رواية أزواج ممزقة
بقلم قمر فتحي
الفصل التاسع
في قصر ال العطار
خديجة: مالك يا عز سرحان فـ ايه
عز الدين بقلق: مش عارف اكرم بقاله فترة متصلش فقلقان عليه
خديجة بجدية: طب اتصل انت يا حبيبي وطمني عليه الواد ده قالقني اوي من زمان
مش عارفة ايه لازمته السفر
عز الدين بتنهيدة: عنيد اوي
======
و في احد الابنية الفخمة في الكويت
في شقة اكرم العطار
اكرم: يووووه انا زهقت من ام الموضوع ده
هاجر: عشان خاطري يا اكرم نفذلي طلبي
اكرم بنفاذ صبر: قلت لا يعني لا
وخرج صافقا الباب خلفه بعصبية وظلت هي تنتحب بقهر
عاد اشرف من عمله وفزع لمراى زوجة اخيه بهذا الحال
اشرف بفزع: مالك يا ابله هاجر ايه الي حصل
ابيه اكرم كويس
هاجر ببكاء: انا زهقت اخوك مش عايز يتعالج انا تعبت كده
اشرف بتنهيدة: معلش يا ابله اصبري معاه شويه وان شاءالله بالهداوة كل شي ينحل
سار خارج الشقة الى الشقة المقابلة حيث يقطن هو وشقيقه وتوامه شريف
(اكرم رافت العطار ابن عم ايهم وصهيب خسر والدهم كل ثروته ومات فسافروا ليبدؤوا حياتهم من الصفر
يمارس اكرم الطب في احد مستشفيات الكويت الكبرى ويشتغل اشرف وشريف حديثي التخرج في احدى الشركات كمتدربين)
=========
كانت تقف تنتظرهما تحت البناية بشوق جارف
بينما كان صهيب اتيا اليها لايصال طلبات البيت الاسبوعية استغرب لرؤيتها واقفة امام البناية ومالبث ان ظهر شاب وفتاة فركضت زوجته وارتمت في حضنه مم جعل الدماء تغلي في عروقه فهي بالنهاية زوجته
على الجانب الاخر
كانت ولاء تنتظر وصول اشقائها بفارغ الصبر فان كانت تخاف من المواجهة فهي قد اشتاقت اليهم اكثر وماان ظهرا حتى ركضت وارتمت في حضن اخيها واحكمت تمسكها به تلتمس الحنان و الاحتواء
فجاة يد صلبة جذبتها بقسوة من ذراعها فتالمت فاذ به زوجها بعيون تتطاير منها الشرر
صهيب بغضب: مين ده يا هانم الي بتحضنيه في الشارع بكل بجاحة
وليد بحدة: انت ازاي تمسكها كده
فوجه له صهيب ضربة افرغ بها شحنة غضبه
صهيب بغضب: مراتي وانا حر انت مالك
وليد: هتطلقها وهاخد اختي معايا
صهيب بصدمة: اخوها!! انت اخوها!!
وبحركة سريعة جذب ولاء خباها خلف ظهره ورمقه بنظرات نارية غاضبة
صهيب بتحذير: لو قربت منها ثاني مش هيحصلك طيب اقسم بالله لاخفيك
اخذت ولاء تشده بنحيب
ولاء ببكاء: ده مش هو
ده لسه جاي من السفر
التفت اليها صهيب بحدة فتابعت
ولاء: ده اخويا وليد
حينها فقط ارتخت ملامحه وابتعد عنها تاركا لها المجال لاحتضان شقيقتها
صهيب بابتسامة: معلش بقا يا استاذ وليد معرفتكش
وليد بتوجس: حصل خير
صعدوا جميعا الى شقة ولاء حيث ستنكشف اسرار كثيرة
=======
في شقة فرحة
الحاج محمد: قاسم موافق على شروطك
رمقته بصدمة فتابع
الحاج محمد: الا شقة هديل
ابتسمت بسخرية فهذا ما توقعته فرغم ما يفعله قاسم الا انه يعشق هديل بصدق ذاك العشق الذي ستسعى لتدميره
سديل: يبقى نص الورشة
الحاج محمد بصدمة: انتى اتجننتي
سديل بجمود: ده شرطي اول مااحمل تتنازل عن نص الورشة
الحاج محمد بغيظ: ماشي بالنهاية هي لابن قاسم
سديل ببرود: طيب حددوا كل شي وعرفوني عشان الشقة تبقى قبل كتب الكتاب بيوم
انتفض والدها من مكانه بغضب وخرج من الشقة صافقا الباب خلفه بينما جلست هي بهدوء تشعر بنشوة الانتصار وقرب تحقيق انتقامها
======
مروان بضيق: هي تجوزت امتى يا بابا
ياسين بعدم مبالاة: من فترة كده
مروان بترقب: لما هربت من عندنا صح
ياسين ببرود: يعني حاجة زي كده
مروان بعصبية: رد عليا ماتسيبنيش كده
ياسين بحزم: انساها ولاء خلاص بحححح انساها مروان بهذيان: ولاء ولاء بتاعتي ولاء حقي
اكتفت خولة بالبكاء على حال ابنها وما آل اليه
=======
نزلت تيماء الى شقة حماتها بتكاسل فقد اكتفت مما يحدث لها
ماان دلفت حتى قابلتها سهى بخجل
سهى بحرج: عاملة ايه
تيماء بتنهيدة: الحمد لله لسه عايشة
سهى باسف: اناا انا بعتذر عن اااا..
