رواية عشقت حُبك الاسود
الفصل التاسع و العشرون
.........................
في الصباح
مجهول بحده:انا عايز شركت عاصم جروب تدمر انت فاهم عايز احمد عاصم يفلس وشركته تدمر وقدامك شهر ولو منفذتش اللي اطلب منك هشوف غيرك
مجهول ٢:تحت امرك يا باشا كلها شهر بالظبط وهتسمع احلي خبر مني وساعتها شركت عاصم جروب مش هتقوم تاني
وبعد ان انهي المكالمة
مجهول١:ولسه اللي هتشوفه مني يا احمد يا عاصم هاخد منك شركتك وبيتك وفلوسك وحبيبتك وكل حاجة تمتلكها
في منزل مهند وسارة الصغير
سارة ب ابتسامة:صباح الخير
مهند بحب:صباح النور يا حبيبتي
سارة بسعادة:دا احلي اسبوع انا قضيته في حياتي
مهند بحب وتنهيدة:وانا كمان يا سارة نسينا الدنيا
وكل الناس وقضينا احلي اسبوع مفيهوش غيري انا وانتي بس وفي بيتنا دا
سارة بضحك:بس مش غريبة ان مفيش حد اتصل بينا خالص
مهند بضحك:انا اللي كنت قافل التليفون مكنتش عايز اشوف ولا اسمع حد غيرك
سارة ب ابتسامة تطبع قبلة خفيفة علي
خده:بحبك
مهند بحب:بس خلاص للاسف الوقت عدي ولازم نرجع تاني
سارة بحزن:يعني هنمشي من هنا
بس خلاص مش مهم اي مكان هكون معاك فيه بالنسبالي هيبقي جنة وتعرف كمان ان بيتنا وحشني
مهند ب ابتسامة:بيتنا
سارة ب ابتسامة:اه بيتنا
مهند بحب:خلاص يا ستي هنروح الوقت وبعدين انا قلقان علي نور بصراحة مش عارف ازاي هي اعدت اسبوع بحاله مع يارا
سارة بضحك:هما الاتنين اطفال
ثم يتجهه كل منهم الي السيارة
اما عن ندي ويوسف
ف في احدي العيادات النسائية
في غرفة الكشف وهي تضع السونار لندي
ندي بقلق وهي تمسك يد يوسف ب امان
يوسف بلهفه:طمنينا يا دكتورة
الطبيبة ب ابتسامة:كويس اوي البيبي طوله الوقت ٣سنتيمتر ووزنه ٤جرام وبيتحرك اهو شوفوا
يوسف وندي ب ابتسامة ولهفة لمشاهدة قطعة منهم
الطبيبة ب ابتسامة:بعد كدا هتحسي انك كويسة ومعدش هيبقي في لا دوخه ولا غثيان
ندي بضحك:بدام شوفت البيبي يبقي خلاص انا هبقي كويسة
شوف يا يوسف هو صغير قد ايه
يوسف بحب:شايفه يا حبيبتي
الطبيبة:ان شاء الله يجي علي خير وتكون صحته كويسة
يوسف وندي ب ابتسامة:ان شاء الله
وبعد عدت ساعات
وصل كل من مهند وسارة الي الڤيلا الخاصة بهم
سارة ب ابتسامة:البيت كان وحشني اوي
بالرغم من اني شوفت في اسود ايام حياتي بس حبيته
مهند بحب:البيت مبقاش في نور ولاحب الا لما دخلتي ياحبيبتي بس انا عايزك ترتاحي شوية
عشان برده البيبي ميتأثرش بالمجهود اللي بتعملي
سارة ب ابتسامة:عندك حق يا حبيبي بس متقلقش عليا انا كويسة
مهند ب ابتسامة وهو يقترب منها:ولسه هتبقي كويسة
سارة ب ابتسامة وخجل:احم..مهند احنا مش هنكلم نور ويارا عشان يجوا هنا
مهند بضحك:لا اليوم دا بتاعنا ملكنا احنا وبس
سارة ب ابتسامة:بس..
مهند بحب:ولا كلمه
ثم يقترب منها اكثر واكثر ويحملها علي الفراش برقه
في ڤيلا فريد
بعد رجوع يوسف وندي من احدي العيادات النسائية
امل ب ابتسامة:خير يا ولاد الدكتورة قالت ايه
ندي بضحك وفرح:الحمدلله يا طنط البيبي كويس بس هو لسه صغير قد كدا هو
امل بضحك:ربنا يفرحكوا ياحبيتي
يوسف بحب وهيام لندي ف هي اول من سلبته عقله واحتلت قلبه حتي ان وصل عشقه لها لدرجة كبيرة جدا
سيرين بحقد:مش كان زماني انا دلوقت مكانها يا يوسف
امل بدهشة من كلامها:ايه يا بنتي هو في واحدة تقول الكلام دا مفيش كرامة انا مش عارفة امك ربتك ازاي بدام بتتكلمي كدا احترمي اللي موجودين شوية
ندي بحزن من كلامها والغيرة بسبب حبها له
يوسف بثبات:بس انا بحب ندي وفي بطنها طفل مستني يجي وهيفضل رابطنا ببعض لغايت اخر العمر ارتحتي
وسواء ندي كانت موجودة او مش موجودة ف برده مكنتش هحبك ولا هتجوزك انتي بنت عمي وبس
وسيبك من كل اللي بتعمليه دا وارجعي فرنسا احسن
انتي سمعاني
سيرين بكره وغيظ وهي تنظر الي ندي
ثم تذهب الي غرفتها
يوسف بحب:ندي مش عايزك تهتمي بكلامها دا
دي واحدة مريضة اصلا بحب التملك سيبك منها
ندي وهي تحاول تصنع الابتسامة:حاضر يا يوسف
يوسف بحب:طب اي رايك ننزل مع بعض البيسين شوية
ندي بضحك:بس انا مش بعرف اعوم
يوسف بضحك وغمزة:اعلمك
في البيسين
يوسف بضحك:مالك خايفة اوي كدا ليه
ندي بضحك:قولتلك مش بعرف اعوم
يوسف بضحك:طب انتي ماسكة في رقبتي كدا ليه متخافيش منا واقف جمبك يعني
ندي بضحك:لا يا يوسف اوعي تسيبني انا قصيرة وممكن اغرق
يوسف بضحك بصوت عالي:هاتي ايدك متخفيش سيبي نفسك للمايه خالص
ثم يحملها برقه في المايه وهي تبتسم
ندي بضحك:حلو اوي يا يوسف
يوسف بخوف مصطنع:ندي اية دا
ندي بقلق:في ايه يا يوسف
يوسف بحب وهو يحسس علي شعرها:شكلك زي القمر وانتي مبلولة يا حبيبتي
ندي بضحك:حرام عليك يا يوسف خضتني
كانت تراقبهم سيرين من شرفت غرفتها وعيونها كلها حقد وتوعد:ماشي يا يوسف انت وابنكم اللي انتوا فرحنين بي دا انا هعرف ازاي احرمكم منه ووجع قلبك عليه يا يوسف
في الياخت
يارا ب ابتسامة:احلي حاجة انك جبتني هنا انا بحب الياخت والمكان دا اوي
احمد بضحك:هو كمان بيحبك اوي
يارا ب ابتسامة:اول مرة اشوف شروق الشمس
ومنظر البحر بجد كان منظر جميل اوي
احمد بحب:ومش اخر مرة يا حبيبتي
ثم يقبل يدها برقه
يارا بضحك:احم..احنا مش هناكل ولا ايه
احمد بضحك:اي جعانة اوي كدا
يارا بضحك:جدا
احمد بحب:خلصي الاكل دا بسرعة
عشان هنروح نشوف حاجة هتعجبك اوي
يارا بحماس:بجد حاجة اي دي
احمد بضحك:لما نكون هناك هتعرفي
يارا ب ابتسامة:اوكي
في مكتب ايهاب
تدخل عليا بخوف شديد:ايه يا ايهاب قلقتني عليك لا بترد علي التلفون ولا بتحضر محضرات ولا بتيجي الكلية اصلا ومالك مدايق اوي كدا ليه ودقنك كبيرة كدا
ايهاب ب اكتئاب:وانا المفروض اعمل ايه
ما خلاص البنت اللي بحبها اتخطبت لواحد بتحبه ومبتحبنيش انا
عليا بحزن:عارف يا ايهاب انا ممكن اضغط علي نفسي واستحمل واشوفك انت ويارا وانتوا بتحبوا بعض
ولا اني اشوفك زعلان ومكتئب كدا
ايهاب ب استغراب:تقصدي ايه
عليا بدموع:مش عارف يا ايهاب بجد
مش عارف ولا حاسس بالي بتخاف عليك اكتر من نفسها مش حاسس بالي كانت بتحاول تقربك من يارا
بالرغم من انها....
ايهاب بدهشة واستغراب:اي الكلام دا صغير عليكي يا عليا
عليا بدموع:انا مش صغيرة انا بحبك يا ايهاب
من واحنا لسه عيال صغيرين وانا بحبك
وانا عارفة انك مبتحبنيش وبتحبها هي
ايهاب بصدمة:ا..انا
عليا بوجع:مش مستنية منك حاجة يا ايهاب انت متعرفش عني حاجة ولا تعرف انا عايشة ازاي قدري ان ابويا وامي يموتوا وقدري برده ان عمي يبقي قاسي ويظلمني ويسرق فلوسي ويعيشني زي الخدامة عنده وقدري برده ان الانسان الوحيد اللي حبيته ومش هحب غيره بيحب واحدة غيري..انا كنت جاية اطمن عليك
ولو عايز نصيحتي انسي يارا لان عمرها ماهتكون ليك ابدا وهتعرف في يوم ان حبك ليها دا مش حب حقيقي..سلام
ولكن تذهب عليا بعيداً....
