رواية معاناة الحب
الفصل الخامس والعشرون
بقلم هنا رياض
تحدثت سهر و هى تجذب تلك الفتاتين لها فهن مرهقات حقا:
_ يلا يا حبيبه يلا يا قلبى تعالى اشربى ام الميه
هزت حبيبه رأسها دلال على رفضها. نظرت لها بصدمه فهى حتى لم تكمل سنتين تحدثت قائله:
_ شوفو البت وعمايلها شوفو بتقول ايه
تحدث يحيى بتعجب وقال:
_ وهى بتعرف تتكلم ولا ايه
سهر:
_ ملكش دعوه سيبنى اربى عيالى
يحيى:
_ ماشى براحتك، مالك زعلانه ليه
سهر:
_مليش بس تعبانه شويه
يحيى:
_تعبانه من ايه يا سهر
سهر:
_شويه صداع مفرتكين دماغى
يحيى:
_ طب نامى و الصداع هيروح
سهر:
_شكرا يا يحيى على انك جانبى
يحيى:
_ انتى هبله يا سهر ولا ايه مش فاهم تشكرينى على ايه بالضبط نامى يا سهر نامى
____________
كان يسير امام طفله ذهابا و ايابا بنظر له بنظرات غاضبه بينما كانت مريم خائفه من ان يتهور و يضربه بينما كان مصعب ينظر لوالده بخوف شديد فهو فقد اراد المزاح مح عمه
تحدث ادهم قائلا:
_دلوقت مش انا قولتيلك بلاش قله ادبك دى
تحدث مصعب بخوف يبان على ملامح وجهه:
_ والله كنت بهزر يا بابا
ادهم:
_مصعب انا اخر مره احذرك اياك تهزر الهزار دا عمك اكبر منك ماشى المره الجايه هضربك
دخل الى غرفته بينما نظرت مريم الى مصعب نظره حزينه و ذهبت الى ادهم بينما ظل مصعب يبكى، دخلت مريم الى زوجها
مريم:
_ مينفعش الى عملته دا
رد عليها ادهم بتعجب و قال:
_ مينفعش ايه الولا كان هيضرب عمه
مريم:
_ ايوه مينفعش انا عارفه انه قل ادبه هناك بس دا عشان بيحبه و انت لو فاكر انك كدا بتخليه يخاف و ميعملهاش لا هيعملها لانه لسا عيل مش هيجى بالضرب
ادهم:
_لا هيجى لما اشوف ابنى لسا خمس سنين و هيمد ايده على عمه هيجى فى بالى اكيد انه لما يكبر هيمد ايده عليا و عليكى
مريم:
_ اه اه لا يا ادهم ابنى وانا عرفاه كويس هو مش هيعمل كدا هو بيحب لؤى و بيهزر معاه فيه ايه مش فاهمه فين المشكله
ادهم:
_اخرجى دلوقت يا مريم عشان ممدش ايدى عليكى
خرجت مريم دون اصدار كلمه واحده بينما هو ضل يفكر فى حديث زوجته
_________________
استقامت شهد لـ تخرج من المقابر، لكنها قابلت شهاب الذى يلاحقها دوما، تحدث شهاب قائلا:
_ايه لسا مصممه على رايك ولا ايه
تحدث شهد ببرود:
_ ايوه لسا مصممه و مستحيل اقبل حبك ليا لانى مش بحبك
شهاب:
_ ليه ها انا اقل من رامى فى ايه عشن تحبيه هو و متحبنيش انا ها هو انا اقل منه
شهد:
_ مش اقل منه ولا حاجه بس رامى مش نسواجى زيك يعنى لو اتجوزنا مش هيخونى بس انت ربنا عالم ممكن تعمل ايه
شهاب:
_والله سيبت كل البنات عشانك عشان بحبك و اقسم بالله لخليكى تحبينى زى ما انا بحبك و هعمل كل حاجه و هتحبينى
شهد:
_ مستحيل احبك و استريح بقا
خرجت متجه نحو بيتها فهى الان مطلقه رسميا، لا تريد ان تتزوج من شهاب لكى لا تَظْلِمُه معها، تخاف من ان يعايره ذلك المجتمع اللعين الذى يظلم المرأه دائما، مطلقه تعنى انها سيئه، تضحك بصوت عالٍ قليلا تعنى انها ليست متربيه، لا ترى ابتسامتها تعنى انها كئيبه، لا ترتدى الحجاب تعنى انها ليست جيده، ترتدى النقاب تعنى انها محافظه جدا، تبا لمجتمع مثل ذلك
___________
كان ينام على سريره يفكر بها هل احبها، احبها ماذا، هو مثل والدها، كان كل ذلك يدور فى عقل شعبان الذى طلق سناء من اجلها نعم طلقها من احل شهد تلك الفتاه التى تزوجها واحبها، كان يحقد ابنه على امتلاكه لتلك الجوهره، كان يريدها له فقط، لا يرى فرق السن بينهما، فهى فى السته و العشرون و هو فى الثمانيه و الاربعون، هو يفكر انهم قليل لكن هو مثل والدها:
