رواية حته مني الجزء الثانى
الحلقة الثامنة والتاسعة والعاشرة
بقلم سهيله سعيد
الحلقة الثامنة
رودى ... في ايه ؟!!
رامي ... كريم اغمى عليه ودناه العيادة
جنى ... كريم !!!!
( تجري جنى ع تحت .. تدخل العيادة تلاقي كريم قاعد ع السرير وصحابه جنبه .. تجري عليه )
جنى ... انت كويس ؟؟
كريم ... انا تمام متقلقيش
الممرضة ... ايه دة كلوا يلا ع فوق
( يخرج الكل يطلع يكمله باقي اليوم .. كريم قاعد في العيادة مع الممرضة )
الممرضة ... انت اخدت علاجك يا كريم ؟
كريم ... مش فاكر .. تقريبا لا o.O
الممرضة ... مينفعش كدة علاجك دة بالذات ميتنساش يا كريم اوك ؟
كريم ... مش هنساه المرة الجاية عشان خاطرك ;)
الممرضة ... احم .. طيب
كريم ... انا شكلي نسيته في البيت اصلا
الممرضة ... كمان !!
( يقوم كريم يقف )
الممرضة ... رايح فين ؟
كريم ... هاطلع
الممرضة ... لا مافيش طلوع ليغمى عليك تانى اقعد لحد اليوم مينتهى خلاص فاضل حصة
كريم ... طب اشطا هاقعد معاكى ^_^
( بعد شوية )
كريم ... هو انتى مرتبطة ؟ :/
الممرضة ... وبعدين بقا
كريم ... اوك هاسكت
( يقوم كريم من ع السرير ويقعد فوق مكتب الممرضة قدامها )
الممرضة ... يابنى انزل :o
كريم ... ابنك ايه احنا هانستهبل =D
الممرضة ... كريم اقعد مكانك
كريم ... مالك كدة حاسس نفسيتك وحشة من نحيتى انهاردة يا شوشو ليه كدة ؟؟
الممرضة ... روح مكانك عشان متتعبش
كريم ... طب افردي مثلا مثلا يعنى افتراضا بانى روحت مكانى وتعبت هتفرحى ساعتها ؟
الممرضة ... لا طبعا
كريم ... طب يبقى خلينى هنا احسن لو تعبت ولا حاجة تعرفي تتصرفي .. حقنة كدة .. نفس كدة
( تضحك الممرضة )
الممرضة ... طب ارجع ورا
كريم ... ليه دة حتى القرب حلو =D
الممرضة ... هاترجع ولا اروحك ؟
كريم ... لا خلاص هارجع .. هو انتى عندك كام سنة ؟
الممرضة ... وبعدييييين ؟!!!
كريم ... هودينى بس
الممرضة ... 29 سنة
كريم ... لا بجد ؟!!!
الممرضة ... اة والنعمة
كريم ... اكيد اقل .. 20 ماشي .. 22 ميضرش .. 40 جايز
الممرضة ... برة يا كريم >:(
كريم ... ليه كدة ؟
الممرضة ... الجرس رن امشي
كريم ... طب انا مطر استاذن بقا محتاجة حاجة كدة ولا كدة ؟
الممرضة ... لا شكرا
كريم ... ولا كدة ؟
الممرضة ... برة
كريم ... اوك سلام يا شوشو
الممرضة ... سلام
( يخرج كريم من العيادة يلاقي جنى جاية عليه يروحلها ويخرجوا برة المدرسة )
حمو ... رايحين فين ؟
كريم ... ورايا ميعاد مع الدكتور
حمو ... اة طيب هابقا اجيلك بالليل
كريم ... اوك سلام
حمو ... سلام
( يركب كريم وجنى العربية يوصلوا عند بيت جنى )
كريم ... متغيبيش
جنى ... لا دقتين بس
