بقلم رحمة ناجح
لوّن حياتك بألوان التفاؤل والسعادة والفرح، الحياة كلوحة تنتظر الألوان لتغدو أكثر
جمالاً، نولد ولوحة حياتنا بيضاء نقيّة، منا من يحولها إلى السواد
ومنا من يحافظ على نقائها و صفائها، إذا سمـاؤك يوماً تحجبت بالغيوم أغمض جفونك
تبصر خلف الغيوم نجوم، والأرض حولك إذا ما توشّحت بالثلوج، أغمض جفونك تبصر تحت الثلوج مروج، رغم وجود الشر هناك الخير، رغم وجود
المشاكل هناك الحلّ، رغم وجود الفشل هناك النجاح، رغم قسوة الواقع هناك زهرة أمل. أعشقك، وأخاف أن تنسى يوماً♥️🌼
عند حور في البيت.
حور. يا اهل الدار عايزه اقولكم حاجه.
احمد. خير مش بيجي منك غير المصايب.
حور. اسكت يالا.
محمد (والد حور). ايه يا حور في ايه.
حور. بس بقا يا ماما انتي وبابا أنا كان نفسي اسافر تركيا وانتو كنتوا مانعين.
محمد. وايه الجديد يا حور.
حور. بابا أنا جالي منحه دراسيه في تركيا والمفروض اسافر كمان ثلاث ايام.
محمد.بجد والله انتي جايه تقوليلي دلوقتي يا حور.
حور. والله يا بابا العيد قالي انهارده.
مامتها. وانتي مش هتسافري يا حور.
حور. ليه بس ياماما ده كان حلمي اني اسافر اكمل تعليم بره.
مامتها. انا معنديش بنات تسافر.
حور. يا ماما ارجوكي ده حلمي والله وهعرف أحافظ علي نفسي متخافيش بنتك كدها..
مامتها. القرار لابوكي يا حور.
حور. ايه يا بابا ارجوك وافق ده حلمي.
محمد. وانا مش هقف قدام حلمك يا بنتي وانا عارف انك هتعرفي تحافظي علي نفسك وتشيلي مسئوليه.
حور. ربنا يخليك ليا يا احلي اب في الدنيا.
محمد. بس بردو لازم مامتك توافق.
حور. مامتي حبيبتي هتوافق صح.
مامتها. لا يا حور مش هتبعدي عني.
حور. مش هبعد يا ماما كل يوم هكلمك فيديو متخفيش عليا.
مامتها. ربنا يوفقك يا بنتي.
حور. افهم انك وفقتي صح.
مامتها.صح.
حور. حبيبتي يا ماما يخليكي ليا يا قلبي.
احمد.الله الله وانا ماليش رأي.
حور. مش لازم خلاص هما وافقوا.
احمد بجديه. انا عوزك يا حور.
حور. احمد بقا جد انا قلقت اتفضل يا باشا مصر.
دخلت حور غرفتها.
احمد بشك. انتي هتسافري منحه بس صح.
حور. اه منحه بس.
احمد. مش مستريحلك يا حور.
حور. عيب عليك يا باشا.
عند چود.
چود. مامتي حبيبتي اللي هتسفرني.
مامتها. چود انا صدعت منك من ساعة ما جيتي وانتي مش مبطله.
چود. طب يرضيك يا بابا ماما مش راضيه اسافر.
باباها.بصي انا زهقت من زنك سافري يا چود وريحيني منك.
چود. عارفه انكم مش هتقدروا تعيشوا من غيري بس اعمل ايه بقا العلم.
مامتها. لا انتي فاهمه غلط انا مش عايزاكي تسافري عشان المواعين مين يغسلها.
چود.كده يا مامتي طب ايديك علي الفيزا بقا يا بابتي عشان هنزل المول اجيب حاجات للسفر.
باباها. وانتي هنا وانتي مسافره مفلساني.
چود. ربنا يخليني ليكوا.
عند عشق.
عشق.ماما هو فين بابا.
مامتها. قاعد في الصالون جوه.
عشق.طب تعالي عايزه اقولكم حاجه.
دخلوا الصالون.
عشق. بابا أنا جالي منحه دراسيه لتركيا وهسافر كمان ثلاث ايام.
