رواية اسرتني اعين صغيرتي
البارت العاشر:(والحادي عشر
بقلم منة الله ايمن
سيدرا: لا انا كويسه.......يله بينا عشان منتاخرش على يوسف عشان لو رجع ملقناش هيزعق.....لم تُكمل سيدرا خطوتين وسقط ارضا فاقده للوعى.....
مها بخضه وصدمه: سيدرااااااا
🌸🌸🌸🌸🌸🌸🌸🌸🌸🌸🌸🌸🌸🌸🌸
فى شركه البسيونى بمكتب يوسف.........
يوسف بابتسامه: كده انت عرفت كل حاجه يا محمد
محمد بابتسامه: كده تمام يا استاذ يوسف وان شاء الله اكون عن ظن حضرتك ليقاطعهم اتصال من مها
يوسف بادب: بعد اذنك يا محمد
محمد: اكيد طبعا اتفضل.....
يوسف مُحدثا مها: ايه يا حبيبتى
مها ببكاء: الحقنى يا ابيه يوسف سيدرا وقعت منى
يوسف بفزع: وقعت منين يا مها
محمد بخضه: فى ايه يا يوسف بيه
يوسف بخضه: انطقى يا مها ايه اللى حصل
مها ببكاء: سيدرا وقعت فى الجامعه يا ابيه يوسف
يوسف بفزع: وانتوا فين دلوقتى؟؟؟
مها: احنة فى المستشفى....
يوسف: مستشفى ايه؟؟؟
مها: هبعتلك اللوكيشن حالا..
محمد بقلق: فى ايه يا يوسف بيه سيدرا جرالها حاجه؟
يوسف بخضه: سيدرا فى المستشفى يا محمد
محمد بفزع: مستشفى ايه وليه؟؟؟
يوسف بحسره: مش عارف يا محمد مها بتقولى وقعت فى الجامعه........تعالى معايا بسرعه على المستشفى.....
🌸🌸🌸🌸🌸🌸🌸🌸🌸🌸🌸🌸🌸🌸🌸
فى المستشفى عند مها وسيدرا.......
وصل يوسف بصحبة محمد الى المستشفى ليجد مها تقف خارج غرفه الكشف تبكى.....
يوسف بخضه: ايه اللى حصل يا مها!! سيدرا مالها؟؟
مها ببكاء: انا اسفه يا ابيه يوسف انا السبب بس والله ما كان قصدى ولا كنت اعرف ان ده هيحصل....
يوسف بغضب: وايه اللى وداها الجامعه يا مها
مها ببكاء اكتر: انا يا ابيه يوسف بس والله ما كان قصدى يحصل كل ده......
يوسف بنرفزه: ايه اللى وداكوا الجامعه اصلا؟؟
مها ببكاء: هقولك يا ابيه قصت عليه مها حديثها مع سيدرا وما حدث فى الجامعه واغمائها......
يوسف بغضب: ومحدش كلمنى قبل ما تخرجوا ليه هو انتوا ملكوش كبير ولى حاجه؟؟
مها بخوف: والله كنا هنروح بسرعه ومكناش نعرف ان كل ده هيحصل....
يوسف وهو يتملكه الغضب: اعمل فيكى ايه انا دلوقتى وكاد ان يضرب مها من شده غضبه لتشعر مها بالخوف ليوقفه محمد مُنقذً مها من غضب يوسف..
محمد بتدخل مُمسك يد يوسف: لا يا يوسف احنا فى المستشفى مينفعش كده نطمن على سيدرا الاول ونعاتب بعدين ليكتفى يوسف بالنظر الى مها بغضب....
خرج الطبيب من الغرفه ليلتفوا حوله جميعا بخضه
يوسف بقلق: خير يا دكتور سيدرا مالها؟؟
الطبيب بتردد: يوسف بيه انا عايز اتكلم مع حضرتك على انفراد....
محمد بقلق: هى اختى جرالها حاجه يا دكتور؟؟
الطبيب: لا يا استاذ المدام كويسه الحمدلله انا بس عايز الاستاذ يوسف فى حاجه تانيه على انفراد......