امام احد الڤيلال
يقف احمد بعربيته
احمد ب ابتسامة وهو يعطي ليارا المفتاح
احمد بحب:افتحي بنفسك
تفتح يارا الباب وهي مندهشة
يارا بدهشة:بتاعت مين الڤيلا دي يا احمد
احمد بحب:مش دي برده الڤيلا اللي كان نفسك نعيش فيها
وادي الحلم دا حققته
يارا ب سعادة من مفجأته:مش معقولة انت بتتكلم جد دي الڤيلا اللي هنعيش فيها
احمد ب ابتسامة:وهنمليها عيال كمان يا حبيبتي
وكل حاجة في الڤيلا دي انتي اللي هتختاريها بذوقك دي هتكون مملكتك
يارا بحب تحضن احمد من الفرحة:بحبك اووووووي
احمد بضحك وحب:وانا كمان بحبك اوي يا حبيبتي
في المساء
وفي جو رومانسي هادي
وسارة نائمة في حضن مهند ب امان وهو يبتسم ويلعب في شعرها برقه
وهم بيشاهدوا فيلم ما
مهند ب ابتسامة:مبسوطة
سارة بحب:ومعقولة ابقي معاك وفي حضنك ومبقاش مبسوطة انا مش عايزة حاجة من الدنيا دي غير حضنك يا حبيبي
مهند بحب وابتسامة:تفتكري بنتا مبسوطة كمان يعني حاسة نفس الاحساس اللي انتي حاسة بي
سارة ب ابتسامة:اكيد يا حبيبي
بس تفتكر بقي هتكون حلوة ولا لاء
مهند ب ابتسامة:تقصدي ايه يعني
سارة ب ابتسامة وهي في حضنه:مهما كانت حلوة ولا لاء بس اكيد هيكون عندها قلب طيب زي باباها كدا
مهند ب ابتسامة:امممم واكيد كمان هتكون قوية وعنيدة زي مامتها كدا
سارة بضحك ونظرة حب طويلة:قاسي
مهند بضحك:عنيدة
سارة بضحك:مجنون
مهند بضحك وحب:شكرا
ويضحك كل منهما بشدة وحب
مهند بحب:طب تعالي يلا ننام انتي سهرتي انهاردة اوي
تقترب سارة وهي تبتسم وتستقر في حضنه علي الاريكة ومهند ضممها بحب وسعادة
حتي غلبهم النوم
في ڤيلا نبيل القاضي
يارا وهي جالسه في حديقة الڤيلا وتغني بحب:انت حبيبي و اول حب هواك ياحبيبي
انت حبيبي واول مرة بقول يا حبيبي
ولا ينطقها لساني..بعدك لحبيب تاني حتي ولو ملقتش معاك قسمتي ونصيبي..انت حبيبي
يأتي احمد بالخلف منها وبهمس:مكنتش اعرف ان صوتك حلو اوي كدا
يارا ب ابتسامة:انت كنت واقف وسامعني
احمد بحب:ايوا بس بجد صوتك حلو اوي انتي ازاي مفكرتيش تغني قبل كدا
يارا ب ابتسامة:انا عارفة ان صوتي حلو لكن مفكرتش قبل كدا اغني
احمد ب ابتسامة:انا كمان بعرف اغني
وايه رائيك بقي نغني سوا ودلوقت
يارا بضحك:بتهزر
احمد بضحك:بتكلم جد وهنغني كمان اغنية'لانك حبيبتي وحلمي اللي غاب'
يارا ب ابتسامة:انا بحبها اوكي نغنيها
احمد ب ابتسامة:اوك
ويبدأ كل منهم الغناء
احمد بحب:لانك حبيبتي وحلمي اللي غاب قلبي بيرفض يبطل عذاب
وكل اللي غايب تملي بينسي ودايما يفكرني بيكي الغياب
يارا بحب:كل ما بقدر يوم انساك برجع ادور واستناك حابب تعبي لانه عشانك راضيه بغلبي لانه معاك
لانك حبيبي وحلمي اللي غاب قلبي بيرفض يبطل عذاب
وكل اللي غايب تملي بينسي ودايما يفكرني بيك الغياب
بشوفك معايا ولو مش معايا وادور وادور وعمري يفوت تعبنا ولا مرة قولنا كفاية
ولا حتي يقدر يفرقنا موت
احمد ويارا بصوت واحد:كل ما بقدر يوم انساك برجع ادور واستناك
حابب تعبي لانه عشانك راضية بغلبي لانه معاااااك..
وانتهوا من الاغنية وهما ينظرون الي بعض بحب
احمد ب ابتسامة:عمرنا ما هنبعد عن بعض ابدا
وفي نهار جديد
في ڤيلا مهند القاضي
مهند بحب:يا صباح النور
سارة ب ابتسامة:يا صباح الخير والفل والفراولة عليك
مهند بضحك واستغراب:فراولة!!
سارة بضحك:اه فراولة
نفسي اكلها اوي يا مهند
مهند ب استغراب وضحك:مش كنت بتحايل عليكي تاكلي فراولة من كام يوم ومكنتيش راضية دلوقت بقت الفراولة حلوة
سارة بزعل طفولي:يعني مش هتجبلي فراولة
مهند بضحك:لا لا وانا اقدر هجبلك الفراولة
سارة بضحك:طب بص هاتلي فراولة كتير اكلها وعايزة مربي بالفراولة برده اه وعصير فراولة وچيلي بالفراولة واعبال بقي ما انت تيجي هكون بعمل كيكة بالفراولة
مهند بضحك:اية يا سارة كل دا هتكلي واشمعنا الفراولة اللي عايزها ولا يكون انهاردة يوم الفراولة العالمي وانا مش اخد بالي
سارة بزعل طفولي:مليش دعوة انا عايزة فراولة انا بقولك اهو
مهند بضحك:خلاص فراولة فراولة
هكلم يارا واقولها تجبلك كل الحاجات اللي انتي عايزها وتيجيلك هي ونور
سارة:انا مش عايزاك تمشي يا مهند
مهند بضحك:ولا انا قادر اسيبك بس لازم اروح الشركة في حاجات كتير متعطلة
وبعدين يا انا يا الفراولة بقي
سارة بضحك وهي تضع يدها علي بطنها:خلاص متبقاش تتاخر بقي روح الشركة المهم بس الفراولة الوقت
مهند بضحك:بعتيني عشان الفراولة مش كدا
وكان يضع عطره الخاص التي تعشقه سارة
سارة بتعب:ايه القرف دا يا مهند
انا مش طايقة اشم الريحة دي ارميها ارميها
مهند ب استغراب:نعم مش دا البرفان اللي بتحبي
سارة بتعب وهي تضع يدها علي انفها:كرهتوا ابعد عني
انا لا طايقة ريحت البرڤيوم دا ولا طايقة ريحتك انت كمان
مهند بعصبية:نعم بتقولي ايه
سارة بدموع:اخرج يا مهند مش طايقة ريحتك في الاوضة اخرج برا
مهند بعصبية شديدة يكسر عطره في الغرفة وهو في شدة غضبه من سارة:خارج يا سارة ولو تحبي كمان مجيش خالص عشان بتدايقي مني ومش طايقة ريحتي في الاوضة
وخرج متجه الي الشركة
سارة بحزن:هو زعل ليه بس انا مش قادرة خالص استحمل البرفيوم دا ومالي هموت واكل فراولة كدا ليه
وبعيط لوحدي كدا ليه بسبب او من غير سبب
في السيارة
ومهند يتصل ب يارا
يارا بضحك:اي دا مش معقولة اخيرا افتكرت ان ليك اخت
مهند بضيق:يارا روحي علي الڤيلا اعدي مع سارة انتي ونور واه معرفش مالها من الصبح وهي مش طبيعية هتيلها فراولة وعايزة تشرب عصير فراولة ومربي بالفراولة وچيلي بالفراولة مش عارف ايه اللي جرالها
يارا بضحك:ايه كل الفراولة دي
مهند بضيق:والله ما انا عارف
يارا بضحك:بس انا عارفة البيبي يا سيدي نفسه في الفراولة عشان كدا سارة هتموت وتاكل فراولة
مهند بضحك:انتي بتتكلمي جد ولا بتهزري
يارا بضحك:والله بتكلم جد وانا هروح دلوقت لسارة ومعايا نور وهجبلها كل حاجة فيها فراولة يا سيدي
مهند بضحك:ماشي يا ريري
سلام
في شركة مهند القاضي
يدخل مهند مكتبه وهو يري بعض الاوراق الهامة
ثم يدخل يوسف الي المكتب
مهند ب استغراب:مالك مكشر علي الصبح ليه
يوسف بضيق:والله ما انا عارف ندي دي اراديها ازاي كنا كويسين الصبح وبنهزر مره واحدة تقولي
مش طايقة اشوفك انت بتخوني انا بكرهك لا بحبك الحمل جننها ومجنناني معاها
مهند يتذكر سارة ثم يضحك بشدة
يوسف ب استغراب:بتضحك علي اي ياعم بقولك مطلعة عيني
مهند بضحك:وسارة برده نفس الكلام نازل الشركة وكنا كويسين مع بعض مرة واحدة مش طايقة ريحت البرفان بتاعي مع انها بتحبه وبتقولي عايزة فراولة
وانا اللي كنت فاكرها مش عايزاني وطلع كل دا بسبب الحمل وانا فاكر كلامها جد
يوسف بضحك:كان مالي بالمجنونة دي ما كنت عايش ملك ياربي مع دي شوية ودي شوية لكن برده لاء بحبها بس جننها دا اعمل ايه في ولا الحمل اللي بيجننهم اكتر دي مصحياني الفجر بتقولي يوسف انت بتخوني
قولتلها في حد هيخون مراته وهو نايم جمبها والساعة٤الفجر قالتلي شوفتك كنت بتخوني في الحلم
اعمل ايه معنتش عارف انام لا وكمان هستني شوية وتقولي عايزة اكل فراولة
مهند بضحك:بس اللي مصبرني علي جنانها دا برده بنتنا اللي كلها كام شهر وتيجي الدنيا
