روايةعشقت حُبك الاسود
الفصل الثامن و العشرون
..........................
يارا بدهشة:احمد
تراه وهو لابس بدلة من اللون اللبني وقميص ابيض ويحمل الورد الابيض التي تعشقه يارا ويبتسم
احمد بحب:مش هتدخليني ولا ايه
يارا بدهشة واستغراب:تدخل ايه امشي امشي
احمد بضحك علي شكلها الطفولي
مهند ب ابتسامة:ادخل يا احمد انا مستنيك من بدري
يارا بستغراب:هو في ايه يا مهند
مهند ب ابتسامة:احمد جاي عشان يخطبك
يارا بدهشة:نعم انتوا بتهزروا مش كدا
احمد بهمس:اطلعي البسي اي حاجة بدل ميكي دا ها
يارا:احم انا طالعة سبع تمن ساعات كدا وهنزل تاني
احمد بهمس وضحك:هما سبع دقايق
تنظر يارا لاحمد وتبتسم
مهند: تعالي بقي نتكلم احنا شوية لغايت ما يارا تخلص واستاذ صبري يوصل
فلاش باك
من اسبوع
في مكتب مهند
مهند لاحمد:كدا تمام
وكويس ان الصفقة دي عدت علي خير بس مكنتش افتكر انك شاطر كدا في المجال دا مع انه جديد عليك
احمد:انا عايز شركت ابويا ترجع تاني زي الاول واحسن
مهند:ان شاء الله
احمد بتردد:احم انا كنت عايز اتكلم معاك في موضوع تاني ومهم
مهند ب استغراب:خير موضوع ايه
احمد بثقه:انا بحب الانسة يارا وعايز اتجوزها
وكنت مستني بس شوية وقت لغايت ما الشركة تتحسن شوية
مهند:ودا يخليك بقي تقابلها وتخرجوا مع بعض
من غير ما انا ولا امها تكون عارفة مش كدا
احمد بستغراب:انا...
مهند:طبعا انت مستغرب انا عرفت ازاي مش كدا
لكن انا عارف كل حاجة ومن الاول ومش منها
وهي لاول مرة تخبي عني حاجة
احمد:صدقني انا بخاف علي يارا وبحترمها جدا واتمني تكون مراتي لغايت اخر يوم في عمري
يارا هي الوحيدة اللي في حياتي
انا مليش ام ولا اخت ولا عمري حبيت ولا هحب غيرها
وهي حسستني بحب الام لابنها وخوف الاخت علي اخوها وبالحب اللي اول مرة احس بيه وهي جمبي
وطفولتها دي حسيتني انها مش بس الانسانة اللي بحبها لاء وكمان بنتي
انا مش مكسوف ومش خايف اني بتكلم عنها كدا قدامك لكن صدقني انا بحبها جدا وعايز اتجوزها
مهند ب ثبات:بالرغم من جرأتك دي و في موقف تاني كنت ممكن اكسر المكتب دا فوق دماغك لكن عن نفسي انا موافق بموضوع الجواز والخطوبة دي
لكن لو في يوم بس زعلتها ولا وجعتها في يوم صدقني اني هطلع روحك في ايدي
يارا دي مش مجرد اختي دي من اغلي الناس اللي في حياتي دي روحي
احمد بسعادة:وانا عمري ماهوجعها ولا هزعلها في يوم
مهند ب ابتسامة:اتفقنا تقدر تيجي علي الاسبوع الجاي عشان اكون اتكلمت مع امي في الموضوع دا
احمد:احم طب ويارا
مهند بضحك:لا يارا دي مش هتعرفي غير يومها وبس
احمد بضحك:اتفقنا
باك
في غرفة يارا
يارا لنفسها:جاي يخطبني الوقت
طب هعمل ايه ولا هلبس ايه
تدخل سارة غرفة يارا وهي تضحك
سارة بضحك:هتفضلي تكلمي نفسك كتير كدا يا يارا
يارا بدهشة:انتي عارفة ان احمد هيجي يخطبني انهاردة
سارة بضحك:ايوا احمد كلم مهند في موضوعكم وهو وافق
يارا ب استغراب وضحك:بتهزري
سارة بضحك:حرام عليكي دا وقتوا
يلا البسي بقي احمد مستنيكي تحت
رايح جاي لغايت ماتنزلي
يارا بضحك:حاضر
سارة ب ابتسامة:بس تعرفي انه شكله بيحبك اوي
مبروك يا يارا الف مبروك يا حبيبتي
يارا ب ابتسامة وهي تحضنها:ربنا يخليكي ليا يا سارة
يارا بتوتر وحب لاحمد:طب بقولك ايه ساعديني اختاري معايا البس اي فستان ها
سارة ب ابتسامة:بصي البسي فستان يكون هادي ورقيق كدا وافردي شعرك وحطي ميكب خفيف
وانتي اصلا جميلة من غير اي حاجة
يارا ب ابتسامة:حبيبتي يا سارة انتي اجمل
سارة ب ابتسامة:هسيبك لغايت ما تلبسي براحتك
وانا هروح اشوف طنط صافية
يارا ب ابتسامة:اوكي
يأتي صبري ومعه نور
تجري نور علي مهند
يحملها مهند وهو يضحك:ايه الفستان الجميل دا يا نور وحشتيني اوي
