رواية 💔جراح القلب ٢💔
الفصل الخامس عشر
بقلم شيمو الخطيب
مي واقفه في الجامعه بتنقل جدولها خبط فيها شاب، وقع
الكشكول اللي بتكتب فيه، ونزل جابه من على الأرض
الشاب، انتي مي محسن مهران!!!
مي: ايوه انا ايه حضرتك بتشبه على الاسم ولا حاجه
الشاب : مي محسن مهران، بنت عمي
مي: نعم،، بنت ايه،،، عمك مين يا كابتن، بص، امشي الله يخليك من هنا، انا مش ناقصه على الصبح
الشاب، : طيب مش والدك الله يرحمه أصله من الصعيد، صح ولا انا غلطان
مي:بذهول،،، ايوه، فعلا، بس انت عرفت منين
زين: عشان تصدقيني، انا اسمي، زين محمد مهران، وكنت دايما اسمعهم وهما بيحكو عن
عمي محسن، وانه سابهم واتجوز من القاهره، وده طبعا هما اعتبروه خروج عن طوعهم،
وقاطعوه، صح، كلامي، ولا غلط
مي:متنحه،،،،، لا فعلا صح، بس انت هنا بتعمل ايه
زين: سبحان الله، كان طول عمري اسمع كلامهم، ونفسي فعلا اقابل، عمي وعيلته، لاني مش
أنصار اللي ابويا عمله، لكن ربنا بقه دخلني الهندسه مخصوص، عشان اقابلك يابنت عمي،هههه
مي: يعني انت كلية هندسه،
زين: ايوه، ودي اول سنه ليا، ادعيلي، بقه،، بس انا اغلب تعليمي كان في القاهره،
يعني، صعيدي، على، قاهري، هههههه
مي: فرصه سعيده قوي يازين، وانا اسفه لو كلمتك بطريقه مش لطيفه،
زين : ولا يهمك يابت عمي،، المهم انتو قاعدين فين، ابويا بعت حد يسأل عليكوا قبل كده
وموصلش لحاجه، كان نفسي ابقي معاكو في وفاة عمي، لكن احنا عرفنا متأخر، حتى ابويا زعل انه مندفنش في بلدنا
مي: ابوك هو السبب في كل ده يا زين، انا بجد مش عارفه ازاي قدر يقاطع اخوه،
وكل ده ليه عشان اتجوز من بره البلد، ده حتى الجواز قسمه ونصيب
زين: دي عوايدنا يا مي في الصعيد، وبعدين كبرات العيله قالو ان عمي لازمن يتجوز بت
عمه لكن هو رفض، وده في شرعنا خروج عن طوع العيله،
مي: عوايد ايه وشرع ايه، اللي تخلي، البني آدم عبد عند كبير العيله، عموما الله يرحمه،
اهو ارتاح، وبعدين انت شويه تتكلم صعيدي، وشويه مصري، ههههه، هتلخبطني، هههههه
زين: انا حابب بس اعودك على لغوتنا، عشان تفهميها بعد كده، لو قابلتي عمك في يوم من الايام
مي: تفتكر هيوافق يقابلني،
زين: اكيد طبعا، بقولك بعت رجالته يسالوا عليكو لكن معرفوش حاجه عنكو،
يعني اكيد مهتم بيكو وعايز يعرف اخبارك
مي سرحت في مصطفى بيه، واتمنت انه عمها يبقى زيه وفي حنيته ويعوضها عن والدها الله يرحمه
___________بقلم شيمو الخطيب
في الشركه عند احمد:
احمد رايح لمصطفى بيه يكلمه بخصوص، شحنة الحديد الجديده
احمد: السلام عليكم يامصطفى بيه
مصطفى : وعليكم السلام، اتفضل يا احمد،،، وكمل
طيب ياسميره، هبقي اطمن عليكو على طول ان شاء الله (احمد شاور لمصطفى يخرج ويبقى يرجع وقت تانى، لكن مصطفى هز راسه بالرفض)
مصطفي: ها يا احمد خير، كنت عايز حاجه
احمد: انا اسف اني جيت في وقت مش مناسب، بس انا معرفش أن حضرتك بتتكلم والله
