رواية غرام الاسد كامله جميع الفصول بقلم شروق محمد

رواية حكايات العاشقين

 الفصل الثاني والعشرون والثالث والعشرون

 بقلم رحمة ناجح

تظنين أنك نكرة لا قيمة لك، لا يا عزيزتي أنت قدوة لفتاة رأتك صدفة بطريق عابر ف تمنت لو تشبهك، و أمنية لشخص آخر، أنت دعوة في منتصف الليل مخبأة بقلب أحدهم، أنت المفضلة لدى صديقة، و الملاذ لأخرى، أنت فخر لأبيك و عكاز لأمك، أنت الأمان لأخوتك، أنت و بكل بساطتك تلك ستكملين نصف دين زوجك، أنت لست بنكرة أبدا، أنت جنة♥️

حور. والاجابه ايه بقا..

عدي. مش لما تقولي السوال الاول..

حور. مع اني عارفه انك عارف السوال بس هقوله احنا اتخطفنا ليه وايه علاقتنا بيكم.. 

عدي. اقدملك نسر المخابرات يبقا الظابط مراد....

مراد بفخر.ايوه انا...

غيث. ياشيخ اتلهي كمل يا عدي..

عدي. صقر الخابرات يبقا أنا وغيث كلكم عارفين أن هو ظابط اصلا..

چود. ده اللي هو ازاي يعني...

غيث.ايه مسمعتيش عن ظباط قبل كده..

چود. لا سمعت بس الإنسان بيبقا ليه شغل محدد مش ظابط ودكتور وشغال في ال Business..

مراد. الله واكبر ايه عينك ياما..

چود. مش عيب عليك تبقا ظبوطه كده وخايف من العين...

مراد. العين فلقت الحجر يا أختاه...

عدي.طب ايه طيب هتفضلوا باصين كتير كده..

عشق. طب بعيداً عن أن انتم ظباط احنا نتخطف ليه واحنا مالنا بيكم اصلا..

عدي. في أن هما فكروا أن احنا بنحبكم وقرروا يخطفوكم عشان تبقوا نقطه الضعف لينا...

حور بضحك. تحبونا احنا ده انا وانتا عالطول بنتخانق وغيث ياعيني چود مجنناه وهو مش ساكت ليها أما بقا الاتنين دول شويه عايشين حاله حب معاك وخداني أو ناقر ونقير.. 

كلهم ضحكوا علي اسلوب حور في الكلام..

حور. هو بيضحك اوي كده مكنتش اعرف..

عدي. علفكره حياتكم لسه في خطر.

عشق. هو احنا جايين نتعلم ولا نتخطف..

حور. مش انتو خلاص سجنتوهم..

عدي. سامر كان البوص اللي في مصر لسه في واحد في تركيا وغير اللي في المناطق المجاوره ليهم الشغل لسه هيبدا..

حور. ربنا يعينكم وترجعوا بلدكم منصورين يا رب...

عدي. الكلام ده المفروض ميتقلش لحد علفكره بس بعد اللي انتي عاملتيه مخلنيش اشك فيكم واحده في المئه...

عشق. وقبلها كنت بتشك يا خويا..

مراد. عايز اقولك أن غيث قال عليكم مافيا قبل كده..

چود. مين دول اللي مافيا يا خويا..

غيث. هو انتا مش بتحرم يا مراد..

چود. يعني البنات العسل الكيوت دي تبقا مافيا ازاي..

مراد. مش عارف انا قولت نفس الكلمه بردو..

عشق. هو انتا معاكم معاكم عليكم عليكم..

مراد. انا مع الفريق الكسبان..

حور. طب أنا هخرج امته..

عدي. لسه لما تخفي مش دلوقتي يا حور..

حور. انا مش بحب القاعده كده..

چود. اشهدلها الصراحه دي القرد بتاعنا..

حور. قرد لما ينططك ويخليني ساكته ماشي عشان لو اتكلمت هتزعلي..

چود. احم احم حاسه اني بتهزق سيكا..

عشق بضحك. اتاكدي بقا..

چود. خليكي انتي في وردك بس..

