فى يوم صحيت مروه على صوت رنت تليفونها بتبص فى التليفون لقت ملك صاحبتها
مروه: الو
ملك : ده انتى نهارك شبه وشك انهارده أنتى لسه نايمه يلا بسرعه هنتأخر على الكليه
هووووب استنوا نتعرف الاول
مروه فى سنه تالته كليه تجاره انجلش بنت عاديه جدا شعرها بنى ناعم محجبه بشرتها بيضه عيونها عسلى فاتح طولها ١٥٥ ( يعنى من الآخر اوزعه 😂😂😂)
ملك ديه صحابتها فى نفس السن صحاب من وهم فى الثانوى ملك تقريبا نفس
طول مروه بشرتها بيضه شعرها اسود طويل وناعم عيونها بنى محجبه هى كمان
نرجع تانى ومن خلال الأحداث هنفهم الشخصيات
مروه : معلش ي لوكه والله راحت عليا نومه خمس دقايق وحكون عندك مش هتأخر
ملك : بسرعه يختى 😂
قامت مروه نطت من على السرير ولبست بسرعه ونزلت لملك
ملك: هى ديه الخمس دقايق ي ختى يلا ياارب منتأخر على المحاضره أصل الدكتور ده رخم اوى راحوا الكليه وكانوا فعلا اتأخروا على المحاضره والدكتور قعد يزعق ومرضاش يدخلهم المحاضره
مروه قعدت تعيط ( أصل هى عيوطه شويتين) وملك قعدت جنبها تهديها طب انتى بتعيطى ليه دلوقتى مش انتى السبب فى التأخير ده
مروه : ااه
ملك: والدكتور زعقلى معاكى
مروه : ااه
ملك: يعنى انا الدكتور زعقلى بسببك ومزعلتش ولا عيط.
مروه: علشان انتى معندكيش دم
ملك : انا معنديش دم ي معفنه على العموم
انتى اصلا مكدبتيش انا فعلا معنديش دم😂😂
وقعدوا هما الاتنين يضحكوا وبعدين جات مروه
بقولك ايه ي مروه انا جعانه اوى تعالى نأكل اى حاجه لحد ما المحاضره ديه تخلص
ملك : هو انتى كده ديما همك على بطنك على العموم انا كمان جعانه اوى تعالى نأكل اللى حاجه بسرعه علشان منتأخرش على المحاضره التانيه كمان
مروه : ماشى يلا
راحوا مطعم جنب الجامعه وطلبوا اكل وقعدوا ياكلوا وبعدين جيه حد حط أيده على كتف ملك
ملك انتفضت وبتبص وراها انصدمت .......😳
لقت احمد (اخوها) :
ملك : احمد حبيبى وحشتنى اوى وحضنوا بعض
احمد عنده ٢٥ سنه يعتبر اصغر رجل اعمال فى مصر شعره اسمر ناعم وعيونه بنى وطويل وجنتل فى نفسه كده ( يعنى من الاخر مز )
كان مسافر بقاله فتره طويله ولسه راجع ومقلش لحد انو نازل علشان تبقى مفاجاه
ملك : مقولتليش ليه انك راجع
احمد : كنت عاوزها تبقى مفاجأة
ملك : تعالى أما اعرفك على مروه صحبتى
احمد : تشرفت بمعرفتك
مروه : وانا كمان وسلموا على بعض
احمد : انتوا قاعدين هنا ليه مش المفروض تبقوا الكليه دلوقتى
ملك ومروه بصوا لبعض
احمد : ايه عملتوا مصيبه ولا ايه
ملك بسرعه : مصيبه ايه لا معملناس حاجه احنا بس اتأخرنا على المحاضره شويه والدكتور مرضاش يدخلنا
احمد بتفاعل:ازاى يعنى ميرضاش يدخلكوا
احمد: خد ملك (أخته) ومروه وراح الكليه وراح للاستاذ ولسه هيزعق ايه ده مصطفى (مصطفى ده صحبه)
احمد : مصطفى ازيك ي صحبى عامل ايه
مصطفى: تمام الحمدلله فينك من زمان محدش بيشوفك وحشتنى اوى
