روايةبنت الجيرات
الفصل السادس و السابع
************
حكمت واقفة قدام ابنها مبرقه علي اخرها وبتساله للمرة المليون
حكمت: انت متاكد يا اسلام؟
اسلام بزهق:للمرة المليون اه يا امي متاكد.. اومال لو مكنتيش بتعزيها وبتموتي فيها؟
حكمت: يابني جميلة زي بنتي واكتر بس انت فاجئتني مش اكتر
اسلام: معلش.. يالا بينا بقي عشان منتاخرش
حكمت: تمام
اسلام اخد مامته وطلعوا الاتنين سوا راحو علي شقة جميلة اللي في وشهم ، خبطوا وجميلة فتحت واول ما شافت اسلام تنحت كانت هتقفل تاني في وشه بس منعها
اسلام: ايه مش هتدخلينا يا جميلة؟ بقي بتطردينا من بيتك؟
جميلة بصت علي حكمت اللي مستغربة موقف جميلة ومستغربة برود ابنها وطريقته اكتر
حكمت: ايه يابنتي هنفضل ع الباب ولا ايه؟
جميلة مردتش بس فتحتلهم الباب دخلوا الاتنين وهيا قفلت الباب وراهم ودخلت لمامتها وطلعتها
سميرة: ازيك يا حكمت؟
حكمت: الحمد لله يا سميرة عاملة ايه النهاردة؟
سميرة: الحمد لله يخير.. ازيك يا اسلام بقالي كتير مشوفتكش
اسلام: معلش بقي الشغل واخد اغلب وقتي وعموما من هنا ورايح هتشوفيني كتير
سميرة: ودا من ايه دا ان شاء الله؟ ايه ناوي تتجوز جميلة ولا ايه؟
قالتها بهزار بس هو صدمها برده
اسلام: بالظبط كدا
سميرة باذبهلال: انت بتهزر ولا بتتكلم بجد؟
اسلام: وهي دي حاجة فيها هزار؟ انا بجد جاي اطلب ايد جميلة منك
جميلة كانت طالعة بالعصير من المطبخ واتجمدت مكانها لما سمعته هي صحيح عارفاه مجنون ومبيرجعش في كلامه بس متخيلتش انه هبنفذ كلامه بجد وييجي يتقدملها ، بس هي اللي غبية هي اللي المفروض حتي لو كانت هتموت تمشي اول ما شافته هناك.. غبية.. سميرة شافتها واقفة قدام المطبخ فنادتها
سميرة: جميلة.. يا جميلة
جميلة فاقت وراحت حطت العصير قدامهم
جميلة بسرعة: اتفضلوا.. انا داخلة اذاكر
كانت هتدخل اوضتها بس وقفتها مامتها
سميرة: خدي هنا يا بنت
جميلة بتوتر: نعم يا ماما
سميرة: اقعدي مع اسلام شوفيه عايزك في حاجة
كانت هتعترض بس بصة سميرة خلتها تروح تقعد جنبه بغيظ ، حكمت قامت وزقت الكرسي المتحرك بسميرة ودخلتها اوضتها وسابوهم لوحدهم ، جميلة استغلت انهم مشوا وعلي طول راحت علي ابعد كرسي عنه وقعدت
جميلة بتريقة: نعم يا افندي؟
اسلام ببرود: مش عاجباني طريقة كلامك فاتعدلي عشان معدلكيش
عضت علي شفتها بغيظ زي ما هي متعودة تعمل لما تبقي متغاظة او متعصبة ورجعت قالتله
جميلة: بص يا اسلام.. جواز انا مش هتجوز واعلي ما في خيالك اركبه
اسلام: مانا قلتلك النهاردة هتوافقي بالغصب عنك يا اما يا شاطرة هتشوفي مني وش.. صدقيني محبش انك تشوفيه
جميلة: الكلام دا مش هيمشي عليا.. مش انا اللي اعمل حاجة غصب عني
اسلام وقف وقرب منها وقف قدامها وهيا تنحت قرب عليها وهيا بترجع لورا وبتغطس في الكرسي وهو سند بايديه علي ايدين الكرسي وبقي وشه في وشها
اسلام بنبرة بتخوف: هتوافقي.. فاهمة؟
بصتله بخوف وبلعت ريقها وكل التخيلات المرعبة بدات تشتغل في دماغها وهيا بتتخيل نفسها بتقولوا لا.. برقت جامد لما دماغها وصلتلها انه ممكن بجد يقتلها لو رفضت او ممكن.. ممكن يسلط عليها ناس يتنمروا عليها لحد ما هي تنتحر.. فاقت من كمية التخلف اللي كانت بتتخيله وهي سامعاه بيعيد كلامه بصوت متعصب شوية خوفها بجد
