من رواية💔 جراح القلب ٢💔
الفصل السابع والثامن
بقلم شيمو الخطيب
ندي كلمت خالها وسألته على عنوان شقةوالدتها وفعلا خالها بلغها العنوان، وندى قررت
انها تزور والدتها، وتعملها مفاجئه ليها
ندى راحت علي العنوان وخبطت لكن اتصدمت
ندي: هي مش دي شقة فايزه هانم،
فايزه سمعت صوتها، قامت بسرعه من مكانها
فايزه : ندي، بنتي، حبيبتي، (واخدتها في حضنها) تعالي ياحبيبتي ادخلي، انتي وحشتيني قوي
ندي : بتبص على الشخص اللي فتحلها الباب، ومش عارفه هو عند والدتها ليه
ندي: انتي كمان وحشتيني ياماما، بس انا زعلانه منك، انتي محاولتيش حتى تسألي عني من آخر مره كنتي عندي
فايزه : انتي عارفه ياندي اني كنت حزينه جدا عليكي يابنتي، والفتره دي تعبت فيها، ومكنتش بقدر اشوفك في الظروف دي، غير اني كنت بخاف اقابل ابوكي، لأني بصراحه مش طايقه ابص في وشه
ندي بتبص على الشاب اللي موجود، وساكته
الشاب :احم، بعد اذنك يا مدام فايزه، انا مضطر انزل دلوقتي، ولو حضرتك احتاجتي حاجه كلميني
فايزه : ماشي، تقدر تتفضل انت وانا هبقي اكلمك، ياريت تقفل الباب وراك كويس
الشاب، تحت امرك يامدام،
ندي :مين ده ياماما، وبيعمل ايه معاكي هنا لوحدكوا
فايزه : ايه لوحدنا دي يا ندى، ده شاب بيقضيلي طلباتي، ده، ده، دليفري السوبر ماركت
ندي بعدم اقتناع، : دليفري،!!!! هو في دليفري، لبسه وشكله كده،
فايزه : انتي هتفتحيلي تحقيق ياندي، مبلاش اسلوب ابوكي ده لانه فعلا بيخنقني،
ندي :امممم، ماشي ياماما، انا اسفه، عموما انا كنت جايه اطمن عليكي، وهمشي على طول،
فايزه : هو انتي عرفتي ان احمد اتجوز
ندي بنفاذ صبر : اه يا ماما عرفت، وربنا يهنيه، انا همشي انا بقه
فايزه : وعرفتي انه اتجوز هنا،
ندي : اممممممم (بزعيق)، انتي عايزه توصلي لايه يا ماما، طلعي احمد من دماغك، كفايه انك ضيعتيه من ايدي، واظن انك عرفتي انه بقه رئيس مجلس إدارة الشركه،
فايزه : اه عرفت، وفارس بقه مدير الحسابات، مش كده
ندي : يااااه ده انتي متابعه بقه،
فايزه : انا بعرف أخبارهم بالصدفه، وعموما دول ميستاهلوش احطهم في دماغي
ندي : يكون أفضل برده، انتي طلعيهم من دماغك، وصدقيني هترتاحي، وتريحيني، سلام يا ماما انا همشي وهبقي اجيلك مره تانيه
فايزه : مع السلامه ياندي
ومشيت ندى وهي بتسأل نفسها اسئله كتيره، مين الشاب اللي كان موجود، وكان بيعمل ايه عند ماما، وماما عرفت منين اخبار شغل احمد وفارس، وياتري هي ناويه على ايه،
لكن للأسف مقدرتش توصل لأي اجابه، وسابت الايام هيا اللي تجاوب على كل الاسئله دي
شيمو الخطيب
**************
عند ام احمد في البيت،
الكل طبعا كان متجمع وفرحان باللمه الجميله اللي الكل بيعشق جوها
فارس اتصل على أحمد
احمد : الو، ايوه يافارس،
فارس،: احمد، انت فين يا احمد
احمد قلبه دق بخوف، : في ايه يابني مالك
فارس،: والد سلمي توفي يا احمد، وسلمي حالتها وحشه قوي، انا محتاجك معايا
احمد : لا حول ولا قوة الا بالله، امتى حصل ده، وانت فين دلوقتي
فارس : سلمي لسه مبلغاني الخبر حالا، وانا رايح في الطريق على المستشفى،
احمد : البقاء لله يافارس، انا هنزل اجيلك حالا، متقلقش مسافة الطريق وهبقي عندك
فارس: انا اسف ياصاحبي اني قلقتك، انا بس قلت ابلغك عشان خاطر مصطفى بيه، وانا اعصابي تعبانه و مش عارف اتصرف
احمد : عيب عليك يا فارس، متقولش كده، انا هجيلك حالا، وحاول انت تهدي سلمي
هنا القلق واضح عليها جدا من اول الحوار، واول احمد مقال البقاء لله، حطت اديها على قلبها وعرفت انه اكيد والد سلمي ودمعه نزلت منها
احمد قفل مع فارس
هنا : والد سلمي توفي يا احمد، مش كده
احمد، للأسف ايوه، ربنا يصبرهم يارب
الكل، :لا حول ولا قوة الا بالله ربنا يرحمه يارب
احمد :مؤمن، هتيجي معايا ولا وراك حاجه
مؤمن : لا طبعا جاي معاك يا احمد، مقدرش اسيب فارس في الظروف دي،
بس مش واجب نتصل بنادر نبلغه، ممكن يزعل، وده زعله وحش بصراحه،
احمد : انت بتهزر، والله منا عارف انت بتحس ولا لأ،
مؤمن : والله انا بحاول الطف الموقف بس، انت عارفني، مكرهش في حياتي قد الحزن، لكن اكيد عندي دم وبقدر المواقف، المهم كلم انت نادر، وانا هدخل اغير ونمشي مع بعض
احمد :ماشي، يا مؤمن، بس بسرعه
هنا : احمد، ممكن اجي معاك، عشان خاطري، سلمي اكيد محتجاني
احمد بتفكير : اممممم، ماشي ياهنا تعالي،
مي : انا كمان هلبس واجي معاكو، وطلعت بسرعه قبل ما احمد يرد عليها
مؤمن خرج من اوضته، :هي مي فين يا احمد،
مي نزلت وكانت لابسه،
مؤمن : ايه ده انتي رايحه فين
مي : انا جايه معاكو، عشان خاطر سلمي، واوعى ترفض عشان خاطري
مؤمن : ماشي يامي، (وبص لأحمد) يلا بينا يا احمد، وكلهم اتحركوا ومشيوا على المستشفى،
شيمو الخطيب
***********
فارس وصل المستشفى وكانت سلمي قاعده ومامتها واخوها الصغير جنبها، والكل في حالة عياط هستيري
فارس جري على سلمي : سلمي، حبيبتي، البقاء لله، ادعيله يا سلمى.
