CMP: AIE: رواية اتزوجتك غصب الفصل الربع عشر14بقلم حوراء الشمري
أخر الاخبار

رواية اتزوجتك غصب الفصل الربع عشر14بقلم حوراء الشمري


 روايةاتزوجتك غصب 

الفصل الرابع 

للكاتبة:حوراء الشمري


رسل..صارلي 6 اشهر هناا ..راح ارجع اشم ريحة اهلي اللي اشتاقيتلهم ...راح ارجع لبيتي.

..شلون راح اگدر اتحمل اشوفه مره ثانيه...شلون راح اكدر اوگف بنصه...اوووووف

احجي بيني و بين نفسي و اني الف ب شالي ...من سمعنه صوت ابراهيم زاد و چنه حيل عصب نزلنه عالسريع...طبعا اني كلشي ما خذيت وياي..بس هدى اخذت تلفونها وياها........نزلنه


ابراهيم..ويييين چنتن..شتسون ؟!!


هدى..ما انسوي شيء...يله هياتنه خلصنه...


ابراهيم..يله گدامي..


علي..اوگفو اوگفو.....


ابراهيم..التفت..خير...


علي..رايح وياكم...(جان امبدل و و امحضر نفسه)..


ابراهيم..ضحك..ههههه توك اتذكرت...يله امشي


علي..و همه يمشون سوه..مشتاق لريحة الكاظمية يا خويه...


ابراهيم..هوه مناكه و انمر عالكاظمية انزور و نرجع...


علي..اي اكيد..


رسل.. صعدنه بالسيارة...و احنه متوجهين للكاظمية و اشوف ابراهيم و علي يسولفون..

طول الطريق يمشي سريع و مرات اتصير سيارات گدامنه و يوگف فجأه و احنه نگمز من الخوف و ننلطم بالكشنات الگدامنه...صارت زقوم مو روحه..و ازدحامات كومه..بعد اتعرفون بغداد و ازدحاماتها ..تبهذلنه اتبهذل.

...طبعا اني و هدى كاعدين وره ...و علي يم ابراهيم بالصدر.....اباوع اشوف هدى اتگلب بتلفونها...و علي هم يگلب بتلفونه و يبتسم....رفعت راسي عالمرايه الأماميه للسيارة ردت اعدل شالي عالسريع چان اتصير عيني بعينه...خزرني..هذا شبي ....

اختلست و رجعت اباوع للطريق..اتذكرت شلون چنت عايشه وي اهلي و سعادة تغمرني و انحسد عليها...

..أما هسه حالتي اتبچي الفقير....وحده يتيمه مالها احد و شابعينها دك و تعذيب و قسوه بدون رحمه...طفرت دمعتي من عيني و گمت ابجي بس بهدوء و اني اباوع للطريق....

وصلنه بعد ساعات.

...نزلنه و ابراهيم طبگ سيارته ب باب البيت كلش...اني هنا شفت الباب مالت بيتنه

اريد اشيل روحي و انزل ما اكدر.....اريد اكوم اريد اكوم ما اكدر....بقيت صافنه اريد ابجي هم ما اكدر..اطفري يا دمعتي....ماكو شيء بس صافنه عالباب......نزلو كلهم...


هدى..نزلي رسل شبيج صافنه ؟!!


رسل..لا تعليق


هدى..رسسسسل و اتهز بيها...رسل شبيج ؟!!


علي..رسل نزلي شبيج صفتني....راح تبقين كاعده بالسيارة..


ابراهيم..انززززززليييييي

بيج قصص وروايات منقولة الفارس رسل..گمزت من الخوف بعد ما صاح بيه...فتحت الباب على كيف و نزلت و اني گوه امشي....حسيت بدوخه لزمتني هدى و حست عليه..

..(طبعاً المفاتيح كلها و اغراض ابو رسل من توفه انطوها الشرطة الهم)....


ابراهيم..طلع المفاتيح و فتح الباب ....


رسل..دخلنه كلنه و اني وراهم كوه امشي و اتحرك...بعد ما كدرت اتحمل بعد...كمت ابجي.......


هدى..اووووه رسل يا عمري انتي...ما يسوه هالدموع..ليش تبجين...؟!!!


رسل..😭😭😭


هدى..يعمري انتي لا تبجين....اللة يرحمهم و يسكنهم فسيح جناته...انتي اترحميلهم يا عمري مو زين هالبجي هذا عليهم يتعذبون بترابهم.......لزمتها و گوه اتمشيها


رسل..بيت اهلي...بيتي اللي عشت بي ايامي و سنيني كلها ...بحزني و بفرحي...بدموع الفرح و دموع الحزن...

اتذكرت كلشي بهذا البيت اللي جان يجمعني بأبوي و امي و فهودي حبيبي..اللة يرحمهم....


اتذكرت شلون چنه ملتمين شلون چنه نضحك و انسولف رغم عائلتنه صغيرة...

اتذكرت فهودي من جنت اشاقيه و العب وياه...

اتذكرت امي شلون جانت عصبيه و حنينه عليه بنفس الوقت...ما عزو أي شيء عليه....