( تدخل جنى تغير هدومها .. كريم قاعد في العربية مشغل اغانى وفاتح الفيس ع الموبايل مستنيها تخلص .. تطلع جنى تركب العربية )
كريم ... يادي ام الباديهات القصيرة ادخلي غيريه
جنى ... احنا اتاخرنا
كريم ... لا الساعة لسة مجتش 3 ادخلي
جنى ... ايوه عليك بقا
كريم ... انجزى
( تنزل جنى من العربية تدخل البيت تغير هدومها وتطلع تركب مع كريم ويمشوا يروحوا عيادة الدكتور .. قاعدين مستنين الدور )
الممرضة ... كريم منصور .. دورك اتفضل
( كريم قاعد خايف )
جنى ... يلا
( يقوم كريم مع جنى يدخلوا )
الدكتور ... اهلا كريم عامل ايه ؟
كريم ... الحمد لله
الدكتور ... ازيك ؟
جنى ... تمام
الدكتور ... انا مش عاوزك تقلق او تخاف الموضوع بسيط جدا اتفضل
( يقوم كريم ينام ع السرير .. جنى قاعدة ع كرسي قدامه .. الدكتور يركبله المحاليل )
الدكتور ... ساعة بالكتير وتخلص
كريم ... اوك شكرا يا دكتور
الدكتور ... العفو عن اذنكم
( يخرج الدكتور )
جنى ... الموضوع بسيط اهو
كريم ... ياريت يكمل ع كدة
( تمسك جنى موبايلها وتحط فيه الهاند فري وتحطه في ودن كريم )
جنى ... اسمع الاغنية دى
( كريم ماسك ايد جنى ومغمض عينه .. بعد شوية )
كريم ... هو لسة بدري ؟
جنى ... لا قرب يخلص
كريم ... اوك
جنى ... اقولك نكتة ؟
كريم ... قولي
جنى ... كان في مرة .. احم .. صلي ع النبي
كريم ... هى نكتة ولا حدوتة ؟
جنى ... صلي
كريم ... عليه الصلاه والسلام
جنى ... بص يا سيدى
كريم ... باصص والله
جنى ... قصدي يعنى خليك معايا سيبنى اركز
كريم ... اخلينى معاكى ولا اسيبك ؟
جنى ... سيبنى اتكلم اوك ؟
كريم ... حاضر اتفضلي
جنى ... بص كان في مرة ......
كريم ... ليه مبقاش موجود دلوقتى ؟
جنى ... هو مين ؟ o.O
كريم ... الي كان
جنى ... كان فين ؟؟
كريم ... معرفش انتى الي بتقولي :/
جنى ... خلينى اكمل بقا :(
كريم ... اوك كملي
جنى ... كان في مرة واحد وواحدة و..........
كريم ... والشيطان ثالثهما 3:)
جنى ... يخربيتك فصلتنى مش قايلة حاجة
كريم ... هههه .. طب بزمتك كنتى هاتقولي حاجة ؟
جنى ... صراحة لا :/
كريم ... مانا عارف انتى مبتعرفيش تقولي نكت
جنى ... لا كنت هاقلف وربنا
كريم ... يا واد يا جامد
جنى ... ههههه
( يدخل الدكتور )
الدكتور ... ايه الاخبار ؟
كريم ... تمام .. لسة كتير يا دكتور ؟
الدكتور ... لا خلاص خلص
( يشيل الدكتور المحاليل لكريم )
الدكتور ... تقدر تمشي كدة
كريم ... اوك متشكر يا دكتور
الدكتور ... العفو
( ينزل كريم وجنى يركبوا العربية ويمشوا .. كريم مش ع بعضه )
جنى ... حاسس بايه ؟
كريم ... حران شوية
( يوقف كريم العربية )
جنى ... مالك .. انت كويس ؟
كريم ... لا مش كويس
( جنى تحط ايدها ع وش كريم )
جنى ... انت متلج !!!
