رواية عذراء فالحب
الفصل العشرون والحادى والعشرون
بقلم عائشة احمد
العشرون
عائشه بتنهيدة : ممكن نتكلم
جواد فرح انها هتتكلم معاه : طبعاخير
عائشه بتاخد نفس عميق وبتخرجه : لحد امته
جواد باستغراب: اى هو اللى لحد امته
عائشه : لحد امته هتفضل كدا لحد امته هتتجاهلنى بالشكل دة لحد امته هتجرحنى بالطريق دى ودموعها نزلت وقربت منه جواد انا عملت اى لدة كله بتعاقبنى على اى على حاجه مليش ذنب فيها على حاجه حصلت قدر من ربنا مش انا السبب فيها معقول يا جواد مش قادر تنسى مش قادر تقرب منى بسبب كدا سنه ونص وانت بعيد متخيل انا عشت ازاى انا كنت واخدة وعد انى مسمحكش بسبب اللى عشته الفترة دى كلها بس لما شفتك قدامى انهارت كل حصونى مقدرتش اغلب شوقى ليك مقدرتش اكمل حياتى من غير مفكركان سهل عليا اسيبك وامشى
بس انت وسكتت وبصتله ودموع فى عنيها ومسكت ايدة انت اللى بعدت حسستنى انك مش عايزنى فى حياتك نظراتك ليا كانت بتقتلنى وانا مليش ذنب انا اى ذنبى فاللى حصل انا عملت اى لدة كله
جواد بضحك وسخريه سحب ايدة وصوت عالى : ذنبك اى انتى مصدقه نفسك مصدقه اللى بتقوليه
عائشه باستغراب : جواد
جواد : انتى رجعتى لى عايزة اى تانى انتى مشيتى لى رجعتى تانى
عائشه باستغراب : اى
جواد : انتى مفكرة معرفش حاجه انا عارف كل حاجه عارف خيانتك ليا
عائشه : خيانه اى
جواد : انا قبلت خالد وقالى على كل حاجه على اتفاقك معاه وعلى خيانتك ليا وعلى نيتك انك تقتلى ابنى ومراتى
عائشه بصدمه : بتقول اى انت مجنون
جواد صوته على خلى الكل يجمع عالصوت وفتحوا الباب وواقفين مصدومين من اللى جواد بيقوله
عائشه بصوت عالى : انت مصدق ان انا اعمل كدا
جواد : قوليلى اى اللى خلاكى تقابلى خالد دة ولوحدك ومن غير ما تقولى
عائشه بدموع : انا روحت لان فى حد كان بيهددنى وقالى قابلينى وانا كنت عايزة اعرف مين
جواد بسخريه : ومطلوب منى اصدقك
عائشه : ايوة لانى مش بكدب عمرى ما كدبت عليك انت ازاى صدقته انا يا جواد انا اعمل كدا ولا افكر مجرد تفكير فى كدا
جواد : انا خلاص مبقاش عندى ثقه فيكى انا خسرت مراتى وابنى قدام عيونى وبسببك
عائشه بصراخ ودموع : متقلش بسببك انا مليش ذنب يا جواد كل حاجه حصلت قدر مش اكتر بس انا والله عمرى ما فكرت انت عقلك ازاى صورلك انى ممكن كدا انت اكيد لا مستحيل وبتبعد عنه
هنيه : اهدى يا بتى اهدى
عائشه بدموع : دا بيتهمنى بخيانته وياريت كدا وكمان انى السبب فموت مرام بصتله ومسحت دموعها عارف دموعى دى خسارة فيك خسارة فواحد زيك قلبى خسارة انه حب واحد زيك انا مش هقلك حاجه بس فارس يعرف الحقيقه ويعرف كل حاجه انا اللى طلبت منه واخدت منه وعد ميتكلمش عشان حرمت الميت لما يقلك عليها وتعرفها مش عايزة اشوف وشك مرة تانى وقربت منه وبصتله وعنيها كلها قسوه اتكلمت انت انتهيت من حياتى وسابته ومشت واخدت بنتها
جواد واقف حاسس ان هو غلط غلط كتير وحاسس ان كلامها صح وبيفكر لو طلع صح هيعمل اى هو ايوة كان مضايق منها بس كان مطمن موجودها جنبه فاق على صوت امه
هنيه: ارتحت ارتحت لما راحت اى كنت مستنى ايه منيها تجرحها دايما وترجع تلاقيها مستنياك
