رواية اتزوجتك غصب
الفصل السابع والعشرون
للكاتبة:حوراء الشمري
رسل..وره ساعات من الضحك و السوالف و احنه بالصالة ماا نسمع اله صوت زلم دخلو للأستقبال و ابراهيم يرحب بيهم..........يمكن اجوي ؟!!
سناء..اي هُمه
ام ابراهيم..گومن يمه حاضرن الكيك و العصير لا يجي ابراهيم يصيح علينه...
رسل و سناء..صار
هدى..اني رايحه اناملي شويه و علي جايه تعبانه من الدوام...
ام ابراهيم..على راحتچ يمه روحي ارتاحي...
........
بالأستقبال...
ابراهيم..اهلاً و سهلاً بيكم حياكم اللة
حسام و ابو ياسر و سلام..هلا بيك..
ابراهيم..شلونك عضيدي..
حسام..الحمد اللة على اللة...انت شلونك ؟!!
ابراهيم..دومك يالضلع...اني تمام الحمد اللة
حسام..دومك ان شاء اللة...خويه اني جايك اليوم و جايب اخوي الچبير سلام و عمي ابو ياسر الحاچيلك عنه هواي...
ابراهيم..الف هلا بيكم..اتشرفت
سلام و ابو ياسر..النه الشرف..
ابراهيم..شلونكم يابه ان شاء اللة بخير..
سلام و ابو ياسر..الحمد اللة بخير
ابراهيم..دومكم ياا رب....اخذو راحتكم اني دقايق و راجع..
حسام و سلام و ابو ياسر..اخذ راحتك
ابراهيم..دخل للمطبخ..
رسل..هلوو حبيبي..اللة يساعدك
ابراهيم..هلا يعمري..
رسل..حضنته..خير ابراهيم خو ماكو شيء..
ابراهيم..ماكو شيء ان شاء اللة...انطيني العصير عالسريع فشله اتأخر عالجماعة..
رسل..ماشي حبيبي..هاك.....اخذها و طلع
سناء..ياا ترى منو ذوله..؟!!
رسل..علمي علمج😂..
سناء..هههههه شگد خبله..خلي اروح للبنات تركتهن فوك يلعبن لا يتكافشن...
رسل..هههه ماشي😂
...........
ابراهيم..گعد..اتفضلوا...
حسام و سلام و ابو ياسر..تسلم..
ابراهيم..اتفضل عمي احجي..
ابو ياسر..بويه احنه اليوم جايين من الباب نطلب ايد بنتكم المحروسة لصديقك و عضيدك حسام و انت بعد ماا يحتاج تسأل عنه هو اخيك من زمان و تعرف شنوه بالضبط و اني اليوم متعنيك من البصرة و وياي ابن اخوي سلام...جايين نطلبها منكم..و لو تعرف شگد چان مُصر انو اني و اخوه الچبير نخطبله اخت صديقه...و كله ثقة انو انت ماا اترده ان شاء اللة...و بعد الكم القرار بوية...
ابراهيم..صفن..خير ان شاء اللة بيها صالح ياا خويه...انت مو بس صديقي و عضيدي...انت خويي الماا جابته امي و شاهد اللة احسبك نفس رعد و علي...
و معزتك بمعزتهم...و حتى ماا يحتاج اسئل عليك هالگد...اللي يعرف صديقه من زمان شنو طينته و شنو نيته بالضبط ماا يحتاج حتى لو سؤال واحد يسئل عليه..و حتى تقصير ماا شفت منك فد يوم و حتى مرات الشغل كله يصير على راسك و هيج زلمة عنده مسؤؤلية و شايل الدنيا فوك راسه وين الگه مثله لخيتي...اني مني انطيكياها بعبايتها من هاي اللحضة...بس القرار الهاا بالأخير ياا حسام...
حسام و سلام..اي اكيد
ابو ياسر..اللة يفرحك بالخبر الزين و التستاهله ياا وليدي ماا قصرت...فرّحت شخص چان محتاج للفرحة من وفاة اهله اللة يرحمهم..
ابراهيم..عمي لعد شعندي غير حسام اني....هو واحد وين الگه مثله...
حسام..فدوه اروحلك عضيدي..
ابراهيم..ابتسمله....من رخصتكم
حسام و سلام و ابو ياسر..انت ماا ترخص...
