رواية اتزوجتك غصب
الفصل السابع عشر
للكاتبة:حوراء الشمري
رسل..لگيت شيء اكله و گعدت اكل عالطاولة بهدوء..چني امسويه جريمه و خايفه يلزموني...ماا احس اله و اكو حركه و خطوات بالمطبخ.....رديت بخوف....
رسل..منوووو هنااااا ؟!!!
.........
رسل بخوف..منو هناااا....شتريد ؟!!
بيج قصص وروايات منقولة الفارس ........
رسل..واگف گدامي بس ماا اشوف أي شيء منه...المطبخ اضلم و ما جاي اشوفه زين.........و اللة العضيم اذا ماا وخرت عني اصيح و الم الناس كلها عليك(من خوفها من ابراهيم بقه هالشيء ابالها و من كل شيء خايفه)
...ررررد منووو انت..شتريد مني..
عادل..اهدي بويه اهدي...لتخافين...
..شغل الضوء...
رسل..لزمت گلبي بخوف و ارتياح من شغل الضوء و عرفته هذا عادل....
...مااا تحجي ماا اتشوفني خايفه..شلون واگف كدامي بهاي الطريقه حتى ماا تحمحمت و لا سويت أي شيء يدل على وجودك...شلون تتدخل بهاي الطريقه...
عادل..احترمي نفسج و احچي عدل لا اگص لسانج...مو بيت الخلفوج هذا...و لا زعطوط و تحچين وياي هيج...احترمي نفسج لا اسوي شيء ماا يعجبج...
رسل..تنهدت و رجعت لويعي...من خوفي ماا ركزت على طريقة كلامي وياه....
ااااسفة و اللة مااا چان قصدي...بس دخولك چان يخوف.....نزلت راسي بالگاع...
عادل..عادي بويه...مرة الثانية اعرفي نفسج شجاي تحجين خوش لو لا...
رسل..و اني امدنگه بخجل...ان شاء اللة
عادل..و بعدين اني طالع لشغلي عندي واجب...نسيت فد غرض و رجعت خذيته...ماكو داعي لهذا الخوف...و انتي همه وجودج هنااا بهالليل ميصير...لا تنسين ولد عمامج و عمامج كلهم هنااا...خوش
رسل..اممم...
عادل..تمام...گولي تمام
رسل..تمام...خليت و مشيت بسرعه لغرفتي...فتحت الباب و دخلت لگيت البنات نايمات...گعدت على جربايتي افكر و اللة فشلة و عيب شراح يگول عليه هسه شلون حچيت وياه بهاي الطريقه و عليت صوتي عليه...يوووو امداني...
....طلعت تلفوني لان ماا جايني نوم....فتحته لگيت اشعار رساله عالانستا و مكتوب منذ 5 ساعات يعني ب11 اجت الرساله.......
دخلت عالانستا و شفت الرساله و الاسم ......
(ما مسموح اكتبه)
...الوو...
...شخبارچ
..مشتاقلچ گد رحمة اللة
...و لو اعرف هيج فراگج صعب چان ماا خليتچ اتروحين وياهم شاهد اللة....
رسل..استغربت...منو هذا و شنو قصده لو خليتج اتروحين وياهم و منين جاب حسابي و الرقم.....؟!!!😕خررب...رديت
رسل..اتفضل خوية...انت منو ؟!!
...ضليت انتضر يرد ماكو...بقت تقريباً 10 دقايق و هو ماا رد....سديت تلفوني نعست و نمت......گعدت ثاني يوم الساعة ب11 يبووووو هاي شلون شغله...البنات ماكو يعني كلها گاعد...خرب...غسلت و بدلت ملابسي و حطيت الشال على راسي و نزلت..........باوعت نسوان عمامي گاعدات يسولفن....
رسل بخجل..صباح الخير
النسوان..هلااا يمه صباح النور..
مرة ابو حسين..شنو يمه شعجب لهسه يله گعدتي گلنه انخليها نايمه يجوز تعبانة...
مرة ابو عادل..خليها على راحتهاا..البيت بيتج يمه...روحي اكليلج لگمه وجهج اصفر.......شنو مريضه ؟!!
رسل..لا عمه....بس دايخه شويه
بيج قصص وروايات منقولة الفارس مرة ابو عادل..هاي الدوخه خاف ماا نايمه زين....روحي يم بنات عمامج بالمطبخ و اكليلج لگمه...
