روايةبنت الجيران
الفصل الاخير
بقلم ايمامحمد
بعد اسبوعين
في عيادة اسلام
كان قاعد بيقلب في فونه بزهق وفجاة اتعدل لما الباب اتفتح نفخ بضيق لما شاف نورسين قدامه بس شاورلها ع الكرسي اللي قصاده عشان تقعد.. قعدت نورسين واول ما قعدت بدات تتكلم بانهيار
نورسين: اسلام ارجوك انجدني.. انا خالي عايز يجوزني ابنه غصب عني.. ارجوك يا اسلام حاول تتصرف
اسلام: وانا المفروض اتصرف في موقف زي دا ازاي؟
نورسين: اتجوزني
اسلام ضحك جامد واول ما سكت
اسلام: انتي اتجننتي؟ انتي مش واخدة بالك اني متجوز ولا ايه؟
نورسين بسرعة: مش مهم المهم انك تساعدني امنع الجوازة دي باي تمن
اسلام ببرود: وانا اسف.. انا مش هقدر اساعدك يا نورسين
نورسين بصتله والدموع بدات تتجمع في عينيها اسلام نفخ وقام بالراحة راحلها وقعد قدامها
اسلام: نورسين
بصتله والدموع في عينيها وهو بالراحة مد ايديه وبدا يمسح دموعها
اسلام: نورسين انتي زي اختي.. صدقيني انا عمري ما فكرت فيكي بشكل تاني.. انا كنت عايز اساعدك بس انا لو عملت كدا انا هظلمك
نورسين بعياط: بتحبها صح؟
اسلام خد نفس عميق وقال: اه يا نورسين بحبها.. مش بس بحبها انا بعشقها مكنتش عايز اقولك كدا واجرحك بس انتي لازم تفوقي وممكن جوازك بابن خالك دا هو اللي يفوقك
نورسين: بس..
اتصدم الاتنين وتنحوا اول ما جميلة دخلت وتنحتلهم اسلام بصلها وبص للهدية اللي كانت مسكاها وفجاة افتكر ان النهاردة المفروض عيد ميلاده ، حاول يتكلم بس هي كانت سابتهم ومشت بعد ما الهدية وقعت من ايدها من صدمتها
نورسين: انا.. انا اسفة والله انا..
اسلام: خلاص يا نورسين اهدي.. روحي انتي وفكري في كلامي
اتكلم بسرعة وهو بيلم حاجاته من ع المكتب وفورا طلع يجري ع برا عشان يلحقها طلع واتفاجئ لما لاقاها واقفة علي جنب ساندة ع الحيطة وبتعيط راحلها و..
اسلام: جميلة
بصتله وسابته ومشت مسك ايديها ووقفها و..
اسلام: جميلة محصلش حاجة
جميلة زقته و..
جميلة بزعيق لفت انتباه كل اللي في الشارع: محصلش حاجة؟ داخلة وسيادتك بتحضنها وبتمسحلها دموعها وتقولي محصلش حاجة؟
اسلام بص حواليه ولاحظ ان كذا حد بدا يقف ويتفرج عليهم فشدها بالرغم من معارضتها ومقاومتها ووقف تاكسي وركبها بالغصب وراحوا لمكانه المفضل.. البحر
نزلوا ووقفها قدامه و..
اسلام: اسمعيني بقي وبطلي هبل.. نورسين زي اختي وقلتلك قبل كدا مفيش حاجة بينا
جميلة بهجوم: وطالما مفيش حاجة بتحضنها ليه؟
اسلام بزهق: مكانتش في حضني يا جميلة بلاش مبالغة
جميلة بتزقه: انا ببالغ.. انت غبي.. وانا بكرهك
اسلام مسكها مرة واحدة وشدها ناحيته
اسلام : ممكن تهدي
جميلة انفجرت في العياط واسلام نفخ بضيق وحضنها
اسلام بيطبطب عليها وبيكلمها بهدوء: شششش.. اهدي خلاص
خميلة عيطت كتير وبعد مدة بعدت عنه
اسلام: احسن؟
هزت راسها اه
اسلام: انا اسف
جميلة: وانا.. اسفة
اسلام بابتسامة: مكنتش بخونك ع فكرة اسف ع زعيقي
جميلة: انا عارفة بس مش بحب البت دي
اسلام: خلاص حقك عليا
جميلة رمت نفسها في حضنه وهو ع الرغم من صدمته من اللي عملته الا انه ضمها بحب
******
في بيت نورسين
رجعت نورسين لقت سامح ابن خالها قاعد واول ما شافها
سامح: نورسين
نورسين بصتله وهو قال بسرعة
سامح: عايز اتكلم معاكي شوية
نورسين شاورتله بدماغها بمعني موافقة وطلعت ع الجنينة وهو وراها وقفت وهو وقف قدامها وبعد نفس عميق