ابراهيم..دخل للمطبخ....يمممه...يوووم
ام ابراهيم..اجت..هاا يمه خير ان شاء اللة خو ماكو شيء..
ابراهيم..ماكو شيء ان شاء اللة...صديقي جاي متعني يخطب هدى مني...اني انطيته قرار و گتله اموافق...
و قرار هدى ماا يهمني...هذا صديقي و ماا ارده...
ام ابراهيم..يمه بيها صالح..بس شلون قرارها ما يهمك..هاي حياتها ياا يمه ليش هيج ؟!!..
ابراهيم..يمه صديقي حسام ماا ارده..ماكو هيج حچي
ام ابراهيم..ياااا يمه...هذا خوش ولد..بس القرار الها ياا بعد امك لا اتزعلني من عندك...
ابراهيم..لخاطرج راح انطيها خبر بس ماا اخذ قرارهاا...
ام ابراهيم..لا يمه ماا يصير هيج..بالأخير هذا مستقبلها و راح اتعيش حياتها كلها وياه..
ابراهيم..يمه اني ادرى بمصلحتها...هي بعدها صغيره ماا تفتهم بحياتها و مستقبلها شنو..حسام نادراً ماا تلگين شخص مثله اني امعاشره سنين و منين و اعرفه شنوه....
هددددى...هدددى
رسل..هاا ابراهيم..هدى نايمه فوك شتريد منهاا...
ابراهيم..روحي گعديها بسرعة...
رسل..ليش خير شصاير..؟!!
ابراهيم..بعدين نحجي روحي صيحيها عالسريع..
رسل..ماشي...صعدت....هدددى...هددى اگعددددي
هدى..بنعاس...هاااا
رسل..شنوه هااا...اگعدي عالسريع ابراهيم يريدج اتنزلين يريد يحاچيج...
هدى..شنوه خير شيريد مني..
رسل..شمدريني هسه اني..انزلي و هسه نعرف شنو الموضوع...
هدى..ماشي..
رسل..نزلنه اني وياها و بدأ الحجي....
هدى..هاا خويه خير ان شاء اللة خو ماكو شيء..
ابراهيم..ماكو شيء..اكو ناس جايين يخطبونج...رأييج ابد ماا يهمني لأن ناس ماا اردهم و اني گتلچ علمود يصير عندج علم بالموضوع لا اكثر...
هدى..بأندهاش و تعجب ( دمعت عيني بهاي اللحضة و فكرت ب حسام و أنو مستحيل اعوفه و أتزوج غيره لا لا مستحيل اتزوج غيرك حسام لا )
..شنووووو لا لا مستحيل ابراهيم ليش هيج...
ابراهيم..گتلج ناس ماا اگدر اردهم افتهمتي لو اعيد..
هدى..بس اني شمسويتلك و هيج اتعاقبني😭😭شمسويه اني
ابراهيم..يمه وعيها على مصلحتهاا اني رايح للناس انطيهم كلمة...
رسل..عوفها على راحتها ابراهيم..رأييها مهم شلون اتسوي هيج...گللهم البنيه ماا اموافقه و اتريد اتكمل دراستها...
ابراهيم..رسسسسل...خليج على صفحة😡.......رايح للوادم اني
هدى..لااااا ابراهيم اللة يخليك لا اتسوي هيح وياي...زين و دراستي شلون اريد اكمل دراستي بعد وكت عالزواج...ليش اتريد اتزوجني غصب و بدون ماا تاخذ رأيي😭
ابراهيم..عادي اتكملين دراستج شنو يعني..اني اعرفه ماا عنده مانع اتكملين دراسة اكيد راح يقبل و ماكو أي مانع...
هدى..بس اني مااااا ارييييد اتزوووج😭 لاااا فدوووه
ابراهيم..صدگيني لمصلحتج هدى..باجر تتشكرين من عندي و اتگولين ماا قصرت من لگيتلي احسن الزلم و أشرفهم........تأخرت عالوادم ( عافهم و طلع )
هدى..ماااااا اريييييد ابرااااهيم تعاااال😭ماما اللة يخليج احچيلج أي كلمة ليش تبقين ساكته😭
ام ابراهيم..يمه اني حچايتي نفس حجاية اخوج..هو ادرى بمصلحتج ياا بعد امج و احنه الولد انعرفه خوش زلمة و ماكو منه....وين تلگين مثله ياا بعد روحي
هدى..يممممه اني وين احچي و انتِ وين تحجين...جاي اكلج ماا ارييييد اتزوووج ماا اريييد😭😭
رسل..ياا عمري انتِ كافي شنو السالفه....تعاي نصعد فوك امشي
هدى..اللة يخليج رسل حاچي ابراهيم و كليله لا يوافق...گليله يترااااجع😭
رسل..و اللة احاجيه و اللة...بس اصعدي امشي
هدى..😭😭😭
رسل..صعدنه فوك و قفلت باب الغرفة و كعدتهاا...