مصطفي : انت عاملها موضوع ليه يا احمد، انا كنت بس بتكلم مع والدة سلمي اطمن عليهم وعلى سليم، وبعدين باخد رأيها في شغل سلمي في الشركه
احمد : هو حضرتك قررت تعينها خلاص
مصطفي: انا سايبلك المهمه دي انت وفارس، ممكن تشتغل سكرتيره لفارس، اهو تراقبه، هههه اي رايك
احمد: والله يافندم، هي ناويه تراقبنا احنا الاتنين، ربنا يستر، هههه عموما انا راجعت ورق الشحنه الجديده، وكله تمام، مستني امضت حضرتك
مصطفي : وادي امضتي ياسيدي،
احمد: هو انا ممكن اسأل حضرتك سؤال يا مصطفى بيه
مصطفي: طبعا يا احمد اتفضل،
احمد : هو حضرتك متأكد انك بتكلم والدة سلمي، عشان تتطمن على ولاد اخوك بس، ههههههه
مصطفي: احماااد، انت تقصد ايه،
احمد: لا ولا اي حاجه انا كنت بتأكد بس، اصل مؤمن سافر وساب داء الفضول منتشر، ههههه، عموما، ربنا يطمن قلبك عليهم،
مصطفي: شوف شغلك ياحضرة المدير، هههه
احمد: بصله وضحك ومشي، اما مصطفى فابتسم، وهرش في شعره وسرح
في المكتب عند فارس،
سلمي: انا كلمت عمي وقالي انه هيسبب المهمه دي ليك انت وأحمد، ها قررت ايه
فارس : انا بفكر اعينك هنا سكرتيره، بس انا عارف، هتخنقي امي،
احمد داخل عليهم: مش امك لوحدك، وامي انا كمان والله،هههههه
سلمي: بقه كده، يعني انا خنقه، ماشي، اصبروا عليا بس، اشوف واحد فيكو بيرفع عينه لواحده، هيبقى نهاره....
فارس: هاااااا، كملي،
سلمي : نهاره ابيض ان شاء الله، ههههههه
احمد: اموت فيك يافارس وانت مسيطر، ههههه
فارس: لا ميغركش الحنيه، انا وقت الجد، ببقى اس
سلمي: بتبقى ايه يافارس،
فارس: ببقى بحبك ياقلب فارس
احمد: اممممممم شكلنا مش هنخلص ،المهم يا انسه سلمي،،، شوفتي الاحترام،،، ، ههههه، فارس هيفهمك شغلك، وعايزك تركزي في الشغل، ها، في الشغل مش في حاجه تانيه،
سلمي: انت هتشوف ابداااع يا احمد،
اتمني: اتمنى اشوف إبداع، مش حاجه تانيه، هههههه، اسيبكو بقه واروح اخلص شغلي عشان امشي، لان هنا وحشتني بصراحه،
وسابهم ومشي
ندي قابلت احمد في ممر الشركه،
ندي:ازيك يا احمد
احمد: انا بخير يا انسه ندى، ياترى، الشغل عاجبك في الشركه هنا،
ندي: اي مكان تكون انت فيه يا احمد اكيد هيعحبني،
احمد:امممممممم، ماشى يا انسه ندى، بعد اذنك
ندي: مسكت ايده، ايه يا احمد، انا بجد نفسي تسمعني، نفسي تديني فرصه اتكلم معاك
احمد شد ايده منها بسرعه : ندى لآخر مره بحذرك، اوعي تتخطى حدودك معايا، انا عمري مهسمعك، لأن كلامك ميهمنيش ومش هضيع وقتي، في ماضي، انا نسيته خلاص، عن اذنك يا انسه
ندي، بصت ليه ودموعها نزلت ودخلت لفارس تراجع معاه شوية حسابات، سلمي وقفتها
سلمي: تؤمري بحاجه يا انسه ندى
ندي: وانتي بتسألي ليه يا سلمى، انا داخله اراجع مع فارس شويه حاجات
سلمي: اولا انا سكرتيرة هنا، ثانيا اسمه استاذ فارس، يا ندى، ياريت تحفظي الالقاب،
ندي بزعل: حاضر يا سلمى، قصدي يا انسه سلمي، ومبروك على الوظيفه. تسمحيلي ادخل
