روايةاتزوجتك غصب
الفصل التاسع
بقلم:حوراء الشمري
ام ابراهيم..يممممه صخااام بوجهي يبووووو......
رسل..(بجي)
هدى..ووولج كووومي كوومي عمت عيني...اللة لا ينطيك العافية ابراهيم...أبأي حق تضرررربها انت منووووو.....
سناء..كومي حبيبتي...ليش هيجي ليش
رسل..رادن يكومني يغيرن ملابسي ...بس ما قبلت..(بجي).....لا يمه اني اكوم لا اتعبين نفسج
ام ابراهيم..يمممه شلون اتكدرين..شوفي شصاير بحالج..
رسل..(بجي) لا خالة اني اكدر...روحن لا اتعبن نفسجن
ام ابراهيم و هدى و سناء..على راحتج حبيبتي
رسل..فتحن الباب و طلعن..
..و اني كوه اسحل بنفسي..احس حياتي صارت مرّه من بعد وفاة اهلي و ليهسه و اني بس بجي اربع و عشرين ساعه و هذا النذل اجه زاد كآبتي و حزني..لللللكككك اكرهككك اكررررهك شمسويتلك انييي ...
حقيييير ليييش هيييج ليش هيييج...جنت اصيح هيج و اني اسبح ..احس المي من يوكع عليه مثل الملح على الجرح شااااغت روحي شوووغ كل ماا اتذكر شسوه بيه الخبيث النذل يزيد كرهي اله و حقدي..هاهيه اتخذت قرار انو اروح وي عمامي انتهى الموضوع...
......لبست ملابسي و مشطت شعري و حطيت الشال على راسي و ضليت كاعده عالجربايه شفت الساعة ب6 المغرب...حاولت انو ما انام بس ما كدرت نمت و ما ادري بروحي.....گعدت على صوت خالتي تنهدني.....
ام ابراهيم..يمه رسل كعدي الساعة ب9 بعدج ما متعشيه ....كومي يمه اتعشي ...مو زين عليج
رسل..(بتعب)هممم اي يمه... اباوعلها جايبه صينية عشة وياها...
ام ابراهيم..يله يمه مو زين اتضلين بلا اكل..اكليلج لگمه
رسل..اي...طبعا كوه اجر الحجايه من حلگي جر...
ماا اكدر احجي احس نفسي راح الحيل مني..اول مره احد يضربني بحياااتي....كعدت اباوع لروحي بالمرايه..شلون عيوني مووووورمه من البجي حته وجهي احممممر..ماا اوصف شكلي بذيج اللحضة شلون صاير..غسلت وجهي و كعدت يم خالتي و بديت اكل بس لگمتين و كمت....
ام ابراهيم..وين يمه عشاويش هذا...ما كلتي شيء
رسل..مالي نفس يمه ..ما اشتهي..
ام ابراهيم..لخاطري يمه تعاي كملي عشاج
رسل..خاله و اللة ما اكدر...ماا اشتهي حيل(اجر الحجايه جر)
ام ابراهيم..على راحتج يمه..كامت و خذت الصينيه وياها و نزلت....
رسل..طلعت و اني احس الخوف متملكني ماا اعرف منين خايفه ..
.كرهت كل شيء بحياتي و كرهت ابراهيم ويا...و حته كرهت نفسي..رجعت ابجي و اني احس بدوخة وره ساعات ...باوعت للساعة ب11 گضيته بس كاعده بالغرفه و هدى تجي اتشوفني تحجي وياي شويه و تطلع..عود اتخليني براحتي ارتاح......فجأة سمعت صوت رعد يصيح..............
ابراهيم......
جنت كاعد بالصاله ببيت حسام صديقي....هوه وحده عايش بالبيت اخته متزوجه و عايشة بأربيل و اخوه الثاني هم متزوج و عازل بيت وحده بالناصرية...و ابو و امه متوفين من زمان......هو هم يشتغل ويانه بالقاعة..بيته كلش حلو و مرتب بس على گده
حسام..اجه و لازم گلاص المي بيده...سولفلي يله..احجي شصاير وياك....
ابراهيم..حجيتله السالفه كلها من يوم اللي دخلت بي للبيت و لحد هسه بالتفصيل الممل....
حسام..و انت بأي حق تضربها و اتمد ايدك عليها...
هسه هيج صارت الامانه اللي اهلها انطوكمياه و صووكم عليها انو اديرون بالكم عليها و اتصونونها لحد ما يرجعون اهلها اللة يرحمهم....
هييييج اتعذبها و اتكره روحك عدهاا...
اكيييد هسه كارهتك و ما اتطيق اتشوف وجهك...لك بااابا مو اتكول احبها هيج صار اليحب هسه مو....
...اليحب ينطي روحه و عمره لليحبه حته يسعده و ماا يعز عليه شي و يحسسه انو هو اغلى شي بحياته و مستحيل يستغنى عنه...و انت حضرتك جايبها دگ للبنيه و اللة شنو احبها......شو اسكت لا اجفص ابطنك اسكت......
