رواية تزوجتك غصب
الفصل الاخير
بقلم حوراء الشمري
ابراهيم..اششش ناامي و اسكتي
رسل..يله نمت هاا ااهاا😂..
ابراهيم..رسولتي حبيبي ؟!
رسل..اممم عيونهاا
رسل..اممم عيونهاا
ابراهيم..فديتهن اني...اريد احجي وياج بشغلة
رسل..اي احچي...خوو ماكو شي برهومي
ابراهيم..لا حبيبي ماكو شيء
رسل..لعد يلة احچي
ابراهيم..بيت أهلج اللة يرحمهم اجو علية شراية و مصممين يشتروة بأعلى سعرر ممكن تطلبينه منهم لأن هاوين البيت و عاجبهم...
رسل..صفنت بينهاا و بين نفسهاا و الدمعة بعينهاا..
ابراهيم..رسل ؟!!
رسل..مستمرة بالصفنة...
ابراهيم..حبيبي عليمن صافنة.........رسسسسل ؟!!
رسل..تنهدت و حسيت على نفسي..
هاا حبيبي
ابراهيم..يروحي شنوو رأيچ بالموضوع بالأخير البيت بيتج و انتِ اللي اتقررين..
رسل..امممم...انت شوفتهم أياه ؟!!
ابراهيم..اي يروحي
رسل..زين مفتاح البيت من شوكت عندك ؟!!
ابراهيم..أول ماا حولنه أملاك و ورث ابوج و البيت كله بأسمچ..بوكتهاا جبت كل شيء يخص البيت من مفاتيح و أوراق و شغلات مهمة ماا لازم تبقى بالبيت متروكة...من زماان عندي
رسل..اهااا ااممم...و زين هُمه مصممين عالبيت كلش ؟!
ابراهيم..ام حلك غير گتلج اي شبيج انثولتي ؟!!
رسل..لا ماا بية شيء...بس
ابراهيم..بس شنوو يعمري
رسل..ماا اعرف شنوو اقرر...ابيع البيت ؟!! ....شتگول انت اني رأيي من رأيك بس ماا أكدر ابيعة
ابراهيم..و ليش ماا تگدرين...شنو اليمنع ؟!!
رسل..ابراهيم بيت أهلي هذا..طفولتي كلها عشتها بيه من حزن و فرح بكلشيء عشت بهذا البيت و ذكرياتي كلهاا بيه..شلون اتريدني ابيعة..
ابراهيم..يعمري اللي يريحج سوية..شنوو اللي اتشوفينه مناسب الج ؟!!...
اني عن نفسي اشوف انو انبيع البيت أحسن..شعنده باقي لعد اذا غيرنه راح يستفادون منه..
رسل..امممم..انت هيج اتشوف ؟!!
ابراهيم..أكيد
رسل..زين ماا حاچوك عالسعرر ؟!!
ابراهيم..70 مليون أقل شيء...ماا يگدرون بعد اكثر من هذا السعر..
رسل..صراحة و اللة العضيم ياا ابراهيم ماا اتهمني ورقة وحدة..بس اذا انت هيج اتشوف القرار انو انبيعة...امممم و اللة ماا ادري ماا ادري
ابراهيم..شبيج يروحي...تردينه لااا اتبيعينه يعمري ماا مجبورة..باجر انطيهم خبرر البيت ماا ينباع...بس صدگيني الأفضل الج انوو اتبيعية..لأن ماا مستفادين منه شيء و صارله هوااي متروك..بشنوو تردينه..؟!!
رسل..مااا ادري ابراهيم و اللة...بيت أهلي ماا أكدر ابيعة صدگني
ابراهيم..يله نفرض مثلاً ماا بعناه للوادم..يبقى البيت هيج متروك لا أحد يدخلله و لا أحد يشوفه...بشنوو تستفادين منه ؟!!
رسل..ماا ادري أحس اكو شيء يربطني بيه ماا يخليني انطيه لناس غُربة و أهلي چانوو عايشين بيه...
ابراهيم..بكيفج يروحي فكري زين و انطيني رد حتى اخابرهم باچر و انطيهم خبر
رسل..ااممم ماشي
ابراهيم..يممة هااي عليمن اتبرطمين ولج ؟!!
رسل..مدري ضايجة..
ابراهيم..جريتهاا لحضني و گعدتها على رجلية..منووو امزعل حبيبي گليلي وينة اروح امحية من گاع اللة
رسل..هههه شبيك ماا تتفاهم..ماكو شيء بس هيج ضايجة..
ابراهيم..لعد أگلج خبرر يونسچ شوية..زين و ذكرتّيني..
رسل..ههه شنووة گول
ابراهيم..علي اجاني رايدني اخطبلة...تدرين ياهية الرايدهاا ؟!!
رسل..صفنت بيني و بين نفسي معقولة حچه وي ابراهيم بالموضوع..تحمست أكثر و جاوبته..اي منووو احچي
ابراهيم..وحدة من طينتچ
رسل..حچيت بيني و بين نفسي..هاهية أكيد سارة لعد منية اكو غيرهاا..جاوبتة..منيه اللي من طينتي ؟!!
ابراهيم..بنت عمج اسمهاا ساارة
رسل..من فرحتي گمزت من حضن ابراهيم و اني اضحك..ماا امصدگة بعد طول هالمدة و السنين فكر انو يخطب و ماا اتضل علاقتهم هيج بالسرر و محد يدري بيهم..حچيت و اني فرحانة...
صدددك سااارة ؟؟!
ابراهيم..اي...و بعدين تعااي و بطلي هالخفّة البيج ام حلك..ارجعي لحضني يلةةة
رسل..اجيت اجيت😂
ابراهيم..رايد اخطبهاا اله بسرعة..من شوكت شافهاا و من شوكت يريد يخطبهاا ؟!!
رسل..شمدريني هسه أهم شيء علاوي راح يتزوج ههههه
ابراهيم..شگلتي😡 ؟!!
رسل..گلبت ملامحي و خفت منه..أهم شيء علاوي راح يتزوج
ابراهيم..علااااااووووي ؟!!😡
رسل..ااأاا اامم..علي علي و اللة من گد الفرحة ماا حسيت على نفسي
ابراهيم..مرة الثانية اشوفهاا تنعااد اله اخلي الغرفة هااي تشهد بعذابچ...
رسل..هسه و أذا گلت علاوي موو هذا اسمة لو لااا
ابراهيم..لااااا...هذا دلع😡
رسل..ااهاااا...يغااااار حبيبي😂
ابراهيم..اششش لج
رسل..يممة فدووة لليغااار..(لزمته من وجهاا من خدودة بالذات و هي تلعب بغمازاته)...يمممة فددوة لبرهوومي..شنوو ذني الغمازات هاا..
ابراهيم..نزلي ايدج لا اكتلج
رسل..نزلتها مو صوچك صوچي اني ادلعك و اتغزل بيك...
ابراهيم..اي صوچج
رسل..ماااااشي و اللة اله اغير الموضوع...گلي شوكت راح تخطب لعلااااوي أاا قصدي علي...؟!!
ابراهيم..ههههه بااچر
رسل..صدك...يعني من زمان امقررين ؟!!
ابراهيم..اي الولد هاويهاا
رسل..ههههه
ابراهيم..فدووة للضحكة اني..تعااي رجعي لحضني يلة..و اذاا چفصتي مرة ثانية اشمرج عالچرباية ازرفهاا بيج...
رسل..لاااا ماا اريد حضنك شبعت منه
ابراهيم..هااا..من حضني شبعتي ؟؟
رسل..اييي
ابراهيم..دگومي من يمي لا اسطرچ براجدي اطير عينچ..گومي
رسل..دمعت عيني و گمت توني اريد افتح البااب سمعته....
ابراهيم..ويييين ؟؟!
رسل..يم خااالتي انت شعليك
ابراهيم..تعااي
رسل..ماا اريد
ابراهيم..تعااااااي اگلللللچ😡
رسل..خفت منه و اجيتة...هااا يلة شتريد
ابراهيم..فرچيلي ضهري تعباان
رسل..صاار..
