رواية حته مني
الحلقة الحادية عشر والثانية عشر والثالثة عشر
بقلم سهيله سعيد
... الحلقة الحادية عشر
( الناس تطلب الاسعاف .. يوصل جنى وكريم المستشفى .. كل واحد يدخل مكان .. يوصل اهل كريم وجدة جنى وصحابهم عشان يطمنوا عليهم .. تفوق جنى ويظبطولها سكرها )
الجدة ... عاملة ايه يا حبيبتى ؟
جنى ... الحمد لله .. رودى ؟
رودي ... نعم ؟
جنى ... فين كريم ؟
( رودي تبص لغادة )
غادة ... هو هنا في المستشفى بس كويس متقلقيش
جنى ... انا عاوزة اروحله
( تقوم جنى تسندها غادة ورودى ويودوها عند كريم .. صحاب كريم واهله واقفين برة والدكتور جوة بيكشف .. تقف جنى ع جنب في اخر الممر .. يطلع الدكتور )
الاب ... عامل ايه يا دكتور ؟
الدكتور ... مافيش فايدة ✋
ايمن ... هو ايه الي مافيش فايدة ؟
الدكتور ... الورم بيكبر العلاج مافيش منوا فايدة
ايمن ... هو حضر غير جلسة واحدة !!!
الدكتور ... جلسة واحدة مع العلاج الجانبي المفروض كان يقل الورم او حتى يفضل زى مهو لكن يكبر بالسرعة دى يبقا العلاج مافيش منوا نتيجة واتوقعوا الاسوء
الاب ... طب والحل يا دكتور ؟
الدكتور ... هنوقف العلاج مافيش منوا نتيجة
ايمن ... وبعدين ؟
الدكتور ...انا مش هالف وادور .. اتقبلوا فكرة موتوا في اى لحظة
( تسمع جنى كلام الدكتور تقع في الارض مش قادرة تقف تسندها غادة ورودى يودوها الاوضة .. تقعد معاها غادة وترجع رودى عند كريم .. صحاب كريم قاعدين حواليه زعلانين ومدمعين )
كريم ... في ايه الله يحرقكم جايين تنكدوا عليا انا لسة مامتش .. قاعد ع قلبكم
( رودى ماسكة ايد كريم .. يقرب كريم عليها )
كريم ... رودي شوفي جنى
رودى ... حاضر
كريم ... استنى .. متقوللهاش حاجة
رودي ... عرفت 😒
( يدخل الدكتور )
الدكتور ... يلا قوم روح يا كريم
كريم ... اوك
( تروح رودى ل جنى تلاقيها مشيت من المستشفى .. يروح كريم وهو طالع من المستشفى يلاقيها راكبة تاكسي مع جدتها .. تعدى من قدامه وعينها مليانة دموع تضير وشها وتبص قدامها )
ايمن ... يلا يا كريم ؟
( يمشي كريم يروح بيته .. يتصل ب جنى مبتردش .. جنى قدامها الموبايل عمال يرن عملاه صامت .. جنى قاعدة وماسكة البوم صورها مع كريم وعمالة تعيط .. تنام جنى وينام كريم .. يطلع الصبح .. مافيش حد فيهم بيروح المدرسة .. المدرسة فيها جو من الكابة مش عشان عدم وجود كريم وجنى لا عشان عدم وجود الفرحة ع وجوه الناس من بعد اما سمعوا خبر فراق محتمل لاعز صحابهم في اي وقت .. تمر الايام .. مازالت جنى مش بتخرج من البيت ولا بترد ع تليفونات .. تزورها غادة ورودى )
غادة ... ايه يابنتى محدش شايفك
( جنى نايمة ع السرير لكن مفتحة عينها .. تقوم تقعد )
رودى ... ايه يا جوجو مش تفكك من الجو دة بقا
( جنى تبص ل رودى )
جنى ... بحاول
غادة ... مش بتردي ع حد فينا ليه ولا ع كريم حتى ولا بتيجى المدرسة !!!
