روايةاتزوجتك غصب
الفصل الثالث والعشرون
رسل..مر على سفر ابراهيم اسبوعين و اني لا ليلي ليل و لا نهاري نهار...
كلساع يخابرنه و يطمننه على حالة ابو زياد و صحته و منتضرين العملية....
احس البيت وحشه و ماا يندخل و لا ينعاش بيه لحضة وحده من دونه...يااا ربي اشتاقيتلك حيييل ابراهيم وينك عني...چنه ملتمين بالصالة الساعة ب9 انسولف و نضحك بس اني ابد مالي خلك و بالي مو يمهم ابد...ماا كدرت اتحمل بعد صعدت لغرفتي وخرت تلفوني عالشحن و كعدت عالچرباية اتصل بيه......ماا اخذ ثواني و رد.....
ابراهيم..طبعاً مناك وصلنه بالسلامة...سجلنه بالفندق اني و زياد و ابوه...يوم عن يوم انچيك حالته و صحته...و يكولون حالته مو مستقره...
و ينطونه اكثر من علاج و گالو انو لازم يضل عليهن مناا لمن يجي يوم العملية ان شاء اللة......طبعاً جنت بغرفة وحدي و زياد و ابوه بغرفة وحدهم......توني طلعت من الحمام و جاي انشف شعري بالخاولي دگ تلفوني........حبيبي❤
ابراهيم..الوو......هلا يعمري.....شلونج
رسل..😭هلا.....اشتاقييييتلك ابراهيم
ابراهيم..يعمري اني شابع شوگ و الكعبة....شبيج عليمن تبجين ؟!!
بيج قصص وروايات منقولة الفارس
رسل..علساس ماا تعرف شبيه...وينك صارلك اسبوعين و ماا اجيت😭
ابراهيم..ابتسمت لان ماا تعرف انو العملية بعد سنة أو سنتين لان حالة ابو زياد مو شيء....
رسل..الووو
ابراهيم..وياج يروحي....ليش اتخلين بالي يمج و اتضوجيني....حبيبي اني راجع خو ماا اعيش هناا...
رسل..و اللة اتچذب عليه....صارلك اسبوعين و ماا اجيت..😭
ابراهيم..حبيبي هاي عملية خطيرة يعني بين الحياة و الموت شتردينهاا بيومين و تخلص فضت راحت....
رسل..لعد گول اتغيب عليه شهور...و اللة اموت ابراهيم ماا ابقى....
ابراهيم..اسم اللة على روحج ياا روحي انتِ.....لا رسوله ارجع ان شاء اللة....
رسل..جذاب...گلي شكم يوم و ترجعلي..
ابراهيم..ماا اريدهاا تعرف....حبيبي اللة كريم بأيد اللة هاي الشغله مو بأيدنه....
رسل..😭😭
ابراهيم..مو گطعتي گلبي كافي رسل...
رسل..اني اللي انگطع گلبي ياا ابراهيم مو انت..
ابراهيم..اسم اللة على گلبج...
شوفي حبيبي..توني طالع من الحمام من اكمل اخابرج ماشي...
رسل..على راحتك...
انتضرته ربع ساعة و اتصل....
ابراهيم..الوو حبيبي
رسل..هلا حبيــ.......ااا ابراهيم
ابراهيم..كمليهاا....ليش گطعتيهاا...
رسل..هاا
ابراهيم..شنو هااا...من اول يوم شفتج بي و لحد الان ماا سامع منج كلمة حلوة...
رسل..لا رد
بيج قصص وروايات منقولة الفارس
ابراهيم..الوو...
رسل..هاا...وياك...
ابراهيم..جريت نفس و غلست....تعشيتي ؟!!
رسل..اي الحمد اللة...و انت..
ابراهيم..الف عافيه...اني الحمد اللة..
رسل..عافيات...
ابراهيم..امشغله السبلت...؟!!
رسل..اي...شلون عرفت...؟!!
ابراهيم..اسمع...طفيه الجو هالايام راح يتغير....الناس تتمرض بهذا الوكت..
رسل..ماشي....طفيته
ابراهيم..اتغطي زين ام حلك..
رسل..هههه...اني
ابراهيم..ردّت روحي من سمعت ضحكتها...اني عمداً گلتلها ام حلك اريدهاا تضحك.........اي انتِ ام حلك
رسل..لعد انت ابو حلك..
ابراهيم..شنو😡😡
رسل..هاا
ابراهيم..شگلتي😡
رسل..اشاقه و اللة....لعد بس انت اتگولي...
