روايةاتزوجتك غصب
الفصل العاشر
بقلم حوراء الشمري
رسل..
مرت الأيام طبيعية ماكو شي مهم....
و اليوم راح يجون عمامي و اتصير الگعدة..حييييل خايفه ماا اعرف شنو سبب خوفي من عندة (تقصد ابراهيم)
...من اسلوبه وياي من ضربه من تعذيبه ماا اعرف...صار خوفي منه زايد عن حدة و اللة العضيم...و بعدني لحد الان افكر شسوي و وين اروح و ويامن...ياااا ربيييي چنت افكر و اني متمددة عالجربايه و ادموعي بطرف عيني...وين جنت و وين صرت ....
كرهت نفسي و كرهت الدنيا كلها و بالاخص كرهت ابراهيم اللي اعتبرته عدو بالنسبة الي......كلما يجي يكعد يمنه ..اكوم اصعد بسرعة للغرفة ما اريد اشوفه و لا اشوف خلقته....لككك و الللة اكررررهك ابرااااهيم...و اللة العضيم انعل الساعة السودة اللي عرفتها بيك...
لك ربع اصبع متوصل ل رعد و علي....ليش انت مو مثلهم لييييش معتبرني سلعه بين اديه يعذبني و يضربني شوكت ميريد...
لك اهلي ما فد يوم مادين ايدهم عليه و انت تجي تعتبرني مثل الحيوان اللي تضرب بي و ما عاجبك طبعه......جنت افكر و الصفنه ماخذتني... خلستني هدى بجيتها................
الساعة ب1 الضهر........
هدى..ووولج رررسل رسلللل رسل
رسل..گمزت بسرعة...شنوووه .....شكو شبيج؟!!
هدى..ووولج رررسل عمامج اجوي....
رسل..اجتني نوبة خوف مو طبيعية ووكمت ارجف من شافتني هدى بهاي اللحضة اجت لزمت ايدي و نزلنه للمطبخ يم خالتي و سناء................
(طبعا اجو عمام و شيخ عشيرة رسل...و شيخ عشيرة ابراهيم لان كاله عالسالفه كلها من اولها لأخرتها و اجه حته يوكف وياه بهاي السالفه)
شيخ عشيرة ابراهيم..اللللة بالخييير
الكل..الللة بالخييير و العافية...
(طبعا بدو يحجون بمقدمات الترحيب مالت العشاير كلنه نعرفها ميحتاج اكتبها)
شيخ(رسل)..يااابه احنه اليوم جاايينكم و ان شاء اللة مالكم تقصير و توكفون وي الحگ و ناس معروفة...احنه جايين ناخذ بتنه و انرجعها لأهلها...و ازيدكم من الشعر بيت....
انو البنت ينص القانون انو من بعد اهلها عمامها ....ف ترجع لأصلها و فصلها...و احنه النه الحگ بيها و يحگنه ناخذها النه و انرجعها لأهلها و ناسها و هناك احنه انداريها و ما انقصر وياها...هيه بتنه و هذا الشيء كلش كافي...
شيخ(ابراهيم)..بوية احنه نعرفكم زلم خشنة و اهل اصول و النعم منكم...بس البنيه بويه امانتنه احنه الي النه حگ بيها ...اهلها وصونه بيها و حفضوها عدنه...و كالو يابه بتنه امانة عدكم و ان شاء اللة اتحفضون الأمانه و اتصونوها.....و اعتقد بويه السالفه امبينه و واضحه وضوح الشمس...الأمانه انضل امحافضين عليها لأخر نفس بينه...
الامانه اتضل امانتنه و ما ننطيها بويه.....
ابراهيم..بصياح.....انتوووو لووو بيكم خير جان انطوها الكم و كالو حافضوا على بتنه و امانتنه و صونوها زين...بس ماااا بيكم خير....اللي اعرفه عنكم انو انتو متبرين من المرحوم اللة يرحممممممه لان طلع عن شوركم و اخذ المره اللي انتو ماا هاوينها و لا رايديها....و هسه اجيتو بعد كل هاي السنين تردووون بتكم....ياااااا قاااانون التحجون بي هذا...
شيخ(ابراهيم)..بصياح...ابرااااااهيم احجييييي عدل بوية..
رعد..بالتفاهم شيخ مو بالصياح..
