رواية جراح القلب الجزء الثاني2الفصل التاسع9والعاشر10 بقلم شيمو الخطيب

الفصل التاسع والعاشر 

بقلم شيمو الخطيب

الحلقه ٩

من رواية جراح القلب ٢

سلمي طلعت مع مي على شقتها وقابلتها عايده

عايده :اهلا يا حبيبتي اتفضلي، البقاء لله يابنتي، وربنا يصبر قلبكوا يارب

سلمي: يارب يا خالتي، انا اسفه لو قلقتك

عايده:متقوليش كده ياحبيبتي، ده انتي بنتي زي مي بالظبط، خدي راحتك ياحبيبتي، وانا هحضرلكو العشا

سلمي:معلش ياخالتي متتعبيش نفسك، انا بجد مليش نفس اكل، وبعدين انا اكلت قبل ما اجي والله، تسلمي ياخالتي يارب

عايده : تعب ايه بس يابنتي، متقوليش كده، وبعدين لازم تتغذي يا سلمى، ومتستسلميش للحزن، لأنه لو اتملك منك مش هيسيبك، ربنا يحفظك يابنتي ويسعد قلبك

سلمي :يارب يا خالتي،

مي:خلاص ياماما سيبيها براحتها، سلمي مش غريبه واكيد لو احتاجت حاجه، هي هتقوم تعملها بنفسها، احنا هندخل نرتاح دلوقتي، وانتي ارتاحي ياست الكل،

عايده : براحتكو يا حبايبي، ولو احتاجتو حاجه، ابقو صحوني،

مي:، ان شاء الله يا أمي، تسلمي ياست الحبايب 

تعالي يا سلمى ، ادخلي خدي دش، وغيري هدومك، ويلا ياستي، هتنازل والبسك من هدومي، ويارب ترتاحي فيها، ههههه

سلمي: اي حاجه منك حلوه يامي، وكفايه وقفتك معايا 

مي:سلمي حبيبتي، بلاش كل شويه تشكرينا على وقفتنا معاكي، لأن ده واجب علينا كلنا، لاننا كلنا اخوات ونعتبر عيله واحده، فبلاش تحسيسينا اننا اغراب، 

سلمي: انا مش عارفه اقولك ايه بعد كلامك ده يامي، بجد انا بحبكو كلكو جدا، ربنا ميحرمنا من لمتنا دي ابدا، 

بس تعالي هنا، انتي طلعتي جري ليه لما مؤمن قال هيصالحك (وغمزت بعينها) 

مي: ااااه، شكلك هتفوقي عليا، لا بصي ياسلمي ، اقعدي ياحبيبتي هنا، وكملي عياط براحتك وفكك مني خالص، 

سلمي،: هههههه، بس انا هموت واعرف بيصالحك ازاي، 

مي: ابقى اسألي فارس وهو يقولك، قولا وفعلا، ويلا بقه خدي الدش بتاعك وتعالي عشان نرتاح شويه، لاني بجد هموووت وانام، هههههه

سلمي اخدت شاور وخرجت وصلوا مع بعض، وبعدها فارس اتصل، وسلمي قعدت تكلمه كتير، اما مي فغلبها النوم ونامت وسابت سلمي مع حبها الابدي

شيمو الخطيب

***** **********

عدو ال ٣ ايام على أبطالنا بكل مافيهم من حزن وتعب والم، وضحك وسعاده 

احمد كان بينزل الشغل ويباشره في غياب مصطفى بيه، وكان ممشى الشغل كأن مصطفى بيه موجود بالظبط 

هنا كانت بتروح لوالدتها الصبح تقعد مع مي وسلمي، واحمد بيعدي عليها اخر النهار، والكل كان فرحان بلمتهم جدا 

مؤمن كل يوم الصبح يتمرن مع نادر في مكان نادر مخصصه لتمرينه، ومجهز بكل شيئ، وحماس مؤمن بيزيد جدا، ونادر معجب بده فيه، 

فارس بيروح يطمن على سلمي كل يوم مع احمد ويتغدوا مع بعض وفارس يمشي واحمد ياخد هنا ويروح

ولاء كانت دايما بتتصل بأصحابها وتقعد تضحك وتهزر معاهم، وكان نفسها تبقى معاهم، لكن ظروف نادر مكنتش بتسمح 

طبعا مؤمن كان بعد ميرجع من تمرينه يقعد على اللاب توب ويظبط البرنامج ويبحث اكتر واكتر، لتزويد خبرته وعشان يبقى جاهز لأي اختبار مباشر ليه

*************

احمد قابل مصطفى بيه في الشركه، رابع يوم للوفاه 

احمد:حمدلله على السلامه يا فندم، يارب تكون بخير انت والاسره كلها 

مصطفى، : الله يسلمك يا احمد، انا اسف اني تعبتك الفتره اللي فاتت، لكن انت عارف الظروف، واني مقدرش اثق في حد غيرك يدير الشركه

احمد: متقولش كده يامصطفى بيه، انا بعتبر الشركه شركتي، وعمري مقصر في شغلي ابدا، 

مصطفى : خلاص يابطل، انا بقه عايزك تمشي دلوقتي، وتسافر براحتك خالص، لو عايز تقعد شهر انا موافق، كفايه انك تالت يوم جواز نزلت شغلك، 

احمد:ههههه لا يافندم، مش لدرجة شهر، ان شاء الله اسبوع ونرجع على طول 

فارس: السلام عليكم، حمد لله على سلامة حضرتك يامصطفى بيه 

مصطفي:الله يسلمك يافارس، 

فارس: ايه يا احمد سامع انك خلاص هتأجز، وتقضي شهر العسل، 

احمد: بلاش قرك ده، انت هتجبني ورا، هههههه 

مصطفي:ايه يافارس عايز تأجز انت كمان 

فارس: والله انا نفسي، بس الظروف بقه 

مصطفى :ان شاء الله قريب، انت راجل بجد يافارس، وتستاهل كل خير

فارس: والله انا من اول مره شوفتك وانا بحبك يا مصطفى بيه ههههههه

مصطفى :ههههه، ماشي يافارس،المهم سلمي عامله ايه، البنت دي مأثره فيا قوي، وخايف عليها، تعلقها بوالدها كان كبير، ربنا يصبرها يارب

فارس: بصراحه عيلة احمد، عامله معاها الواجب وزياده، ومش بيخلوها تاخد فرصتها في الحزن، بجد هي فرحانه جدا بوجودها معاهم، وده بصراحه بحسه في صوتها لما تكلمني، ده غير أن خالتي ام احمد ووالدة مي ووالده هنا، متوصيين بيها في الأكل جدا، تحس انهم بيأكلوها وهيدبحوها على العيد، ههههه