فرچتله ضهره و اني الدمعة بعيني اريد اطلع بره ابچي ماا يخليني اطلع..فجأة سحبني من ايديه و نومني يمة و خله ايدة عليه..
ابراهيم..ضجتي ؟!!
رسل..لاااا..أصلاً ماا بيه شيء
ابراهيم..اتضوجيني حيل اذا تبقين اتچفصين..اعرفي الكلمة التحچينهاا و حسبيلهاا حساب يله تحچيهاا...شلون اتدلعين اخوي گدامي..؟!!
رسل..ترا و اللة ماا بيهاا شيء
ابراهيم..لااا بيهاا و نص...لااا اتعيدينهاا بعد افتهمتي لو لااا
رسل..افتهمت
ابراهيم..عفية..خليت ايدي على بطنهاا و حچيت..ديري بالج علية خوش..(يقصد الطفل)
رسل..ابتسمت..اممم اگيد لعد شعندي غيرة..
ابراهيم..عفية بمريتي المعدلة..يلة ناامي بسرعةة باچر اتگعدين من وكت تتلگين ساارة بنت عمج جايبيهاا و جايين
رسل..ههههه چذب شبسرعة😂
ابراهيم..هههه لا ان شاء اللة بحيل اللة يقبلون و ماا يرفضون علي..حيل رايدهاا و امخلي عينه عليهاا من زماان
رسل..صفنت و حچيت..اللة يسمع منك ياا رب هيچ و يقبلون سارة چنتنه اتصير..اويييلي حتى نتگابل اني وياهاا اتنسيني فراگ هدى عني😂
ابراهيم..اي خبلة مو بأيدج هذا الهامّچ..
رسل..ههههه اي...اگلك ابراهيم حبيبي
ابراهيم..گولي ياا روح حبيبچ ؟!!
رسل..اذا صارت القسمة و صدگ قبلوو بـ علي ياخذ سارة..خلوو الخطبة بعد شهرر هيجي شيء..
ابراهيم..ليش ؟!!
رسل..لأن ماا يصير ينخطب علي و اخته ماا موجودة..و هدى ماا باقيلهاا شهرر و ترجع ماا بقى شيء...خلوهاا بعد شهرر
ابراهيم..ههههه هسه د خلي اتصير القسمة و اللة كريم شتحچين احچي ماا ارفض طلب منچ..
رسل..اامم يممة فدووة
ابراهيم..المن ؟!
رسل..الك
ابراهيم..تعااي تعااي............
...........................
رسل..گعدت الصبح الساعة بألـ10..بدلت و نزلت..و بدينه نشتغل و انسوي أكل..
و هالمرة أول مرة اسوي كليچة بأيدي(للمشاهدين العرب..الكليچة حلاوة عراقية💚😂)...سويتهاا بأيدي بمناسبة أنو علي فكر زين و اجه ابباله انو يخطب بعد كل هاي المُدّة و حيل فرحاااانة علمودة...
سناء ساعدتني بيهاا بشغلات بسيطة..جايين انسولف و انسوي اكل و حلويات فجأة دخل علينة علي...
علي..السلام عليكم بوية
رسل و سناء..هههه و عليكم السلام
علي..صبلّي غداء ولچن راح افطس من الجوع..تركت العيادة يم صديقي اتغدة و ارجعلة عالسريع..
رسل..يححح😂...من عيوني هسه انصبلك ابوو كفشة..بااع كفشته سنااء شلون طايرة😂
سناء..ههههههه
علي..دنچبي غير من الدراجة لا اتخليني احطچ بالمجمدة و اقفلهاا عليچ..
رسل..دمشي امشي بدّل و كمل خلي انصبلك😂
علي..عليمن ابدّل..صبلّي زقنبوت اتسمم و ارجع للعيادة..
رسل..إن شاء اللة😂..يلة سنااء انصب زقنبوت أااأا قصدي غداء..
علي..هسه اگوملچ و اللة..ام لسان صبّي و انچبي😂
رسل..من عيوني و من خشمي😂...صبيناله أكل و رجعنه للصالة..
كمّل غداه و شلت المواعين عن الطاولة و اني اغسل بيهن و هو گاعد عالكرسي يلعب بتلفونه...حچيت.....أااأ علاوي
علي..اشتعل..هاا ولج
رسل..ابراهيم گلي اتريد تخطب بنت عمييييي سااااارة😂....صدك هالحچيييي ؟!!
علي..ههههه اي صدك
رسل..صلاوات من فكرت تخطب..صارلكم 3 سنين سوة و امگضينهاا هيج..
علي..اي و اللة...مليت حيل من التعب و القهرر كل يوم...
يوم عن يوم اگول هسه اروح اخطبهاا و افتك من هذا العذاب...
و هم مااكو نفس الحچي اعيده لحد ماا صارت 3 سنين و اني ماا وفيت بوعدي الهاا...
و بقيت هيج لحد ماا وفقني رب العالمين و صرت طبيب أسنان و ماا شاء اللة معروف و عندي شهاادة..الحمد اللة ماا ناقصني شيء..گلت هذا هو الوقت المناسب حتى افتك من طيحاان الحض..😂
رسل..ههههه اي و اللة العضيم هذا احسن قرار اتخذته الك و الهاا...
و هي ترا همه متعذبة ويااك..جايبلهاا تليفون بالسرر و الف ياا علي تلگه مكاان تحجي بيه وياك و محد يدري بيهاا..
و هُمه بيتهم چبير و ولد عمامي اربع و عشرين ساعة ياا طابين ياا طالعين و يلگفوهاا و يكتلوهاا...ساعتهاا وين تنطي وجهك يا ابو كفشة..😂
علي..انطيه لأبوي😂
رسل..عزاااا ولك گول اللة يرحمة
علي..هسه اللة يرحمة املحگ علية اني حتى اترحملة😂؟!!
رسل..هههههه كاافي ولك ابو كفشة حراام ميصير
علي..دنجبي لااا اسحلچ هناا هسه ام الگمل..اتعلمني هي ؟!!
رسل..علساس كفشتك الماا بيهاا گمل..تلگه حتى صخول عايشة بيهاا😂
علي..انجبي لج..اتغارين ام الوصخ ماا عندج هيج كفشة..
رسل..منين اغار من عيونك العُمص ؟!!😂
علي..هههههه خرب يومج اي و اللة..
..يلة راح اروح تأخرت..خوو ماا محتاجة شيء ؟!
رسل..هههه لا سلامتك وصيت ابراهيم يجيبلي چبس وياه😂
علي..ههههه اشبعي چبس اربع و عشرين ساعة اتگرطين..ابنچ راح يطلع گراط حجار من وره الليز التاكلينة..
رسل..دسكت يلة ابو راس لا تحجي على ابني لا اگصگص كفشتك و تاليهاا المگرودة سارة تطفر من اتشوف چهرتك..
علي..دنچبي هو اني گوة سحلتهاا هالنوب اتطفرينهاا مني😂...
..ههههه يلة رايح في أمان اللة
رسل..هههه اللة وياك..
طبعاً بدينه بالتنضيف و الشغل و اني ماا شادة على نفسي...شوية شوية حتى خالتي كلساع اتگعد بيه ماا اتخليني اگوم و اني اعاندهاا و اگوم اشتغل ماا اعرف اگعد و اشوف غيري يشتغل..
اجو ابراهيم و رعد من الشغل و هم صبينالهم غداء و كملنه كل شيء...
مشة اليوم طبيعي ماكو شيء لحد ماا صارت الساعة ب4 العصر و ابراهيم و رعد ماا رجعوو للشغل ياخذون استراحة و يرجعون....
گاعدين بالصالة فجأة حچه ابراهيم....
ابراهيم..اسمعوني كلكم اريد احچي وياكم بشغلة..
الكل..خير ان شاء اللة ؟!!
ابراهيم..علي قبل فترة اجاني و رادني اخطبله...
ام ابراهيم..ياااا يمة...صلاوااات..لعد غير يحچي غير يگول..ليش ضام علية
ابراهيم..يمة چان مجرد حچي بيني و بينه...بس اليوم رايحين نخطبله اني و رعد...
ام ابراهيم..ياا يمة شني السالفة غير اتگولولي منية هي...حتى اني اروح اشوفهاا و اخطبها اله..