سلمي: بصت لفارس وعنيها حمرا جدا من العياط وقامت وقفت قدامه، وفجأه وقعت بين ايديه
فارس بصوته كله، : سلمييييييي، حد يلحقني بدكتوره بسرعه،
وشالها وجرى بيها وكانت الممرضه واقفه دخلته أوضة الكشف، وفارس حطها براحه على السرير، وقلبه بيتقطع، وجت الدكتوره وكشفت عليها وقالت انه انهيار عصبي نتيجة لصدمه وفاة والدها وان شاء الله هتبقى كويسه،
فارس: بخوف حقيقي،،، يعني هي هتفوق امتى يا دكتوره
الدكتوره : انا اديتها مهدئ وهي هتنام تريح اعصابها وان شاء هتكون بخير، متقلقش يا استاذ فارس
فارس، : انا متشكر جدا يا دكتوره،
الدكتوره، :مفيش شكر ولا حاجه، انا عايزاك تحاول معاها تاكل، لأن عندها ضعف شديد، ولازم كمان تحاول تحسن من نفسيتها، الفتره اللي هيا قضتها هنا في تعب والدها، ارهقتها جدا، ياريت تحاول تخرجها من الحاله دي، انا من متابعتي ليكوا الفتره اللي فاتت، حسيت انها متأثره ومتعلقه بيك جدا، وانا اسفه اني بقول تابعتكو، بس بصراحه الحب اللي شوفته بينكو شد انتباهي، وربنا يسعدكوا يارب ويصبركوا
فارس: ربنا يخليكي يادكتوره حضرتك متتاسفيش ولا حاجه، ربنا يقدرني يارب واسعدها واعوضها عن كل حزن شافته، وبص لسلمى وغصب عنه دمعه نزلت منه
والدة سلمي دخلت ملهوفه عليها، : بنتي حبيبتي، قومي ياسلمي، ده انتي اللي بقيالي، قومي يابنتي انا مش حِمل كل ده، قومي متقهريش قلبي عليكي، (وبصت لفارس) قومها يافارس هي بتسمع كلامك، قومها هيا بتحبك والله، ومسكت سلمي من كتفها وبصصوت عالي) قومي بقه ياسلمي ، انا مقدرش على كده لوحدي، يااااارب، ياااااارب
اللهم أجرني في مصيبتي واخلفني خيرا منها، ياااااااااااارب
فارس مسك والدة سلمي، وحضنها وقعد يهدي فيها
فارس : اهدي يا امي عشان خاطري، سلمي كويسه والله، هي بس نايمه، لأن الدكتوره ادتها منوم، لكن هي كويسه، وشويه وهتقوم وهتبقى زي الفل، اهدي عشان خاطري
وفعلا هديت واستكانت في حضن فارس، وفارس سندها وقعدها على كرسي في اوضة سلمي وخرج
ولأول مره ينهار من العياط لانه افتكر يوم وفاة والده، وذكريات اليمه واجهته
احمد وصل وشاف فارس ساند بضهره للحيطه ومرجع راسه ورا ودموعه نازله
احمد حط ايده على كتف صاحبه : ايه يابطل، هتضعف من اولها
فارس فتح عنيه، واترمي في حضن احمد ودموعه بتنزل، :سلمي تعبانه يا احمد، واللي عوضني عن ابويا هو كمان مات، وانا مت من جوايا يا احمد
احمد ضم صاحبه في حضنه،
ومؤمن شد فارس من حضن احمد، وقال
مؤمن: متنشف يافارس كده، لازم تبقى قوي، وتواجه اي حاجه بشجاعه، قوتك دي هي اللي سلمي هتستقوي بيها
احمد : فارس، انا عارف انك افتكرت كل ذكريات وفاة والدك، وعارف انها من أصعب اللحظات عليك، بس ده ميمنعش انها خلاص ذكرى، يعني لازم تتغلب عليها، لازم تواجهها عشان تقوى سلمي وتصبرها، فارس ، انت دلوقتي مسؤول عن سلمي ووالدتها واخوها، يعني انت سندهم، وطبعا ربنا يخلي مصطفى بيه، بس انت اقربلهم، عشان خاطري حاول تتماسك
هنا بعياط لمنظر فارس: فارس البقاء لله ربنا يرحمه ويصبر قلوبنا جميعا،
فارس : انا اسف ياهنا، واسف ليكو كلكو اني قلقتكو، بس غصب عني، مقدرش أواجه الموقف وانتو مش معايا،(وبص لأحمد)
احمد : وانا معاك ياحبيبي، على المره قبل الحلوه، المهم عندي ان اشوف فارس القوي، اللي يقدر يعدي اي ازمه
هنا ومي، : هي سلمي فين يافارس
فارس : في الاوضه دي، تقدروا تدخلولها
مي وهنا راحوا لسلمى فعلا، واحمد لمح مصطفى بيه اخر الطرقه بيتكلم مع الدكتور
اتحركوا كلهم ليه،
احمد ومؤمن وفارس :البقاء لله يا مصطفى بيه
مصطفى، : البقاء والدوام لله، شكرا لمجيتك يا احمد انت ومؤمن
احمد، : حضرتك بتشكرنا على ايه يافندم، ده واجب علينا طبعا، ربنا يجعلها آخر الأحزان يارب،