يوسف مُحدثا محمد: خليك مع مها انت يا محمد..
محمدبادب: حاضر يا يوسف بيه.....
🌸🌸🌸🌸🌸🌸🌸🌸🌸🌸🌸🌸🌸🌸🌸
فى غرفه الطبيب........
يوسف بقلق: خير يا دكتور فى ايه؟؟؟
الطبيب بتردد: والله يا استاذ يوسف انا مش عارف اقول لحضرتك ايه بس انت لازم تعرف....
يوسف بخوف: فى ايه يا دكتور قلقتنى؟؟؟
الطبيب: مدام سيدرا سنها صغير اوى وللاسف مكنش ينفع ليها حمل دلوقتى هو اه فى بنات كتير بتحمل فى سن اصغر من كده كمان بس مش كلهم بيعيشوا او كل البيبهات بتتولد عايشه وده طبعا بيعتمد على الحظر....
يوسف بقلق: يعنى حضرتك بتخيرنى بين البيبى وسيدرا؟؟؟
الطبيب: لا طبعا........بس مدام سيدرا فى الاسبوعين الاولين من الحمل يعنى البيبى عباره عن شويه دم صغيرين ولو محفظناش عليه ممكن نخسره......والكلام ده طول فترت الحظل مش الشهور الاولنيه بس لان زى ما قولت،المدام سيدرا سنها لسه صغير والحمل مش هيثيت بسهوله.......
يوسف بهدوء: يعنى يا دكتور المطلوب ايه؟؟
الطبيب: انا عرفت ان مدام سيدرا طالبه فى كليه الطب وده مش هينفع خالص يا يوسف بيه.....
يوسف بعدم فهم: مش فاهم بردو ايه علاقه كليه سيدرا بالحمل!!!
الطبيب: المشكله مش فى الكليه المشكله فى الراحه والنظام اللى المفروض تمشى عليه لو هى متمسكه بالبيبى.....
يوسف: ممكن حضرتك توضحلى الموضوع اكتر
الطبيب: بص يا يوسف بيه مدام سدره محتاجه طول فترة الحمل دى تلزم البيت او المستشفى لو تحبوا لان مدام سيدرا الرحم بتاعها ضغيف جدا وممكن نفقض البيبى فى اى وقت او لا قدر الله نفقدها هى بسبب اى ضغط سواء بدنى او نفسى.....
يوسف بتردد: يعنى حضرتك قصدك نختار بين دراسه سيدرا او البيبى!!
الطبيب: انا اسف طبعا يا يوسف بيه والقرار فى ايدك
يوسف: لا القرار فى ايدها هى ده مستقبلها وهى اللى لازم تختار واى حاجه هتختارها سيدرا انا موافق عليها
🌸🌸🌸🌸🌸🌸🌸🌸🌸🌸🌸🌸🌸🌸🌸
خارج غرفه سيدرا كان محمد ومها قد اتصلوا بالعائله ويريعا ما حضروا جميعا.........
خرج يوسف من غرفه الطبيب ليُسرع اليه العائله باكملنا.....
زينات ببكاء: بنتى مالها يا يوسف الدكتور قالك ايه
قص عليهم يوسف ما قاله الطبيب ليختلف ارائهم جميعا منهم الذى يُصمم على دراسه سيدرا ومنهم من يُسر على الاحتفاظ بالجنين ومنهم من صمت وترك الاختيار لسيدرا فقط.....
سلمى بهدوء: لو يمحتوا يا جماعه الموضوع ده يخص سيدرا ويوسف بس وهى بس اللى المفروض يختاروا ومن غير تدخل اى حد مننا.......
زينات بتاكيد: سلمى معها حق ادخل يا يوسف يا ابنى لمراتك واتكلم معاها وشوفوا هتوصلوا لايه....
🌸🌸🌸🌸🌸🌸🌸🌸🌸🌸🌸🌸🌸🌸🌸
فى غرفه سيدرا......
دخل يوسف غرفه سيدرا للاطمئنان عليها ولتحدث معها بعد ان اذن له الطبيب.......
يوسف وهو يحتضن سيدرا: الف سلامه عليكى يا حبيبت قلبى....
