رواية اتزوجتك غصب
الفصل الحادي عشر
بقلم حوراء الشمري
ايات من كال الشيخ اللي كاعد يم ابراهيم..عوفوها اتفكر برضاتها لحد يضغط عليها..
.اني هنا بدت افكاري تتجمع براسي و اتذكر كل كلمه و كل لحضه مريت بيها ...اتذكرت كلامهم....
خالتي..يمه اعتبرينه اهلج..و اني امج....ما اريد اتصيحيلي خاله اريد اسمع كلمة ماما منج..
علي..خايبه و حگ سيد الشهداء ماكو طلعه من هذا البيت شنو تايهتلهم و ياخذوها شوكت ما يردون ما وراها زلم..
ابراهيم..اتذكرته من لزم ايدي و حسيت بالأمان...اتذكرت هدى اختي و حبيبتي و شقانه و ضحكنه...و اتذكرت عمي من كال راح اتروح ويانه و ما اتفشلني جدام خلگ اللة.....اني هنااااا وگفت براسي شغله وحده ...چان هذا كله يدور براسي و اتذكرهم واحد واحد منا لمن سمعتهم صاحو....
الكل..احجيييي خووويه
رسل..گمزت من خوفي جانوا منتضرين مني جواب...جاوبتهم و بكل ثقة بس القوة جاي اصطنعهاا...
عععمووو اااانييي.....اااني
الكل..شنوووو بويه
رسل..ااااني ...همسلي ابراهيم بعصبية..
ابراهيم..احجييييييي
رسل..عمووو ااني راااح ااا بق..ى يي م خخااا لتي...(و صدك اني تقصدت اكول خالتي...لان ما رحت وي عمامي علمودها و علمود هدى و مستحيل انسى فضلهم عليه و شلون دارو بالهم عليه و ما حسسوني غريبه ابدااا ..اربع و عشرين ساعة يضحكون وياي و يحششون اله ابراهيم)
...اشو من كلت هيج ضلوا ساكتين و واحد يباوع بوجه الثاني ...رفعت راسي علكيف اجت عيني بعين ضابط يخنزر بيه مثل الحيوان جان وجها احمر و الزلم كلهم صافنين لمن حچه الشيخ...
شيخ(رسل)..هاهيه بويه الج القرار و انتي اتخذتي و ما راح انخصبج...بويه بالعافيه عليكم بتنه...ديرو بالكم عليها و ما اريد أي تقصير وياها ....
ابو عادل..اي بويه...اني بين فتره و فترة اجيج و اطمن عليج و يمته ما تردين تعاي ويانه...چنه كلنه منتضرين جيتج علينه بس.....جر حسرة و نزل راسه....
شيخ(ابراهيم)..هاهيه بويه انحلت...
..بويه البنيه ابنيتكم ...بأي وكت تكدرون تجون اتشوفها و هذا حگكم و ما نمنعكم منه...
شيخ(رسل)..يابه جزاكم اللة خير و النعم منكم ..احنه اخوان و التردونه يجرالكم صلو على محمد و ال محمد...
الكل..اللهم صل على محمد و ال محمد
...رسل..كامو كلهم طلعو ضليت وحدي بالاستقبال حاطه ايدي على وجهي و ابجي حته صوت بجيي مسموع...حسيت ارتكبت ذنب كلش جبير بس ليش احس بالذنب ما اعرف ؟!!!
..دخلو عليه الولد و هدى و سناء و خالتي....
ام ابراهيم..ياااا يمممه شبيج ...يعععع ليش تبجين...شبيها يمه البنيه كلولي....
رعد..شبيج رسل....عليمن تبجين..لتخافين بعد ما اتطلعين من هذا البيت....انحلت خلص ليش تبجين بعد ؟!!!
علي..رسل كافي...شبيج تبجين غير نعرف..عليمن هالبجي هذا
رسل..اسمعهم و ابجي...
