
..صح جاي احجي وياه و اسوي روحي قويه بس جاي اصطنع القوه ..انما اني ميييته خوف كل حجايه احجيهاا ويا اقرأ الفاتحة على روحي........
بقيت دقايق العب بالتلفون شفت الساعه ب3 اله ربع نعست سديته و نمت......
ابراهيم..لسانهاا شطوله كلت من ارجع للبيت اطيح حضهاا.....
..شويه و صوت تلفون ماكو و صارت هدوء....باوعتلهاا بالمرايه شفتهه نايمه...شلون رموش و شفايف عدهاا بقيت صافن بيهه و ناسي الطريق.....شويه و حسيت على نفسي و مسحت ووجهي بأيدي و رجعت اسوق..........
صارت بال4 و امي كعدت....جان اكو مطعم وكفت السيارة و رعد هم وگف............
ابراهيم..يمه اذا تردين اتنزيل نزلي...اكو مغاسل جوه
ام ابراهيم..اي يمه انزل..........رررررسل....يمه رسل كعدي
رسل..همممم
ام ابراهيم..اتنزلين للمغاسل يمه
رسل..لا خاله ماا اريد...روحي انتي ...نزلت هيه و ابراهيم ...شفتهم كلهم نزلو بس هدى ماا نزلت ..درت وجهي من وره السيارة لوحتلها بأيدي هيه شافتني و أشرتلها عود راح اجيج.......نزلت من السيارة و رحتلهاا و كعدت بصفهااا...........
رسل..هاااا
هدى..هلااا...بس و سم ولج المن اجيتي...اذا دره بيج ابراهيم و اللة يسلخج هههه
رسل..شبيج هيه 5 دقايق و رايحه...
هدى..اوك.........اي هم نمتي لا؟!!
رسل..اي توهاا خالتي كعدتني و اجيتج
هدى..اهاا..ننزل اني وياج انروح وراهم...؟!!
رسل..لا يمعوده بيه حيل اني
هدى..لعد شلون اجيتيني هسه ههههه
رسل..امداج اي و الله هاي امكان ماا اتكوليلي هلا بيج
هدى..انجبي انجبي....بقينه دقايق نحجي
....ووووولج كووومي كومي اجو
رسل..يبوووو يله باي
هدى..باي
رعد..هااا رسوله شعدج هناااا..خلي يشوفج ابراهيم هسه اله يشمرج من الجامه بنص الطريق ...يعوفج هناا و يمشي هههههه
علي..اي و الكعبة هسه ينتحر بيهاا...روحي ولج ههههه
رسل..لا لا و الله رايحه........ركضت للسيارة خاله بعدهاا ما جايه.... كعدت بالسيارة و ابراهيم شافني من بعيد انو جنت طالعه بره...اجه للسيارة و وجهه احمممر و عيونه فاتحهن على حيلهن فتح باب المقعد مالتي و.