حنين بحزن : هى جت على كرامتها كتير عيشه عمرها ما كانت كدا بس جت عليها عشانك عشان عايزة تفضل جنبك ومعاك حاولت كتير معاك بس للاسف اسفه انى هقلك كدا بس انت طلعت متستهلش متستهلش حبها
محسن : لو حد مننا سمع كلام اللى اسمه خالد دة مكناش هنصدقه لان معرفتنا بعيشه متخلاناش نصدق الكلام دة بس انت بكل بساطه صدقت
وسابوة ومشى
**************####**********
عند عائشه راحت عند عمتها وكان معتز اخوها هناك
معتز بخوف : عيشه اى اللى رجعك حصل اى
عائشه ببحه صوت ابتسمت : عادى رجعت للبيت اللى مقلش من كرامتى
نسرين بخضه : اى يا بتى مالك اى رجعك حصل اى
عائشه وهى بتسيب شنطتها
عائشه : عادى كل حاجه انتهت
معتز شايل جود: انا هنيم جود واطلع ارن على معاذ واشوف اى حصل
*******####**********####*******
صباح يوم جديد
فى بيت عائشه
معتز قاعد هو ونسرين ومعاهم جود ومستنيين عائشه اللى قامت وهى حاسه بدوخه خرجت عليهم بتتسند عالحيطان
معتز: عيشه مالك
عائشه : مش عارفه حاسه الدنيا بتلف بي ووقعت عالارض
معتز : عيشه عمتى سنديها غيرى هدومها وانا هاخدها للدكتور
جود ببكاء : ماما ماما
معتز وهو بيحضنها : اهدى يا حبيبتى مفيش حاجه اهدى
بعد مدة
معتز اخد عائشه ووداها للدكتور
الدكتور: الدوخه دى بتحصلك كتير
عائشه : مؤخرا بدأت تحصلى باستمرار وبتقعد فترة وصداع دايما
معاذ : مبتاكلش خالص يا دكتور
الدكتور ممكن تفقى الطرحه هشوف حاجه
بعد دقيقه
الدكتور : طب انا هطلب شويه تحاليل اعمليها وهاتيهالى بس ضرورى تعمليها
معتز: هو فى اى يا دكتور
الدكتور : خير ان شاء الله لما نشوف التحاليل
راحوا عملوا التحاليل والنتيجه تانى يوم كانت هتظهر
وروحوا وعيشه سيباهم وقاعدة فأوضتها مش عايزة تخرج منها
"***************★********
اما عند جواد
جواد بغضب: احكيلى كل حاجه حصلت ولى مقلتليش
فارس: عيشه طلبت منى انى مكلمكش فالموضوع عشان مرام ماتت ومحبتش حد يتكلم بسوء عن الميتين وحلفتنى بكدا
جواد بوجع : اى اللى حصل احكيلى كل حاجه
فارس : كل حاجه حصلت بسبب مرام مرام هى السبب فالحادثه اللى حصلت لعيشه فى بدايه شغلها فالمزرعه واتفقت مع خالد ومندور وكانوا بيبعتوا رسايل تهديد لعيشه انها تبعد عنك هى لجأت ليا عشان اساعدها وانا كلمت واحد صحبى وقدرنا نوصل لكل المعلومات دى وحكايه الحادثه بتاع عيشه وانا بفرغ الكاميرات لقيتها وقدرت اوصل للواد اللى اسمه نعيم وعرفنا منه وكمان هى السبب فان اهل عيشه عرفوا مكانها وجم البلد مراتك كانت السبب فدة كله ويوم الحادثه اللى كان بيبعت رسايل لعيشه طلب منها انها تقابله وهى كانت عايزة تعرف هو مين وراحت وكان اتفاقهم ان انت تروح هناك وتشوفها فى وضع مش كويس مع خالد ودة نجحت فيه مرام اللى خلتك تروح هناك بس هما مكنوش عاملين حساب ان عيشه يبقى معاها سلاح والامور تطورت وحصل اللى حصل بس عيشه مجنى عليها وانت جنيت اكتر عليها
جواد بحزن: انت لى خبيت عليا لو قلتلى مكنش كل دة حصل لى يا فارس لى هى مستحيل تسامحنى مستحيل
فارس قرب منه : صدقنى هى اصرت انى مقلقش بس روحلها يا جواد روحلها
جواد : هى مش عايزة تشوف وشى تانى .