حور. ورد مين..

چود. الورد الاسود اللي هناك ده...

حور. ايه ده هو الورد الاسود ده مش ليا..

چود. ياختي اتنيلي هي عشق هتجبلك ورد بردو ده مراد جبهلها..

حور. اه يا كلب البحر يا عشق بس الله يسهلوا...

مراد. اهو النق ده اللي جيبنا ورا..

عدي.نفسي اعرف ايه اللغه بتاعت سواقين التكاتك دي..

حور. معلش بقا تعالي علي نفسك شويه...

عدي. طب نستاذن احنا..

مراد. احنا مين استاذنوا انتو انا قاعد شويه..

عدي. قدامي يا مراااد..

مراد. طب استأذن انا عشان الجو اتاخر..

عشق. ناس متجيش غير بالعين الحمره..

مراد. يا شيخه اتلهمي هو حد يقدر يقف في وشه...

عدي. ياريت يكون خلصنا يا مراد..

مراد. احم يالا يا صقر..

بعد خروج الشباب من الغرفه...

چود. دول طلعوا ظباط..

حور. اه ربنا يعنهم..

عشق. مامتك اتصلت بيكي وانتي في العنايه وانا قولتلها انك نايمه عشان متتعبش..

حور. ماشي يا قلبي انا هكلمها انهارده..

چود. نفسي اعرف ازاي واحد زيي دكتور سامر يطلع شغال في مافيا...

حور. اللي زي ده تتوقعي منه اي حاجه يالا حسبي الله ونعم الوكيل فيه...

عشق. اه خد الشر وراح...

حور. طب حد فيكم جاب هدوم ليا..

عشق. انا جبتلك بس مش هينفع تاخدي دوش عشان الجرح..

حور. لا ما هو أنا عايزه اخد دوش من الدم والحاجات دي..

عشق. مش دلوقتي عشان الجرح..

حور بضحك. علم وينفذ يا فندم..

حور. بس انا سمعت انك عاملتي شغل جامد..

عشق. عيب عليكي دا انا كنت بضرب ولا حد يهمني..

حور. ياختي مكنتيش اتخطفتي..

عشق.احم ايه الاحراج ده وبعدين مانتي اتخطفتي بردو..

حور. مش انا كنت حاسه ان الغدا ده مش حقيقي...

عشق. ياختي انتي لو عدي كان جبلك الورد ده والله ماكنتي هتشكي...

حور بضحك. اقنعتيني...

عشق. عيب عليكي...

عند الشباب في المكتب..

غيث. انتا ليه قولتلهم..

عدي. انا واثق أن هما مش هيشكلوا خطر علينا هي في حاجه حوليهم بس متاكد أن هما عمرهم ما هيحصل خيانه منهم...

غيث. اول مره اشوفك بتثق في حد كده..

عدي. اللي يضحي بعمره عشانك يبقا يستاهل الثقه..

غيث. شكلنا وقعنا يا صقر..

عدي. زيي ما انتا وقعت في چود بالظبط..

غيث. چود متهمنيش..

عدي. من نظرتك ليها حابب اقولك انك بتحبها وانتا بتضحك علي نفسك عشان اللي حصلك بس ياريت تفوق قبل فوات الاوان..

غيث. انتا اللي بتقول كده..

عدي.  انا عارف اني كنت بكرهه البنات بسبب مشاكلهم التافهه والسهوكه بتاعتهم بس اكتشفت أن بحب حور لما كانت بين أيدي والدم بتاعها علي ايدي اكتشفت أن الحياه ممكن تنتهي في لحظه طب ليه مانعبرش عن اللي جوانا ما ممكن اللي بتحبه يحصله حاجه ومتلحقش تعبر عن حبك ليه وهتفضل عايش طول حياتك ندمان علي اللي حصل أو يمكن انتا يحصلك حاجه ليه مانعبرش عن اللي جوانا....

مراد. لا بجد شابو لحور أنها خلت الصقر بذات نفسه يقول الكلام ده احنا نرفعلها القبعه بقا..

