رواية تزوجتك غصب
الفصل الرابع والعشرون
بقلم حوراء الشمري
رسل..مرّت اشهور و سنة كاملة على فراگي من ابراهيم..تعودت على غيابه بس بداخلي مشتاقتله حيييل
و شابعه شوگ بفراگه.....اني بنفسي ماا اعرف ليش تغيرت مشاعري تجاها...حييل حبيته و تعودت على وجوده وياي...حسيته ابو و صديق و حبيب و اخ همين.
..ماا اعرف ليش حبيته بهالسرعة...من حبه الي...من اصرارة على انو اكون شريكة حياتة...من الدلال اللي انطانياه اول اسبوع زواجنه...من غزله وياي اللي يتفنن
بكلماته.....دخل لگلبي بسرعة بدون ماا يدگ بابه....ويييينك يأبرااااهيم...اشتاقيتلك😭💔
بيوم چنه گاعدين اني و هدى بالصالة و الساعة ب10 بالليل.......اباوع ل هدى صافنة................
رسل..هدى......هددددددى
هدى..هااا ها شنوو...شكو
رسل..اممم صفنتچ هاي مو هينه وراها الف سالفة..احجي شكو بسرعة...
هدى..شنو ولج شبيج بس هيج صافنة...
بيج قصص وروايات منقولة الفارس
رسل..كلاواتج هاي مو علية....بس لا عاشگه ووولج..
هدى..انجبي ولج شنو هذا الحجي...لا لا
رسل..احجي شصاير وياج لا الزگچ بالگاع...
هدى..ههههه...خررب يووومچ...و اللة و كبرتي و صار عندج لسان شطولة.....
رسل..اي دحچي احجي...
هدى..اليوم بالكلية لگيت صديق أبراهيم واگفلي يم البوابة كلش...
رسل..صددددك...و منوه هذا..
هدى..ماا اعرفه...هذا اللي اجانه للمستشفى ذيج المرّه..من تخربطتي انتِ....
رسل..ياااا....هذا حسام..
هدى..اسمه حسام ؟!!
رسل..شبيح يالخبلة...غير من چان يمنه چان ابراهيم يصيحله بأسمه...
هدى..شمدريني..نسيت و اللة..
رسل..اي...احجيلي شصار بعدين ؟!!
هدى..كل شيء ماكو..شصار يعني...
رسل..مو گتلج احجي يمعوده...اشمري كلاواتج على صفحه و احجي طگ ب طگ...
هدى..خرررب يوم يومچ😂...و علي صايره ماا تنحملين.....لا و اللة صراحه جديات ماا صار شيء...بس مجرد نضرات بيني و بينه...
رسل..يححح ولج بس لا حب من أول نضرة...؟!!
هدى..هاا..لا....شنو حب شنو هالخرابيط...خلي اگوم انخمد باجر وراي كلية....اله تعاي صدك...انتِ معقولة راح تبقين هيج بلا دراسة لازم اتحاچين ابراهيم..
رسل..اي امفكرة بهذا الموضوع...من يرجع ان شاء اللة افتح ويا هاي السيرة و ان شاء اللة يقبل...
هدى..ان شاء اللة.....شنو ماا راح اتنامين ؟!!
بيج قصص وروايات منقولة الفارس
رسل..لا مو نعسانة..
هدى..اوكي...تصبحين على خير يروحي..
رسل..و انتِ بألف خير يعمري..
...صعدت هدى و اني بقيت وحدي بالصالة و امخليه ايدي على خدي...دقايق و دگ تلفوني.....ابراهيم...
گمزت عالسريع.........
رسل..الوو
ابراهيم..ياا هلا بهالصوت من سمعته چنهاا ردّت روحي ليه.....شلونج يعمري...
رسل..هلا ابراهيم..تمام بخير..انت شلونك...ابو زياد شلونه....؟!!
ابراهيم..الحمد اللة على اللة...
رسل..دومكم ان شاء اللة..
ابراهيم..يعمري انتِ..
رسل..مو چنك هواي طولت ابراهيم...
ابراهيم..اي ياا عمري غير يخضع للعلاج الازم يله يكون جاهز للعملية و يگدر يتحملهاا...
رسل..يعني هسه اني هم راح انتضر سنة كاملة بعد...و هاي السنة گوه تحملتهاا...شلووون بله...