مصطفي: بقه كده، ماشي يافارس، متبقاش تزعل لما اقولها انت بتقول ايه عليها

احمد: ههههههه، وانا معاك يافندم، وربنا يقدرنا على فعل الخير

فارس: لا وعلى ايه الطيب احسن، انا اللي هيدبحوني على العيد ولا تزعلوا نفسكوا هههههه

مصطفى : ده انا فخور جدا ببنت اخويا، شكلها مسيطره على الآخر

احمد: هههههه هههههههه هههههههه

فارس:ياراجل، ضحكتك قوي، ماشي الله يرحم شكلك وانا بكلمك عن ندى، ولا نسيت ههههه

احمد: قلبك ابيض يافارس، وبعدين من خاف سلم

مصطفى : ونعم الرجاله، ههههههههه

وكلهم ضحكوا واحمد استأذن ومشي

شيمو الخطيب

**************

مؤمن رجع من تمرينه وكان الكل قاعدين عند ام احمد

مؤمن : السلام عليكم يا أهل الدار، ان شاء الله متجمعين في الفرح دايما ونروح صحبه عند النبي يارب

ام احمد :يارب، يا حبيبي،، عليه افضل الصلاة والسلام،، ربنا يفرحنا بيكو كلكو، ويطمنا عليكو

مؤمن : يا رب يا أمي، بعد اذنكو هدخل اخد دش واغير واجي اكمل اللمه الحلوه دي، 

مي دخلت وراه الاوضه 

مي: كنت فين يا مؤمن، 

مؤمن : هو ايه اللي كنت فين، انتي من امتى بتسألي بالطريقه دي يا مي، وبعدين ده بدل متقولي، حمدلله على السلامه 

مي: مؤمن، متقلبش الموضوع لصالحك، انت عارف اني مش راضيه عن اللي انت بتعمله، وبرده مكمل فيه، وانا بجد خايفه عليك 

مؤمن بضيق :بقولك ايه يامي، انا مبعملش حاجه غلط وبعدين انتي مشوفتنيش سافرت ولا اتحركت، لما تحصل حاجه  نبقى نتكلم

مي: بنرفزه،،، يعني انا هستني لما حاجه تحصل وبعدين نتكلم، فيه ايه يا مؤمن، انت ليه متمسك بالموضوع ده، ليه مش عايز تتنازل عنه 

مؤمن : لانه حلم اي شاب عنده طموح، وبعدين ده عمل وطني، وحاجه مشرفه ليا وليكي واولادنا في المستقبل، ليه انتي معقداها 

مي: لانه في خطر عليك يا مؤمن، انت اه هتساعد عن طريق التكنولوجيا، بس ده ميمنعش انك في دايرة الخطر، وانا معنديش استعداد اني اخسرك، 

مؤمن : سيبيها لله يامي، ومش عايز نخمن ونقدّر حاجه قبل وقوعها، وأن شاء الله هنبقى نتكلم بعدين، اظن ان ده مش وقته 

مي : ماشي يا مؤمن براحتك، انت حر اعمل اللي انت عايزه،

وسابته وخرجت مدايقه منه 

مؤمن خبط بايده على الدولاب بخنقه. واخد هدومه ودخل الحمام 

احمد وفارس وصلوا 

احمد: السلام عليكم، ودخل باس ايد والدته وسلم على كل اللي قاعد وباس هنا من جبينها وقعد جنبها 

هنا : حمدلله على سلامتك ياحبيبي، 

احمد: الله يسلمك يا هنون، 

فارس : اه ياعم ليك حق تدلع ويبقى مزاجك حلو، انت اجازه بقه 

هنا : بجد يا احمد، خلاص إفراج. ههههه

احمد باس ايديها، :إفراج ياقلب احمد، وهاخدك واستفرد بيكي بعيد عن شوية الاوباش دول وشاور على فارس والبنات، 

هنا اتكسفت، وقالت ربنا ميحرمني منك ابدا 

احمد بص لفارس، : والله يافارس انا مش خايف غير من قرك وحقدك علينا، ربنا يستر 

الكل ضحك وناديه كانت طايره من الفرحه من معاملة احمد لبنتها، وحنيته عليها 

احمد لاحظ ان مي قاعده مدايقه ومش على طبيعتها 

احمد : اييييه، يامي، لا اسكت الله لكي حساَ، مالك، 

مي:ابتسمت بتمثيل،،، لا مفيش انا كويسه يا احمد 

احمد : هو مؤمن فين صحيح 

مي: بياخد شاور و..... 

مؤمن قاطعها: ازيك يا بو حميد، ايه يافارس، اخبارك ايه 

فارس، : انا تمام، ايه فينك مختفي اليومين دول 

احمد: تلاقي اللاب  شاغله على الآخر، يلا الله يعينه 

مؤمن : فعلا، بشوف حالي ياعم، ولا انتو عايزين تشتغلوا وانا اقعد محلك سر 

فارس:ربنا يوفقك يا مؤمن، انا اتمنى ليك كل الخير 

مؤمن: تسلم ياحبيبي 

احمد :(بص لهنا) ها مش يلا بقه يا هنا نمشي، انا محتاج ارتاح شويه 

ام احمد : لا والله ميحصل، احنا نقعد كلنا نتغدى مع بعض، وبعدين اللي عايز يمشي يمشي، مهو احنا منتعبش في تحضير الاكل وبعدين تقول نمشي 

احمد : حقك عليا ياست الكل، خلاص نقعد نتغدى هو احنا هنلاقي احلى واطعم من اكلكو فين، ربنا يخليكوا لينا يارب 

وقامت ام احمد وعايده وناديه يحضروا الأكل 

هنا لسه هتقوم احمد شدها، : ايه رايحه فين، انتي متقوميش من جنبي ابدا 

هنا : هقوم اساعدهم يا احمد، مينفعش هما يحضروا الأكل واحنا البنات قاعدين كده 

احمد : سلمي ومي يقوموا لكن انتي لا، انتي وحشتيني قوي ياهنا 

هنا بعشق : انت كمان وحشتني قوي يا احمد، 

احمد: تعرفي انا نفسي اعمل ايه، 

نفسي اخدك ونسافر مكان مفيش فيه ناس، انا وانتي وبس، واقضي احلي وقت، مع احلى هنا، بجد انا مبشبعش منك ابدا، 

هنا، : انا بحبك قوي يا احمد، انت بجد كل حاجه حلوه في حياتي، انت كل حياتي يا حبيبي، 

________

مؤمن : مي هتفضلي مدايقه كده كتير

مي : اظن ان ده مش وقت كلام يا مؤمن، بعد اذنك هقوم اساعد خالتي في المطبخ (وسابته ومشيت) 