فارس: زى ما هى حاولت مرة واتنين وتلاته وانت كنت بترفضها حاول انت معاها
جواد: هروحلها بس يارب تسامحنى يارب
فارس خرج من اوضه جواد مهموم على حال صاحبه
وهو ماشى خبط فى نارين بس اعتذر وسابها ومشى وهى استغربت
نارين : ماله دة مش عوايدة
فارس قاعد وبيفكر وبيأنب نفسه ان هو مقلش لجواد من الاول
نارين دخلت : استاذ فارس فى شويه اوراق لازم تتمضى
فارس كان قاعد وسرحان ومش حاسس باى حاجه
نارين : استاذ فارس وبصوت عالى استاذ فارس
فارس بخضه : فى اى
نارين : حضرتك انا بقالى كتير بكلمك وانادى عليك بس انت مش هنا
فارس : معلش مخدتش بالى
نارين : حضرتك لو تعبان اجبلك حاجه
فارس بحزن : لما يبقى صديقك فضيقه وانتى مش قادرة تخرجيه منها وكمان انتى ليكى يد فالحزن اللى هو فيه بقصد او من غير قصد تعملى اى
نارين : انا مش فاهمه حاجه
فارس : هقلك وقص لها كل ما حدث
نارين بحزن : انا اسفه فاللى هقوله بس جواد بيه ميستهلش مدام عيشه عدم ثقته فيها هو اللى وصلهم للحاله دى ولا انت ليك يد ولا غيرك لو كان هو واثق فيها مكنش عطى فرصه ان واحد زى خالد يضحك عليه صدقنى انت ملكش دخل
فارس بحزن : انا حزين عالاتنين جواد اكتر من اخ وعيشه اعتبرتنى اخ ليها وانا اعتبرتها اختى جواد كان فرحان معاها انتى متعرفيش حاله جواد اى من لما سابته
نارين وهى ماشيه : لو بيحبها مش هيسيبها صدقنى
وسابته ومشت وهى جواها اعجاب من ذاك الصديق الذى يحزن لحزن صديقه ويعول هم فرحه وسعادته
"***************
عند جواد قرر يروح عند عيشه
نسرين : خير ياابنى
جواد : عايز اشوف عيشه ممكن
نسرين بحزن: هى فاوضتها ورافضه تشوف اى حد
جواد : طب ممكن اشوفها انا
نسرين : ادخل يا ابنى اوضتها دى
جواد خبط عالباب
عائشه من الداخل : معلش يا عمتو عايزة انام شوى
جواد : عيشه ممكن نتكلم شوى
عائشه سمعت صوته عرفت ان هو عرف الحقيقه قررت تواجه قامت فتحت الباب : عايز اى
جواد بحب: انا اسف سامحينى
عائشه بسخريه : اسف بجد ومطلوب اسامحك طبعا ما انت اتعودت منى على كدا بس لا لحد هنا وكفايه اوى انت انتهيت من حياتى انتهيت يا جواد