يوسف بضحك:ومين سمعك انا برده مستني الطفل اللي هيجي دا ويبقي حته مني ومنها
مهند بضحك:من واحنا ف ثانوي واحنا صحاب وفي الكلية ورايا ورايا وحتي لما اتجوزت لقيت اللي تحبها وتجوزها وكمان اهو احنا الاتنين قريب اوي هنكون ابهات
يوسف بضحك:قوم يا صاحبي نراجع عقود الصفقة قبل الوفد ما يجي قوم
ويبدأ كل منهما العمل
في ڤيلا مهند القاضي
يارا بضحك:براحة يا سارة جبتلك الفراولة اللي انتي عايزها
سارة بضحك:هاتي بسرعة يا يارا عايزة اشرب عصير الفراولة دا والفراولة نفسها الله
يارا بضحك:طب براحة وانتي بتكلي متخافيش الفراولة مش هتخلص
سارة بضحك:ولو خلصت هتجبولي تاني مليش دعوة
يارا بضحك:تحت امرك يا سيتي انا لازم امشي دلوقت ونور انا سيباها بتلعب في الجنينة ها
سارة بضحك:ماشي وانا هدخل اعمل كيكة بالفراولة واعملي حسابك هترجعي علي هنا تاني انا ملحقتش احكي معاكي انتي وحشاني اوي
يارا بضحك:اوكي..سلام
ثم تذهب سارة الي المطبخ لتحضير كيكة الفراولة
في مزرعة كبيرة
مجهول١:كل حاجة هتم زي ما احنا عايزين وكلها شهر ولا اتنين واحمد عاصم هيدمر وساعتها بقي هيخسر كل حاجة
مجهول٢:عندك حق يا خالي هو السبب في كل حاجة انا عشتها وكل حاجة انا اتحرمت منها وعشان
احمد اغلي حاجة عند عاصم ف انا هاخد منه كل حاجة بيحبها زي ما انا اتحرمت من كل حاجة زمان
اجي عليه الدور بقي هو اللي يتحرم من كل حاجة وهيشوف انا هعمل ايه
في ڤيلا فريد
ندي بملل:انا زهقت بقي عايزة اخرج
انت فين بس يا يوسف سايبني هنا لوحدي
بس انا مليش حق ازعلك بس مكنش قصدي ازعلك انا مش عارفة ايه اللي بيجرالي دا بس
ثم تذهب الي حديقة الڤيلا
ولم يوجد في الڤيلا غيرها وفريد فقط
وبعد وقت قليل كادت تذهب الي غرفتها ولكن تري فريد فاقد الوعي وساقط علي الارض
ندي بخوف:يا عمي فوق طب ايه اللي تعبك بس..هتصرف انا لوحدي ازاي يا رب
فريد بتعب شديد:ا ل د و ا
ندي بخوف:متخافش يا عمي انا هتصرف
ثم تتصل ندي ب احدي الدكاترة للكشف علي صحه فريد
ثم تنادي علي احد الخدم لحمل فريد معها الي غرفته
وبعد وقت
يبدأ فريد ان يفوق تدريجيا
ندي بقلق:خير يا دكتور هيكون كويس
الطبيب:انتي اتصلتي بيا في الوقت المناسب يابنتي انتي لحقتي في اخر لحظة
ندي بتنهيدة:يعني هيكون كويس
الطبيب:هيكون كويس بس هو ياكل حاجات مسلوقة والدوا دا يتجاب عشان ضغطه العالي وقلبه التعبان
ندي ب ايجاب:حاضر يا دكتور اتفضل معايا
فريد بتأنيب ضمير:هي اللي لحقتني وكانت خايفة عليا اكن ابوها مع ان كانت ممكن تسيبني
شكلك كنت صح يا يوسف وانا الغلطان
تدخل ندي الي غرفة فريد وهي تحمل الطعام
ندي ب ابتسامة:كدا تقلقنا عليك يا عمي لكن انت الحمدلله احسن دلوقت مش كدا
فريد بتعب بسيط:الحمدلله
ندي ب ابتسامة:طب انا اسفة لو هكون مدايقاك بس انا مش ماشية من هنا غير لما تشرب الشوربة دي
وتاخد الادوية بتاعت حضرتك
فريد بضحك ويتذكر انه لم يكون لديه بنت تحسسه بحب البنت لوالدها وخوفها عليه
فريد ب ابتسامة:انا متشكر يابنتي لكل اللي عملتي عشاني
ندي ب ابتسامة:انا معملتش حاجة ياعمي انا اتربيت علي كدا وبعدين حضرتك ابو يوسف يعني زي ابويا بالظبط مع ان عارفة يعني ان حضرتك مش حابب وجودي وكل اما احاول اتكلم معاك حضرتك كنت بتصدني بس صدقني انا مش عايزة حاجة من يوسف لا عايزة الفلوس ولا الشركة ولا حاجة انا حبيته ياعمي ومش عايزة غير كدا والله العظيم
فريد ب ابتسامة:صدقة يا بنتي وانا مش عايز لابني غير واحدة زيك اصيلة ومحترمة وبتحبه
وانا اسف يا بنتي لو كنت بعملك بطريقة وحشة لكن انتي من النهاردة زي بنتي بالظبط
ندي ب ابتسامة:بجد يا عمي
فريد بضحك:بجد يا بنتي
يدخل يوسف الي الڤيلا
يوسف الي احدي الخادمات:ندي هانم فين
الخادمة:انت متعرفش اللي حصل يا يوسف بيه فريد بيه وقع انهاردة وحالته كانت صعبه لكن..
لم يسمع يوسف باقي كلام الخادمة ويجري ليري والده
يوسف بضحك واستغراب:ندي طب ازاي
فريد بضحك:متستغربش اوي كدا لولا مراتك المحترمة المتربيه لحقتني كان زماني دلوقت ميت
ندي:بعد الشر عنك ياعمي
يوسف:بعد الشر عنك يا بابا بس كل دا يطلع منك يا ندي
ندي ب ابتسامة:انا معملتش حاجة دا واجب عليا وبعدين انا بعتبر عمي فريد اب ليا
وبعدين تسمحلي بقي يا عمي اكملك اكلك عشان تاخد دواك
فريد ب ابتسامة:ماشي يا بنتي
وانت روح شوف كنت بتعمل ايه
يوسف بضحك:طب ومراتي
ندي ب ابتسامة:انا هفضل جمب عمي لغايت ما ياخد الدوا بتاعه وينام
يوسف بضحك:يعني اطلع انا منها
فريد بضحك:ياريت
يصل مهند اما باب الڤيلا الخاصة به
ولكن يري نور
مهند ب ابتسامة:اهلا اهلا ب نور هانم
نور ب ابتسامة:ازيك انت يا مهند
مهند بضحك:كويس يا نور بس قوليلي بقي
سارة فين
نور بضحك:في المطبخ ومن اول ماجيت وانا شيفها بتاكل فراولة وحتي مردتش تديني واحدة
مهند بضحك علي سارة:واحدة بس انا هجبلك فراولة كتير بس هروح اشوفها وهرجعلك تاني وانتي العبي لغايت ما اجي
ذهب مهند الي الحمام الملحق بغرفته
وارتدي تيشرت يبرز عضلاته وبنطلون رياضي وكاد ان ينثر عطره ولكن تذكر سارة وشعر بضيق وبعد سارة عنه لعدت ساعات واشتياقه لها
مهند لنفسه:كل دا في المطبخ بتعمل ايه انا مش عارف
ثم ذهب ليراها في المطبخ
وصل مهند وراي ساره وهي لابسه قميص نوم رقيق من اللون الوردي وشعرها البني الطويل
وهي تحضر كيكة الفراولة وهي تغني ولم تشعر بوجود مهند
سارة وهي تغني برقه وتري صورت مهند امامها:
عيشني اكتر بيك انا عشت بستني طول عمري واتمني اعيش لو ثانية واحدة معاك وكفاية دي عليا
انا بين ايديك ب ايديك احضني طمني قرب كمان مني
معاك مطمنه اوي بيك ومغمضه عينيا
وانا وياك ولا حاجة في الدنيا بقت فارقة وانا وياك ايه تاني افكر فيه
خدني معاك لو فين حبيبي مش هقول لاء خد قلبي وابعد بي
لوعشت ثانية معاك بالدنيا ومافيها هحتاج ايه بعديها خلاص كل اللي بحلم بيه دلوقت في ايديا
انا من زمان شيفاك ب عينيا وب قلبي متخيلاك جمبي مفيش اكتر من اني معاك وان انت حواليااا
مهند بحب وابتسامة يحاوطها بحضنه:بحبك ياللي اخدتي قلبي وعقلي مني بنظرة وكلمة منك
سارة ب ابتسامة:مهند خضيتني
مهند بضحك:والله اومال كنتي بتغني لمين من شوية
سارة بضحك:لحبيبي اصل اتاخر في الشغل شوية وهو وحشني وانا كنت بفكر فيه وبغني
مهند بضحك:اه مش حبيبك دا اللي مكنتيش طايقه
ولا طايقه البرفان بتاعه مش كدا
سارة ب ابتسامة:والله ما كان قصدي ازعلك خالص مني بس انا مش عارفة الحمل ماثر عليا شوية ولازم تستحملني ياحبيبي وانت عارف انا بحبك قد ايه
مهند ب ابتسامة:طب اعمل فيكي ايه بعد الكلام اللي انتي قولتي دا اكلك يا عني
سارة بضحك:مهند خلي بالك نور موجودة معانا ها ف روح زي الشاطر كدا مكتبك او شوف هتعمل ايه لغايت م اجي ها
مهند بضحك:مش هسيبك
سارة بضحك:مهند مش هينفع قولتلك نور موجودة هنا
يحمل مهند سارة بقوة وحب الي مكتبه
مهند ب ابتسامة:مش هتبعدي عني ابدا
سارة ب ابتسامة:عمري ماهبعد عنك بس نور موجودة وممكن تنده عليا في اي وقت
مهند بضحك:شششش نور في الجنينة الڤيلا بتلعب
سارة:ب.....