مصطفى : يااااارب، انا اتصلت على قرايبي في البلد وان شاء الله الإسعاف هتنقل اخويا ويدفن في بلده، ربنا يرحمه يارب
فارس، : ربنا يرحمه يارب، خلاص انا هبلغ حماتي.، واحضر الجنازه مع حضرتك، بس للاسف سلمي تعبانه ومش هتقدر تيجي
مصطفى، : انا بفضل انهم ميحضروش حاجه، انا عارف ان حالتهم صعبه، ومش هيستحملوا كل ده، عموما احنا نروح ندفن وناخد العزا، ونرجع نطمن عليهم
وانت يا احمد، هيا هنا معاك
احمد : ايوه يافندم، رفضت تسيب سلمي في الظروف دي
مصطفى : خلاص يابني، خد مراتك، واتحرك على شقتك، اللي اعرفه انك كنت مسافر اسكندريه النهارده، سافر يابني ومتشغلش بالك بحاجه
احمد : حضرتك بتقول ايه يافندم، ازاي اسافر واسيبك في الظروف دي، لا طبعا عمري مقدر اعملها، السفر يتأجل، لأي وقت تاني،
مصطفى :يابني اسمع الكلا،،،
احمد: قاطعه،،،، مصطفى بيه، صدقني مهما قولت عمري مهمشي واسيبكو، انا عمري ماتخلي عن فارس او حضرتك في موقف زي ده، وربنا يجعلها آخر الأحزان يارب
فارس بص لصاحبه بامتنان ومصطفى شكر احمد علي موقفه واتحركوا على البلد، لحضور الدفنه والعزا
فارس قبل ميمشى دخل اطمن على سلمي بس كانت نايمه،
والدة سلمي كانت بين نارين انها تروح دفنة جوزها ولا تسيب بنتها تعبانه
هنا، : خالتي، روحي انتي يا حبيبتي، مينفعش متبقيش معاهم، وانا ومي هنبات مع سلمى هنا
الام (سميره ) : ازاي يابنتي هتسيبي بيتك وجوزك ده انتي لسه عروسه جديده،
هنا : ياخالتي متقوليش كده، سلمي دي اختي وصاحبتي وعشرة عمري، اتكلي انتي على الله وان شاء الله هتعدي
فارس: هنا مش ممكن احمد ومؤمن يدايقوا
هنا :لا طبعا يافارس، انتو بس خلصوا الإجراءات هناك، وأن شاء الله على متيجو سلمي هتبقى زي الفل، ونروح كلنا، انا متأكده ان شاء الله
فارس: خلاص ياحماتي يلا بينا وان شاء الله سلمي هتبقى بخير
وقرب من سلمي ووطي عليها وباس جبينها، وقال
سلمي، فوقي عشان خاطري، انا مش قادر اشوفك كده، سلمي، عشان خاطر حبنا متعذبيني اكتر من كده، عايز ارجع الاقيكي منوره حياتي من تاني، ورجع باس جبينها ومشي على طول
وهو ماشي وقف وبص لهنا وقال
هنا، ياريت لو احتاجتوا حاجه او سلمي فاقت، ياريت تبلغوني على طول
هنا :من عنيا يافارس، متقلقش،
والكل مشي وهنا ومي قعدوا مع سلمى في المستشفى
نادر وولاء وصلو المستشفى لكن الباقي كانو مشيو
نادر سأل عليهم والاستقبال قال إنهم لسه ماشيين لكن سلمي محجوزه فوق
طلع نادر وولاء على فوق ونادر طلب من ولاء تدخل تطمنه لو سلمي محتاجه حاجه
ولاء دخلت وسلمت على مي وهنا واطمنت على سلمي وقالت إن نادر واقف بره
هنا ومي وولاء خرجوا،
هنا : ازيك يانادر، انتو اتأخرتوا ليه كده، دول لسه ماشيين من شويه
نادر: انا اسف والله، بس يادوب مسافة الطريق، لكن مفيش مشكله، انا هتصل على
أحمد واعرف المكان وحصلهم على هناك، المهم بس سلمي عامله ايه
مي: بصراحه صعبانه عليا قوي، انا حاسه بيها، وقلبي بيتقطع عشانها
نادر : لا يابنات، انا مش عايز كده، عايز لما سلمي تفوق تلاقينا كلنا حواليها، وجامدين،
لازم سلمي تتقوى بيكو، والأهم طبعا فارس، انا عارف ان اكيد فارس
افتكر ذكريات وفاة والده، لأنه كان حكاهالي قبل كده، بس مش معنى انه مات قدام
عينه وانه صارع الموت قدامه، انه يضعف ويضعِف اللي حواليه،
عموما انا عايزكوا تاخدوا بالكو من نفسكو ومن سلمي، وانا هنزل اجيب احتياجتكوا، عشان محدش يتحرك من الاوضه مهما حصل،
هنا:متتعبش نفسك يانادر، احنا مش محتاجين حاجه والله،
نادر: هعتبر نفسي مسمعتش منك حاجه ياهنا، اكيد هتجوعوا، هتعطشوا، وانا مش عايز اي
واحده تتحرك من الاوضه، ياريت يابنات متقلقوناش عليكو، وللعلم، ده طلب احمد ومؤمن برده، محدش فيكوا يتحرك من هنا