ابراهيم..اي مو الف مرّه گتلللللللج يتعاااالج شويه شويه يله انسوي العملية....انتِ لشوكت تبقين هيج هااا..يوووووميه هالقوااانة عايدينهااااا😠....
رسل..و ليش اتصيح عليه يعني...فوك ماا متحمله فراگك اتصيح عليه😭شمسويه اني...
ابراهيم..اتحرگين بأعصابي گوه..مو جاي نحجي بهداوه و زينين...لازم اتخربينهاا...😡
رسل..ماا حارگه اعصابك اني...جاي احجي الصدك و هذا اللي بگلبي...😭
ابراهيم..اتحبيني مو بأيدج..
رسل..شنوو...لا منو گلك هالحچي..
ابراهيم..شاهد اللة انتِ اتحبيني بس جاي اتكابرين...
بيج قصص وروايات منقولة الفارس رسل..لا بس تعودت عليك يعني...
ابراهيم..اي يعني اتحبيني...
رسل..لا...هذا اللي بگلبي تجاهك لا اكثر و لا اقل...
ابراهيم..اهاا هيچ صارت😬
رسل..شنوو
ابراهيم..بسيطة..لچ بس خلي ارجع...نار بگلبي تچويني اله اطفيهاا بيچ..
رسل..يوووو هم رجعنه لهذا الحچي..
ابراهيم..ليش شبيه...حلوو
رسل..وين الحلاة بالجرئة بله..
ابراهيم..حلوة و داعتح حلوة😂
رسل..لا مو حلوة
ابراهيم..ليش ؟!!
رسل..ماا احبهاا و لا احب هاي السوالف..
ابراهيم..اعودچ عليها و الكعبة...بس خلي ارجع..
رسل..لااااا
ابراهيم..لتخافين مريتي..ان شاء اللة من ارجع انطيج دروس خصوصية بهاي المواضيع...😂
رسل..يووووو...ابراااااهييييم
ابراهيم..ههههه يروحه لأبراهيم...لچ رسل...
رسل..ههه هاا
ابراهيم..لا اتگولين هاا...گولي نعم😡
رسل..يووو...نعم
ابراهيم..لج صار عمرج 17 سنة و منتضر على احر من الجمر اشوفج شلون كبرتي و تغيرتي..اتصل على امي لو هدى و هنه يمدحن بجمالج و يحرگن بگلبي....
رسل..امم اححمم..
بيج قصص وروايات منقولة الفارس
ابراهيم..خير...شبيج
رسل..لا ماكو شيء..
ابراهيم..بعد سنة ان شاء اللة اتصيرين 18 اااخ يا گلبي...
رسل..و انت بعد سنة ان شاء اللة 32 سنة..😂
ابراهيم..عليمن اتضحكين ولج😡
رسل..ماكو شيء و اللة😂
ابراهيم..بسيطة اني اعلمج..ادعي من رب العالمين ينطيني الصبر بس😡
رسل..يووو ابراهيم لتخوفني اشاقه وياك..
ابراهيم..لتخافين يعمري...اريد بس اوصل اشوف منو اليخلصچ من بين اديه...
رسل..هم رجعنه ابراهيم...اهوووو
ابراهيم..ههه اشاقه وياج حبيبي...مشتاقلج حيييل و اللة
رسل..و اني همه و اللة
ابراهيم..لو بس اتشيلين التكبر مالتج چان اني مرتاح...لچ بابا گولي احبك و ريحي گلبي...
رسل..ماا عندي هيج مشاعر تجاهك اني.
ابراهيم..اهاا...بسيطة
رسل..اي غير هذا الصدك خو ماا اچذب عليك اني..
ابراهيم..لا هاهيه خوش...اني الچ
رسل..شبيك ليش اتعصب بسرعة ماا گلت شيء اني...
ابراهيم..بصياح...اسكتي😡
رسل..صاح بيه متت من الخوف....سكتت..
ابراهيم..عفية😡
رسل..ضلينه تقريباً عشرين ثانية ماا نحچي..حچيت اني.......هاااا...نبقى هيج
ابراهيم..مو گتلج اسكتي لو لا😡
رسل..خفت منه...يعني نبقى هيج محد يحجي..
بيج قصص وروايات منقولة الفارس
ابراهيم..اي احسن...اسكتي😡
رسل..(هم رجعنه ساكتين ثواني)...
ابراهيم..هههههه...لچ شنو هالخوف هذا...