سيدرا بخوف: الله يسلمك يا يوسف انا اسفه والله انا مكنش قصدى اخرج من غير ما اقولك مكنتش اعرف ان كل ده هيحصل....
يوسف بهدوء: متتاسفيش يا حبيبتى انا اللى اسف انى نزلت وسبتك اصلا حقك عليا انا
سيدرا بفرح: الحمدلله البيبى مجرلوش حاجه ودى اهم حاجه عندى.......
يوسف بارتباك: سيدرا انا عايز اتكلم معاكى فى حاجه قالهالى الدكتور بس طبعا اللى انتى عايزه بس هو اللى هيحصل....
سيدرا بقلق: فى ايه يا يوسف ابنى فيه حاجه؟؟
يوسف بهدوء: لا يا حبيبت قلبى بس فى حاجه مهمه لازم تعرفيها....
سيدرا بقلق: حاجه ايه؟؟
قص عليها يوسف حديثه مع الطبيب ليظهر على وجهها ملامح الصدمه والحسره على ما قاله يوسف....
يوسف بهدوء وحب: من غير زعل يا سيدرا انا بحبك انتى وعايزك انتى واللى هتختاريه هو اللى هيحصل...
سيدرا بصدمه: قصدك يعنى انى اختار بين انى اكون دكتوره او انى اكون ام!!!!
يوسف بحب: سيدرا انا شوفتك انتى ومشوفتش البيبى انا حبيتك انتى لسه محبتش البيبى انا عايزك انى ولو اتحطيت فى اختيار بين سعادك ومُستقبلك وبين البيبى ده هختارك انتى عشان انا بحبك وعارف قد ايه نفسك تكونى دكتوره عشان كده اللى هتختاريه هوافق عليه ومش هجدلك فيه حتى.........
سيدرا بجمود: جيبلى الدكتور يا يوسف انا عايزه.......
🌸🌸🌸🌸🌸🌸🌸🌸🌸🌸🌸🌸🌸🌸🌸
فى الخارج زينات تبكى على ابنتها التى لا تكمل لها فرحه فى تعلم مدى تمنيها ان تصبح طبيبه ولكنها تعلم ايضا ان الامومه كنز ولابد الحفاظ عليها......
سلمى بحزن مُحدثه زينات: انا عارفه انتى بتفكرى فى ايه مها قالتلى ان سيدرا حلم حياتها انها تكون دكتور وانها تتخلى عنها حاجه مستحيله وفكره انها تتخلى عن البيبى حاجه اصعب ربنا يقويها وتختار اللى يريحها.....
زينات بحزن: يارب يا سلمى يارب يصبرها ويلهمها للحل الصح يارب......
خرج يوسف من الغرفه ليتفوا جميعا حوله منتظرين معرفه اختيار سيدرا؟؟؟
زينات: خير يا يوسف سيدرا قالت ايه؟؟؟
يوسف بهدوء: مقالتش حاجه قالتلى انها عايزه الدكتور حد يجيب الدكتور.....
تاكدوا جميعا من اختيار سيدرا ولهذا هى استعدت الطبيب لينتشر الحزن بينهم جميعا وخصوصا زينات وسلمى وفريد ايضا......
🌸🌸🌸🌸🌸🌸🌸🌸🌸🌸🌸🌸🌸🌸🌸
بينما بداخل غرفه سيدرا..........
حضر الطبيب لتلبية نداء سيدرا
الطبيب: خير يا مدام سيدرا بقيتى احسن دلوقتى؟؟
سيدرا بجمود: الحمدلله يا دكتور
الطبيب: اكيد يوسف بيه قال لحضرتك على الموقف اللى احنا فيه ويهمنى اعرف اختيار حضرتك ايه؟؟؟
سيدرا بجمود: انا فقرت واخدت قرارى يا دكتور..........
🌸🌸🌸🌸🌸🌸🌸🌸🌸🌸🌸🌸🌸🌸🌸
♥♥♥♥♥♥♥♥♥♥♥♥
البارت الحادى عشر:(
الطبيب: اكيد يوسف بيه قال لحضرتك على الموقف اللى احنا فيه ويهمنى اعرف اختيار حضرتك ايه؟؟؟
سيدرا بجمود: انا فقرت واخدت قرارى يا دكتور......انا هحتفظ بالبيبى ومعنديش استعداد اخسره ابدا.....