وسابهم ونزل جاب كل احتياجتهم،
وبص لولاء
نادر : ولاء خلي بالك من نفسك يا حبيبتي، ولو اي حاجه حصلت كلميني،
ولاء: حاضر ياحبيبي، وانت اول متوصل كلمني طمني عليك، اوعي تنسى يانادر
نادر: مقدرش انسى طبعا، هكلمك بإذن الله ، لا إله إلا الله
ولاء:محمد رسول الله، في امان الله ياحبيبي،
مشي نادر، بعد مكلم احمد وعرف مكان البلد، واتحرك عليها على طول
البنات كلهم قاعدين منتظرين سلمي تفوق وبعد ٣ ساعات فعلا فاقت، لكن كانت مصدعه جدا
سلمي:ااااه، يابابا، سيبتني ليه، وحشتني من دلوقتي يابابا،
هنا جريت عليها، :سلمي حبيبتي، احنا معاكي، سلمي، ردي عليا
سلمي:فتحت عنيها،،، هنا، بابا خلاص مات ياهنا،
ولاء: سلمي استغفري ربنا وادعيله بالرحمه ياسلمي، قومي يا حبيبتي فوقي عشان خاطري
مي:سلمي قومي بقه ده انتي طول عمرك قويه، قومي ياحبيبتي، واتوضي وصلي وادعيله
سلمي استغفرت ربنا، وقامت بمساعدة البنات غسلت وشها وحاولت تتوضي، وفعلا
خرجت عشان تصلي
وهي بتصلي هنا والبنات واقفين في بلكونة الاوضه، وفي عيون بتراقبهم من بعيد،
الحلقه ٨
من 💔جراح القلب ٢💔
احمد وفارس ومؤمن ونادر، حضروا الدفنه والعزا، وعملوا الواجب، واستأذنو مصطفي بيه ومشيوا لأنهم اتأخرو ا على البنات
*********
في المستشفى،
البنات قاعدين مع بعض وبيحاولو يخرجوا سلمي من حزنها
مي : بقولكوا ايه يابنات، واحده كده تتبرع وتتصل على الشباب تشوفهم هيتأخروا ولا لا،
ولاء غمزت لمى، :ليه يامي، مؤمن وحشك
مي: اكدب عليكي لو قولتلك لأ، بصراحه وحشني وعايزه اطمن عليه، بس فوني فصل شحن،
ولاء: على كده بقه هنا تعمل ايه، دي لسه متجوزه من يومين هههههه
وبصت لسلمى، وانتي يا سلومه، فارس موحشكيش
سلمي بتعب: بابا الي وحشني قوي، وعيطت بصوتها كله
هنا : سلمي حبيبتي، استهدي بالله، وادعيله، كده مينفعش، وبعدين احنا كلنا حواليكي، واحمدي ربنا ان عندك عم زي مصطفى بيه، حنين وطيب وبيحبكوا جدا،
ولاء، :خلاص بقه يا سلمى عشان خاطري، احنا مصدقنا انك هديتي، (فون سلمي رن وكان فارس)
ولاء: خدي ياستي فارس هيموت عشانك، بس بالله عليكي ردي بصوت كويس ومتقلقيهوش عليكي، كفايه خوفه وزعله عشانك
سلمي هزت راسها بحاضر وردت علي فارس،
سلمي : الو، ايوه يافارس
فارس: قلب فارس، عامله ايه يا حبيبتي طمنيني عليكي
سلمي : انا تمام الحمد لله، دفنتو بابا خلاص يافارس، وعيطت
فارس :سلمي عشان خاطري اجمدي كده وخليكي قويه، وادعيله ياسلمي ، وبعدين انا بجد مبقتش قادر اشوفك أو اسمع صوتك كده، وحياة فارس عندك عايزك تبقى كويسه، عشان خاطري يا سلمى
سلمي حست بوجع فارس، ورعشة صوته وخوفه عليها، استقوت شويه وقالت :حاضر يافارس هحاول والله، المهم انت فين دلوقتي
فارس، : انا جايلك في الطريق، واحمد معايا في العربيه، ومؤمن ونادر في عربية نادر
سلمي : ماشي يافارس توصل بالسلامه، بس ماما مجتش معاك ليه
فارس، : انتي عارفه انه مينفعش، ومتقلقيش انتي هتباتي مع مي، ان شاء الله،
سلمي، :ازاي يا فارس مش هينفع طبعا
فارس :مش وقته ياسلمي لما اوصل ان شاء الله نبقى نتكلم، احنا قدامنا ساعه باذن الله ونكون عندكو، اجهزوا بقه على منيجي
سلمي:حاضر يافارس، تيجو بالسلامه ان شاء الله (وقفلوا مع بعض)
مي : ها بقيتي احسن دلوقتي بعد المكالمه المنتظره
سلمي:ابتسمت ابتسامه خفيفه، وعنيها دمعت بحزن
هنا : هو انتي خايفه تضحكي، وبعدين انتي شيفاني انا ومي، نفس ظروفك، بس كل شيئ بيعدي يا سلمى، وصدقيني يا سلمي، كل شيئ بيتولد صغير، وبعدين بيكبر، الا الحزن، يتولد كبييير وبعدين بيصغر، ربنا رحيم بعباده، ورزقنا بنعمة الصبر و النسيان، اه اكيد مش هننسي الناس اللي غاليه علينا، لكن هنصبر على فراقهم، لأن ربنا بيعوض، وعوضك هيبقى في فارس، اللي بيموت فيكي بجد