مامتها. نعم تسافري ازاي وايه السرعه دي.
عشق. معلش يا ماما ده حلمي وانا عايزه اسافر.
باباها. سافري يا بنتي أنا واثق انك هتحققي حلمك وهتعتمدي علي نفسك..
عشق. ربنا يخليك ليا يا بابا حيث كده بقا ايدك علي الفيزا بتاعتك.
باباها بضحك. ماشي يا ستي بس بلاش طمع.
عشق. عيب عليك دا انا غلبانه خالص.
عند حور. تليفونها بيرن.
حور. ايه يا چود.
چود. بابا وافق يا حور انا فرحانه اوي.
عشق. وانا كمان بابا وافق واخدت الفيزا بتاعته.
حور. الله عليكي يا عشق طب عايزين نروح بكره المول عشان نجيب الحاجات بتاعت السفر.
عشق. تومام تصبحوا علي خير بقا احسن عايزه أنام.
حور. وانتي من اهل الجنه يا عشقي.
چود. سلاموز.
في الصباح في المول.
حور. كفايه انا تعبت ايه الف ده كله.
عشق. ايه يا حور مش بنجيب الحاجه.
چود. ابهاتنا هيموتونا ده احنا صرفنا كتير.
حور. فدانا يا باشا.
عشق. شكلك هتتشعلقي في الاخر.
حور بضحك. عيب عليكي..
چود. يلا اخر محل اهو هندخل وخلاص..
عند مراد في المستشفي.
عدي دخل علي مراد المكتب.
مراد. ايه يا عدي.
عدي. هي فين حور مجتش انهارده ليه.
مراد. حور هتسافر تركيا في منحه دراسيه.
عدي.اممممم ماشي انا خارج.
في المخابرات المصريه.
اللواء في التليفون. ايه يا فهد.
فهد.تحت امرك يا فندم.
اللواء. المهمه هتتنفذ خالي بالك وأجهز انتا والصياد والعنكبوت.
الفهد.احنا جاهزين يا فندم..
اللواء. وانا واثق فيكم
الفهد. شكراً علي ثقه حضرتك..
عند حور في البيت.
حور. ايه يا عشق يلا نجهز الشنطه بتاعتي وبعدين نبقا نروح عند كل واحده فيكم عشان نجهز شنطكم.
چود. ده لسه فاضل يومين.
حور. مع شان احنا باردين والله فلازم نجهز الحاجه قبلها.
چود. اقتنعت.
عشق. حور في زن في تليفونك من بدري عمال يبعت في رسايل.
حور. يا تري مين هيعبرني.
حور بصدمه. ده عدي.
عشق. انتي عرفتي منين .
حور. عادي رقموا معايا ده بيقولي كده تسافري من غير ما تقوليلي هو جاب رقمي منين.
عشق. اكيد جابه من ملف المستشفي يعني وبعدين انتي قولتيلي انك رنيتي عليه قبل كده.
حور. يعني أقوله ايه مش عارفه.
چود. قوليلوا جت فاجأه عادي يعني وهنسافر انا والبنات.
حور. تومام.
چود.ها قال ايه.
حور بصدمه. ده قالي تمام يا حوري.
عشق. طب ردي عليه.
حور.لا مش هرد..
عشق. ده مراد بيكلمني نهار اسوح وبيقولي كده يا عشقي متكلمنيش كل ده.
حور. هما بيجوا مره واحده كده.
عشق. مش هرد عليه هو كده كده انا مش بكلمه.
حور. جدعه يا بت.
چود. وانا اللي غيث الحيوان مكلمنيش.
حور. سيبك منه وبعدين الجميل مهتم ليه احنا وقعنا ولا ايه.
چود.من دي اللي تقع يا ماما عيب عليكي.
عشق. طب أنا همشي بقا وبكره ابقوا تعالوا ليه عشان نجهز الشنطه بتاعتي انا وچود.
حور.تومام سلاموز يا حب.
قدام بيت عشق نزلت من العربيه.
مراد. كده مترديش عليا لا زعلت.
عشق. عايز ايه يا مراد مش انا قولتلك صداقتنا انتهت.
مراد. جاي اتاسفلك واتفضلي ده مني

الهديه☝️☝️
عشق. ايه ده يا مراد أنا كده هتصالح يعني.