احمد: والله كنت مسافر ولسه راجع
مصطفى : حمدلله على سلامتك. ايه اللى جابك هنا
احمد : ابدا كنت جاى لملك اختى
مصطفى بقرف : ديه اختك
ملك بغضب: ايه مالك بتتكلم كده ليه
مصطفى ايه الطريقه اللى انتى بتتكلمى بيها ديه احترمى نفسك انا هنا استاذك
ملك : لسه هترد
احمد : ملك اسكتى
ملك : سكتت
احمد: معلش ي مصطفى ملك لسانها طويل شويه
مصطفى :, ي عم قول شويتين تلاته قعدوا يضحكوا وملك بتبصلهم بغضب وبتبص على مروه انتى كمان بتضحكى ماشى والله لوريكى
مروه : خلاص خلاص سكتت
وبعدين مصطفى سامحهم ودخلهم المحاضره وطول المحاضره ملك بتبصلوا بقرف وهو كذالك وخلص اليوم على كده
ملك ومروه: تطلعوا من الكليه ملك لقت احمد
مستنيها على باب الكليه
ملك : انت واقف هنا من ساعتها
احمد: ااه مستنيكى علشان نعمل لماما مفاجأة بمناسبه عيد ميلادها وان انا رجعت بسلامه
ملك بفرحه : هو ده الكلام ديه ماما حتفرح اوى
مروه : باى بقى عاوزه حاجه
ملك وأحمد : مع بعض تعالى نوصلك معانا
مروه بصت لاحمد بإستغراب وبعدين قالت لأ مش عاوزه اتعبكم معايا
ملك : تعبك راحه ي جميل
وبعدين راكبوا العربيه مع احمد ملك قعدت قدام جنب احمد وملك قعدت ورا وبعدين ملك شغلت اغنيه وقعدت ترقص عليها زى المجنونه
مروه وأحمد : قعدوا يضحكوا عليها
مروه وهى بتضحك بانت غمازتها اليتيمه اللى فى خدها الشمال
وأحمد طول الطريق يخطف نظره من مروه من المرايا لحد موصلوا البيت
مروه؛, خلاص هنا شكراً ونزلت
ملك : ابقى اتأخرى بكره تانى
مروه ضحكت : لأ إنشاء الله مش هتأخر
ملك : اما نشوف وبعدين مشيت هى واحمد طول الطريق احمد عمال يسأل ملك على مروه
وملك مستغربه هو عمره ما سأل على صحابها وبعدين
ملك بأستغراب: احمد انت ليه بتسأل على مروه
احمد : عادى عايز اطمن هى محترمه ولا لأ
ملك:, لأ اطمن مروه مفيش احسن منها وصحبت عمرى
احمد: بس انا عمرى مشوفتها معاكى قبل كده
ملك :, علشان انت علطول بتسافر ولما بتيجى اجازه علطول بتبقى مع صحابك حتشوفها فين بقى
احمد : ماشى يعنى هى محترمه كويسه يعنى
ملك : ااه اطمن
وبعدين وصلوا البيت احمد نزل فتح شنطه العربية
ملك بصدمه : ايه كل الهدايا ديه
احمد : ي شيخه قولى بسم الله ماشاء الله
وبعدين ديه حاجه بسيطه كده جايب هديه لماما وليكى ولبابا
ملك بفرحه : انت احسن اخ فى الدنيا
احمد : بأس راسها يلا نطلع ملك بفرحه زى الاطفال يلا وطلعوا ملك قعدت تطبل على باب الشقه منى ( ام ملك وأحمد ) بطبلى على الباب ليه معكيش مفتاح ولسه بتفتح الباب واتصدمت .....😳
منى بصدمه : احمد
احمد : ماما حبيبتي وحشتينى اوى وحضنوا بعض ومنى قعدت تعيط
احمد : طب بتعيطى ليه دلوقتى منا قدامك اهوا
منى : وحشتنى أوى ي حبيبى
وبعدين احمد جاب الهديه وقال لمامته كل سنه وانتى طيبه ي أحلى ام فى الدنيا
منى ببكاء : وانت طيب ي حبيب قلبى وحضنوا بعض تانى