حسام..و انت ابراهيم الزم اعصابك شويه...خلي نفتهم
زياد..ياا جماعة الخير..توكم اتذكرتو امانتكم.....اذا انتو تردونها صدك
وين جنتو عنها هاي السنين الراحت...هسه بويه جايين تردون البنيه...بأي حق تاخذوها و هيه امانتهم...
علي..ااااييييي شووو بله احجووو وين جنتو هاي السنين كلها و اتذكرتوها هسسسسسه...
ابو عادل(عم رسل)..بويه صحيح احنه متبرين من اخونه اللة يرحمة بس هذا الشيء من حگنه لان طلع عن شورنه و هذا ما يمنع انو ناخذ بتنه و انرجعها لأهلها و ناسها...
احنه اهلها احححنه الاوووولى بييييهاااا...
ابراهيم..اوكف اوكف...ياهمه الأولى بيها...بويه توهم اتذكروا بتهم و هسه جايين متعنين ياخذوهاا..هههه بويه فكروا زين اذا متبرين من ابوها بنته و ابنه و حته مرته... كلهم بأعتبار متبرين منهم...يااااا قاااانون التحجون عنه هذا...اذا ما اتعرفون شنوه القانون لا تحجون بي....ناسين بتكم علساس متبرين من ابنكم...حجي هوه هذا بربك يا قانون هذا...عود اعرفو الأصول و الحجي الزين و تعالولي عود احجو بالقااانون...
عادل(ابن عم رسل)(ضابط مقدم)....لابس عسكري و جاي وياهم.....بصياح...لللللك الحرررررمه النه افتهمتو لو لا ناخذها يعني ناخذها...حگنه ما نسكت عليه و ناخذه بأيدينه و اشوف يا كلب ابن كلب يمنعنه و ما راضي بهذا الحجي....
ابراهيم..للللك و الللة العضيم ....... راد يگومله ...لزمه الشيخ و أشرله يگعد.....
شيخ(ابراهيم)..بووووويه مييية مرررة كلنالكم البنت امانتنه...و امانتنه النه و ماا ننطيها...بيا حگ رايدها هسه و تاخذوها....
ابو عادل(عم رسل)..ياااابه درينه بيها امانتكم...و احنه اهلها و جايينكم متعنين و انگللكم شكرا ماا قصرتوا من حافضتوا على امانته و صنتوها...ماا قصرتوا و محشومين من التقصير...انطونه امانتنه انرجعها لأهلها و كفو الشر و انعلو الشيطان....
عادل..ياااااابه شنو هالحجي هذا....البنيييه النه...ناخذها يعني ناخذها رضتو اهلا و سهلا ما رضيتو سهلا و اهلا و طگو روسكم بالحيطان...
ابراهيم..هم راد يگومله و ما كدر يلزم اعصابه بعد...لزمه زياد و گاله اسكت خلي نفتهم....
..ابراهيم..بصياح...بووووويه اذا هذاااا حچيكم عليمن لابسين عگل و امسمين روحكم زلم اذا هيج تردون بتكم و تاخذوها يمته ماا تردون...حجي زلم هسه هذا بله .....
مااا ننطيها يعني ما ننطيها و اشوف ياهو اليعارض اله اندمة و انعل الساعة الطلع بيها للدنياااااا...
حسام..ابرااااهيم علكيفك مو هيج الحجي...
رعد..اييييي و تاليييتها بله ...اصفولكم على راي يا جماعة الخيييير.....
علي و زياد..اييي و تالي هسه...
.........................................
ايات..چنه طول الوكت كاعدين و نتصنت على حجيهم و كوه لازمه گلبي احسه راح يوكع...ساعه يحجون بهدوء ساعه يصيحون ما نفتهم منهم شيء...
جنت كاعدة عالطاولة بالمطبخ و لازمه راسي و هدى و سناء كاعدات يمي......و خالتي كاعدة بالكاع...
اسمع و اني ارجف و ميته خووووف... افكرررر شسوووي يااا ربي ......ما احس اله و دخلو علينه رعد و علي....
رعد..رسل كومي بسرعة..سناااااء جيبيلها عبايه يله عالسريييع...
رسل..ل..لي..يييش..شن..وو...وين رايحه..
علي..اسكتي انتي و مالج علاقة...و لا حرف اسمع منج اششش...راح يخيرونج بينه و بينهم وو..........قاطعه ابراهيم بدخوله للمطبخ يركض...
ابراهيم..ووووييين صرتوووو يمعودييين..