عدي. وانتا كمان بتكلم عشق وبتقول عليها صداقه عايز اقولك أن نظرتك لعشق ملهاش اي حاجه ليها علاقه بالصداقه نظرتك وانتا خايف عليها لما اتخطفت ولما كانت بتعيط انتا مشفتش نظرتك ليها عامله ازاي... 

مراد. بقولك ايه انا مستريح كده وبعدين أنا مستني القائد بتاعي هو اللي يعترف الاول..

عدي. قريب المهمه دي بس تنتهي...

غيث. بمنتهي السهوله تلات بنات يوقعوا الوحوش في حبهم...

مراد. دون ادني مجهود منهم بكل تلقائية منهم وعفويتهم...

عدي. لازم نروح اللواء دلوقتي..

غيث. المفروض احنا سبنا المهمه لما حور اتصابت ومتكلمناش معاه..

مراد. طب يالا..

عدي. البنات يتحطوا تحت حراسه عشان لسه في خطر عليهم وبذات بعد ماتم القبض علي سامر المافيا هتتقلب عليه...

غيث. تمام بس ياريت ميعرفوش..

مراد. ليه..

غيث. عشان اللي زيهم مش هيقبوا ان حد يمشي وراهم هيقولوا احنا هنعرف نحمي نفسنا..

عدي. تمام حراسه وميعرفوش بيها..

في غرفه اللواء..

اللواء. براڤو عليكم يا وحوش كنت عارف انكم قدها..

الشباب. كل بتوجهاتك يا سيادة اللواء...

اللواء. حور عامله ايه دلوقتي..

عدي. كويسه يافندم..

اللواء. طبعاً بعد ما تم القبض علي سامر المافيا كلها هتتقلب...

غيث. عارفين طبعاً يا فندم..

اللواء. المطلوب أن تامنوا علي نفسكم وعلي البنات عشان هيبقا في خطر عليهم...

مراد. احنا هنحطهم تحت حراسه يا فندم..

اللواء. تمام وشدوا حلكم عشان الشغل هيبدا.

الشباب. تحت امرك يا فندم ومتقلقش علينا..

اللواء. ومجهزلكم مفاجاه..

عدي. مفاجاه ايه.

اللواء. كل حاجه في وقتها ياعدي.. 

عدي. تمام يا فندم....

اما بقا عند طيف..

طيف. دكتور مالك..

مالك. نعم..

طيف. انا سمعت أن حور تعبانه..

مالك. حور مين.

طيف. حور صاحبة چود..

مالك. اه.

طيف ببعض الغيره لانه افتكر چود سريعاً. اه هي دي بقا تعالي نروح نشوفها..

مالك. تمام يالا يا دكتوره..

واتجه الي غرفه حور..

طيف. ممكن ادخل..

حور. اتفضلي يا طيف..

طيف. ياريت يا عشق تكوني طيقاني عن المره اللي فاتت...

عشق بضحك. خلاص يا ستي انتي اللي كنتي جايه في وقت غلط..

طيف. طب الوقت ده صح..

عشق. اه صح اقعدي بقا..

مالك. الف سلامه عليكي يا حور..

حور. الله يا سلمك يا دكتور مالك..

چود. اتفضل اقعد..

مالك. انتي لسه فكراني..

چود بضحك. والله مكنتش بلعب يعني دا انا كنت مخطوفه ياعم...

مالك بستغراب. مخطوفه..

چود وأدركت ما تفوهت به. قصدي يعني مشغوله ما مخطوفه مشغوله زي بعض الاتنين بيدلوا علي انك مش فاضي..

مالك. مصطلحاتك غريبه يا چود.

چود. احم احم معلش بحب ابقا مختلفة عن الاخرون...

طيف. اختلف براحتك باشا..

مالك. طب مش يالا احنا عشان حور اكيد تعبانه..

طيف. يالا عن اذنكم بقاا..

حور. ما انتو قاعدين شويا..

طيف. معلش وقت تاني بقاا..

خرجت طيف وبعديها مالك..

غيث. شاف مالك وهو خارج من غرفه حور شيطانين الدنيا بقت في وشه لما تخيل أنه اتكلم مع چود وضحك معاها اتجه الي الغرفه وخبط..