سلمي: ونعم بالله، ربنا يصبرني ياهنا، ويقدرني ان اسعد فارس، لأنه فعلا يستاهل كل خير
مي :يستاهل كل خير بس، يعني ميستاهلش حضن، بوسه مشبك، اي حاجه كده تصبر قلب الواد ههههه
هنا وولاء ضحكوا عليها وخبطوها على دماغها
سلمي:ههههه ضحكتيني يا مي والله،
مي:ايه يابنات، انا واثقه انها هتموت وتعملها والله، بس اللي مانعها انهم لسه مخطوبين، حتى بصوا في عينيها كده (وبصت لسلمى لقيت عنيها مليانه دموع) لا بلاش تبصوا في عينيها دلوقتي، لأنها زحمه
سلمي ضحكت غصب عنها، والبنات كمان، وحاولوا كتير يأكلوا سلمي، وفعلا اكلت وشربوها عصير، وجت الدكتوره تكشف عليها وطمنتهم انها تمام وممكن تخرج
فارس واحمد وصلوا، وطلعوا بسرعه على فوق
قابلوا الدكتوره خارجه من الاوضه
فارس، :بلهفه،،، طمنيني يا دكتوره، سلمي عامله ايه،
الدكتوره :سلمي تمام الحمد لله، احسن كتير، متقلقش، اهم حاجه انكو تخلوا بالكو منها، ومتحاولوش تسيبوها لوحدها تفكر او تحزن او تعيط، حاولو تشغلو وقتها كله، وهي واحده واحده هتفوق من الصدمه دي وتبقى زي الفل
فارس :ان شاء الله حاضر، وشكرا ليكي يا دكتوره
احمد،:الحمد لله حمدلله على سلامة سلمي يافارس، اطمن بقه ياحبيبي
فارس: خايف ادخل اشوف دموعها تاني يا احمد، حاسس انها بتحرق في قلبي،بحس بألم بجد مش قادر اوصفه،
ربنا يعدي الايام دي على خير يارب
احمد: يارب يافارس، المهم انا هكلم هنا عشان اعرفهم اننا داخلين
احمد كلم هنا:حبيبتي، عامله ايه
هنا : انا تمام ياحبيبي طول ما انت بخير
احمد: قلب أحمد والله، احنا واقفين بره وعايزين ندخل نطمن عليكوا، ها ندخل ولا نستنى تجهزوا، بصراحه عيني مشتقالك قوي، وحشتيني بجد يا هنا
هنا : حبيبي والله، انت وحشتني اكتر،ثواني بس يا احمد وهقولك ادخل،
احمد : براحتك يا حبيبتي،
وشويه وسمحت هنا ليهم انهم يدخلوا بعد ملبسوا سلمي حجابها، وظبطوها
فارس وقف على الباب، بيهدي ضربات قلبه،
احمد دخل وعينه على حبيبته اللي وحشاه :السلام عليكم،ازيكو يابنات ، وقرب من هنا وباس جبينها ومسك ايديها،
(بص لسلمى) وانتي يا سلمى عامله ايه دلوقتي
سلمي :الحمد لله يا احمد، والف شكر لتعبك انت وهنا، (وعيطت) انا بجد اسفه
احمد :اسفه على ايه ياسلمي، احنا كلنا اخوات ومينفعش حد فينا يبقى في محنه ومنكنش جنبه، اوعي تتأسفي بجد هتزعليني منك وهحس انك بتعتبريني غريب
سلمي:لا طبعا كلكو اخواتي، بس انا
فارس قاطعها وقرب منها وقعد قدامها) :بس انتي ايه ياسلمي ،سلمي انا قولتلك وحياتي متعيطي تاني، وانتي برد ه مسمعتيش كلامي، انا بجد مش قادر اشوفك كده، قلبي بجد مش مستحمل دموعك دي، كفايه ياسلمي، وصدقيني هو ارتاح من تعبه، ادعيله يا سلمى،
سلمي حاولت تتماسك، ومسحت دموعها وبصت لفارس في عينيه وسكتت، وفارس بادلها نفس النظرات وكانت لغة العيون هي المسيطره على المكان
مي : هيييييييييح، ايه ده بقه.، هو مؤمن فين يا احمد
فارس وسلمي فاقو على صوت مي
احمد :والله فصيله زي جوزها بالظبط، ههههههه(والكل ضحك عليها) ، مؤمن جاي مع نادر وزمانهم على وصول
مي: انا فصيله، ماشي يا احمد، ليك يوم وتقع تحت ايدي، ساعتها مش هرحمك، هههههه
احمد: بلاش انا، ده انا اللي بفاجئك كل مره، ولا تحبي اشيل ايدي من موضوعك
مي:لا طبعا، ده انت حب
مؤمن : هو ايه يا انسه مي، كملي ياختي كملي، ليلتك سودا ان شاء الله
كله ضحك عليهم وعلى شكل مي، وسلمي ضحكت وده دوب فارس فيها اكتر
مي:احم، لا انا مقصدش حاجه، ده أحمد ده حبي... ييييه، قصدي اخويا،، (ومسكت ايده) وبعدين قلبك ابيض بقه ياحبيبي، ههههه
مؤمن : انا مفيش اسود من قلبي، عموما مش وقته، حمدلله على السلامه يا سلمي، ايوه كده ياشيخه خلينا نشوف الضحكه الحلوه دي (وبص لفارس)