ابراهيم..اي بس اني😡
رسل..اسفة..
ابراهيم..لتعيدينهاا بعد...
رسل..ماشي
ابراهيم..زعلتي..
رسل..لا ما بيه شيء.....ابراهيم ممكن سؤال ؟!!
ابراهيم..جواب يروحي...
بيج قصص وروايات منقولة الفارس
رسل..هم مرّه گلت شورطني وي هاي الزعطوطه او الطفلة....او مجرد فكرت تفكير بس...
ابراهيم..شنو هاي حبيبي...شنو هذا الحجي...ليش اتفكرين هيج...
رسل..لا بس مجرد سؤال لا اكثر..
ابراهيم..لا يعمري انتِ احلى شيء صار بحياتي شلون افكر مجرد تفكير انو اني اتورطت بيج....اني اتورطت بشغله وحده بس....
رسل..شنو هيه..؟!!
ابراهيم..بحُبج....
رسل..اممم..
ابراهيم..گوليهاا رسل..طگ گلبي و اني اريد اسمعهاا من عندج...
رسل..شنيه الأكولهاا..
ابراهيم..كولي احبك..
رسل..هاا...؟!!
ابراهيم..ليش ماا تنسين الماضي الراح و عيشي وياي بالحاضر...لج احبج بادليني الحب ليش اتوجعين گلبي....لج بحبج حولتيني من انسان قاسي يكره البنات...لعاشگ ولهان بحبج....ماا لاحضتي الفرق عليه...
رسل..و اللة لاحضته..
ابراهيم..اي انتِ بنفسج غيرتيني...لج رجال جبير عابر ال30 سنة....اتغيرني ابنية اصغر مني ب 16 سنة....
رسل..و اني املاحضه عليك التغير هذا...حيل متغير....و اني عاجبني هذا ابراهيم مو ذاك العصبي اللي على أي شيء يعصب و يضربني...
ابراهيم..اتحبيني لو لا ؟!!
رسل..هاا ؟!!
ابراهيم..سألتج سؤال جاوبيني...لا اترديلي بنفس السؤال...
رسل..ماا...ما اعرف..
ابراهيم..شنو ماا اتعرفين...اتحبييييني لو لااا😡 ؟!!
رسل..ماا اعرف و اللة....مشاعري ماا اعرف شتگول تجاهك...
بيج قصص وروايات منقولة الفارس
ابراهيم..ماشي...اني اخليج اتحبيني..بس خليني ارجع اشوف منو اليخلصج من بين اديه....
رسل..لاااا ابراهيم ليش اتخوفني بهالحجي هذا...
ابراهيم..جاي احجي صدك...مشتاقلج حييييل و ب ودي احضنج حضنه اله اكسر اعضامج....
رسل..شنو وين راح ذاك ابراهيم...
ابراهيم..ضميته...رجعته للقاسي العصبي..
رسل..يوووو
ابراهيم..و علّووو....لا اتكولين يوو لا هسه اجيج و الكعبة...
رسل..ماا تگدر..انت وين و اني وين...
ابراهيم..لج بس انطيني مجال ارجعلج بخير و سلامة اله اراويج الضيم من ابراهيم شنوه....
رسل..يااااا...هاي شبيك...ترا و اللة خوفتني من عندك...
ابراهيم..اتخافين مني..
رسل..غير حچيك يخوفني..
ابراهيم..ههه اشاقه وياج بس حرگتي گلبي..انطيني الصبر ياا اللهي اصبر هالفترة و ارجعلج اله اطلع ضيم الفراگ كله بيج...
رسل..يوووو ابراهيم..شنيه هيه..
ابراهيم..هههه
رسل..ههههه
ابراهيم..فدوه اروحن للضحكه اني...
رسل..........بقينه نحجي لحد الساعة ب2 بالليل نعست و گلي نامي لتسهرين...
و فعلاً طفينه التلفونات و نمنه.....
اليوم الثاني...
رسل..گعدت الساعة ب10.....غسلت و نزلت......لگيتهم گاعدين يتريگون......صباح الخير....
الكل..صباح النور...
بيج قصص وروايات منقولة الفارس
علي..هلا بمرية اخوي😂...تعاي اگعدي تعاي..
ام ابراهيم..هلا بيج يمه تعاي اگعدي...
رسل..گعدت و اجه علي جرالي الكرسي و كعدت...