جواد بوجع : اسمعينى انا والله بموت من غيرك انا
عائشه قاطعته: انت اى انت تعبت وحزنت من بعدى عنك وانا كنت بدور العالم انت متعرفش انا عشت ازاى من بعدك انا مكنتش عايشه تعبت كتير من كل الجهات حاولت كتير القى شغل بس للاسف كلهم كلاب وعايزين حاجه غير شغلى قعدت ست شهور اشتغلت ميت شغلانه وللاسف كلهم اصحابهم كانوا اقذار كنت كل يوم بسأل نفسى انا هونت عليك يا جواد يا جواد تعاللالى انا محتجاك بس انت مجتش
وحتى لما لقيت شغل حلو كنت بموت من غيرك كنت بشوف صورك فالجرايد والتلفزيون ببقى بملى عينى يمكن اشبع اشتياقى ليك وانت كنت عايش حياتك انا مكنتش زعلانه بس كان صعبان عليا نفسى اوى انى هونت عليك انت متعرفش انا عشت ازاى انا كنت ميته مش عايشه بس حافظت على اسمك وانت اى روحت خطبت فاللحظه اللى كنت راجعه اقلك ارجعلى يا جواد انا جيت كتير على نفسى قبل سنه ونص حاولت كتير معاك بس فى كل مرة كنت بترفض قربى بترفض وجودى جنبك وبعد سنه ونص برضوا رجعت وجيت على كرامتى وحاولت ارجعك بس انت كنت بتنتقم منى فى حاجه مليش ذنب فيها مكنش عندك ثقه فيا وكان عندك ثقه فى واحد زى خالد اى اللى شفته منى خلاك متثقش فيا يا جواد
استحملت كتير عشان بحبك وتحملت اكتر بس انت مع اول مشكله بس خلاص انا اكتفيت يا جواد
جواد بوجع مسك ايدها: حبيبتى اسمعينى ادينى فرصه انا اسف
عائشه بدموع : جواد لو سمحت اخرج من حياتى لو بتحبينى ابعد عنى سيبنى سيبنى
جواد بوجع : ادين
عائشه قاطعته : صدقنى انا مبقاش عندى طاقه اتحمل انا اتوجعت بما فيه الكفايه لو فعلا بتحبنى ابعد عنى وزاحته اخرج برة حياتى بررررة
جواد سابها ومشى وهى انهارت عالارض
نسرين : لى يا بتى عرف غلطه
عائشه بتعب ودوخه ماشيه وسيباها : بعد اى يا عمتو بعد اى
صباح يوم جديد
عائشه ومعتز عند الدكتور وجابوا نتيجه التحاليل
الدكتور بصلهم وبحزن : نتيجه التحاليل اكدت شكوكى
عائشه : شكوك اى
الدكتور:..........
