لا_عائق_فى_طريق_الحب
الفصل التاسع والعاشر والحادي عشر
بقلم فدوي خالد
التاسع
نورين فتحت الباب و طلعت بصيتله شوية و هى بتعيط و بعد كدة أغمى عليها.
" بعد شوية فتحت عينها و هى حاسة أنها تعبانة، بص ليها سامح بعتاب "
سامح بعتاب : بقالك يومين مش بتأكلي لية ؟ كدة ينفع .
= بتعب : أية إلى حصل ؟
سامح : أغمى عليكِ عشان بقالك فترة مكالتيش، لية بتعملي كدة .
= مكانش جايلي نفس آكل .
سامح : و يرضيك شكلك و أنتِ تعبانة كدة .
= حركت رأسها كأنها بتقول لا .
سامح : طيب لية بقا بتعملي كدة .
= نسيت، خلاص بقا حاسة أني تعبانة .
سامح : فى حاجة وجعاكي .
= إيدي فيها حاجة تقيلة .
سامح ضحك : مش معلق محلول عشان مبتأكليش .
= محلول أية أنا بخاف شيله .
سامح : أهدى مغيهوش حاجة .
= لا شيله .
سامح : أنتِ حاسة بحاحة بذمتك .
= بيوجع إيدى .
سامح : اهدى كدة و النبى، أنا هخش أنام على ما يخلص المحلول .
= بس ..
سامح : مالك .
= بخاف أقعد لوحدى .
سامح : خلاص هنام على الكنبة إلي قدامك .
= ماشى .
" سامح نام و نورين بصيت عليه شكله حلو أوى و هو نايم، سرحت فيه لحد ما لقيته فتح عين "
سامح : عارف أنك هتبصى .
=بخجل : أنا ...مبصتش ..
سامح : خلاص، خلاص قلبتي طماطم لية كدة، على العموم أول ما يخلص المحلول قوليلي .
= حاضر .
سامح : و سيبيني أنام .
= ما تنام أنا مالي .
سامح : ماشى ما هنام .
= متنام يعني هعملك أية ؟
سامح : ما أنا........
"الجرس رن"
سامح : هو الحرس دة مبيرنش هقوم أكسره .
= حظك بقا .
" فتح الباب و لقى والدته "
سمر بغضب : يا جذمة قديمة يا حمار .
سامح : فى أية يا سمر، قايمة عليا لية ؟
سمر : أنتَ ياض حمار ولا أية ؟
سامح : فى اية يا سمر .
" طلعت الشبشب بتاعها ( جعفر ) "
سمر : و الله لأضربك، طلعت جعفر .
" وقف على الكنبة و هو بيسأل "
سامح : جعفر أية دلوقتى، روح يا عم جعفر ربنا يهديك، و أنتِ يا سمر قوليلي فى أية ؟
سمر : بقا البت تعبانة و أنتَ متقوليش يا جذمة .
( و هوب جعفر لزق فى وشه )
سامح : أة ..مين إلى قالك كدة ؟
سمر : عاصم .
سامح : يخرب بيتك يا عاصم، أشوف فيك يوم .
سمر : ابعد ياض، ورين البنت بنت أختى .
سامح : فى الأوضة دى .
" شاور على الأوضة و هى دخلت "
سمر : نورين، حبيبتي الكائن دة عمل فيكِ أية ؟
" و حضنتها جامد "
= اة ...اة ..مع..ملش..حاجة .
سمر : أية دة يا حبيبتي مالك .
سامح : مركبة محاليل و أنتِ ركبة فوقها و تعبانة، عايزة أية بقا .
سمر : يا مصيبتي، لية كدة ؟
سامح بسخرية : الهانم مش راضية تأكل .
سمر : مجوع البت يا سامح، و الله لأوريك .
" و هوب جعفر التانى "
سامح و هو بيحرك حواجبه : مجاتش .