ولكن يقطعها مهند وهو يقبلها بحب وشغف
في ڤيلا فريد
في غرفة يوسف وندي
ندي ب ابتسامة:انا اسفة يا يوسف عشان زعلتك مني بس انا الحمل تعبني شوية يا يوسف شوية اعيط وشوية اضحك وشوية احس انك بتخوني وشوية احس انك بتحبني
يوسف بضحك:معلش يا حبيبتي فتره وهتعدي
وبعدين انا عايزك تعرفي اني عمري ماهخونك ابداً انا بحبك اوي ومش ممكن اخونك ابدا
وبعدين شكرا علي اللي عملتي مع بابا
ندي ب ابتسامة:مش محتاجة شكر ولا حاجة يا يوسف وبعدين انا بثق فيك يا حبيبي بس ساعات بحس بالحالتين دول
يحضن يوسف ندي برقة:وانا مش زعلان خلاص يا حبيبتي
ندي بضحك:يوسف انا عايزة مانجه
يوسف بضحك:نعم
ندي بضحك:ايه الله نفسي اكل مانجه يا يوسف
يوسف بضحك:ما هي ليله باينه من اولها
ندي بضحك:رايح فين
يوسف بضحك:رايح اجيب المانجة خليكي زي ما انتي لغايت ما ارجع
في شركة عاصم جروب
يارا ب ابتسامة:وحشتني
احمد بحب:انتي اللي وحشتيني اكتر بس كل دا عشان تيجي
يارا بضحك:معلش كان ورايا كام حاجة كدا
وجيتلك علي طول
ولكن تدخل اليهم ياسمين
ياسمين ب ابتسامة:هاي يا احمد
يارا بضيق:ودي ايه اللي جابها
احمد ب ابتسامه:اهلا يا انسة ياسمين اتفضلي انا كنت ناسي خالص ان في معاد بنا
يارا بضيق:بس احنا ماشين دلوقت للاسف
ممكن تيجي وقت تاني
ياسمين:استاذ احمد يمشي معاكي ليه
يارا بضحك وغيرة بداخلها:عشان هو خطيبي كدا فهمتي
يلاحظ احمد غيرتها:سوري يا انسة ياسمين انا لازم امشي دلوقت ممكن نبقي نكمل كلامنا بعدين اشوفك وقت تاني
ياسمين:مفيش مشكلة
يارا بغيرة:البتاعة دي بتيجي المكتب ليه
احمد بضحك:يا سبحان الله لانها عميلة في الشركة تخيلي
يارا بغيرة:احمد متجننيش ياسمين دي مش هتدخل الشركة تاني
احمد ب ابتسامة:ودي غيرة دي بقي
يارا بضحك:سميها زي ما تسميها لكن مشوفهاش هنا تاني
احمد بضحك:اي اوامر تانية
يارا بضحك:لغايت كدا مفيش
و اه صح مهند كان عازمك انهاردة علي الغدا وماما وانكل صبري هيكونوا موجودين برده
احمد بحب:ماشي هنروح
في مكتب مهند الملحق بالڤيلا
قامت سارة وهي بترتدي ملابسها
مهند ب ابتسامة:هتقومي وهتروحي علي فين يا سارة
سارة ب ابتسامة:حبيبي احنا في المكتب وافرد حد اجي دلوقت متنساش ان احنا عازمين طنط صافية وبابا ويارا واحمد علي الغدا انهاردة
مهند ب ابتسامة:طيب هلبس هدومي وهجي معاكي المطبخ عشان اساعدك وبعدين قولتلك ميت مرة انك حامل ومش عايز اتعبك وانتي اللي مصممه انك تطبخي بنفسك
سارة بحب:وانا برده قولتلك قبل كدا ان اكلك وشربك ولبسك وكل حاجة تخصك انا اللي هعملهالك حتي لو عندنا مليون شغالة
انا بحبك وعايزة اعملك كل حاجة ب ايدي وبنفسي
انا
مهند بحب:ربنا ما يحرمني منك ابدا يا حبيبتي
ارتدي مهند ملابسه وسارة واقفة تنظر اليه
قد ايه هو فعلا جميل وطيب وكتير عليها
لم تتخيل سارة بعد كل ما رائته ان يصبح مهند جوزها وحبيبها وابو الطفل اللي في بطنها
ويخرج كل منهما
علي السفرة
والكل مجتمع
سارة ب ابتسامة:انا فرحانة اوي عشان كلنا متجمعين وان شاء الله هنكون كلنا متجمعين في بيت يارا واحمد
يارا ب ابتسامة:ان شاء الله
احمد ب ابتسامة:انا عايز احدد معاد جوازي انا ويارا دا بعد اذنكم طبعا
مهند:انتوا مخطوبين بقالكم 10ايام
احمد ب ابتسامة:بدام كل حاجة جاهزة ومش ناقص حاجة غير بس ان نفرش الڤيلا علي ذوق يارا ايه تاني هيكون ناقص انا مش لسه هكون نفسي انا الحمدلله اقدر اعيش يارا في مستوي كويس
صافية ب ابتسامة:خلاص يا مهند احنا ناخد رائي يارا
مهند بضحك وهو ينظر الي يارا:ما تتكلمي ايه رائيك
يارا بكسوف:انا موافقة يعني كمان شهرين تلاتة ولا حاجة اكون خلصت الامتحانات وبرده تكون كل حاجة في الڤيلا جاهزة
مهند بضحك:دا انتم متفقين بقي
يارا بضحك:ولا متفقين ولا حاجة
صافية ب ابتسامة:انا عن نفسي موافقة
مهند ب ابتسامة:خلاص بعد امتحانات يارا ان شاء الله يكونوا متجوزين
احمد بضحك:لسه هستني ٤شهور اوعبال ما تخلصي امتحاناتك
يارا بهمس:احمد ربنا انه مقلش سنتين تلاته
احمد بضحك:لا خلاص نستني ٤شهور
وفي المساء
تدخل سيرين المطبخ
سيرين بتكبر:انتي اعمليلي نسكافي
امينه/الخادمة:حاضر يا سيرين هانم بس هطلع اللبن دا لندي هانم وهعمل لحضرتك النسكافي
سيرين بحده:انتي هتركنيني لغايت ما تخلصي اللي بتعمليه
انا هطلع اللبن لندي وانتي اعملي النسكافي بسرعة
ثم تاخد اللبن من الخادمة وتدلف لغرفة ندي ويوسف
سيرين ليوسف:اللبن دا لندي
وعلي اخر الزمن انا بقيت هسرفس عليكم
يوسف بزهق:اي متعرفيش تقولي كلمة حلوة
سيرين بغيظ تذهب الي غرفتها
في ڤيلا مهند القاضي
و في غرفة مهند وسارة
مهند ب ابتسامة و يحمل طبق من الفراولة:يلا كلي دي ثم ياكل هو الاخر
سارة بضحك:الله طعمها حلو اوي
اديني واحدة
الله انت مش جيبهالي هتكلها انت لوحدك
مهند بضحك:طعمها حلو اوي يا سارة
سارة بضحك تاخد منه طبق الفراولة وتاكل منه
مهند بضحك:هتروحي مني فين تعالي هنا
سارة بضحك:سيبني
ثم يقبلها من شفايفها عددة مرات
سارة بضحك:قولتلك سيبني
مهند بضحك وغمزة:مادي برده طعمها حلو
كادت سارة ان تنهض ولكن مهند اخذها في حضنه وقبلها بحب وكانت سارة تبعده وتضحك
وبعد وقت قليل في ڤيلا فريد
تستيقظ ندي وهي تتاوه بشدة
وتذهب الي الحمام الملحق بالغرفة
ولكن تنصدم عندما تذهب
وتري الدماء تسقط منها
ندي بخوف علي طفلها:يوسف الحقني يا يوسف
يوسف بفزع:ندي
ثم يذهب ليراها ولكن ينصدم بالدماء التي تسقط منها
ندي ببكاء:اه الحقني يا يوسف ابننا هيروح يا يوسف
الحقني يا يوسف
يوسف بخوف:انتي اتعورتي ولا حصلك ايه بس
ندي بخوف وهي ترتعش:يوسف الحقني يا يوسف انا مش عارفة اي اللي بيحصل يايوسف بطني هتموتني
يا يوسف ابننا هيضيع مننا لااااا
يوسف بخوف علي ندي وطفلها:بس اهدي متخافيش
ولكن يسمع كل من في الڤيلا بصراخ ندي
امل وفريد بخوف :مالها ندي يا يوسف
يوسف بخوف:مش عارف حاجة انا لازم اخدها علي المستشفي دلوقت
ثم يحملها برقة وياخذها الي المشفي
في المشفي
يوسف بصراخ وهو يحمل ندي وهي فاقدة الوعي:عايز دكتور بسرعة ابني بيموت
ياتي بعض الدكاترة ويضع يوسف
ندي علي عربة لينقلها الي العمليات
ثم ياتي اليه فريد وامل وسيرين
فريد وامل بخوف:ندي عاملة اي دلوقت
يوسف بتوتر:في العمليات
سيرين لنفسها بفرحة:خلاص خلصتي من ابنه اللي فرحنين بيه وندي دي يا يوسف انا عارفة هخليك تكرها ازاي وبعدين محدش هيخدك مني ابدا
وبعد وقت يخرج الطبيب
يوسف بخوف:خير يا دكتور طمني ابوس ايدك
الطبيب:الحمد لله صحت مدام ندي كويسة
لكن للاسف الطفل اتاثر باللي حصل دا وحصلت مضاعفات
يوسف بقلق:ت..ت..تقصد تقول ان الطفل م مات
الطبيب:لا الحمدلله قدرنا ننقذهم هما الاتنين بس لازم مدام ندي ترتاح علي الاقل اسبوعين تنام في السرير متتحركش حتي الاكل تجبوهولها في السرير الحركة ممنوعة عنها ولازم تفضل في المستشفي كام يوم لغايت ما نطمن علي صحتها
يوسف بتنهيدة:الحمدلله يارب خلاص يا دكتور زي ما انت شايف
الطبيب وهو ينظر الي فريد وامل وسيرين:عايز اتكلم معاك بس لوحدنا بعد اذنك
يوسف بقلق:ماشي يا دكتور اتفضل
سيرين بحده:انا همشي انا يا اونكل واديكم اطمنتوا علي ست ندي خلاص
اما عن فريد وامل ف يذهبوا ليروا ندي
وبعد ان اطمئنوا علي ندي ذهبوا الي الڤيلا
في غرفة الطبيب
الطبيب:استاذ يوسف هو حضرتك مكنتش عايز الطفل دا
يوسف بعصبية:نعم تقصد ايه
الطبيب:اللي حصل لمرات حضرتك سببه حبوب اجهاض وكانت مدوبه كمان في لبن لما حللنا المادة اللي اتسببت في اللي حصل دا
عرفنا ان دا سببه وقولت ان يمكن حضرتك مكنتش عايز الطفل دا عشان كدا انت اللي حطيت الحبوب دي
يوسف بصدمة:انت بتقول ايه حبوب اجهاض!!