مؤمن : اوووف، انا اتخنقت بجد 

____________________

فارس: ها ياسلمي ،عامله ايه ياحبيبتي 

سلمي، : الحمد لله يافارس، بقيت احسن كتير 

فارس: الحمد لله يا حبيبتي، ودي اهم حاجه، عموما انا هرجعك البيت النهارده، ان شاء الله، ولا تحبي تقعدي 

سلمي : لا كده كفايه قوي كتر خيرهم بصراحه، ماما كلمتني وقالت إنها خلاص هترجع انهارده، يعني اكيد زمانها وصلت 

فارس: فعلا، مصطفى بيه قالي انه وصلها البيت، وطلع على الشركه، الراجل ده طيب قوي بجد، 

سلمي: عمي مفيش أطيب منه في الدنيا، نسخه من بابا الله يرحمه، 

فارس: الله يرحمه يا حبيبتي، اهم حاجه، مريحاني، اني شايفك كويسه، وده كل اللي يهمني 

سلمي: بصوت مهموس،،،، بحبك قوي يافارس 

فارس: قرب من ودنها : وانا بعشقك ياقلب فارس، 

_________________

الاكل جهز وكله اتجمع على السفره وكل واحده قعدت جنب حبيبها الا مي وده دايق مؤمن جدا 

احمد : لاحظ ان في مشكله بين مي ومؤمن، لكن محبش يبين للي قاعدين وعدي الموقف عادي 

مؤمن اتخنق من تصرف مي، واكل بسرعه وقام 

ناديه : اي يا مؤمن يا حبيبي انت لحقت تاكل 

مؤمن : الحمد شبعت ياخالتي، انا محتاج انام قوي بعد اذنكو، وبص لأحمد ومشي 

مي بصت على أحمد وعرفت انه ملاحظ ضيقة مؤمن، لكن كملت أكلها وكأن مفيش حاجه 

الكل خلص اكله، واحمد استنى لما فارس اخد سلمي ومشي وبعدها دخل لمؤمن اوضته 

احمد : ممكن ادخل اتكلم معاك ولا مش حابب دلوقتي 

مؤمن قام قعد على السرير، لا اتفضل يا احمد، طبعا،

احمد : ممكن افهم مالك،  ايه اللي شاغلك عننا، وعن مي بالأخص 

مؤمن : هي لحقت تشتكيلك 

احمد : اولا هي مقالتش حاجه خالص والله، ثانيا وحتى لو قالت، انت كنت ناوي تخبي عليا ولا ايه 

مؤمن : احمد، انت عارف انت ايه بالنسبالي، انا كنت عايز اتكلم معاك، بس في الوقت المناسب 

احمد : وياتري، هو ده الوقت المناسب ولا ايه 

مؤمن : احمد، نادر احتمال كبير يطلع مهمه، وممكن يحتاجني معاه، ودلوقتي انا بستعد لأي وقت يحتاجني فيه، لكن مي معترضه وقال ايه عشان خايفه عليا

احمد : ده رد فعل طبيعي منها يا مؤمن، ولازم تعذرها عليه، انت مش شخص عادي في حياة مي، بالعكس، انت بتمثلها 

العيله والدفا والأمان والحضن الحنين والحياه كلها، ليه تزعل منها وتحسسها انها مش من حقها تخاف عليك، وبعدين انت ليه تشتغل في مجال نادر وانت قدامك تشتغل في مجالك و في اكبر شركه في مصر 

مؤمن : يا احمد الموضوع انا مش بقيّمه كده، انا عارف اني سهل جدا اشتغل، بس انا حابب مجال المهمات الوطنيه دي، وبعدين انا مش هشتغل في مجال نادر، ده مجالي انا، انا مش هروح احارب يا احمد، انا هخترق تليفون، هعرف موقع معين، هخترق لاب توب وافك شفرات بعض المواقع، يعني ماليش علاقه باي مهمات او ضرب نار او خلافه 

احمد؛ : يبقى تحتوي مي وتفهمها براحه. مش تتخنق منها، لازم تعذرها وبعدين حط نفسك مكانها يا مؤمن، لو هي اللي حابه تشتغل في حاجه وانت حاسس انها في خطر. هتسمح ليها بالشغل ده، هتخاف عليها ولا هتبقى بالنسبالك عادي 

مؤمن، الرسول وصانا على النساء وقال عليه السلام (في الحديث الذي رواه البخاري" «مَن كانَ يُؤْمِنُ باللَّهِ واليَومِ الآخِرِ فلا يُؤْذِي جارَهُ، واسْتَوْصُوا بالنِّساءِ خَيْرًا، فإنَّهُنَّ خُلِقْنَ مِن ضِلَعٍ، وإنَّ أعْوَجَ شيءٍ في الضِّلَعِ أعْلاهُ، فإنْ ذَهَبْتَ تُقِيمُهُ كَسَرْتَهُ، وإنْ تَرَكْتَهُ لَمْ يَزَلْ أعْوَجَ، فاسْتَوْصُوا بالنِّساءِ خَيْرًا» 

وقال كمان (رفقا بالقوارير) يعني بالراحه يا مؤمن، وكل شيئ بالتفاهم هيتحل، قوم ومتزعلهاش تاني، مي بتحبك ومتقدرش تبعد عنك 

مؤمن : والله انا حاسس انها اختك، مش انا اللي اخوك هههههه

احمد : فعلا مي اختي يا مؤمن، واي غلط منك في حقها انا اللي هقفلك، انت لازم تفهم انك كل عيلتها لأنها ملهاش حد، اوعي في يوم تحسسها انها يتيمه يا مؤمن، كن ليها الاب والأخ والحبيب والزوج والابن والصاحب، لأنها مفتقده كل ده 

مؤمن : حاضر يا احمد، صدقني خلاص هحاول اراضيها 

احمد : تمام يلا بقه اخرج اتكلم معاها وانا هاخد مراتي وامشي 

مؤمن : طيب متقعد وامشي في السهره 

احمد : لا، سهرة ايه، احنا يدوب نمشي، عشان بمشيئة الله هنسافر الصبح على اسكندريه. نقضي اليومين اللي مش عايزين يتقضوا دول، ههههههه

مؤمن : ههههههه على رأيك، الحق بقه قبل محاجه تانيه تحصل، ههههههه

وخرجوا الاتنين من الاوضه واحمد وهنا مشيوا،

مؤمن بص لمى وراح ناحيتها، لكن هي قامت واستأذنت عشان تطلع ترتاح 

مي : بعد اذنكوا ياجماعه انا هطلع ارتاح شويه، 

ناديه : مي، مالك ياحبيبتي، مش على طبيعتك، حتى مؤمن قالي ياخالتي. وطالما قال كده يبقى مدايق 