رعد..شنو هاي الطفگه البيك😂
علي..انت ماا عليك اتريك و اسكت...جاي اداري مرة اخوي بغيابه...😂
هدى..ممم اححححم احم...(اتفر بحلگهاا)
سناء..هاي مقدمات الصباح..حافضينهاا...😂
علي..اي امعاشرتنه اسنين😂
رعد..ماا تنجب و تاكل لا اگوملك
علي..هو اني حاچي😂
رعد..لعد صارلك ساعه شتدردم...
علي..وي روحي😂
هدى..خايبين اللللللة اكببببر...حتى الچناين مو هيج
رعد..اسكتي انتِ الثانية لا اگوملج...
ام ابراهيم...ولكم حتى من جنتو اصغار ماا جنتو تتناگرون هيج...
رعد..كبرنه يمه
علي..اي و اللة...الزمن بسرعة يمشي
هدى..اهووووو انگبلو...غير يستقرون
علي..انتِ اسكتي لا بالخاشوكه مالت الجبنه هاي😂
رسل..اباوعلهم و اني لازمه حلگي و اضحك.....انطيني الخاشوكه علي
علي..هاج ياا بعد اخوج...😂
ام ابراهيم..شنو يمه...شنو اخبار اخوكم..خابرتوه خابركم...؟!!!
رعد..اي يمه اتصل قبل ساعة و الحمد اللة ابو زياد مستمر عالعلاج مناا لمن اللة يفرجهاا و يسوون العملية...و ان شاء اللة يطلع من عدهاا سالم..
بيج قصص وروايات منقولة الفارس
الكل..ان شاء اللة...
ام ابراهيم..يمه و شوكت العملية...
رعد..بعد سنتين ان شاء اللة...
رسل..اول ماا سمعت هيج غصيت باللگمه و گمت اگح..
هدى..يمه اسم اللة...كامت اتگح و اني اضرب على ضهرهاا..
علي..هااااج (مي)...
رسل..شربت مي و هدئت...حچيت و اني مختنگه..رعد هو گلك بعد سنتين ؟!!
رعد..اي خويه...بعد هاي عملية خطيرة بالگلب مو لعبة..
رسل..گمت ابجي...لا لا مستحيل😭😭😭...هو البارحه گلي شهر شهرين و يرجعون...
علي..لا رسل...هاي عملية گلب مو هينه...اكيد بهاي السنتين يخضع للعلاج قبل لا يسوي العملية...
ام ابراهيم..يحححح يمه...ليش ماا گاللنه من زمان...جاان ماا خليته يروح...
رعد..يمه شنو السالفه لا اتكبرين الموضوع...ابراهيم رجال چبير شنو ماا اتخلينه يروح....
هدى..لا لتخافون شنو السالفه...اكيد كل يوم نتصل بي و انسولف وياه عليمن سويتوهاا قصة...
علي..اي عفيه..اول مره بحياتج اتفكرين زين...
هدى..شنو قصدك ابو كفشه...فكرتيش هو اتصال😂
علي..انجبي..تروحين فدوه لكفشتي..
سناء..رجعنه للمناگر😂
ام ابراهيم..ااااخ يااا يممه لو گايلي...
ان شاء اللة يوم بيومه نتصل بي و نطمن عليه و على حالة ابو زياد..و ان شاء اللة ماا بيه غير العافية...
الكل..ان شاء اللة...
رسل..مصدومه و طول الوكت الفكر شاغللي بالي........اليوم كله كضيته صفنات...معقولة افارگ ابراهيم سنتين...لا مستحيل هيج....صارت ب11 بالليل كلمن راح لغرفته و اني صعدت لغرفتي گبل عالتلفون......اتصلت بي.......
رسل..انتضرته شويه...ثواني و رد.....
الووو..
بيج قصص وروايات منقولة الفارس
ابراهيم..الوو...هلا بهالصوت...شلونج يعمري...
رسل..تمام..انت شلونك..
ابراهيم..الحمد اللة...
رسل..ليش ضميت عليه ابراهيم..
ابراهيم..شضميت ؟!!
رسل..شنو عود بعد سنتين يله ترجعلي...
ابراهيم..عرفت رعد حچه و هي چانت موجوده...اي يعمري سنتين..
رسل..😭😭😭ليييش هيج ليش
ابراهيم..شنو ليش يروحي...شبيج...هيه بكيفي غير عملية هاي...
رسل..معقولة راح اتفارگني سنتين ابراهيم..ماا امصدگه و اللة
ابراهيم..و لا اني يعمري..شنسوي نصبر على ماا اللة يفرچهاا...