مراد. المفروض تتصالحي وانا اسف علي اللي حصل.
عشق. وانا اتصالحت خلاص.
مراد.طب ممكن اعزمك بكره.
عشق. مش هينفع انا مسافره تركيا في منحه دراسيه.
مراد. انتي هتسافري مع حور.
عشق. اه هسافر انا وحور وچود.
مراد. انتو بتعملوا كل حاجه مع بعض.
عشق. طبعاً بس المره دي جت صدفه يلا تصبح على خير بقا.
مراد . هتنامي بدري كده.
عشق. انا انام بدري لا طبعاً هطلع اقرأ روايه.
مراد. انتي مثقفه بقا.(مانتا متعرفش اللي فيها😂).
عشق بضحك. اه مثقفه جدآ.
مراد. طب يلا سلام وهاجي معاكي المطار عشان اوصلك علفكره..
عشق. تمام ..
بعد مرور يومين.
في المطار.
حور. كفايه عياط بقا يا ماما.
مامتها.يابنتي مش لازم تسافري.
چود. يا طنط الطياره هتمشي وتسبنا.
وفي نفس اللحظه لمحت غيث في المطار.
چود في عقلها. اكيد جاي يشوفني.
ولاكن ما لم تعرفه أنه مسافر.
عشق. ايه ده يا مراد ده غيث اهو.
مراد. اه غيث مسافر انجلترا.
چود. مسافر ايه يا خويا.
مراد.انجلترا يا ست چود.
چود في عقلها. اه يا يا حيوان والله لاعمل منك شورما ده حته اتعلم من صحبك جاي مع عشق وجبلها هديه من يومين ناس ليها حظوظ وناس ليها غيث.
حور. حساكي هتطلعي نار كمان شويه.
چود. ليه يعني أن شاء الله.
حور. علي ماما بردوو 😉.
عشق. طب الطياره هتمشي وتسبنا والله خلصي انتي وهي.
حور. متكلميش انتي بذات خليكي في مراد.
عشق. حاسه ان الواد هيموت من كلامك انتي وچود وبعدين يا ماما الحاجات دي قدرات.
حور. وانتي قدراتك عاليا.
عشق بضحك. جدآ.
واتجهوا الثلاثي المرح بعد السلامات والعياط من الأهالي الي الطياره.
حور قعدت جمب عشق.
المضيفه. لو سمحت مكانك مش هنا.
حور. دا ليه يعني.
المضيفه. مكانك ورا لو سمحت روحي مكانك.
حور. اووووووف.
عشق. اهدي يا قلبي متخافيش.
حور. انا بخاف من المرتفعات.
عشق. متقلقيش أن شاء الله خير.
وذهبت حور الي مكانها ثواني وتفاجات من الذي يجلس بجوارها.
حور. هو انتا.
عدي. لا عفريتي..
حور. انتا ازاي هنا.
عدي. رايح اتفسح عقبالك.
حور. بقولك ايه اقعد ساكت.
عدي. انتي خايفه ولا ايه.
حور. لا خالص مش خايفه هخاف من إيه.
عند عشق.ممكن اقعد جمبك.
عشق بصدمه. مرااد انتا ازاي هنا.
مراد. سمعت انك بتخافي من المرتفعات فقولت اجي اسعدك.
عشق.لا والله.
مراد.اه والله.
ملحوظه(مراد لما عرف هو وعدي أن عشق وحور مسافرين تركيا قرره يقدمه سافرهم عشان يسافروا معاهم ومعملوش اي رياكشن لما عرفوا بسافره عشان هيسفروا معاهم بس محدش فيهم قال للبنات)
عند چود. اه يا كلاب كل واحده قاعده جمب الكراش بتاعها وسيبني لوحدي وربنا صحاب
عره ثواني وانصدمت بشده من اللذي يجلس بجانبها.
چود بصوت عالي. ينهاري هو في كده.
مالك. نعم بتقولي حاجه.
چود.هااا لا .. مش ..بقو...ل حاجه.
مالك. اهدي بس هو أنا بخوف ولا ايه.
چود. لا خالص.
مالك.ومد أيده ليصافحها.انا مالك ودكتور.
چود.انا چود ودكتوره مستقبلاً.