غيث. عايزك يا چود بره..

چود. تمام..

البارت الثالث وعشرون من رواية حكايات العاشقين

الأفعال هي التي تؤكد صدق المحبة أما الكلام فالجميع فلاسفة👌♥️

چود. نعم يا غيث..

غيث بعصبيه. الزفت ده بيعمل ايه جوه..

چود ببراءة. زفت مين..

غيث. چود متعصبنيش مالك ده بيعمل ايه جوه..

چود اتعصبت من طريقه كلامه. غيث انتا بتكلمني كده ليه..

غيث. صوتك..

چود. غيث انتا عايز ايه انتا مناديلي عشان تزعق..

غيث.سوالي واضح مالك كان بيعمل ايه جوه..

چود ببرود. مالكش دعوه يا غيث..

غيث. لا ليا..

چود. ليك بإمارة ايه اصلا وانتا مالك بيا..

غيث. مالي اني بحبك يا چود مش عارف امته وازاي بس انا اول مره افتح قلبي لحد حبيتك مش عارف ليه انتي بس بحس لما بتقفي مع مالك وتضحكي بحس في نار في قلبي ببقا عايز اموته عشان ضحكك چود انا اناني في حبي الحب عندي يعني حب تملك تبقي ليا انا وبس محدش يشاركني فيكي....

چود في حاله من الصدمه..

غيث. لا الحاله دي هتبقى كتير كده انا عارف انك مصدومه ولازم اكمل الصدمه وطبع قبله علي خدها ومشي..

چود. هو اللي حصل ده حقيقي ولا بجد وفضلت واقفه شويه حلوين...

عند حور..

عشق. هي چود اتاخرت ليه..

حور. روحي شوفيها..

عشق. تومام..

عشق. چود انتي واقفه كده ليه...

چود. لا رد...

عشق. سحبتها ودخلتها الاوضه..

حور بضحك. انتي سحباها كده ليه...

عشق. مش عارفه خرجت لقتها قاطعه مايه ونور روحت سحباها كده..

حور بضحك. چود يا حبيبتي مالك..

چود. لا رد..

حور. دي في حاله من الصدمه كده..

عشق. هنفوقها ازاي..

حور. ممكن نسبها تفوق لوحدها او احنا نعمل حاجه..

عشق. فهمتك..

حور. احبك وانتي فهماني كده..

راحت عشق وجابت كوب من الماء ورمته علي چود..

چود.. ايه ده في ايه..

حور. انتي اللي في ايه...

چود. اعترفلي..

عشق. لا الله الا الله هو مين اللي اعترف يابنتي..

چود. اعترف...

حور. اللهم صبرني مين اللي اتزفت اعترف..

چود. غيث قالي انو بيحبني..

حور. نننننعم ياختي ده اللي هو ازاي..

عشق. هل الكلام ده حقيقي..

چود. معرفش قالي أنه بيحبني وسابني ومشي..

عشق. علي راي المثل يا ما تحت السواهي دواهي يعني من ساعة ما جينا وانتو في خناق متكلمتوش خمس دقائق علي بعض وفي الاخر يقولك بحبك..

چود. معرفش انا مصدومه والله..

حور. وانتي يا چود ايه..

چود. ايه مش فاهمه...

حور. انتي بتحبيه..

چود. يعني..

حور. مش بهزر بتحبيه ولا لا..

چود. اوووف بحبه..

حور. مش هينفع وانتي عارفه ليه مش هينفع...

چود بحزن. عارفه ده اللي مزعلني..

عشق. يبقا متدهوش رد دلوقتي غير لما نخلص من الموضوع ده محدش عارف ردت فعلهم هتبقا ايه..

ياتري ايه الحاجه اللي مزعله چود ؟؟...

عند الشباب..

عدي. انتا فرحان كده ليه يا غيث..

غيث. ايه مفرحش يعني..

مراد. الموضوع في حاجه..

غيث. انا اعترفت لچود اني بحبها..

مراد. ايه اللي غير رايك كده..