ملك بغيره : وانا مش حبيبه قلبك ولا ايه
منى بضحك : ازاى ده انتى روح قلبى تعالى فى حضنى ملك راحت هى كمان ادتها هديه وقالت لها كل سنه وانتى طيبه ي أعظم ام فى الدنيا
منى : وانتوا طيبين ي حبايب قلبي
يوسف :, مين على الباب ي منى
يوسف (ابو ملك و احمد)
منى بفرحه :, تعالى وانت تعرف
يوسف خرج من الاوضه واول لما شاف احمد حضنوا جامد وقعد يعيط هو كمان ( ما احنا قولنا انو بقاله فتره طويله مسافر بقول للتذكره بس ) احمد: وحشتنى اوى ي بابا إيه اخبار صحتك
يوسف: الحمدلله ي حبيبى انت عامل ايه
احمد : انا الحمدلله طول مانتوا بخير
ملك : ايه العيله النكديه ديه كل شويه تعيطوا يلا ي ماما انا جعانه عاوزه اكل
احمد :, بضحك انتى عندك اهم حاجه الاكل
ملك : اله طبعا الناس تجرحك الاكل يريحك
قعدوا يضحكوا عليها
منى : يلا ي حبيبى ادخل غير هدوم وانا هحضر الاكل
بس إطلع بسرعه الحقلك حاجه من الأكل علشان ملك لما بتبقى جعانه ممكن تاكولنا معاها
ملك بزعل مصطنع زى الاطفال: انا ي ماما
الكل فى نفس واحد : ااه انتى
وبعدين قعدوا يضحكوا نسبهم بقى مع بعض شويه نروح عند مروه
مروه دخلت البيت عبير (أم مروه) حمدلله على سلامتك يا حبيبتى
مروه : الله يسلمك ي ماما
عبير: ادخلى غيرى هدومك لحد محضر السفره دا انا عملتلك صنيه مكرونه بالبشاميل علشان انتى بتحبيها
مروه بفرحه: تسلميلى ي ست الكل هدخل اغير هدومى واجى اساعدك مروه دخلت الاوضه وسرحت مع نفسها وكل تفكيرها فى احمد وبعدين فاقت على صوت سيف يلا ي بت يلى جوه جعان عاوز اكل
سيف اخو مروه عنده ٢٦ سنه فاتح شركه هو (وابوه معتز) وعمه هشام شريك معاهم فى أكبر شركة قماش فى مصر شعره اسمر عيونه عسلى فاتح زى مروه وطويل
مروه خلاص جيت اهو طلعت مروه ازيك ي بابا
معتز : الحمدلله ي حبيبه بابا انتى عامله ايه فى الكليه
مروه : الحمدلله
سيف: وانا كيس جوافه قاعد مفيش ازيك ي سيف
مروه : ازيك ي سيفود عامل ايه
سيف : ي شيخه ارحمينى قولنا بلاش الاسم ده
قعدوا يضحكوا
معتز: يلا بطلوا ضحك كلوا يلا
سيف ومروه : حاضر ي بابا
نرجع تانى لملك وأحمد
ملك :, دخلت اوضه احمد لقيته قاعد فى البلاكونه سرحان
ملك : سرحان فى ايه بتحب ولا ايه 😂😂
احمد : ضحك ااه بحب
ملك : ومين تعيسه الحظ بقى
احمد : الصراحه معجب بمروه صحبتك اول ما شوفتها حسيت بشعور غريب كإنه حب من اول نظره
ملك بخبث : بس مروه مخطوبه
احمد بحزن : يبقى مش نصيبى
ملك حست أنه زعل بهزر معاك مش مخطوبه ولا حاجه
احمد ابتسم
ملك : وانا اقول بتسأل عليها ليه اتاريك واقع. ي معلم
احمد : ضربها على رأسها بطلى استفزاز بقى
احمد : سرح تانى وبيفكر فى مروه وفى غمازتها اللى بانت وهى بتضحك وبعدين ابتسم
ملك : عاوز حاجه اروح انام انا بقى علشان الكليه الصبح
احمد : ربنا معاكى ي قلبى وباسها وراحت اوضتها