كريم ... لا انا حران
( كريم جسمه كله بيترعش )
جنى ... كريم اوقف تاكسي ؟
كريم ... اه انا مش عارف اسوق
جنى ... اوك خليك هنا
كريم ... اوك
( تنزل جنى توقف تاكسي وتركب هى وكريم .. يوصلوا بيت كريم مافيش حد غيرهم .. جنى تسند كريم وتطلعه اوضته .. يدخل كريم يقلع التيشرت ويشعل التكييف )
جنى ... كريم جسمك متلج
كريم ... حران اوى .. هاخد دش
( تدخل كريم ياخد دش .. جنى توطى التكييف .. يخرج كريم لابس الشورت بس )
جنى ... وربنا هاتبرد كدة
كريم ... حران يا جنى حران .. على التكييف والنبي
جنى ... لا هاتتعب
كريم ... انا تعبان والله تعبان بالله عليكي عليه
جنى ... حاضر
( جنى تعلي التكييف )
جنى ... لسة حران ؟
كريم ... اوى .. هادخل اخد دش
جنى ... تانى !!!
كريم ... يمكن اسقع
( يدخل كريم ياخد دش تانى ويطلع )
كريم ... انتى بتوطى التكييف دة ؟؟
جنى ... لا والله مجتش جنبه اهو
( جنى تدي لكريم ريموت التكييف كريم يلاقيه متعلي ع الاخر )
كريم ... اومال مش جايب ام هوا ليه >:o
( يمسك كريم ريموت التكييف ويحدفه في الحيطه يكسره .. جنى تتخض وتخاف )
الجزء الثانى ... الحلقة التاسعة
( يمسك كريم ريموت التكييف ويحدفه في الحيطه يكسره .. جنى تتخض وتخاف )
جنى ... كريم اهدى
كريم ... شششش بس اوك بس >:o
جنى ... حاضر
( كريم عمال يلف في الاوضة كلها .. جنى قاعدة خايفة ومتوترة .. يرن تليفون كريم )
كريم ...الو
الام ... ايه يا حبيبي وصلت ؟
كريم ... ايوة ايوة
الام ... عامل ايه دلوقتى ؟
كريم ... منيل بنيلة وحران والتكييف بايظ يا امى بايظ
الام ... باظ امتى دة ؟!!!
كريم ... معرفش انا بقا
( كريم يدي التليفون لجنى )
جنى ... ايوة يا طنط
الام ... انتى معاه ؟
جنى ... اه معاه
كريم ... برة اتكلمي برة يلا
( تطلع جنى من الاوضة )
الام ... طب هو عامل ايه ؟
جنى ... حران ومش طايق حد ومتعصب اوي :(
الام ... طب خليكي معاه والنبي ياجنى انا جاية دلوقتى
جنى ... حاضر يا طنط
( تقفل جنى مع ام كريم وتدخل الاوضة .. كريم واقف في البلكونة .. جنى تحط ايدها ع دهره )
جنى ... هاتفضل واقف كدة ؟
كريم ... ايدك .. ايدك ساقعة :o
( جنى تتخض .. كريم يمسك ايدها ويحطها ع وشة ودماغه )
كريم ... هاتيلي تلج من تحت
جنى ... تلج ايه مش للدرجة
كريم ... والنبي يا جنى :(
جنى ... لا
( يروح كريم ع السرير ينام ع وشه ويجط ايده ع دماغه .. تقعد جنى جنبه )
كريم ... اااه .. اه دماغي
( تبتدي جنى تعيط )
كريم ... ااااااه مش قادر
جنى ... معلش :(
كريم ... دماغي هتنفجر
جنى ... استحمل شوية وهايروح الوجع :'(
كريم ... مش بيروح دة بيذيد وربنا بيذيد
جنى ... والله مصدقاك معلش
( يحط كريم مخده ع دماغه .. جنى قاعدة عمالة تدمع .. يرن تليفون كريم )
كريم ... اطفي ام الموبايل دة >:o
جنى ... حاضر حاضر
كريم ... حرام عليكوا
( تطفي جنى التليفون .. قاعدة مش عارفة تعمله ايه )
كريم ... طفي التكييف انا سقعت
جنى ... حاضر
( جنى تطفي التكييف .. يقوم كريم من ع السرير )
كريم ... اااااه نار في دماغي
( يرن تليفون جنى .. يزعق كريم في جنى )
كريم ... مش قلتلك اطفيه مش قلتلك اطفيه انا
( ياخد كريم الموبايل من جنى ويحدفه في الحيطة .. جنى تتخض وتعيط خايفة من كريم )
كريم ... بسسس اسكتى مش كل حاجة تعيطى عليها اخرسي بقا >:o
( كريم يضرب جنى بالقلم ويزقها يوقعها في الارض .. جنى تعيط اكتر )
كريم ... يابنتى اسكتى حرام عليكي دماغي هتفجر
( كريم يمسك جنى من شعرها ويضربها ع وشها )
جنى ... ااااه يا كريم والنبي :'(
كريم ... مسمعش صوتك ماشي
جنى ... حاضر :'(
( تسكت جنى ويسيبها كريم .. تفضل قاعدة في الارض جنب السرير بتعيط بكتمة .. يروح كريم ينام ع السرير ماسك دماغه )
كريم ... ااااه يارب .. دماغي
( ينام كريم جسمه كلوا بيترعش .. تقوم جنى تغطيه وتقعد جنبه .. بعد ساعة .. توصل ام كريم )
الام ... هو نايم ؟
جنى ... اه
الام ... مالك ؟!!!