هدى..رسل اوعديني اتخلينه يتراجع اوعديني😭
رسل..و اللة العضيم اخليه يتراجع يعمري بس انطيني مسألة وقت لا اكثر فدوه اروحلج اني...
هدى..😭و اللة مااا اگدر اعوفه مااااا اگدر و اللة
رسل..بصدمة..منووووه ؟!!
هدى..ماا ادري و اللة ماا ادري
رسل..احجي هدى شبيج..منوه هذا الما اتگدرين اتعوفينه...؟!!
هدى..ولج و اللة احبه مستحييييل اعوووفه مستحيييل😭
رسل..گليلي منووووو ؟!!
هدى..حساااام حسام😭😭😭😭
رسل..بصدمة و اندهاش..معقولة ؟!!
هدى..اي و اللة العضيم ياا رسل احبه و لا يروح بالج بعيد حبي اله نضيف و اللة ماكو بيناتنه لا تواصل و لا شيء...مجرد نضره وحده من عنده وگعت گلبي بمكانه و ضليت افكر بيه...و تاليها بلحضة وحده يجيني ابراهيم و يزوجني لواحد غييييره😭
رسل..زين و هو يحبج گليلي ؟!!
هدى..من نضراته اليه متأكده و ميه بالميه انو يحبني مثل ماا اني احبه...
رسل..بچيت وياها...يعمري و اللة احاچيه صدگيني..
هدى..اي علييييج اللللللة😭
رسل..انصدمت بعد ماا دريت انو هدى اتحب حسام ماا چنت اعرف بهالشيء ابد و لا دايرتله بال...گوه قنعتها تغسل وجهها و اتنام اتكمل نومتها لان اول ماا اجت امبين عليها حيل تعبانه...بالأخير ماا گدرت اتنام بس گضتها بواچي و حاطه ايديها على وجهها....ماا گدرت اتحمل اشوف اخيتي و حبيبتي تبجي و مقهورة و اني ماا بأيدي اسوي شيء...نزلت جوه اكمل شغلي.....
جايين نغسل بالطارمه اني و سناء....فجأه حچت هي...........
سناء..زين هسه معقولة ابراهيم يعيد الغلطة مرة ثانية..؟!!
رسل..درت وجهي عليها...شنو قصدج ؟!!
سناء..يعمري رسل لا اتفهميني غلط بس تتذكرين من ابراهيم شلون جان يحبج و عاشگج و واتزوجج غصباً عنج و حارب حتى عمامج في سبيل اتكونين من نصيبه بس مقابل هذا كله چنتي انتِ ماا اتحبينه و لا تدرين عنه بالعكس چنتي اتكرهينه و كلنه ندري بهالشيء هذا...بس بعد سنين طويلة من العذاب و القهر و الفراگ بان حبج لأبراهيم و حالياً انتو احلى ثنين و اللة العضيم..بس هدى شلون يقبل يزوجها غصب للمره الثانية و هي اصلاً لا شايفته و لا اتعرفه منوه هو...و بعدين وين اكو واحد يزوج اخته أو بنته غصب هالوكت ؟!!!
رسل..يروحي انتِ...و اللة ماا اعرف صدگيني حيل متشتته...شلون يسوي هيج وياها...ان شاء اللة راح احاجي و كون اللة يهديه و يسمع مني...
سناء..ان شاء اللة...ح اروح اسگي الحديقة اني..ديربالج لا اتزلگين خاف حامل😉
رسل..ياااااا ولج سنااء...هاي سوالف رعد طبعاً طلع عينج..
سناء..اي شبيها ياا عمري و اذا حامل شنو ماا اتفرحين..ترا هالأيام اشوفج تستفرغين هواي و وجهج اصفر و اللة اليستر😉😂
رسل..شمدريني هسه اني..و بعدين اني استفرغ من لعبان النفس لا اكثر😂
سناء..اي لعد الحمل شنوه لعبان تبن اكيد لعبان نفس..