رودي ... جنى احنا عارفين ان الفترة دي صعبة عليكي بس كريم محتاجك جنبه
( تتفتح جنى في العياط )
جنى ... وانا مين هايبقى جنبي لما هو يمشي .. مين يا رودى .. مافيش حد في الدنيا دي محتاجة قدي بس صعب مش هاقدر ابقى جنبه وانا عارفة هيسيبنى فى اى لحظة .. انا مكسورة في قربه مكسورة عشان عارفة انوا فراقه قريب مني اوى .. معدتش هاستحمل وجوده جنبي وانا كل تفكيري في فراقه 😖
غادة ... يا جنى كلنا جنبك
جنى ... بس انا محتجاه هو .. هو يا غادة
رودي ... مهو كمان محتجلك وانتى سيباه لوحده
جنى ... خايفة
رودى ... من ايه ؟
جنى ... من لحظه الفراق .. حاسه انها هاتبقا ع ايدي وانا مش عاوزة كدة .. انا ممكن اروح فيها ومعنديش مانع بس قبليه مش بعديه .. انا خايفة اعيش موجوعة لان عمري مهاقدر احب غيره ولا حتى افكر في الحياه بعده .. من بعده معنديش حبايب .. مافيش حياه بعده 😣
( رودى وغادة مش عارفين يقولوا ايه لجنى .. تعيط جنى وتترمي في حضن رودى ويعيطوا هما كمان .. يخلص اليوم ويطلع الصبح وتعدى الايام .. تروح جنى المدرسة .. كريم مش بيروح .. تبدء حصة الموسيقى .. جنى متعودة تغنى اغانى كوميدية هى وكريم فيها ويهزروا او تغنى هى لوحدها عشان صوتها حلو )
المدرسة ... فين جنى يابنات ؟
( يشاوروا ع جنى )
المدرسة ... ايه مقعدك ورا كدة ؟
جنى ... عادى 😒
المدرسة ... طب يلا قومى
( جنى قاعدة مبتردش تسرح )
المدرسة ... جنى ؟
جنى ... هه .. ايوة
المدرسة ... يلا قومى بس شوفلنا اغنية جدية شوية مش زى هبل المرة الي فاتت
( تطلع جنى تقف .. عينها تدمع .. تبتدي تغنى وتزيد في العياط في كوبليه .. )
جنى ... مبنحسش بقيمة الحاجة الا لما تروح .. وكان في صوت بيصرخ فينا واحنا مبنسمعش .. ونندم ع الي ضاعه وراحوا وقلبنا مجروح .. ياريت الوقت يرجع بينا .. بس مبيرجعش .. زمان كانوا هنا بينا وحوالينا واللقا مسموح .. ودلوقتى .. ومهما بكينا .. اللقا مينفعش 😖
( الفصل كلوا يعيط ع عياطها والمدرسة تقوم تاخدها في حضنها وتدمع .. يطلع الفصل كلوا يهديها ويطمنها ويمسح دموعها .. وهى مش مبطلة عياط .. كانت اخر حصة .. يرن جرس نهاية اليوم )
المدرسة ... يلا كلوا ع تحت
( ينزل الكل يروح .. تمسك المدرسة ايد جنى وتنزل معاها تروحها ع سكتها .. ييجى الليل .. جدة جنى مش موجودة متعودة في الوقت دة تسافر مصر عند اختها .. مافيش حد في الفيلا غير جنى والشغالة .. جنى قاعدة في اوضتها بتزاكر .. ابو كريم بيتكلم في الموبايل )
ابو كريم ... متشكر جدا يا معتز .. هاخلي ايمن يخلص الاجراءات انهاردة ومن بكرة هانكون عندك
( كريم قاعد في اوضته واقف في البلكونة .. يدخل ابوه )
الاب ... جهز نفسك هتسافر بكرة
كريم ... اسافر فين ؟
الاب ... المانيا
كريم ... هاعمل ايه هناك ؟
الاب ... كلمت واحد صاحبي في المانيا وبيقول في دكتور كويس هناك يقدر يعالجك
كريم ... تانى .. مش عاوز علاج تانى انا خلاص لسة هاعيد من الاول مالدكتور قالك مافيش نتيجة 😒
الاب ... نفذ الي بقولهولك ومالكش دعوة
( يخبط باب بيت جنى .. تفتح الشغالة )
الشغالة ... ايوة ؟
( يدخل عمر ويزق الشغالة برة .. تخبط ع الباب وتزعق .. يطلع عمر يدور ع جنى .. جنى تسمع صوت الباب بيرن كتير .. تقوم جنى .. لسة هاتنزل السلم تلاقي عمر جاى عليها .. تتخض من منظره المتعصب )
جنى : عمر 😯
الحلقة الثانية عشر
( كريم قاعد مع رودي في كافيه )