ابراهيم..يمة ماا يحتاج اتشوفينهاا..انتِ شايفتهاا
ام ابراهيم..ياا يمة شنوو قصدك ؟!!
ابراهيم..سارة بنت عم رسل...
ام ابراهيم..بتعجب..ياااااا...
يممة هااي خوش ابنية دامهاا من طينة وحدة هي و رسل..البنيه حبابة و خلوقة..
رسل..اي خالة و اللة حتى من تحجي تحجي بأدب..(ادري بيهاا ام لسانين بس خلي تخلص هاي السالفة و يتزوجون و افتك منهم😂...بس هي صراحة صدگ حبابة و مؤدبة..)
ام ابراهيم..اي ياا بعد امچ ادري بيهاا...شوكت يمة رايحين اتخطبون ان شاء اللة ؟!!
ابراهيم و رعد..بعد شوية بالليل
ام ابراهيم..خوش يمة إن شاء اللة ماا اترجعون و إديكم خالية ياا بعد امكم..اللة يتمم على خير ان شاء اللة
ابراهيم و رعد..ان شاء اللة
رعد..ايييي اجه اليوم اللي اشوف بيه ابوو راس امعرس و بقاط العرس😂
ابراهيم..اي حتى افجّر الزفة مالتهم بصاروخين..يطلع شلون عرس...اوييلي
رعد..غير يستقر الضاابط
ابراهيم..بلحيتك هااي چنك مُفتي دگوم من يمي لا ادفرك...تأخرنة..
رعد..هوو راح اخففهاا من يعرّس هذا😂
الكل..😂😂😂
ابراهيم..اي ديلة امشي
رعد..هههه يلة
ابراهيم و رعد..في أمان اللة
ام ابراهيم و رسل و سناء..اللة ويااكم
رسل..طبعاً راحوو لشغلهم و مر اليوم نفس الروتين الا أن تعشينه و كملنه و گُبل ابراهيم و رعد و علي بدلوو و زياد صديقهم هم راح وياهم لبيت عماامي...واكفة عالمراية يم ابراهيم و هو يلبس سترته....اممم برهوومي
ابراهيم..يروحي..
رسل..كااافي اترتب بنفسك..عليك اللة لا تطلع امرتب زاايد..كاافي يلة لا اتمشط روح بكفشتك هيج..وخرت المشط عنه و ضميته ورة ضهري...
ابراهيم..ههههه و بلة اذا شاافو چهرتي هيج چني امعيدي هم يقبلون ب علي نسيب الهم...دنطيني المشط ولج
رسل..مااا..ماا اريد..لا تطلع حلوو
ابراهيم..ههههه يمة يمة..لج و اللة بس الج اني..منية التاخذني منچ..ابراهيم كله الچ انتِ..
رسل..اي لاااا تطلع حلوو لا يباوعون عليك و اني ماا اريد أي وحدة اتباوع عليك نفس ماا صار بعرس هدى و احترگ دمي..
ابراهيم..تقربت الهاا و خليت ايديه ورة ضهرهاا..بستهاا بخدهاا و اخذت المشط من عدها
رسل..لااا ترا هذا غش هيه شنية ابرااهييم
ابراهيم..ترا و الكعبة ماا اروح اخطب ل علي و أكعد هناا يمج..اريد اشوفه شلون يتزوج بنت عمج بعد..
رسل..هاا..لااا لا و اللة اشاقة وياك روح روح
ابراهيم..ههههه ادري بيج ماا تمشين اله هيج..يلة حبيبي رايح محتاجة شيء مناا منا ؟!!
رسل..اممم لااا سلامتك..
ابراهيم..انطيني بوسة خلي اروح
رسل..امممم لااا
ابراهيم..تنچبين و اتبوسيني حبيبي غصباً عليج..يلة
رسل..ههههه😂...تقربت اله و بسته بخدة..يلةة روووح تأخرت
ابراهيم..لوو ماا عندي طلعة و شغلة مهمة چاان اسوي بيچ فلم على هاي البوسة..
رسل..اي همزين😂دروووح يلةة تأخرتووو😂
ابراهيم..اني الج خوش..يلة رايح
رسل..ههههه اللة ويااك حبيبي
ابراهيم..طبعاً رحنه اني و رعد و علي و ويانة زيااد..وصلنة لبيت عمام رسل..
و دخلنه و گعدنه بالأستقبال و ضيفونة و اجو عمام رسل اتلاثتهم و گعدوو گبالنه و هُمه يحچون...
ابو عادل..بوية هلااا بيكم زارتنة البركة بجيتكم..صارلكم هواي ماا امشرفينة...
ابراهيم..اعذرنة عمي كل شخص و الة ضروفة
ابو حسين..هلااا بيكم بوية بأي وكت تجون البيت بيتكم...
ابراهيم و رعد و علي..تسلم عمي
ابو عادل..اتفضلوو بوية خير إن شاء اللة..
ابراهيم..ماكو الا الخير ان شاء اللة..عمي احنه جاييلكم من الباب خطابة نطلب ايد بنتكم المحروسة لأخوي علي و إن شاء اللة ماا اترجعونة و ايديه فارغة و هو رايدهاا بالحلال و شاريهاا و جاي من الباب يخطبهاا منكم بشرع اللة و رسولة..
ابو عادل..خير ان شاء اللة بوية..بس ياهيه من عدهم الرايدهاا اخيّك ؟!!
علي..عمي سارة بنت أبو ضياء..البنية رايدهاا بالحلال من زماان..گلت اكوّن نفسي و يصير عندي مسؤولية و اجي اتقدملهاا...لحد ماا وفقني رب العالمين و حالياً اني طبيب أسنان و عندي شهادة گلت ليش التأخير..اجي اخطبهاا احسن ماا اتصير لغيري و إن شاء اللة ماا إتردّوني عمي...بنتكم بعيوني اخليهاا اذا انطيتونياها بالحلال..
ابو عادل..اللة يوفقك بوية ان شاء اللة..ماا شاء اللة ماا بيك كل عيب..اني عمهاا و رأيي من رأي ابوها
ابو ضياء..بوية ماا شاء اللة عليك رجال و عندك مسؤولية و زلمة امعدل ماا الگه احسن منه لبنيتي..بس مثل ماا اتعرفون الرأي لازم يكون الهاا..و احنه ماا نغصب بناتنا على شيء و الهن رأييهن..
ابراهيم+رعد+زياد+علي..اي اكيد عمي
ابو حسين..بوية يوم يومين و انردلكم الخبرر إن شاء اللة..و هم رأي وُلد عمامها مريود
ابراهيم و رعد..إن شاء اللة عمي..
ابراهيم..يلة عمي احنه نترخص و إن شاء اللة بيهاا كل الخير..
ابو عادل+ابو حسين+ابو ضياء..إن شاء اللة ابني..
(طبعاً رجعوو للبيت كلهم و هُمه متفائلين بكلام أهلها..رأييهم ب علي ماا ممكن يستبعدون أنو يرفضونة..چانوو گاعدين بالصالة و حچوو كل الكلام اللي دار بينهم و بين أهلها و أنو يومين و يردولهم خبرر..كملوو حچيهم لحد ماا صارت بألـ10 بالليل و كلمن صعد لغرفتة...)
رسل..و هي تنزع بسترة ابراهيم..حبيبي معقولة يوافقون عماامي..هيج و نفرح ب علي..يبووووو
ابراهيم..ان شاء اللة حبيبي..رأي ابوها و عمهاا نفس الشيء...ماا اعتقد يرفضون علي..يومين ان شاء اللة و انروحلهم و انشوف شنوو ردهم
رسل..اممم ان شاء اللة
ابراهيم..حطيت ايدي على بطنهاا و حچيت..هاا شلونه اليوم ؟!
رسل..ياا شلونة كل شيء ماكو..بعدنه بأول الشهر..د خلي اتصير 5 أشهر و ساعتهاا اشوف العذاب من دفراته..
ابراهيم..ههههه....جيبيلي ابنية اتشبهچ ماا اريد ولد ترا..