جنى ... ماليش .. هي الساعة كام ؟
الام ... داخله ع 7 .. انا هاروح اغير هدومى
جنى ... اوك
( يفتح كريم عينه يلاقي جنى قاعدة يقوم يحضنها ويعيط )
كريم ... انا اسف والله اسف
جنى ... انت كويس ؟
كريم ... والله ماكان قصدي اضربك معرفش عملت كدة ازاى والله يا جنى اسف
جنى ... مافيش حاجة محصلش حاجة
كريم ... غصب عنى وربنا
جنى ... عارفة والله
كريم ... انتى متقعديش معايا تانى بعد العلاج
جنى ... يا كريم عادى
كريم ... عادي ايه انتى مش شايفة وشك .. ايوه عليا .. كنتى مشيتى يا جنى ولا زقتينى زعقتى فيها ضربتينى حتى كنتى عملتى اى حاجة
جنى ... ايه الي بتقوله دة انت كنت تعبان
كريم ... ياريت كانت ايدي تتقع قبل مامدها عليكي
جنى ... بعد الشر عليك متقولش كدة تانى والله هازعل منك
( كريم يحضن جنى .. تدخل بوسي مرات اخوه )
بوسي ... ازيكم ؟
كريم وجنى ... الحمد لله .. تمام
بوسي ... ايه اخبار العلاج ؟
كريم ... منيل خالص
بوسي ... ليه كدة ؟؟
كريم ... مش شايفة النتيجة ؟
بوسي ... بتهزر وانا بقول مال وشها حساه وارم انت ضاربها ؟؟
كريم ... اه
بوسي ... يخربيتك يا كريم .. انت كنت حاسس انت بتعمل ايه ؟
كريم ... هو انا لو حاسس هاعمل كدة ؟
بوسي ... معلش يا جنى
جنى ... لا مافيش حاجة
كريم ... هاقوم اخد دش
جنى ... انت مستحمى انهاردة يكفيك للعيد الكبير
كريم ... هاعمل ايه شوية حر وشوية ساقعة
جنى ... ليا عندك موبايل
كريم ... دة اقل حاجة
بوسي ... بوظت موبايلها ؟
كريم ... دمرتوا =D
بوسي ... انت محدش يقعد معاك خالص بعد العلاج
جنى ... طب ازاى مينفعش
كريم ... ناوية تضربي تانى ولا ايه ؟
جنى ... احسن ماتبقا لوحدك وتعمل حاجة في نفسك مانت مش حاسس بتعمل ايه
كريم ... لا بردوا مش هاتقعدي معايا تانى .. انا داخل
( يدخل كريم ياخد دش .. بعد شوية )
بوسي ... هانزل اشوف ميدو ليخرب حاجة
جنى ... اوك
( تنزل بوسي .. تخبط جنى ع باب الحمام )
كريم ... ايوة ؟
جنى ... انا مروحة اوك
كريم ... استنى هاوصلك
جنى ... لا مافيش داعي هاشوف تاكسي او اتصل برضا
كريم ... يابنتى استنى
( يفتح كريم باب الحمام ويطلع دماغه منه )
كريم ... دقتين بس اطلع
جنى ... لا انت تعبان
كريم ... لا انا كويس مش هاتروحى لوحدك الوقت اتاخر
جنى ... طب انجز بقالك ساعة
كريم ... اوك .. استنى
( كريم يمسك ايد جنى )
جنى ... ايه اوعى !!!!
