الفصل العاشر حتي الثاني عشر
بقلم ملك اسامه
عشق كانت داخلة الأوضة بس سمعت قاسم بيتكلم و الشباب مش معاه جوا فى الأوضة
قاسم: يعنى إيه مراتك ماتت أنتوا هبل إزاى
عشق: مراته ماتت أومال أنا مين هى شبحى اللى ماتت ولا إيه
قاسم: خلاص جهزوا كل حاجة و أنا هكون عندكوا بكره
عشق فتحت الباب مره واحده و دخلت
قاسم: عشق أنتى سمعتى إيه
عشق: سمعت كل حاجه يا قاسم كل حاجه سمعت أن مراتك ماتت مراتك مين بقى يا قاسم هاااااا مرااتك مين
قاسم: عشق هفهمك
عشق: هتفهمنىىى إيه يا قاسم هتفهمنننى إيه ياترى مخلف بقى كمااان ولا ايههههه
قاسم: عشق هى كانت مراتى وبس اناا طلقتها
عشق: أيوة أنا عايزة أعرف مين دى اللى كانت مرااتك
قاسم: ممكن تقعدى و أنا احكيلك
عشق: اتفضل ادينى قعدت
قاسم: هند كانت مراتى كانت بنت عمى أبويا كان جابرنى اتجوزها بحكم إنها بنت عمى و إنها مش بتخلف فمحدش هيقبل يتجوزها اتجوزتها فعلا بس مكناش بنحب بعض ولا أنا ولا هى بس كنا مضطرين جت فى مره و قالتلى أنا بحب واحد خلاص و هسيبك قولتلها ماشى يا هند إحنا كده كده مبنحبش بعض راحت عند أبوها عقبال ورقة طلقها ما تجيلها لكن للأسف حبيبها مات و طبعا هى متحملتش الصدمه دخلت مصحه نفسية و فقدت النطق من الصدمة طبعا مكانش ينفع اطلقها هى امبارح انتحرت بقى علشان مش قادره تعيش من غيره ولا عارفة تحب غيره عرفتى بقى يعنى أنا مش بحبها والله ما بحبها
عشق: مقولتليش ليه قبل ما نتحوز
قاسم: بما أننا هنتجوز جواز ورق مكانش فى داعي أقولك أصلا
عشق: يعني أنت كنت مستعد تكمل فى الكدبة دي حتي بعد الجواز
قاسم قرب من عشق و حط وشها بين أيده:عشق أنا كنت هقولك بعد الفرح بس كنت حاسس إنك هتزعلي أنا آسف
عشق: تمام أجهز علشان فرحنا فرحنا يخلص و نرجع بيتنا و نتعامل زى الأخوات مش ده الاتفاق يلا اتفضل
قاسم بدأ يحهز عشق طلعت من اوضته منهارة بس لازم تتماسك هى خلاص كانت رايحه تقوله بحبك لكن للأسف كل حاجه باظت مراد شاف عشق بتعيط استغرب و جرى عليها
مراد:عشق فى إيه
عشق:كااان كاان متجوز
مراد:عشق حبيبتى أنا مش فاهم حاجه فى إيه
عشق حكيت لمراد كل حاجه و مراد اتصدم عشق بالنسباله زى اخته و أكتر فرحتها النهاردة بقت حزن مراد سند عشق وصلها اوضتها و قالها هو هيتصرف عشق بدأت تجهز و عقلها مشوش مراد راح أوضة قاسم و دخل
مراد:خلصت!؟
قاسم:آه خلصت
مراد:مقولتش ليه لعشق إنك متجوز كنت المفروض تديها إختيار و هى تختار
قاسم:أفرد كانت اختارت البعد وأنا مقدرش أبعد أنا خلاص اتعلقت بيها أوعدك بعد السنة ما تخلص أنا اللى هبعد من نفسى لكن دلوقتى مقدرش أبعد
مراد:ياترى قولتلها إنك معرفني موضوع السنة ده كمان
قاسم:لا طبعا
مراد قرب من قاسم
مراد:أختى عشق لو حصلها حاحه وهى معاك مش هيكفينى أشرب من دمك يا قاسم
قاسم:عشق قبل ما تكون بنت خالك و أختك تبقى مراتى و استحالة يحصلها حاجه طول ماهى معايا فهمت!؟
مراد:تمام يا قاسم