فارس: وانت عايز تشوف ضحكتها ليه يا رخم ، بلاش انا يا مؤمن، انت عارفني غبي،
مؤمن : انت هتقولي، حافظ غبائك ده والله، عموما ربنا يسعدك يا كبير، وأن شاء الله تبقى اخر الاحزان يارب
كلهم يااااارب،
نادر : طيب يا جماعه انا هستأذن انا لأن عندي شغل الصبح، حد محتاج مني اي حاجه
مؤمن :اه، انا
نادر : خيييييير، مش هخلص منك انا عارف
مؤمن : انا مش عارف ليه المعامله الناشفه دي منكو، عموما يلا ياعم مش عايز منك حاجه، زُق عجلك من هنا، وزقه بره الاوضه،
نادر : ها عايز ايه بقه، عشان كده خرجتني،
مؤمن : ههههههه يخربيت مخابراتك دي، اتاريك اتزقيت معايا بسهوله، هههههه
نادر: هههههه وكنت هطلع من غير زق والله، لا وكمان عارف انت عايز ايه
مؤمن : ياترى عايز ايه ياعم المخاوي انت، انا ابتديت اخاف منك والله، ومن عفاريتك، هههههه
نادر : اكيد عايز تعرف هنبتدي تمرين امتى، وهل انا عرفت حاجه عن المهمه ولا لأ، وهتكون انت موجود معايا فيها ولا لأ، صح ولا انا غلطان
مؤمن واقف متنح، : فعلا كنت عايزك في كده وكنت هسأل نفس الاسئله
جاوب بقه يامعلم على نفسك، وفرت عليا الكلام بصراحه
نادر: ان شاء الله هقابلك بكره ونبتدي التمرين، لكن المهمه لسه بصراحه، استنى عليا بس واول معرف حاجه هبلغك بيها
مؤمن : حلو قوي، هشوفك بكره على ٨ الصبح، تمام ولا ايه
نادر :هو بدري، بس انا مش عايز اكسر حماسك، اوك ٨ هعدي عليك وهوديك مكان نتمرن فيه براحتنا هعلمك كل حاجه اتعلمتها، ولازم تهتم انك تروح الجيم، انت عندك لياقه بدنيه عاليه وده هيساعدك جدا، نفسي تبقى معايا قوي يا مؤمن، وعلى الرغم من كده، خايف اضرك واحس بالذنب
مؤمن : مش بقولك شكلك حبتني، هههههههه، نادر، انت اللي حببتني في المجال ده بذكاءك ورد فعلك السريع، وحكمتك في حل الأمور، ونظرتك لكل مشكله، انت بجد تستاهل كل خير يا نادر، كان نفسي ادخل مجال المخابرات عشان ابقى زيك، لكن خير ملحوقه، كده كده اكيد هبقي معاك، ولو على خوفك، فأنا مقدر احساسك ياصاحبي، وعايز اطمنك واقولك، (قل لن يصيبنا إلا ماكتب الله لنا)، يعني سيبها لله، وتأكد، ان عمر ميكون في ايدي اني اساعدك، واقف اتفرح عليك، انت غالي عندي قوي يانادر وربنا يعلم
نادر حضن مؤمن وقال:ده العشم ياصاحبي، ربنا يخليك ليا يارب
احمد :الله، الله، انتو بتعملوا ايه هنا، وبعدين بصراحه كده انا مش مطمنلكوا
هو في ايه يا نادر بينك وبين مؤمن
مؤمن :هيكون فيه ايه يا احمد، بنحب بعض عندك مانع، هههههه
نادر فهم مؤمن :ولا حاجه يا احمد، انت عارف انا بحب مؤمن قد ايه، لو ده مدايقك مفيش مشكله انسحب من حياته هههههههه
مي سمعت كلامهم، دخلت لولاء، :بقولك ايه شوفي جوزك، واخد مؤمن، وقال ايه بيحبه، لا انا مسمحش بكده، انا اصلا غيرانه من نفسي انها بتحبه،
ولاء:ههههههههه ههههههه ههههه، انتي بتتكلمي بجد، يخربيت دماغك يامي
الكل استغرب ضحك ولاء، لكن هي مش قادره تبطل من شكل مي وطريقتها في الكلام
نادر دخل على صوت ضحك ولاء ونفسه يولع فيها
مي:يخربيتك فضحتينا، هندفن مكانا هِنا، بصي ياختي على جوزك، شويه ووشه هيطلع نار، ههههه
ولاء: الله يخرب عقلك، ده انا ليلتي مش معديه النهارده، ابعدي عني يا مي ده انتي لعنه، هههههه
وقربت من نادر، :مش يلا يا نادر عشان منتأخرش
نادر مردش على ولاء وسلم على الشباب ومشي،
مؤمن :نادر استنى،
نادر :خير يا مؤمن
مؤمن :براحه يانادر، هي متقصدش، بلاش تنكد علي نفسك وعليها، خصوصا انك عارف ان ده مش طبعها وانها غصب عنها، بلاش تبقى قفل يا حضرة الظابط
نادر بص لمؤمن وابتسم وخبط على كتفه بايديه ومشي،
مؤمن رجع الاوضه وحاولو كلهم يقنعوا سلمي انها تروح مع مي، وتبات معاها، على ما ايام الحداد تعدي، (٣ايام)،