أما مروه هى كمان بتفكر فى احمد وبعدين عينيها راحت في النوم
اشرقت شمس يوم جديد على ابطالنا 🌞
عند مروه
عبير واقفه فى المطبخ بتعمل الفطار
سيف : صباح الخير يا. ست الكل
عبير : صباح النور ي حبيبى روح صحى اختك علشان الكليه
سيف بخبث: حاضر ي ماما
خد كوبايه مايه وراح عند اوضه مروه وكل كوبايه المايه فوق مروه
مروه اتنفضت وقامت تجرى من على السرير ايه ده ايه اللى جاب البحر هنا وسيف : يخربيتك هموت من كتر الضحك
مروه : بغضب ماااااااماااااا شوفى ابنك
سيف : جعوره
عبير : ي حبيبتى المفروض تكونى اتعودتى على اخوكى يلا علشان متتأخريش على ملك زى امبارح
مروه : حاضر
مروه : اتوضت وصليت ولبست دريس نبيتى وطرحه بيضه وكوتشى ابيض كانت طالعه فيه جميله ورقيقه جدا
وطلعت من الاوضه سيف : ايه الجمال ده
مروه : يوه بس بقى علشان بتكسف 😂😂😂
قعدوا يضحكوا
معتز: صباح الخير ي حبيبتى
مروه : صباح الورد والياسمين على عيونك الحلوين
عبير : يلا اقعدى أفطرى وبعدين مروه اكلت وقامت يلا عاوزين حاجه سلام
عبير: مع السلامه ي حبيبتى
معتز يلا ي سيف علشان عندنا اجتماع
سيف يلا ي بابا
عبير: لا إله إلا الله
معتز وسيف : محمد رسول الله
مروه: نزلت واتقابلت هى ملك
وأحمد كان معاها علشان يوصلهم أو بمعنى أصح يشوف مروه
احمد كان بيتكلم فى التليفون
ملك : شاورت لمروه وبعدين مروه جاتلها
ازيك ي ملوكه
ملك : الحمدلله ي ميرو ايه اخبارك
مروه : الحمدلله
احمد : اول لما سمع صوتها قفل التليفون واول لما شافها اتصدم..........😳
البارت الثاني
بقلم مروه النشار
احمد:اول لما سمع صوتها قفل التليفون واول ما شافها سرح فى رقتها وجمالها
مروه: ازيك ي احمد
احمد: فاق على صوتها الحمدلله ازيك ي مروه
مروه : تمام الحمدلله
ملك : لو السلام بتاعكوا خلص يلا نمشى بقى
احمد : يلا
وصلوا الكليه وملك ومروه نزلوا
احمد :ملك هبقى اجى اخدك لما تطلعى
ملك: ماشى ي روحى
اول لما دخلوا الكليه تقابلت عيون ملك ومصطفى
ملك كالعاده بصت بقرف وكذالك مصطفى وبعدين دخلوا المحاضره
والدكتور بدأ يشرح ومروه سرحت فى احمد وفى عيونه لما بصلها وبتفتكر كلامه ولمست أيده لما سلمت عليه
الدكتور انتى اللى هناك
ملك : انا لأ اللى جنبك
مروه : انا ااه قومى انا كنت بقول ايه
مروه : معلش والله ي دكتور كنت سرحانه
الدكتور: طب اتفضلى اطلعى برا
مروه : اخدت حاجتها وطلعت وملك طلعت وراها
ملك : كونتى سرحانه فى ايه بتحبى ولا ايه
مروه بتوتر : بحب ايه انتى عبيطه ده انا كنت بفكر ماما عامله غدا ايه انهارده 😂😂😂
ملك: مفجوعه
بس مروه من جواها زعلانه من الدكتور علشان زعقلها ومسكه دموعها بالعافيه ( ما احنا قولنا أن هى عيوطه) بس هى قالت كده علشان تغير الموضوع علشان متقعش بلسانها قدام ملك عن أحمد
ملك : وبعدين بقى كل شويه ننطرد من المحاضرة بسببك
مروه بحزن : معلش بقى ماكنش ليه لزوم تسيبى المحاضره ورايا