الواحد والعشرون
صباح يوم جديد
عائشه ومعتز عند الدكتور وجابوا نتيجه التحاليل
الدكتور بصلهم وبحزن : نتيجه التحاليل اكدت شكوكى
عائشه : شكوك اى
الدكتور:التحاليل بتقول ان مدام عيشه مصابه بسرطان الدم
معتز بخوف : انت بتقول اى
الدكتور بحزن: انا اسف بس انا كنت شاكك بس حبيت اتأكد بالتحاليل
عائشه بحزن : يعنى هموت
الدكتور: لا هو لسه فى بدايته بس لازم تبدأى بالعلاج الكيماوى
معتز بسرعه : اكيد نروح فين
الدكتور: دة عنوان المستشفى روحوا وانا هكلم دكتور زميل ليا هيقابلكوا وهيعرفكوا كل حاجه
معتز : حاضر هنروح دلوقتى
دكتور : لا روحوا ارتاحوا انهاردة وبكرة روحوا وانا هكلمهم واعرفهم الحاله
معتز : شكرا يا دكتور
واخد عائشه ومشى بعد ما نزلوا
عائشه ببحه وخنقه : معتز عايزة ابقى لوحدى شوى
معتز : لا انا هفضل معاكى ونروح سوا
عائشه : معلش يا معتزمخنوقه وعايزة ابقى لوحدى سبنى وانا هروح لوحدى عشان خاطرى
معتز بصلها كتير : حاضر يا عيشه همشى وسابها ومشى وهى ماشيه دموعها بتنزل منها ومش عارفه لى بيحصل كدا : لى انا لى دايما انا موجوعه اللى بحبه راح منى كل حاجه بتروح منى واقفه لوحدى محدش جنبى وسط اهلى بس وحيدة يا الله ريحنى من الوجع دة
بعد مدة عيشه روحت وعرفت عمتها واهلها اللى جم من البلد عشان يفضلوا جنبها وطلبت منهم محدش يعرف جواد
عند جواد قرر يسافر اسبوع البلد يريح دماغه شوى من كل اللى حصل معاه
وبدأت عائشه رحلت العلاج اتحجزت فالمستشفى وبتاخد الجلسات وتعبت كتير والكل حواليها حتى زين ونجلاء بقوا يروحوا يزوروها والكل جنبها بس هى تعبانه ووحيدة وسطيهم اما جواد فمازال فالبلد ومش عايز يرجع وبيحاول يكلمها بس تلفونها مغلق وبعتلها رسايل كتير بس كلهم مفيش رد عليهم
مر شهر وعيشه لسه بتاخد العلاج وشعرها وقع وخست جدا
معتز : اى اللى بتقوليه دة
عائشه بتعب: مش هكمل
رنيم : حبيبتى انتى قربتى تنهى العلاج استحملى
سهير: عشان خاطرى يا بتى استحملى
عائشه بدموع : سبونى وحدى عايزة اقعد وحدى مش عايزة حد معايا سبونى سبونى
سابوها وهى خدت المصليه وصلت وبتبكى يارب محدش حاسس بالمى ولا وجعى انا بموت ومحدش حاسس يارب ريحنى يا رب انا بعمل كل دة والله عشان بنتى انا مش عايزة غير ان بنتى تكون سعيدة مش عايزة غير بنتى يا رب قوينى ياالله قوينى انا خلاص قوتى اتلاشت وحشتنى يا جواد محتاجه حضنك يا جواد معقول مسألتش عليا محاولتش تكلمنى ولا مرة تانى لى بهون عالكل لى بهون لى دايما بهون عالناس يارب انا عارفه انك جنبى تغنينى عن الكل يارب ريحنى من العذاب دة
"**************************
عند جواد
محسن : حمدالله عالسلامه
جواد: الله يسلمك اى الاخبار
محسن : كل حاجه تمام والام
قاطعته لين اللى دخلت فجأه : جواد مصدقتش لما قالولى انك هنا اخيرا جيت وحشتنى
محسن بحرج: عن اذنكوا وسابهم ومشى
لين : لى الغيبه يا جواد اى اللى حصل خلاك تغيب كدا
جواد : كان ورايا شغل بالبلد خلصته ورجعت اهو