كريم ... يعنى انتى بتشوفيها .. هى كويسة ؟
رودي ... لا يا كريم مش كويسة
كريم ... انا فكرتها اول واحدة هاتبقى جنبي
رودى ... مانت متعرفش هى حاسة بايه يا كريم
كريم ... طب وعن احساسي انا ايه نظامه ولا عشان هاموت المفروض ماحسش ؟
رودي ... لا طبعا مش قصدي .. بس صعب اوى انك تفضل مع حد عارف انك ممكن تخسروا في اى دقيقة يا كريم
كريم ... طب وانا زنبي ايه .. انا لو عليا عاوز ابقى جنبها العمر كلوا .. بالنسبالي الدقيقة الجاية هى دى عمرى .. انا محتاجها يا رودى .. بس واضح ان هى مبقتش محتجالي خلاص 😒
( تجري جنى ع اوضة وتقفلها عليها ..تدور ع موبايلها تفتكر انه مش ف الاوضة دى .. عمر عمال يهبد ع الباب ويزعق .. تقعد جنى في الارض خايفة .. تدخل البلكونة تحاول تنط تلاقي الارتفاع عالي .. تدخل تانى الاوضة .. عمر بيحاول يكسر الباب )
رودى ... يا كريم حط نفسك مكانها
كريم ...لا طبعا بعد الشر عليها 😧
رودى ... شوفت دة غير ان سياتك خاينها ولا نسيت دة ؟
كريم ... والله مكنت عارف حصل ازاى
رودى ... ما علينا انت لازم تتكلم معاها
كريم ... فكرة والله .. انا بقالي اكتر من اسبوعين بحاول اكلمها
رودى ... لا تروحلها
كريم ... فكرت في كدة كتير بس متردد خايف من رد فعلها
رودى ... ليه انت مش اول مرة تروحلها البيت !!!
كريم ... لا مش دة قصدى
رودى ... اومال ايه ؟
كريم ... مش عارف بقا 😑
رودى ... اقولك حاجة قوم دلوقتى روحلها
كريم ... دلوقتى !!!!
رودى ... ايوة دة انسب وقت هى اكيد في البيت .. قوم انت مسافر بكرة يعنى مافيش وقت .. يلا
( يقوم كريم يركب عربيته ويمشي .. جنى قاعدة في اوضتها مرعوبة من عمر )
جنى ... عمر روح والنبي يا عمر 😨
( يكسر عمر الباب .. تجري جنى ع البلكونة هاتنط يمسكها عمر يحدفها في الارض .. تزحف جنى في الارض عشان تخرج من الاوضة .. يمسكها عمر من شعرها )
جنى ... انت ليه بتعمل كدة !!!!
عمر ... هو هايموت وانا الي باقيلك برضاكى او غصب عنك
جنى ... طب ماشي اوك سيبنى
عمر ... لا
( يزق عمر جنى ع السرير .. يرن جرس الباب .. عمر يقوم جنى وينزل بيها تحت كاتم صوتها )
كريم ... جنى انا عارف انك جوة
( جنى عايزة تصرخ عمر ماسكها وحاطط ايده ع بؤها )
كريم ... وعارف انك سمعانى
( جنى عمالة تدمع )
كريم ... جنى انا اسف .. الي بيحصل غصب عنى .. انا عارف انك خايفة .. بس مش اكتر مني .. انا محتاجك جنبي .. طب ممكن تخلينى اشوفك ؟
( عمر يهمس ل جنى في ودنها )
عمر ... لو ناوية تسرعي اجله دلوقتى .. طلعى صوت .. اقسم بالله هموتهولك
( جنى تهز دماغها ب لا )
عمر ... بموت فيكى وانتى فاهمة 😌
( جنى عمالة تعيط )
كريم ... يا جنى انا محتاجلك بالله عليكي ردى عليا .. مش هاتحرك من هنا غير لما اشوفك ع فكرة
( عمر يتكلم في صوت واطى )
عمر ... يخربيت رخامة اهلك غور بقا 😠
( يقعد كريم ع سلم الباب مستنى جنى تطلع )
عمر ... وبعدين بقا .. هتطلعيله اوك
( جنى تهز دماغها ب اة )
عمر ... بس لو قلتيلوا انى هنا هبيتهولك في المشرحة
( يشيل عمر ايده من ع بوء جنى ويمسح دموعها )
عمر ... قوليلوا يمشي
جنى ... حاضر
( تفتح جنى الباب .. يقوم كريم يحضنها )
كريم ... وحشتينى
( عمر واقف ورا الباب .. جنى تعيط )
جنى ... امشي 😣
كريم ... جنى انا اسف انا ........
جنى ... امشي يا كريم
( جنى منهارة من العياط )
كريم ... جنى مالك ؟!!!
جنى ... مش عوزاك هنا امشي
كريم ... طب انا مسا..................