يوسف بصدمه من اختيارها: وكليتك يا سيدرا؟؟؟
سيدرا بهدوء: انت عارف يا يوسف انا كنت عايزه ادخل كليه طب ليه؟؟
يوسف بفخر بها: عشان تكونى دكتورة قلب وتنقذى قلوب الناس يا سيدرا......
سيدرا بابتسامه: وعايزنى اخسر اول قلب فى طريقى واضحى بيه عشان قلوب تانيه لسه مشوفتهاش ولا ضمنت انى هشوفها؟؟؟؟
الطبيب باحترام: انا اسف جدا بس استاذ يوسف محظوظ بيكى جدا يا دكتوره سيدرا ومفيش حد فى الدنيا يستاهل لقب دكتوره غير حضرتك.....
سيدرا بسعاده: انا بشكرك جدا يا دكتور وعايزه اعرف ايه النظام اللى همشى عليه عشان ميبقاش فى خطر على البيبى؟؟؟
الطبيب: بصى يا سيتى اهم حاجه الراحه التامه التالت شهور دول وبعدها فى نظام تانى خالص هنمشى عليه وابعدى بُعد تام عن العصبيه والزعل ده اكبر خطر على البيبى ودى يا سيتى ادويه بسيطه هنمشى عليها ولازم اشوفك كل اسبوعين وممنوع الخروج من البيت غير وانتى جالى بس تمام
يوسف: تمام يا دكتور........هى تقدر تخرج امتى؟؟
الطبيب: النهارده لو حبيتوا بس اهم حاجه الراحه التامه.....
يوسف: ان شاء الله يا دكتور........
خرج الطبيب من الغرفه وسمح للعائله بدخول واخبرهم عن قرار سيدرا بلاحتفاظ بالبيبى وترك الجامعه لينصدم الجميع ويحزن على سيدرا ولكن فرحتهم باحتفاظها بالبيبى انتصر على حزنهم واجمعوا على انها اخذت القرار الصحيح.....
دخلت العائله كامله الى غرفه سيدرا للاطمئنان عليها ولتهنئتها على احتفاظها باليبى....
🌸🌸🌸🌸🌸🌸🌸🌸🌸🌸🌸🌸🌸🌸🌸 بعد مرور ثلاث اشهر......
كانت سيدرا قد سحبت الملف الخاص بها بكليه الطب واكتفت بهذه العائله التى تحبها كثيرا وتحترمها وتُقدر تضحيتها.......بينما يوسف يعمل جاهد فى الشركه بعد ان ترك له والده التحكم بكل امور الشركه واكتفى هو بالاشراف عليه فهو يحاول ان يعوض العمر الذى خسره بعيدا عن زوجتة........بينما محمد استلم وظيفته بشركه البسيونى وقد حصل على اعجاب كبير من يوسف ووعده بمنصب مميز فى الشركه بعد تخرجه من الكليه بينما مها قد بدات درسه واقتربت من امتحان نصف العام فهى حزينه لان سيدرا ليست معها ولكنها سعيده لان سيدرا سوف تصبح ام قريبا.........
🌸🌸🌸🌸🌸🌸🌸🌸🌸🌸🌸🌸🌸🌸🌸
فى قصر البسيونى........
زينات بابتسامه: صباح الخير يا اهل البيت
سلمى بترحاب: يا صباح النور على عيونك ايه الخطوه العزيزه دى ثم نظرت اللى جنات: ازيك يا نونه يا حبيبتى
جنات بادب: الحمدلله يا طنط سلمى خضرتك عامله ايه وازى صحتك.....
سلمى: الحمدلله يا حبيبتى.......
ليقاطع كلامهم نزول ساهر من على السُلم لتشعر جنات بالحرج مما حدث بينهم اخر مره على نفس السُلم....
ساهر بسعاده يحاول ان يُخفيها: صباح الخير......