اليوم خلص عشق كانت حزينه لكن مش قادرة تبين للبنات غير لفرح و سيلين اللى عرفوا كل حاجه من أول ما رجعت من عند قاسم قاسم و عشق بيودعوا الأهل و الصحاب بعد كده ركبوا العربية و حور مع فهد و فرح فى العربية و دينا مع سيلين و مراد فى العربية التانيه قاسم و عشق وصلوا البيت و حور معاهم حور طلعت على اوضتها و نامت و الباقى مشى مفضلش غير قاسم و عشق طلعوا اوضتهم قاسم قفل الباب
قاسم:أهلا بيكى فى ڤيلا القاسم يا عشق
عشق:ڤيلا القاسم دى مليش دعوة بيها لو عليا مكنتش دخلتها أصلا بعد إذنك هدخل اغير
قاسم وجعه كلام عشق و حس أنها هتبدأ تكرهه عشق غيرت هدومها و طلعت نامت على السرير لاقت قاسم جاى ينام جمبها
عشق:ولاااا ولااا قوم من هنا
قاسم:أقوم مين يا عشق ده سريري
عشق:بقى سريرى أنا يا عنيااا يلا بقى كده اتفضل
فى حركه واحده من قاسم كانت عشق فى حضنه و دفن رأسه فى شعرها و نام أما عشق أخدت وضعية الطفل اللى دايما بتعملها لما بتنام ناموا ليبدأوا حياتهم كزوج و زوجة فى الصباح امام الجميع
تانى يوم الصبح عشق قامت على تخبيط باب قوى أوى اتفزعت من النوم
عشق:فى إيه جاية
عشق فتحت باب الأوضة لقت حور و معاها فرح و فهد و مراد
عشق:فى إيه مالكوا
مراد:....
العاشر من أحببت القاسم.. ⬇️⬇️⬇️⬇️⬇️
مراد: عشق البسى بسرعة و تعالى معانا
عشق: فى إيه
مراد: جدو عمل حادثة و هو فى المستشفى دلوقتى بسرعة يلاا
عشق: حاضر حاضر
عشق دخلت الاوضة و قفلت و قعدت على الأرض تعيط و صوت شهقاتها عالى لدرجه أن قاسم صحى و اتفزع لما لاقاها كده قام يجرى
قاسم: فى إيه يا عشق مالك
عشق من غير ولا كلمه اترمت فى حضنه قاسم بيربط على ضهرها بخفة و على شعرها
قاسم:ممكن أعرف في إيه
عشق:مش بعد ما لاقيته ياقاسم هيمشى هيمشى و يسيبنى زى بابا و ماما انا مقدرش على بعده أنا مقدرش على بعده هو بالنسبالى بقى الدنيا و كل حاجه ليا أنا مقدرش ده جدى أنا مقدرش على بعده
قاسم:اشششش اشششش خلاص أهدى هو هيبقى تمام تعالى بس البسى علشان نروح نشوفه يلا
عشق قامت و لبست و قاسم كمان جهز و نزلوا مع مراد و الباقى على المستشفى
فى المستشفى عشق نزلت من العربية جرى و قاسم وراها لحد ما عشق وصلت عند عمتها فوزية و اترمت فى حضنها
فوزية:أهدى يا بتى أهدى هو هيبقى بخير الدكتور قال كده
عشق:مقدرش أعيش من غيره يا عمتى اليومين اللى قعدتهم معاه عرفونى قد إيه هو حنين و بيحبنى قد إيه هو ندمان على إنه موافقش على جوازة بابا و ماما قعدته معايا حسستنى بالدفا و العزوة و حسيت إنى عندى سند أنا مقدرش لو سابنى و مشى مقدرش أعيش أنا بستقوى بيه
بعد ساعتين من غير أى أخبار
البنات كانت بتعيط الشباب كانوا واقفين مش عارفين يعملوا إيه العمات كانوا بيصلوا و الرجالة راحوا كمان صلوا عشق واقفة فى حضن قاسم و بتعيط و بتدعى الكل فى قلق و توتر مش عارفين يعملوا إيه مفيش فى ايدهم حاجه بيدعوا ربهم بس الكبار خلصوا صلاة الشباب راحوا يصلوا بعد كده البنات و فضلت المسيره كده لحد ما مر ٥ ساعات و هما لسه فى أوضة العمليات فجأة الكل طلع يجرى من اوضه العمليات و بيدوروا على دم نفس الفصيلة عشق جريت و قالتلهم أنها نفس الفصيلة عشق اتبرعت لجدها و مر ساعتين تانى بعد ٧ساعات ونص مروا الدكتور طلع و الكل جرى عليه
قاسم:طمنا يا دكتور
الدكتور:....