جنى ... امشي بقا متجيش هنا تانى ابعد عنى 😩
( كريم مستغرب جنى اوى )
كريم ... حاضر هابعد عنك .. انا اسف لو كنت سببتك اى مشاكل في حياتك 😐
جنى في سرها ... متمشيش استنى متسيبنيش
كريم ... كان نفسي بس اشوفك .. وشوفتك
( كريم عينه تدمع )
كريم ... سلام
( يلف كريم يمشي .. جنى تنده عليه بصرخة )
جنى ... كريييم
( يبص كريم ل جنى .. جنى تجري عليه تحضنه وتعيط )
كريم ... انا عارف .. ولا انتى ليا ولا انا ليكي خلاص .. بس انا مش عارف اكمل من غيرك .. قلبي عمره مهيبطل يحبك لحد ميدفن معايا تحت التراب
( جنى باصة في عين كريم وعينها مليانه دموع )
جنى في سرها ... اوعى تسيبني امشي يا كريم 😦
كريم ... انتى وعدتينى انك متسيبنيش ليه رجعتى في وعدك ؟
جنى ... عشان بخاف 😖
كريم ... من ايه ؟
( تسيب جنى كريم وتدخل البيت وتقفل الباب .. كريم يبص ع البيت ويمشي .. تدخل جنى البيت يمسكها عمر من ايدها )
عمر ... لو شوفتك بتحضنيه تانى ولا لمسك هاطلع عين اهلك 😡
( جنى ع اخرها .. تسكع عمر قلم يعلم ع وشه )
الجزء الثانى ... الحلقة الثالثة عشر
( يقرب عمر ع جنى ويضرب فيها ويجرها من شعرها ع فوق .. يطلع الصبح .. يقوم كريم يحضر شنطة سفره وينزل مع ابوه يركبوا العربية ويمشوا .. تقوم جنى من النوم تلاقي عمر نايم جنبها .. تجري ع تحت تفتح باب الفيلا مبيتفتحش عمر ففلوا وخد المفتاح .. تمسك تليفون البيت وتتصل ب حمو .. حمو في طريقه للمطار عشان يسلم ع كريم هو رامي )
حمو ... الو ؟
جنى ... حمو الحقنى
حمو ... في ايه ؟!!!!
جنى : عمر 😯
حمو : ماله ؟؟
( تحكى جنى ل حمو ع الى حصل .. حمو يلف ويرجعلها هو ورامي .. كريم في طريقه للمطار .. بباه سايق .. ماسك كريم الموبايل فيه صورته هو وجنى .. تنزل دمعة من عينه .. جنى قاعدة جنب باب الفيلا من جوة مستنية حمو .. يوصل حمو ورامى ميعرفوش يكسروا الباب عشان كبير .. يلفوا ويكسروا الباب الى بين الفيلا والجنينة عشان ازاز ويدخلوا .. رامى يسند جنى ويركبها العربية يوديها المستشفى .. حمو يطلع لعمر )
حمو ... قوم يا روح امك 😡
( حمو يدي عمر علقة سخنة .. جنى في المستشفى معاها رامي وتوصل غادة ورودى وحمو يجيلهم .. كريم في المطار مستنى طلوع الطيارة .. ابوه وايمن واقفين بيخلصوا باقي الاجراءات .. هو قاعد لوحده مافيش حد جاله يسلم عليه قاعد مهموم وجنى وحشاه .. يتصل برودي )
رودى ... دة كريم !!!
حمو ... متقوللهوش حاجة
رودى ... اوك .. ايوة يا كريم ؟
كريم ... ايوة يا رودى .. متقدريش توصلي لجنى ؟
رودي ... اممممم .. ااا
( رودى مش عارفة تقول ايه .. كريم يدمع )
كريم ... كان نفسي اسمع صوتها 😐
ايمن ... يلا يا كريم ؟
( يقفل كريم مع رودى ويركب الطيارة )
رامي ... قالك حاجة ؟
رودى ... كان عاوز يكلمها انا معرفتش ارد عليه قفل
حمو ... زمانه طلع الطيارة
( يطلع الدكتور من عند جنى )
الدكتور ... هو ايه الى حصلها ؟
غادة ... هه .. اا..........
رودى ... دي حادثة يا دكتور
الدكتور ... طب تحبوا ابلغ
حمو ... لا طبعا لا يا دكتور
غادة ... ليه لا ؟؟
رامي ... ايوة لا شكرا يا دكتور
الدكتور ... اوك زي متحبوا
( يمشي الدكتور )
غادة ... لا ليه انتوا كدة هتضيعوا حقها !!!