رسل..صار عمه...ركضت للمطبخ...شفت البنات ديطبخن و يسون غداء...صبحت عليهن و گعدت وياهن...يسولفن و اني اسمعهن و اكل....و من خلال كلامي وياهن عرفتهن ب8 الصبح يگعدن من غبشه..صخام حتى صخام😂...و هنه اللي يسوون الريوگ و الغداء و العشاء...و حتى التنضيف كله عليهن...أنما عماتي ملتهيات بالسوالف...طبعاً هذا حچيهن هيچ گللي....مر اليوم طبيعي...قسم من البنات ينضفن و يمسحن و قسم يطبخن و قسم يغسلن الگراج و الطارمه و الحديقه...ضليت صافنه معقوله هاي حياتهن شلون متحملات....شاركتهن التنضيف و السوالف ماخذتنه...لحد ماا صارت ب10 باليل.....البنات كلمن لغرفتها...باوعت لگيتهن راح ينامن...حچيت.....
رسل..هاي شنو راح اتنامن...
يسر..اي ليش😂
رسل..هااا...لا ماكو شيء..
اية..لا و علي اكو شيء..هههه ليش شبيج و اذا راح اننام..
حياة..اممم خاف اتسهرين ولج سوسو...
رسل..هااا..لا ما اسهر بس هيج يعني مجرد سؤال شبيچن عليه...
البنات..اوكي...تغطن بسرعه مدري شنو الموضوع...دقايق و ماكو حركه عرفتهن نامن...لزمت تلفوني اتذكرت ذاك الشخص اللي راسلني....دخلت لگيت رسالتي نفس ماا هيه ماا امجاوب و لا عرفته هذا منو...بقيت اگلب بتلفوني لحد ماا اجتني رساله......
...هاا ولج...نايمه گاعده...
رسل..استغربت و رديت...انت منو و شتريد...؟!!
....هلااا بريحة هلي...شخبارج ولج عوبه...خوما ماا احد غاثچ و امأذيج ب شيء....
رسل..تراا حرگت دمي...اتفضل انت منوو..؟!!
...احجي عدل لا اجيج بهاي الساعه هسه و اسوي اللي ماا يعجبج و ادفنچ بمكانچ....
رسل..استغفر اللة..خويه انت منو شتريد مني..
بيج قصص وروايات منقولة الفارس ..معقولة ماا عرفتي...و دزلها سمايل هيج😉
رسل..لا عيني ما عرفت..انت منو..؟!!
...ابراهيم
رسل بتعجب..شنووو...منين عرفت حسابي و شلون راسلت اصلا...
ابراهيم..شيء ماا يخصچ منين جبت حسابج...المهم...شلونج مرتاحه ؟!!
رسل..معقوله چان تلفوني عنده...جاوبت ب برود.......تمام الحمد اللة
ابراهيم..باجر اجي اخذج....حضري نفسج...
رسل..شنووو...غير اتفقت انت و عمي اسبوع و ارجع...
ابراهيم..اكلي تبن...ماا عدنه كاوليه احنه اسبوع و اترجعين...صارلج 4 ايام...باجر اجي ارجعج...حضري غراضچ بسرعه من الصبح اجي اخذج...
رسل..و اللة العضيم مو بكيفك انت...اني ابقى يم عمامي اسبوع اسبوعين سنه سنتين ماا عليك بيه..
ابراهيم..لو يمي و هيج تحچين چان مديت لسانج و گصيته بالعرض...حضري نفسج باجر و انتي اتعرفين اذا اتعانديني شسوي....
رسل..مااا...اسبوع و ارجع خلص...انتهى الموضوع لا اتضل اتهدد...
ابراهيم..احترگت اعصابه و گوه لازمها......روحي امشي نامي...
رسل..ماا عليك بيه.......انتضرت شويه و ماا رد غلس...سديت التليفون و تمددت عالچربايه و بقيت افكر..هي شنيه شلون هيج يتحكم بيه...و اللة و لا اروح و شيصير خلي يصير...بس خالتي و هدى و علاوي اشتاقيتلهم حيل اوووف شسوي يااا ربي.....نمت من گد التفكير و راسي داخ.....
..گعدت على صوت حياة تنهدني....
حياة..رسسسل....رسل اگعدي
رسل..هممم😴😴
حياة..ولج يالخبله گعدي...ابن خالتچ اجه ياخذج كومي
بيج قصص وروايات منقولة الفارس رسل..گمزت من الخوف..شنوووو...ابن خالتي ؟!!