رسل..و اني اريد ولد يشبهك ماا اريد ابنية😂
ابراهيم..ههههه الثنين نعمة من اللة يروحي..يلة طفي الضوه و تعااي خلي اننام حيل تعبان اليوم..
رسل..اممم تعبك راحة يعمري...طفيت الضوة و نمت بحضنه...
...گعدت الساعة ب11 اليوم...نفس الروتين و شوية متفائلين ب علي انوو يتزوج سارة.......
(...تسريع الأحداث...بعد مرور يومين...)
ابراهيم..لك علييييي...هسه راح اگوم اسحلك من كفشتك و الكعبة..
رعد..لك يللللة تأخرنةة ووولك
علي..عمي اجيييينه هااا اااهاا..اي غير اشسور هاي الكفشة ماخذتلهاا صفحة😂
ابراهيم..دمشي امشي لا احرگهاا الك اله اطفّر البنية من عندك..
رعد..ولكم يلة تأخرنة عالجمااعة
ابراهيم و علي..يلة
ابراهيم و رعد و علي..يلة في أمان اللة
الكل..اللة ويااكم
رسل..طبعاً راحوو الوُلد لعماامي حتى ينطونهم خبرر...نضفنة البيت و رتبناه و احنه كلنه أمل انوو يقبلون بيه...
گعدنه بالصالة انسولف...
ام ابراهيم..يمة هيج و يقبلون ب علي..شناقصة الولد منية الترفضة...
رسل..لا خالة اتفائلي ان شاء اللة اتشوفينه عريس گدامج و اتشوفين جهاله هماتين..
ام ابراهيم..اللة يسمع من حلگچ ياا بعد أمچ...شنوو ماا ودلّي ساارة اتصير چنتي وياجن انتِ و سناء..شنوو اريد من الدنياا بعد..
رسل..فدوة اروحلج خالة..اللة لا يحرمنة منج
سناء..يعمري عمة اللة يخليج النا...
ام ابراهيم..و يخليچن و يحفضچن الية و لرجولتچن ياا بعد روحي...اگلجن يمة؟!!
رسل و سناء..گولي خالة..
ام ابراهيم..خوو ماا امقصرين ولدي وياچن..گوللي اذا وحدة ضايجة لو ناقصهاا شيء..اني احاچيهم
رسل..لا خالة شنو السالفة ماكو شيء
سناء..لا عمة ماا امقصرين و الحمد اللة امدللينه و ماا يخلونه انعوز شيء..
ام ابراهيم..خوش يمة الحمد اللة و الشكر..
رسل..بقينه نص ساعةة انسولف و ماا حسينه بالوقت..دقايق و احنه نسمع باب البيت ينفتح و السيارة تدخل للبيت..دخلوو ابراهيم و رعد و علي و هُمه يتمضحكون...گمنه على حيلنه و احنه منتضرين منهم جواب..
ام ابراهيم..هاا يمة بشرواا ؟!!
رسل و سناء..شنوو شصار وياكم ؟!!
ابراهيم..الحمد اللة قبلوو و البنية قبلت..المهرر اتفقنه عليه 10 ب 15 و الخطوبة الشهر الجااي..
علي..كللللووووووووووش😂😂
رعد..لا يااا طايح الحض😂
ام ابراهيم..يمممة الف الحمد اللة و الشكر...تقربت يم علي و باسته و هو باس راسهاا...يمة فدوة اروحلك..اجه اليوم اللي اشوفك بيه عريس وي اخوانك و افرح بيك و بجهالك ياا بعد أمك...يمة د هلهلن و اللة ماا اعرف اهلهل اني
سناء..من عيوني عمةة😂...كلللللللللووووووووش..(طبعاً بهاي اللحضة رسل گالت..سناء سطرتنه سطر بهلهولتهاا و متنه من الضحك😂)
ام ابراهيم..هههه يلة يمة رسل هلهلي انتِ همه
رسل..لا خالة ماا اعرف اني😂
ام ابراهيم..يلة يمة لخااطري خلي اسمعج اتهلهلين و فرحانة بعد كل هاي سنين الحزن..
رسل..و اللة ماا اعرف خالة..لو اعرف چان هلهلت
علي..اني اعلمچ شلون😂
ابراهيم..انجب لا اطيح حضك..شني واگف گوا** اني هناا
علي..غير انعلم مرتك شلون اتهلهل...اكو مرة ماا تعرف اتهلهل😂
ابراهيم..اي مريتي ماا تعرف..خليهاا هيج احسن
رعد..غير يگعد المتدين
ابراهيم..اسكت عني انت ولك لا ابلع بناتك ترا ميت من الجوع...صبولنه خلي ناكل...
رسل و سناء..هههه مااشي😂
رسل..صبينة عشاء و كملنه..گلتلهم اني ماا مشتهية و صعدت لغرفتي...توني داا اريد اناام و احط راسي عالمخدة سمعت صوت التليفون يدگ...هدى..فتحت الخط
رسل..الوووو
هدى..الووااات...ولج بذات ليش ماا اتخابرين لا اتسألين..امداج اي و اللة شلونج ؟!
رسل..يعمممري و اللة العضيم ملتهية بالبيت و الشغل...شلونج شخباارج ؟!!
هدى..تمام الحمد اللة يعمري..انتِ شلونچ البيبي شلونة ؟!!
رسل..يعمري الحمد اللة بخير....
ووللج يمعووودة سمعيييي البشااااارة الجديدة...توني اريد اخابرج و علي بس نسيت و ردت انام و دگيتي عليه انتِ..
هدى..خير ولج اطربيني شنوو من خبر بلة ؟!!
رسل..وووولج هدددى ووولج علييي خطبببب😂😂😂💃💃
هدى..گمزت..يااااااح...علييييييج العباااااس ؟!!
رسل..لچ و اللة العضييييييم و اليوم ردولنه خبرر انو موافقين...تدرييييين منيةة سعيدة الحض ؟؟!!
هدى..منيييية منية ؟!!
رسل..لج سااارة بنت عمي أبو ضياء
هدى..صددددك تحچيييين ؟!!
رسل..ههههه لج و اللة شبيج..
هدى..اوييلي يااا ربي...معقولة ساارة ؟!!...البنية حبابة و حلوة و روحهاا حلوة...شمعنة اختارهاا من بين بنات عمامج كلهم ؟!!
رسل..اسولفلج السالفة من بدايتهاا لنهايتهاا......(و سولفتلهاا عن حُب علي و سارة ال3 سنين الراحن)
هدى..عزاااااا...معقولة كل هذا الحچي و چنتي ضامة عليه رسل ؟!!
رسل..يعمري و اللة چنت اعتبرهاا سالفة عاادية و بسيطة و ماا يسوة اسولف بيها..خليتهاا سكتة گلت لحد ماا اللة يهدية و يفرچهاا و يروح يخطبهاا..
و صدك فكت و راح خطبهاا بعد كل هاي السنين..
هدى..امممم...هسه المهم الحمد اللة و الشكر..وين نلگة احسن من ساارة ل علاوي
رسل..اي و اللة العضيم حيل فرحتلهم..
هدى..ولج و الخطبة شوكت...المهرر شگد ؟!!
رسل..لتخافين راح اتكونين موجودة بخطبة اخوج...حسبت حسابچ و حاچيت ابراهيم..گلتله في حال قبلوو و صارت القسمة خلوو الخطوبة الشهر الجاي..و انتِ بالشهر الجااي اتكونين رااجعة من السفر انتِ و حسام و راح اتكونون حاضرين...
هدى..يمممة فدوووة اروحلج اني..بس انتِ التفهميني و اللة
رسل..لعد شعندي غيرج يروحي انتِ..
هدى..هههه يلة ماا دام اني رحت خلي اتصير سارة بمكاني و اتونسچ😂
رسل..دنچبي انچبي..مهما كانت سارة بنت عمي و من نفس اللحم و الدم اني وياهاا..تبقين انتِ خيتي الوحيدة اللي ماا جابتهاا أمي..و الج مكانچ بگلبي و محد ياخذة لو مدري منوو ام عطوب ام الوصخ😂
هدى..ههههه فدوة اروح لهالحچي الحلوو ياا روحي انتِ شعندي غيرج بهاي الدنياا خية...حتى اني ماا عندي اخت و چانت حياتي قبل احسهاا بلا معنى..من اجيتي لبيتنه انتِ و اتزوجتي ابراهيم..لونتي حياتنه كلنه و نورتي البيت كله...لحد الأن ماا انسى اليوم اللي اجيتي بيه للبيت
سارة..حياااتي لاااا اتبچيني فدووة..افرحي و اتونسي انتِ و حسام و أول ماا تخلصون ان شاء اللة رجعوو بسرعة مااشي..