الطبيب:دا اللي حصل
ينطلق يوسف وهو غاضب بشدة
ووصل الي الڤيلا وكاد ان يدخل الي غرفة سيرين ولكن اوقفه صوتها وهي تتحدث مع شخص ما علي الهاتف
سيرين:ايوا يا مامي انا عملت كدا لكن للاسف هي وابنه كويسين بعد ما كنت متاكدة ان بالحبوب اللي حططتهالها دي هتنزف لغايت ما الطفل ينزل لكن للاسف هما الاتنين كويسين
والدتها:مش مهم يوسف المهم فلوس فريد حاولي تخدي منه اي شيك برقم كبير وتيجي علي فرنسا
كادت ان تنطق سيرين ولكن دخل يوسف بغضب وصفع سيرين عدت صفعات وهو يمسك يدها بعنف
سيرين بخوف:انت ازاي تعمل كدا
يوسف بغضب شديد يمسكها من شعرها ويجرها علي الارض:انتي تعملي في مراتي وابني انا كدا
ياتي فريد وامل وهما يسمعون صوت سيرين
فريد:ايه اللي انت بتعمله دا يا يوسف ازاي تمد ايدك علي بنت عمك
يوسف بعصبيه:بنت عمي
القذرة دي هي السبب في اللي حصل لندي كانت عايزة تموت ابني وتموت ندي بالنزيف اللي جلها
ثم يصفعها بقوة وهو يقول:عملتلك ايه عشان تعملي فيها كدا لا ومش كدا وبس دي كمان كانت عايزة تاخد منك شيك برقم كبير وتسافر علي فرنسا تاني
البني ادمه دي تمشي من هنا دلوقت بليل بليل لكن مش عايز اشوف وشها تاني وتحمد ربنا اني هسيبها تمشي وهي سليمة اصلا
فريد بصدمة:انتي تعملي كدا انتي
يوسف بعصبيه:لسه هتتعب نفسك وتعد تتكلم معاها...ثم يمسك يدها بعنف ويرميها خارج الڤيلا
يوسف بعصبيه:براااا مش عايز اشوف وشك تاني براااا
ثم يذهب مرة اخري لكي يطمئن علي ندي
في المشفي
ندي بتعب وهي فاقدة الوعي قائلة:ابني
يا يوسف
يوسف وهو جالس بجانبها ويمسك يدها ويحسس علي شعرها برقة:متخافيش يا ندي صدقيني انتي وابننا كويسين
متخافيش انا جمبك
وبعد مرور شهر
والحب يسود مهند وسارة
واستقرار وحب يوسف وندي واطمئنانه عليها
وتطور وزيادة حب احمد ليارا
في احدي العيادات النسائية
يوسف وندي وهما ماسكين يدهما بيد بعض
يوسف ب ابتسامة:ها يا دكتورة ولد ولا بنت
الطبيبة ب ابتسامة:مبروك يا مدام ندي مبروك يا استاذ يوسف..ولد
يوسف وندي بفرح:ولد
الطبيبة:وكمان حالت مدام ندي اتحسنت بعد النزيف اللي حصلها والبيبي كمان زي الفل
يوسف ب ابتسامة وهو ينظر الي ندي:الحمدلله
في شركة عاصم جروب
احمد بعصبيه:يعني ايه الاسهم بتاعت الشركة تقع في البورصة يعني اكيد في حد ورا كل الي بيحصل دا
السكرتيرة:بس يا استاذ احمد مفيش حد من الشركات المنافسة من مصلحته ان الشركة تخسر الاسهم بتاعتها
احمد بعصبيه:اللي متاكد منه ان في حد ورا كل اللي بيحصل دا
في شركة مهند القاضي
يوسف لمهند:اخيرا خلصنا الصفقة دي كانت معقدة اوي بس كويس انها خلصت
مهند:الحمدلله ان احنا خلصنا
يوسف بضحك:بس شكلها كدا مفيش راحة
بعد ما خلصت مع ندي عند الدكتورة قالتلي هتروح هي وسارة المول عشان تشوف هدوم البيبي والمفروض ان بعد ما اخلص شغل في الشركة اروحلها علي المول
مهند بضحك:طب ما هي فكرة حلوة برده تعالي نرحلوهم دلوقت
ثم يذهبوا الي سارة وندي
في المول
سارة ب ابتسامة:لبس الاطفال دا يجنن بس مش كان يجي مهند ينقي معايا
مهند ب ابتسامة:وادي مهند اجي..ازيك يا ندي
ندي ب ابتسامة:الحمدلله
وانت بقي يا يوسف جيت ليه
يوسف بضحك:جيت ليه في واحدة تقول لجوزها جيت ليه
ندي بضحك:بهزر معاك يا سيدي
سارة بضحك:اي دا انت جيت ازاي
مهند بضحك:حسيت بيكي ووريني بقي عشان نختار هدوم بنتنا سوا
يوسف بضحك:طب احنا وعرفنا انه ولد ف هنروح نجبله هدومه انما انتم بقي اللي مش عارفين بنت ولا ولد
مهند بضحك:بنت انشاء الله
سارة بضحك:ولد
ندي بضحك:عندي حل تجيبوا هدوم للبنوته وهدوم للولد عادي جدا
مهند بضحك:ودا حل حلو
ثم يبدأ كل منهما بشراء ملابس لاطفالهم
وكانت ملابس جميلة وب اشكال كرتونية وصغيرة جداا
في ڤيلا احمد ويارا
يارا ب ابتسامة:مالك يا احمد شكلك مدايق لي
احمد ب ابتسامة بالرغم من مشاكل شركته:ولا حاجة يا حبيبتي انا مبسوط عشان معاكي
يارا بضحك:الڤيلا شكلها هيبقي حلو لسه بس لما تكمل هيبقي شكلها حلو اوي
احمد بحب:مش كل حاجة هنا بذوقك لازم تكون حلوة
بحلم باليوم اللي تملي البيت دا بالحب والفرح عايزك جمبي علي طول يا يارا مش هقدر ابعد عنك انتي نصي التاني من اول مرة شوفتك فيها
يارا بحب:وانت كل حاجة في حياتي يا احمد وعمري ماهبعد عنك ابداً احنا هنفضل مربوطين ببعض لغايت اخر دقيقة في عمرنا وانا عمري ماهحب حد غيرك ولا قلبي دا هيكون لحد غيرك
يبتسم احمد من كلام يارا له
وبعد مرور شهرين
في ڤيلا نبيل القاضي
يارا ب ابتسامة وهي تتحدث في الهاتف:انت كمان وحشتني بس دا خلاص اخر امتحان وكلها شهر واكون يارا احمد عاصم ملك لاحمد عاصم وبس
احمد ب ابتسامة:يارا
يارا ب ابتسامة:نعم
احمد بضحك وحب:بصي من الشباك
يارا ب استغراب تنظر من شرفت غرفتها
ولكن تندهش من ما تري
تري بلالين طايرة وتستقر امام شرفه غرفتها وتري احمد وهو جالس علي السيارة وهو يحمل ورد ب الوان رقيقة وعلي عربية يارا مكتوب ومزغرف بالورد'بحبك يا يارا'
يارا ب ابتسامة وحب تنزل لتري احمد
يارا ابتسامة:ايه المفجاءة الحلوة دي يا احمد
انت فرحتني اوي وهي في عنقه
احمد ب ابتسامة وهو يحاوطها بيده:حبيت اكون السبب في اجمل ضحكة في الكون وبعدين بمناسبة بقي امتحاناتك اللي هتخلص بكرا
وكلها شهر بالظبط علي جوازنا
يارا ب ابتسامة:انت ازاي كدا
بس دا انت عمر بحاله معاك ميكفيش
احمد ب ابتسامة:ولوعدي100سنة واحنا مع بعض مش هنشبع من بعض ابدا
وهو يقبل باطن يدها بحب
في ڤيلا مهند القاضي
في التراس
سارة ومهند بضحك:ايه اخيرا شوفناكم
ندي بضحك:انا اللي كنت عايزة اشوفك والله يا سارة بس انا فضلت شهر بحاله مش بتحرك من السرير بس الحمدلله البيبي كويس كنت خايفة اوي يا سارة
سارة ب ابتسامة:ربنا يطمنكم عليه يا حبيبتي
يوسف بضحك:انا ومهند بقي اللي طول اليوم وشنا في وش بعض الشركة اخده كل وقتنا
بس كله عشان خاطر ولادنا اللي جاين
سارة بضحك:المهم اننا شوفناكم
ودا عصير المانجا اللي قولتي علي يا ندي
يوسف بضحك:دي بقالها شهور مبتكولش غير مانجة دا انا ابدأت احس انها بقت بتحبها اكتر مني
ندي بضحك:يوسف
مهند بضحك علي يوسف وندي
وابتسامة حب لسارة:مبسوطة ياحبيبتي
سارة ب ابتسامة:مبسوطة طول ما انت معايا
وكان كل منهما يضحك ويتسامر
ولكن شعرت سارة بالوجع مرة واحدة
الجميع بخضة
مهند بقلق:مالك يا سارة
سارة بتعب:مش عارفة يا مهند بطني
في وجع غريب في بطني
اااااه الحقني يا مهند انا شكلي بولد
يوسف وندي بخوف:لازم نوديها المستشفي حالاً
سارة بصراخ:مش قادرة استحمل لاااا
مهند بقلق:انا معاكي اهو اسندي عليا
وكانت ندي خائفة مضطربة من وجع سارة
ولكن مرة واحدة تصرخ هي الاخري
ندي بتعب:الحقني يا يوسف انا شكلي بولد انا كمان
يوسف ومهند بدهشة
يوسف ب استغراب وضحك:لا دي مش ولاده انتي شوفتيها بتولد ف قلدتيها او حسيني انك عايزة تولدي
ندي بصراخ:ااااه مش وقت هزار خالص يا يوسف انا بولدددددد
يوسف بضحك:ايه بتولدي بجد ما هو يوم باين من اوله
ويحملها يوسف ويدلف بها الي سيارته وانطلق كل منهم بسرعة
الي المشفي
في سيارة مهند