رودى ... حق ايه يا غادة فكرك لو بلغنا هيتجاب حقها اسكتى والنبي
غادة ... ايوة خليه يتسجن عشان ميكررهاش تانى
حمو ... هو يتسجن وصاحبتك تتفضح
غادة ... اه .. صح 😒
رامي ... ادخلوا يلا
( يدخلوا يقعدوا مع جنى )
رودي ... هو كريم جالك امبارح ؟
جنى ... اه
غادة ... طب ازاى يعنى ماشفش عمر ؟؟
جنى ... لا عمر هددنى لو عرفت كريم انوا جوة هيموته
رامي ... ابن الكلب 😠
( يعدى الوقت ويمشي حمو ورامي )
غادة ... يعنى خرجتيله يا جنى .. كنتى ختيه وطلعتوا تجروا
رودي ... انتى هبلة .. ال يعنى كريم كان هايجري معاها اكيد كان هايرجع ل عمر وتحصل مصيبة !!!!
غادة ... معرفش بقا اهى كانت انقذت نفسها
جنى ... انا وجعتوا اوى امبارح بكلامي 😩
رودى ... مانتى غصب عنك
جنى ... خفت يتخانق معاه ويحصل زى المرة الى فاتت والمرة دى مظنش كريم هيفوق منها تانى
غادة ... يلا منوا لله
رودى ... كريم سافر انهاردة
جنى ... سافر فين ؟
رودى ... المانيا مع بباه بيقول في دكتور هيعالجه هناك
جنى ... بجد ؟!!!!
رودى ... ايوة مهو كان رايحلك امبارح عشان يقولك وكدة بس انتى مدتهوش فرصة
( تعيط جنى .. تاخدها رودى في حضنها .. ييجى الليل .. كريم وبباه يوصلوا اوتيل .. يغيروا وينزلوا يروحوا مستشفى مع صاحب بباه .. يوصلوا هناك يقعدوا مع الدكتور .. بعدها الدكتور يعمل اشاعة لكريم .. يقعد صاحب ابو كريم مع الدكتور يتكلم معاه )
ابو كريم ... قالك ايه ؟
معتز ... مالهوش علاج
كريم ... انا قلتلك من الاول مافيش لزمة اجى هنا ا.........
معتز ... هاتدخل عمليات فورا
كريم ... عمليات !!!!
معتز ... هنا مبيضيعوش وقت كان المفروض من الاول تعمل العملية
الاب ... الحمد لله
كريم ... هاعملها امتى ؟
معتز ... هيجهزوك دلوقتى كمان ساعة بالكتير هاتكون جوة
( تيجى الممرضة )
الممرضة ... Karim Mansour ؟
كريم ... Ja ؟
الممرضة ... gehen Sie voran mit mir
كريم ... دلوقتى 😳
معتز ... ايوة قوم معاها عشان تجهزك
كريم ... ايه السرعة دى !!!
( يقوم كريم مع الممرضة .. تجهزوا للعمليه )
الممرضة ... Dr. Marc wird gesagt, Sie sind bereit .. Eznak
كريم ... Eichenholz
( تمشي الممرضة )
الاب ... بتقولك ايه يابنى ؟؟
كريم ... هاتقول للدكتور انى جاهز
( يمسك كريم الموبايل يتصل ب رودى )
رودى ... دة كريم
جنى ... ادينى اكلمه
( تاخد جنى الموبايل من رودى )
جنى ... الو
كريم ... الو جنى !!!
( جنى تعيط )
جنى ... كدة تمشي من غير متقولي 😣
كريم ... مدتنيش فرصة اقولك
جنى ... انا اسفة مافيش حاجة من الى قلتها امبارح كنت قصداها صدقنى
كريم ... مصدقك
جنى ... انت واحشنى اوى
كريم ... مش اكتر منى نفسي اخدك في حضنى دلوقتى
جنى ... بجد سافرت تتعالج ؟
كريم ... شوية وداخل العمليات
جنى ... عمليات ؟!!!!
كريم ... هاعمل عمليه كان نفسي تبقى جنبي
( تعيط جنى )
كريم ... مش عاوزك تضايقي اوك انا هاعمل العمليه وهابقا كويس ان شاء الله وهارجعلك
جنى ... وعد ؟
( تدخل الممرضة )
الممرضة ... Gehen Sie voran mit mir Dr. Marc warten auf Sie
كريم ... Ok, ich werde kommen .. جنى انا داخل
جنى ... اوعدنى يا كريم ؟
( يسكت كريم )
جنى ... كريم ؟
كريم ... وعد يا جنى 😐
لقراءة باقي الفصول الجزء الثانى من هنا
لقراءة الجزء الاول كاملة جميع من هنا