رسل..😭😭😭
ابراهيم..لا تبجين رسل..اني وياج طول العمر ماا فد يوم فارگتج و لا راح افارگج...
رسل..منتضره رجعتك اليه ابراهيم...
ابراهيم..ان شاء اللة يعمري...انتِ بس ادعي تنجح العملية و نرجع بالسلامة...
رسل..ان شاء اللة بحيل اللة تنجح العملية و ترجعلي بخير و سلامة.........
....اجه الشتاء....مرّت 6 اشهر على غياب ابراهيم عني ...و هالمره اكتشفت انو اني احبه...اي احبه و اموت عليه...بس ماا راح اگله مناا لمن يرجعلي بالسلامة......فد يوم نزلت لگيت علاوي گاعد بالصاله....اي گمت اصيحله علاوي لان گمنه نضرب ميانه زفره اني وياه.....
رسل..هاااا...اشوفك لازم التلفون و الابتسامة شاگه حلگك........شكو ؟!!
علي..شعليج انتِ وجه الچوب...اراسل صديقي😂
بيج قصص وروايات منقولة الفارس رسل..ايييي كلللش...صديقك....مديت راسي اشوف لان كتلني الفضول...
علي..شعدج مديتي بوزج😂
رسل..اذا ماا حچيت منيه هاي التراسلهاا اله اصيح على رعد هو يتفاهم وياك..
علي..شنو اتهدديني..صيحيه...اكبر واحد ماا يهزني...
رسل..رررعدددددد.
علي..لا لا اشاقه وياج...تعاي اكعدي تعاي
رسل..هاا...اسمعك....منيه ست الحسن..
علي..حبيبتي...
رسل..گمزت...صدددددك...
علي..اشششش فضحتينه...مو صوچج صوج اليحجي وياج...كومي مناا يله
رسل..لا لا عليك اللة گلي منيه هايه و شسمهاا و شگد عمرههاا..
علي..شعليج انتِ😂
رسل..لا لا بداعتي گلي منيه..
علي..اسمهاا سارة عمرهاا 17...اكبر منج بسنة...
رسل..اهااا سااارة..
علي..ووولج اشششش...خرب يومج😂
رسل..زين عليك اللة انت شايفهاا..
علي..اي....اتموت
رسل..خلي اشوفها....
...شوفاني صورتهاا عالسريع ماا خلاني اركز بيها زين...وين شايفتهاا هاي البنيه ؟!!.......
..يححححح...هاااي سااارة
علي..ولج راح انتحر بيج و علي..كومي مناا كومي...
رسل..لا و اللة علاوي جديات...هاي سارة بنت عمي
علي..بأستغراب...شنو ؟!!
بيج قصص وروايات منقولة الفارس رسل..اي و اللة العضيم...سارة بنت عمي ابو ضياء...شنو هاي الصدفة.....بس هنه كلهن ماا عدهن تليفونات..هيه منين جابت التلفون ؟!!
علي..لا مو خوش حجي هذا...عود اني اناسب عمامج...لا هاهيه...
رسل..خليهاا على اللة...لعد انتو شكد صايرلكم سوه...
علي..شهرين..
رسل..ان شاء اللة من يرجع ابراهيم بخير و سلامة هو بأيده يخطبهاا الك...
و ان شاء اللة ماا يرجعونك فارغ اليدين😂
علي..و اللة و طلعتي اتعرفين تحجين و لا امبين عليج چنج قوطية ببسي...😂
رسل..هاااا...هاي اني القوطية😂
علي..هههه مال معجون😂
...يله گايم...كامت اتلح لان غلست عليها..
رسل..و اللة و طلعتي مو هينه ياا سارة...على راحتك ابو كفشة😂
..گمت ساعدت البنات بالشغل گللي ديريبالج على بنات سناء و احنه نشتغل....رحت صعدت لغرفة سناء خذيت البنات چانن يلعبن بالگاع...خذيتهن و نزلت جوه...توهن وصلن8 اشهر و صايرات يخبلن ينگرطن گرط...ملك و ملاك....و طبعاً اثنيناتهن يشبهن رعد ماا يشبهن سناء😂
بديت العب وياهن و تعودت عليهن حيل و حبيتهن كلش....ماا ارتاح الا اذا هنه مو يمي...يسولفن و يضحكن بس كلشي ماا تفتهم من عدهن....و مرات من اخابر ابراهيم يسحبن التلفون من عندي و ابراهيم يموت ضحك.....وكحات مو شلون ماا جان....و طبعاً هدى اتروح و ترجع للكلية و حيل فرحانه...گلت ان شاء اللة اذا رجع ابراهيم افاتحه بهذا الموضوع و يخليني ارجع للدراسة لان حيل مشتاقتلها....صار روتيني كلش عادي اكعد و اشتغل و اتصل بأبراهيم يوم بيوم و انسولف اني و هدى و سناء لو العب وي بناتهاا لو اناگر علاوي و يخبث عليه لو اروح لخالتي و ابجي يمهاا و اتسولفلي على ابراهيم....هذا هو روتيني خلال سنتين متتاليات.....