هدى..يعمري ان شاء اللة مشتاقة لشوفتج هواي تدرين ؟؟!
رسل..ولج و اللة العضيم اني همه..يلة من اترجعين اعوف ابراهيم وحدة بالغرفة و انتِ هماتين عوفي حساام..
و نرجع سوة اننام نفس قبل بنفس الغرفة😂
هدى..و اللة اسويهاا ماا عندي مانع..حتى لو زعل حسام ماا علية بيه😂
رسل..اي و اللة مالنه علاقة بيهم بكيفنه😂....يعمري راح اروح اني نعست حيل و اللة
هدى..لج شنوو هاي مالت النعست كلساع..اربع و عشرين ساعة ابراهيم يسولفلي بيج يالتنبل و راسج عالمخدة دوم و ماخذتج النومة لغير عالم😂
رسل..ههههه ولج لعد شسوي يمكن من الحمل و اللة ماا ادري
هدى..ههههه يلة ماشي يعمري..نامي و ارتاحي بعدين نحچي
رسل..ماشي..يلة بيبااي يروحي
هدى..حياتي بيبااي
....(مر شهر كامل و اختصرته الكم لأن چان ماا بيه شيء و روتين عاادي و رسل و ابراهيم ماا يگعدون راحة😉😂)......
رسل..مر الشهرر بسرعة و احنه ماا حاسيّن بالوقت...بهذا الشهرر زينّة البيت و رتبنه غرفة علي على سنگة الف و راح زيّن و عدّل من شكلة و صارر احلى من قبل صراحة😂...غيرنه فرشات الچرباية و غيروو ديكور الغرفة...چانت اخشاب سووهاا حديثة كلة ابيض و أسود..
و حتى البردات غيرناها و الزوالي هماتين..اصدقاء علي كلهم و جماعة ابراهيم و رعد اشتروا كل شيء يخص علي بخطوبتة و زواجة...و چان كل شيء جاهز و امرتب..و حتى قنفات الصالة غيرناها و هماتين البردات..يعني ماكو شيء ماا غيرناه..حتى غرفتي و غرفة سناء غيرناهم....ماا بقى يومين على موعد الخطوبة...
الساعة ب3 الضهر گاعدين انسولف و نضحك اني و سناء و خالتي و فرحانين حيل و منتضرين جية هدى الناا....دقايق و سمعنة باب البيت يندگ..گلت اكيد علي لو واحد منهم جاي يتغدة و كاتلة الجوع😂...رحت الباب و چان انصدم و اني اگمز و ماا ادري بروحي حاامل....
رسل..يعمممممرررري....وووولج شلووونج...حضنتهاا و هي هم حضنتني و گمنه نبچي من الفراگ...
هدى..و علي يااا روووحي بعد كل هاي الفترة اللي فارگتچ بيهاا مستحيل اعيدهاا مرة ثااانية..شلووونج يعممري انتِ..
رسل..و اني حاضنتهاا...يروحيي انتِ هلاااا بيچ..توة نور البيت و اللة العضيم..شلونك اخي حساام..اتفضلوا هلا بيكم
حسام..تسلمين خوية...يلة ولچ لا اتضلين اتبكبكين انتِ وياهاا..هالرجعتچ لأهلچ اسكتي يلة و خل اسمع منج حرف واحد..دخلي يلة دخلي
رسل و هدى..هههههه😂😂
رسل..دخلوو للبيت و سلموو على خالتي و سناء...و هدى حاضنة امهاا و تبچي و كذلك سنااء هم حضنتهاا و بوستهاا...
حسام..يلة عمة اني رايح للوُلد بالقاعة..خوو ماا محتاجين شيء ؟!!
ام ابراهيم..لا يمة سلامتك..خذيتهاا و رجعتهاا بالسلامةة...يمة خليهاا يمنه مناا للخطوبة ياا بعد أمك لا تاخذهاا خل اشبع من شوفتها..
حسام..لا عمة شنوو السالفة خليهاا يمكم بس لحد يوم الخطوبة ماا تبقى أكثر...هدى..ياااا و اللة ماا اريد..اريد ابقى اسبوع هناا مشتاقتلهم و اللة حسام شبيك..
حسام..لااا حبيبتي ماا تبقين هناا هواي..تبقين هناا فترة ليوم الخطوبة و ارجعچ حتى نرجع للبيت و اختي من بعيد جايتچ ترا حتى اتشوفچ
چان عدها ضروف و ماا كدرت تحضر بالعرس..
ام ابراهيم..مااشي يمة على راحتك..بس خليهاا يمنه فترة و ساعتهاا اخذهاا و لو ماا اشبع منهاا اني ياا بعد امك..
حسام..عمة اتشبعين منهاا اتشبعين😂..نسيتي حتى بالعرس اجيبهاا و اجي..
ام ابراهيم..اي يمة هم صدك نسيت اني ياا بعد امك و اللة
رسل و هدى و سناء..هههههه😂😂
حسام..هههه يلة اني رايح خوو ماا محتاجين شيء ؟!!
الكل..لا سلامتك..
حسام..يلة في أمان اللة
الكل..اللة وياك..
رسل..رجعوو الوُلد كلهم من الشغل و ابراهيم اليوم عازم جماعتهم كلهم عالعشاء بمناسبة خطوبة علي...التمينه اني و هدى و سناء و احنه انسوي العشاء...لعبنه بالمطبخ لعب و الكاونتر صاار معركة بدر من كد الغراض و الهوسة اللي علية😂....
كملنه كل شيء و بدو الوُلد ياخذون الأكل للأستقبال و احنه هماتين تعشينة و كملنة و غسلنة المواعين و نضفنه المطبخ و گعدنه بالصالة..الزلم كلهم گاعدين بالأستقبال يسولفون و يضحكون و صوت علي مسموع ميت من الضحك مدري شيحچون وياه😂..
خلصت الهوسة بعد ماا راحو جماعتهم كلهم...صعدت لغرفتي ارتااح..اخذت ملابسي و دخلت للحمام اسبح..كملت و طلعت و اني جاي اشسور شعري عالمراية و اجه على بالي سالفة الشراية لبيت أهلي...عزااااا صارلي هواي ماا رادة خبر للوادم و اللة عيب...و حتى ابراهيم هم ناسي الشغلة..اوووف هسه شيگولون علينة بلة...رجعت گعدت عالچرباية و اني افكر..
امممم شعنده باقي بيت أهلي و محد عايش بيه و الهدوء يعم بيه صارله 3 سنين...ليش ماا ارجعلة الحياة من خلال ذولة الناس اللي راح يشترونه و اللي مصريّن عليه..بعد دقايق من التكفير قررت أنو ابيعة الهم..بس يبقى البيت بگلبي محفور بكل ذكرياتة و لحضاته اللي چاانوو عايشين بيه أهلي اللة يرحمهم..خلص راح ابيعة ماا راح اخليه هيج محد عايش بيه...دقايق و دخل ابراهيم و هو امبين عليه الفرح...
ابراهيم..هااا حبيبي
رسل..هلاااا...شنوو شعدكم و كل هذا الضحك و الصوت العالي😂؟!!
ابراهيم..غير ذولة الگوا** يدحچون ب علي بالسوالف الطايح حضهاا و هو يتفل عليهم (طبعاً اسفة بس لازم احچيلكم كل شيء بالتفصيل😂..بعد هذا البارت الأخير)
رسل..هههههه ااخ يمة بطني😂شيحچون وياه بلة اللة عليك ؟!!
ابراهيم..لا القلوب الضعيفة يعمري..
مو زين عليج هاي السوالف..
رسل..هههههه...امممم اگلك ابراهيم ؟!!