" جعفر كمان مرة "
سامح : جية خلاص، و بعدين هى إلي مش بتأكل، أنا اية ذنبي .
= ملهوش دعوة يا خالتو، أنا إلي نسيت أكل .
سمر : دة، دة حسابه معايا بعدين، و الله لأوريك، أنا هقوم أتشقلب و أعمل حبة محشى و فراخ يستروا عظمك، و أنتَ هقتلك، بس تبقى كويسة .
سامح : و أبقى أعملي جمباز كمان يا سمر .
عجبك كدة، سمر جابتلي الكلام .
= أسفه مش قصدى .
سامح : يعني أنا بقول كدة عشان تقفشي، أنا بهزر.
= مش قافشة .
سامح : سمر هتيجي تقرفنا فربنا يستر .
= تنورنا .
سامح : على فكرة بتضايقني .
= تستاهل، من أعمالك المنيلة .
سامح : نورين، أنتِ سخنة .
= لا ..
سامح : أسكتي .
= ما أنا ساكتة أنتَ إلي بتخليني أتكلم .
سامح : عايزة اية يا نورين ؟
سمر : روحك يا حبيب ماما، قوم ياض هات آكل و فاكهة و حاجات للبت المسكينة دى .
سامح : تحبي تضيفي حاحة للأوردر يا فندم .
= بطفولة : أة ..هات شكولاته، و هات بيبسى، و شيبسى، و مصاصة .
سامح بحب : تأمرى يا أمر .
سمر : قوم ياض بطل نحنحه، يلا روح هات الطلبات، و هات كل إلى بت عايزاه، و نسيتي الأيس كريم يا حبيبتي، أبقي هات أيس كريم، فاهم .
سامح : حاضر .
سمر : و هات بصل، و طماطم، و جلاش، و هات عصير كتير .
سامح : الفلوس هتخلص.
سمر : مش مهم هات فشار كمان، و هات حاجات كتير يلا ياض اتحرك .
سامح : على فكرة هتصل على محمد يجى يأخدك .
سمر : مش هيعرف أنا ربطة فى المرسى قبل ما جاى .
سامح بصدمة : نهار أبيض، بقيتي مجرمة يا سمر أوى، كنتِ مؤدبة .
سمر : أخرس ياض و يلا روح هات الحاجات و أنتَ ساكت كدة .
سامح : الله يسامحك يا محمد سايبها ليا لية ؟
سمر : و أنتَ ساكت .
سامح : خلاص سكيت أهوة .
" سامح نزل و هو ماشى يكلم نفسه "
سامح : الله يسامحك يا عاصم، لما أشوفك بس هقتلك، مش هقتلك بس دا أنا هلسوعك .
عاصم : و تلسوعني لية يا عم أنا واقف هنا أهوة .
" سامح جرى عليه و مسكه من التيشرت من ورا، و قاعد يهزه "
سامح : بقا ياض أنتَ تعمل كدة، و الله لأوريك .
عاصم : اية يا عم هى اتصلت و أنا قولتلها أننا اتخانقنا محصلش حاجة يعنى .
سامح : أة يا خويا، ما أنتَ متعرفش الست الوالده هزقتني خالص .
عاصم بضحة مكتومة : معلش أنتَ الأكبر .
سامح : أخرص، و تعالى معايا نجيب الحاجات .
عاصم : و أنا مالى يا لمبي، هى أمك و مراتك، ولا أمى و مراتي .
سامح : يلا بلاش لكاعة .
عاصم : حاضر يا حاج، هسكت أهوة .
سامح : خير و بركة .
" عاصم و سامح ماشين و بينقوا الحاجات فجأة عاصم خبط فى حد، بيرفع رأسه لقاها نرمين "
عاصم : أسف .
" و جيه يمشى، نرمين مسكت إيده "
نرمين : عاصم، عايزة أتكلم معاك .
عاصم : نعم !
سامح : طيب يا عاصم أنا خلصت، و هروح عشان نورين تعبانة .