مي: انا عن نفسي مش مدايقه من حاجه ياخالتي، اما هو بقه فممكن تسأليه ماله، بعد اذنكوا 

ناديه : مي ياحبيبتي، استنى بس، اول مره اعرف ان زعلك وحش قوي كده، (مؤمن واقف متابع الموقف وساكت) 

عايده : مالك يامي ياحبيبتي عنيكي مليانه بالدموع ليه، لو فيه حاجه اتكلمي 

مي بصت على مؤمن : لا يا ماما مفيش حاجه انا بس مخنوقه شويه، ومحتاجه اقعد لوحدي 

ام احمد: ايه ياجماعه انتو فاتحين ليها محضر ليه، مي ياحبيبتي، لو مدايقه من حاجه فضفضي مع اقرب حد ليكي، ومتحاوليش تكتمي في نفسك، واكيد انتي عارفه مين أقرب حد ليكي، 

مؤمن : ها خلصتو نصايح وكلام، سيبوها ليا بقه اشوف مالها،، بعد اذنكو يا جماعه 

ومسك مي من دراعها وشدها على اوضته 

مؤمن : ممكن افهم ليه كل الديقه دي.، عشان ايه كل ده يا مي 

مي: عيطت بصوتها كله ومردتش عليه 

مؤمن مسك وشها بين اديه، حبيبتي، بلاش دموعك يامي، انا اسف اني اتنرفزت عليكي، بس لازم تحترمي رغبتي يامي، مي عشان خاطري بطلي عياط، انا مش هعرف اتكلم معاكي كده 

مي: انا، انا، انا بحترم رغبتك يامؤمن، لكن انت اللي مستكتر عليا اني اخاف عليك، زي مايكون مش من حقي 

مؤمن : طيب ممكن تهدي وتبطلي عياط، ياستي والله انا مقدر احساسك جدا وعذرك كمان، لكن انا فهمتك كتير وانتي مش قادره تستوعبي كلامي، مي انا بحبك ومش عايز اشوفك زعلانه في يوم من الايام، عشان خاطري بلاش تخليني اعمل حاجه وتكون غصب عنك، والخطر اللي انتي خايفه منه ده لو مكتوبلي، فهيصبني حتى لو انا قاعد معاكي في البيت، يعني المكتوب ليا لازم هشوفه ايا كان مكاني يامي، وحياة مؤمن عندك متزعليش، وفكيها بقه انتي عارفه اني مبحبش جو الحزن والكآبه ده، 

مي: خلاص يا مؤمن، ربنا يحفظك ليا يارب، انا هستودعك عند ربنا وهو قادر يحميك 

مؤمن : قرب منها وضمها لصدره : ايوه كده ياحبيبتي، ربنا يهديكي، هههه، شكلك بتتلكي وعايزاني اصالحك مش كده 

مي ابتسمت : وضربته في كتفه 

ومؤمن حاول يهديها وضمها لحضنه، اللي بالنسبه لمى هو الأمان الحقيقي

و مي فهمت  وجهة نظره لكن لسه قلبها ملهوف على حبيبها وخايفه عليه جدا، بس استسلمت لرغبته 

وسلمت للأمر الواقع

بقلم شيمو الخطيب _________________

تاني يوم الصبح احمد صحي وبص لهنا اللي نايمه ومستسلمه في حضنه وشال راسها نزلها على المخده وقام بالراحه من جنبها

احمد دخل الحمام اخد دش وطلع اتوضي وبدأ يصلي

هنا صحيت من نومها وبصت جنبها ملقتش احمد، قامت قعدت على السرير ولقيته بيصلي، ابتسمت ليه بحب وقامت اخدت طقم رقيق ودخلت تاخد حمامها

احمد خلص صلاه وخبط عليها : حبيبتي قدامك كتير ولا ايه

هنا :لا ياقلبي ثواني وتلاقيني قدامك

احمد :طيب بسرعه يا هنون، عايز أصبح عليكي

هنا ابتسمت على حب جوزها ليها وخلصت ولبست هدومها وخرجت

احمد كان في الليفينج هي انتهزت الفرصه وقالت اصلي الأول وبعدين اطلع أصبح على حبيب قلبي

وفعلا صلت وخرجت

احمد: قلبي انا، صباح الفل يا قمري ، واخدها في حضنه

هنا : صباح الخير يا حبيبي، ثواني  وهحضرلك الفطار واعملك القهوه المظبوط

احمد: انتي مستعجله ليه بس، اقعدي معايا شويه، وحشتيني الشويه دول

هنا باسته من خده، انت كمان وحشتني قوي ياحبيبي، بس عايزين نفطر بسرعه ونسافر قبل محد يتصل علينا. ويعطلنا، انا بجد مش متفائله ههههههه 

احمد باسها وهنا دابت معاه، 

احمد : ضحكتك بتنور حياتي ياهنا.، بجد بدوبني فيكي اكتر واكتر. ربنا ميحرمني من ضحكتك دي ابدا يا قمري 

هنا :تسلملي ياحبيبي يااااارب، 

دخلت هنا تحضر فطار خفيف وفعلا فطروا واحمد شرب قهوته، وحضروا الشنط وخارجين من البيت

، وفجأه تليفون احمد رن 

هنا بصت لأحمد وكانو لسه على باب الشقه، 

هنا : اووووه، احمد متردش، انا تعبت، ههههههه 

احمد: ههههههه الله يسامحك يافارس، متقلقيش ده فارس اكيد بيرخم 

احمد رد : الو، نعم، خير 

فارس : هههههههه شكلك كنت نازل يامعلم، 

احمد : تصدق يافارس انا ابتديت اتشائم منك، انت ايه ياجدع انت، خنقتني 

فارس: ههههههه، حبيبي ده انا بطمن عليك، الحق عليا، 

عموما انا كنت عايز اقولك على حاجه 

احمد : لا اله الا الله، متقول يابني واخلص عايز امشي، قبل محد تاني يتصل ههههههه 

فارس : مفيش ياسيدي، ندى كلمتني وقالت إنها هتيجي تقدم في الشركه هنا، وعايزه تمسك مكاني في الحسابات. 

ها، ايه رايك

احمد، :..........

