رواية أحببت القاسم
الفصل السادس والسابع والثامن
بقلم ملك اسامه
عشق: إيه اللى حضرتك بتقوله ده يا استاذ قاسم
قاسم: بقولك عشق تتجوزينى إيه حاجه غريبه!؟
عشق: بس
قاسم: من غير بس أنا هتجوزك علشان احميكي يا عشق و لو عايزة تطلقى بعد كده اطلقى هتعيشى معايا سنه بس و هنعيشها أخوات
عشق: و إيه اللى يجبرك على كده
قاسم: لاقيت نفسى عايز احميكي من عيلتك وبس و هتصدقينى لو قولتلك إنى مش عارف سبب معين بس كل اللى أعرفه إنى لازم احميكي و بس قدامك يومين تفكرى فيهم و هتأخدى اليومين دول أجازة لو رجعتى بعد اليومين الشركه هعرف إنك موافقة لو مرجعتيش هعرف إنك رافضة أتمنى توافقى يا عشق
عشق كانت فى حالة صدمه هو هيتجوزها علشان يحميها طيب هو يعرفها منين أصلا علشان يحميها خايف عليها ليه روحت و فى عقلها مليون سؤال و كل سؤال ملهوش إجابة هى مش هتنكر إنها بدأت تشعر بحاجه نحيته و بدأت تكنله مشاعر بس مش بالطريقة مش ممكن تتجوزه كده علشان يحميها و بس عشق روحت و مكنتش قادره طلعت البيت و نامت بعد كام ساعه صحيت و نزلت لفرح و حكتلها
فرح: يا نهاااااار
عشق: وداااانى يا غبية
فرح: ممكن يكون بيحبك يا عشق
عشق: لا مظنش يا فرح
فرح:لا آظن آظن جامد كمان أصله هيتجوزك ليه يعنى بطلى ذكاء
عشق طلعت من عند فرح و هى بتفكر ممكن يكون بيحبها أصل مش كل مدير هيعمل مع موظفة كده و يتجوزها علشان يحميها
عشق:ممكن و ليه لا عشق خلصت تفكير مع نفسها و فتحت موبايلها أول ما فتحت كان قاسم أونلاين اتخضت قلبت فى موبايلها و لاقت رساله من رقم غريب
المجهول:أزيك يا عشق
عشق:تمام مين معايا
المجهول:معاكى مراد أبن عمتك يا عشق
عشق:آه أهلا يا مراد
مراد:إيه أخبار جوزك
عشق حست أن سؤاله فى سخرية
عشق:كويس و بيسلم عليك و على كل اللى موجودين و بيقولى خليهم ييجوا أوعى متجوش بقى لأحسن يزعل
مراد:طبعا و إحنا نقدر على زعله
عشق قفلت معاه و دخلت نامت (جماعه عشق بتحب النوم أوى أصلا😂🌚)
عدي اليومين من غير أى أحداث تذكر و النهاردة يوم نزول عشق الشركه خلاص أخدت قرارها هى موافقة بعد تفكير كبير وافقت موافقة بس خايفه بس قررت أنها توافق علشان هيحميها و علشان أهلها اللى قايلالهم انها متجوزه و علشان هى بدأت تحس بشعور نحيته فقالت يبقى فى الحلال أحسن..
عشق كانت داخله الشركه
و قاسم كان داخل وراها
قاسم:جيتى يعنى موافقه!؟
عشق:جيت لكن موافقه أو لا دى هبقى اقولهالك آخر اليوم
قاسم:بتلعبينى
عشق:بشوقك
عشق قالت الكلام و مشيت قاسم اتفاجئ من الشجاعه دى كلها فهد جه لقاسم و بدأوا اجتماع مع شركه تانيه و كان قاسم قاعد فى النص و على يمينه عشق و جمبها فهد و كان على شماله العميل و السكرتيره بتاعته (السكرتيره كانت مايصه شوية يا جماعه😂🌚)
الاجتماع خلص و كان العميل كل شويه ينظر لعشق العميل و السكرتيره ماشيين خلاص و قاسم و فهد بيسلموا عليهم و جمبهم عشق
العميل:آنسه عشق أنتى مرتبطه
عشق:نعم
قاسم كان واقف و عيونه احمرت و خلاص شويه و هيضربه(يمى يمى خاف يا عيد خاف😂😂🌝)
العميل:مرتب و قبل ما يكمل كلمته سبقته لكمه قاسم و كانت لكمه قوية نزف بسببها
قاسم:مرتبطه و مخطوبة و هتتجوز خلاص يا حبيبى يلا براا و الاتفاق ملغى
العميل و سكرتيرته مشيوا اليوم مر عادي جدا و دلوقتي آخر اليوم يعنى لازم عشق تقول موافقه ولا لا كل اللى فى الشركه مشى و عشق كانت داخله تقول لقاسم رأيها بس سمعت...