عاصم : تمام، أبقى طمني عليها .
سامح : تسلم .
" سامح مشى، و عاصم وقف مع نرمين "
عاصم : نعم يا نرمين .
نرمين : يمكن نقعد فى كافية .
عاصم : مفيش مشكلة .
نرمين : طيب اختار كافية .
عاصم : أى كافية يا نرمين مش فارقة .
نرمين بحزن : للدرجة دى مش طايقني .
عاصم : نقعد فى كافية و نتكلم أحسن .
" سامح فتح الباب و هو حاسس أن بحركة غريبة فى البيت، بيفتح الباب و وقف مصدوم "
سامح : نهار أسود يا سمر، أية دة ؟
الفصل العاشر♥️
" سامح فتح الباب و هو حاسس أن بحركة غريبة فى البيت، بيفتح الباب و وقف مصدوم "
سامح : نهار أسود يا سمر، أية دة ؟
" سمر كانت حاطة على السفرة كمية آكل رهيبة، و بتأكل نورين، و نورين خدودها اتنخفخوا من كتر الآكل"
سمر : عايز أية ؟
سامح : بتعملي أية فى البت .
سمر : بزعطها .
سامح : نعم ! مش دة كان للفراخ و البط إلي على سطوح عم محمد .
سمر : لا، دة للبت نورين عشان غلبانة .
سامح : و الله أنا إلي غلبان .
سمر : أنتَ دلوقتى عايزة أية ؟
سامح : عايز مراتي .
سمر : لا .
سامح : تعالى يا نورين .
" بصيتله برجاء يأخدها، بدال الآكل إلي بتأكله دة "
سمر : شوف قالت لا .
سامح : يا سمر البت عايزاني، يرضيكِ كدة .
سمر : يلا أمشي .
سامح : أنتِ مش أمي .
سمر : دلوقتي بقيت حماتك .
سامح : عايزة أية يا سمر .
سمر : احنا نطلع الليسة و نتحاسب .
سامح : نتحاسب على أية ؟
سمر : أنتَ عارف أنك مغفل .
سامح : لسة الشتيمة طيب .
سمر : أنتَ مأكلتش بنتي .
سامح : هى إلي مكالتش .
سمر : مليش فيه مشكلتك .
سامح : طيب الحل بتاعك أية دلوقتى ؟
سمر : هعلمك الأدب .
سامح : هو أنا عيل صغير .
سمر : أة ..و تستاهل ضرب الجذمة يا مهزئ .
سامح : عجبك دة يا ست نورين .
نورين : بصراحة تستاهل .
سامح بصدمة : حولتي البت، الله يسامحك، دى كانت هادية .
نورين : نعم ! حولت أية؟ لية كنت شايفني بلا شخصية، ولا أية ؟
سامح : بس مصورة ماية و أنفتحت،بس كملي آكل .
نورين بفزع : لا كفاية .
سمر : لا أقعدى كلي .
سامح بشماتة : أحسن تستاهلي، كنت هنقذك منها عشان عارف أد أية مفترية، بس تستاهلي .
نورين : لا و النبى تعالى هنا، دى بتأكلني غصب عني .
سامح بعند : لا، استحملي عواقب أخطائك .
سمر : أمشى ياض ، او جعفر هيلزق فى دماغك، و تعالى هنا يا حبيبة خالتو أنتِ مكالتيش .
نورين : و الله كلت يا خالتو خلاص .
سامح بتقليد : و الله كلت يا خالتو خلاص .
نورين : ملكش دعوة بيا .
سامح : أنا كلمتك .
نورين : اة كلمتيني .
سامح : أمتى دة مش فاكر .
نورين : بقولك أية هزعلك .
سامح : متقدريش أصلا .
نورين : اقدر على فكرة، و أنا أعمل إلى أنا عايزاه .
سامح : اتكلمي على أدك .
نورين : لية هو أنا صغيرة .
سامح : لا بس شبر و نص شيلناه .