الحلقه ١٠

💔جراح القلب ٢💔

فارس كلم أحمد وهو نازل من شقته،

فارس: كنت عايز اقولك ان ندى عايزه تقدم في الشركه وتتعين مكاني في الحسابات، ها ايه رايك

احمد:انت بتتكلم بجد يافارس!!! ندى قلتلك كده فعلا

فارس: يعني انا ههزر في حاجه زي دي، والله لسه قافله معايا حالا وقالتلي انها جايه في الطريق

احمد: اعتقد ان عمر مصطفى بيه مهيوافق على حاجه زي دي، خصوصا بعد اللي هي عملته قبل كده، لكن غريبه، ازاي اصلا تتجرأ وتطلب طلب زي ده

فارس: والله معرفش، لكن اللي انا وانت نعرفه عن ندى، انها شخصيه كويسه من جواها، وأن اللي حصل ده كان مجرد، غيره وغل مش اكتر، 

احمد:، ماشي يافارس تمام، ايه بقه مشكلتك دلوقتي

فارس: انت هتعمل غبي يا احمد، بقولك هتقدم في الشركه وتتعين معانا، أوافق ولا لأ، مش عايز اعملك مشكله، أو انفذ اي خطوه وانت تدايق منها

احمد : وانت هتعملي مشكله ليه يافارس، انا مالي، لو هي فعلا تستحق التعين، اقبل و أعرض ملفها على مصطفى بيه ولو وافق، ده لو يعني، نفذه وعينها، غير كده انت حر، فارس، ندى انسانه عاديه جدا بالنسبالي، زيها زي اي حد في الشركه، تعامل يا فارس عادي، ومتشغلش بالك بيا خالص

فارس: تمام ياكبير. واسف اني عطلتك، هههههه

احمد: ولا يهمك واعمل حسابك انا هقفل تليفوني عشان اخلص منك ومن زنك، هههه

فارس:لا مش لدرجة انك تقفل التليفون، مش هعطلك والله. بس سيب الفون مفتوح عشان نطمن عليكو، وتوصل بالسلامه ياصاحبي

احمد: حبيبي يافارس تسلم،

وقفلوا مع بعض

احمد: يلا ياهنون ننزل الشنط ونلحق نمشي قبل محاجه تانيه تحصل، هههههه

فعلا نزلوا وركبوا العربيه وهنا ساكته خالص

احمد فهم حالتها مسك ايديها وباسها وهو سايق، : مالك ياملاكي، ساكته ليه

هنا : بصتله بحب،، ولا حاجه ياحبيبي، بقرأ شويه قرأن يحمينا من شر الطريق،

احمد : ولا تزعلي نشغل القرأن في العربيه، بس انتي مدايقه من حاجه،

هنا : بتردد،، هي، هي، هي ندى هتشتغل معاك في الشركه

احمد: اممممممم، اه يا قلبي هتشتغل في الشركه، ايه هو ده مدايقك

هنا : لا ابدا، انا بس بسأل،

احمد : لف وش هنا ليه، وقال،، : هنا حبيبتي، انتي واثقه انها انسانه عاديه بالنسبه ليا ولا لأ،؟ 

هنا : خايفه يا احمد، دي كانت في يوم من الايام حبي..... 

احمد بصوت عالي: هنااااا، متكمليش، معنى كلامك انك مش واثقه فيا، ومش واثقه في حبي ليكي، هنا انتي حبي الحقيقي، انتي حبيبتي الوحيده، انتي حياتي كلها، هيا كانت مجرد وهم، وهم وانتهى خلاص وانا فوقت منه، ليه مش قادره تصدقي وتنسى كل اللي فات من عمري وانتي مش فيه 

هنا اعتبريني، اتولدت من يوم مقولتلك بحبك، كل اللي فات من عمري قبل كده انا محسبتوش، عمري ابتدي من يوم محبيتك يا هنا 

هنا: انا اسفه يا احمد، بس انا بحبك، وبغير عليك جدا، ونفسي متفارقنيش ابدا،، وبثق فيك اكتر من نفسي، بس مش بثق فيها هي، انا مش هستحمل انها تقرب منك أو حتى تحاول، احمد انت متعرفش انا بغير عليك قد ايه، 

احمد: عارف يا هنا، لأن ده نفس احساسي، بس اللي عايزك تكوني واثقه منه، اني عمري مديها الفرصه انها تقرب مني ابدا، أو حتى تحاول، صدقيني ياهنا، 

وبعدين، احنا لو محدش رخم علينا وعطلنا، نرخم احنا على نفسنا، ونزعل، فكيها بقه خلي الدنيا تحلو، ههههه 

هنا:باست ايديه، : حبيبي انا بعشقك، 

احمد قرب من هنا وباسها من خدها، وانا بموووووت فيكي 

هنا : طب خلي بالك من الطريق، ربنا يستر ونوصل بالسلامه، ههههه 

احمد: والله مش عارف انا هركز في السواقه ازاي وقاعد جنبي أجمل ملاك في الكون، بحبك يابت والله، ههههههه 

هنا : مجنون، بس بموووت فيك والله هههههههههه 

شيمو الخطيب 

**************

في الشركه عند فارس

ندي دخلت على فارس

ندي:هاي يافارس ازيك،،

فارس:هاي يا ندى، عامله ايه، وبعدين ممكن نقول السلام، مش لازم هاي دي، ههههه

ندي: احم، امممم، عموما السلام عليكم يا استاذ فارس، ها كده كويس، هههه

فارس: وعليكم السلام يا انسه ندى، ههههه، كده تمام قوي، المهم،ممكن افهم ليه طلبتي الطلب ده، بالرغم انك عارفه انه ممكن يترفض، 

ندي: انا عارفه يافارس، بس انا واثقه انك هتساعدني

فارس: وايه اللي مخليكي متأكده كده، 

ندي: عشان انت عارفني كويس يافارس، صدقني بجد كل حاجه حصلت غصب عني، عشان خاطري يافارس حاول بجد تاخد بأيدي وتساعدني اني ابقى احسن، بلييز يا فارس

فارس: طيب ياندي فين الcvبتاعك, عشان منضيعش وقت

ندي قدمت الملف واخده فارس وبصلها وقال، :طيب ممكن تستنيني شويه هنا، هدخل لمصطفى بيه وارجعلك على طول

ندي :تمام مفيش مشكله، اتفضل يافارس

فارس دخل لمصطفى بيه وفهمه طبيعة، ندى وقدم ليه الملف،

مصطفي: انت ازاي يافارس عايزني بعد كل اللي حصل والخساره اللي كنت ممكن اخسرها اني أعين واحده زي دي عندي، انت ناسي ان هي اتكتب في ملفها انها ليها سابقه نصب، وبعدين هي ازاي قدرت تيجي تقدم بعد كل اللي عملته هنا 

فارس: يافندم، انا عارف ندى كويس جدا، وعارف انها عمرها مكانت نصابه ولا ليها في السكك دي نهائي، ندى انا اعرفها من سنين، كل اللي حصل انها غارت، وحضرتك عارف غيرة الستات يافندم، بتعمي عنيهم عن الصح في اوقات كتير، يافندم احمد نفسه اللي حصل معاه المشكله، حب يساعدها وطلب من الظابط اللي ماسك القضيه انه يطلعها شاهد ملك، وده لانه واثق انها كويسه، مشكلة ندى بس انها اتربت بأسلوب غلط، وده أثر عليها، لكن انا اؤكدلك يافندم انها انسانه كويسه، 