كريم ... في ايه يا بت ؟!!!!
جنى ... كريم سيب ايدي وربنا هاضربك
كريم ... يخربيت دماغك الزبالة
جنى ... عاوز ايه ؟؟
كريم ... اتصلي بحمو قوليلوا يقابلنى بد ساعتين في بيانو
جنى ... هاتعمل ايه في بيانو ؟
كريم ... هاغنى
جنى ... مش بهزر
كريم ... هاكون هاعمل ايه هاقبله هناك عشان كان جايلي مش هيلاقينى كدة فهاقبله برة
جنى ... طب ماشي
( تتصل جنى بحمو تقوله .. يطلع كريم من الحمام لافف فوطة ع وسطه .. تشوفه جنى تتوتر )
جنى ... ايه مطلعك كدة مش تقول !!!!
كريم ... هي يعنى اول مرة
جنى ... اوف عليك
( تخرج جنى وهي خارجة كريم يمسكها )
جنى ... ايه !!!
كريم ... احلى حاجة انوا واحنا صحاب كان اى حاجة اعملها عادى دلوقتى لا ليه بقا ؟؟
جنى ... هو كدة .. اوعى
كريم ... مش هاوعى
جنى ... هاعضك وربنا
كريم ... انتى بوء وربنا
( تضحك جنى )
جنى ... طب وسع بقا
( كريم يبوس جنى .. تدخل رودى وعمر وغادة .. عمر يشوفهم يبلم )
الحلقة العاشرة
رودى ... هو دة التعبان يخربيتك
( يتحرج كريم وجنى ووشهم يحمر .. يمشي عمر في ساعتها ع اخره )
غادة ... ايه نلف ونرجع تانى ؟
كريم ... يلا كلكم برة عاوز اغير
غادى ... داري كسفتك داري
كريم ... امشي ابت -_-
( الكل ينزل تحت )
غادة ... هو فين عمر ؟
رودى ... مشي تقريبا
جنى ... ليه هو كان موجود ؟
غادة ... اها وشافكم مشي
رودى ... صدمة جامدة ليه
جنى ... ايوخ ع كدة ودة ايه الي جايبه عند كريم ؟؟
غادة ... كنا جايين نصالحهم ع بعض
جنى ... طيب واضح ان عمرهم مهايتصلحوا ابدا
رودى ... مستحيل
( ينزل كريم )
غادة ... طب يلا بينا
كريم ... انتوا لحقتوا ؟
غادة ... لما تتعب بجد نبقا نجيلك
كريم ... اوري ع امي انتى الى جيبانى ورا
رودي ... اة والله البت دي عينها وحشة
كريم ... يكون في عونك يالي في بالي o.O
غادة ... هو كان يطول دة .......
جنى ... والنبي ماتفتحوها خلاص حقك عليا ميطولش طبعا
غادة ... طبعا :/
جنى ... روح انت بقا وانا هاروح مع غادة ورودى
كريم ... طب اوك لما توصلي البيت قوليلي
جنى ... اوك .. باي
كريم ... باي
( تمشي جنى مع رودى وغادة يوصلوها البيت .. يروح كريم nile clab يقابل حمو هناك ويقعد معاه .. تتصل جنى بكريم )
كريم ... روحتى ؟
جنى ... اه انا في البيت
كريم ... اوك
جنى ... متطولش عندك اوك
كريم ... حاضر اول ماتوصل المزة بتاعتى هاخدها ونمشي =D
جنى ... متخلنيش اجيلك
كريم ... قاعدين شوية والله وماشيين
جنى ... اوك شوية ورجعالك
كريم ... ماشي باي
جنى ... باي
( يقفل كريم مع جنى )
( عمر مش طايق نفسه وعمال يتعارك مع الناس الي قاعدة )
كريم ... ماله عمر ؟
حمو ... مش عارف دلوقتى الامن ييجى يطرده شكلوا سكران
( عمر ييجى عليهم )
عمر ... عاملين ايه ؟
حمو ... كويسين
عمر ... ايه يا كريم مبتردش ليه دة السلام لله
( كريم يبص لعمر باستحقار ويدير وشه )
حمو ... رايح فين ؟
كريم ... هاروح الحمام
( يروح كريم الحمام .. حمو واقف بيكلم صحابه .. عمر يحط لكريم برشام مخدرات في العصير بتاعه ويمشي يقف مع شاب ع جنب .. يطلع كريم يشرب العصير )
الشاب ... خلصت ؟
عمر ... اه دورك بقا
الشاب ... اوك
( يروح الشاب يكلم بنت في ودنها ويشاورلها ع كريم .. تضحك وتروح لكريم )
البنت ... هاي
كريم ... هاااااى =D
البنت ... انا سوسو
كريم ... وانا كوكو =D
البنت ... ممكن ترقص معايا ؟
كريم ... طبعاااااااا =D
حمو ... ايه يابنى رايح فين ؟!!!!