سلمي: تقدري دلوقتي تتفضلي ،
__________شيمو الخطيب
هنا في شقتها، بتكلم ناديه وبتطمن عليها، وكانت بتجهز الغدا لأحمد،
احمد فتح الباب ودخل
هنا : ماما طيب انا هقفل معاكي، اصل احمد وصل بالسلامه،
ناديه، ماشي يابنتي ربنا يسعدكوا يارب،
قفلوا مع بعض وهنا جريت على أحمد اللي اخدها في حضنه
احمد: يااااه، بلاقي نفسي في الحضن ده قوي يا هنا، زي الطفل التايه وحس بالدفا فجأه، وحشتيني يا ملاكي
هنا: وانا بحس بالامان في حضنك يا احمد، وحشتني قوي يا حبيبي،
احمد شالها من وسطها وضمها كلها لحضنه، وقال
ها يا ملاكي، يومك كان عامل ازاي انهارده
هنا قلعته جاكيت البدله بتاعته وقعدته على الكرسي وقعدت قدامه وبتحكي عملت ايه، واحمد مركز معاها وهي بتتكلم وسرحان
هنا: بدلع،،،، احمد، انت مش مركز معايا خالص،
احمد: يعني بذمتك حد يشوف القمر بيتكلم ويركز اصلا، انا بعشق صوتك وهمسك وكلامك ، هنا، انا مش عارف الاقي كلمه توصف احساسي بيكي، انا بجد تخطيت مراحل العشق معاكي ياهنا، انا بحبك لدرجه الإدمان
هنا، وانا كمان بحب.... ومكملتش لان احمد قاطعها وباسها باشتياق كبير
بعدها هنا فاقت وقامت تجري،،، اخص عليك يا احمد الاكل هيتحرق،
احمد: ههههههه، اعمل ايه انتي اللي استفزتيني
هنا خرجت من المطبخ وبصتله : بقه انا استفزيتك
احمد: جمالك ياقلب احمد اللي استفزني، بحبك يابت اعمل ايه،
هنا: وانا بموووت فيك يا احلى مدير في مصر كلها،
احمد : طيب متيجي، عايز اتكلم معاكي في موضوع
هنا جريت من قدامه : لا انا ورايا غدا، والاكل على النار، ههههه
احمد: بموت في جنانك ياهنا والله، ودخل يغير هدومه
هنا واقفه في المطبخ بتغني، واحمد دخل عليها لابس تيشيرت كات اسود وبنطلون رصاصي، وكان شكله مجنن هنا على الآخر
احمد: لف ايده على وسطها واخدها في حضنه وكان ضهرها ليه،،، حبيبتي بتغني وبتقول ايه
هنا : بقول،( وبدأت تغني)
انااا، انا بعشقك انا،، انا كلي لك انا
يامن ملك روحي بهواه، روحي بهواه،
الأمر لك طول الحياه، طول الحياه،
الماضي لك، وبكره لك، وبعده لك،
انا في سوهادي، وف منامي، بندهك، وبسألك،
بتحبني ولا الهوا عمره مزارك،
بتحبني ولا انكتب، عالقلب نارك
احمد: لف هنا ليه وبصلها في عنيها جامد، وباسها بوسه رقيقه وقال انا بعشق كل تفاصيلك ياهنا، مش بحبك بس،
وفاق من عشقه : بس مكنتش اعرف ان مراتي حبيبتي صوتها حلو كده،
هنا: مش زيك يا حبيبي، ده انت الاحساس كله ربنا ميحرمني منك ابدا يا احمد، ويلا بقه جهز معايا الاكل عشان انا هموووت واكل
وفعلا اتغدوا مع بعض، وهنا اكلت احمد وهو كمان اكلها وقضوا وقت جميل مع بعض، كله حب، وعشق، وتفاهم،
____________بقلم شيمو الخطيب
مي رجعت من الجامعه فرحانه،
عايده: سبحان الله اللي يشوفك امبارح، مبيقولش ان دي اللي كانت حزينه، خير يا حبيبتي فرحيني
مي: حزري كده قابلت مين انهارده