ملك: انت بتقول ايه ازاى اقعد فى المحاضره من غيرك ي جدع
مروه : ضحكت على طريقتها فى الكلام
وبعدين قعدوا يتمشوا فى الكليه لحد معاد الخروج
طلعوا لقوا احمد واقفلهم على باب الكليه
ملك : ازيك يسطاا
احمد : يسطااا ايه هو انا واقف مع سواق تكتك يلا ي ختى تعالى عاوز اشترى كام بدله كده علشان عندى صفقه مهمه لازم تكون شيك كده
ملك : يلا بينا
مروه : همشى أنا بقى سلام
احمد بسرعه: ممكن تيجى معانا معانا وبعدين ابقى اوصلك
مروه بإستغراب أنه عاوزها تروح معاهم بس فى نفس الوقت فرحانه احنا هتبقى هتقضى وقت معاه
مروه : لأ مش عاوزه اتعبك معايا
احمد: لا تعب ولا حاجه شوفى ي ملك صحبتك
ملك : تعالى ي ميرو مش هنتأخر
مروه بعد إلحاح شديد من ملك وأحمد ماشى بس مش هنتأخر علشان ماما
ملك : ماشى يلا
راحوا افخم واكبر مول
وقعدوا ينقوا وبعدين ملك بتقول لاحمد خد الاسود ديه هتبقى حلوه عليك
مروه بعدم انتباه : لأ الرصاصى ديه احلى
ملك بتبصلها بإستغراب هى واحمد
مروه انتبهت للى قالته : مروه بإحراج مش قصدى حاجه كنت بقول رأيى
احمد : علشان يغير الموضوع وميحرجهاش اكتر من كده انا عاوز اشرب قهوه ايه رأيكوا
ملك : ماشى تعالوا نشرب قهوه فى حته بيعده تعزمنى على نكته جديده وخلى الحساب على احمد😂😂
احمد بضحك : مكملتيش الاغنيه ليه
ملك : كنت عاوزنى اقول اخلى حساب الضحكه عليا علشان تمسك فى الكلمه ولا ايه
احمد قعد يضحك وصوت ضحكاته تعلى
ومروه : سرحانه فى صوت ضحكته وحسه أنها فى عالم تانى خالص
وبعدين احمد خد البدله الاسود والرصاصى كمان علشان ميحرجش مروه وبعدين راحوا شربوا قهوة فى حته بعيده 😂😂 وأحمد اللى حاسب فى الاخر بردوا 😂
وبعدين روح مروه وهو مروح فى الطريق هو وملك
احمد : ملك مش حسه أن مروه هى كمان معجبه بيا
ملك : والله ي احمد مش عارفه بس هى طول النهار سرحانه وكمان مش من عادتها أن هى تنقى هدوم مع حد بس نقت معاك انهارده
احمد: يبقى اللى فى دماغى صح
ملك : يارب اشوفك مبسوط ديما ي روحى
احمد : ايه عاوزين نفرح بيكى بقى ولا ايه رأيك أو بمعنى أصح عاوزين نخلص منك 😂😂 وقعد يضحك
ملك بغضب : قولت ١٠٠ مره مبحبش الارتباطات وبكره الرجاله علشان كلهم خاينين
احمد بفزع: اول تعلى صوتها عليه حبيبتى احنا نفسنا نفرح بيكى مش اكتر اديى لنفسك فرصه تانيه يمكن تلاقى حد يحبك بصدق
ملك : انا عارفه أن حظى وحش وانا جربت الموضوع ده قبل كده ومنفعش وطلعت فاشله فى الارتباطات
فلاش بااك
أصل ملك كانت بتحب واحد واتخطبوا حوالى سنه وبعدين فاجئه الشاب ده اختفى من حياتها وهى كانت بتحبه اوى اكتر من نفسها حتى وفضلت ترن عليه كتير تليفونه مغلق ومرنش عليها ولا مره وبعدين فقدت الامل أنه يرجع تانى وبعد الموضوع ده وهى عندها عقده من الارتباط والرجاله
نرجع تانى
احمد: خلاص على راحتك
وصلوا البيت وطلعوا