نورين : نعم ! مين دى إلي شبر و نص .
سامح : شبر بس لو سمحتي .
نورين : ما أنتَ مش هامك يا عمود نور .
سامح : اتكلمي على قدك .
نورين : لا هتكلم على راحتي يا عمود نور .
سامح : يا أم شبر من غير نص .
نورين : يا أبو عمود من غير نور .
سامح : هقتلك .
نورين : هقتلكَ .
سامح : مش هتقدري .
نورين : هقدر .
سامح : لا أنتِ بتحبيني .
نورين بتوتر : لا .
سامح : لا بتحبيني .
نورين : قولت مبحبكش .
سامح : طب بحبك .
نورين : لا رد .
سامح : مردتيش يعنى .
نورين : عايز أية ؟
سامح : بتحبيني صح ؟
نورين : هااا
سمر : أجيبلكم كوبايتين ليمون، كوبايتين أية؟ دا أنا أجيب شجرة لمون طارحة .
سامح : أية ؟
سمر : أمشى ياض على أوضتك، و هخليك تبات مع محمد .
سامح : بتكرشيني من شقتي .
سمر : اة يا بن محمد، يلا على أوضتك شوية، و بعد كدة روح عند محمد .
سامح : ربنا على المفترى يارب .
" سامح مشى، و سمر مسكت ودان نورين "
سمر بهمس : شوفتي أنا هربيهولك من أول و جديد .
نورين : يستاهل، بصراحة يا خالتو كان ناقص تربية .
سمر : معلش يا حبيبتي، أنا بساعدك نربية من أول و جديد، بس فى حاجة .
نورين : أية ؟
سمر : لازم نطلب دعم فى المواقف الحرحة إلي زى دى .
نورين : يعنى هتعملي أية ؟
سمر : مفيش غير واخدة بس بلجأ ليها فى المواقف الصعبة دى .
نورين : مين ؟
سمر : علياء و ولادها .
نورين : علياء مين ؟
سمر : أخته .
نورين : هو عنده أخت .
سمر : أة أخت و عيالها، هيقوموا بالواجب .
نورين : كويس .
سمر : ها...معايا .
نورين : أكيد طبعًا .
سمر : اشطا ..اتفقنا .
نورين : صحتك عاملة أية يا خالتو .
سمر : بتنقي على صحتي لية ؟ ما هى زى الفل .
نورين : خالتو أنتِ مش مريضة قلب .
سمر : بت، أنتِ بتهزرى، قلب أية أنا صحتي بومب .
نورين : نعم !
سمر : فى أية اية يا بت .
نورين : سامح قالي أنك مريضة قلب .
سمر بضحك : دى كانت لعبة علية عشان يتربى .
نورين : و أنا ذنبي أية ؟
سمر : مفيش حد هيربيه غيرك .
نورين : اشمعنا أنا .
سمر : ليا نظرة فى الناس، المهم هنطلب الدعم .
عاصم : نقعد فى كافية و نتكلم أحسن .
" فى الكافية "
عاصم : عايزة تقولي أية يا نرمين ؟
نرمين بحزن : أنتَ مش عايز تعرف رأىِ .
عاصم : أعتقد أني عرفته مش محتاجة .
نرمين : بس يا عاصم أنا عايزة أقولك حاجة .
عاصم : قولي، على الأقل خلينا صحاب .
نرمين : يمكن تسمعني فى الأول .
عاصم : ما أنا سامعك .
نرمين بغضب : لا مش سامعني، ولا عايز تسمع، عايز تعرف أنا هقول أية؟ هقول أني بحبك يا أستاذ، بس شكلك أتنازلت عن كدة، أنا مش عيشت حياتي easy عشان تيجى تكمل عليها، حياتي كانت صعبة خالص و أنتَ أكتر واحد عارف، أنا روحت لسامح و حكيتله و عرفت أني مكنتش بحبه، و على فكرة لو أنتَ كمان مش بتحبني، أبعد عني و ريحني بدال ما أنتَ ورايا فى كل حتة .