لين راحت عندة : جواد وحشتنى اوى احنا المفروض كنا اتجوزنا كل اللى بيشوفنى بيسألنى عن جوازنا بس انت اجلت كل حاجه وانا مش عارفه اقلهم اى
جوادسكت شويه وبعدين اتكلم: لين انا عارف ان الكلام اللى هقوله هيجرحك ويزعلك بس انا مش هقدر اخدعك اكتر من كدا انتى دخلتى حياتى كانت عيشه فيها وحتى بعد ما عيشه مشت فضلت جوايا هى مش حوليا بس ساكنه هنا وشاور على قلبه حبى لعيشه غير مش متخيل حياتى مع حد غيرها ومش عايز اكدب عليكى واعشمك بحاجات مستحيل تحصل
لين بخوف: انا عارفه انك بتحبها بس ادينى فرصه اقرب منك وانا هنسيهالك اه صدقنى حبى ليك هينسيك
جواد : عمرى ما هنساها مقدرش ابص لغيرها لان هيا حواليا فى كل النسوان صورتها قدامى صدقينى انا عارف انى غلطت بس مش هقدر اكمل حياتى مع غيرها واتكلم بهمس واوجعها انا وجعتها كتيروبعدين بص للين انا عارف انى وجعتك بكلامى بس انتى كنتى عارفه انى بحبها
لين : بس الناس والصور واللى اتكتب علينا فالجرايد
جواد بغيظ : انا مكنتش عايز افتح الموضوع دة بس الشخص اللى سبك الليله باعك عشان قرشين زيادة
لين بتوتر: قصدك اى
جواد : لين انا عارف اى اللى حصل كله لانى انا كنت واثق ان انا مكنتش فحالتى الطبيعيه وخليت فارس فضل ورا الموضوع لحد ما وصلنا للشخص اللى اتفقتى معاه يصورنى
لين بتوتر: اى اللى بتقوله دة
جواد : انا مكنتش عايزك تعرفى ان انا عارف عشان متصعبش عليكى نفسك بس انتى اللى اضطرتينى لكدا
لين : بس انا بحبك يا جواد وعشان كدة عملت كدا
جواد : موضوعنا انتهى وانا وانتى مفيش حاجه هتجمعنا ولا جمعتنا انا فدة وشاور على قلبه مفيش غيرها هى وبس
لين بحزن : انا اسفه يا جواد انى
جواد قاطعها: روحى يا لين انا نسيت الموضوع شراكتنا هتفضل موجودة بس اتمنى نحافظ على حدود فالتعامل ما بينا
لين : حاضر عن اذنك وسابته ومشت
****************************####
المستشفى
الدكتور واقف بيتكلم مع اهل عيشه
الدكتور: يا جماعه لازم تقنعوها تكمل تعب الشهر اللى فات هيروح كدا لازم تكمل لو حصلها انتكاسه هيحصلها حاجات كتير احنا مش عايزينها
منير : طب نعمل اى يا ولدى دلنا يا دكتور
الدكتور : صدقونى انا حاولت كتير بس هى رافضه تسمع اى حاجه هى عايزة ارادة قويه عايزة حد يمسك ايدها ويطمنها
معتز: كلنا جنبها ومعاها يا دكتور ومش هنسبها
الدكتور : حاولوا معاه تانى حاولوا لازم لاما الحاله هتتدهور ونوصل لمرحله احنا مش عايزينها
منير : قصدك اى يا ولدى
الدكتور : انا اسف بس بنتكوا بنتكوا بتقدم روحها للموت
وسابهم ومشى
نسرين بحزن: لى يا بنتى الدنيا جيه عليكى كدا لى بس يارب نجيها
مر اسبوع وعائشه حالتها بتتدهور وبدأت توصل لمرحله صعبه وبدأت ترجع
الدكتور جرى عليها : حرام اللى بتعمليه فى نفسك دة انتى بتموتى نفسك بالبطئ
عائشه بترجع ومش قادرة تتكلم وبتاخد نفسها بالعافيه
بالخارج سهير ونسرين بيبكوا ومعتز قاعد لا حول له ولا قوة
منير : كلم جوزها يا ولدى هو اللى هيقدر يكون جنبها هو اللى هيقدر يرجعها عن اللى فدماغها