مصطفي: بس هي مش مصدر ثقه يافارس ،وبعدين مش عايزين نكرر اي غلط تاني

فارس: بص يا فندم،صدقني مفيش اي غلط ولا حاجه، ولو حصل اي حاجه انا اللي هتحمل المسؤليه قدام حضرتك، وساعتها لحضرتك حرية التصرف معانا، بس صدقني، هي انسانه كويسه، وعايزه مساعده عشان تبقى احسن، وبصراحه صعب عليا اني اشوفها محتجاني وارفض اساعدها، 

مصطفي:تقدر تساعدها يافارس، بس مش على حساب شركتي، انا بصراحه قلقان منها، ومش قادر اقرر،، طيب انت كلمت أحمد وقولتله

فارس: طبعا يافندم كلمته، وهو معندوش اعتراض لو حضرتك وافقت، لأنه عارفها كويس، وبعدين يافندم احمد لو كان شاكك فيها بنسبة ١٪ كان رفض تعيينها فورا، لكن هو قال لو تستحق اعينها، لأنها بالنسباله انسانه عاديه زيها زي اي حد في الشركه، 

مصطفى : بتفكير عميق، تمام يافارس، اللي تشوفه اعمله،وهتبقى على ضمانتك الشخصيه،واي غلط منها انت اللي هتتحاسب، وهحاول اديها فرصه تانيه، يمكن تطلع بنت كويسه زي مانت بتقول، ونكسب فيها ثواب، وربنا يوفقك

فارس : شكرا يا فندم، بجد انا مش عارف اقول لحضرتك، بعد اذن حضرتك يافندم 

فارس وصل مكتبه لندى،

ندي : ها يافارس، وافق ولا لأ

فارس : ان شاء الله ياندي تبقى معانا

ندي: ياااه، الحمدلله، كان نفسي اي حاجه تشغلني وتنسيني اللي مريت بيه،وتبعدني عن الطريق اللي كنت ماشيه فيه،، صدقني يا فارس مش هتندم على مساعدتك ليا، 

فارس: اتمنى يا ندى، انا عملت كتير قوي عشان اقنع مصطفى بيه انه يعينك، طبعا كان رافض تماما، بعد اللي انتي عملتيه، لكن حاولت أقنعه، والحمد لله، اقتنع، بس ده طبعا على ضمانتي الشخصيه

ندي: شكرا جدا يافارس بجد وصدقني عمري مهخذلك ابدا، بس معلش كنت عايزه اسأل، هو أحمد هنا في الشركه ولا لا

فارس: اممممممم بصي يا ندى مبدأيا كده، انتي تعاملك هيبقى معايا انا، احمد ملكيش دعوه بيه خالص، فبلاش تسألي عليه كتير، وبعدين متخلنيش اندم اني ساعدتك

ندي بدموع : خلاص يافارس انا اسفه. ممكن اعرف هستلم امتى،

فارس، : من دلوقتي لو تحبي، بس انتي هتدخلي تقعدي مع مستر اشرف، وهو محاسب معانا ومجتهد جدا، هو هيعرفك طبيعة الشغل، ويساعدك،

ندي : اوك يافارس، وميرسي، جدا ليك

فارس طلب اشرف،

اشرف : خير يا استاذ فارس، اؤمرني،

فارس: بص يا اشرف، الانسه ندى، هتتعين معانا في قسم الحسابات، وانت هتبقى مسؤول عنها، عايزك بقه تعلمها وتفهمها كل حاجه في حسابات الشركه، هتقدر ولا اشوف حد تاني غيرك

اشرف بص لندى : لا طبعا، هقدر ان شاء الله، اتفضلي يا انسه ندى

ندي خرجت مع أشرف، وفارس اتنهد بخوف، انه يتسبب في اي ضرر لصاحبه، لأنه واثق ان ندى لسه بتحبه، لكن هو واثق في احمد،

شيمو الخطيب

_____________

عند نادر

نادر في شقته ولسه راجع من تمرينه مع مؤمن، وعنده يقين ان مؤمن يقدر يساعده وانه بيتقدم وعنده عزيمه شديده

بعد ما نادر اخد دش وخارج تليفونه رن

وكان مدير الجهاز

نادر: السلام عليكم، اخبار حضرتك يافندم

المدير: وعليكم السلام، اهلا يا سيادة الرائد،

نادر: قلبه بيدق: خير يافندم اؤمرني

المدير: جالي اخباريه دلوقتي، ان في مؤتمر عربي هينعقد في شرم الشيخ بخصوص دراسة مشروع ضخم هيتم هنا في القاهره بتمويل عربي، ولازم يتم تأمينه انت عارف يانادر المشاكل اللي بتحصل في المؤتمرات دي، وانا بصراحه ملقتش حد اكفأ منك يقوم بالمهمه دي، انت هتدرس الوضع صح وتقدر تأمنه صح

نادر : تحت امرك يافندم، انا جاهز في اي وقت، لكن اتحدد معاده ولا لسه، 

المدير : لحد دلوقتي لسه المعاد متحددش، لكن مش هيبقى بعيد يعني،اكيد ايام وهينعقد المؤتمر

نادر: ومين هيكون معايا يافندم في المهمه دي،

المدير: ان شاء الله الرائد إيهاب، اتمنى انكو تتفقوا مع بعض، انا عارف انك مش بترتاح في الشغل معاه، لكن ده شغل وهو يقدر يساعدك

نادر: تمام يافندم، متقلقش حضرتك، اهم شيئ مصلحة الشغل

معلش يافندم بس، انا كنت كلمت حضرتك عن مهندس وخبير في الكمبيوتر وقولت لحضرتك اني ممكن احتاجه الفتره الجايه وانه جدير فعلا ومحل ثقه، هل لو أمكن استعين بيه لانه هيساعدني كتير

المدير : ياريت اشوفه يا نادر وساعتها هعرف اذا كان جدير ولا لأ، واتمنى ان ثقتك فيه تبقى في محلها

نادر: اكيد يا فندم في محلها، ان شاء الله هنقابل حضرتك، وحضرتك هتحكم بنفسك

المدير: تمام مفيش مشكله، لو اثبت جداره اكيد هيكون ليه مكان بينا، ربنا يوفقك يابطل، ان شاء الله هبلغك باي جديد يوصلني