سارة بوجع ودموع:مش قادرة استحمل يا مهند الوجع مش قادرة
مهند بخوف علي سارة:انفسي بسرعة يا سارة يلا اف اف اف
وكانت سارة تتنفس بسرعة
ويدلف كل من يوسف ومهند ب سارة وندي الي غرفة العمليات
كانت ندي تحت تاثير البنج
اما عن سارة ف كانت خائفة بشدة وكانت ماسكة يد مهند بالقوة
سارة بخوف وهي تتنفس بسرعة:مهند ادخل معايا انا هخاف ادخل لوحدي
متسبنيش
مهند وهو ماسك بيد سارة:انا داخل معاكي ياحبيبتي متخافيش اهدي خالص هتدخلي وهتولدي بنتنا وهنخرج مع بعض وهتكوني كويسة اهدي بس اهم حاجة
تستجيب سارة لكلامه ويدخل كل منهم الي غرفة العمليات
في غرفة العمليات
وسارة تصرخ من الم الولادة ومهند يحاول ان يهدأ من حالها
مهند وهو يحاول ان يطمئنها:يلا يا سارة عشان بنتنا تيجي ونفرح بيها وناخدها في حضننا ونسافر
سارة بوجع:الوجع دا صعب اوي مبقتش قادرة استحمل
مهند بخوف علي سارة:عارف يا حبيبتي بس معلش استحملي بس شوية كمان وهتكوني اجمل ام في الدنيا
سارة وهي تتاوه:لا مش عايزة ابقي اجمل من كدا عايزة اكون ام بس في اسرع وقت
بسمة/الطبيبة:خلاص يا سارة فاضل وقت قليل وخلاص البيبي هيجي
سارة بوجع:ااااه معنتش قادرة استحمل الوجع دا خلاص
ينظر لها مهند ويحاول ان يطمئنها
سارة وهي تضع يدها علي بطنها وتصرخ للمرة الاخيرة
وتحمل بسمة الطفل ويسمع مهند صوت الطفل وهو فرح بشدة
وكانت سارة تتنفس بشدة وهي تبتسم
وكان مهند يضحك لها من فرحته بالطفل
مهند ب ابتسامة:خلاص يا حبيبتي بنتنا جت الدنيا
سارة ب ابتسامة:مهند
مهند ب ابتسامة:سارة
ثم تشعر سارة بالوجع للمرة الثانية و ب استغراب
وهي تقول:مهند
مهند بخوف:سارة مالك
ايه اللي بيحصل يا بسمة
بسمة بضحك:جايلكم تؤام
مهند بدهشة وضحك وفرحة:ايه
سارة بصراخ وهي تتنفس بشدة:ااااااه
بسمة بضحك:جيتم كتير عشان تعرفوا نوع البيبي
لكن محبتوش تعرفوا بس مش مفجأة حلوة
انا اول مرة اشوف اتنين زيكم
سارة وهي تتنفس بسرعة:ااااه
مهند ب ابتسامة:خلاص يا سارة البيبي جاي اتنفسي بسرعة بس يلا اف اف اف
ثم تحمل بسمة طفلهم الثاني
ومهند يبتسم للمرة الثانية
سارة بتعب وهي تتنفس وماسكة يد مهند
سارة ب ابتسامة:مهند
مهند ب ابتسامة:سارة
ثم يشعر بالخوف قائلاً:اوعي تخلفي التالت الوقت مش هما اتنين بس يا بسمة
سارة بضحك:بقي عندنا تؤام يا مهند
بسمة بفرح:مبروك جبتوا ولد وبنت زي القمر واخيرا قدرت اقولكم في اخر لحظة
مهند بضحك وفرحة:ولد وبنت مش مصدق
سارة ومهند بفرح وهما يحملوا اطفالهم للمرة الاولي
الممرضة ب ابتسامة:فكرتوا في اسمائهم
سارة ومهند ب ابتسامة:مفكرناش ابداً نسميهم ايه
تحمل سارة الولد ويحمل مهند البنت
وهما ينظران لبعض بحب
سارة ب ابتسامة:هسمي مالك
مهند ب ابتسامة:هسميها لينا
اما عن يوسف فقد اتصل واخبر الجميع بولادة ندي وسارة وجاء كل من فريد وامل وصبري وصافية واحمد ويارا الي المشفي
ويخرج الطبيب من غرفة عمليات اخري التي توجد بها ندي
يوسف بقلق:طمني يا دكتور
الطبيب ب ابتسامة:مبروك مدام ندي جابت ولد وهي كويسة
لكن هو اتولد قبل معاده بفتره قليله عشان كدا هندخله بس الحضانة كام يوم وهيبقي كويس
فريد وامل ب ابتسامة:الف مبروك يا يوسف يتربي في عزك
يوسف بفرح الحمدلله ان ندي كويسة وابننا كويس
ثم ياتي مهند من غرفت العمليات
وتخرج سارة وندي للانتقال الي غرف عادية
صبري وصافية بقلق:طمنا يا مهند علي صحة سارة وجابت ايه
مهند ب ابتسامة وفرح:الحمدلله صحتها كويسة وجابت ولد وبنت
يارا بفرح:بجد جابت ولد وبنت الف مبروك يا مهند هبقي عمته
احمد ب ابتسامة ليارا:احلي عمتوا في الدنيا
احمد بضحك:احم..الف مبروك يا مهند.
مهند ب ابتسامة:الله يبارك فيكم
صبري وصافية ب ابتسامة:الحمدلله انها كويسة
صافية وصبري لبعضهم البعض في نفس الدقيقة:
بقيت جدي،،بقيتي جدة
في غرفة كبيرة تجمع سارة وندي
وتبدأ ان تفوق كل منهم تدرجيا
تفتح ندي عيناها ببطئ
ندي ب ابتسامة:يوسف
يوسف ب ابتسامة:اخيرا فوقتي
قومي كدا عشان تشوفي ابننا زي ما انتي قولتي صغير اد كدا هو
ندي بضحك:بحبك
يوسف ب استغراب:انتي لسه مفوقتيش من البنج ولا ايه يا ندي
ندي بضحك:هو غلط لما احب في حبيبي
انا مبقتش عايزة حاجة يا يوسف غيرك انت وابننا وبس
يوسف بضحك وحب وهو ينظر الي شفايفها:انتي عارفة لو مكنش جمبنا ناس كنت عملت فيكي ايه دلوقت
ندي بضحك:يوسف
اما علي الجانب الاخر سارة
سارة ب ابتسامة ومهند جالس بجانبها:مش هقدر اوصفلك الفرحة اللي انا حاسس بيها دلوقت يا سارة انا حاسس اني ملكت الدنيا كلها
سارة ب ابتسامة:ربنا رزقني بحته منك في حاجة احسن من كدا
يارا بضحك:حتيتين لو سمحتي
وكويس انكم جبتوا ولد وبنت انتوا طول الحمل مهند عايز بنت وسارة عايزة ولد وفي الاخر جبتوا الاتنين بس بصراحة يا سارة زي القمر شبهي كدا
مهند بضحك:لاء شبهه سارة علي فكرة
يارا بضحك:بقي كدا يا مهند
مهند بضحك: هو كدا
فريد ب ابتسامة:مبروك يا مهند يتربوا في عزك
مهند ب ابتسامة:الله يبارك فيك يا فريد بيه
سارة ب ابتسامة:هتسموا البيبي ايه يا ندي انت ويوسف
ندي ب ابتسامة وتعب بسيط:عمي اللي هيسمي
مش كدا يا يوسف
يوسف بضحك:كدا يا روح قلب يوسف من جوا
فريد بضحك:سموا انتم مش لازم انا اللي هسمي
ندي ب ابتسامة:ازاي بس يا عمي حضرتك اللي هتسمي انت وطنط امل
ينظر فريد وامل لبعضهم البعض:خلاص لو كدا هنسمي عز الدين
ندي ويوسف بضحك:موافقين
عز يوسف فريد
ندي ب ابتسامة:وانتم سميتوهم ايه
مهند وسارة ب ابتسامة:سميناهم مالك ولينا
وفي يوم جديد
بعد انتهاء يارا من امتحانها
كان احمد ينتظرها
احمد بضحك:كل دا تاخير
يارا بضحك:سوري
احمد بضحك:اوكي تحبي بقي نروح فين
يارا ب ابتسامة:انا عايزة اجيب لمالك ولينا هدوم
احمد بضحك:علي اساس انهم معندهومش هدوم
يارا بضحك:هزر بقي اكيد عندهم لكن عايزها تبقي مني انا لما مالك او لينا يلبسوا حاجة تبقي مني انا
احمد بحب:زي ماتحبي هنروح المول ونشتري اللي انتي عايزاه
يذهب احمد ويارا الي المول
ولكن يري ايهاب عليا
بعد مدة طويلة
ايهاب:ينفع نتكلم مع بعض شوية يا عليا
تذهب معه عليا الي كافتريا الكلية
عليا بحزن:نعم يا ايهاب
ايهاب:كل الوقت دا ومعرفش عنك حاجة فيه
عليا بسخرية:وانت يهمك تعرف مالي
ايهاب:عليا انا معرفكيش من سنه ولا اتنين انا اعرفك من 15سنة انتي غاليه عندي يا عليا وبالنسبة لموضوع عمك دا انا هحله وانا عايزك معايا في شركتي الجديدة
وانا هنسي اي كلام انتي قولتي قبل كدا ياعليا لكن متبعديش عني
عليا بتفكير وحزن:هفكر وارد عليك يا ايهاب
في المول
يارا بضحك:خلاص اشترينا ل لينا فستان يجنن
واشترينا لمالك سلوبت الاسد دا شكلهم حلوين اوي
هدوم الاطفال دي
احمد بحب:بس انا عجبني حاجة تانية
ايه رايك نشتري الفستان دا لبنتنا
فستان رقيق من اللون الوردي وبه فيونكه بيضاء
يارا بضحك وكسوف:هي فين بنتنا دي
احمد بضحك:شوفتي انتي اللي بتهزري ازاي
وبعدين احنا هنخلف بنت وهتكون جميلة وزي القمر كدا زي مامتها وفي اول عيدميلاد ليها هنلبسهولها وابقي افتكري كلامي دا كويس
يارا ب ابتسامة وحب له
يشتري احمد الفستان وهو ?