نور بضحك:انت كمان وحشتني اوي يا مهند
مهند بضحك:اممم طب يلا اطلعي لسارة هي مستنياكي فوق واه ابعتيلها دي بس دا سر ها
نور بضحك:حاضر يا مهند
وتجري نور علي السلم لتري سارة
مهند ب ابتسامة:كنت مستنيك من بدري
صبري ب ابتسامة:انا لغايت دلوقت مش مصدق
ان خلاص ربنا هيجمعني ب صافية
مهند ب ابتسامة:دا حقك وحقها بعد كل السنين دي اتفضل بقي ادخل احسن احمد اعد جوا متوتر رايح جاي
وشكله كدا متوتر
مستني يارا تخلص وتنزل
صبري بضحك:دا انا لو دخلت هوتره زيادة
ويضحك كل منهما
وبعد وقت قصير تنتهي يارا من لبسها
وتدخل صافية لتراها
صافية ب ابتسامة:ايه الجمال دا كله يا يارا
خلاص يا حبيبتي كبرتي وهشوفك كدا احلي عروسة
تدخل يارا في حضنها وهي تبتسم بشدة
يارا ب ابتسامة:انا فرحانة اوي يا ماما
صافية ب ابتسامة:ربنا يزيد فرحتك دي يا حبيبتي كمان وكمان
يلا يا حبيبتي ننزل بقي احمد رايح جاي ومستنيكي تنزلي
يارا بكسوف وضحك:حاضر يا ماما
ولكن يقطعهم دخول مهند
مهند ب ابتسامة وهو ينظر الي يارا:ماما انزلي انتي وانا هتكلم مع يارا شوية و هنزل انا وهي علي طول
صافية ب ابتسامة وفرحة لسعادت اولادها:ماشي يا حبايبي
مهند ب ابتسامة:كبيرتي يا يارا واي خلاص كدا
احمد هيجي وهياخدك مني
يارا ب ابتسامة:محدش هيخدني منك ابدا
مهند:بس اول مرة تخبي عني حاجة يا يارا
يارا بكسوف:ي..يعني كنت هقولك ايه بس
مهند ب ابتسامة:انتي متاكدة ان احمد هو اللي هيقدر يسعدك
يارا برد سريع:هيسعدني يا مهند
مهند ب ابتسامة:وانا هوافق بس عشان شايف الابتسامة اللي من قلبك دي وطبعا عشان شايفه انسان كويس ويستاهلك
يارا ب ابتسامة:احمد هو الوحيد اللي حسيت بيه من بعدك حسيت بخوفه عليا مش بكون مبسوطة غير وانا معاه وهو في حاجات كتير شبهك فيها مش بكون خايفة
وانا معاه يا مهند
مهند ب ابتسامة ياخدها في حضنه ويحسس علي شعرها برقة:ربنا يسعدك يا حبيبتي
يلا عشان ننزل
وينزل كل منهما
كانت يارا ترتدي فستان من اللون اللبني التي يتناسب مع لون بدلت احمد وكانت جميلة ورقيقة بشدة
صبري ب ابتسامة:وادي عروستنا وصلت
يارا ب ابتسامة:شكرا يا اونكل
ثم تري احمد وهي تبتسم
احمد ب ابتسامة رقيقة وحب عندما يراها
:الورد اللي بتحبي
يارا برقه:شكرا
ثم تاتي اليهم الخادمة وهي تحمل قهوة
تاخذها منها يارا وتقترب من احمد وهي تشير تقول
:دي ليك
صبري ب ابتسامة:وانا هتكلم بنيابة عن احمد احنا جينا النهاردة عشان نطلب ايد الانسة يارا للاستاذ احمد
ان شاء الله
مهند ب ابتسامة وهو ينظر الي يارا:وانا موافق
صافية ب ابتسامة:ربنا يجمعهم في بيت واحد ان شاء الله
احمد بحب وهو ينظر الي يارا:يبقي نقري الفاتحة
ويبدأ كل منهما قرايت الفاتحة
ويخرج احمد من جيبة خواتم الخطوبة
ويلبس احمد الخاتم ليارا برقة وهمس وهو يقول:بحبك
يارا برقة وسعادة شديدة:وانا كمان
مهند وسارة:الف مبروك يا يارا انتي واحمد
صافية ب ابتسامة:الف مبروك يا روح ماما
صبري ب ابتسامة لصافية:وخلاص خلصنا من الصغيرين واتخطبوا..ياتري احنا بقي مجاش وقتنا
ثم يسمع كل منهما رن جرس الڤيلا
مهند بضحك:وادي الماذون وصل
الجميع ب استغراب:ماذون ايه
مهند ب ابتسامة:اللي هيكتب كتب كتاب استاذ صبري وماما الوقت مش كدا ولا ايه يا استاذ صبري
صبري بضحك:انا مستني اللحظة دي من 28سنة اصلا
صافية ب استغراب ودهشة وهي تبتسم من جنون صبري
يارا ب ابتسامة:ايوا براڤوا عليك يا مهند انك عملت كدا وعلي فكرة يا ماما لو انتي واونكل صبري ما اتجوزتوش الوقت انا مش هتجوز احمد ابداً
احمد بضحك:مين..ابوس ايدك يا طنط صافية وافقي
انتي عارفة بنتك مجنونة وتعملها
صافية ب ابتسامة تحرك راسها ب ايجاب