..عيشوني بالجنه...و جنة غيرهم نار....كل خطوه اخطيها بهذا البيت نار تشتعل جواي و اشم ريحة حريق بگلبي اللي فقد اعزازه...

تيتمت و گعدت ببيت شخص ما يعرف شنو الرحمه و لا يعرف شنو الحنيه...اليتيم حوبته ماا تتعده احد و كافل الايتام ياخذ حقه بأيده..

..امشي و الزم الحيطان كلها اتراب ...افتح الكاونتر شِباك عنكبوت و ريحة تراب غامره البيت بعد ما جانت ريحته اتفوح بعطر اهلي و حنيتهم....ابجي و اني اتذكر كل لحضه و كل ثانيه مريتها بهذا البيت...

و كل شهگه بيه تهتف بأساميهم و اتطلع روحي من صدري و اتخليني اتمنى الموت كل دقيقه...عمري 15 سنة و تيمت الللللة اكببببر...لا اعتراض على حكمك يا رب العالمين..الك بيها اراده و بعدتني عنهم و خليتني يتيمه..بس طول عمري محد راح ياخذ مكانهم بگلبي...

و يضلون بگلبي محفروين و للأبد...........


هدى..يعمري رسوله كافي بجي فدوه اروحلج...


رسل..اهئ اهئ ما اكدر ما اكدر...صدگيني ما اكدر


هدى..لا اتكدرين..خليج قويه و اترحميلهم و اتحملي الدنيا بحلوها و ب مُرها...انتي بعدج صغيرة كلش و الحياة گدامج ...لا اترسين طريقج ادموع...خليج ايجابيه و اترحميلهم...مسحي ادموعج رسوله حبيبتي...مسحي ادموعج...


رسل..مسحت ادموعي و اني ما بيه كل طاقه.....سمعت ابراهيم صاح بيه..


ابراهيم..ررررسسسل..

 بيج قصص وروايات منقولة الفارس رسل..باوعتله و اني ابجي...


ابراهيم..تعاي اصعدي فوك اندور الاوراق...يله اتحركي...


رسل..لزمت ايد هدى بخوف و جريتها وياي...و صعدنه سوه...و علي هم صعد ويانه يدور الاوراق و المستمسكات.....دخلنه لغرفة امي و ابوي اللة يرحمهم...چنه كبر مو بيت ...التراب بكل مكان.....اوووف ياا گلبي و صبره...


ابراهيم..ما تتحركين....تعاي كليلي وين غراض ابوج و اوراقه...


رسل..و اني ابجي..اشرلته عالخانه الفوك الكنتور...


ابراهيم..فتح الخانه و لگه جنطه بيها كومه اوراق...


علي..هاااا بشر....شلگيت..


ابراهيم..يمكن هنه ذني...شو بله اخذهن و شوفهن...خلي ادور...


علي..انطيني...


رسل..بقو نص ساعه يدورون و ينكثون بالأوراق و يطلع التراب و انضل بس انگح( لتخافون مو كورونا😂)

...رحت فتحت الخانه مالت المرايه الجوه ....بالصدفه لگيت شكد صور النه....حتى جنت ما اعرف بيهن ابد و لا احد امشوفنياهن...بقيت اگلب بيهن و ابجي و اني گاعده عالتراب و ما بيه كل الحيل....شفت صورنه اني و فهودي من جان عمري 10 و هوه سنتين و اني شايلته...متت من البجي...و همه شفت صورنه اني و ابوي من شايلني و اني صغيرة...و كووومه صور ما تنعد.........


ابراهيم..يله هاهيه كملنه...امشو...


رسل و هيه تبچي..بس دقيقه فدوه اخذ الصور...


ابراهيم..اخذي وحده من عدهن و انطينياهن...(قصده تاخذ صورة وحده و الباقيات تنطيهن اله)


رسل..و هيه تبجي..لا فدوووه اريدهن كلهن...


ابراهيم..بصياح...لاااااا اتعانديييين اخذي وحده و انطيناهن يييييله...


رسل..ضليت بس ابجي على حضي و اني ادور صوره اخذها...لگيت وحده ماخذينها تونه بروحتنه للزيارة...خذيتها ....و هو جر مني علاگة الصور و خلاها وي الاوراق........صعدنه بالسيارة و احنه رايحين للكاظمية....افترينه هوايه و لو ما علي ويانه چان ابراهيم گُبل رجعنه للبيت😂....بس علي هو لح عليه نفتر شويه...زرنه و كملنه...و هم ازدحامات گوه وصلنه للشباچ...بس بچيت بچي مو طبيعي و عاتبت يم الشباچ..احس نفسي ارتاحيت شويه..


.... تغدينه بالمطعم و اني مالي نفس ب شيء....كلهم يگلولي اكلي و اني ما اشتهي كلش...و النوب كل ما اريد احط لگمه بحلگي هذا يباوعلي و ارجع ما اكل....

صارت الساعة ب6 المغرب يله رجعنه...و اني ميته تعب اريد بس ارجع انسدح و الطريق كله لازمه بيدي الصوره چني ما شايفه....