رواية أحببت القاسم
الفصل الحادي عشر..
الدكتور: إحنا عملنا اللى علينا و التوفيق من ربنا إحنا عملنا كل حاجه لو ال٢٤ ساعة دول عدوا على خير يبقى تمام و هنعرف مصير الحج لو معدوش على خير هو مصير واحد بس اللى هيحصل فى الحالة دى انشاءالله يقوم بخير بعد إذنكم الدكتور قال كلامه و مشى الكل كان منهار بما فيهم قاسم هو مقعدش معاه كتير آه بس هو بالنسباله أب كمان كلهم ميقدروش يعيشوا من غيره الكل كان واقف و مره واحدة سيلين و فريدة و مروة اغمى عليهم فى مره واحدة سليم شال سيلين و أمير شال فريدة و الباقى سندوا مروة و دخلوهم أوضة الدكتور جه و كشف عليهم الدكتور أول ما دخل انبهر بجمال سيلين خصوصا أنها مكنتش حاطه ميكب أصلا الدكتور كشف عليهم و خرج
سليم: مالهم يا دكتور
الدكتور خالد: متقلقوش هما كويسين بس اتعرضوا لضغط قوى و تعبوا بس مش أكتر هيفوقوا بعد شوية بعد اذنكم و ربنا يطمنكم على الحج و عليهم
الكل: ياارب
عدي ساعتين الكل فى المستشفى محدش عايز يروح محدش أصلا قادر يسيب الجد و يروح عشق واقفة جمب قاسم و جمبهم مراد و سليم جمبه و جمبه دينا و محمد و أحمد و ريهام الكل قاعد و متوتر الكبار بيصلوا و بيدعوا
عشق:قاسم يلا لازم تروح
قاسم:أروح فين و اسبكم لا طبعا
عشق:قاسم لازم تدفنها
قاسم:عشق هند معاها أبوها بيدفنها و أمها أنا هنا معاكى مش هينفع اسيبك
عشق:بس يا قاسم
قاسم:من غير بس اسكتى خالص
عشق:حاضر
عمر و كريم قاموا علشان يجيبوا أكل لأنهم كلهم مكلوش من الصبح جابوا الأكل و محدش ليه نفس أصلا يأكل بس كان لازم يأكلوا علشان يقفوا على رجلهم فريده و سيلين و مروة فاقوا و بقوا كويسين اليود عدي بين قلق و خوف من الكل مراد روح البنات و عماته من بعد الحاح كتير عشق روحت مع البنات و قايم فضل قاعد روح البنات و رجع تانى الرجالة كلهم كانوا موجودين فى المستشفى
_____
عند البنات..