قاطعتها تيماء بحزم: انا نسيت الي حصل بلاش تفكري فيه
عن اذنك هروح اشوف طلبات اليوم عشان انزل اجيبها
سهى بتسرع: خليكى وهروح انا اجي...
بترت عبارتها اثر نظرة تيماء النارية لها فالتزمت الصمت وقد فشلت في ايجاد حيلة لمساعدتها او تخفيف الضغط عليها
=======
ايهم بحب: مبروك يا عروسة
ريتاج بخجل: الله يبارك فيك يا حبيبي
ايهم بجدية: متاكدة اهلك مش هيزعلوا اما يعرفوا انك تجوزتي من غير علمهم
ريتاج بثقة: هيزعلوا شويه وبعدين خلاص لو قولتلهم مش هيوافقوا ابقى زوجة ثانية
تابعت بميوعة: وبعدين ده موضوع تفتحوا معايا فـ اول يوم جواز لينا تعالى سيبلي نفسك وانا هنسيك انك تجوزت قبل كده
ايهم بدون وعي: انتى شكلك هتنسيني اسمي كمان
ضحكت ريتاج بدلال وهي تتمايل امامه بفستانها القصير الناري
فكيف ستكون حياتهما معا؟
======
في احد الأحياء الشعبية
وفي شقة ابو علي
عبد الرحمن: هي وفاء فينها مااتصلتش
زينب بقلق: لا والله يا بابا انا قلقانة عليها جداا
عبد الرحمن: معاكى حق لقينا الخير في الغريب ومالقيناهوش في ابننا
زينب بحنو: انسى يا بابا عشان خاطري ماتجيش على صحتك
عبد الرحمن بقهر: ازااااي ازاي عايزاني انسى ازااااي انا بموت كل اما افتكر الي حصل
فلاش باك
.....
=======
في شقة ولاء
صهيب بجدية: خليكى مع اخواتك يا ولاء هدخل اعملكم حاجة تشربوها
اومات له ولاء بصمت
وليد بلهفة: هاااا ايه الي حصل يا ولاء يخليكى تجوزي دون علمي
ولاء: معرفش اني لازم اعرفك كنت فاكره كفاية عمو ياسين
وليد بحدة: ولاااااااء
تابع بنفاذ صبر: انا ماليش دعوة بالي عمله بابا كل الي اعرفه انك اختي ومسؤولة مني
ولاء ببرود: مابقتش مسؤولة من حد
وليد: يعني انتى راضية على جوازك؟
ولاء بثبات مصطنع: ايوا
نهض وليد بغضب: ماشي يا ولاء براحتك
يلا يا وئام خلينا نمشي
وئام باستعطاف: خليني مع ولاء شويه دي وحشاني
امسكها بعنف من ذراعها
وليد بغضب: يلا قدامي يا وئام متعصبينيش
رحل وليد صحبة وئام والغضب يملا صدره تجاه ولاء بينما الاخيرة اغمضت عيناها بالم ودموعها تنهمر دون توقف
ولاء بهمس: انا اسفة يا وليد لازم ابعدك عن المشاكل دي لازم مش هقدر استحمل خذلانك ليا
خرج صهيب من المطبخ فلم يجد احدا غير ولاء الباكية
صهيب باستغراب: هما فين
ولاء بهدوء مصطنع: نزلوا
صهيب بدهشة: ازاي
انهارت ولاء بالبكاء فاسرع لضمها بشفقة واخذ يربت على ظهرها بحنان
صهيب: بس اهدي اهدي عشان خاطري وفهميني كل حاجة وليه عملتي كده
اخذت ولاء نفسا عميقا و..