رسل..مدري..
سناء..و جدري..يله خلي اروح😂
رسل..ولي ولج لا اتضحكيني و خيتي تبجي و علي من مساعه و اني افكر بيها..
سناء..لا ان شاء اللة دموعها تتحول كلها لأدموع فرح
رسل..اللة يسمع منج.....
طبعاً نضفنه البيت و سوينه عشاء و غسلنه المواعين و كملنه كل شيء و گعدنه بالصالة انباوع عالتلفزيون و سناء امنومه وحده من بناتها بحضنها و الثانية بأيد ابراهيم يلعب وياها و هو يشرب چاي و يبعده عنها لا تحترك...اباوعلهم و اضحك...رعد و علي طالعين وي جماعتهم برا..
و خالتي ويانه گاعده تتفرج...
گاعده اباوع و مندمجه ويه الفلم لحد ماا وگعت عيني بعين ابراهيم يأشرلي اصعد و هو ينطي ملاك لأمها....صعد گدامي
رسل..يله من رخصتج ماما..من رخصتج سناء تصبحون على خير..
ام ابراهيم و سناء..و انتِ من اهله
رسل..صعدت فوك فتحت الباب لگيته گاعد على طرف الچربايه و يگلب بالتلفون...باوعلي ذب التلفون و فتحلي ايديه...
ابراهيم..فتحتلها ايديه....هلا....تعاي
رسل..تقدمت عليه گعدت على رجليه و حضنته بأيديه...
ابراهيم..شميت شعرها...مشتاقلج
رسل..و اني اكثر يعمري..هالأيام هواي بالشغل تبقى و ماا اشوفك بس بالليل..شكو شصاير ؟!!
ابراهيم..يروحي انتِ بعد هو شغل شلون اعوفه و اجي للبيت...
رسل..ابراهيم ممكن سؤال ؟!!
ابراهيم..جواب يعمري..
رسل..ليش هيج سويت وي هدى..خطيه بيش قصرت وياك هي و هيج اتعاقبهاا...
ابراهيم..رسل مالج شغل انتِ اطلعي منها😡
رسل..و ليش عصبت يعني..احجيلي گلي ليش هيج سويت وياها...هي رافضه هذا الشيء ليش تغصبها مثل ماا سويت وياي قبل سنين...
ابراهيم..اني ادرى بمصلحتها و اعرف شنو الزين الها...و هذا صديقي اعرفه زين من سنين و منه ماكو..شلون ارده و اگله ماا عدنه بنات للزواج...
رسل..بتعجب..صديقك ؟!!
ابراهيم..اي
رسل..لعد مو اتگول جايين ناس يخطبوها ليش ماا گلت صديقي جاي يخطبها..
ابراهيم..لا
رسل..زين منوه ؟!!
ابراهيم..حسام
رسل..بصدمة...گمزت من حضنه و كمت اضحك..صددددددددك...
ابراهيم..هاي شنو😡شبيج شنو هالخفه هاي
رسل..لاحضت نفسي..هااا..لا ماكو شيء بس اگول يعني حسام خوش ولد ليش حتى اترفضه هدى
ابراهيم..امم😡
رسل..احم اسفة
ابراهيم..على شنو ؟!!...طفي الضوه اريد انام تعبان اليوم...
رسل..شنو...لا ماا اطفي الضوه شنو اتريد اتنام بعد وكت الساعة ب11...
ابراهيم..يابه تعباااان اتعرفين شنو يعني تعبان...
رسل..اي تعبك راحة عيني برهومي..بس ماا اتعوفني و اتنام...
ابراهيم..درت وجهي عنها و تمددت...طفي الضوه كافي لغوه😡
رسل..اهاا اني صرت لغوه موو ؟!!...اوكي اخذ راحتك رايحه يم هدى اني..
ابراهيم..و هو داير وجها..اذا فتحتي باب الغرفة رجليج ابترهن الج😡
رسل..هيه شنيه هييييه...رحت يمه نمت عالصفحة الثانية و درت وجهي عنه...يووووو ماا اريد انام شنيييه..
ابراهيم..هاي عليمن اليوو
رسل..مو وياك و اللة
ابراهيم..جريتها صرت فوگاها و لزمتها من ايديها...اني شكم مره گايللج ماا اريد اسمع اليووو هااااااي😡😡😡
بيج قصص وروايات منقولة الفارس
رسل..دمعت عيني..و اللة بعد ماا اعيدها و اللة
ابراهيم..تقربت عليهاا عضيتها من رگبتها حيل..