ابراهيم..و هوه مبتسم لان ضلت يمهم.....استغفر اللة يا ربي
هدى..عليمن بله تضحك...ما اتشوف البنت تبجي...
ابراهيم..ضبي السانج و انجبي لج...............يله رعد امشينه(عالشغل)
رسل..استغربت من ردة فعله ...وينه ذاك ابراهيم اللي جان لازم ايدي مثل الخايف عليه و اللي جان مصر انو ابقى يمهم هسه و لا كأنو هامه شيء ...خله و طلع ..لك و اللة العضيم اكرهك...اكررررررهك...
هدى..استغفر اللة يا ربي....كومي رسوله كومي..
سناء..كومي حبيبتي...
علي..ديرو بالكم عليها اني طالع..
ام ابراهيم..اللة وياك يمه..
رسل..راح و عساني ما خذيت قراري بخوف انو ابقى هنا.....زدت بالبجي
ام ابراهيم..شبييييج يممممه
رسل..اهئ اهئ خااااله فدوووة اروووحلج اخذيني يمممج..
ام ابراهيم..ياااا يمه سووودة عليه...كومي يمه كومي
رسل..شالني البنات و طاحت العبايه من عندي شالتها سناء......اخذتني خالتي لغرفتها و گعدت و حجيت و اني ابجي...
رسل..بجي..خخ اااله ..فدووه ارييييد اجي يمج هنااا...هدى فدوة اروووحلج لا اتزعلين مني ...بس و اا الللة اررر ييد يم خالتي...
ام ابراهيم..يااا يمه سودة بوجهي لا تبجين فدوه رحتلج...
هدى..شبيج رسل حبيبتي صاير وياج شيء...ليش تريدين تنتقلين يم امي...
رسل..بجي..و اللة ما بيه شيء(جذب بيه الف شغله و شغله و خوفي من ابراهيم خلاني انتقل لغرفة خالتي حسيت يمها بالأمان كأنو أي بشر ما يكدر يتقربلي)
..نقلت غراضي و ملابسي و كل شيء يم خالتي .....الكل دره بهاي السالفه حته ابراهيم .........تمددت بحضن خالتي و نمت...
ثاني يوم گعدت شفت خالتي ماهيه الساعة ب9 الصبح...حسيت بدوخة كلش قوية ..دخلت للحمام سبحت ب مي بارد ..بس ما فاد الدوخه جاي اتزيد اكثر و اكثر ..لفيت شالي و نزلت لازمه المحجر مالت الدرج كوه لازمه نفسي ..اشوف الدنيا تفتر بيه ...سمعت اصواتهم بالمطبخ يسولفون(كاعدين عالريوگ) وصلت لباب المطبخ اول واحد طاحت عيني عليه ابراهيم باوعلي بأستغراب ...كلهم باوعولي ..اني هنا جنت لازمه الحايط بعد ما كدرت اتحمل شفت الدنيا صارت سودة وگعت من طولي.......................
ابراهيم..
من اليوم اللي اجو بي عمامها و اني حاير چنت فاقد الأمل انو ياخذوها و يسووها صدك دگة عشاير و جنت مستعد لهذا الشيء...بس من كالت ابقى يم خالتي ارتاحيت نفسياً ...و تفاجأت من ردها ..عبالي راح اتعاند و اتروح وياهم و اني جنت ادري انو جية عمامها فرصة حته اتروح وياهم و تخلص من عندي ادري بيها اتخاف مني و ما اتريد تحجي وياي من تصرفاتها و حجيها ..
و اني ادري بروحي اني خوفتها من عندي...بس مو بيدي هيه اللي عمت على روحها بلسانها و تصرفها هذا اللي يخلي الواحد يذبحها بس اني صابر عليها اريد اشوف وين تاليتها و وين اتريد توصل ...و صابر عليها لان حبها بگلبي مو بس متملك گلبي لا جسمي كله....عشگتها عشك ما عاشك احد مثله...و ادري بيها ما راح تقبل بيه لان اكبر منها ب19 سنة.....بس جان عندي فكرة ابالي منتضر وقتها المناسب...هينه ي رسل گلبي❤بسيطة بس اصبري عليه....