هلوو اعرفكم على نفسي...
...اني حسام صديق ابراهيم و رعد و علي...عمري 27 سنة...اسمر و طويل ...اني و ابراهيم و رعد و صديقنه زياد نفس الاجسام لان كلنه نشتغل بالقاعه.......و اعتقد ماا يحتاج اگلكم ليش عايش وحدي لان ابراهيم هو كللكم...نرجع للقصة...
ابراهيم..يااااخي لسااانها ...لسانها عم عليها.... و لو اتخلي نفسك ابمكاني جان تذبحها
حسام..عليمن اذبحها بويه مسويه جريمة سوالف امكسرة لو اتخابرلها واحد بنص الليل...
...الصوج بيك انت عصبي و اعصابك هيه اللي امخربتك على أي شي و ضارب البنت...عذبتهاا تدري بروحك لو لا......
ابراهيم..دسكت لا اطفي الجگارة براسك....
حسام..ابراهيم انت اتحبها ديربالك عليها اكسبها خليها اتحبك مو اتعذبها و اتخليها اتكرهك...
ابراهيم..اوووف يااا ربي...استغفر اللة
بقينه نحجي ساعة انگلب بتلفوناتنه ساعة انسولف...باوعت الساعة ب11 و خمسه.....دگ تلفوني..
..هاي امي....
ابراهيم..الووو
ام ابراهيم..الوو يمه وين رحت بهالليل...
ابراهيم..يم صاحبي يمه...
ام ابراهيم..ليش هيج يمه سويت بالبنيه..هاي تربيتي 30 سنة هيج اتجازيني و اتخون الامانه...
ابراهيم..يمه لحد يدخل بيني و بينها مالكم شغل بيها اني اعرف شلون اربيها....بهاي اللحضة حسام عاف تلفونه و گابلني و بقه يسمع.....
ام ابراهيم..و اني هيج علمتك اتحافظ عالأمانه و اتوصنها
...ليش البنيه جسمها ازرك و ما ترضه اتحط لگمه بحلكها و اربع و عشرين ساعة عيونها مورمه و ميته من البجي..ليييش هيييج يممه ليييش...
ابراهيم..من سمعت بيها ما تاكل و هيج و هيج گلبي نغزني.....جاوبتها
....هاي عيارة مال نسوان...ما بيها شيء..
لا اتخليني اجي هسه اشك حلگها...
ام ابراهيم..شلـ.....قاطعها رعد و اخذ التلفون من عدها......لللكككك ابراااهيم شنو اخاااابرك و ماااا اتررد عليه
...لك انت بأي حق تضرب البنيه هييييج و تكتلها هاااا...ليش هيج مسوي بيهاا...انت ما تگربها حته تضربها هيج و اتزورگهاا....
ابراهيم..اكل خـ... لك(بصياح) لا اتصير جبير براسي اني اعرف شلون اتصرف محد اله شغل
رعد..للللك يتييييمه يتيييمه بأي حق تضربها انت...اهلها هيج وصووك كالولك هيج عامل الامانه مالتنه...حسااافه ي ابراهيم اي و اللة حسافه بيك
ابراهيم..احتررررم نفسك لاااااا اجييييك ازورك عينك...
رعد..شبـ.....قاطعه علي
علي..انطيني التلفون..
رعد..لك وخر من يمي ترا واصله لگصتي....شو وخر....
علي..انععععل الشيطاااان و انطيني التلفون لا اسوي جريمه...
رعد..بسرعه لك...انطاه التلفون....
علي..ابراهيم اذا اتضل بهذا تعاملك و تعذبيك و ضربك الهاا..اني بنفسي و بأيدي لعمامها اوديهاا...خوش لو لا
....عمي و القران الكريم اسويهاا ما عندددي ماااانع تعرف بيه امسودن و كلشي اسوي...
ابراهيم..اذااااااا انت ابنننن ابوووووك سويهااااا...اله اخليك تمشي على اركبك.......
علي..لععععد شكوووو باقيه يمك...اذا انت اربع و عشرين ساعه جايبها دك...لك تقبل احد هيج يسوي بهدى.....لييييش هيييج ليش....حيوووااان عندك هيه ..و اتعذبهاا و تضربها شوووكت ماا تريييد...
ابراهيم...للللللك علييييييي واللة العضيـ......اخذ التلفون حسام..
حسام..الوو..هاا علاوي شلونك
علي..هلا حسام..هاااا هوه يمك موو...
حسام..اي يمي...شوف علي ابدال هذا صياحكم و تهديدكم واحد للثاني نكعد و نتفاهم بالهداوه ..هسه هذا تعامل اخوه بله چنكم عدوان واحد يهدد بالثاني..
..ابدال هذا كله نكعد نتفاهم و نعرف شلون نتصرف من يجون عمامها ..