سلمي رفضت في الأول واتكسفت، لكن اصرار فارس، أقنعها وفعلا مشيت مع مي على البيت وفارس وصلهم
احمد اخد عربيته لانه كان راكنها قدام المستشفى وكان رايح العزا في عربية مصطفى بيه،
احمد وهنا دخلوا شقتهم بتعب
احمد :يااااه ياهنا، اما انا هلكان وتعبان بشكل، بجد مش قادر
هنا شافت احمد بالشكل ده حبت تهون عليه تعب اليوم
هنا: قربت من أحمد ومسكت وشه بين ايديها، حبيبي، قوم خد شاور سخن، يهدي أعصابك، وأخرج هتلاقي احلى عشا لاحلى مدير في الدنيا، وباسته من خده
احمد شدها لحضنه، : انتي وحشاني قوي، انا مش عايز عشا، انا عايز أفضل جنبك واملي عيني منك كده على طول
هنا: حبيبي انا معاك على طول، وعمري مقدر ابعد عنك، قوم بقه وبلاش دلع خد شاور، وأخرج بسرعه لأنك هتوحشني،
احمد قرب من هنا وباسها وقال :تصبيره صغيره على مخرج من الحمام هههه
هنا : بموت في جنانك يا حبيبي، وحضرت ليه طقم واخده ودخل
هنا في اوضتها، دخلت الحمام وغسلت وشها وغيرت هدومها واتوضت، وطلعت تصلي،
هنا لبست طقم رقيق جدا، وحطت لمسات خفيفه من الميكب، وفردت شعرها وكان طويل نوعا ما، ودخلت المطبخ تجهز عشا خفيف ورومانسي لحبيبها
احمد خارج من الحمام ودخل المطبخ بينشف شعره بالفوطه،، نزل الفوطه من على وشه واتفاجئ بجمال هنا
احمد :صفر بصوت عالي، وقرب من هنا اللي هتموت من الكسوف، هنا ملكة قلبي، ومتربعه على عرشه كمان، ايه الجمال ده،
هنا :بدلع، دي أقل حاجه عندي ههههه
احمد :ليكي حق تقولي كده، انتي اجمل واحده عيني شافتها، انا بحبك قوي، وقرب منه واخدها في حضنه
هنا : طيب ممكن تسيبني احضر العشا
احمد شال هنا وهنا اتخضت جدا من حركته دي
احمد: انا كده شبعت كفايه انتي عليا
هنا :طيب نزلني يا احمد عشان خاطري
احمد: ماشي بيها ورايح الاوضه ونزلها هناك
هنا اتنفست باريحيه، لأنها كانت حاسه ان قلبها هيوقف
احمد قرب منها، وحشتيني، ياهنا، وباسها باشتياق
وهنا بادلته الاحساس وقضوا وقت جميل مع بعض،
احمد بعدها واخد هنا كلها في حضنه :حبيبتي، تعرفي اني مش عايز اخرج من البيت ولا انزل شغل ولا اتحرك من جنبك خالص، عايزك متفارقنيش ابدا
هنا : خرجت من حضن احمد وقعدت قدامه على السرير:حبيبي يا احمد، بس انا حاسه ان في حد باصص لينا في الجوازه، كل شويه تحصل حاجه،
احمد: الحمد لله على كل حال، رُب ضُرة نافعه، ياعالم كان ايه اللي ممكن يحصل لو سافرنا، المهم في خبر وحش يا هنا
هنا :انتبهت ليه، خير يا احمد فيه ايه
احمد حضنها وقال : متقلقيش ياقلب احمد، بس مصطفى بيه طلب مني انزل الشغل ال٣ ايام دول، انتي عارفه انه مش هيبقى موجود، وبصراحه الراجل كان بيطلب وهو في قمة الاحراج، وده طبعا اجبرني اني أوافق ، مش عايزك تزعلي ياهنا
هنا مسكت وشه بين ايديها : انا عمري مزعل منك يا قلب هنا، ربنا يوفقك ياحبيبي، واكيد السفر يتعوض، وبعدين انا قولتلك، وجودك جنبي، بيخلي كل ايامي عسل، ربنا ميحرمني منك يا حبيبي،
احمد: آآآآآآه، هعشقك ايه اكتر من كده، وضمها لصدره، ربنا ميحرمني منك ابدا يا قمري،
ونامت هنا في حضن احمد، وهي عندها احساس كبير بالأمان، لأن احمد هو سندها وامانها في الحياه،
بقلمي شيمو الخطيب
***************
نرجع لنادر وولاء
ولاء، : انا اسفه يا نادر للي حصل مني فوق، وقبل متزعق، انا عارفه اني غلطانه، وعارفه انك هتقول اني مراعتش مشاعر سلمي، بس البت مي دي ملهاش حل بجد، هيا اللي ضحكتني، عشان خاطري متزعلش بقه، هههههه
نادر: انتي بتضحكي يا ولاء، ده انتي كده فعلا بارده، وبعدين يعني هي مي قالت ايه يخلي صوتك يعلي بالطريقه دي، ضحكيني معاكو