في المول
يارا بضحك:خلاص اشترينا ل لينا فستان يجنن
واشترينا لمالك سلوبت الاسد دا شكلهم حلوين اوي
هدوم الاطفال دي
احمد بحب:بس انا عجبني حاجة تانية
ايه رايك نشتري الفستان دا لبنتنا
فستان رقيق من اللون الوردي وبه فيونكه بيضاء
يارا بضحك وكسوف:هي فين بنتنا دي
احمد بضحك:شوفتي انتي اللي بتهزري ازاي
وبعدين احنا هنخلف بنت وهتكون جميلة وزي القمر كدا زي مامتها وفي اول عيدميلاد ليها هنلبسهولها وابقي افتكري كلامي دا كويس
يارا ب ابتسامة وحب له
يشتري احمد الفستان وهو يبتسم
البائعة ب ابتسامة:هيكون لايق علي بنتكم
احمد وهو ينظر بحب ليارا:اكيد هيكون حلو
وبعد عده ايام
عاد مهند وسارة من المشفي
ووصلوا الڤيلا من جديد
هنية ب ابتسامة:البيت نور بيكم وب الحلوين الصغيرين
سارة ب ابتسامة:شكرا يا دادة
مهند ب ابتسامة:هنية هتكون معاكي وهتساعدك في كل حاجة
سارة ب ابتسامة:تعالي معايا بس براحة عشان ننيم مالك ولينا
وبعد ان نيم مهند وسارة اطفالهم
ذهبوا الي غرفة اخري
سارة ب ابتسامة:ايه رايك يا مهند الاوضة الكبيرة دي هتكون لمالك ولينا
هنقسمها نصين جزء لمالك وجزء ل لينا
وهنلون الجزء بتاع مالك بالون الازرق وهنحطله هنا سيرير صغير ومن فوق لمبات علي شكل نجوم عشان لما يبقي يبدأ ينام يشوف الحيطة قدامة كلها نجوم كدا زي السما وهنحطله هنا دولاب هدومه وهنا مكتبه وهنملي الاوضة بتاعته كلها لعب ولينا برده نفس الكلام بس هنخلي لون الاوضة بتاعها بينك وتبقي مرسوم عليها ورد واشكال حلوة كدا
ايه رائيك بقي
مهند ب ابتسامة:هيبقي شكلها جميل اوي يا حبيبتي وكل اللي بتحلمي بي هيبقي حقيقة
تحضن سارة مهند بحب وهي تقول:انا مبسوطة اووووووي
يضمها مهند بيده وهو يضحك ويبتسم بسبب حبه وعشقه لها
وفي المساء
في سيارة احمد ويارا
احمد بحب:انزلي يا يارا
يارا ب ابتسامة:هنروح الڤيلا تاني ليه
مش خلاص بقت جاهزة
احمد بحب:عايز اوريكي حاجة في الڤيلا هتعجبك انزلي يلا
يارا بضحك:اما اشوف هتعجبني ولا
ونزل كل منهم ودخلوا الڤيلا
ويغلق احمد الباب
وكانت يارا متوترة قليلاً
احمد بحب:ادخلي الاوضة يا يارا
يارا بتوتر:ايه اللي هيدخلنا الاوضة يا احمد وبعدين هي فين المفجأة اللي بتقول عليها دي
احمد ب استغراب وحزن:انتي خايفة مني انا يا يارا
يارا بقلق:اصل ايه اللي هيدخلنا الاوضة دي يعني يا احمد
احمد بحزن يفتح باب الغرفة قائلاً:عشان كدا يا يارا
تري يارا امامها فستان زفاف متصمم بطريقة جديدة وكان جميل بشدة
يارا ب ابتسامة:الله ايه الفستان اللي يجنن دا يا احمد
احمد بحزن:كنت جايبك الڤيلا والاوضة عشان كدا يا يارا عشان تشوفي الفستان اللي بقالي شهر موصي عليه عشان يعجبك جبتهولك من فرنسا ولسه واصل الصبح وحبيت اعملك مفجاءة واشوف عينك وهي بتلمع وانتي فرحانة بالفستان عرفتي ليه بقي
يارا:انا اسفة والله يا احمد مكنش قصدي خالص بس كمان مكنش ينفع ان احنا نيجي الڤيلا بعد ما خلصت وكمان ندخل اوضة سوا
احمد بحب:يارا انا بحبك واستحاله في يوم اجرحك ولا افكر ان امتلكك بالطريقة الرخيصة دي انتي حبيبتي وبعد شهر هتكوني مراتي وملكي
ومش عايز حاجة من الدنيا غير ان اشوفك مبسوطة
يارا بحب:ربنا يخليك ليا وبعدين مكنتش اعرف ان ذوقك حلو كدا الفستان يجنن وبعدين انا بثق فيك لكن في حاجات مينفعش نتخطاها دا كان قصدي بس والله
احمد بحب:خلاص مش زعلان منك ويلا خدي الفستان معاكي عشان نمشي من هنا
يارا ب ابتسامة:لا خلي هنا وهاجي اخده انا يوم تااني
احمد بحب:زي ما تحبي
في يوم جديد
في شركة عاصم جروب
احمد بعصبيه:يعني ايه الشركة هتفلس ويعني ايه مفيش حد فيكم عارف ايه السبب ومين ورا كل اللي بيحصل دا
احد الموظفين:للاسف الشركة بتنهار ومفيش حل شركة عاصم جروب بقت في الارض خلاص
احمد ب استغراب لنفسه:ازاي دي الشركة من كام شهر بس رجعت زي الاول واحسن ازاي ترجع كدا تاني ورا كل دا سر ولازم اعرفه
في مزرعة كبيرة
مجهول١:اول جزء في خططتنا اتنفذ لسه الجزء تاني من الخطة هيتنفذ وساعتها مش هيبقي في احمد عاصم في الوجود ولسه اللي هيشوفه مني
وبعد ساعات
في الياخت
وكانت يارا ترتدي فستان ابيض رقيق يصل الي ركبتيها
وهي تجلس علي الياخت مع احمد
احمد بحزن وهو ضامم يارا قائلاً:خلاص يا يارا كل حاجة راحت من ايدي
يارا:يعني انا هسيبك مثلاً عشان شركتك فلست ياا احمد وبعدين انا بحب البساطة اي يعني انا لوعشت معاك في اوضة هتكفينا احنا الاتنين
احمد بحزن: مش هتقدري علي العيشة دي يا يارا
يارا بضحك:وانت شايف بقي ايه العيشة اللي تبقي مناسبة ليا يا تري
احمد بوجه حزين:مش هيبقي في بيت كبير نعيش فيه يا يارا
يارا ب ابتسامة:اوضة واحدة تكفينا
احمد:ومش هيبقي في شغالة تغسل وتنضف ومفيش حد هيوضب وراكي
يارا بضحك:تقصد اني فاشلة ولا ايه
انا هوضب ورايا ووراك كمان
احمد:ومش هيبقي في سفرة كبيرة عليها اكل اشكال والوان كل يوم يا يارا لكن هناكل من اللي هنلاقي في التلاجة وخلاص
يارا بضحك:خليك فاكر ان المكرونة اللي عملتهالك قبل كدا عجبتك
احمد بحزن:ومش هتعرفي تنزلي تشتري واعملي شوبنج زي ما انتي عايزة ومش هنعرف نخرج كتير عشان مفيش فلوس
يارا ب ابتسامة:انا مش عايزة ولا حاجة من كل اللي انت قولته انا عايزاك انت وبس
وبعدين انا اصلا عندي الف فستان
احمد ب ابتسامة لكلام يارا ولكنه حزين بداخله لانه لم يقدر علي تحقيق سعادتها
احمد بحزن:احتمال نسافر عشان نكون نفسنا ونبني مستقبلنا من جديد في بلد متعرفيش فيها حد ولا هيكون عندك عيلة ولا صحاب وهتملي من العيشة عشان هتكوني لوحدك
يارا ب ابتسامة:ليه انت مش هتكون معايا
وهي تحسس علي وجه برقه:انا مش محتاجة حد جمبي غيرك انت
ومش عايزة لا ڤيلا ولا فلوس ولا اي حاجة انا عايزاك انت
وهي تضع يدها علي قلبه قائلة:انا المكان اللي محتاجة اكون في هو قلبك وبس
انا بحس ب الامان وانا معاك
احمد وهو ينظر لها بحب وهو يبتسم
يارا بضحكة ملي بالحب:ايه اللي حصل
احمد بحب وهو يحسس علي شعرها:مكانك هيفضل جوا قلبي ديما بوعدك اني عمري ماهجرحك في يوم