" بصيلها بصدمة، قالت كلام كتير أوى، و الناس بتتفرج عليهم، طلع حرى وراها و مسك أيدها "
عاصم : استني هنا .
" نفضت إيدها "
نرمين : عايز أية بقا، مش أنتَ مش بتخبني أبعد عني .
عاصم : أنتِ واعية لكلامك .
نرمين : أة واعية، و واعية أوى، و لأول مرة، عايزيني مني أية ارحموني .
عاصم : لا مش هسيبك .
نرمين : أبعد عني، و ملكش علاقة بيا .
عاصم : لا مش هبعد .
نرمين : لا هبعد .
عاصم : نررررمين .......حاااااااسبي .
الفصل 11
عاصم : نررررمين ...حاااسبي .
" نرمين بصيت لقيت عربية وقفت فجأة و نزل منها شخص و مراته "
الشخص : مش تفتحي حضرتك .
نرمين بتوتر : أنا ..أسف و الله، مكنتش أعرف خالص، أسف جدًا.
الشخص : خلاص مش مشكلة بس ابقى حاسبي .
عاصم : مصطفى أنتَ رجعت من السفر .
مصطفى : أية دة عاصم أهلا .
عاصم : اهلا بتاعتك جميلة جدًا، كنت هتخبط خطيبتي .
نرمين : أنا مش خطيبة حد .
عاصم : فكك منها دى هبلة .
نرمين : مين دى إلي هبلة ؟
عاصم : أنتِ .
علياء : ما بس بقا أنتَ و هى، أية ؟ كنتو هتجيبولنا كارثة دلوقتى مش حاسين .
عاصم : و عدت على خير .
نرمين : مين دى ؟ و مين دة ؟
عاصم : دا علياء أخت سامح، و دة مصطفى جوزها .
نرمين : هى دى إلي كنتو بتقولوا عليها مصيبة ....اة .
" ضربها فى كتفها "
نرمين : أية يا عم إيدك تقلت .
علياء : مين دى إلي مصيبة .
نرمين : هما قالوا عليكِ كدة .
علياء : هما مين بقا إن شاء الله .
نرمين : عاصم و سامح .
علياء : بقا كدة يا عاصم، و الله لأوريك .
عاصم : استني يا علياء و الله مش أنا دا سامح، شوف مراتك يا أخى .
مصطفى : تستاهل، قولتلك أنك متضايقهاش بنسمع الكلتم قوى ما شاء الله .
علياء : عيال، رحبوا على خالو عاصم بطريقة شيك جديد .
" أولاد علياء الثلاثة، الكبير مهند، و الوسط فارس، و الأخير يوسف "
" نزلوا الثلاثة وقعدوا يتنططوا عليه "
عاصم : مصطفى شيل الضفادع البشرية دى من عليا .
مصطفى بضحك : أحسن تستاهل .
نرمين : كويس عشان تتكلم عن الناس فى غيبتهم يا غبى .
عاصم : و الله يا نرمين لأفوقلك و هتشوفي .
نرمين : فك نفسك يا بابا الأول .
عاصم : اسكتي، أه ....مصطفى خد دول .
مصطفى : بس يا عيال بقا، خلاص أُنكلكم عاصم تعب .
عاصم : اة قولهم .
مهند : خلا يا بابا عشان خاطرك بس .
علياء : شاكرين يا حبايبي .
عاصم : عجبك كدة .
نرمين : تستاهل .
عاصم : بردوة بحبك و هخطبك .
نرمين : و أنا مش هوافق .
عاصم : هتوافقي و شوفي .
علياء : و أنا أجيب شجرتين ليمون أمسرعم فوق دماغكم و أعملهم عصير .
عاصم : الله يا علياء مش تباركي لأخوكي هيتجوز .
علياء : مين تعيسة الحظ .