سلمى بحب: صباح الخير يا حبيبى.....
زينات بحب: ازيك يا ساهر يا حبيبى عامل ايه
ساهر بحرج: الحمد لله يا طتط زينات........
جنات بحرج: طب بعد اذنكوا انا بقى....
سلمى بتسال: رايحه فين يا جنات يا بنتى؟؟؟
جنات: عندى درس والله يا طنط سلمى ومكنتش اعرف ان ماما هطول هنا اوى كده....
سلمى: طب استنى يا حبيبى ثم التفت الى ساهر
سلمى: ساهر يا حبيبى خد اختك جنات ووصالها الدرس بتاعها عشان السواق راح يوصل مها الكليه
زينات بحرج: ملوش لزوم يا سلمى يا اختى هتتعبه معاها ليه دى بت مُتعبه انا عارفه.....
ساهر بسرعه: لا يا طنط لا تعب ولا حاجه انا اصلا كنت خارج عادى هاخدها فى سكتى....
زينات: طب يا حبيبى ربنا ما يحرمنا من ذوقك ابدا....
سلمى بحب: روحى يا سلمى يا حبيبتى مع ساهر هو هيوصلك للمكان اللى انتى عايزاه.....
جنات بخجل شديد: ماشى يا طنط وتمنت لو انها لم تتحدث او تقُل ان عندها درس......
لاحظ ساهر خجلها الشديد ليضحك فى نفسيه عليها
ساهر: يله بينا يا جنات.....
جنات بخجل: يله.......
ركب ساهر وجنات السياره وتحرك بها
ساهر بمكر: مقولتليش الدرس بتاعك فين يا حنات
جنات بحرج: نزلنى فى دوران شرق وانا هتصرف
ساهر بمكر: ليه يعنى انا هوصلك لباب الدرس الا بقى لو انتى مش رايحه الدرس ورتيحه مكان تانى؟؟
جنات بغضب: انت قليل الادب على فكره....
ليوقف ساهر السياره مره احده على جانب الطريق
ساهر بغضب مُصطنع: قليل ايه!!!!
جنات بقلق بعض الشئ وخوف من طريقته: ال...الأدب
ساهر وهو يقترب منها بجراه وينظر لها بحده: قليل الادب يا انسه جنات عملت لحضرتك ايه؟؟
جنات بانفاس مُتقطعه من شده الخوف: عشان....عشان انت بتشكك فى انى رايحه الدرس ومش مصدقنى...
ساهر وهو يقترب اكتر: تقومى تشتمينى كده
جنات بخوف ورعب منه: انا اسفه......لو سمحت يله انا اتاخرت على الدرس....
ساهر بمكر ارد ان يلعب نعها: لا......
جنات بصدمه: لا ايه؟؟؟
ساهر: لا مفيش درس....
جنات وهى تنظر حولها فهى على الطريق الصحراوى ولا تعلم ماذا تفعل فاخذت تبكى من شدة الخوف.....
ساهر بحزن وقد علِم انه قد اخطا: بتعيطى ليه طيب.... انا اسف طيب انا بهزر معاكى والله انتى مجنونه!!!
جنات ببكاء: طب ودينى عند ماما لو سمحت
ساهر وقد اقترب منها لتنفر جنات بخوف ليمسك يديها ساهر بحنيه مُتحدثا: متخيش يا جنات انا مش هاذيكى مفيش حد بياذى حد بيحبه.......
جنات بصدمه: ايه؟؟؟؟
ساهر بتوتر: بصى انا من الاول معجب بيكى ومن اللى حصل بينا اخر مره فى البيت......كنت مستغرب الموضوع لانك صغيره وانا كنت رافض جواز يوسف وسيدرا عشان سنها ازاى انا كظان اعمل كده بس غصب عنى حبيتك مش عارف ليه وازى!!!
جنات بخجل شديد: لو سمحت روحنى
ساهر بغضب: انا اسف شكلى اتسرعت.......حرك ساهر سيارته واستعد لرجوع بها اللى القصر ظل الصمت رفيق طريقهم الى ان قررت ريهام انهاء هذا الصمت
جنات بخجل وهى تنظر الى الجانب الاخر: على فكره انا كمان مُعجبه بيك.....