ولاء:هههههه، بص يانادر، انا مش قصدي ادايقك والله، شكلها بجد كان يهلك من الضحك، بص ياسيدي، هي خرجت تشوف مؤمن، لقتكوا حاضنين بعض تقريبا وسمعت انك بتقول بحبه، أو حاجه كده، المهم دخلتلي، وقالت، بت ياولاء ، ابعدي جوزك عن مؤمن، ده عمال يحب فيه، وانا اصلا غيرانه من نفسي انها بتحبه، وبجد شكلها ضحكني جدا، اسفه يا نادر بجد
نادر ضحك على كلامها، : ههههههه، يعني هي قلتلك كده، ماشي يا ولاء، عموما اوعي ده يحصل مره تانيه، حتى لو شوفتي ايه، صوتك ميطلعش ابدا،
ولاء: حاضر، تحت امرك يافندم. وعملت التحيه العسكريه،
نادر ضمها ليه، وقال مجنونه والبت مي هتجننك اكتر،
ولاء: هههه دي عسل والله، بجد لايقه على مؤمن جدا، ههههه
نادر : ربنا يسعدهم، كلهم يستاهلوا كل خير
ولاء: تعرف يا نادر، انا كان نفسي انا وهنا منفترقش ابدا، والحمد لله ان ربنا استجاب دعانا. وان علاقتك باحمد كويسه، ده غير علاقتك بفارس ومؤمن، انا بجد فرحانه بتجمعنا ده جدا
نادر : هما بصراحه يتحبوا، ربنا يديم اللمه دي يارب، بس بعيد عن كل ده، انتي وحشتيني،
ولاء: انت وحشتني اكتر،
نادر :ابتسم ليها بحب وقال '
: تحبي تروحي في حته ولا عايزه تروحي
ولاء: انت عايز ايه، انا نفسي ابقي معاك كل لحظه وكل ثانيه،
نادر : طب ايه رايك نتعشى ونروح نريح شويه في شقتي وبعدين اوصلك البيت عندكوا،( وغمز ليها بعنيه)
ولاء متنحه : نادر، انت بتتكلم بجد
نادر ضحك بصوته كله على خوفها وشكلها، : ايه يابنتي مالك كشيتي ليه كده، ده الموضوع سهل قوي
ولاء : نادر انت هتهزر. انت عايزني اعمل كده فعلا واجي معاك
نادر : انتي مراتي يا ولاء، لكن انا عمري مضرك او ادايقك ابدا، انا بحبك يابت، يعني بخاف عليكي، يعني بفكر فيكي وفي مصلحتك اكتر مني، يعني بفضلك على نفسي، وده معناه اني بهزر، ههههههه
ولاء اتنهدت بارتياح، : حرام عليك قلبي كان هيوقف من الصدمه
نادر : ليه صدمه يا ولاء، المفروض انك تثقي فيا اكتر من كده، وبعدين انتي مراتي، اه مشتاقلك ومشتاق اني افضل معاكي العمر كله ، لكن هانت، كلها فتره صغيره وتبقى ملكي انا وبس، وساعتها مش هرحمك، هههه
ولاء وشها احمر من الكسوف، : نادر، بس بقه، وبعدين يلا روحني انا تعبانه وعايزه اروح
نادر: عيون وقلب نادر، انتي تؤمري،
وفعلا وصلها للبيت ومشي
، **************بقلم شيمو الخطيب
عند مؤمن
فارس وصل مؤمن ومي وسلمي، وسلم عليهم ومشي
طلعوا فوق ووقفوا قدام شقة مؤمن،
مي : يلا ياسلمي عايزاكي تاخدي راحتك خالص كأنه بيتك، واوعى، تتكسفي الكسوف مالوش مكان عندنا
مؤمن : بصي ياسلمي ، انتي تطلعي وتحاولي تنامي وترتاحي، واوعى تدي فرصه لمي انها تتكلم، لأنها لو فتحت في الكلام مش هتخلصي منها، ولا هتفصل، وانتي اكيد تعبانه وعايزه ترتاحي، دي نصيحة اخ لاخته، هههههههه
مي : اخص عليك يا مؤمن، بقه انا كل ده، ماشي ياسيدي الله يسامحك
مؤمن : ايه زعلتي، لو زعلانه اصالحك عادي، هههههه
مي: لا لا، مش زعلانه خالص وسابته وطلعت تجري على السلم
مؤمن : يلا يا سلمى اطلعي ورا المجنونه دي،
سلمي ضحكت عليهم وقالت : شكرا يا مؤمن، انا بجد ممنونه ليكو كلكو على وقفتكو معايا،
مؤمن : انتي اخت لينا كلنا ياسلمي، وأكيد ده واجب علينا، ربنا يصبرك يارب ويرحمه برحمته
سلمي،: يارب يا مؤمن،
مي من فوق : ايه مش ناويه تطلعي ياسلمي، مهو انا مش هنزل اجيبك ابدا
مؤمن : ياجبانه، انتي فاكره اني كده مش هطولك، اصبري عليا افوقلك بس يامي، هههههه
سلمي، : والله انتو دويتو عسسسسسل، ههههههه
وطلعت سلمي وقضت اليوم مع مي
*************بقلم شيمو الخطيب
في مكان تاني
دخل شاب
الشاب : انا جبتلك كل تحركاتهم، في اي أوامر تانيه،
=: لا اتفضل انت، وخليك على وضعك، اوعي يغيبوا عن عنيك ابدا
لقراءة باقي الفصول الجزء الثانى من هنا
لقراءة الجزء الاول جميع الفصول كاملة من هنا