مالك. ده ازاي ده.
چود.بص يا سيدي انا لسه بدرس في الطب.
مالك. تخصص ايه بقا.
چود.اطفال.
مالك. وانا كمان دكتور اطفال.
چود. الله عليك يا دكتور.
المضيفه يرجا ربط الأحزمة لأن الطياره سوف تقلع من المطار.
حور. ينهار فحلقي.
عدي. حور انتي عندك فوبيا مرتفعات صح.
حور. ماشاء الله عليك عرفتها لوحدك دي.
عدي. حته وانتي خايفه لسانك طويل.
حور. عدي بقولك ايه اسكت احسن لك عشان أنا مش طايقه نفسي وبتحاول تنظم نفسها.
عدي. مسك ايديها طب اهدي طيب.
حور. مسكت في أيدوا جامد جدا.
عند عشق. مرادانا خايفه.
مراد. اهدي بس يا عشقي.
عشق. لا يا عم الطياره ممكن تقع.
مراد.بضحك. ليه هي طياره ورق يا عشق وبعدين احنا خلاص في الجو.
عشق. في ايه يا خويا يالهوووووي.
مراد. يخربيتك هتفضحينا اسكتي ونامي بقا.
عشق. انتا بتسكتني يا مراد.
مراد بغمزه. لو عاوز اسكتك هسكتك بطريقتي.
عشق وقد فهمت ما يدور في باله. علفكره يا مراد انتا قليل الادب دا احنا لسه متصالحين حته.
مراد. هو انا مش قلتلك.
عشق. قلتلي ايه.
مراد. أن الاسف مكنش علي البوسه ده انا اتسفت لأنها جت من غير سابق انزار بس.
عشق ولقت تلونت وجنتيها بلحمره من وقاحته. مرااااد اسكت بقاااا.
مراد بضحك. خلاص يا طماطم سكت.
عند حور. وقد بدأت أن تهدأ ولاحظت أنها ماسكه ايد عدي بقوه لدرجه انها عورته... حور.انا اسفه علي أن عورت ايدك.
عدي. ولا يهمك خلاص مفيش حاجه المهم انك كويسه.
حور. الحمدلله كويسه.
وبعد ساعتان وربع تعلن الطائره وصلها الي مطار اسطنبول.
ونزلت البنات ومعها الشباب.
مالك. سلام بقا يا چود.
چود.سلام يا مالك.
حور. چود ده مين اللي معاكي ده يا عنيا.
چود. بقولك ايه انتو بذات تسكتوا انتو مش سبتوني وكل واحده فيكم وراحت قعدت جمب حبيبها.
حور. علفكره احنا مكناش نعرف انهم جايين وايه حبيبها دي.
چود.لا والله مكنتوش عارفين.
حور.لا مكناش عارفين وبلاش شغل العيال ده يا چود.
حور. هنمشي احنا بقا.
عدي. لا مينفعش احنا هنوصلكم.
حور. بلاش نتعبكم.
طب يلا.
مراد. ايه الڤيلا دي يا عشق دي جميله اوي
عشق. عيب عليك هو أنا اقعد في حته وحشه بردو.
مراد.يا شيخه اتلهي.
عدي. اشوفك بكره في المستشفي بقا يا حور.
حور. بكره مين يا عم انتا دا انا هنام للاسبوع الجاي.
عدي. بقولك بكره يا حور.
حور. اوووووف حاضر.
عدي. اه وانتي كمان يا چود هتدربي مع حور في المستشفي.
چود. انا ازاي.
عدي. انا قرات الملف بتاعك وعرفت انك شاطره في دراستك لو مكنتيش شاطره مكنتيش جيتي المنحه.
چود. شكراً لحضرتك يا استاذ عدي..
چود.مش يلا بقا انتي
وهي عشان نخش.
مراد. ما احنا واقفين اهو.
عشق. امشي يا عم شوف انتا رايح فين.
مراد. علفكره يا عشق القصر بتاعنا قريب منك يعني عشر دقائق بالعربيه نكون هناك.
حور. ايه يا عدي انتا ورايا ورايا.
عدي بضحك علي طريقتها. ومش هسيبك يا حور.
حور. أي دا انتا بتضحك زينا اهو.