غيث. كلام عدي اثر فيا ولما شوفتها مع مالك اتجننت ولقيت نفسي بقولها بحبك..

مراد. وهي قالتلك ايه..

غيث. اتصدمت ومتكلمتش..

عدي. اكيد هتتصدم ما هو مش من يوم وليله كده هتقولها بحبك وغير انكم يعتبر كنتوا عالطول في خناق وفجاه تقولها بحبك اكيد هتتصدم....

بعد مرور خمس ايام يوم خروج حور بعد إلحاح شديد منها علي عدي لأنها لا تحب قاعدة المستشفي وكانت چود بتتجاهل غيث كانوا مش موجود وده كام مجنن غيث  و للحظه ندم أنه اعترفلها فكر أنها كده مش عايزاه في حياتها ولكنه لا يعرف حبها له وعشق كانت ناقر ونقير هي ومراد كالعاده وطيف ومالك قربوا من بعض اكتر بقا يعتبر كل يوم بيتكلموا وحتي لما بيروحوا بيفضلوا يتكلموا في الفون...

عند حور في الغرفه..

حور. رتبوا الحاجه حلو منك ليها..

عشق.انتي بتردهالي يعني..

حور بضحك. حصل..

چود. وانا زنبي ايه طيب وانا مالي يا لمبي..

حور. زنبك انك صحبتها..

چود. مين دي انا ولا اعرفها اصلا..

عشق. اه يا كلب البحر والله صحاب عرر...

حور و چود. شكراً يا باشا...

طيف. ممكن ادخل..

حور. ايه ده دي مؤدبه..

طيف بضحك. جدآ...

حور. حاسه ان بقا في حب من ورايا..

عشق. حاسه انكم صحاب من عشر سنين...

حور. انا انسانه اجتماعيه يا ستي واتحب...

طيف. بصراحه تتحبي جدآ..

عشق. ايه ده اول مره اشوف طبله بتتكلم..

حور. بت سبيها في حالها خليني اشوف اخر الاخبار قوليلي بقا يا طيف في ايه انتي ومالك...

طيف. مفيش حاجه..

چود. ياستي قولي..

طيف. هو مش انتي بتحبي مالك..

چود. بضحك. احب مين مالك صديق ليا..

طيف بفرحه. بجد والله...

حور. ايه الفرحه دي اعترفي انا بقولك اهو..

طيف. تقدري تقولي اعجاب بالمظهر وبشخصيته عادي يعني..

حور بغمزه. بس كده يعني مش حب..

طيف. لا استريحي ياختي مش حب..

حور بضحك. لما نشوف اخرتها ايه  ما هو بيبقا في الاول اعجاب وبعدين بيتحول لحاله حب معاك وخداني...

طيف. متقلقيش ثقي فيا...

حور. واثقه ياختي ويالا انتي وهي خلصوا عايزه امشي بقا...

عشق. خلاص يا بت متوجعيش دماغي..

حور. احم حاسه اني بتهزق سيكا..

چود بضحك. اتاكدي ياختي..

دخل عليهم الشباب..

عدي. انتي عناديه اوي يا حور صممتي انك تمشي بردو..

حور. ياعم أنا مش بحب القاعده دي مش من قاموسي..

عدي. علي راحتك بس اعملي حسابك انك مش هتيجي المستشفى الكام يوم دول...

چود. انتا فاكر يعني أنها كده هتستريح تبقا مش عارف حور..

عدي. لو اتحركتي يا حور انتي حره انا بقولك اهو..

حور. خلاص ياعم هدي اعضائك.

عدي. صبرني يارب..

حور. متقلقش هيصبرك..

غيث. كان هيتجنن عشان چود مش بتكلمه..

عشق. احنا خلصنا..

حور. طب يالا نمشي...

مراد. هوصلكم..

عشق. مالوش داعي العربيه تحت..

مراد. مينفعش لازم اوصلكم..

عشق. انتا حر ياعم..

اتجهت البنات ومعهم مراد الي العربيه..

عند عدي في المكتب..

عدي. مالك يا غيث..