السابع
من أحببت القاسم
عشق كانت داخله مكتب قاسم لكن وقفت سمعت فهد و قاسم بيتكلموا
فهد:يعنى هتتجوزها ليه برضو
قاسم:خلاص يا فهد أنت عارف ليه
فهد:علشان هى أمانه من أبوها وبس طيب أفرد عرفت إنك كنت تعرف أبوها و كان يعرفك
قاسم:أيوة بس أنا هتجوزها علشان احميها كمان هى فى خطر بسببى
فهد:بس
قاسم:من غير بس ابوها مأمنى عليها و هى بقت فى خطر دلوقتى بسببى ده الوقت اللى لازم اتدخل فيه خلاص عارف يا فهد أنا حسيت إنها شدتني أوى كمان حسيت إنى حبتها مش بس متجوزها علشان احميها لا أنا حاسس إنها شدتني من ساعة ما شوفتها و أنا مش بروح البار و برجع البيت عادي اتغيرت أوى
فلاش بااك
بابا عشق كان عارف بابا قاسم و قاسم بس قاسم عمره ما شاف عشق خالص علشان كده معرفهاش بابا عشق فى مره حكى لقاسم عن أهله
بابا عشق:بس يا قاسم يابنى
قاسم:ربنا يهديهم
بابا عشق:قاسم اناا حاسس إنى هيحصلى حاجه بالله عليك لو حصلى حاجه عشق أمانه عندك
قاسم:إيه يا عمى بس الكلام ده
بابا عشق:معلش اوعدنى
قاسم:أوعدك
تانى يوم كان بابا عشق مات و قاسم بدأ يحط رجالته قدام بيت عشق مكانش بيراقبها هو أبدا بس كان دايما رجالته بيساعدوها و كده عمره ما شافها و لما جت قدمت الوظيفه اتفاجئ إنها هى هى نفس البنت و اداها الوظيفه طبعا علشان تبقى جمبه و تحت عينيه( إما بالنسبه إنها فى خطر بسببه دى هنعرفها بعدين)
عشق واقفه برا مصدومه اللى هى بتسمعه ده صح قررت إنها مش هتعرفه إنها سمعت خبطت الباب و دخلت
عشق:احمم قاسم عيزاك فى موضوع
فهد:تمام استأذن اناا سلام
فهد خرج
قاسم:إيه
عشق:موافقه
قاسم:كنت عارف
عشق:متأكد أوى يا قاسم
قاسم:مكونش القاسم لو مش متأكد
عشق:بعد ما نتحوز هنزل الشغل زى ما أنا
قاسم:امممم ماشى بس هتنزلى معايا و تيجى معايا
عشق:تمام
قاسم:تمام اتفقناا جهزى نفسك على آخر الشهر هتكونى فى بيتى
عشق:تمام بعد إذنك
عشق خارجه قاسم شد ايدها
عشق:سيب ايدى
قاسم:مالك
عشق:مالى ماليش
قاسم:عيونك محمره و خدودك كلها حمره فى إيه
عشق:الجو حر بس علشان كده
قاسم:ماشى يا عشق
عشق خرجت و اليوم عدي روحت و حكت لفرح كل اللى سمعته
فرح:يابنتى أنتى زعلانه منه ليه يعنى
عشق:علشان مقاليش أنه عارف بابا
فرح:بس هو بيحبك و هتعرفي تظهري حبه ليكي
عشق:إزاى
فرح:هقولك......
فرح قالت لعشق على اللى هتعمله علشان قاسم يظهر حبه ليها((طبعا يا جماعه البنات لما بيخططوا بيجيبوا إسم الدكتور اللى اتولدت عنده و عنوانه كماان😂🌚))
المهم عدى أسبوع و فاضل أسبوعين عشق أخدت الاسبوعين اجازه أو مش هى اللى أخدت لا قاسم هو اللى قالها مر الأسبوع الأول و النهاردة بدايه الأسبوع الأخير قاسم كان بيحضر الحاجات هو و فهد عشق و فرح مشغولين فى الهدوم و الحاجات عشق و فرح كانوا مروحين و اتفاجئوا باللى شافوه.....