سامح: انا بحبك
نورسين بصتله بصدمة بس هو كمل
سامح: بحبك من زمان بس كنت مستنيكي تفوقي ليا.. حبيتك مع اني عارف انك بتحبي غيري بس حبك كان بيزيد قلبي كل يوم نورسين ينفع تتجوزيني وانتي مقتنعة بدا؟ لعلمك لو مش موافقة مش هخليهم يغصبوا عليكي حاجة
نورسين بصتله بتردد وافتكرت كلام اسلام مش يمكن فعلا سامح وجوازها منه هو اللي هيفوقها من وهم اسلام وحبه؟.. اتنهدت وبصت لسامح اللي كان باصصلها بحب ومستنيها تتكلم وفجاة
نورسين: عايزة فرح كبير
سامح ابتسم وخدها في حضنه مرة واحدة مش مصدق انها بجد وافقت عليه
*******
عدي شهرين كان اسلام عمل فيه فرح كبير لجميلة حضرته نورسين اللي اعتذرت لجميلة وفهمتها كل حاجة وعزمتها علي خطوبتها اللي كانت بعد فرحهم بشهر
*****
في بيت اسلام وجميلة "عش الزوجية" بعد ٧ شهور
وقفت جميلة قدام اسلام موطية راسها وهي بتعيط وحاطة ايديها علي بطنها المنفوخة واسلام واقف قدامها بيحاول يسيطر ع اعصابه عشان ميتهورش
اسلام: بتعيطي ليه دلوقتي؟
جميلة: عشان بتزعقلي
اسلام: وهو مش انا قلت مية مرة متنزليش من البيت من غير اذن؟
جميلة: اه
اسلام: وقلت بلاش الفستان النبيتي عشان بيخليكي حلوة بزيادة؟
جميلة: قلت
اسلام: طب بتعيطي ليه دلوقتي؟
جميلة: عشان بتزعقلي
اسلام: يا الله منك
قرب منها وحضنها وهيا حضنته جامد وبهمس
جميلة: متزعقليش تاني
اسلام ضحك ورد
اسلام: حاضر يا مغلباني و فضل ياخدها علي قد عقلها عشان عارف ان دي هرمونات حمل وهي كل شويه تسال هو انا مناخيري كبرت لا لا دي صغرت لا بص تحت عيني بقي عامل ازاي طب انا تخنت صح ووووو...
لحد ما جه يوم الولاده صحيت من النوم و بتصرخ اسلااااااام الحقني تعبانه قووووم اسلاااام
اسلام : نامي ي جميله انتي كل يوم كده
جميله: لا لا المرادي بجد قوووم مش قادره اه ه ه ه ه ه منك لله انت السبب ربنا ياخدك
اسلام : انا السبب في اي انتم حافظين مش فاهمين اهدي بقي و خدها و راح المستشفى و اتصل بامه و كان قلقان جدا عليها رايح جاي رايح جاي
حكمت: اهدي ي بني هتخرج بالسلامه دلوقتي فجاه الدكتور خرج اسلام جري عليه وقاله طمني جميله عامله اي
الدكتور : اطمن هي كويسه و الأطفال كمان كويسين
اسلام: طب الحمد ..
اي أطفال 😳
الدكتور: ايوه المدام كانت حامل في تؤام ولد وبنت
اسلام : سجد في الارض و حمد ربنا و دموعه بتنزل شكرا ي دكتور عاوز اشوفها
الدكتور : اتفضل و شويه و هنبعت لكم الاطفال علي الاوضه
اسلام جري دخل شاف جميله شبه نايمه راح مسك ايدها و باسها جميله فوقي سامعني يا حبيبتي
جميله: ممممم اسلام ابني كويس صح
اسلام . اه يا قلب اسلام ومم هم بنت وولد 🌚
جميله ضحكت ضحكه خفيفه بجد طب عاوزه اشوفهم
اسلام : حاضر ارتاحي انتي بس و هنشوفهم
جميله : انت لسه مش شوفتهم
اسلام : لا يا عمري مستني ام تقومي
جميله : هنسميهم أي
اسلام: هنسمي حور و مممم ادم
جميله بنعاس : ممم ماشي
اسلام : نامي شويه وارتاحي و نروح باليل .
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد ٦سنين حور و ادم بيلعبوا وجميله قاعده في حضن اسلام راح ادم سال ابوها
آدم: بابا انت عرفت ماما ازاي
حور: اه يا بابا احكي لينا
اسلام و جميله في نفس الوقت الحكايه بدأت من علي السلم ..😂😂😂♥️
النهاية