چود.لا كده كتشير بقا قدامي انتي وهي سلام يا شوباب.
مراد.شوباب ينهاري دا انتي نكته.
وذهبوا الي قصرهم.
عند غيث مازال في الطياره لأن المسافه بين انجلترا ومصر خمس ساعات ونص عكس تركيا اللي هي ساعتين وربع.
غيث. اه يا چود.
وهناك سراع ما بين القلب والعقل.
قلبه. انتا حبيتها يا غيث.
عقله. لا محبتهاش ومش هحبها ولا هي ولا غيرها.
قلبه. بتحبها بس بتكابر.
غيث. انتي بقيتي خطر
عليا يا چود كويس أن بعدت عنك.
هو يظن أنه بعد عنها هل بالفعل بعد عنها أم للقدر رأي آخر.
وبعد وقت طويل الطياره تعلن وصلها الي مطار لندن اللي يسمع هيثرو.
ذهب غيث الي شقته لانه في مهمه سريه ويجب أن لا أحد يعلم وجوده في انجلترا
ولذلك أخذ طيارته الخاصه
انتهي اليوم وكل منهم يفكر في شيئ مختلف منهم ما يفكر كيف سينتقم ومنهم من
نام عاشقاً ومنهم من نام وهو يحاول أن يقنع نفسه أنه لا ولم يحب ولكن دائماً تأتي الرياح ما لم تشتهي السفن.
الفصل الخامس عشر
أما العتاب فهو اهتمام لا نفعله الا مع من نحب والذين لا نريد بقائهم فهم اقل شأنًا من ان نعاتبهم♥️🌼
تشرق الشمس وتعلن بداية يوم جديد.
عند حور.
حور. عشق قومي يلا انتي وچود.
عشق. ......
حور. انا ايه اللي رماني عليكم صحاب عره بصحيح.
چود. سمعاكي يا اثنا الخرتيت.
حور.صحي النوم يا باشا وبعدين مش عيب دكتوره حلوه زيك تقول انثا الخرتيت.
چود.بكل فخر لا مش عيب.
حور. طب اتلهي هنصحي الحاجه اللي جمبك دي ازاي.
چود. معرفش يا اخت ولا اقولك عندي فكره روحي عند ودنها وصوتي.
حور. عشان يطلعوا عليا جنازه الظهر.
چود. ولا لقيتك خايفه.
عشق. خلصتوا الهبل بتاعكم.
حور بصدمه. انتي صاحيه ازاي.
عشق.صاحيه من اول صحاب عره.
حور بضحك. ايه ده انتي سمعتي.
عشق. اه هي فعلاً صحبه عره.
چود. اه عشان سي مراد بتاعك بقا محدش عارف يكلمك.
عشق بفخر. احم احم مش بحب اتكلم عن نفسي كتير.
حور. طب يلا ياست چود عشان عم عدي مش بيحب التأخير.
چود. اوباااا دا انا نسيت.
عشق. وانا بقا هاروح فين طالما كل واحده فيكم راحه شغلها.
حور. تعالي معانا.
عشق. ليه هي مستشفى ابوكي هي.
حور. لا مستشفي قرة عيني.
چود بغمزه. اوباااا قرة عينك.
حور. ناس حقوده 😂.
واتجهت كل منهم الي غرفه الملابس.
واتجهوا الثلاثي الي المستشفي...
مراد. عشق هانم منورانا.
عشق. في مانع.
مراد. في موانع.
عشق. احم ايه الاحراج ده.
چود. هات الدكتور عشان يخيط.
عشق. انتي صاحبة مين فينا بظبط.
چود.انا مع اللعبه الحلوه.
حور. طب يلا يا چود عشان عدي ميزعقش.
ذاهبوا الي عدي في المكتب.
عدي. اتفضلوا.
چود. انا جيت حضرتك.
عدي. اه يا چود انتي هتدربي مع دكتور مالك.
چود. تمام يا دكتور.
عدي.طب اتفضلي في الدور الخامس.
چود. شكراً يا دكتور.
عدي.يلا يا حور عندنا عمليه.
حور.نعم عمليه ايه اللي من اول يوم دي.
عدي. هو بمزاجكك يا اتفضلي قدامي.