كريم ... امممم .. مش فاكر o.O
( البنت تشد ايد كريم وترقص معاه .. الشاب الى عمر اتكلم معاه واقف بعيد بيصورهم )
حمو ... كريم كفاية كدة يلا بينا
كريم ... فكك منى روح انت
حمو ... انت سكران انت شارب عصير فراولة !!!!! .. امشي يا كريم
كريم ... مش هامشي يا عم
( كريم يزق حمو )
حمو ... خلاص براحتك انا ماشي
( يمشي حمو .. كريم يكمل السهرة مع البنت ويروح معاها بيتها .. كل دة متصور .. يطلع الصبح .. يقوم كريم مش فاكر حصل ايه .. يشوف البنت جنبه يفتكر كل حاجة .. يقوم كريم يروح البيت )
كريم ... يا نهار اسود :o
( يرن منبه جنى .. تقوم تروح المدرسة .. كريم لسة مجاش .. جنى واقفة هى والشلة قدام المدرسة .. يقرب عمر ع جنى )
عمر ... جنى ؟
جنى ... نعم ؟
عمر ... عايزك
جنى ... عمر لو هتتكلم في الى شوفته امبارح فا...........
عمر ... الموضوع مش كدة انا عايز اعرف بس الى انتى مسلماله بيتسلى بيكي زى اى واحدة تانية عرفها
جنى ... اظنى احنا عدينا المرحلة دي يا عمر :/
عمر ... معتقدش :)
( عمر يدي لجنى الموبايل الي متصور عليه كل حاجة ويمشي .. جنى تتصدم .. يدخل كريم المدرسة مستعجل عشان اتاخر .. جنى عينها مدمعة )
جنى ... ايه اخرك ؟؟
كريم ... راحت عليا نومة
جنى ... عندها ؟
( جنى تدى لكريم الموبايل .. يشوف كريم الفيديو )
كريم ... جنى وربنا معرفش دة حصل ازاى ولا اعرفها اصلا والله انا ........
( جنى تزعق في كريم وتقطع كلامه )
جنى ... بس بقا بس مش عاوزة اسمع منك حاجة انا سمعت كتير ومش ناوية اسمع اكتر .. معلش مانا بنى ادمة بردوا .. بس انت عندك حق .. الى يلاقي عبيط وميضربوش ع قفاه ربنا يحاسبه .. بس ضربتك وجعتنى اوى :'(
( تعيط جنى .. كريم مش عارف يقولها ايه .. تمشي جنى تقف ع جنب مع صحابها قدام المدرسة )
كريم ... يا جنى .. والله معرفش حاجة انا :(
( المدرسة كلها بتبص لكريم )
( يقرب حمو ورامي ع كريم )
حمو ... ايه يابنى الى عملته امبارح دة اسيبك 10 دقايق ارجع ملقكش
كريم ... ايه الي حصل امبارح ؟؟
حمو ... رحت ترقص مع بنت وبقيت مش ع بعض
كريم ... سيبتنى ليه طيب
حمو ... كلمتك مردتش تروح معايا وكنت هتتخانق معايا فمشيت رجعت كمان شوية اشوفك ملقتكش
رامى ... بس مزة الى متصور معاها يا بختك
كريم ... انتوا شوفتوا الفيديو ؟
حمو ... المدرسة كلها شافته
كريم ... بتهزر ومين الحيوان الي عمل كدة ؟
رامي ... انا شاكك في عمر صراحة
كريم ... عمر !!!!