..خليهاا ابالك ترا باقي 4 ايام على جيتهم و هاي گعدة عمام يعني مو هينه و هلّا هلّا...و اني بنفسي باجر جايب ابراهيم و جايكم..نكعد و نتفاهم شراح نسوي......
علي..ماشي هاهيه..هلا بيك بأي وكت...
حسام..اللة يسلمك ضلع....يله مع السلامه...
علي..اللة وياك خوي..
..........سد التلفون و اجه اليوم الثاني...
..الساعة ب12 الضهر
هدى..دخلت للغرفة....
..انتي ماا ناويه اتنزلين ويانه تاكلين اتخلين لگمه بحلگج...لج حرام عليج باعي لوجهج شلون اصفر...كافي رسل...
رسل..هدى عوفيني مرتاحه ماا مشتهيه اكل...
هدى..اوووف ياا رسل...اجيت كعدت يمها....رسل حبيبتي و اللة العضيم كلنه نعرف اللي سواه بيج ابراهيم مو هين و ما ينسكت عنه بس بالأخير انتو ثنينكم غلطانين...انتي مديتي لسانج عليه و هاي اول مره احد هيج يحجي ويه ابراهيم...و هوه الثاني هم غلطان من مد ايده عليج و هيج سوه بيج...انعلي الشيطان حبيبتي و نزلي ويانه...هسه بعد شويه راح يجي ابراهيم و جماعته وياه و رعد و علي كلهم يكعدون بالاستقبال ...
يشوفون شراح يسوون بسالفة عمامج اللي ما تنحل هاي........يله كومي
رسل..بيني و بين نفسي..و علي اله اطلع من هذا البيت و اخليه ما يشوف گصتي بعد...خوفي منه جاي يزيد اكثر و اكثر و مستحيل ابقى بعد...
هدى..الووووو شبيج صاافنه رسل..
رسل..هاا ...لا ماكو شيء...فدوه هدى عوفيني و اللة مرتاحه هيج ماا اكدر اكوم ....و هسه كوه اجر الحجايه وياج جر و اللة العضيم...
هدى..اووووف رررسل...على راحتج حبيبتي...بس خلي ابالج اذا بقيتي هيج لا اكل و لا شرب بوجهج للمستشفى..عيشي عالمغذيات اربع و عشرين ساعه...
نزلت
....جبتلها برتقالة گوووه كلتها و لا قبلت ..اكلت بس نص بالكوه اخيلهن بحلگها... و النص الثاني اني اكلته..
....بعد ربع ساعه يمكن نزلت جوه بالطرمه عود اريد اغسلها رفعت دشداشتي شويه...و جان اشوف واحد صارت عيوني بعيونه.........
الساعة ب12 و نص دگ الباب...
علي..منووو
حسام..اني
علي..اجيت اجيت...فتح الباب ...هلا بخويي..تباوسو (شايفين بوس الزلم شلون يصير عبالك عدهم عركه يطگون اجتافهم واحد بالثاني مدري شلون😂😂😂)
زياد..جااا و اني نسيتوني شني...
علي..هههه لا الغالي انت طايح الحض
زياد..لا يالقندرة😂
حسام..يله بسرعه تباوسو و لا اتصيرون جهال و زعاطيط تزاعلون شكباركم هوايش...لا اتخلوني اتفل عليكم هسه...😂(يقصد علي و ابراهيم)
ابراهيم و علي..ههههه😂😂😂تباوسو و تحاضنو...
ابراهيم..لا اتعيدها بعد لا اكفخك
علي..خايب ما تنجب احسلك...ياهو اللي صايرة عيونه بگصته اربع و عشرين ساعه و حلگه راح ينشك من الصياح و العصبيه.....
حسام..هااااا بدينه ...دخلو ليجوه لا انتحر بيكم اثنينكم...دخلنه للأستقبال اني اخر واحد دخلت گبل لا ادخل صارت عيني بعين ملاك نازل بالگاع و رافعه الدشاشة و طالعه رجليها ...استغفرررر اللللة...دخلت بسرعه للأستقبال.....
هدى..باوعلي هيج و يا ريته ما باوع بعيونه حولهن على رجليه جان گمزت و نزلت الدشاشة ..شفته دخل للأستقبال و اني متت من الخوف طلع رعد من باب الصاله......(طبعا هوه يعرف انو اللي اجه ابراهيم و حسام و زياد)
رعد..لللللج شسووووويين هنااااااا
هدى..و اللة جاي اغسل بالطرمه ....
رعد..ادخلييي جوووه بسررررعه لا انهيج....
هدى..اي اي...مسحت وجهي و اني اركض ليجوه صعدت لغرفتي ..كعدت يم رسل
رعد..دخلت للأستقبال...السلام عليكم....
حسام..حجه وياه نفس الحجي اللي كاله ويه علي...و همه تباوسو و تحاضنو ( ابراهيم و رعد )...و واحد سامح الثاني و بدينه نحجي و نتفاهم ساعات...................
ابراهيم و حسام.......تمااااام
الكل..تماام...هذا خوش حجي.