عايده بلهفه، مين، مؤمن
مي: بزعل، للأسف لأ، هو حد عمره ميخطر في بالك
عايده : خلاص متحيرنيش وقولي انتي،
مي: زين ابن عمي
عايده بصدمه : مييين!!!! زييين!!! زين مين
مي: مالك ياماما، اتخضيتي، كده ليه
عايده: انطقي،، ابن عمك مين
مي: ابن عمي محمد، ده حتى بيقول انه بعت رجالته يسألوا علينا، ومعرفش يوصل لحاجه
عايده: استر يارب، هما عايزين ايه مننا، بصي يامي، ابعدي عنه يابنتي، ملكيش دعوه بيه، عشان خاطري
مي: متفهميني ياماما فيه ايه، انا مش فاهمه رد فعلك بجد
عايده: مش لازم تفهمي، انا بقولك وخلاص، ابعدي، يا مي، مؤمن لو عرف انك بتكلمي شباب هيدايق
مي: هو انا عيله هتضحكي عليا ياماما، مش ده طبعا السبب اللي مخوفك كده، فيه ايه ياماما انا لازم افهم،
عايده : يابنتي متتعبيش قلبي معاكي ، هما بيكرهونا،
والبعد عنهم افضل، واحنا ربنا عوضنا بعيلتنا الجميله اللي معانا، بلاش نشتري التعب والمشاكل يابنتي، اوعديني يامي انك هتبعدي
مي: حاضر ياماما، متقلقيش يا حبيبتي،
اهدي انتي بس وكل شي هيبقى تمام
عايده حضنت بنتها بقلق وبتدعي ربنا يسترها ويعديها على خير
_--_____________ بقلم شيمو الخطيب
زين بيكلم ابوه
زين: ابوي كيفك يابوي
محمد: كيفك ياولدي، اتوحشتك جوي جوي، يا زين،
زين : وانا اتوحشتك جوي، بس كنت عاوز اجولك حاجه مهمه،
محمد: خير يا ولدي، جول
زين: انا جابلت مي بت عمي محسن النهارده في الجامعه، وعرفت منيها مكانهم وجولتلها انك بعت رجالتك يسالوا عليهم لكن متوصلوش لحاجه
محمد:بتجول مين، مي بت عمك،، وجابلتها فين دي يا زين
زين: في الجامعه يابوي، مالك يابوي، انت مش كنت عاوز توصل ليها هيا ومرت عمي،، انا عرفت عنوانهم خلاص
دياب اخو زين الكبير بلهفه : واد يا زين، انا هجيلك على شُجتك بكره بإذن المولى، مهو لازمن نروح نطمن على بت عمي مش إكده ولا ايه يابوي
زين : تآنس وتنور ياخوي، هستناك انت وابوي (وقفل معاهم)
دياب: يااااه يابوي،، بعد كل السنين دي، عرفنا مكانهم، ومجدروش يدّاروا منينا، والله ووجعتي في يدي يامي انتي والست الوالده،
محمد: ديااب، انت جررت لحالك انك هتروح على شُجة اخوك بكره من غير مترجع ليا، يبجي تسيبني انا اتصرف، والا مش هنولك اللي في بالك واصل
دياب، : انا اسف يابوي، بس انا تعبت، بجالي سنين كتير عايش على الأمل ده، وعمري مهنسي موجف عمي مني، لكن خلاص، كل شيئ بجه في يدي،
محمد: انا اللي هجرر مش انت يا دياب، انا لسّاني عايش مموتش، لما ابجي اموت، ابجي اتصرف انت، واتفضل شوف مصالحك وهملني لحالي
وخرج دياب (ياترى بتفكر في ايه ياحج محمد)
___________بقلم شيمو الخطيب
نادر واقف جنب مؤمن وبيتابع الكاميرات
دخل إيهاب،
إيهاب، ها يا مؤمن، ظبط كل الكاميرات، ولا نسيت أماكن
مؤمن : انا عارف شغلي كويس، وأن شاء الله كله تمام،
نادر، : إيهاب أمن انت المكان من بره وانا هأمن القاعه، انا حاسس ان في حركه مش طبيعيه لكن اكيد هعرفها