( يبص كريم في ايده ع الموبايل الي ادتهولوا جنى الى فيه الفيديو يلاقيه موبايل عمر )
كريم ... موبايل عمر
حمو ... ايه ؟
( يفتح كريم الموبايل ويشوف الفيديو متصور امتى يلاقيه نفس الميعاد الى كان كريم فيه في المكان )
رامي ... دة موبايل عمر ؟
( يحدف كريم الموبايل في الارض ويروح ع عمر .. يمسكه رامي )
رامي ... يابني انا بقول شاكك
( كريم يزق رامي ويجري ع عمر .. جنى واقفة شيفاه تتخض )
حمو ... كريم استنى
( يهجم كريم ع عمر ويضرب فيه .. صحاب عمر يتخانقوا مع صحاب كريم والكل يضرب بعضه .. يفلت عمر من تحت ايد كريم ويبعد .. يكمل كريم خناق مع صحاب عمر .. جنى واقفة مع البنات مش عارفة تعمل ايه .. خايفة ع كريم وفي نفس الوقت زعلانة منوا )
غادة ... لا دى كبرت اوى o.O
رودى ... ايه ام الامن الى زى قلته دة مش عارفين يسلكوا حاجة !!!!
( يرجع عمر تانى .. كريم ماسك في خناق واحد من صحاب عمر .. يهجم عمر ع كريم ويفضل يضربه في دماغه )
جنى ... لا يا عمر دماغه لا :o
( تجري جنى عليهم تمسكها غادة )
غادة ... رايحة فين هيضربوكى اقفي
( غادة ورودى ماسكين جنى )
جنى ... سيبونى هيموته .. دماغه لا يا عمر :'(
( جنى عمالة تصرخ في عمر )
( يدخل حمو ويضرب عمر .. كريم بيضرب لكن تعبان دماغه بتجيب دم من كتر ضرب عمر الي ع خوانة )
جنى ... اوعوا بقا
( جنى تزق رودى وغادة وتجري ع كريم تمسك ايده وتشده برة الخناقة .. الامن يزيد ويفضوا الخناقة )
جنى ... حد يطلب اسعااااااف
كريم ... انا كويس اسعاف ليه ؟
جنى ... دماغك بتنزف
كريم ... لا مفهاش حاجة عادى
جنى ... طب تعالى نروح مستشفى
كريم ... جنى قلتلك انا كويس
( جنى تسيب ايد كريم وتمشي )
كريم ... في ايه بس .. استنى
( جنى عماله تعيط .. كريم يمسك ايدها يوقفها )
كريم ... والله انا كويس
( جنى تشد ايدها من كريم وتمشي .. كريم واقف تعبان مش قادر يمشي وراها يسند ع العربية ويقعد في الارض .. جنى ماشية ودم كريم ع هدومها مش مبطه عياط .. تفضل ماشية بتعيط .. الناس بتبصلها مستغرباها ومستغربة شكلها .. تفضل جنى تمشي .. كريم يمشي بيدور عليها مش لاقيها في الشارع .. دماغه عمالة تنزف مش قادر من الوجع .. تقف جنى ع جنب خلاص هايغمى عليها .. كريم عمال يبص يمين وشمال يشوف جنى من بعيد وهى تشوفه .. لسة هيروحلها يجيلوا وجع جامد في دماغه .. يوطى كريم في الارض ويمسك دماغه من الوجع .. جنى شيفاه لكن مش قادرة تتحرك من مكانها سكرها علي .. يقع كريم في الارض ويغمى عليه في نفس اللحظة الى جنى يغمى عليها فيها )
لقراءة باقي الفصول الجزء الثانى من هنا
لقراءة الجزء الاول كاملة جميع من هنا