وهكون ديما سبب السعادة اللي بتعشيها
يارا بحب:انا قولت اللي بحس بي
كان احمد ينظر بداخل عيونها السوداء بحب
يارا ب ابتسامة:شكرا انك في حياتي و علي كل حاجة انا عشتها
احمد بحب يقبلها بحب وشغف لاول مرة
وكانت يارا مستسلمة له وهي تحاوط رقبته بيدها
احمد بحب:هخليكي اسعد واحدة في الدنيا دي كلها..وعد
يارا ب ابتسامة:وعد
وفي صباح يوم جديد
في ڤيلا رامي غالب
رامي بعصبيه:افتحي الباب يا نادين
بقولك افتحي الباب
نادين بوجع تفتح الباب:ايه خايف عليا اكون قطعت شرايني عشان اخلص منك
رامي بعصبيه:ممنوع انك تقفلي باب اوضتك تاني انتي فاهمة وقومي البسي احنا هنسافر امريكا دلوقت
نادين بوجع:وانا مش مسافرة
رامي بحده:هنسافر ودلوقت وانا هعرف ازاي هنتقم من مهند القاضي سي روميو عايز يدمر الشركة اللي بنتها بقالي سنين لكن قريب اوي هتسمي خبره يا نادين
نادين بخوف:ايه الكلام اللي انت بتقوله دا يا رامي
رامي بعنف:قومي البسي هدومك احنا مسافرين دلوقت انتي فاهمة
نادين بدموع:تحت امرك
في ڤيلا مهند القاضي
في غرفته وهو يداعب اولاده برقه
مهند بضحك:اي الحلاوة دي يا واد يا مالك بكرا هتكبر وهتبقي سندي في كل حاجة
وانتي يا ملكة يا صغيرة لو تعرفي كان نفسي قد ايه اخدك في حضني انتي واخوكي انتوا الاتنين قلبي حته من حبيبتي
هاخدكم في حضني وهربيكم احسن تربيه وعمري ما هقسي عليكم ابداً
وكان يسيطر عليه شعور الابوة والحب الشديد ل اولاده
ثم تدخل سارة الي الغرفة
سارة ب ابتسامة:ولادك اخدوك مني ولا ايه
يقترب مهند منهما وهو يبتسم
وتجلس سارة علي رجله بحب
مهند ب ابتسامة:ومين بقي اللي يقدر ياخدني منك حتي ولادك دول ميقدروش
سارة ب ابتسامة:ربنا يخليك ليا يا احلي حاجة حصلتلي في حياتي
مهند بضحك:انا كنت عايزك في موضوع مهم
سارة بضحك:وايه بقي الموضوع المهم دا
مهند:انتي عارفة طبعا ان انا مليش في الدنيا غير اختي يارا وكان هيبقي ليا اخ لكن مات من قبل مايجي الدنيا
سارة:تقصد ايه ياحبيبي
مهند ب ابتسامة:انا بحبك وعايز اجيب منك ولاد كتير يملوا علينا دنيتنا ويكونوا سند لبعض افردي حصلي حاجة لازم اسيب لولادي الفلوس اللي تكفيهم وتامن حياتهم واسبهم سند لبعض
سارة بضيق:بعد الشر عليك يا مهند
متقولش كدا تاني
مهند ب ابتسامة:نفسي في عيال كتير كدا يكونوا منك
سارة بضحك:وانا كمان يا حبيبي بس احنا مخلفين مبقلناش اسبوع حرام دا انا كنت هموت من تعب الولادة
مهند بضحك:هما اربع ولا خمس شهور وننخلف تاني نجيب اخت لينا ولا اخ لمالك
سارة بضحك:يامهند حرام عليك
مهند بضحك:هو دا قراري
وبعدين بقي انا هروح بقي اكمل لعب مع العيال مخلفالي عيال قمر ياربي
بس قبل ما امشي عايز اقولك حاجة
سارة بضحك:ايه
يقبلها مهند من خدها وهو يضحك
ثم يعود الي اطفاله
في سيارة رامي ب اتجاه الي المطار
رامي بعصبيه:مش عايز اسمع سيرة مهند القاضي تاني
نادين بدموع:انت اللي تبطل تفكر فيه ابعد عن حياته بقي هو بعيد عن حياتك انت اللي ديما بتغير وبتحقد عليه
رامي بغضب يزيد سرعة السيارة
نادين بخوف:وقف العربيه يا رامي هنعمل حادثة
رامي بغضب:حتي الموت مش هيبعدنا عن بعض خلينا نموت ونستريح
نادين بخوف وبكاء وهي تضع يدها علي عيناها:هنخبط في العربية اللي قدامنا يا رامي وهنموت
يقف رامي بالعربية ف اخر دقيقة
نادين بخوف وبكاء:اقتلني وخلصني من اللي انا فيه لو معملتش كدا هموت نفسي واخلص منك
رامي بخوف علي نادين وهو يحاول لمس يدها:اياكي تقولي كدا تاني يا نادين
نادين ببكاء:كرهت العيشة زي العبدة بفكر في ظلمك ليا ديماً معنتش قادرة استحمل خلاص كل ما وجعي يخف تيجي انت وتزود وجعي من جديد
رامي بدموع:انا مش ظالم يا نادين انا بحبك
نادين ببكاء هستيري:انت سرقت عمري انت فاهم
سرقت عمري مني حرمتني من كل حاجة حرمتني من حبيبي وحرمتني من حريتي وحرمتني اني أكون ام وحرمتني من الحياة نفسها انا بكرهك
وكان رامي يحاول ان يضمها ولكنها كانت تبعد عنه بكل قوتها
علي الهاتف
مجهول:استاذ احمد
احمد بنوم:ايوا مين
مجهول:لو عايز تلحق يارا وتشوفها ماتموت تيجي علي العنوان دا
احمد بعصبيه:انت هتهزر معايا يا بني انت
مجهول:انا مبهزرش يارا اتخطفت وهتموت لومجتش دلوقت في المكان اللي هبعتهولك في رسالة الوقت
يجري احمد ليرتدي ملابسه وهو يحاول عدت مرات ان يتصل ب يارا ولكنها لم ترد عليه اطلاقاً
ثم يذهب احمد الي هذا العنوان
ويدخل الي المنزل ويرا فتاه لم يعرفها
احمد بعصبيه:يارا فين
ولكن كان هناك احد بالخلف منه
ويقوم ب اعطاءه حقنه مخدره
ثم يسقط احمد مرة واحدة
مجهول بحده:قلعوا هدوه بسرعه وانتي ياساهي اقلعي هدومك وروحي نامي جمبه
في غرفة يارا
كانت جالسه ولكن شعرت ببعض التوتر
وبعد وقت قليل
تلقت احد الرسائل من رقم غير معروف
ولكن انصدمت من الصور
تري في الصور احمد وهو مع عدة فتايات
وهما بدون ملابس
ثم تلقت لرسالة اخري
مجهول:احمد بيخونك ومش بيحبك ولو مش مصدقة الصور
روحي وشوفي الحقيقة واتاكدي بنفسك هتلاقي مع واحدة من اللي يعرفهم
ثم يرسل لها العنوان
يارا بدموع:م..مستحيل احمد يعمل فيا انا كدا
مستحيل
ولكنها تقود سيارتها وتذهب الي هذا العنوان مسرعة
في هذا المنزل
يبدأ احمد ان يفوق ويرا نفسه بدون ملابس مع واحدة لم يعرفها وكانت نائمة بجانبه
احمد بصداع:ايه اللي جابني هنا
ويبدأ ان يرتدي ملابسه بسرعة
وارتدي بنطاله وكاد ان يكمل ملابسه ولكن جاء من يطرق الباب
اعتقد احمد من يطرق الباب احد من العصابة التي ارسلته الي هذا المكان
يذهب احمد مسرعاً ولكن بحذر ليري من
وفتح الباب ولكنه انصدم بشدة
احمد بتوتر وخوف:ي..يارا
تنظر يارا لاحمد بدموع وصدمة لخيانته وتراه وهو عاري الصدر
يارا بالم ودموعها تتساقط:........
وبعدها!!!!
مين اللي ممكن يكون عمل كدا في احمد
وليه بيكونوا اوي كدا
ويارا ايه هيكون رد فعلها وهي شايفة احمد كدا ولسه هيحصل واللي هتشوفه
ومين الشخص المجهول داا!!!
وتحول شخصية مهند ورجوعه لحياته مرة اخري
وحبه أولاده وبيارة اللي بيزيد كل يوم عن التاني
ورامي ناوي علي ايه
وممكن يعمل ايه عشان يدمر مهند