دنيا:عمتو فوزية هو جدو ممكن يحصله حاجه
ام دنيا:بس يا زفته بعد الشر
فوزية أخدت دنيا فى حضنها و أخدت باقى البنات برضو و قالت:جدكوا من زمان و هو بيحصله حاجات زى دى و كان بيبقى قوى أكتر من المره اللى قبليها و بيقوم تانى جدك هيقوم و هيبقى قوى ما إحنا منقدرش نعيش من غيره ده هو عزوتنا و لمتنا ده إحنا هنكون موتنا و هو لا صدقونى جدكوا هيقوم متقلقوش أنتوا بس و انشاءالله خير
الكل:يااارب
ناموا و تانى يوم صحيوا و جهزوا نفسهم علشان ينزلوا المستشفى قاسم و مراد و كريم و عمرو جم اخدوهم و راحوا المستشفى أما أمير و دنيا و سيلين راحوا كلياتهم علسان الامتحانات و الباقى راح المستشفى
فى المستشفى الكل واقف متوتر و الدكتور جوا بيكشف على الجد ١٥ساعة و كان الدكتور طلع الكل جرى عليه علشان يطمنوا
كريم:ها يا دكتور طمناا
سليم حس إن فى حاجه فتكلم
سليم:تعالى يا دكتور هيثم معايا(نسيتوا إن سليم دكتور!؟)
سليم أخد دكتور هيثم و اتكلموا بعد كده دكتور هيثم راح للكل و بدأ يتكلم
الدكتور هيثم: انا آسف الكل اتوتر بعد الكلمة دى
حسين: ما تتكلم يا بنى
الدكتور هيثم: الحج فاق يا جماعة
عشق حضنت قاسم و الشباب حضروا بعض و كذلك البنات و قعدوا يعيطوا
عشق: فاق يا قاسم فاق
قاسم: فاق يا قلب قاسم و هيبقى بخير متقلقيش
الدكتور هيثم: احممم يا جماعه الحج فاق بس
عمرو: بس إيه
الدكتور هيثم: الحج فاق بس رجله ممكن ميقدرش يحركها لفتره يعنى معينة بمعنى زى الشلل بس لفترة قصيرة هيبدأ يعمل علاج طبيعى لرجله و هيتحرك من تانى
أسامه عم عشق: طيب الحمدالله كفاية إنه فاق و بس ده عندنا بالدنيا
الكل: صح أيوة
الجد فاق و الكل دخل يشوفه سيلين فى حضنه هى و عشق على اليمين و فريدة و دينا و مروة على الشمال و الباقى قاعدين قدامه
دنيا: بقى كده يا جدو تخضناا عليك كنت عايز تسبناا و تمشى هاا
الجد: ما أنا أهو هنا معاكوا مرحتش فى حته أهو
البنات: و أنت تقدر
الجد: لا أنا كده أخاف بجى
أمير: يمى يمى خاف يا عيد😂😂
الكل ضحك اليوم خلص و الكل كان لازم يروح روحية و سليم هيقعدوا مع الجد بما ان سليم دكتور أما الباقى مشى عشق روحت هى و قاسم و الباقى روح على العمارة بتاعتهم فى أوضة قاسم و عشق قاسم مكانش موجود فى الأوضة كان بيكلم حور فى اوضتها و عشق للأسف نسيت هدومها برا عشق فتحت جزء من الباب علشان تتأكد إن قاسم مش موجود و فعلا قاسم طلع مش موجود عشق لفت الفوطة و طلعت تتسحب على رجلها
عشق: يارب أنا كان مالى و مال الجواز على اللى عايزين يتجوزوه الجواز ده تعب وربناااا آه يانى يامااا و راحت تأخد هدومها هوب مره واحدة كان قاسم واقف على الباب و ساند ضهره و بيتفرج عليها و هى شبه الحرامية بتأخد اللبس
قاسم: بتعملى إيه
عشق: اعاااا منك لله يا مفترى
قاسم: هو أنا عملتلك حاجه ياعم أنتى
عشق: غور أطلع برا
قاسم بدأ يقرب و أتكلم
قاسم: فى واحده محترمة تقول لجوزها حبيبها غور
عشق: آه فى و فى كمان بتضرب عادي
قاسم: الاه إحنا بقينا بنخربش بقى وبدأ يقرب أكتر
عشق: قاسم أبعد
قاسم: لو مبعدتش إيه هتضربيني!؟ عايز أضرب يلاا
عشق: عضت قاسم من أيده و جريت على الحمام
قاسم: يا بنت العضاضة أنتى لو كلب يا بنتى مش هتعضى كده
عشق خلصت لبس و طلعت تسرح شعرها و قاسم كان قاعد على السرير
قاسم: عاجبك العضة دى ياهانم
عشق: علشان تبقى تحرم يا روح الهانم
قاسم: والله
عشق: آه والله
قاسم: ماشى ليكى يوم يا عشق ليكى يوم ها و غمزلها بعينه
عشق: عليااا النعمه متحرش اتوبيس يابنى
قاسم: اوريكى متحرش الاتوبيس ده هيعمل إيه
عشق جت قعدت جمبه و قالت: خوفت يا قاسم خوفت و بكش فى هدومى خبونى خبونى
قاسم فى حركة واحدة كانت عشق فى حضنه
قاسم: ها خوفتى بجد ولا
عشق: ولااا يا قاسم سبنى كده أبعد
قاسم: لا ليا مزاج أنام كده و أنتى فى حضنى عجبانى القعدة
عشق: نعم يا عنيااااا ولا بقولك سبنى
قاسم: لا و نامى بقى
قاسم طفى النور اللى جمبه و نام و عشق ملاقتش مفر غير أنها تنام فى حضنه زى ما هى
تانى يوم الصبح عشق صحيت و صلت و نزلت جهزت الفطار و فطروا و قاسم وصل حور الكلية و راح على الشركة عشق جهزت نفسها و اتصلت بقاسم تقولها أنها رايحة المستشفى لجدها قاسم بعتلها العربية بالسواق علشان يوديها عشق راحت المستشفى و دخلت اطمنت على جدها و نزلت هى و مراد علشان يجيبوا أكل من تحت عشق و هى بتجيب الأكل كان في حد ناداها و عشق لفت و اتفاجئت...