حياة..خايبه اي و مرض..اجه واحد ضخم شكبره چان واكف هو وياه ولد.... من الشباج شفتهم..
رسل..عرفته ابراهيم..گمت غسلت و لبست شالي انتضرت بالغرفه..........دخلت حياة عليه...
حياة..ولج كومي وجه الطاسه..الولد منتضرينچ و انتي گاعده هناا ماا اتگومين...
رسل..استحيت اگول ماا اريد اروح
و همه مرات احسها مثل العيب اضل هناا هوايه.....يوووو....أاااا حياة ؟!!!
حياة..مم هاا..
رسل..منو الكاعد يمهم..؟!!
حياة..هو بس عمي ابو عادل..
رسل..اهااا...أي و شگال..؟!!
حياة..شمدريني اني..بس طلعت قبل شويه ارش الحديقه و مريت من يم الاستقبال سمعته يگول على راحتها بكيفها...بعد ماا ادري
رسل..اهااا اوكي....عرفت انو عمي ماا ضايج و لا شيء و اني همه نفسيتي شويه تحسنت..طبعاً ماا خذيت أي رقم من البنات و لا شيء لان ماا عدهن تليفونات...عمامهن ماا يقبلون ف راح اشتاقلهن حيل...گمت بدلت ملابسي و يسر اتساعدني بالجنطة و الملابس..كملت كل شيء...نزلت سلمت عليهم كلهم و ودعتهم و حضنت عمي و بچيت...شفت ابراهيم و وياه علي سلمت على ابراهيم ب برود....
و علي چني حيييل مشتاقتله ف من صعدت السيارة و اني وياه انسولف..اباوع لأبراهيم قابض ايده حيل عالستيرن ماا حسيت اله و صاح بينه...
ابراهيم..شگدددد تلغوووون....انت مااا اتسد حلگك لا اشمرك من الجامه هسه..
علي..لا بويه سكتت هاا اهاااا...و گام يضحك😂
رسل..ماا اچذب على نفسي صدك خفت من صوته من صاح بينه سديت حلگي و سكتت..
..وصلنه للبيت و سلمت على خالتي و هدى و سناء و اني ابجي...ابراهيم راح هو و علي للشغل..
..گعدت عالتخم و سناء و هدى راحن يجيبن بناتها شفتهن صغيرونات حيييل بس عليهن خدود يموتن..طحت بيهن بوس...اموت عالأطفال...بهاي اللحضه اتذكرت اخويه فهودي اللة يرحمه و طفرت دمعتي مسحتها و ترحمتلهم كلهم....صعدنه اني و هدى لغرفتنه...بدلت و غسلت و بدينه اني وياها انسفط ملابسي و اسولفلها عن هال4 أيام اللي چنت بيها يم عمامي..................
..مرت3 أيام طبيعيه ماكو شيء...
و باقي على المدرسة بس يومين.....گعدت على صوت هدى...
هدى..رسل...رسل...رسل
بيج قصص وروايات منقولة الفارس رسل و هي نايمه..هااا شنووو
هدى..ولج اگعدي الساعة ب10...
رسل..أي لعد و اذا....
هدى..يحضي باقي عالدوام يومين..شتلبسين بله للسنة الجديدة گواني لو علاليگ😂
رسل..گعدت...هاااا اي صحيح...و خالتي گلتيلها و قبلت لو شنو ؟!!
هدى..يمعوده لو ماا قابله هسه اني هم جاي اگعدچ هسه...طبعاً قبلت يالخبله
و حاچيتها من چنتي يم عمامج و گالت من ترجع رسل اخلي علاوي ياخذنه...
رسل..اهااا اوكي....گمت غسلت و نزلت تريگت و محد بالبيت بس سناء و خالتي و هدى...حاچينه خالتي و گالت هسه اخابر علاوي و فعلاً خابرته و اجانه عالسريع بس.......................
ابراهيم..بالشغل...زياااااد....ووولك زياااااد....
زياد..اجه يركض..شكو شصاير..شبيك هزيت القاعة هز...من احترگ زياد و عشريته😂
ابراهيم..دحچي عدل لا اسحگك بالألة ابو صماخ...امشي روح صيح على علاوي...