رسل..من سمعته ضحك ارتاحيت....يمممه...و علي خوفتني ليش هيج ابراهيم..
ابراهيم..ههههه اشاقه وياج حبيبي..
رسل..اممم..احم
ابراهيم..ام حلك
رسل..ههههه
ابراهيم..فدوه اروحن للضحكه اني...يله گومي نامي شنو خذاج الواهس...
رسل..باوعت للساعة ب 10 اله ربع....يبووووو و اللة نسيت...يله رايحه انام تصبح على خير..
ابراهيم..و انتِ بخير يعمري....
رسل..سديت التلفون و صعدت لغرفتي و اني افكر شگد السوالف وياه اتونس...بس اذا عصب يووو الگاع ماا اتحمله......خليت التلفون عالشحن و شمرت نفسي عالچرباية...كلماا اشتم ريحة ابراهيم بالغرفة احسه يمي موجود و مو بعيد عني......ضليت صافنه عالسگف و ماا يجيني نوم...احوس يمنى و يسرى و ماكو....گمت طلعت من غرفتي و رحت لغرفة هدى دگيت الباب............
هدى..منوو ؟!!
رسل..اني..
هدى..هلا...ادخلي ادخلي
رسل..هاااي شنو ولج...مو گلتي راح انام و وراي كلية..
هدى..و اللة ماا اجاني نوم..طلعت تلفوني و جاي اگلب بيه.....تعاي اللة جابج تعاي....شوفي هاي الصور....
رسل..اجيت....
هدى..بعد دوم ابقي نامي يمي مناا لمن يرجع ابراهيم و تنطلقون لغرفتكم😉😂
رسل..ووولج...لا ياا ماا تستحين..دنجبي و اسكتي يله....
هدى..سكتت سكتت😂
بيج قصص وروايات منقولة الفارس
رسل..بقينه ل 12 بالليل سوالف و ضحك مناا لمن تعبنه و نمنه.............
..گعدت الساعة ب9 الصبح كالعادة...رحت غسلت و بدلت ملابسي و باوعت لروحي بالمراية...الى متى هذا الحزن اللي بگلبي ليش ماا اتغير......گمت حطيت مكياج خفيف و لبست دشداشة امخصرة لون نيلي...لبست الشال و نزلت.........لگيت بس خالتي و سناء و هدى بالمطبخ يتريگن........
رسل..صباح الخير..
سناء..يمه اللهم صل على محمد و ال محمد...جاي اتشوفون اللي اني اشوفه...
هدى..الف الصلاة و السلام عليك ياااا حبيب اللللللة محممممد...كللللللووووش...
ام ابراهيم..ايا ماا تستحين ولج...مناا الوادم تخبلتي يمه شبيج...
رسل..عابتلچن شبيجن ولجن..
هدى..ان عيناي ترى ماا لم تراه من قبل😂
سناء..لا صراحه رسل تغيرتي من كبرتي و صرتي احلى من قبل..تغيير واضح كلش....شنو سبب هالتغيير ؟!!
ام ابراهيم..اي يمه ماا شاء اللة..شنو هالجمال وين چنتي ضامته علينه قبل سنين...
هدى..يمه ياا هالجمال هذا...اللة يساعد ابراهيم من يرجع شلون يتحمل ؟!!😂
ام ابراهيم..ولج صايره ماا تستحين كلش..
سناء..عمه بنتج راح اتخرب اخلاق رسل😂اگلج اني
هدى..هااا اني..
رسل..اي طبعاً انتِ😂
هدى..هاااا تگابلتن....بعد يمه انتِ هم اتگابلي وياهن عليه...
ام ابراهيم..هههه يمه منچن و لا تگعدن راحه...اللگمة اريدهاا اتفوت ماكو..
رسل..غير من وره بنتج😂
هدى..لا هاهيه السالفة خربت😂....يله اني رايحه للكلية...
ام ابراهيم..اللة وياج يمه ديري بالج من الطريق..
بيج قصص وروايات منقولة الفارس
هدى..ان شاء اللة ماما..
رسل..راحت هدى وره تقريباً نص ساعه نضحك و نسولف اني و خالتي و سناء...ماا حسينه اله على صوت دراجة فاتت للبيت..........
علي..دخل..سلام عليكم..
الكل..و عليكم السلام
ام ابراهيم..هلا بيك يمه.....اليوم شعجب راجع من وكت...؟!!