زين ونجلاء كانوا جايين
نجلاء بخوف : فى اى عيشه عيشه حصلها حاجه انتوا بتعيطوا لى
زين: اهدى يا نجلاء اهدى
سهير بدموع : بنتى بتموت ومش عارفين نعملها حاجه بنتى بتموت
زين بخوف: فى اى يا معتز
معتز: رافضه العلاج وبقالها اسبوع مخدتش جلسات والدكتور قال انها وسكت ولف وشه
منير تايه ومش عارف يعمل اى : انتى يا ولدى انت عارف جوزها مش كدة كلمه هو هيقدر يقنعها
معتز : بس هى مش عايزة جواد يعرف حاجه
منير بغضب: لازم يعرف لازم هو اللى هيساعدها هى محتاجه جوزها يا ولدى هو اللى هيقدر يقنعها
زين : اهدى يا عمى اهدى انا هكلمه انا هتصرف ومشى بعيد ومسك التليفون
::""""""٪*****************#
عند فارس قاعد هو ونارين اللى قربوا قوى من بعض وبيراجعوا بعض الاوراق
فارس فى وسط اللى هما فيه اتكلم : نارين
نارين : نعم
فارس : انتو ساكنين فين
نارين : لى بتسأل
فارس بغيظ : عايز اشرب شاى عندكوا
نارين بغباء: وانتو معندكوش شاى فى بيتكوا ولا اى
فارس بغيظ : انتى غبيه يا بت ولا بتستغبى
نارين : لا غبيه هههههههه لا بجد عايز عنوانه لى
فارس بغيظ : بقلك اشرب شاى مع ابوكى يعنى اجى اتكلم مع ابوكى شوى
نارين ؛ تتكلموا فأى وانت تعرفه
فارس: نتعرف
نارين : لى عايز تعرفه
فارس بنفاذ صبر: مهو البعيد فعلا غبى عايز اخبطبك يا ام مخ تخين
نارين ببسمه : بجد
فارس: ايوة
نارين : عنوانا اهو وكتبته ورقم بابا اهو تاخد رقم ماما استنى بلاش ماما خد رقم اخويا الكبير
فارس بضحك : كفايه انتى مجنونه
لين بفرحه : اصل بابا بيسافر كتير بحكم ان طيار فلو ملقتوش اخويا موجود بس هتيجى امته بقه اى رأيك نروح دلوقتى
فارس بضحك : مكنتش اعرف انك واقعه كدا
نارين: والنبى امال انت اى بقه
فارس بغزل : انا واقع من زمان اذا كان عليا
نارين بخجل : فارس
فارس : عيونه
تليفون فارس رن فالوقت دة
فارس : دا زين غريبه بيرن لى عليا
نارين : شوفوا فى اى ليكون فى مشكله فالبنا
فارس : ماشى هرد
فارس: الو ايوة يا زين
زين اتكلم بسرعه : جواد فين مبيردش لى رنيت كتير عليه مرضش عليا
فارس : اهدى مالك كدا جواد معرفش اكيد فمكتبه فى حاجه حصلت ولا اى
زين بوجع وحزن : عيشه يا فارس
فارس : مالها عيشه
زين : سكت
فارس بغضب : فى اى ما تنطق
زين بتنهيدة : عيشه بتموت
فارس بخوف: انت بتقول اى اى الكلام دة
زين : قص له كل شئ
فارس بحزن : وازاى محدش يعرفنا لى يا زين طب جواد ومش عايزاه يعرف مقلتليش لى
زين : انا اسف يا فارس بس دة كان طلب عيشه وانا مكنتش هتكلم الا انها وصلت لمرحله صعبه ورافضه العلاج وباباها طلب ان جواد يجى
فارس : انا هجيب جواد وجى حالا مستشفى اى
زين :..........
قفل السكه وماشى
نارين وقفته : فى اى
فارس وهو ماشى : عيشه بتموت يا نارين وطلع يجرى على جواد
فارس: جواد بيه جوة
السكرتيرة : ايوة
فارس داخل وبينهج من الجرى
جواد اول ما شافه : فى اى مالك
فارس بينهج : عيشه
جواد بخضه : مالها فى اى
فارس بوجع : عيشه بتموت يا جواد
جواد :..///