زياد..لعد ماا اتصيحه انت بصوتك هذا...😂
ابراهيم..لزم الدمبلص(هاي اللي يلزمونها أو يشيلوها لواعيب الحديد)رفع الأثقال
يريد يشمرها عليه.....
اجه علي..
علي..هااا ابراهيم..
ابراهيم..تلفونك يدگ..
علي..خذه تلفونه...الووو...
.هااا يمه......هلا بيج........اهااا...
و اتريديني اجي هسه....اوكي.....ماشي ماشي....جاي....اللة وياج...
ابراهيم..خوو ماكو شيء..
علي..لا ماكو شيء...بس امي رايده تاخذ البنات تشتريلهم ملابس للدوام و اتريدني اخذهم...
ابراهيم..اهااا...جاي وياك..
علي..يله........راحو بسيارة ابراهيم للبيت و تركو رعد ابمكان ابراهيم..
و هناك بالبيت بدأ الحچي..دخلو سلمو و گعدو....لگو هدى و رسل متحضرات حتى يروحن....
ابراهيم..يمه رسل ماا تاخذينها...
ام ابراهيم..ليش يمه ؟!!
ابراهيم..اريد ابطلها..
الكل..شنووو
ابراهيم..اي ابطلها...نسيتوا راح اعقد عليها لو لا...
ام ابراهيم..يمه و المدرسة شعليها بقسمة البنيه..
ابراهيم..يمه هذا الشيء يرجعلي و ماا دام اني موجود ماا تمشي بكيفها..
رسل بخوف و غضب..لاااااا مووو من حقك مووو بكيفك امشي اني زين لو لا...اريد اكمل دراستي...عندي احلام و طموحات...و هذا الشيء ااااابد مو من حقك تجااااهي...و لاااا راح اقبل اتزوجك انت...نسيت اللي سويته بيه...نسيت تعذيبك و ضربك الي..نسيت انو انت اكببببر منييي بهواااااي...شلون اتريدني اقبل بيك و اتزوجك..شلوووون
ابراهيم اشتعل نار..تقدم عليها و لزمها من ايدهااا..
..طبعاً مووو بكيييفج...غصباااااا على راسچ و راس عمامچ...
بيج قصص وروايات منقولة الفارس علي..ابراهيم استهدي بالرحمن هذا القرار ابد مو من صالحك...نسيت عمامها و ولد عمامها...عبالك راح ينطوكياها بعبايتهاا اكيد لا...يجي واحد من ولد عمامها و ينهى عليها و ماا راح تستفاد شيء...
و هُمه عدهم ابن عمها اولى من الغريب..
و حتى لو انت ابن خالتها يعتبرونك غريب و ينطوها ل واحد من ولدهم نسيت هذا الشيء لو لا...
ابراهيم..لااااا ما نسيت و هذا الشيء امخلي اببالي گبل لا اخذ هذا القرار و حاسب ل كل شيء الف حساب...و اني اعرف عمامها ما ينطونها بس ل ولدهم...علمود هاي السالفه اني راح اعقد عليها و اتصير خطيبتي و حلالي و ساعتها ننطيهم خبر...و اذا حاولوا يعتدون عليه لو امخلين شيء ابالهم تجاهي..ف راح اتصرف وياهم بالقانون و ثاني شيء ماا راح يگدرون لان هي صارت حلالي..و اذا گالوو ليش ماا انطيتونه خبر و احنه اول الناس لازم نعرف...انگللهم سنوية اهلها توها مرت و هذا الشيء مو من صالحنه انو انزوج البنت بهذا الوقت..
ف خليناها سكوت على ماا اتصير القسمه و ساعتها الوادم كلها تدري و فنه اليعترض...
علي..و اللة طلعت مو هين ياا ابراهيم..
ام ابراهيم..يمه و انت واثق من هذا الحچي ؟!!..و اني ماا عندي أي مانع بهذا
الموضوع...اني من زمان امخليه عيني على رسوله بنت اختي و گلت انخليها سكته على ماا تكبر...وين راح الگه احسن من رسل الك يا يمه...
ابراهيم..خلص انتهى الموضوع و انحسم...الأسبوع الجاي الملچه و العقد....تقرب يم رسل همس بأذانها...
..حضري نفسج.......
رسل..طفرت دمعتي من همس بأذني هاي الحچايه ماا گدرت اتحمل بعد بقيت ابچي بصوت عالي على حضي المصخم..