ويبدأ المأذون ب اجرأت الزواج
وبعد انتهاءه
يخرج صبري من جيبه خاتم زواجهم
صافية ب ابتسامة:لسه الخاتم دا معاك
صبري ب ابتسامة:هو انا مش قولتلك ان انا هتجوزك
يا صافية وبعدين انا شلت الخاتم دا اكتر من28سنه عشان اللحظة دي
فاكرة يوم اما قدمتهولك وانتي ساعتها قولتيلي
انك مش عايزة حاجة من الدنيا غيري والخاتم دا عندك بالدنيا كلها
صافية بدموع:انا لو مت دلوقت مش هكون زعلانة
يا صبري كفاية عندي السعادة اللي انا عايشها دي
صبري بخوف:بعد الشر عنك يا حبيبتي احنا هنعيش وهنعوض السنين اللي اتحرمنا منها
صافية ب ابتسامة:ربنا يخليك ليا
مهند ب ابتسامة لسارة:ايه هي نور نسيت تقولك انا بعتلك ايه معاها
سارة ب ابتسامة:بعتتها
مهند بحب وضحك:طب ايه بقي ابوكي واتجوز امي وهيبدأو مع بعض من اول وجديد ويارا واحمد واتخطبوا وقريب وهيتجوزه
احنا بقي هنعمل ايه
سارة بضحك:امممممم هنفضل نحب بعض لغايت اخر دقيقة في عمرنا
مهند ب ابتسامة:حب ايه بس دا انتي حتي الحب قليل عليكي وهتشوفي يا حبيبتي انا هعمل ايه عشانك
وعشان انسيكي كل لحظة وحشة عشتيها وهخليكي متفتكريش غير السنين الحلوة اللي هنعيشها
يارا لاحمد بحب:انا مش مصدقة ان انهاردة كانت خطوبتنا
احمد بحب:هو انا مش وعدتك انك هتكوني ملكي
يارا ب ابتسامة:انا كنت ملكك من اول دقيقة عرفتك فيها
ولكن تقطع نور كلام الجميع بهزرها وبرائتها
صبري ب ابتسامة:احم طب انا وصافية هنروح بقي وعشان الوقت اتاخر كمان
احمد بحب وضحك:وانا مضطر غصب عني اروح
صافية لمهند:ربنا يخليك ليا ياحبيبي وتفضل سند ليا ولاختك ولا يحرمنا من بعض تاني
مهند ب ابتسامة:افرحي يا امي وعوضي السنين اللي انتي عشتيها في الحزن
وانا هكون مبسوط لسعادتك وبعدين استاذ صبري طيب جدا انا بحبه اوي
صافية ب ابتسامة:وهو بيحبك اوي يا حبيبي وبيعتبرك زي ابنه
وانت ياحبيبي خلي بالك من مراتك وابنك حافظ عليهم
يا مهند واوعي في يوم تزعل سارة
مهند بحب:مش هيحصل ابداً
ثم يذهب كل منهما الي منزل صبري
مهند لشخص ما:يعني كل حاجة جاهزة
شخص ما:كل حاجة جاهزة يا مهند بيه
اما عن يارا
يارا ب ابتسامة:وانا بقي هطلع انام وهاخد نور معايا
سارة ب ابتسامة:وانا كمان
مهند بحب:انتي هتيجي معايا
سارة ب استغراب:علي فين يا مهند وبعدين انا عايزة انام اوي
مهند بحب:تعالي معايا بس
ثم يذهب كل منهم متجهين لسيارة
اما عن صافية وصبري
صبري ب ابتسامة:بيتنا نور
صافية ب ابتسامة:مش قادرة اصدقك يا صبري
البيت اللي حلمنا بيه زمان
صبري ب ابتسامة:اشتريت البيت دا بعد ما سيبنا بعض وحتي لما اتجوزت مقدرتش اجيب والده سارة هنا
عشان محدش هيقدر يدخل البيت دا غيرك يا صافية
صافية بحب وفرح تحضن صبري ب امان:بحبك اوي يا صبري
وبعد عده ساعات
يصل مهند وسارة الي شرم الشيخ ومازالت سارة نائمة وبدأت تستيقظ
مهند ب ابتسامة:طول الطريق وانتي نايمة
بس كدا احسن عشان المفجأة اللي محضرهالك
سارة ب ابتسامة:مفاجئت ايه
مهند ب ابتسامة:انزلي وانتي تعرفي
ثم يمسك يدها بحب
ويذهب بها الي منزل صغير امام البحر
سارة ب ابتسامة:الله ايه البيت دا شكله جميل وغريب اوي كمان واحلي حاجة فيه كمان انه قدام البحر
مهند ب ابتسامة:خدي المفتاح وافتحي بنفسك
سارة ب ابتسامة تاخذ المفتاح وتفتحه بهدوء
وتتعجب وتندهش من جماله
وتري هذا المنزل الصغير وهو مزين وجميل بشدة والوانه المتناسبة الرقيقة والورود التي تملاء المكان
سارة ب ابتسامة:انا مش قادرة اصدق البيت دا حلو اوي
مهند ب ابتسامة:حتي دا قليل عليكي يا سارة
بس ينفع تدخلي معايا الاوضة اللي جوا
سارة ب استغراب ومهند ب ابتسامة:متخافيش تعالي
في منزل صبري