علي..گعد وياهم عالطاولة..اي يمه و علي حيل تعبان و رجعت عالسريع...شلونج خوية(سناء)....شلونج ام عطوب...
رسل و سناء..تمام الحمد اللة..😂
ام ابراهيم..يمه خير شنو هذا صوت الدراجة..؟!!
علي..اشتريتهاا يمه..
ام ابراهيم..شنو...شوكت يمه ؟!!
علي..امس وصيت عليها و اليوم استلمتهاا...
ام ابراهيم..يمه شلّك بالدارجة ياا بعد امك..
و علي ماا بيه حيل...
علي..يمه لعد انتِ التسوقينها و ماا بيج حيل😂.......لتخافين رويحتي...السالفة و ماا بيهاا صديقي راح يفتح عيادة اسنان و اني وياه راح انشارك بيها..(طبعاً ماا حچيتلكم هواي عن دراسة علي و لا ذكرت هذا الشيء لان ادوارة قصيرة و قليلة لذلك اني راح احچيلكم.....علي جان يدرس طب اسنان و تخرج بعد عناء طويل كل هاي السنين و صار طبيب اسنان و الثاني عالدفعة مالته...لذلك راح يفتحون هو و صديقة عيادة اسنان و يشاركون بيها سوه..
و هماتين سووله حفلة بالبيت كلش جبيرة بمناسبة التخرج و لان صار طبيب اسنان بس اني ماا ذكرت هذا المشهد...) و طبعاً هذا صار كله ب سفر ابراهيم يعني ماا چان موجود بالحفلة.......
علي..و هاي كل السالفة يا يمه...لذلك اني اشتريت هاي الدراجة حتى اروح و ارجع بيهاا للعيادة....
ام ابراهيم..يمه چان منتضر ابراهيم يرجع من السفر و هو يشتريلك سيارة...شتسوي بالدراجة..
بيج قصص وروايات منقولة الفارس علي..يمه اني رجال چبير و اريد اعتمد على نفسي مو على غيري...و ثانياً اني ماا ارتاح للسيارة لذلك اشتريت هاي البطح اللي بالطارمه هسه😂....
رسل و سناء..هههههه
ام ابراهيم..يمه و اللة اخاف عليك و ماا مرتاحتلهاا هاي السالفة كلش...
علي..يمه لتخافين شنو زعطوط اني...عمري 24 سنة...ماكو شيء ان شاء اللة.....صبيلي اكل ولج ام عطوب😂
رسل..من عيوني😂...
علي..اله تعاي صدك شنو هالتغيير...صايرين حلوين و كذا😂
رسل..على گولتك كبرنه😂
علي..منيلچ كبرتي بعدج بطول زري لسانج هالطوله...هي سنونج اللبنيه بعدهن ماا واگعات😂
رسل..هاااا اني😂
علي..اي لعد منو غيرج ام لسان..
رسل..دسكت اسكت هو انت آخرتك تقلع سنون الناس الخايسة😂
علي..اي و انتِ اول وحده اجيبج للعيادة اله اطيح حضج...سنونج بدون بنج اشلعهاا...😂
رسل..اي مسودنه و اروحلك اني...عفت الدكاترة كلهاا اجيت على دكتور علي الخبل ابو الاسنان...😂
علي..اتروحيلي فدوه غير😂
سناء..اللللة اكبببر...انت ماا تاكل و تسكت اللگمه بحلگك و اتهرمل😂
علي..انتِ هم طالعلج لسان ولج..😂
ام ابراهيم..يمه دكافي اسكتو دوختوني و علي...شنو هالمناگر يمه
رسل و علي..سكتنه سكتنه😂
سناء..ههههه..
..................................
بيج قصص وروايات منقولة الفارس
رسل..مرّت سنتين و صار عمري 18 سنة و سوولي حفلة عيد ميلاد و حييل فرحت حسيتهم اهلي و دنيتي كلهاا...رب العالمين اخذ مني اعزاز گلبي اهلي...و عوضني بعائلة تسوه الدنيا و ماا بيها...عائلة ماا فد يوم حسسوني اني اني غريبه بينهم...ماا فد يوم غثوني بحچايه..ماا سمعت منهم حچاية مو زينه...صارو دنيتي كلها و تعودت عليهم...
بنفس حلفة عيد ميلادي چنه امسوين حفلة بمناسبة فتح العيادة ل علي و صديقه و چان الكل حاضر بهاي الحفلتين...حيل اتونسنه و ضحكنه و اكو زلم بالاستقبال يباركون ل علي و يروحون...........