نادر: ان شاء الله يافندم، مع الف سلامه

وقفل نادر وهو في قمة ديقته بسبب الرائد إيهاب لانه مش بيرتاحله ولا بيرتاح للشغل معاه

وقرر انه يكلم مؤمن يبلغه

شيمو الخطيب

_____________

احمد وهنا وصلوا اسكندريه وطلعوا على الفندق اللي فارس حجزلهم فيه وكان على البحر مباشرة والمنظر كان مبهر جدا

احمد حط الشنط وبدأت هنا ترتب الهدوم واحمد دخل اخد شاور وخارج

احمد: حبيبتي، انتي لسه مخلصتيش،

هنا : انا بس كنت بتدلع ههههه، بصراحه قعدت في البلكونه المنظر تحفه يا احمد

احمد، قرب من هنا وحاوطها من وسطها،، : حبيبتي انا فرحان قوي للسعاده اللي انا شايفها في عينيكي دي، ربنا ميحرمني منك ابدا يا ملاكي

هنا: مش كانت ياقمري، غيرتها ليه، ههههه

احند: هنا انا مش لاقي كلمه توصف اللي جوايا ليكي، يمكن انا فعلا شايفك قمري اللي منور حياتي، لكن ملاكي أعمق، وتشمل كل المعاني الجميله، انتي فعلا ملاك يا هنا. وقرب منها وباسها باشتياق، وهنا بادلته الاحساس

وبعدها بدأ احمد يساعدها في ترتيب الهدوم،

احمد : تحبي ترتاحي يا حبيبتي ولا ننزل نتغدى،

هنا : لا ارتاح ايه، احنا هنقضيها لف النهارده، انا نفسي الف البلد كلها. مع اني عارفاها، بس معاك انت هيبقى ليها طابع خاص، وباسته من خده واحمد ضمها لحضنه

هنا: هدخل اخد شاور وأخرج نلبس ونمشي على طول

احمد : ماشي ياقلبي وانا هحضرلك طقم على ذوقي ويارب ذوقي يعجبك

هنا : انت اي حاجه منك بتعجبتي، يا حبيبي،

احمد: انا مش عارف هعشقك ايه اكتر من كده،

هنا حضنته وقالت: بقولك يا احمد، متكلمش ماما ولا حد الا لما اخرج ونكلمهم سوا،

احمد : عنيا يا حبيبتي، انا هصلي على متخلصي، ويلا بسرعه عشان تلحقي الضهر لان العصر قرب يأذن

هنا دخلت واحمد فرش سجادته وبدأ يصلي ويدعي ربنا انه يديم عليهم السعاده

شيمو الخطيب

_____________

عند مؤمن

ام احمد : مؤمن يا حبيبي متتصل باخوك تطمنا عليه، شوفه وصل ولا ايه

مؤمن حاضر يا أمي، وفعلا مؤمن اتصل على أحمد، ومردش

مردش ياماما تلاقيه بس بيظبط حاله، أو بيرتاح من تعب السفر، ساعه كده واكلمه ان شاء الله (مؤمن بيحاول يطمن والدته لكن هو من جواه قلقان)

ام احمد: ربنا يستر يابني يارب، ويطمنا عليهم

ناديه خبطت على الباب ومؤمن فتح

مؤمن : صباح الفل يا دودي، تعالي اتفضلي

ناديه : بقلق حقيقي،، كلمت أحمد اطمنت عليه يا مؤمن

مؤمن : ادخلي بس ياحبيبتي مالك قلقانه كده

ناديه : مش عارفه ليه قلبي مش مطمن، كلمت هنا ومردتش وكلمت احمد برده مردش،

مؤمن : ضمها ليه، اطمني ياحبيبتي خير ان شاء الله، تلاقيهم بيرتاحو من تعب السفر،

ناديه : المسافه مش مستاهله راحه، ربنا يستر

ان احمد: تعالي يا ناديه، خير يا حبيبتي اطمني

ناديه دخلت وتليفون مؤمن رن،

مؤمن جري على الفون بسرعه وكان احمد

مؤمن بلهفه : احمد، انتو كويسين

احمد: ايوه الحمد لله بخير، مالك يامؤمن صوتك ماله

مؤمن : لا يا حبيبي مفيش، انا كلمتك من شويه وانت مردتش، فكنت بس قلقان شويه

احمد: معلش يا حبيبي، كنت بصلي وهنا مسمعتش التليفون، المهم انتو عاملين ايه وحشتوني

مؤمن : إحنا تمام طول ما انت تمام، يا حبيبي، انا بجد حاسس ان روحي مش في المكان يا احمد، اول مره تسافر مكان وانا مش معاك

احمد : تصدق فعلا اول مره تحصل من يوم متولدنا، ههههه، قال وانا اللي كنت عايز اروح ألمانيا ولا باريس، يلا الحمد لله ان هنا رفضت، كنت هحس اني عامل زي السمك اللي طلع من الميه، ربنا ميحرمني منك ابدا يا مؤمن، انا عمري معرف افرح الا وانت معايا يا حبيبي، ربنا يفرحك يارب

مؤمن : طيب ياعم كلم بقه ناديه وام احمد اصلهم قلقانين عليكو جدا

وفعلا كلمهم وهنا خرجت من الحمام وكلمتهم، واطمنوا عليهم وقفلوا

مؤمن : ها اطمنتوا خلاص، انا معرفش انتو بتقلقوا بسرعه كده ليه

ناديه : اللي يشوفك بتتكلم كده، يقول انك مكنتش قلقان، وانت قلقك كان زايد عننا، وكان باين عليك قوي، كفايه لهفتك على الموبايل اول مرن،

ام احمد: ربنا يسعدهم يا ناديه ويخليهم لبعض، دول ثمرة تعبنا ياناديه، ربنا يحفظهم من كل شر يا رب

ناديه ومؤمن، يااااااارب ياحبيبتي

شيمو الخطيب

_______________

في الفندق

هنا بعد مكلمت والدتها وأم أحمد، بصت لأحمد وقالت

هنا: عارف يا احمد، مهما بعدنا لازم بنحن لأهلنا وحبايبنا، حاسه اني فرحانه قوي بوجودك معايا، لكن مدايقه اني بعيد عنهم، مش عارفه انا كده صح ولا غلط، هههه

احمد: حبيبتي انا مقدر احساسك جدا، احنا اتربينا مع بعض وعمرنا مفترقنا. اتعودنا كل يوم نتجمع، اتعودنا نفرح مع بعض ونحزن مع بعض، فأكيد ده احساس طبيعي.