كانت صافية تحضر الافطار وهي تبتسم للحياة وكانت تغمرها السعادة
صبري بحب:معقول بعد السنين دي كلها ربنا حققلي حلمي وبقيتي مراتي وشايفك قدامي وبنفطر سوا
صافية ب ابتسامة:صبري احنا كبرنا علي الكلام دا
صبري بحب:ولا كبيرنا ولا حاجة يا حبيبتي نقصي من عمرك السنين اللي عشناها بعاد عن بعض وبعد كدا لو حسبتي عمرك وعمري هنلاقي نفسنا في العيشرينات
وبعدين مهما هعجز عمر حبك اللي في قلبي ما هيتغير ابدا انا مصدقت انك رجعتي تاني يا صافية
صافية بحب:انا حياتي مبقاش ليها معني الا لما مهند ويارا رجعوا تاني في حضني
وغير لما بقيت مراتك يا صبري حلم بعيد بس اتحقق يا حبيبي
في ڤيلا نبيل القاضي
علي الهاتف
يارا بحب لاحمد:صباح الخير
احمد بحب:صباح النور علي اجمل واحلي عيون في الدنيا دي
بس انتي لسه صاحية الوقت ولا ايه
يارا بضحك:اه وشوية وهنزل عشان عندي محاضرة في الكلية
احمد بحب:طب ينفع يعني بعد ما المحاضرة تخلص اخد خطيبتي وحبيبتي ونخرج مع بعض شوية
يارا بضحك وتفكير:امممم خطيبتك موافقة
احمد بحب:خلاص بعد ماتخلصي محضرتك هاجي اخدك من الكلية
يارا بحب:اوكي هستناك
في المنزل الصغير الذي يجمع مهند وسارة
تدخل سارة مع مهند
وتنصدم من الذي تراه
تري الغرفة والفراش وهي مزينة بالورود
وتري فستان زفاف معلق بالغرفة
سارة ب ابتسامة:مهند ايه الفستان دا
مهند ب ابتسامة:الفستان دا اللي كان نفسي اوي اشوفه عليكي يا سارة واشتريته
عشان اليوم دا وعشان كمان اتاسفلك علي اللي عملته فيكي
انا بحبك يا سارة انتي غيرتني وغيرتي حياتي كلها
لما دخلتي حياتي كل حاجة اتصلحت وكمان كنتي سبب من اسباب كتير ان امي ترجعلي تاني واعرف الحقيقة وكمان بنتنا اللي في بطنك عمري ما هقدر اوصفلك انا بحبك قد ايه
..بعد كل دا بقي موافقة تتجوزيني من اول وجديد
سارة بدموع وفرح تحضن مهند بحب وامان:موافقة..انا من اول مرة شوفتك فيها وحسيت قد ايه جواك وجع وتمنيت اني اخفف كل الوجع اللي جواك وبالرغم من انك بتحاول تظهر القسوة لكن جواك الطيبة والحب والامان انا مش هقدر ابعد عنك ابداً واعرف ان لغايت اخر ثانية في عمري هكون بحبك انت حبيبي وابني واخويا وابويا وكل حاجة في حياتي كمان
مهند ب ابتسامة وهو يقبل يدها:ادخلي البسي الفستان نفسي اوي اشوف شكله عليكي وانا هستناكي برا يا حبيبتي
سارة ب ابتسامة حاضر
وبعد وقت وسارة تنظر لنفسها في المرآه
وكانت جميلة والفستان لائق عليها بشدة كانه مصنوع لها فقط
تفتح باب الغرفة ببطي وتخرج منها
ولكن تري مهند وهو مرتدي بدلة سوداء وقميص ابيض وببيونة سوداء ويحمل بوكية ورد
مهند ب ابتسامة:ايه الحلاوة دي كلها الفستان لايق عليكي اوي يا سارة
سارة بسعادة:مش معقول مهند انت بجد
مهند بضحك:لا بلاستك..طبعا يا حبيبتي بجد انا جيت الدنيا دي وبقيت في حياتك بس عشان اخليكي مبسوطة وملكة علي الارض وبعدين هو يعني معقولة واحد هيحضر فرحه وهو لابس بيجامة
سارة ب ابتسامة:بس البدلة حلو اوي عليك
وكمان البيبيونة لايق عليك اوي
انا مش مصدقة حاسة اني ممكن اكون بحلم
خايفة اصحي من الحلم الجميل دا
مهند بحب:دي حقيقة يا حبيبتي بس هي زي حلم جميل كدا عشان انتي بس موجودة في
وتعالي نكمل بقي باقي الحلم الجميل دا
سارة بضحك:احنا هنطلع برا
مهند بحب:اول حاجة كدا انتي معايا يعني متخافيش من اي حاجة
ثانيا انا مفضي المكان برا هيكون لينا احنا الاتنين وبس
سارة بحب:وانا معاك مش عايزة اي حاجة من الدنيا دي
ثم يذهبم الي الخارج
وتري سارة جمال وروعة المكان
المكان مزين بطريقة رومانسية رقيقة والبحر امامها ومنضدة مزينة بالورد
مهند بحب:سارة اللي عايزك تعرفي انك روحي وعمري وانك غالية عندي اوي يا سارة