حور. بتذمر يشبه الاطفال. اوووووف حاضر.
عدي.ياخلاثي علي الصغنن لما يتعصب يا ناس.
حور. بحب كلمة صغنن اوي.
عدي بضحكه أظهرت غمازاته.عندك انفصام شخصية يا حور صح انتي مش كنتي زعلانه دلوقتي.
(كل شئ معاكي مختلف حتي ضحكتي )
حور بضحك. انا محدش يتوقعني أصلا وبعدين انتا بتضحك اهو...
عدي بغمزه.بضحك وبعمل حاجات تانيه...
حور. والله انك قليل الادب يا عدي.
عدي.قولي حاجه جديده وقرب منها ونظر داخل عينيها نظرت حور الي عدي لتري في عينه الكثير من المشاعر ا والقوه والحنان يغلفهم العشق فهذا هو العشق عندما يستطيع العاشق أن يفهم ما يجول في خاطر معشوقه دون الحديث فالعشاق لا يحتجون الي الكلمات يكفي أن يتواصلون بالغه العيون تكفي لهم
عدي بتوهان.عنيكي حلوه يا حور بتجذب الواحد ليها..
حور. احم ايه ده في ايه وفضلت تبص في كل مكان معاده هو.
عدي.انتي بتتهربي بعنيكي ليه وخرج من المكتب.
حور. ينهار فحلقي وفضلت واقفه .
عدي. هتفضلي واقفه كتير كده .
حور. يخربيتك وخرجت تجري من الأوضه.
عدي.مجنونه والله.
عند چود..
چود.Lütfen, Doktor Malik(لو سمحت حضرتك دكتور مالك).
مالك. Evet.
چود. ايه ده هو انتا دكتور مالك.
مالك. چود عامله ايه وبلاش دكتور دي.
چود. الحمدلله يا دكتور.
مالك. انتي تاني ما قولنا بلاش دكتور.
چود. والله احلي حاجه انك بتتكلم عربي مش لسه هتكلم تركي.
مالك. انتي مش كويسه في التركي ولا ايه.
چود.عيب عليك اقولك حاجه حته مراد بيك لا تتركني هيك.
مالك. يخرب عقلك يا چود ده مدبلچ شكلك بتتفرجي علي تركي مدبلچ كتير.
چود. دا انا كويسه جدا في التركي بس كنت بهزر معاك.
مالك. عارف انك بتهزري ويلا بقا نشتغل.
اتجهوا الي غرفه المرضى.
كام في طفله بتعيط چود رحتلها.
چود.Al-Sognun, neden(الصغنن بيعيط ليه).
الطفله. Enjeksiyon yapmak istemiyorum( مش عايزه اخد الحقنه).
چود. طلعت من شنتطها طوفي. Gideceksin Bu tofuyu alacaksın ve sana şırıngayı vereceğim ve seni hiç hissetmeyeceğim söz veriyorum ( هتخدي الطوفي الصغنن زيك ده وانا هديكي الحقنه ومش هتوجعك خالص اوعدك).
الطفله. Walker (ماشي).
وادتها الحقنه.
چود. Kalbimi incittin (وجعتك يا قلبي).
الطفله. Hayır çok tatlısın (لا انتي حلوه خالص).
الام.Teşekkürler doktor (شكرا ليكي يا دكتوره ).
چود. Hoşgeldin(لا شكر علي الواجب).
مالك. شاطره يا چود عرفتي تتصرفي مع الطفله.
چود.انا بحب الأطفال ومش بحبهم يعيطوا أو يكونوا خايفين.
مالك. انتي شبهم اصلا.
چود. شكراً.
عند عشق. ايه يا عم هتفضل ملففني وراك كده.
مراد. مش انتي اللي جايه المستشفي.
عشق. كان يوم اسود وبعدين انا ايه لزمتي امشي معاك قولي بس.
مراد. مزاجي كده.
ثم جات الممرضه.
الممرضه. Dr. Murad(دكتور مراد.)
عشق منصدمه من كتلة الجمال اللي قدامها يا نهار اسوح ايه العيون الزرقاء دي وايه الشعر الأصفر ده ايه البت دي يخربيتك.
مراد. راي في عين عشق الصدمه والانبهار وارد أن يعصبها.