رسل..شاغت روحي من سوه هيج..بكل قوته جراني بين سنونه..حچيت ب وجع.....ووووخر ابراااهيم
ابراهيم..وخرت عنها...هاي اذا عدتيها مره ثانيه هيج اسوي بيج و اقوة بعد..
رسل..لزمت رگبتي و هيه تحرگني..ماا تنعاد بعد و اللة😭...
ابراهيم..عفية...يله نامي و لا حرف اسمع
رسل..نمت و اني ابجي حچيت وياه...انت ماا اتحبني...متغير عليه مو مثل قبل...رجعت ابراهيم القاسي العصبي ليش هيج اتسوي وياي أذيتني ليش😭..
ابراهيم..چانت تحجي و تشهگ و دايره وجهها عني...جريتها من ضهرها لحضني و سألتها..اني ماا احبج ؟!!!
رسل..اي و اللة ماا اتحبني..متغير عليه ليش رجعت نفس قبل بس گلي شسويتلك اني😭
ابراهيم..همستلها...اموووت بهوااااج...شلون ماا احبج گليلي ؟!!
رسل..ماا...و اللة انت اتجذب عليه😭
ابراهيم..هاا...اجذب عليج ؟!!
رسل..اي😭
ابراهيم..و كلشي سويته علمود احصل عليج هذا كله يدل انو اني ماا احبج ؟؟!!!...عمامج اللي رفعت صوتي عليهم بالديوان و هُمه اكبر مني و المفروض احترمهم...و من غصبتج عالزواج من عندي بدون رضاج....
و صبري كل هاي السنين من العذاب و الوجع علمود تعترفين بحبج الي...هذا كله اني ماا احبج ؟؟!!
رسل..😭😭😭
ابراهيم..يعمري انتِ...دوري وجهج عليه...
رسل..درت وجهي عليه و اني ابجي وووووو
ابراهيم..تقربت عليهاا بستها من شفايفها ب رقّه...نزلت على رگبتها جريتها بسوني و على صدرها انطبعت بوسات ابراهيم العاشگها.....بكل مكان ماا خليته يعتب عليه يدل انو رسل ملكي للأبد...جردتها من ملابسها ووووووو
بيج قصص وروايات منقولة الفارس
رسل..و لأول مره ابادله البوسات....
تخبل عليه و صار قاسي شويه...مجرد درة فعل من عندي تحول لقسوة من عنده.....و هالمره ماا حسيت بوجع الأ قليل بس چان حنين عليه و ماا أذاني مو مثل أي مرّه...هالمره غير........
نمت و اني بحضنه......
گعدت الساعة ب11 الضهر....
يبوووو هم متأخره..كله صوج ابراهيم خلانه لل4 الفجر گاعدين😂....
شفته ماهوه اكيد بالشغل...گمت سبحت و بدلت دشداشة امخصره و حصر شويه بس زينه..حطيت مكياج قليل و نزلت......
شفت سناء و خالتي گاعدات بالصالة و البنات بالگاع........
رسل..صباح الخير..
ام ابراهيم و سناء..صباح النور..هلا
رسل..ماما ليش اتخلوني نايمه ليهسه غير اتكعدوني...ميصير هيج..
سناء..هو غير ابراهيم امخلي اسلاك شائكة عليج😉...ميقبل احد يگعدج....
ام ابراهيم..ههههه اي و اللة يمه هو ماا يقبل يگول عوفوها نايمه..
رسل..هههه لا ماما مالج علاقه بي...گعدوني مناا و غاد ماشي😂
سناء..جاي اگللها ابراهيم ماا يقبل شبيج انتِ شاربه شيء😂
رسل..عادي گعديني معليج😂....
اتذكرت هدى...ماما هدى راحت للكلية اليوم ؟!!
ام ابراهيم و سناء..لا
رسل..شنو....لعد وينها ؟!!
ام ابراهيم..يمه كتلتنه بالبواجي لا تقبل تنزل و لا تقبل اتخلي لگمه بحلگهاا...
سناء..و حتى علي شگد حاول وياها انو تفتح الباب ماا تقبل...
رسل..راح اروحلها اني..
ام ابراهيم..ماشي يمه اللة و أيدج...