_ مش انتى خلتينى اطلقك طب والله يا شهد ما انا سايبك وهتجوزك يعنى هتجوزك
ظل يفكر فى زواجها الذى لا يليق ابدا فهى فى السته و العشرون و هو فى الثمانيه و الاربعون، لا يهمه فرق السن هه
_____________
دق باب منزل يارا فى تلك الاثناء التى كانت تمشط شعرها، ذهبت لكى تفتح الباب، فـ منذ عدده ايام ياتى لها صندوق يحتوى على هدايا و رسائل حب، اخذت الصندوق لترى ما فيه، فتحت لترى ما به بصدمه قائله:
_ انس؟؟؟؟
_____________
دخل اياد غرفه صديقه انس قائلا:
_برضو عملت الى فى دماغك و عرفتها انه انت
تحدث انس ببرود:
_ايوه عرفتها لانها كان لازم تعرف
اياد:
_ انس هو انت اهبل ازاى اصلا تعترف ان الى بيعتلها الرسايل دى هو انت كدا هى هتكرهك
انس:
_لا مش هتكرهنى يارا بتحبنى و انا بحبها يا اياد افهم بقا
اياد:
_انا فاهم يا انس بس انت الى غبى انت بوظت كل حاجه احنا بنجهز فيها بقلنا سنين من اقبل ما نسافر
انس:
_خلاص يا اياد اسكت بقا
اياد:
_ماشى يا انس
________________
تحدثت سناء وهى متجه الى زوجها:
_والله لو بنتك دى ممشتش لكون سيبالك البيت و ماشيه
منير:
_بنتى مش هتمشى من هنا يا سناء
تحدثت سناء وهى تلوى فمها بطريقه شعبيه:
_والله ما انا عارف متمسك بيها كدا ليه دى مطلقه
ضربها منير على وجهها فهو لا يتحمل اى اهانه لابنته بعد ان ذهبت ابنتان له فهذه التى تبقت له، تحدث رجب وهو يشد شعرها:
_الا بنتى يا سناء الا يارا
_________________
تحدث لؤى وهو يجذب هاله له:
_ادى الناس مشت تعالى بقا
هاله:
_ها جيت ايه تانى
لؤى:
_ايه يا بنتى مش ناويه تجبلنا عيل
هاله:
_لا والله مش ناويه
شعرت هاله فى تلك اللحظه بـ غثيان، جرت الى المرحاض بسرعه، وقت لؤى على الباب، لـ يسئل ما بها، خرجت هاله وهى تمسك بطنها، فجاه وقع مغشِ عليها، حملها لؤى و و اجلسها على السرير و قام بالكشف عليها فهو دكتور نسا و توليد افاقت هاله بعد مده
تحدثت هاله قائله:
_لؤى ايه الى حصل
لؤى:
_مبروك يا هاله انتى حامل
_________________
تحدثت سناء وهى تحاول نزع يده عن شعرها:
_ الا بنتك ليه ها دى بت فقريه بتطلق من رجل اعمال قد الدنيا ليه دى كانت هتعيشنا فى نعيم
ضربها مره اخرى فمن هى لتتكلم على ابنته هكذا، سحبها من شعرها داخل الغرفه، كل ذلك كان على مسامع يارا، ظلت تبكى لدخولها تلك اللعبه التى دمرت حياتها ترى من سيتقبل امرأه مطلقه، مطلقه لا تعنى انها سيئه لا تعنى انها لا تحمل المسؤوليه، ظلت تبكى فهى تهان كل ما تدخل الى تلك الحاره، تريد اى شئ يهون عليها حتى، كرهت ذلك المجتمع الذى يظلم المرأه فى كل شئ، لماذا اذا كانت مطلقه لا تتزوج لماذا دائما الناس يعايرونها بانها مطلقه، ظلت تبكى وهى تفكر فى انس فهو اعترف لها انه يعشقها ترى لو عرف انها مطلقه ماذا سيحدث
____________________
قفزت هاله من على السرير قائله:
_ وحياة امك يا لؤى
لؤى:
_ اقسم بالله انا جوزك يعنى احترمينى شويه
هاله:
_عادى يسطا لحظه حماس
حضن لؤى هاله من وسطها قائلا:
_ربنا يديمك فى حياتى يا هاله
هاله:
_ويديمك ليا يا لؤى، بعدين تعالى بقا عشان عايزه اشتشيرك قصدى استشيرك فى حاجه
لؤى:
_ ايه
هاله:
_ دلوقتى لو المولود جه بنت هنسميها ايه
لؤى:
_ ايه رايك فى هنا
هاله:
_ قريب من اسمى صح
لؤى:
_ صح، طب لو اسم ولد هنسميه ايه
هاله:
_يوسف على اسم ابويا
حضن لؤى هاله فهو يعرف مدى حزنها على موت والدها، تكلم لؤى وهو يعرف مدى حزنها-: هو فى مكان احسن من دا يا هاله
تحدثت هاله بحزن:
_ بس وحشنى اوى يا لؤى
تحدث لؤى وهو يربط على شعرها:
_خلاص يا قلب لؤى متزعليش بقا هو فى مكان احسن من دا