لا اسوووي جريييمه هسه...انتي (يأشر على رسل) اسمعيني زين ...كووولي اضل يم خوااالي افتهمتي لو لا و اذا سمعت منج حرف واحد تردين اتروحين وياهم اله اكص راسج و ادفنج هنااااا......
رسل..اني اسمع و ميته خووف منه..جان شكله مثل الوحش و اللة العضيم...اريد اررركد من الرجفه ماا اكدر كوه لازمه نفسي حته ما اطيح...
سناء و هدى..و هنه يلبسنها....لبسي العباية زين ....
ام ابراهيم..علكيييفكم وي البنيييه يمممه...
ابراهيم..جريت العباية منهن و لفيتها لف بيها...لزمتهاا من ايدها عصرتها مثل الخااايف كلش عليها ...و اني اسحلها للأستقبال...
...(مقارنه بين ايد رسل و ايد ابراهيم ..ايد ابو و بنته عمرها 10سنين) بأستثناء انو هوه عمره 29 و هيه 15...و هوه لاعب حديد لا و مدير لقاعة كمال اجسام...
رسل..دخلت للأستقبال و ابراهيم لازم ايدي يااااا كااااع انشكي و بلعييينييي.....بيني و بينكم صح جنت خايفه و خوفي يقرأ الف بذيج اللحضة بس و اللة العضيم حسيت بالأمان من جنت لازمة ايده..مع انو اني اكرها كره مو طبيعي و اخاف منه بس ليش حسيت بالأمان ما اعرف؟!!!
....دخلت و اني امنزله راسي و گلبي احسه راح يوكع بمعدتي و اني وسط زلم امعگلين و شيوخ..
..متت من الخوف تمنيت الموت بهاي اللحضة ....ياااا ربي ليييييش خليتني بهذا الموقف..
..يااا ريتني ميته و لا انحط بهيج موقف....
...و لو وحده من عدكم انحطت بنفس الموقف اللي اني جنت بي ..تتمنى الموت نفس ما اني تمنيته.....
...گعدت و ابراهيم ترك ايدي....اسمع واحد من عدهم حچه...
ابو عادل..بووويه احنه اجيناج متعنين ناخذج لأهلج و ناسج...احنه اهلج و ما يحتاح تعتبرنيه..انتي بتنه بويه و حگنه همين...احجي بويه كلنه انسمعج...
رسل..جان يحجي و عرفته هذا عمي..بهاي اللحضة طفرت دمعتي و كمت ابجي بس بهدوء..ضليت افكر يااااا ربي خلصني من اللي اني بي هسه....يااا ربي شسوي شگول يا ربي العالمين يا ارحم الراحمين...سااااااعدني يربي ساعدني...يااا ابو الحسن كااافل الأيتام..فدوة اروحلك يا امير المؤمنين يتيمه و ما عندي ااااحد فدوة اروحلك ساااعدني ياااا ربي.....كمت اردد يااا اللة ياا اللة يا اللة بيني و بين نفسي و اني ابجي و ارجف......فززني واحد من عدهم يصيح....
عادل..يللله ماااا تحجيييين...تااااخذيييين خيييرة...
ابراهيم..لللللكككك اسسسكت لااااا و القررااااان اشــ..........(لزمه رعد هالمرره ...كلساع يكعدون بأبراهيم يدرون بي عصبي و كلشي يحجي...ساكتين على عادل لان ضابط و كلشي يسوي)
ابو عادل..عوفها بويه خلي اتفكر زين...ادري بيها راح اتروح وي عمامها اصلها و فصلها و ما راح اتفشلني كدام خلگ اللة ...بنتي و اعرفها....
شيخ(رسل)..اي و اللة بويه صحيح حچيك...بتنه و نعرفها زين....
شيخ(ابراهيم)..بويه عوفوا البنيه اتفكر برضاتها...هسه احنه هم حاجين ياابه؟!!!
...فكري على راحتج بويه و احجي ..كلنه منتضرين منج حجايه اتريح واحد من الطرفين....
رسل..ماااا اعرف شكوووول ياااا ربي.....ااااخ يااااا يمممه ياااا بويه وين رحتو عني شوفوا بتكم شصاير بحالها .....
....زاد بجيي و اني ميته خوف و اللة العضيم...
الكل..احجيييي خوويه
رسل..هناا اني گمزت من خوفي و حجيت لا اردياً و طلعت الحجايه من حلكي و اني ما ادري بروحي...
..عمو ااااااا انييي