رسل..لتخافين ماما هي تسمع مني....صعدت و اتذكرت انو لازم اگللها عالخبر الحلوو بس بغير طريقة....
دگيت الباب...يعمري هدى كافي بواجي شنو السالفه..
هدى..وخروووو عنييييي لحد يحااااجيني😭😭😭😭
رسل..يعمري اني خيتج ماا اتفتحيلي الباب ؟!!...
هدى..رسل اللة يخليج عوفيني بحالي..عوووفوني😭
رسل..افتحي الباب اگللللللج😡
هدى..تبجي و فتحت الباب و هي گوه تمشي..
رسل..باعي انتِ غصباً عليج لازم تتزوجين
هدى..شنو ؟!!😭
رسل..مثل ماا سمعتي...كافي مليت من عندج نايمه على گلبي...اتزوجي و فكيني من عندج اللة يفكج...
هدى..بصدمة..شنو...معقولة انتِ رسل هيج تحجين...؟!!
رسل..اي لعد شنو اشايفتني كدامج...تتزوجين غصباً عليج
هدى..لا لا مستحيل هاي مو انتِ...ماا توقعتج هيج
رسل..سديت الباب...انتييييي هييي لا اتضلين اتسويلنه فلم هندي ماا اقبل اكل و لا افتح الباب..تنجبين و اتنزلين جوه مثل الاوادم و غصباً عليج اتسمعين كلمة اخوج و تتزوجين
هدى..معقولة..لا لا ماا اصدگ
رسل..وووووولج هددددى
هدى..شبيج ؟!!😭
رسل..يعممممممري انتِ
هدى..شنوووو ؟!!
رسل..و اللة ماا راح اكدر امثل اكثر..انتِ روحي من الدنيا...لج كله چذب اشاقه وياج
هدى..و اللة عرفتح تتشاقين وياااي😭..
رسل..ولج هدددددى تدرين منو راح تتزوجين ؟!!...
هدى..شعليه بيه مااااا اريييييده😭
رسل..لج بس اسمعيني..اتعرفينه منوه لو لا..
بيج قصص وروايات منقولة الفارس
هدى..ماااا عليه مااا ارييييد اعرفه منوه حتى..
رسل..لچ ابن گلبج التحبينه شلون ما اتريدين اتعرفينه...
هدى..بصدمة و فتحت عيونها على حيلهن..شنووووو ( سكتت و رجعت حچت )...اتقصدين حسااااااام ؟!!😭😭
رسل..اييييي اي ولج و اللة العضيم..اگعدي خلي اسولفلج....گعدتها و حجيتلها كل الحچي اللي صار بيني و بين ابراهيم البارحه...
هدى..ب فرح....معقولة..لاااااا لا ماا اصدگ.....لاااا😭
رسل..اي يعمري صدگي صدگي...راح تتزوجين التحبينه...طلع حبه الج طاهر و اجاج من الباب...اللة يخليكم ان شاء اللة يروحي انتِ...
هدى..فرحتي گلبي اللة يفرح گلبج يروووحي😭لج و اللة ماا امصدگه...لو اتعرفين حبي اله بگد الدنيا و اكثثثثر
...اللة يفرح گلبج و ان شاء اللة انشوف جهالج انتِ و ابراهيم تارسين البيت..
رسل..جريت حسره...اااه اللة يسمع منج...(طبعاً بهاي اللحضة رسل ضاجت من سمعت كلمة جهال لأن صارلها 3 اشهر كلشي ماكو و خايفه لا يكون بيها شيء)
هدى..بدموع فرح..لج ماا امصدگه رسل ماا امصدگه...اريد اطلع بره و اهلهل و اللة...اگول للناس احببببببه ياا ناس احبببه...
رسل..تبجي وياها...يعمري انتِ...
طبعاً ضلينه نحجي بصوت خافت لا احد يسمعنه و هماتين گلت ل هدى تبقى طبيعية و ماا اتبين علامات الفرح لا يشكون ب شيء......مشه اليوم روتين طبيعي ماا صار أي شيء.........
الساعة ب9 بالليل...
كلنه متجمعين بالصالة...
ابراهيم..و هو يشرب چاي...هدى وين ؟!!
رسل..نايمه
ابراهيم..شوكت نامت ؟!!
رسل..قبل شويه...لان اشتغلت ويانه اليوم و عدها تحاضير باجر...ف درست و تعبت لحد ماا غفت...