احنا جوازنا في الاول كان بنسبالك سجن وبالنسبالي انا كان تأنيب ضمير لكن حبيتك من اول ما عيني اجت
في عينك لكن كنت بقاوح
لكن بعد كدا غرقت في جمال عيونك وطيبة قلبك
لكن دلوقت جوازنا هيكون عش جميل لينا احنا الاتنين ولبنتنا اللي جاية ان شاء الله انا مش هقدر اقولك علي الفرحة اللي انا فيها
حبيبتي ومراتي اعدة قدامي وماسك ايدها وحاسس اني مالك العالم دا كله وطفل كمان رابطنا ببعض وهيجي الدنيا دي وينور حياتنا بعد ما كنت مش بفكر غير في الشركة والشغل واني مش هتجوز ولا هكون عايز اخلف جيتي انتي وشقلبتي حياتي ولونتيها بالوان حبك
عشان كدا انا جبتلك الخاتم دا عشان جوازنا هيكون من اول وجديد وهتشوفي مهند تاني غير اللي عرفتي
سارة بحب ودموع:بتحبني اوي كدا
مهند بحب وصدق:انا لو اقدر دلوقت اجبلك نجوم السما لغايت عندك هعمل كدا
سارة بحب:وانا اوعدك يا حبيبي اني هكون ديما جمبك وصدقني ان عمر حبي ليك ما هينقص في يوم كفاية عندي اني هكون مراتك وحبيبتك وانك عايزني في حياتك انا حياتي مكنش لها معني قبل ما اعرفك
مهند انا حبيتك وعشقتك بالرغم من حُبك الاسود
وكفاية عندي اوي لما أكون مدايقة ولا تعبانة مش هلاقي مكان غير لحضنك والامان اللي بلاقي فيه دا عندي يساوي الدنيا دي كلها انا مش عايزة غيرك
انت والبيبي اللي جاي وبس
بس قولي بقي انت لحقت تعمل كل الحاجات دي ازاي
مهند ب ابتسامة:انا عارف اني كنت ماثر معاكي بس انتي عارفة الشركة والمسئوليات اللي عندي وطبعا كان لازم احل واقرب استاذ صبري وامي من تاني
واشوف خطوبت يارا
لكن خلاص انا فضيتلك ومش ورايا غيرك انتي وبس
سارة ب ابتسامة:ربنا يخليك ليا وتفضل ديما معايا علي طول انت بقيت روحي ودمي والهوا اللي بتنفسه كمان
مهند بحب وابتسامة:طب انا عايزك تسيبي لي نفسك خالص ترقصي معايا والاغنية اللي هشغلها دي كل كلمة بتتقال ليكي انتي وبس
سارة ب ابتسامة و حب:اوكي
ويبدأ كل منهم الرقص ويبدأ مهند بتشغيل الاغنية وهم يرقصون
''عارفة من يوم ما قبلتك انتي واحتل هواكي مدينتي وبقيتي في لحظة اميرتي ايوا ميرتي اميرتي
وعارفة انا نفسي تكوني حلالي وحبيبتي وام عيالي ونعيش العمر انا ونتي بس انا وانتي انا وانتي وعارفة
انا هفضل طول العمر معاكي مهما الايام طالت وياكي طالت وياكي هو انا مجنون علشان انساكي..انساكي اه ياول فرحة تمسح دمعة عيني
واستغرب ليه طولتي عليا لا متجوبيش استني شوية شوية
اصل انا بردان دفيلي ايديا
وخديني في حضنك وبوسيني علي جبيني
مهند بهمس وحب:بحبك يااول واخر حب حقيقي في حياتي
سارة ب ابتسامة وهي تدخل جواه احضانه ب امان
ولكن تتلقي ضربة من طفلها في بطنها
سارة بوجع:اه
مهند ب قلق:مالك ياسارة
سارة ب ابتسامة:البيبي اتحرك يا مهند
حسيت بي اول مرة احس بحركته في بطني
مهند بحب:طب تعالي ندخل جواه الوقت عشان تستريحي شوية
سارة ب ابتسامة من حركة طفلها وخوف مهند عليها
مهند برقة:اعدي يا سارة
سارة ب ابتسامة:حسيت بي
مهند بحب وتوسل:وهو قريب من بطن سارة:
يا ملكة يا صغننة ينفع تتحركي مرة تانية عشان خاطر باباكي اللي هيموت ويشوفك وياخدك في حضنه ينفع
ثم يشعر مهند بحركتها
مهند بحب وسعادة بعد ما شعر بحركت طفلته:نورتي حياتنا يا ملكة يا صغننة بس ينفع اسيبك دلوقت واشوف الملكة الكبيرة ها
سارة بضحك:ابننا لوسمحت
مهند بتحدي:بنتنا قولت
سارة بضحك:بنت او ولد المهم انه هيكون حته منك
يا مهند هيبقي ليا بيبي من حبيب عمري
الحمدلله علي نعمك لينا يارب
مهند بحب وضحك:احم طب ينفع نسيبنا من البيبي دلوقت والدنيا دي كلها ونخلينا مع بعض شوية
سارة بضحك:اه عشان كدا هنام
مهند بضحك:نوم ايه انتي فاكرة اني هسيبك عادي كدا تنامي