ابراهيم..گعدت يمهاا و خليتهاا بحضني..گولي
رسل..حبيبي صارلك شكثر ناسي سالفة بيت أهلي ؟!!
ابراهيم..خرررب إنّ...ناسيهاا دوم من باالي و التهيت بتجهيزات الخطوبة..هسه شيگولون الوادم بلة..خرب بأم..استغفر اللة ياا ربي..
رسل..بس على كيفك يعمري اهدء شبيك..ماكوو شيء ماا راح يگولون شيء...و بعد التفكير اتخذت قرار انو ابيعة خلص..
ابراهيم..خوش..عفية عليج يعمري من فكرتي زين...باجر اخابرهم و انطيهم خبرر..
رسل..زين حبيبي و الأثاث البيه و الغراض و هذا كله شلون..؟!!
ابراهيم..اي حاچي وياهم قبل بهاي السالفة و قبلوو بيهاا..الأثاث اللي يردونة ياخذوة و الماا يردونه يبيعوة..و الملابس و الغراض الخاصة كلهاا..اتبعرت بيهن و ماا گتلچ...ماا ردت اجرحچ يعمري و اذكرج بالماضي..
رسل..طفرت دمعتي من عيني و صفنت و ردت ابچي..حضننّي ابراهيم
ابراهيم..لااااا لا يعمري شبيج تبچين شنوو السالفة
رسل..و الدمعة بعينها..و الصور ابراهيم وين وديتهن ؟!!
ابراهيم..جايبهن حبيبي من زماان و ضامهن و اذا ترديهن گوليلي اني اطلعهن الچ...بس مو هسة
رسل..ااممم مااشي
ابراهيم..تقربت عليهاا مسحت دموعهاا و حضنتهاا و جريت البطانية علينه و نمنه...(طلعوو بره بعد ماا اكتب جرأة انتهت😂)
رسل..گعدنه الصبح و احنه مخبوصين خبص..و اللة يعلم شصاير هنااك ببيت عمامي اذا بيت العريس هيچ لعد العروس شلون😂...
رحنه كلنه للصالون و خالتي ويانه هالمرة..جبناها حف و زلغ و مكياج و تسريحة و فساتين جايبينهاا وي أغراض علي...لسبناهن و كملنه..
و هالمرة كسرت الروتين و برمت شعري و سويت بيه خصل بنفسجية طلعت اجنن و البنات گامن يفككن بحلوگهن و هنه يباوعلّي😂..سون نفسي و هم صبغن خصلات من شعرهن بس كل وحدة لون مختلف..هدى خصل بيضاء و سناء صبغت شعرهاا اشقر على ابيض كله..خابرنه رعد و اجه رجعنّه و بدينه
اننضف بالبيت و انزيّن بيه...و الوُلد كلهم راحوو عند الكوافير....
بعد ساعات تقريباً من التنضيف و النسوان اتطب و تطلع و الزعاطيط اتطشر بالأكل و الغراض..اجوو الوُلد كلهم و هُمه شايلين كشخة لااااا و شلون كشخة😂....جايبين العشاء وياهم..بدينه انصب للنسوان و الزلم..كملت الوادم كلهاا و رتبنه الغراض و بعدهاا صعدنه بالسيارات و احنه رايحين لبيت عماامي...وصلنالهم و تگابلنه احنه و البنات نتمضحك و نتبسبس بيناتنه😂گلتلهن على خبر حملي و كلهن فرحلّي....
و بعدها و أخيراً شفت حياة و انفال و صدك صايرات حلوات سلمنه على بعض و تباوسنة..
گعدنه كلنه بالصالة و ماا شاء اللة صالتهم جبيرة..الزلم كلهن برا و احنه النسوان متجمعين جوة...اجت سارة و هي ساارة ثانية ماا شاء اللة عليهاا امسوينهاا ملاك اتخبل..كلنه تفاجئنة بيهاا و بفستانها الأحمر الامدنفش عليهاا و صراحة جان اللون كلش لايگ عليهاا وي لون بشرتهاا الحنطاوية..حضننه بعض و گمنه نتباوس و گعدنه كلنه و هي گعدت عالكرسي و علي بعده يم الزلم...
دقايق و گالوو دخلن ليجوة..كلنه دخلنه للغرف بس خالتي و عمتي ام ضياء بقن يم سارة...دقايق و احنه نسمع صوت الزلم يتقربون و صوت الشيخ مسموع و هو يحجي وي سارة و يسألهاا
الشيخ..سارة بنت ..... ابن ......
هل تقبلين بالزواج من علي ابن ...... ابن ...... زوجاً لكِ على سنة اللة و رسولة الكريم و على المهر المقدّم بينكماا..10 مقدم و 15 مؤخر..فإن قبلتِ قولي نعم انت وكيلي...
سارة..نن عععم اأاا انت وكيي ليي ( تتلكأ بالكلام و هي خايفة )...نفس الكلام عادوة على علي و جاوب بنعم أقبل...و الشيخ گال صلو على محمد و آل محمد...
ورة دقايق و احنه نسمع صوت هلاهيل النسوان ... طلعنه بره و و احنه نتبارك ل علي و سارة...شالو البرقع عن سارة و هي عرگانه كلش و امبين عليهاا القلق و الخوف..صاحتني
رسل..هاا يعمري شبيج ؟!!
سارة..رسولة فدوة ابقي يمي..خلي يهفولي يسوولي شيء راح امووت و اللة
رسل..بناات تعالن جيبن ذنيج الكارتونات و هفلهاا فدوة حرّانة.....رجعنه گعدنه و احنه امشغلين الدي جي و النسوان اتهلهل بس محد رگص لأن چان علي كاعد ويانة..جانوو كاعدين سوة و يخبلون بهااي اللحضة حسيت بفرحة موو طبيعية..همزين وفة بوعدى الهاا و خلاها اتصير حلالة..كلساع انباوعلهم و علي يهمس لسارة و هي اتخلي أيدها على حلگهاا و تضحك بخجل..و احنه متنه عليهم من الضحك..
فاطمة..ولج رسل حِماچ شحچه لأختي و هيج خجلت و گامت تتمضحك😂
رسل..شمدريني روحي سئلية😂
يسر..ولجن امداچن اكيد حاچاها ب شيء +18...يرادلهاا علم مثلاً😂
البنات..اللة يطيح حضچ اي و اللة😂
هدى..لج عيييب امداج صايرة ماا تستحين بلة سمعتج امچ لوو عماتچ شتسوين😂
حياة..حتى اتعلگهاا عالبنكة ام الوصخ
زهراء..دتعااي تعاي خلي ادفر ابطنچ حاطتلهاا حُمرة جوزي چنهاا ماكلة طين
البنات..هههههه😂😂😂
رسل..بقينه نضحك و نسولف و من خلال كلامهن عرفت أنو عادل ابن عمي(تتذكروة ؟!) حاچي وي عمامي بأنوو يريد يخطب أية بنت عمي ابو حسين و صراحة تفاجئت..الحمد اللة اللة هداة و اتخذ القرار اللي يناسبة..
بقينه نسولف لحد ما اجه الوقت انو يلبسون الخواتم...تبادلو لبس الحلقات و گصوو الكيك..بعد كل هاي الهوسة و الطربگة و الرگص رجعنه للبيت و احنه هلكانين من التعب..نضفنه البيت اني و البنات و خالتي فرحااانة حيل و كلنه فرحانين لفرحتهاا...اجه حسام أخذ هدى سلمنه عليهاا و راحوو لبيتهم...
كملنه كل شيء اني و سناء..راحت هي اتبدل لبناتهاا و اتسبحهن لأن گضنها بالخطوبة بس بچي و هنه عند خالتي و أم سناء..ماا يسكتن الا عند رعد...
صعدت لغرفتي و اني هلكانه و من المفروض ماا اتعب زايد لأن ميصير..
بس بالشغل شوية ماا ضغطت على نفسي و لا شلت شيء ثگيل و أغلب الشغل تقريباً صار على هدى و سناء..صعدت لغرفتي مسحت المكياج مالتي و سبحت و بدلت ملابسي و حطيت راسي عالمخدة و اني منتضرة جية ابراهيم..حيل مشتاقتلة اليوم ماا شفته هواية....توني دا اريد اغمض عيوني دخل عليه...