احمد : لقى يوسف قاعد مضايق
احمد : مالك ي بابا
يوسف : فى شويه مشاكل فى الشغل
احمد : خلاص مضيقش نفسك انا بكره هنزل الشركه وحاول احل المشاكل ديه
يوسف بفرحه : يااارب ي بنى
منى : يلا الاكل هيبرد وقعدوا اتغدوا وكل واحد دخل اوضته
احمد : جاله شوق يعرف مروه اكتر راح عند ملك ممكن اتكلم معاكى شويه
ملك ؛ عن مروه صح
احمد بإبتسامه: ي فاهمنى انت 😂😂
ملك : عاوز تعرف ايه
احمد : يعنى هى بتحب ايه بتكره أي عندها أخوات كده يعنى ؟
ملك :, ماشى ي سيدى
اولا هى عندها اخ واحد اسمه سيف فاتح شركه هو وباباه وعمه أكبر شركة قماش
وبتحب ديما اللمه والخروجات واكتر مكان بتحبه تقعد عند البحر
وبتكره الكلاب اوى وبتخاف منهم
احمد : اول لما سمع أنها بتخاف من الكلاب جات فى دماغه فكره شياطين
احمد: ماشى عاوزه حاجه كملى مذاكره بقى
ملك : بتاع مصلحتك سمعت اللى كنت عاوز تسمعه ومشيت مفيش اساعدك فى المذاكره لو مش فاهمه حاجه اشرحهالك
احمد : بتمثيل ااه ي جسمى ااه ي دماغى ااه ي رجلى مش قادر تعبان اوى
ملك : يخربيتك ده كله علشان قولتلك ذاكرلى روح ي شيخ ياارب تصبح على كوابيس 😂
احمد : وانتى من أهلها 😂
عند مروه سيف دخلها الأوضاع لقاها سرحانه دخل وراح قافل الباب جامد مروه اتفزعت : ايه ي حيواان مش تخبط الأول
سيف : خبط ومردتيش اعمل ايه يعنى
مروه : عاوز ايه
سيف : كنت عاوز أتكلم معاكى فى موضوع
مروه : ارغى
سيف : ارغى ماشى بقولك ايه متعرفينى على ملك صحبتك
مروه بصدمه : نععععععم لا ي حبيبى ملك مش من البنات اللى تصحبهم يوم ولا اتنين وتخلع
سيف : ايه بلاعه واتفتحت فى وشى لأ بتكلم بجد شدتنى من اول نظره
مروه: مينفعش
سيف : لييييه
مروه : أصل مروه عندها عقده من الرجاله وملهاش فى الارتباطات
سيف : عقده ايه
مروه : حكتله على كل حاجه
سيف:عرفينى بس عليها وانا هفكلها العقده متقلقيش
مروه: بصت لسيف
سيف بخوف : ايه هتقتلينى
مروه : برا ي سيف
سيف : مردش
مروه : سيييييييف
سيف :طلع يجرى برا الاوضه ايه البت المجنونه ديه صبرنى يااارب
(هو الصراحه مش هى لوحدها اللى مجنونه)
مروه : قعدت تفكر فى كلام سيف وأنه ممكن فعلا يحل العقده اللى عند ملك وبعدين اتنهدت ونامت
وفى صباح اليوم التالي
كان اجازه مروه وملك من الكليه
ملك : صباح الخير
عبير: صباح النور على البنور يجعل يومنا هنا وسرور لما تزقزق العصفور 😂😂
ملك : ايه ده ي ماما هو طفله
منى بضحك : طبعا انتى فى عينى طفله
ملك : اومال احمد وبابا فين
منى : راحوا الشركه الصبح بدرى علشان عندهم شغل
ملك : ربنا معاهم
بقولك ايه منى
منى : احترمى نفسك ي بت ايه منى ديه أسمى ماما
ملك : ولا تزعلى نفسك ي ست الكل بقولك ايه عاوزه انزل انا مروه انهارده اجازه حنروح النادى
منى : قولى لباباكى الاول
ملك :اكيد طبعا هيرضى هو عمره رفضلى طلب
منى: أما نشوف
ملك : حاضر حتصل عليه