هنا : فعلا يا احمد، لكن انا بشكر ربنا انك موجود في حياتي يا حبيبي، بجد انت بتخلي لحياتي معنى، انا حاسه ان قلبي بيدق بحبك انت،

احمد: قرب منها ومسك وشها بايديه وسند راسه علي جبهتها:يعني مش هتبطلي تحبيني في يوم من الايام

هنا: انا لوبطلت احبك تأكد ان اكيد قلبي وقف عن النبض، انت عمري كله يا احمد، ورفعت دراعها وحاوطت رقبته، واحمد شالها وضمها لقلبه، وهنا بادلته الاحساس، ودخلوا جنة الحب، وكل واحد عبر عن حبه للتاني بطريقته الخاصه

وبعد الوقت الجميل ده، اخدوا حمام وطلعوا يجهزوا عشان ينزلو يتغدوا ويستمتعوا بجمال اسكندريه،

وفعلا هنا لبست الطقم اللي احمد اختاره واحمد ساعدها في لبسه حتى حجابها، ساعدها فيه وهي ساعدته في لبسه وكمان رشتله برفانه اللي هي بتعشقه ومسك ايديها كأنه بيحضنها ونزلوا مع بعض

دخلوا مطعم أسماك واتغدوا، ودخلوا سينما واتمشوا على الكورنيش 

هنا : احمد انا نفسي في غزل البنات، 

احمد: من عيوني يا حبيبتي انتي تؤمري وفعلا جابلها غزل البنات، وهنا طلبت منه يجيبلها بلالين، وجاب كل البلالين اللي مع الولد اللي بيبيع 

احمد : هنا، انا حاسس اني متجوز طفله، هتمشي بالبلالين دي كلها ازاي، 

هنا ماسكه البلالين ورفعاهم لفوق، وبتبص للسما وفرحانه جدا،، احمد سيبني اعيش طفولتي، انت مكسوف ولا ايه 

احمد: عمري متكسف منك ابدا، واخد منها كام بلونه وقعد يدور على قلم 

هنا: بتدور على ايه،، 

احمد: عايز قلم، وياسلام لو الوان 

هنا: وانا فعلا معايا قلم الوان، احلم يا حبيبي وانا هحققلك الحلم فورا، 

احمد:هههههه وده معاكي بيعمل ايه 

هنا : كان عجبني وخدته من ولاء من ايام الجامعه ومن يومها اشيله من شنطه احطه في التانيه، ههههه 

احمد: خد القلم وكتب على بلونه، بعشقك ياهنا، والتانيه، انتي مصدر سعادتي، والتالته، بحبك يا ملاكي،، وساب البلالين طارو في السما وهنا مراقباهم والفرحه هتنط من عنيها، واحمد فرحان جدا للسعاده اللي هنا فيها، ولفتوا نظر كل اللي موجودين في المكان وكتير من الناس باركولهم ودعولهم بالسعاده، وقضوا احلى وقت مع بعض، وكانوا في قمة الفرح، ورجعوا بعدهاعلى الفندق 

شيمو الخطيب

____________

مؤمن قاعد على اللاب توب بيشتغل عليه ومندمج جدا، الموبايل رن وكان نادر 

نادر : ازيك يا هندسه واحشني والله 

مؤمن : ياراجل قول كلام معقول، انا لسه سايبك من كام ساعه بس، خير، فيه جديد 

نادر: انت قلبك حاسس ولا ايه. اه ياعم في جديد 

مؤمن بحماس: ها، اتكلم بسرعه 

ناذر : ياعم اصبر بس شويه، انا مش فاهم ايه الحماس اللي عندك ده، محسسني اننا طالعين رحله 

مؤمن : متنجز يا نادر وتقول ايه اللي حصل، 

نادر: ههههههه حاضر حاضر، بص يا سيدي، المدير كلمني وقالي ان في مهمه بسيطه في شرم، وانا هقوم بيها، فأنا كلمته عنك تاني وقال هنقابله ان شاء الله بعد كام يوم، اجهز بقه يابطل

مؤمن : ايوه كده، خلينا نشتغل يا عم، هههههه 

نادر : والله انا بستغربك جدا، عموما ربنا يوفقك يا صاحبي، انا متفائل بيك جدا 

مؤمن: حبيبي يانادر 

_____________

وبعد مامر ٣ ايام على أبطالنا مابين حب وتعب وشغل وسعاده، 

مؤمن قاعد زهقان لانه مشافش احمد بقاله كذا يوم، 

كلم فارس : واد يا فارس، بقولك ايه، 

فارس: خييييير، دخلتك مش عجباني 

مؤمن : انا عايز اخد مي واسافر لأحمد نقضي معاهم يوم ونرجع، ايه رايك لما تجيب سلمي ونعملها مفاجئه ليهم 

فارس: اشطااا، انا معاك جدا، شوف عايز امتى وانا انفذ فورا، واهي فرصه سلمي تغير جو، لأنها حابسه نفسها من بعد وفاة والدها 

مؤمن : خلاص حلو قوي، انا هكلم نادر واشوف رأيه 

فارس: تمام، ابقى بلغني وصلت لايه 

مؤمن : انت ياض، اوعي تكلم أحمد تقوله، انا عايزها مفاجئه 

فارس: اوك تمام، عيب عليك يامعلم 

مؤمن قفل مع فارس وكلم نادر اللي رحب بالفكره جدا، وفعلا اتفقوا انهم يسافروا واتحركوا كلهم على اسكندريه، بعد مفارس استأذن مصطفى بيه انه ياخد سلمي ويسافر وفعلا وافق مصطفى بيه، وسافروا كلهم على هناك 

فارس كان عارف مكان الفندق بحكم انه هو اللي حجز لأحمد 

فارس دخل الفندق وسأل على أحمد وكان تقريبا الوقت ٢ ظهرا 

الموظف : ايوه يافندم هو موجود فعلا، تحب أبلغه بحاجه 

فارس : ايوه ياريت تقوله ان في ناس عايزينه تحت 

الموظف، : طيب ولو سأل مين حضراتكوا 

فارس: قول انك متعرفش، وهو ينزل بنفسه ويعرف 

الموظف فهم فارس، : تحت امر حضرتك يافندم 

الموظف كلم احمد وبلغه وقال نفس الكلام، وقفل

هنا : خير يا احمد فيه ايه 

احمد : مش عارف، استقبال الفندق كلمني وقال إن فيه ناس بيسألوا عليا تحت

هنا : غريبه، انت تعرف حد هنا 

احمد: بتفكير، لا خالص، المهم انا هلبس وانزل اشوف مين دول 

هنا :اوك وانا هنزل معاك، 

احمد : لا خليكي انتي يا حبيبتي، هاشوف الحكايه ايه وبعدين اطلعلك، وياريت ياهنا المره دي تسمعي كلامي، وباسها من خدها وسابها ونزل 

                 الفصل الحادي عشر من هنا