غيث. هتجنن من ساعة ما قولتلها بحبك وهي متجهلاني أكن مش موجود معاها نهائي...

عدي. يمكن مش مستوعبه الكلمه.

غيث. ليه هي طفله في حاجه مخليها تبعد كده ولازم اعرف...

عدي. بس بلاش تهور يا غيث..

غيث. كنت بتحسدني علي برود اعصابي اهي جت اللي جننتني..

عدي. والله لقيت اللي يوقعك يا وحش..

غيث. واقعه سوده والله...

عدي. بضحك. هحصلك قريب..

غيث. اه بس بسرعه عايز اشمت فيك بقا..

عدي. واطي اوي..

قدام ڤيلا البنات..

حور. شكراً علي التوصيله يا مراد..

مراد. العفوا..

ودخلت چود وحور الڤيلا...

مراد. مفيش شكراً..

عشق. علي ايه..

مراد. برودك ده هيشلني قريب..

عشق بضحك. بعد الشر عليك يا بيبي..

مراد. والله اللي مصبرني ضحكتك وزي ما بيقولوا نظرة عُيونك إحتلت قلبي وفكري..

عشق. احم ايه الاحراج ده مش متعوده عليك رومنسي...

مراد. انا بنسبالك ايه يا عشق..

عشق. ايه يا عم انتا شارب حاجه ولا ايه.

مراد. مش بهزر..

عشق. قولي ايه الصنف بس..

مراد. بجد يا عشق انا بنسبالك ايه..

عشق بتوتر. صديقي عادي يعني..

مراد. بس كده..

عشق. هو في ايه يا مراد..

مراد. مفيش متخديش في بالك..

عشق. طب أنا بنسبالك ايه يعني..

مراد. اخت ليا..

عشق بضحك.اختشك بعد كل ده اختشك...

مراد. مش بتتكلمي خمس دقائق علي بجد جد ...

عشق. ياعم استغفرالله مليش في المحرمات دي ويالا سلام انا هدخل للبنات...

مراد. سلام..

ذهب مراد الي القصر الخاص بهم واتجه الي غرفته...

لقد دخلتي حياتي وأحببتك بتفاصيلك التافهة وبحالاتك الجنونيه وتقلب مزاجك، ولم أتوقع بأنني سأتعلق بك إلى هذا الحد وأن سعادتي ويومي لا يكتمل إلا بوجودك....

ده كان اخر حاجه كتبها مراد في مزكراته.

مراد. مش عارف عملتيلي ايه ياعشق شكل عدي كان عنده حق لما قال إن دي مش صداقه حبيتك يا عشق مش عارف ازاي انا اللي محدش قدر يخلي قلبي يدق جيتي انتي وبكل سهوله وخلتيه ملك ليكي وفي الاخر بتقوليلي صديق..

قلبه. مانتا قولتلها أنها اختك..

عقله. كان رد علي كلمتها..

قلبه. هي مستنياك انتا اللي تعترف..

عقله. طب ماهي لو في قلبها حاجه ليا كانت قالت..

مراد. انا مش هقرر غلطت غيث واروح اقولها وتبعد عني مش هقدر استحمل بعدها يومي مش بيكمل إلا بيها الله يخربيتك يا عشق وعلي اليوم اللي شوفتك فيه انتي ازاي خلتيني احبك....

عند البنات..

حور. اتاخرتي كده ليه...

عشق. مراد سألني سوال غريب اوي..

حور. ايه هو.

عشق. بيقولي انا بالنسبالك ايه..

حور. وانتي قولتي ايه..

عشق. قولتله صديق..

حور. مراد كان قصده انك بتحبيه ولا لا..

عشق. ازاي..

حور. السوال ده ميجيش من صديق ابدا...

عشق. وهنعمل ايه الموضوع بقا خطر..

حور. لازم نروح انهارده..

چود. انتي تعبانه يا حور..

حور. انا كويسه مش تعبانه...

عشق. خليها يوم تاني طيب...

حور. لازم انهارده انا هقوم البس مينفعش يحبونا

            الفصل الرابع والعشرون من هنا

لقراة باقي الفصول من هنا

تعديل المقال