رواية أحببت القاسم
الثاني عشر
عشق وقفت مره واحدة لما شافت خطيبها القديم جاي عليها ((أيوة عشق كانت مخطوبة لرجل أعمال برضو بس فسخوا الخطوبة علشان خانها إسمه يوسف الديب))
يوسف كان بيقرب من عشق و عشق واقفة مش بتتحرك هى مش بتحبه أصلا بس خايفة يكون جايلها و قاسم يشوفهم عشق جريت و وقفت جمب مراد اشتروا الأكل و طالعين
يوسف: عشقققق
عشق وقفت مره واحدة مراد بصلها و استغرب لف وشاف يوسف و استغرب أكتر مين ده و ليه بينادى عشق يوسف قرب من عشق
مراد: نعم حضرتك مين
يوسف: أنت اللى مين
مراد: أنا أبقى أبن عمت عشق نعم بقى
يوسف مد أيده لعشق علشان تسلم
عشق: معلش أنت عارف مش بسلم
يوسف بإحراج: آه تمام أنتى إيه اخب ملحقش يكمل كلامه علشان كان صوت قاسم العالى وصل لعشق
قاسم: عشققققققق
عشق اتخضت من صوته
قاسم طلع و وقف قدام عشق و يوسف بقى واقف بين عشق و يوسف بمعنى اصح و جه وقف جمب عشق و شدها لحضنه جامد و مراد واقف هيموووت من الضحك 😂
يوسف: إيه ده يا عشق بقى أنتى مرات قاسم المنشاوى
قاسم: آه مراتى إيه اتفجأت
يوسف: لا بعد إذنكم
قاسم: اتفضل
يوسف جه يمشي لكن وقفه صوت قاسم: آه صح متنساش إن عشق بقت مراتي ها و لما تشوفها عينك تنزل من عليها
يوسف بصله بتوعد و مشى
عشق: قاسم والله
قاسم: اشششش يلا نروح نطمن على جدك
مراد و عشق: يلاا
راحوا و اطمنوا على الجد اليوم خلص و عشق و قاسم روحوا قاسم قاعد فى اوضته و عشق برا بتتكلم مع حور و قاعدة معاها فى الأوضة
حور: عشق أنا لو بحب حد أقوله
عشق: بصى يا قلبى لو بتحبى حد مينفعش تقولى هو هييجى من الباب لو بيحبك أما لو مجاش من الباب يبقى مش نصيبك و مش بيحبك ساعتها أنتى هتبقى كسبتى رضا ربنا عليمى إنك غضيتى بصرك عنه و هتبقى كسبتى احترامك لنفسك إنك مقولتيش كلمه بحبك لحد ميستاهلش
حور: طيب لو اللى بحبه ده دخل من الباب و بقى جوزى خلاص أقوله
عشق: طبعا تقوليله خلاص بقى جوزك يعنى تقدرى تقوليله كل حاجة
حور: تمام
عشق: بس قوليلى أنتى بتحبى ولا إيه إيه كل الاسئلة دى
حور قامت و وقفت قدامها واتكلمت: لا مش بحب بس سألت علسان افوقك
عشق: تفوقينى من إيه
حور:فكري و أنتى تعرفى
حور مشيت و عشق فكرت فى كلامها و حست إنها كان قصدها عليها هى و قاسم عشق بتحبه آه متنكرش بتحبه خلاص هو بقى عندها الدنيا كلها بتحبه بس إنه كذب عليها ده مانعها إنها تقوله بحبكك آنه كذب عليها فى موضوع هند و مقالش ده مانعها عشق طلعت اوضتها و هى بتفكر دخلت و قعدت على السرير قاسم استغرب إنها متكلمتش معاه
قاسم:مالك يا عشق
عشق:....