بيوم چنه كاعدين عالريوگ ..شفتها واگفه گوه و وجها اصفر و لازمه الحايط چنها اتريد توگع...خفت عليها و ضليت صافن بيها و كلهم صافنين عليها و هيه و لا حچايه تطلع من حلگها بس اتباوع بيه نضرة خوف...ما حسيت اله و هيه توكع من طولها...
ام ابراهيم..كامتلها... يااااا يممممه شبيها البنت..
هدى..و هيه اتدك على وجها حته اتگعدها...رسل ررررسل رسل....
ابراهيم..شوووو ووووخرررووو ...ضليت اضربها على خدها ما تگعد....ررررسسسسسل...جابن عبايه و لبسنها....
شلتها خليتها بالسيارة و امي و رعد وياي..........ودينها للمستشفى و رعد بقى برة.....
فحصها الدكتور و اني عيني عليه شلون يباوعلها ردت امطله بالكاع و امثل بيه بس كوه لازم نفسي.....فحصها و كال........
الدكتور..خويه المريضة ما بيها شي...و سبب الوگعه هاي...الدوخه اللي تجيها .....هيه ما تاكل مو ؟!!
ام ابراهيم..اي يمه و لا لگمه اتحط بحلگها...
الدكتور..اي يمه هوه هذا السبب...عدها فقر دم ...و الدم مالتها 6 و نص...يعني اديرون بالكم عليها كلش زين..يعني اتجيبولها اكلات او عصائر اتزود الدم ..لان اذا بقت هيج اتسوء حالتها و تكتأب اكثر..و حالة الأكتأب اللي هيه بيها هسه لازم اتحاولون اتطلعوها من عدها.....و اللة يشافيها ان شاء اللة...
ابراهيم..و هوه صاك سنونه...تسسسلم خوووويه...
..رجعنه للبيت و گلت لازم ادير بالي عليها ... بعد ما بيها مجال و اذا ما تاكل غصباً عليها...رويحتي من الدنيا اغصبها على كل شيء بس كون ترجعلي نفس ما جانت مثل قبل و احسن...........چانت بغرفة امي نايمه...دخلنه اني و امي لازمه بيدها صينية چبدة و عصير زبيب الخ.....
....وجها حيييل اصفر ..كلما اشوفها تعبانه گلبي يعصرني و اللة مو بيدي.......خلت امي الصينية عالميز و هيه اتكعد بيها...و اني واكف و حاط ايديه بجيوبي و اباوعلها....
ام ابراهيم..يمممه رسوله حبيبة..گعدي يمه..
رسل..همممم😴😴😴
ابراهيم..من سمعتها اتهمهم ابتسمت...
ام ابراهيم..اكعدي يمه اكليلج لگمه...
رسل..هممم ماا اا اارييد ..خخاا له..
ابراهيم..شنوووه المااااا ترديييين...لا اشو غصباً عليج تاكلين...اگعععددددي ييييله..
رسل..عبالي بس خالتي هناا طلعه هذا وياها...من سمعته صاح هيج و عاط بيه گمزت من الخوف..
.
ام ابراهيم..يمممه اسم اللة الزهرة...(و هيه تضحك) شبيك ولك يمه شمالك صيحت..اكو واحد هيج يگعد..
ابراهيم..و هوه يضحك..اي احسن..ما اتشوفينها گعدت....
رسل..خاله و اللة ماا اشتهي..
ابراهيم..اايييي اااااني هسه اشهيييييج...شووويه يمممه وخرررري...چبت اللگمه ردت احطها بحلگها ...خلت ايديها على حلگها...عود ما اتريد
رسل....بخوف..مااا اريد جاي اگلك..
ابراهيم..لا غصباً عليييييج..هااااااج