ابراهيم..يمممة هلاااا...فدووة للنعسان اني..أسف حبيبي تأخرت عليچ بعد المعازيم و الزلم كلهم ماا اعوفهم...
رسل..اي بس هم ماا يصير اتعوفني ليش ابراهيم و اللة حرام عليك ماا شفتك اليوم هواي..مو المفروض تبقى يمي..
ابراهيم..يعمري انتِ لعد بأيدي هي..
و بعدين تعاااي تعاي صدك اشتغلتي هوااي وي البناات ولج..؟!!
رسل..اممم اي...بس و اللة العضيم ماا ضغطت على نفسي
ابراهيم..اني شگايللج..شمنبهج اني هااا ؟!!
رسل..اي يااا حبيبي يعني اعوف البنات وحدهن يشتغلن خطية
ابراهيم..استغفررر اللة ياااا ربييي..اكفففرررر هسة...(لزم اعصابة و حچه) يروحي انتِ مرة الثانية لااا اتعيديهاا..تقبلين يصير شيء بالطفل لا سامح اللة نفس المرة الأولى و نخسرة..؟!!
رسل..دمعت عيني..لاااا و اللة مستحيل هيج اسوي
ابراهيم..خلص يعمري بعد لا اتعيديهاا ماشي..
رسل..مااشي
ابراهيم..عفية عليج..اني داخل اسبح و ابدل ملابسي عالسريع و اجيج..مشتاقلج ترا مو بس انتِ😉
رسل..يووووو ابراهيم شنية هية
ابراهيم..هههههه مو بكيفچ
..................
رسل..طبعاً مرّن الأيام و اجه يوم العرس و كلنه فرحانين ب علي و ماا امصدگين انو راح يتزوج..و كالعادة صاار نفس روتين أي عرس و الترتيبات و التجهيزات كلهاا و هالمرة ماا ضغطت على نفسي و ماا اشتغلت و أخذت بحچاية ابراهيم....(اختصاراً للأحداث صار العرس و الكل فرحانين..و صراحة البنات كلهن طلعن يجنن و الشباب همين ماا احچيلكم على كشختهم...بالأخير زفو العرسان للغرفة و صاار لازم يصير اللي اببالكم😂اي اي يلة اسكتوو كيفتوو انتو خوب
...........(تسريع الأحداث)...........
رسل..مرّن 9 أشهر على حملي و ماا عرفنه شنو جنس الجنين..الكل أصرّوا انو اروح اراجع و نعرف الطفل ولد لو ابنية..بس اني رفضت و گلت اخليهاا مفاجئة الي و لأبراهيم..و اثنينه گلنه شنو يجي من رب العالمين نعمة...
مرّن ذني الأشهر و ابراهيم ماا امخليني اعوز شيء واحد..مرات هو يسبحني و يبدللي ملابسي و هو يوكلني و يشربني و كلساع امخلي ايدة على بطني و اني وياه انحس بحركة الطفل و نضحك و احنه فرحانين بهاي النعمة اللي رب العالمين عوضهاا النه بعد الحزن اللي عشناه...بكل هاي اللحضات ابراهيم امدللني و گاضينهاا طبّات و طلعات و مطاعم و مولات..امونسني اربع و عشرين ساعة...ماا حسسني بفترة الحمل اللي چنت بيهاا...حسيتهاا مشت بسرعة و اني عايشة وي ابراهيم بعالم ثااني..كل لحضة و كل دقيقة احمد رب العالمين و اشكرة الف مرة على النعمة اللي أهدانياها و عوضني بيهاا عن عائلة تسوى الدنيا و ماا بيهاا بعد أهلي اللة يرحمهم...عوضني بزوج و حبيب و صديق و أخ و اخت چان كل شيء بالنسبة الي..نسّاني غلطات الماضي اللي ارتكبهاا وياي و ضلمني بيهاا..نسّاني كل لحضة چان يحس بيها غلطان تجاهي..عوضني بكل شيء اتحس بيه البنية بفرح اذا اتقدم الهاا...عوضنه رب العالمين بطفل عايش بداخلي اللي انزرع ثمرة حُب بيني و بين ابراهيم..هذا الطفل راح يكون أهم شيء صار بحياتنة...راح يكون نسيان للماضي و فرح الحاضر اللي عايشين بيه...مهما كانت النعمة البين ايديك احمد اللة و اشكرة الف مرة لأن هداكياهاا..لأن ماا تعرف هاي النعمة العندك هم موجودة عن غيرك لو بس انت رب العالمين هداكياها ؟!!!
مااا چنت اعرف و لا لحضة أنوو الزواج اللي انغصبت عليه و الرجال اللي چنت اكرهاا و اخاف منه...صار أحلى شيء مر بحياتي لحد هاي اللحضة....ماا اعرف شحچي صراحة...الكلام اللي بداخلي كلش هواي و اكثر من هذا الحچي الحچيته...ماا أكول غير بس الحمد اللة و الشكر على هاي النعمة..........
آخر أيام الحمل...گاعدين و متجمعين بالصالة الساعة بألـ9 بالليل و اني لازمة بطني و اتلوة.......
سارة..شبيج يعمري يوجعج شيء ؟!!
رسل..ولج راااح اموووت ولج..موتنييي ابننك ابرااااهيم موووتني..كلاتي انزرفت من ورااااه....اي اي بعد بعد اصعد لأمعائي و طيح حضي..من تكبر تشمرني بالشارع و اذا چنتي ابنية اللة يستر منچ....
الكل..هههههههه😂😂😂😂
علي..حيل..خلي يأدبچ😂
رسل..ووولك علييي اسكت لاااا و اللة العضيم أول ماا اجيبة اشمرة عليك..اسكت عني...ابرااااهيييييم حاااچي اخوووك😭
ابراهيم..ماا تنجب ولك هي ادبسزز طايح الحض...عوفهاا لااا اگوم اوكلك تبن و الكعبة
علي..يابة شحاچي..اتحملي بوية اتحملي هاي البداية فقط...وراج الحفاضات و الأگماطات..خررررررب😂
رعد..هسه غير يسكت عن البنت ابوو راس...سكتي رَجلچ خوية سارة حطي بحلگه زقنبوت خلي يسكت..
سارة و سناء..هههههه😂
رسل..يمممةة اهئ اهئ بطني ابرااهيييم.....مووتني و اللة كلاتي رااحت😭😭
ابراهيم..يعمري ماا باقي شيء يومين تلاثة و تگضي اتحمليهن...
ام ابراهيم..يمةة اتحملي ياا بعد أمچ تگضي و اتفرحين بيه من يجي و تنسين كل الوجع من اتشوفينه..
رسل..خااالة كله من ورررره ابرااااهيييم شوووفيه باااوعييله شلون يضحك كله من ورااااه...
ابراهيم..هههههه شبيج يعمري شجاج
رسل..خااايب راااح اموووت بسيطة اني الك و اللة
الكل..هههههه😂😂😂
سناء..هسه هسه ماا بقى شيء..هاي شوية لويات بسيطة مال حمل..شوية و اتصيرين زينة...
رسل..اسكتي اسكتي سنااء فدوة رااح امووت و اللة..اااخ ياا يمةة...ليش هيج ابراهيم ليش شمسويتلك امقصرة وياك بشيء اني..و علي بعد ماا احاچيك و اللة😭..
ملك..خخالة..هنانه ابنية لو ولد نفث بابا (اتأشر على بطن رسل)
ملاك..بث كون بنوتة نلعب اياها (بس كون بنوتة نلعب وياها)
رسل..يعمري شمدريني اني..اذا ابنية اشمرهاا عليچن اتلعبن وياهاا و اذا ولد اله اشمرة على علي ابو راس اخليه يبتلي بيه...
الكل..ههههههههه
سارة..هههههه گومي يعمري گومي اصعدج فوك تتمددين..ارتاحيلج شوية لبين ما اسويلج عصير...