وصلنه سلمنه على عمتي و سناء..و رعد طالع للشغل...ابراهيم بدون ما يرتاح گُبل راح للشغل وره رعد....

و اني صعدت انخمدت و ما حسيت ب شيء من گد تعبي...........

 بيج قصص وروايات منقولة الفارس ( نامي يا رسل و انتضري شضاملج العاشگج...ما تعرف شراح يصير وياها..و شنو اللي راح يصير و ينگلب عليها رأساً على عقب

رغم صغر سنچ اتحملتي هذا كله...ارفعلج القبعه يعمري انتي...و تستاهلين احلى صفگه على صبرج و ايمانج باللة....)


رسل..مرت اشهور و اني شابعه صياح من ابراهيم و خزره بيه و نضراته اللي ما اعرف شتريد مني و شتفسر.......


انروح ل رعد و سناء...و هاي أول مره😁

........................


سناء..شلوووون هيج گلي شلون...ما يصير هذا حقي اني.... ما يصير تمنعني منه...


رعد..لا اكدر امنعج و هذا الشيء يرجعلي .....گتلج ماكو روحه يعني ماكو.....


سناء و هيه تبچي..اي ليييش..يعني صايرلي شهر مشايفتهم كل ما اگلك خلي اروح اتكلي خليها لباجر..رعد شبيك انگلبت علييه...


رعد..سناء لا اتحرگين اعصاااااابي....جاي اگلج لا يعني لا...ما اثنيها كلمتي بعد...خلص انتهى الموضوع...


سناء..اي ليش گلي ليش...شمسويه امقصره وياك ب شيء گلي...هاي جزاتي...


رعد اتقرب عليها...يعمري انتي يروحي...شبيج انتي...ليش اتعانديني هاي اول مره تردين اتكسرين كلمتي...جاي اگلج ما اتروحين ليش اترادديني...انتي هسه بشهرچ الأخير و باقيلج ايام حتى اتجيبين....

.تردين اتخليني بهاي حالتج اوديج لبيت اهلج و انتي اببطنج اثنين...

...لا بويه ماكو هيج حچي....من اتجيبين ان شاء اللة و بحيل اللة اتكومين انتي و البنات...اني بنفسي اوديج الهم..

سناء..اكيد رعد


رعد..اكيدين و نص حياتي.....تعااااي تعاي مشتاقلج شكثر...


(هاا شكو شبيكم😂ماكو شيء)


..........................


(بعد مرور أيام و أشهر)


الساعة بأل1 بالليل...


رسل..گاعده بالغرفه و اني لازمه صورة اهلي و صافنه و اتأمل بيهم و ادموعي توگع عالصوره بشكل خفيف...

و هدى نايمه يمي....ما احس اله على صوت سناء اتعيط و گلبت البيت گلابه....


سناء..رررررعددد...الحگليييي يممممممه....


(هدى گعدت عالصراخ ...)


هدى..شنوووو شنو ...شصاااااير..شكو (خطيه😂)


رسل..ماااا ادري ....رحنه لغرفة رعد اني و هدى و احنه نركض.....فتح الباب و هيه حاطه العبايه عليها...

هدى..(فهمنه انو راح اتجيب)....يااااا امشي امشي...


رسل..خالتي گعدت و راحت وياهم هيه و رعد و همه خابرو على امها و خواتها.....علي هم راح وياهم...بقو يمي هدى و ابراهيم...(ميصير يبقن وحدهن لازم وياهن رجال)...

...(كلنه ندري بس حبيت اذكركم😂)


رسل..گعدت و اني خايفه عليها خطيه....لازمه تلفوني و اگلب بي و هدى رجعت نامت بس متمدده ...منتضرين خبر من عدهم...


تذكرت انو اني ما متعشيه بعدني....

لبست شالي و نزلت للمطبخ اكللي لگمه...گعدت عالطاولة و اني اكل و مشتاقه لأهلي حيييل...مرت سنويتهم لازم انروح للنجف ما اكدر اتحمل بعد..بس خلي تخلص سالفة سناء...


ما احس اله و طفه ضوى المطبخ ...اختسلت


رسل..يمممه يمه....شغل الضوى ....ابرااااهيم اعرف هاي السوالف اني...شغغغغغل الضوووووى...


ابراهيم..ههه زين من عرفتيني يگلب❤...

رسل..احذرك تتقرب و علي اصرخ و الم الدنيا كلها عليك..


ابراهيم و هو يتقرب..ههههه وينها الدنيا...هي بس هدى...


رسل..ووووخرررر ابراااهيم..احذرك هااا....وخر


ابراهيم بأبتسامه خبيثه..تعااااي ما راح أأذيج...


رسل..هددددى هددددى..


ابراهيم..لزمتها و حطيت ايدي على حلگها....سحبتها سحب لغرفتي و ..

                   الفصل الخامس عشر من هنا

لقراة باقي الفصول اضغط هنا



تعليقات



حجم الخط
+
16
-
تباعد السطور
+
2
-