....مرّت سنة كاملة.......و صار عمري 17 سنة.....طبعاً دائماً من تجي نسوان خطار للبيت يتفاجئن بيه و يضلن صافنات عليه و اسمعهن كلساع يريدن يخطبني من خالتي ماا عبالهن انو اني مُلك ابراهيم وحده......و حتى الموجودين بالبيت يگلولي تغيرتي و صرتي احلى من قبل و سمنانه شويه
.......فد يوم چنه ملتمين بالصالة......
رسل..يمه اريد احجي وياج بموضوع...
ام ابراهيم..احجي يمه..
بيج قصص وروايات منقولة الفارس رسل..خاله فدوة صارلي كومه ماا رايحه لأهلي مشتاقتلهم حيل و طگ گلبي...خلينه انروح...
ام ابراهيم..اي يمه ان شاء اللة...من هاي العين گبل هاي العين...
رعد..خليهاا عگب باجر ان شاء اللة لان عدنه شغل...
ام ابراهيم..ان شاء اللة يمه....انروح اني و انتِ و رعد...
رسل..تمام...ان شاء اللة....
...مرّن يومين و اجه اليوم اللي راح انروح بيه للنجف......
الساعة ب4 العصر....
رعد..ولج يله رسل ماا خلصتي....
رسل..خلصت خلصت...راح انزل.....
...يله خاله امشونه...
رعد..يله في امان اللة...
علي و هدى و سناء..اللة وياكم....
رسل..ركبنه و بطريقنه للنجف...طول الوكت ابجي ماا امصدگه رايحتلهم...
و بنفس الوكت ابجي على فراگي من ابراهيم صارلي سنة مشايفته بس اسمع صوته....ياااا ربي ليش هيج يصير وياي..
3 ساعات تقريباً بالسيارة من بغداد للنجف...احس رجليه خدرت من گعدت السيارة....دخلنه للمگبرة و احس اختنگت حيل طلعت الضيم اللي بگلبي و بچيت....وصلنه و نزلنه للگبور مالتهم...يمه ماا امصدگه شمرت روحي على گبر امي و اني اصرخ و ابجي و خالتي تبجي وياي....أما رعد جاب مي ورد و يذب عالگبور مالتهم....ابچي و اني اعاتبهم و اصرخ...احس صوتي راح گمت ماا احجي بس أأشر بأديه لان ماا اگدر...گوه گوموني خالتي و رعد...لان ماا اگدر اعوفهم اريد ابات هناااا...
رسل..خاله اريد اباااات هنااا..عوفوووني😭
ام ابراهيم..يمه صلي على محمد شنو اتباتين هناا...
رعد..كومي رسل انعلي الشيطان...كافي صوتج راح...
رسل..ماا اگدر ماا اكدر و اللة😭
رعد..اوووو شلون شغله هاي..گومي يمعوده كافي مو زين...
ام ابراهيم..گومي يمه شو گومي..
رسل..گمت گوه عليه ركبنه بالسيارة و ضليت اباوع عليهم من الجامه و اني ماا اشبع بجي....ودعتهم و مشينه....
بيج قصص وروايات منقولة الفارس ..طبگ رعد السيارة بالكراج...و نزلنه مشي للأمام علي (ع)....زرنه و اندعيت لأبراهيم يحفضه اليه و يرجعه اليه بخير و سلامه......تعشينه بالمطعم و رجعنه الساعة ب9 بالليل....احس نفسي ميته تعب....خذيت ملابسنه كلنه و شمرتهن بالغساله....سبحت و شمرت نفسي عالچرباية اشتميت ريحة ابراهيم بالچرباية مالته...ضميت وجهي باللحاف مالتنه بي ريحته اللي ماا ينشبع منهاا...يااا ربي شبعت شوگ من وراك يأبراهيم وينك عني يروحي انت..