اسلام: قلت هتوافقي.. فاااهمة؟
جميلة هزت راسها اه جامد وهو رجع قعد مكانه وهو مبتسم
******
فتحت سمر عينيها بكسل وبصت لفونها اللي مش راضي يبطل رن ومسكته فتحته وفجاة نطت لما لقت خطيبها بيرن عليها
سمر: احم.. الو يا حسن عامل ايه؟
حسن: الحمد لله يا قلب حسن.. انتي عاملة ايه؟
سمر بكسوف (محن كلاب معلش): الحمد لله.. في حاجة؟
حسن: لا كنت برخم عليكي مش اكتر
سمر: والله حرام عليك انا كنت نايمة في امان الله تيجي انت تصحيني وتقولي كنت برخم.. دا انت رخم
حسن: اسمالله عليكي وانتي بتشتمي
سمر: احمم.. اسفة
حسن: ولا يهمك يا قلبي.. بقولك
سمر: قول
حسن: فضيلي نفسك بكرة
سمر: ليه؟
حسن: عايز اخرج معاكي.. ايه مينفعش؟
سمر: لا ينفع ياخويا.. حاضر
حسن : والنبي بطلي تقولي ياخويا دي
سمر: حاضر يا حبيبي
حسن بيعاكسها ويصفر: ايوااا كدا
سمر وشها جاب الوان وفضلوا يتكلوا سوا لاكتر من ساعتين ( ناس فااضيية)
******
الساعة 7 الصبح علي سلم العمارة اللي عايشة فيها جميلة
وقفت جميلة قدام الشقة بتحاول تعدي من اسلام اللي واقف قدامها وسادد السكة بجسمه
جميلة هتعيط: ابعد بقي هتاخر
اسلام بتحذير: ابقي اسمع بس انك روحتي الكافيه النهاردة تاني و..
جميلة: والله ما هروح.. والله استقلت خلاص
اسلام: اتفضلي
بعد من قدامها وهي نزلت علي طول من غير ما تبصله.. صحيح بتحبه بس بتخاف اوي من بروده دا ، وصلت الجامعة واول ما شافت هدي اللي كانت واقفة علي بوابة الكلية جرت عليها حضنتها
هدي: تعالي بقي فهميني كدا ايه حصل لاني مش فاهمة حاجة
جميلة: طب فريدة فين؟
هدي: لا فريدة بتتشقط سيبيها
جميلة : ايه؟
هدي: الواد الثقيل بتاع امبارح دا جه واخدها عشان يتفق معاها عشان يخطبها.. دا طلع معيد اصلا هنا وانا الحمد لله دخلت فيه شمال اووي
جميلة: جته القرف وهو اللي حلو كدا.. يعني احنا كنا هنعرف منين وهو شكله مديه سن اصغر
هدي: طب كفاية لاحسن الواد يموت وتعالي فهميني كل اللي حصل امبارح لاني مفهمتش منك حاجة امبارح
جميلة: طب والمحاضرة؟
هدي : مش مهمة مش مهمة
هدي شدتها وراحوا ع الكافيتيريا علي طوول / قعدوا في مكانهم المعتاد وبدات جميلة تحكي لهدي علي كل حاجة وبعد ما خلصت
هدي: والله الواد دا عسل.. لا بجد قمر.. هو في كدا يا جدعان؟
جميلة : اه في
هدي: اسكتي انتي وانتي فقرية كدا.. يعني هتتجوزي اللي بتكاشي عليه وبتحبيه وبرضه مش عاجبك.. انتي هبلة يا بت انتي؟
جميلة: دا انتي رخمة
هدي: شكرا.. هيييح نفسي ييجي المعدول ابن المعدولة بقي
جميلة: هيييح.. هيييجي هييجي
هدي: اااه.. دا حلم جميل
جميلة بدات تغني: انا احلامي مش رقيقة.. مش زيكوا في الحقيقة.. اتمني اعيش حياة اتمتع بيهااا
هدي كملت معاها: اشتريلي جزيرة بعييد لا واعيش فيها وحيييد.. حواليا تلال فلوس اتمرمغ فيهااا
الاتنين ضحكوا علي هبلهم وكملوا غنا بعد ما راحوا يجيبوا اكل عشان بفطروا
************
(البارت السابع )في عيادة اسلام
قعد اسلام علي مكتبه وقدامه نورسين اللي بقالها اكتر من نص ساعة بتحاول تتشجع وتكلمه عشان تساله عن جميلة اللي سابها امبارح في الكافيه ومشي بعد ما ضرب واحد وبهدله عشانها واخيرا..