إيهاب، : بتوتر، حركة ايه يا نادر، انت لاحظت حاجه
نادر: انا لازم أشك في كل حاجه يا إيهاب، عموما لو عرفت حاجه اكيد هقولك، اطلع انت على شغلك وفتح عينك على الآخر
وبص لمؤمن وكمل : مؤمن تقدر انت تاخد اللاب توب وتتابع الموقف من مكان أأمن انا جهزته لك، وعلي هيوصلك ليه، لكن هنا وجودك خطر عليك
مؤمن : انا عمري مهمشي واسيبك، انا معاك يانادر، وبعدين الدنيا امان ومفيش اي حاجه، امشي ليه،
نادر: مؤمن، مش وقت جدعنه يا مؤمن، انا وعدت احمد، ومقدرش اخلف وعدي، انا عارف انك قدها، بس صدقني يا مؤمن انت هتشتت تفكيري لو فضلت هنا،
مؤمن بص في اللاب،،، نادر تعالي كده بص،
نادر بص على اللاب،،، مين دووول، حاسس كده انهم مع بعض، تحركاتهم كلهم في مكان واحد،
مؤمن : انا برده لاحظت تواجدهم كلهم مع بعض في مكان واحد، لكن دول مش بيحاولوا حتى يكلموا بعض،
نادر : دول اكيد بيخططوا لحاجه، وبعدين تحس انهم بودي جارد مش ناس عاديه
إيهاب كلم نادر : ايوه يا نادر، الضيوف وصلوا وانا امنتهم ودخلتهم قاعة المؤتمرات، وكلهم من بلاد عربيه، تعالي عند القاعه لاني مضطر أأمن الفندق من بره
نادر: حاضر يا إيهاب، انا جاي حالا،،،
نادر جهز سلاحه في ايده، يلا يا مؤمن اطلع انت وانا هتابعك بالتليفون
مؤمن مش هينفع عيني تغفل عن الكاميرات ثانيه، في حاجه غريبه انا مش مرتحلها، عموما روح انت عند القاعه وكلمني وانا هبلغك باللي وصلتله
نادر فعلا سابه ومشي، وكلمه اول موصل،،، ها يا مؤمن فهمني شايف ايه، انا شاكك في العيال دوول اعرفلي مكانهم وقولي
مؤمن : بص يا نادر انا تتبعت تحركاتهم،هما طلعوا الدور التاني، وكل واحد فيهم دخل اوضه، بس الغريبه ان اوضهم كلها جنب بعضها، هما تقريبا ٥،
استني استنى، في اتنين دخلوا اوضه واحده وجنبهم برده
نادر : بلغني تحركاتهم اول بأول يامؤمن، وبعدين قولي رقم الاوضه اللي دخل فيها الاتنين ، لأن لو حد دخل من الرجاله التانين فيها يبقى كده احنا في خطر، واكيد بيدبروا لكارثه،
مؤمن : تخمينك في محله يا حضرة الظابط، فعلا واحد خرج من اوضته وبص حواليه، ودخل اوضتهم، نادر الوضع كده بقه مريب،
نادر: مؤمن، رقم الاوضه بسرعه،
مؤمن: رقمها 404
نادر: ماشى يا مؤمن، تابع لحد ما كله يدخل فيها، وانا هكلم علي يطلعلي،
مؤمن : متكلم إيهاب يا نادر، يبقى معاك برده
نادر: لا اوعي، حتى لو إيهاب كلمك، بلاش يا مؤمن تقوله حاجه، انا مش مرتاحله
مؤمن : ولا انا برده عموما، انا عيني عليه هو كمان
نادر : تمام، عرفني بقه، حد دخل تاني منهم
مؤمن : لحد دلوقتي لا، هما تلاته بس في الاوضه،، اه اه استنى واحد خرج ودخل ليهم برده
نادر : كده يبقى فاضل ٣
مؤمن : تقريبا اه، ربنا يستر
إيهاب رن علي مؤمن وكان انتظار،
مؤمن : إيهاب بيرن يانادر، ارد عليه
نادر: اه رد عليه ومتقولوش حاجه
مؤمن : طيب سلام انت دلوقتي،،،