قاسم:عشق
عشق:ها إيه نعم
قاسم:بقالى ساعة بنادى فينك يا بنتى
عشق:قاسم أنا لو قولتلك حاجه هتصدقني
قاسم:مش فاهمك إيه هتصدقني دى فى إيه مالك
عشق:يعنى يا قاسم بص خلاص أسكت
قاسم:مالك يا عشق
عشق:ماليش
قاسم حه و قعد جمبها و اخدها فى حضنه
قاسم:ها مالك
عشق:قاسم أنت بتعمل معايا كده ليه
قاسم:بعمل إيه مش فاهم
عشق:يعنى اتجوزتنى و بتهتم بيا بتخاف عليا بتحتوينى ليه بتعمل كده
قاسم: الإجابة واضحة ياعشق
عشق:أنا سمعتك و أنت بتكلم فهد على فكرة
قاسم:إمتى
عشق:يوم ما وافقت على الجواز
قاسم:امممممم ما أنا عارف
عشق:وه!؟عارف إزاى
قاسم:أنتى مالك أنا عارف و بس و بالامارة دخلتى كأنك مسمعتيش حاجة
عشق:كنت مستنياك تقولى
قاسم مسك وش عشق بين أيده
قاسم:عشق يا حبيبتى أنا مكنتش عايز أقولك كنتى هتفتكرينى متجوزك شفقة او أن ابوكى كان موصينى عليكى لا اناا مش متجوزك كده علشان كده مقولتلكيش
عشق:أومال اتجوزتنى ليه علشان تجبلى دباديشببب😂😂
قاسم:بت بطلى هبل دى أم لحظة رومانسية نتكلم فيها برومانسية شوية
عشق:حاضر يا عنيااا هحاول
قاسم:احمم ارجع تانى بصى يا عشق أنا اتجوزتك علشان أنتى مختلفة مختلفة تماما انتى غيرتينى يا عشق أنتى متعرفيش اناا قبلك كنت إيه و بعدك بقيت إيه أنتى متعرفيش يا عشق أنا بحبك حبيتك من أول مره شوفتك فيها ساعتها عرفت إنك بنت صاحب بابا لما شوفت الملف عشق أنتى عشقى أنتى مجنونتى و أهم حد فى حياتي عشق أنا لو هقولك بحبك مليون مره مش هيكفيكى أنا ذات نفسى استغربت نفسى أنا كنت شايف البنات سلعة دايما لكن لما شوفتك اتحول عشق أنا بحبك يا عشقى
عشق كانت بتسمع كل ده و عيونها مدمعة و اترمت فى حضن قاسم
عشق:قاسم أنا بحبك و هفضل أحبك لغاية آخر نفس ليا
((إيه يا شوبااب مش المفروض الرواية فيها تعذيب و حاجات رهيبة لازم تتعمل و بعدين إنت يا ولااا يا قاسم المفروض تبقى شرير و تضربها صح!؟لكن لا طبعا روايتى تختلف يا معلميننن😂❤)
قاسم أخد عشق فى حضنه و ذهبوا فى عالمهم الخاص👀❤
_____________
تانى يوم الصبح حور كانت نازلة رايحة المستشفى علشان تطمن على الجد و بعد كده هتروح الكلية حور جهزت و نزلت كان لسه عشق و قاسم نايمين فأخدت عربيتها و مشيت
فى المستشفى حور كانت داخلة و فجأة خبطت فى واحد
حور:يااااجدع أنت مش تحاسب إنسان غبى صح إيه القرف اللى على الصبح ده ياربى
الشخص:......