ليوقف ساهر السياره: قولتى ايه؟؟
جنات بخجل: انا كمان مُعجبه بيك يا ساهر
🌸🌸🌸🌸🌸🌸🌸🌸🌸🌸🌸🌸🌸🌸🌸
فى قصر البسيونى..........
عاد يوسف من الشرِكه ليلقى التحيه على عائلته
يوسف بحب: مساء الخير يا جماعه
سلمى باستغراب: مساء النور يا حبيبى....ايه اللى رجعك بدرى كده النهارده؟؟
يوسف: اصل النهارده معاد سيدرا عند الدكتور
زينات بحب: ربنا يقومهالك بالسلامه يا حبيبى والبيبى يتربى فى عزك يارب.....
يوسف بحب: ربنا يباركلنا فى عمرك يا طنط.....امال سيدرا فين؟؟؟؟
سلمى: فوق يا حبيبى فى اوضتكم.....
يوسف: طب بعد ازنكم اطلع اغير هدومى....
زينات: اتفضل يا حبيبى.....
🌸🌸🌸🌸🌸🌸🌸🌸🌸🌸🌸🌸🌸🌸🌸
فى غرفة يوسف وسيدرا..........
دخل يوسف الغرفه ليجدها فارغه ثم يلاحظ صوت المياه داخل الحمام ليُدرك ان سيدرا بالداخل ليتعمد ان لا يُصدر صوتا حتى لا تعلم سيدرا بوجوده.......بعد قليل خرجت سيدرا من الحمام وهى تلتف بالمنشفه حول جسدها لتنصدم عند روئيه يوسف يجلس على الفراش يُتابعها فى صمت.......
سيدرا بعصبيه مُمزجه بخجل: انت مش هتبطل حركاتك دى بقى؟؟
يوسف بضحك على شكلها: وابطل ليه!!! هى وحشه؟؟
سيدرا بخجل: انا غلطانه انى بديك الامان وبخرج كده من الحمام اساسا وكادت ان تدخل الحمام مره اخرى ليوقفها يوسف ويضُمها الى صدرِى......
يوسف بمكر: انتى نسيا انك مراتى ولى ايه؟؟
سيدرا بخجل: يوسف لو سمحت سبنى.....
يوسف وهو يقترب منها بجراه: لا
لتدفعه سيدرا مره واحده وتدخل اللى الحمام مُسرعه
يوسف بتوعد مُصتنع: ماشى يا سيدرا الحساب يجمع...
ثم توجه يوسف الى الدولاب حتى يقوم بتغير ملابسه.
🌸🌸🌸🌸🌸🌸🌸🌸🌸🌸🌸🌸🌸🌸🌸
فى احد العيادات الخاصه الكبيره بالاسكندريه.....
الطبيب: لا ده احنا صحتنا بقت كويسه اهو والحمدلله
سيدرا: الحمدلله يا دكتور والله ماشيه على كلام حضرتك بالحرف
الطبيب بابتسامه: واضح يا مدام سيدرا والحمدلله النتايج ظاهره كويسه اوى اهو...
يوسف بسعاده: يعنى الخطر عدى يا دكتور؟؟
الطبيب: الحمدلله يا يوسف بيه.......ايه يا مدام سيدرا مش عايزه تشوفى البيبى ولى ايه؟؟؟
سيدرا بسعاده فزعت من مكانِها: هو ينفع؟؟؟
الطبيب: اه طبعا......اتفضلوا معايا
صعدت سيدرا على الفراش لتستعد لتراى طفلها الاول لاول مره ليضع الطبيب الجهاز الخاص بالسونار على بطنِها لينصدم الطبيب مما يراه
لاحظ يوسف تغير ملامح وجه الطبيب ليشعر بالقلق
يوسف بقلق: فى ايه يا دكتور؟؟
الطبيب: مفيش بيبى عنده ٣ شهور يبقى بالحجم ده!!!
سيدرا بخضه: يعنى ايه يا دكتور؟؟
لقراءة الجزء الاول جميع الفصول كاملة من هنا