ايوه يا حضرة الظابط،
ايهاب: انت مشغول مع مين، هو مفيش غير نادر ولا ايه، انا محتاج منك معلومات برده
مؤمن : انا تحت امرك يافندم خير:
إيهاب،: السلم اللي عند المطعم انت حطيت عنده كاميرات ولا لأ،
مؤمن باستغراب :بصراحه لأ يا فندم، لأن مالوش علاقه بقاعة المؤتمرات خالص،
إيهاب بمكر: ليه يا مؤمن، ممكن اي حاجه تحصل احنا منضمنش برده، عموما خلاص ربنا يسترها يارب، يلا سلام اسيبك تكمل مع نادر
مؤمن قفل معاه وكلم نادر :نادر إيهاب كلمني وكان بيسالني على السلم اللي ورا المطعم، عنده كاميرات ولا لا،
نادر: اوعي تكون قولتله اه
مؤمن :لا انا قولتله مالوش علاقه بالقاعه ، فمزرعتش اي كاميرات هناك
نادر؛ :يسلم لسانك يا مؤمن، حلو قوي، تابع بقه معايا، وربنا يستر،
مؤمن، تقريبا كده كلهم دخلوا الاوضه،
نادر: متأكد يا مؤمن
مؤمن : اه والله قدامي كله دخل،
نادر : ماشى يا مؤمن، بس بقولك صحيح. البس الصديري الواقي اللي انا جبتهولك، خليك في الأمان ياصاحبي،
مؤمن : حاضر يا نادر، بس متقفلش المكالمه انا هتابعك، خليك معايا على التليفون،
نادر طلع الدور التاني، ووقف قدام الاوضه هو وعلي ومستني يقتحموا عليهم الاوضه،
مؤمن لبس الصديري، ورجع بص على اللاب، لقى إيهاب طالع بيتسحب، من السلم اللي سأل عليه،
مؤمن: نادر انت معايا،
نادر؛ : ايوه يامؤمن، في حاجه تانيه،
مؤمن :إيهاب طالع من على السلم اللي سألني عليه، وبيحاول يكتشف وجود كاميرات ولا لا، خلي بالك يا نادر
نادر : علي خلي بالك من نفسك، و زق الباب برجله وبدأ يضرب بالرصاص هو وعلي، ومات من الرجاله ٣،ونط ٤ من الشباك وهربوا،
نادر لقى، مجموعة اسلحه كبيره، وطلب من القوه تتحفظ عليها
مؤمن عرف مكانهم، لكن فجأه اختفوا عن عنيه
نادر: يعني ايه اختفوا يا مؤمن، لازم تعرف مكانهم، والا هتبقى كارثه
مؤمن : حاضر حاضر، ثواني بس،
إيهاب قابل نادر، ايه يا نادر صوت الرصاص ده،
نادر؛ : إيهاب، انت ازاي بتأمن بره، وفي رجاله دخلوا بالاسلحه دي، انا عايز اعرف، انت بتعمل ايه بالظبط
ايهاب: انت بتعلي صوتك ليه يانادر، اكيد دخلوا زيهم زي اي زائر داخل
مش هوقف كل واحد وافتش شنطته
نادر : ماشى يا إيهاب، مش وقت كلام
اتفضل روح على شغلك
علي: اهدي يا نادر بيه، مش عايزين توتر عشان نعرف نركز
نادر: هااا يا مؤمن، وصلت لايه
مؤمن : بص يانادر، هما في اتجاههم للقاعه ، بس معاهم مجموعه مش واضح قدامي العدد، المهم هما داخلين عليكو، نادر ركز عشان خاطري
نادر جري على القاعه، وقال للضيوف اللي موجوده،، يا ريت يا جماعه محدش يتحرك من القاعه دي نهائي، واطمنو ا انتو في امان طول ما انتوا في مصر ، لحد مكل واحد يرجع بلده، ياريت محدش يخرج مهما كانت الظروف، وقفل عليهم الباب ولسه بيلف، كان الرصاص ملي المكان كله
لقراءة باقي الفصول الجزء الثانى من هنا
لقراءة الجزء الاول جميع الفصول كاملة من هنا