نرمين : شوف المنصفة قالت الحق ازاى ؟
عاصم : بس يا بت هتجوزك، يعنى هتجوزك .
نرمين : لما تشوف حلمة ودنك نبقى نتكلم .
عاصم : يرضيكِ كدة .
علياء : اة .
عاصم : يا عم شوف مراتك .
مصطفى : عجبك كدة جايبالي الكلام.
علياء : أنا بجيب الكلام ؟
مصطفى : لا أنا .
علياء : أومال بتزعق لية ؟
مصطفى : يلا يا علياء نروح لسمر .
علياء : مش عارفة عايزاني فى أية ؟
مصطفى : لما نوصل هنعرف .
علياء : أوكي .
" صحي سامح، بعد ما نام شوية، لقى نورين بتتفرج على التلفزيون و تأكل فشار، قعد جنبها و قعد يأكل فشار "
سامح : نورين .
نورين: نعم !
سامح : نورين .
نورين : قولنا نعم !
سامح : جعان .
نورين : ما أنتَ بتأكل أهوة .
سامح : هو دة آكل .
نورين : عايز أية يا سامح .
سامح : تيجى نخرج .
نورين بهمس : اومال لو عرف أن فى دعم هيحص أية ؟
سامح : بتقولي حاجة .
نورين : نو .
سامح : عايزة شكولاتة .
نورين : اة .
سامح : بشرط .
نورين : أية ؟
سامح : مشى سمر و النبى .
نورين : و أنا مالي يا لمبي هى إلي قاعدة .
سامح : يعنى مش بتتفقوا عليا .
نورين : تؤ تؤ .
سامح : اومال بتتكلموا فى اية ؟
سمر من وراه : فى روحك إلي هطلعها .
سامح : أية دة سمر .
سمر : أيوة سمر يا حبيب ماما، عايز حاجة .
سامح : هعوز أية ما أنتِ قاينة بالواجب.
" سمر قعدت فى نصهم "
سامح : اية دة ؟
سمر : اية عايزة، هات الطبق.
سامح : على فكرة دة بتاعي.
سمر : غلط بتاع البت نورين الغلبانة .
سامح : اسكلكِ يا سمر .
سمر : ما أنا سلكانة اهوة .
سامح : بقولك أية روحي بيتك محمد عاوزك .
سمر : لا، اتصلت عليه الصبح و قال لا .
سامح : عايزة كام من الاخر .
سمر : من الأخر يعني.
سامح : ايوة من الأخر دى .
سمر : بص بقا ...
سامح : قولي العروض بتاعتك علطول .
سمر : بص يا ابني، عشان علاوة ابني بس هبسطلك الموضوع .
سامح بسخرية : غلاوة ابنك، أومال أنا ابن الجيران .
سمر : بس يا بابا بطل تقاطعني .
سامح : اخلصي .
سمر : العرض الاول غير مكلف .
سامح : اشجيني .
سمر : هتدفع النت، و ٥٠٠ جنية+ ١٠٠ عليهم هدية، بوكس فية شكولاته كتير، و معاهم شكولاتة زيادة عن الكيوت دة .
نورين : تسلمي يا خالتو .
سمر : حبيبتي .
سامح : دى شكولاته واحدة يا مغفلة .
نورين : ملكش فيه، أنا و خالتو نتصافي مع بعض .
سمر : و العرض التانى بقا، كل إلي قولته فى العرض الأول، و إضافة عليهم بوكس لنورين .
سامح : هو أنتِ مش ناوية تعملي حاجة فى حياتك غير تفلسيني .
سمر : متدفع ياض .
سامح : هو أنتِ مخليه قرش فى جيبي .
سمر : اسكت بقا الباب بيخبط، روح أفتح .
سامح : يارب ارحمني من الباب إلي مبيبطلش خبط دة .
علياء : مفاجأة مش كدة .
سامح بصدمة : علياء، نهار أسود كملت، و أغمى هو عليه ..........