مراد.Evet( نعم).
الممرضه. Dokuzuncu katta durumdaki bir doktor, raporuna ihtiyacın var.( دكتور في حاله في الدور التاسع محتاجه تقرير حضرتك).
مراد بابتسامه. Teşekkürler ve ofisi boşaltmaya devam edebilirsiniz.(شكراً وممكن تبقي تجيلي المكتب) وغمزاها
عشق. نهار اسوح انتا بتشقط البت وانا واقفه.
مراد. وده يضايقك في ايه.
عشق. ميضيقش في حاجه بس اعمل احترام ليا وكل ده بالغه العربيه والممرضه لا تفهم شئ.
مراد. يعني بزمتك وانا راضي زمتك القمر ده ميتعكسش.
عشق. ده كله صناعي يا بابا حته سوف شفايفها عملاهم فلير ورافعه حواجبها صناعي صناعي يعني ولا بص لابسه ايه لابسه مش لابسه اصلا.
مراد. لا انتي فاهمه غلط كل ده طبيعي اصل التركين بيبقوا قمرات كده وبعدين اللبس لايق فيها.
عشق. انتا جيبني تهزقني هنا انا ماشيه يا عم.
مراد. استني يا مجنونه وذهب خلفها.
عند غيث في انجلترا.
غيث. آلو ايه الاخبار.
م. غيث باشا چود كانت نازله من الطياره ومهاها شاب اسمه مالك الدمنهوري وكمان طلع هو الدكتور بتاعها في المستشفي بتاعت دكتور عدي.
غيث. تمام لو في اي حاجه تاني تقولي.
م. حاضر يا باشا..
غيث بغيره. اه يا حور اسيبك يومين تطلعيلي بواحد.
قلبه. مش انتا اللي سبتها استحمل بقا.
عقله. اه سبتها وكده انا مستريح.
قلبه. واضح فعلاً انك مستريح امال معين حارس عليها ليه يجبلك اخبارها وغيران ليه من مالك.
عقله. عادي مش غيره انا بس الحاجه بتاعتي محدش تاني يكلمها.
قلبه. ده تملك.
غيث. الله يخربيتك يا چود الكلب اخلص بس المهمه دي وافضيلك.
الحب المدفون غيث بيحب چود بس مش راضي يتصالح مع نفسه حتي ولا حتي يعرفها بحبه مش عارف انها ممكن تروح من ايديه هل سيعترف لها قبل فوات الاوان ولا للقدر رأي آخر.
في مكان آخر في مصر.
الرجل. غيث اختفي من مصر.
البوص. اكيد سافر.
الرجل. اكيد.
البوص. احنا لازم نسافر في اقرب وقت غيث لو وصل لحاجه احنا هنتكشف وده عامل زيي أبوه مش بيسيب الحاجه غير لما يكشفها بس أبوه كان مسيره الموت يا تري ابنه هيبقا ايه.
في ممرات المستشفي عند حور خبطت في واحده.
حور.Afedersiniz(اسفه).
ط. لا عادي ولا يهمك.
حور. ايه ده انتي مصريه.
ط. اه وانتي كمان مصريه انا بقالي خمس سنين مزرتش مصر وحشاني جوها واهلها جدا احنا لازم نبقا صحاب.
حور. ده يشرفني يا دكتوره.
ط. انا اسمي طيف دكتوره اطفال عندي ٢٦سنه وبقالي ثلاث سنين شغاله هنا في المستشفي.
حور. تشرفنا انا يا ستي حور عشرين سنة دكتوره مستقبلاً تخصص جراحه قسم قلب.
طيف. ده قسم القلب ده صعب اوي.
حور. اعمل ايه بقا بحبه.
طيف. وانا بحب الأطفال عشان كده اختارت قسم اطفال بردو.
Stop.
(فتاه في السادس وعشرين من عمرها عصبيه جدآ ولكن طيبه القلب وتسامح سريعاً
وتملك عينين جميلتين تجذب من ينظر إليها كانك نظرت إلي عسل
في صفائه مرحه حاده الطباع مع من لا تعرفهم شخصيه ومحجبه تملك من الطول ١٥٥سم اوزعه يعني ).
الفصل السادس عشر من هنا
لقراة باقي الفصول من هنا