حال الأبطال بعد سنتين......
هدى..صارت مرحلة ثالثة...
علي..فاتح العيادة هو و صديقة و يسترزقون منهاا خيييير من اللة...
و تجيهم ناس كومه للعيادة..
رعد..هو و جماعتة مستلمين الشغل و القاعة ب غياب ابراهيم...
ام ابراهيم..خالتي خطيه صار عدهاا مرض السكري و اخذناها للطبيب و انطوها علاج و حالياً مستمره عليه...
أمّا سارة...حالياً هي و علي يتواصلون و منتضرين الوقت المناسب و يجي يتقدملهاا و يخطبهاا من عمامي...و محد يدري بعلاقتهم حالياً بس اني...حتى هي ماا تدري انو علي يصير حماي...
ملك و ملاك..حبيباتي صار عمرهن سنتين و صايرات مدبدبات و وحده من عدهن عاگده حواجبهاا نفس ابراهيم عمها...كلما اشوفها و العب وياها اتذكر ابراهيم و اروح اتصل بي عالسريع....
گضيناها سنتين بس مراسلة و اتصال و واحد يسمع صوت الثاني...بس محد شايف وجه الثاني بعد سنتين فراگ.....
فد يوم چنه ملتمين بالصالة اجه اتصال ل رعد..................
رعد..الووو.......و عليكم السلام هلا بعضيدي........شلونك يا خويه........الحمد اللة و الشكر........زياد و ابوه شلونهم............الحمد اللة.............اهااا...........يعني باجر ان شاء اللة.............تمام..............ان شاء اللة اتعدي بخير و سلامة و يطلع من عدهاا سالم..................اي و اللة يا خوية..............منتضرين رجعتك النه................ان شاء اللة ان شاء اللة..........اللة وياك...........مع السلامة..
ام ابراهيم..خير يمه خو ماكو شيء...
رعد..لا يمه ماكو شيء ان شاء اللة... باجر العملية لأبو زياد.....
ام ابراهيم..ياااا يمه...اللة يشافيه و يعافيه و يطلعه من هاي الشدّة بخير و سلامة بجاة الحبيب محمد......
الكل..ان شاء اللة....
هدى..يححح معقولة راح اشوف اخوي بعد سنتين غياب.....
بيج قصص وروايات منقولة الفارس ام ابراهيم..يمه اني طگ گلبي و بعد ماا بيه اتحمل...حتى السكر موتني ياا يمه...
هدى و علي..اسم اللة عليج يمه....
هدى..يمه لا اتگولين هيج....ان شاء اللة ماا بقى شيء و يرجعلنه ابراهيم...و من تشوفينه تنسين كل الوجع و المرض...
ام ابراهيم..اللة يسمع منج ياا يمه...
رسل..صدك رعد...ماا گلك شوكت تخلص العملية و شوكت يرجعون...؟!!
رعد..ان شاء اللة باجر العملية...و اذا نجحت و طلع منهاا بخير و سلامة يرجعون بعد اسبوع من انتهاءها...
رسل..ان شاء اللة تنجح و يرجعولنه بالسلامة....
رعد..ان شاء اللة..
هدى..زين اني عندي فكرة...
الكل..شنو..؟!!
هدى..اذا نجحت و رجعولنه بخير خلي انسوي حفلة و نذبح طليان😂
علي..دنجبي انجبي...اكرمينه بسكوتج😂
رعد..ههههه لا ليش تنجب...حجيهاا صحيح...انسوي حفلة ليش لا....
هدى..حيييل على عنادك...😂
علي..لأنچ فگر😂
رسل..حيييل😂
هدى..هاا رسل عليه..؟!!
رسل..اي عليج😂حييل
علي..عفية بمرية اخوي..توگف وي حماها بأصعب الشدّات...😂
رسل..شدتيش هيه مناگر😂
رعد..راح اجيب الماسحه و دگ على ضهوركم كلكم...اتسكتون لو شلون...انت ماا اتسد حلگك لا ادفرك...
علي..انت شعليك...خلي ببناتك المدبدبات چنهن دبة طرشي😂
سناء..لحد يحجي على بناتي😂
رسل..ماا عليج بيه سناء هذا امسودن...
علي..علساس انتِ الصاحيه ام الگمل😂
الكل..