ابراهيم..هاا...ماشي....دار وجهها علينه و حچه....اتفقت وياهم عالمقدم و المؤخر و راح يكون 10 ب15
رعد..اي و ماا عدهم أي اعتراض..
بيج قصص وروايات منقولة الفارس
ام ابراهيم..خير يمه ان شاء اللة...بس اهم شيء اتگله مو وكتها الزواج...انطيها مجال خلي تفتهم...اليوم شفناها متغيره شويه...خلي شوي شوي تتغير و تستوعب اللي هي بيه...
رسل..اي صحيح ماما..
رعد..بالضبط..هذا اهم شيء...نتفق وياه على هالشيء بعدين...بس اهم شيء هي راضيه
رسل..گمزت..هاا..اي اي اكيد هي راضيه..اني حاجيتها و هي اقتنعت...
رعد..تمام..خوش حچي...يوم الخميس نتجمع احنه و الجماعة و نتفق على كل شيء...
ابراهيم..ان شاء اللة...و الخميس الجاي العقد...
الكل..تمام..
علي..گومي صبيلي چاي ام عطوب😂
رسل..اني الك بسيطة..انطيني الكلاص..و لا تشبع😂
الكل..ههههههه
ابراهيم..تعال انت شو اتصخر بمرتي ...هاج رسل...صبيلي اني همه😂
رسل..يااااا انت النوب و لا تشبع...بعد رعد انت هم اتريد ؟!!😂
سناء..لا خيتي مالج علاقة اني اصبله و اشبع بطنه😂
الكل..😂😂😂
ابراهيم..لك رعد...اثنينهن بحضنك انطيني وحده خلي اعضها😂(يقصد على بنات رعد)
رعد..دمشي ولي...وجهك يطرد النعمه..بناتي يخافن منك😂
ابراهيم..عليه ولك ؟!!...لا يا طايح الحض
علي..اي و اللة صدك مو صوچك😂
ابراهيم..انت شعليك..اسكت لا اشلع سنونك...ماا جتك عجوز مره چبيره..تقلع سنونها ؟!!..
رسل و سناء..ايييييع😂
رسل..شنو هاي ابراهيم كافي تونه متعشين😂
بيج قصص وروايات منقولة الفارس
ابراهيم..سدي اذاناتج😂
سناء..خاف حامل ولج و تلعب نفسج
رسل..انتِ و اللة كتلتيني شو گومي من يمي لازگه بيه😂
سناء..مو صوچج..
علي..اتكافشن الچناين😂
ابراهيم..عوفهن يتعاركن خلي انباوع..
رعد..اي و اللة...اسكت ولك😂
علي..يمه حاچي چناينچ اجتهن الحالة و ولدج ربيهم من جديد😂
ابراهيم و رعد..لا ياا ادبسز
ام ابراهيم..(اتسبح بالسبحة و حچت) خايبين الللللللة و لحد...خليني اذكر اللة...
الكل..ههههههه😂😂😂
رسل..وره ساعات من الضحك و الونسه فگدت هدى خطيه نايمه فوك و ماا امصدگه الفرحه نامت و هي تبجي من الفرح...شويه شويه گمنه انقل و كلمن يروح لغرفته..حتى علي اشوفه يراسل بالتلفون و يضحك و افكر شوكت اتصير الفرحة فرحتين و اللة يهدي عمامي ينطونه سارة..بس شوكت يفاتح الموضوع لأبراهيم ؟!!!......
ابراهيم..رسسسسل
رسل..هااا ها وياي
ابراهيم..لعد ويامن..وين صافنه ؟!!
رسل..هاا لا ماكو شيء بس شويه دايخه..
ابراهيم..اخذج للطبيب باجر
رسل..لا ماكو شيء و اللة دوخه طبيعية و راحت..
ابراهيم..خوش..تعاي اخذي الگلاص
رسل..گمت خذيت الگلاص منه...همسلي
ابراهيم..ودي الگلاص عالسريع و صعدي گدامي..عندي موضوع وياج
رسل..همستله..لاا ابراهيم..خليني گاعده هناا
ابراهيم..اششش لا اتعاندين...بسرعة راح اصعد...اصعدي گدامي😡و اذا تأخرتي دقيقه وحده اعرف شلون اجيبج
رسل..اوكي ماشي ماشي...بس وخر ايدك وجعتني
ابراهيم..يله عالسريع..