نورسين: هي مين البنت اللي كانت معاك امبارح دي؟
اسلام بيحاول يفتكر ومش متخيل انها بتتكلم عن جميلة اصلا وبعد شوية تفكير
اسلام: بنت مين يا نورسين؟
نورسين بضيق: البنت اللي سيبتني في الكافيه امبارح عشانها يا اسلام
اسلام: ااه تقصدي جميلة.. مالها؟
نورسين: ودي مين دي اصلا عشان تعمل معاها كدا؟
اسلام: خطيبتي
قالها ببساطة وكانه بيقولها حاجة عادية وهي تنحت ومعرفتش ترد بايه ، دموعها لمعت في عينيها وبدات تحاول تسيطر عليها
نورسين: انت بتهزر معايا مش اكتر صح؟
اسلام: لا مش بهزر.. دي بجد خطيبتي
نورسين: ودا من امتي؟ وليه مش في ايدك دبلة؟
اسلام: اصل الموضوع من قريب مش من زمان يعني
نورسين: طيب.. انا ماشية سلام
سابته ومشت بسرعة قبل ما يتكلم وهو فضل قاعد بيحاول يفهم مالها.. معقول تكون بجد زعلت لانه قالها انه مخطوب؟.. اه هو عارف انها بتحبه بس هو فكر ان الموضوع مجرد اعجاب وهيروح مع الوقت ، شال الموضوع خالص من دماغه ورجع يركز في شغله من تاني
********
في كافيه كلية جميلة
اخيرا اتجمعت الشلة من تاني بعد اكتر من يومين محدش شاف فيهم سمر او فريدة اللي اتشغلت بخطيبها الجديد
جميلة بغيظ لفريدة: بقي يا خاينة يا جزمة تعملي خطوبتك ومتعزيميناش.. طب نيجي نهيصلك حتي
هدي: لاااا ازاي؟ الافندية نستنا ولا كاننا صحابها
فريدة: يالااااهوي عليكم انتو الاتنين.. انتو مجانين؟ الموضوع للمرة المليون كان صغير جدا وجه بسرعة دانا العروسة اتفاجات اصلا بيه جاي بالشبكة وباهله وبيقولي خلاص خطوبة تقولولي مقولتلناش ليه؟ انتو هبل؟
سمر: خلاص يا فريدة اهدي
هدي: عيال خاينة.. وسيادتك يا اخت بقالك يومين بتبرطعي مع خطيبك فين؟
سمر بقرف: يخربيت الفاظك.. ايه بتبرطعي دي؟
جميلة: نسيب المهم ونمسك فس تبرطعي
سمر: انتو مالكم اصلا؟ خطيبي بيفسحني مالكم انتو؟
محدش رد وفجاة..
جميلة: كل الدنيا هنا بتقول..
هدي: اني بخوف زي الغول
جميلة: يالا حارب التسوس حااارب التسوس
هدي: المخوفاتي بيباان من سناانه
سمر: يالاااهوي كوكي كيدز فتحت
فريدة: مش هنخلص السنادي
*******
عدي اسبوع علي جميلة ماشفتش فيه اسلام من بعد ما جالها هو ومامته ولبسوا الدبل في حفلة صغيرة عزم هو فيها صحابها نفخت وهي بتفتكر تهديده والنبرة اللي استخدمها في تخويفها لما كانت هترفض وضحكت بغباء علي غبائها واستسلامها له ، نفخت وهي بتفكر في الاسبوع اللي مشافتهوش فيه واللي كان كفيل يخليها بتفكر في انه متردد او انه رجع في كلامه ، بصت للوحة اللي قدامها وبصت لنص الوش اللي رسماه وابتسمت وهي بتفتكر ملامح اسلام وبترسمها عدت نص ساعة كانت خلصت باقي ملامحه بصت للوحة بحب وحطت امضتها وغطتها وحطتها جنب كام لوحة تانية متغطيين
جميلة: يخربيتك وانت واحشني كدا.. واحد رخم وغلس بس عشل وقمر وبموت فيه.. اوووف بقي
نطت من مكانها فجاة لما لقت الباب خبط طلعت بسرعة تشوف مين ، فتحت الباب وتنحت لما لقت اسلام واقف وجنبه مامته وصحباتها معاهم وفي شيخ واقف معاهم بدفتر.. هي تقريبا بدات تستوعب اللي بيحصل بس لا.. مش هتقبل لا.. صحباتها شدوها لاوضتها بسرعة وبداوا يجهزوها لبسوها فستان ابيض بسيط وحطولها ميك اب خفيف ودا كان كفيل يخليها ملكة جمال بمعنب الكلمة ، خلصوا وشدوها لبرة واتفاجات بوالدتها قاعدة معاهم وبتضحك بعياط
سميرة: بسم الله ما شاء الله.. قمرر
جميلة بتبصلهم: انتو بتهزروا صح؟ مش اللي في دماغي صح؟
اسلام: لا هو بالظبط اللي في دماغك
جميلة: احيييه
عااااااااا
فاقت جميلة من حلمها الغريب علي...