ثم ياخذها في احضانة ويقبلها بحب وشغف واشتياق وكانت سارة مستسلمة لحبيب عمرها بحب
ويغرق كل منهما في بحور العشق التي لا نهاية لها
في كلية السن
في الكافيتريا
كانت جالسة يارا بهدوء وهي تتذكر احمد وتبتسم وتنظر الي خاتم خطوبتها
ريم بضحك:من الواضح كدا ان احنا خلاص اتنسينا
يارا بضحك:ودا معقول برده وحشتيني اوي يا ريم
ريم بضحك:امممم احكيلي بقي ايه اللي مفرحك اوي كدا
يارا ب ابتسامة:انا واحمد اتخطبنا
ريم بضحك:انتي بتهزري صح
اتخطبتي يا يارا بس مش كنتي حتي تعرفيني
يارا بضحك:انا اصلا مكنتش اعرف عملي مفجأة وخطبني بس كانت احلي مفجأة
ريم بسعادة:الف مبروك يا ريري بس خطوبة كدا من غير ما اي حد يعرف مش كنتي تعملي بارتي كبيرة كدا لخطوبتك
يارا ب ابتسامة:انا مش عايزة حاجة غير احمد مش مهم اعمل حفلة المهم عندي هو وبعدين ان شاء الله هنعمل فرح كبير
ولكن يقطع كلامهم قدوم هايدي وعليا وايهاب ومصطفي وكريم/اصدقاء وزمايل يارا في الكلية
ريم بضحك:وكويس انكم وصلتوا كلكم بقي كدا تباركوا لريري عشان اتخطبت
ايهاب بصدمة:اتخطبتي يا يارا
ولكن تلاحظ يارا نظرت عليا لايهاب
يارا ب ابتسامة:اه يا ايهاب اتخطبت اعبالكم كلكم
مصطفي بنظرة حب لريم:قريب اوي انا وريم هنتخطب ان شاء الله
يارا بضحك:ان شاء الله تتخطبوا وارتاح منكم
عليا ب ابتسامة وفرح بداخلها:مبروك يا يارا
يارا وهي تنظر لعليا وايهاب:ميرسي يا عليا اعبالك
هايدي بضحك:congratulation
يارا بضحك:اعبالك يا مجنونة
يارا ب ابتسامة:ايه يا ايهاب مش هتباركلي بخطوبتي ولا ايه
ايهاب بحزن:م..مبروك يا يارا
ولكن ياتي احمد في هذة اللحظة
ريم بضحك:وادي العريس وصل
يارا بضحك:قديمة اوي يا ريم
ينظر احمد ليارا بحب ويمسك يدها امامهم جميعاً
الجميع معادا ايهاب:مبروك يا احمد علي الخطوبة
احمد ب ابتسامة:الله يبارك فيكم وان شاء الله وقريب اوي تبقوا معزومين علي فرحنا
يلاحظ احمد كره ايهاب له
احمد بحب:يلا يا يارا عشان عملك مفجاة حلوة اوي
يارا ب ابتسامة:اوكي..بعد اذنكم
ويذهب كل منهم
في سيارة احمد
يارا ب ابتسامة:مالك يا احمد شكلك مدايق لي
احمد بنفي:ولا حاجة
يارا بضحك:انا مش عارفاك يعني لما بتكون مدايق مثلاً
احمد بضيق وغيرة:كنتي بتتكلمي مع ايهاب في اية
يارا ب ابتسامة:ولا حاجة كان بيباركلي بخطوبتنا مش اكتر
احمد بغيرة:يعني طبيعي ان نكون متخانقين وضربين بعض وبعد كدا يجي يباركلك بالخطوبة مش كدا
يارا ب ابتسامة:احمد لا ايهاب ولا مليون زيه يملي قلبي ولا عيني وبعدين انا مش بحب ولا هحب حد غيرك انت فاهم
احمد ب ابتسامة وحب:بتعرفي تسيطري عليا بكلامك
بس يلا قوليلي تحبي اوديكي فين
يارا ب ابتسامة:خلينا نروح نتمشي علي البحر شوية
احمد ب ابتسامة:زي ماتحبي
يستيقظ مهند ويري سارة نائمة في حضنه ب امان
يحسس مهند علي شعر سارة برقه وهو يبتسم وينظر اليها بحب ثم يذهب لتحضير الافطار من اجلها
وبعد دقائق قليلة
تستيقظ سارة ولكن لم تري مهند بجانبها
ثم تذهب لتراه
علي سفرة صغيرة
ومهند يحضر الافطار بطريقة رومانسية ورقيقة
وتاتي سارة اليه
ويقبل مهند راسها برقة:حبيت احضرلك الفطار بنفسي
سارة ب ابتسامة:انا جعانة اوي وكمان شكل الاكل جوعني اكتر
مهند ب ابتسامة:طب انا اللي هاكلك بنفسي
سارة بكسوف وابتسامة:بس
مهند بحب وهو يضع يده علي شفايفها:ششش هاكلك يعني هاكلك
سارة ب ايجاب:ماشي
ويبدأ مهند يأكلها برقه
يصل احمد ويارا الي البحر
وهم يتمشون وينظر كل منهم لبعض بحب
احمد بضحك:بتحبي غزل البنات
يارا بطفولة:اه اوي
احمد بحب:اخدت بالي انك بتحبي
استنيني هنا لغايت ما اجيبه واجي
يارا بضحك:ليه علي اساس اني طفلة يعني