رسل..مااشي..جاي اتشيلني شوية شوية و اتگومني عن القنفة...صعدنه للدرج وصلنة تقريباً للباية الخامسة و اني حسيت بوجع مو طبيعي صرخت بعلوو صوتي...يمممممةةةةة ااااخ لحگوووووولييييي...يمممممممةةةة😭😭
ام ابراهيم..يمة لحگولهااااا البنت راح اتجييييب...
ابراهيم..أول ماا شفتهاا تصرخ ركضتلهاا و شلتهاا بين ادية و صحت بعلوو صوتي..يممممة سناااااء...بسرررعة جيبلهااا عباااااية أي شيء عالسريييع
رسل..اصرخ بعلوو صوتي و اني متأذية و على صراخي ابراهيم يصيح...شالني و خلاني بالسيارة و رعد راح وياه و سارة و سناء هم راحن وياي..وصلنة للمستشفى و خلوني عالسدية و اني گلبت المستشفى بصراخي العاالي..دخلوني لغرفة الطوارئ و ويمي سارة و سناء ورة دقايق دخلت الدكتورة و الممرضات وياها...
بعد دقايق كلش طويلة و اني أصرخ و الوجع مالي جسمي و عيوني تدمع بكل لحضة....سمعت صوت خلاني انسى كل اللي بيه...
ابراهيم..اروح و ارجع بالممر و اني منتضرهاا تطلع بالسلامة و اسمع صوت الطفل...
رعد گاعد عالكرسي و هو هم منتضر على انتضاري و صافن عليه..دقايق و سمعنة صوت الطفل يبچي...مااا اعرف شنوو حسيت بهااي اللحضة..فرحة موو طبيعية اجتني و اني أحس ملكت الدنياا و ماا بيهاا...رررعدد تسسسسمع ؟!!
رعد..اي خوية اي...الحمد اللة و الشكر... الف مبروك ابراهيم يتربى بعزكم ان شاء اللة
ابراهيم..اريدهاا هي..هي زينة لوو لا ؟!!...ورة دقايق طلعت الدكتورة..
..هاا دكتورة بشري ؟!!
الدكتورة..الف مبروك أخي..جابت ولد يجنن..يتربى بعزكم ان شاء اللة..
و الأم بخير و صحتهاا كلش زينة..تگدرون اتدخلون اتشوفوهاا
ابراهيم..گعدت على رجلية بالممر و حطيت اركبي عالگاع و راسي عالگاع و اني اريد اسجد..سجدت سجدة الشكر للة و اني امطول بيهااا..حسيت بأيد رعد على ضهري
رعد..گوم خوية شوف مرتك و إبنك..الف مبروك الكم..
ابراهيم..حضنت رعد و هو حضنني..الحمد اللة و الشكر الحمد اللة
رعد..الف الحمد اللة و الشكر خوية...ادخل شوف امريتك و اني شوية و راجع...
ابراهيم..دخلت للغرفة و اني كلي قوة و و الفرحة ماليه جسمي و اني اباوعلهاا...شفتهاا متمددة و بحضنهاا ابني و سارة و سناء يمهاا گاعدات....تقربت يمهاا و بستهاا بجبينهاا...يروووحي انتِ الحمد اللة عالسلامة
رسل..بتعب..اممم اللة يسلمك
ابراهيم..شلت ابني بين إدية و خليته بحضني و اني فرحاان بيه...أذّنت بأذنة بصوت مسموع و بسته برّقة و انطيته لسارة.....يعمري انتِ خوو ماا متأذية..يوجعج شيء ؟!!
رسل..بصوت مبحوح..لااا الحمد اللة احسن شوية
ابراهيم..الف مبروك الناا يعمري انتِ
رسل..ابتسمت اله..و يبارك بيك ابراهيم عزيزي
ابراهيم..يمة فدوة اروحلج اني..
سارة..ديلة لا اتگلبونهاا مناحة علينه اضحكو شوية اتونسوا اجاكم ولد يشبة ابوة بالضبط...لج بااوعي سنااء عليج اللة موو يشبة ابوة😂
سناء..اي و اللة العضيم صدك..حتى نفس الحواجب المعگودة..😂
ابراهيم..ههه ديله نرجع للبيت..
سناء..لا بعد وكت..گالت الدكتورة نص ساعة و اتطلعوهاا
ابراهيم..مااشي
رسل..سارة و سناء طلعن من الغرفة و خلّن الطفل بحضني...
...ابرااهيم عليك اللة شوف ابني
ابراهيم..يروحي انتِ اللة يخليه الناا ان شاء اللة
رسل..و اللة العضيم ماا امصدگة ابراهيم و اللة
ابراهيم..ههههه يعمري انتِ صدگي..گولي الحمد اللة و الشكر
رسل..الحمد اللة...الحمد اللة...
مرّت نص ساعة بعدها طلعنه من المستشفى و الطفل بأيد سنااء شايلته..
و رعد جااب عشاء بأيدة و اجه..رجعنه للبيت و احنه فرحانين...و خالتي و علي تلگونه و هُمه يباوعولنه بنضرة تساؤل..
ام ابراهيم..هاا يمة بشروا ؟!!
سناء..(تقدمت على ام ابراهيم و شوفتهاا الطفل و انطته أياها)..الف مبروك عمة اجاكم احلى ولد بالعائلة..
ام ابراهيم..ياا يمة ياا بعد روحي..هذا اوليد ابراهيم...چنت منتضرتة من زمااان..يمة اللهم صل على محمد و آل محمد
علي..شوو جيبي يمة خلي افحصة..اللهم صل على محمد..نفس الچهرة هو و ابوة😂ادري هو احنه عايزين ابراهيم ثااني..خررب إنّ...
ابراهيم..هسه من اكوم ادفرة اكو واحد يگلي ليش
رعد..ولك علي ليش ماا تنچب😂
ام ابراهيم..يمةة الحمد اللة على سلامتچ شايفة كل الخير بأوليدج و ان شاء اللة اتفرحون بيه و اتشوفونه عرّيس
الكل..إن شاء اللة
علي..عريسيش ؟!!..بعده ماا صاير عُمرة أسبوع شوكت يشوفونة عريس ورة سقوط ترامب ؟😂
ابراهيم..أكوم اتفل عليه هسه..ووولك گوا** هي ساقـ**..تسكت لو افلشك اتفلش و النبي
الكل..ههههههه😂
رسل..صعدوني لغرفتي و كلهم دخلوو وياي و خلوو أبني بحضني..و خابرو على حسام يجيب هدى و يجي و فعلاً ورة 15 دقيقة تقريباً اجوو...حسام جاب هدى لهناا و حاچووه و گللوله انو اتبات بس هاي الليلة و فعلاً قِبل و رجع لبيته..
هدى..يروووحي يمممة فدووة للحللو اني...الحمد اللة عالسلامة رسولة يعمري
رسل..اللة يسلمج يروحي
هدى..الحمد اللة و الشكر انتِ هسه بخير و الطفل بخير..الحمد اللة
الكل..الحمد اللة
هدى..ايييي ابرااهيم شنوو راح اتسمونة ؟!!
رسل..باوعت لأبراهيم و حچيت..اسمية فهد على أسم اخوي اللة يرحمة...
الكل..اللة يرحمة...
رسل..ضلوو دقايق يمي يبوسون بالطفل و يسولفون وياي و بعدهاا كلهم نزلوو و بقى بس ابراهيم يمي...
ابراهيم..هاااا ام فهودي😉
رسل..ههههه هاا ابو فهودي
ابراهيم..فدوة اروح لهالحلگ..يلة جهزي نفسچ انجيب اخت لفهودي خوو ماا يبقى هيج بلا اخوان😉😂
رسل..يووووووو ابرااااهييييم😂
ابراهيم..يروحلچ فدوة هو و عشيرتة كلهم...أحبج و اللة..
رسل..اموووت عليك و اللة
ابراهيم..ياا رااااحتي...اعشگ برود اعصابچ من فدووة للة الجابچ..❤
رسل..يهنياااالي و يهنيااالي...حبيبي يمي يهنياااالي...اناا اتمنيت بگلبي بيت و اعيشك بالگلب اماالي...ياا روحي انت ياا ابراهيم
ابراهيم..يمة فدوة اروح لهالصوت
يبنت گلبي انتِ
النهاية