احمد بحب:احلي طفلة في حياتي دي كلها
يارا بضحك:هاجي معاك احسن
احمد بحب وهو يمسك يدها:تعالي
في منزل مهند وسارة الصغير
وبعد تناولهم الافطار
مهند بحب:تحبي نطلع نتمشي شوية علي البحر
سارة ب ابتسامة:اه ياريت
مهند ب ابتسامة:خلاص ادخلي غيري هدومك وانا هستناكي
سارة بفرح تطبع قبلة رقيقة علي خد مهند وتذهب لارتداء ملابسها
اما عن مهند ف كان يبتسم بشدة
تتمشي يارا وهي بتاكل احمد غزل البنات وهو يبتسم
ثم يجلسوا علي كرسي امام البحر
يارا:انت مقولتليش ابداً يا احمد وانت في الجامعة يعني مكنتش معجب بحد او في واحدة كانت بتحبك
وهي بتاكله غزل البنات برقه
احمد ب استغراب:مش عارف بس اكيد لا
وبعدين انا كنت مهتم بدراستي اوي
يارا بغيرة:يعني لو كنت عارف ان في واحدة بتحبك كنت اهتميت بها
احمد ب استغراب وضحك:لا مكنتش ههتم
وتعرفي ليه بقي عشان عيني مش شايفة حد غيرك
يارا بضحك وحب:طبعا عينك مش هتشوف حد غيري والا هطلع عينيك الاتنين
احمد بخوف وضحك
يارا ب ابتسامة:طب لو اهتميت بواحدة غيري في يوم
يعني لو فجأة عرف بنت وهي بتحبك وانت عرفت انها بتحبك هتعمل ايه
احمد:هعمل ايه
يارا:ايوا هتعمل ايه في الاخر هيبقي في اتنين بيحبوك
احمد بضحك:وانتي واحدة منهم
يارا بضحك وغيظ:طبعا يا احمد انا هيكون مين غيري
احمد بضحك:طب ومين البنت التانية
يارا بغيرة:امممم وهتعمل ايه بالبنت التانية هتختارها مثلا
احمد بضحك:هو انا مش لازم اختار بينكم انتم الاتنين
يارا بغيرة وضحك:هتختارني انا
احمد بضحك:انا مش فاهم اللعبة الغريبة دي
احمد ب ابتسامة:بس انتي عارفة احنا لو هنتكلم عن الحب يا يارا ف احنا مش بنختار لان الحب هو اللي بيختارنا
يارا بضحك:بس انا اختارتك من بين كل المعجبين بيا واللي بيحبوني كمان
احمد ب ابتسامة:عشان انتي الحب نفسه يا يارا
وعشان كدا انا معنديش اختيار تاني غير اني احبك واعشقك واموت فيكي كمان
يارا ب ابتسامة وخجل من كلامه
احمد بهمس:علي فكرة انا سامع صوت دقات قلبك عماله تعلي وتزيد
بس مش كنت وديتك اي مكان تاني
يارا ب ابتسامة:ومالنا كدا كفاية ان احنا مبسوطين انا عشت عمري كله ادور علي السعادة مش الفلوس
يعني انا عندي نتمشي علي البحر واحنا بناكل غزل البنات احسن عندي من اي مكان تاني
احمد بحب:انا عايز اسعدك يا يارا
في واحدة زيك وفي مستواكي دا وتبقي بتفكر بالطريقة دي
يارا بضحك وهي تاكل غزل البنات وتاكل احمد:
اه انا
ولكن ياتي طفلة صغيرة تبيع الورود
ويوقفها احمد ويشتري منها وردة كبيرة بيضاء
ويهديها الي يارا
يارا ب ابتسامة:والوردة دي كمان معناها غالي عندي اوي
احمد بحب ولاول مرة يضمها برقه:بحبك يا يارا
بعد انتهاء سارة من لبسها
وسارة ومهند يتمشون علي البحر
وهو يحاوط خصرها برقه وسارة ب ابتسامة:
الايام اللي بقضيها معاك دي اجمل ايام حياتي
بس لو كان كل دا مجرد حلم
وحبنا لبعض دا مجرد حلم بتحلمه هتعمل ايه
مهند ب ابتسامة:ساعتها هفضل ادور عليكي لغايت ما الاقيكي واتجوزك عمري ما هسيبك تضيعي مني يا سارة بس تعرفي لو دا فعلاً كان حلم ف انا مش عايز اصحي منه ابداً عايز افضل باصص في عينك وشامم ريحتك وماسك ايدك
انتي بقيتي بتجري في دمي لكن دا مش حلم دا حقيقة
سارة ب ابتسامة:تدخل في احضانه:متبعدش عني تاني ابداً
مهند بحب:عمري ماهبعد عنك ابداً..
عينيكي جميلة اوي يا سارة لونها صافي وجميل
وطيبة الدنيا فيها تعالي نتمشي بسرعة علي البحر
وهم يجروا ويتنفسوا رائحة البحر الجميلة
مهند بحب وصوت عالي:بحبك يا سارة
سارة بحب وصوت عالي:بحبك يا مهند
تذهب يارا الي ڤيلا نبيل القاضي
ولكن تري نور في الغرفة وهي جالسة تبكي بحزن وصمت
يارا ب استغراب:مالك يا نور!!
نور بدموع:كل صحابي عندهم ماما لكن انا معنديش ماما ولا عمري شوفتها خالص
تتذكر يارا ذكرياتها المؤلمة لان يارا لم تري صافية ابداً
يارا ب ابتسامة:تعرفي وانا صغيرة وقدك كدا كنت هادية جدا عشان كنت زعلانة اوي وكنت برده لوحدي
نور ببرائة:ليه
يارا بدموع:عشان انا كمان مكنش عندي ماما
و كانت ماما بتوحشني برده لكن مكنتش معايا
لكن بعد كدا بدأت اضحك عشان شوفت اللي بيحبوني يعني اخويا مهند وصحابي
واعرفي يا نور لما الانسان بيحب بيبقي مبسوط وبيشوف حوالي كل حاجة حلوة ومش انتي بتحبي سارة وباباكي ومهند وانا وصحابك
نور بدموع:طب لما اكون عايزة احضن ماما اعمل ايه
يارا بدموع:احضني الناس اللي بتحبيهم
وممكن تحضنيني انا كمان دلوقت ينفع
تحضن نور يارا بدموع وهي تشعر بطيبتها
تحسس يارا علي شعر نور بطيبة
ثم تضحك:امسحي دموعك دي يا نور ينفع
وخلينا في حاجة اهم هو مهند او سارة متكلموش خالص
نور:لا متكلموش
يارا ب ابتسامة:طب ايه رائيك بقي نروح ناكل برا ونتفسح ونروح الملاهي
نور ب ابتسام:بجد
يارا بطيبة:بجد يلا تعالي معايا وهنروح دلوقت
في الملاهي
يارا بضحك:قوليلي بقي يا استاذة نور تحبي نركب ايه الاول
نور بضحك:نركب دي شكلها حلو اوي
يارا بضحك:ماشي يا ستي نركب دي ولا تزعلي نفسك
وبعد ساعات طوال
يعود كل من يارا ونور
نور بضحك وطفولة:يااه كان يوم جميل اوي يا يارا وخلاص مبقتش قادرة رجلي وجعتني من كتر العب والجري اللي لعبناه انا متشكرة خالص
ثم تقبلها من خدها مثل اختها سارة
يارا ب ابتسامة:المهم انك اتبسطي يا نور وانا كنت مبسوطة اوي عشان كنت معاكي وبعدين ليكي حق تتعبي ما انتي خلصتي كل اللعب اللي ف الملاهي كلها
نور بسعادة وضحك:انا حبيتك اوي يا يارا شكلك طيبة زي اختي سارة انا هطلع انام بقي بس ينفع تحكيلي حدوتة
يارا بضحك:حاضر يا نور هحكيلك حدوته
بس اسبئني انتي لغايت ماجي
نور ب ايجاب:حاضر
ثم تبتسم يارا وتحدث احمد ف الهاتف
احمد ب ابتسامة:ايه اخيرا رديتي عليا
يارا بضحك:معلش مكنتش عارفة اكلمك خالص انا كنت مقضية اليوم كله مع صحبتي الجديدة نور اخت سارة انت عارفها
بس حبيت اكلمك قبل ما انام
احمد بضحك:صحبتك اه اللي عندها٥سنين
ومش عايزاني اقول عليكي طفلة
يارا بضحك:وهروح احكيلها حدوته كمان
احمد بضحك:هتجنينيني بحب فيكي طيبتك وبرأتك وطفولتك كل حاجة فيكي حلوة
يارا بحب وكسوف:تصبح علي خير يا احمد
احمد بضحك:وانتي من اهل الخير روحي بقي احكيلها الحدوتة
وكلها وقت بسيط ونتجوز وبعد كدا هتخديني في حضنك وتلعبي في شعري وتحكيلي حدوتة عشان انام
يارا ب ابتسامة وكسوف شديد:سلام يا احمد
و احمد يتنهد علي حبه لها
ثم تذهب يارا لتري نور
يارا بضحك:انتي لسه صاحية
نور بضحك:ايوا لسه صاحية عشان تحكيلي الحدوته
يارا بضحك:طب خديني جمبك عشان احكيلك الحدوتة دي
يلا ياستي
كان يا مكان في سالف العصر والاوان ومايحلي الكلام الا بذكر النبي عليه الصلاة والسلام
نور:علية الصلاة والسلام
يارا:كان في بنت جميلة وصغيرة جدا كان عندها لعب كتير وفساتين كتير لكن مكنش عندها ماما البنت الصغيرة دي فضلت زعلانة ومش بتتكلم مع حد ومكنش في حد بيحب يلعب معاه
لغايت في يوم لما كبرت
وقبلت بالصدفة ولد جميل وطيب
هو الوحيد اللي حس بيها وفهمها وفضل جمبها وخلاها تحب الدنيا من تاني وعوضها عن مامتها وباباها وعن صحابها وعن كل حاجة
نور:وبعدين حصل لهم ايه
يارا ب ابتسامة:البنت حبيته اوي وهو كمان حبها اوي واخدها في مركبه في البحر وعاشوا في تبات ونبات وهيخلفوا صبيان وبنات
ايه عجبتك
نور بضحك:عجبتني والولد كمان طيب عشان بيحبها وبيساعدها
يارا ب ابتسامة:هو فعلاً طيب اوي
بس يلا ننام دلوقت وبكرا اول ما نصحي هننزل نلعب في الجنينة وهنجيب لعب وحلويات كتير وهنفضل طول اليوم مع بعض اتفقنا
نور بضحك:اتفقنا
وينام كل منها بسعادة
وبعد اسبوع بالكامل
مهند وسارة
ويوسف وندي التي ازداد حبهم وسعادتهم لبعض
واقترب يارا ونور من بعض مثل الاخوات والاصدقاء
وحب احمد ويارا التي يكبر مع كل يوم وكل نهار جديد
وسعادت صافية وصبري بسبب رجوعهم الي بعض من جديد
وحزن عليا وعدم وصولها ل ايهاب حتي تطمئن عليه
وكره رامي وحقده علي مهند اكتر واكتر
في الصباح
مجهول بحده:انا عايز شركة عاصم جروب تدمر
انت فاهم عايز احمد عاصم يفلس وشركته تدمر
قدامك شهر ولو منفذتش اللي اطلب منك هشوف غيرك
مجهول٢:!!!!!!!!