#قلب_فاضي
الحلقه { 63 و 64 }
بقلم هند محمد
نجوى : لالا متخفوش مفيش حاجه وبعدين هما بيموتو فى فبراير احنا لسه فى يونيه فاضلو كتير
( وفجئه )
شوقيه : يلهوى الحقونى يا ناس الحقونى يا خالق يالــــهــــوى
ام هدى : هيثم اخويا (وطلعت على السلم جارى )
فارس : فى ايه مش دى شوقيه ؟
ام فارس : هيثم شكلو مات
هدى : خالو ( وجريت هى كمان وطلعتلو )
ام فارس : اجرى يا فارس شوف فى ايه
فارس : طب خودى الواد
( طلعو كلهم يشوفو فى ايه )
( كلهم طلعو معادا ام حمزه وابو حمزه وحمزه وتقى )
نجوى : فى ايه مالك ما هيثم كويس اهو
ام هدى : اخويا مالك يا حبيبى حاسس بأيه ؟
هيثم : خلاص يا شوقيه بقى مش مهم
شوقيه : مش مهم يا حظك الاسود يا شوقيه انا عارفه انا مش مكتوبلى افرح
هيثم : انا من الاول بقولك انا ماليش فى الكلام ده ومش بقدر
فارس : ( واقف بين هدى ونجوى وبيكلمهم بصوت واطى ) هو شكلو لم يوفق فى ليلة الدخله ولاايه هههههه ؟
نجوى : هههههه شكلو كدا ههههههه
هدى : ههههههههه
شوقيه : اصل لو مسمعتش كلامى يبقى طلقنى احسن منا مش هفضل كدا
فارس : استهدى بالله يا شويه فى حلول طيب ممكن يروح يكشف
هيثم : اكشف ليه انا مش بحب اكشف وبعدين انا مش عيان
عربى : ايه يا شوقيه فى ايه ؟
ربيع : انتو مالمومين كدا ليه فى ايه ؟
سراج : انتى لسه بالطرحه يا شوقيه ما تخلص يا هيثم
هيثم : انا مش بقدر افهموها بقى
فارس : يا جماعه اهدو بس اصل الحاجات دى محتاجه هدوء هيثم تعالى معايا
شوقيه : هتاخدو فين ؟
فارس : استنى بس انتى تعالى بس ( فارس اخد هيثم باره الاوضه لوحدهم )
فارس : بص يا هيثم احنا اخوات ها انته تركذ كدا ولازم تعمل منظر احنا فى الصعيد
هيثم : بص انا مش بقدر والله مش بقدر
انته تقدر تاكل حاجه مش بتحبها ؟
فارس : لا بس لو مطر اه هاكل وبعدين انته لازم تتجوز انته لو متجوزتش هتتفضح هيقولو هيثم مش راجل
هيثم : الرجوله مواقف وافعال يا فارس مش الحاجات دى
فارس : لا بقى الرجوله بالحاجات دى
هيثم : يووو بص انا لو جالى مين انا مش هاكل يعنى مش هاكل
فارس : تاكل ايه
ام هدى : انا مصممه اعرف هو فى ايه صواتى ليه ؟
شوقيه : بصى يا بوسى احنا هنا عويدنا ان العاريس والعروسه اول ما يدخلو اوضت النوم لازم ياكلو من حلت الاتفاق ولو العاريس مئكلش يبقى الجوازه منحوسه ومش نافعه وهنقضيها خناق فى خناق
ام فارس: ياختى ان شالله ما طفح تقومى تصوتى كدا احنا قولنا مات ولاحصل حاجه
عربى : والله انتى مخبوله فى عقلك
شوقيه : لازم ياكل من الحله الاول
نجوى : فيها ايه الحله دى اصلا ( فتحت الحله )
هاااااااااااااا حمام وبط ووز وفراخ ايه ده ما طبعا مستحيل ياكل
( داخل فارس ومعاه هيثم )
فارس : خلاص يا شوقيه بقى كبرى دماغك
شوقيه : لازم ياكل من الحله
هيثم : لا مش هاكل انا بحب البانيه او اللى انت بقالك يومين اللى بتأكلهانى دى كان طعمها حلو
سراج : والله انته غاشيم انته عارف كنت بتاكل ايه ؟
هيثم : ايه ؟
سراك : فشه وكرشه ولسان ومخاصى وجوهره
دانته لوحدك واكل بتاع 4 لسان و 6 مخاصى
هيثم : ايه المخاصى دى ؟
نجوى : هه مش هى دى الحله انا هاخودها اديها للعيال تحت اتجوزو بقى شكلكو وحش
( نجوى اخدت الحله ونزلت للعيال وفارس اخد هدى ونزل وام هدى اخدت ام فارس ونزلت وعربى اخد عيالو ونزل وسابو هيثم وشوقيه لوحدهم تانى )
هيثم : بجد زعلان منك
شوقيه : انا اللى زعلانه دانا عملالك الاكل بئيدى
هيثم : انتى غلطى اول غلطه لما ضحكتى عليا واكلتينى حاجات معرفهاش وتانى غلطه لما صواتى ولميتى الناس عليا انتى مش عارف فارس فكر فى ايه
شوقيه : ما دى العوايد كان لازم تاكل من الحله
هيثم : زعلان منك
شوقيه : خلاص بقى حقك عليا دا النهاردا دخلتنا
هيثم : دخلتنا طب تعرفى انا بفكر انام عقاب ليكى
شوقيه : واهون عليك ياهيثم
هيثم : اااااا لا مش تهونى
تعالى بقى اقعدى جنبى هنا يا حبيبتى
شوقيه : حاضر
نجوى : ها يا ولاد اتعاشيتو ؟
( الولاد ) لا يا ابله
نجوى : طب خودو الحله دى كلو
سمر : كل الاكل ده
نجوى : اه كلو بقى ولما تخلصو ادخلو نامو متعملوش داوشه عشان فى ضيوف عندنا ماشى
( الولاد : ماشى يا ابله )
زكى : ابله كنا عاوزينك انا وعثمان فى موضوع
نجوى : خير فى ايه ؟
زكى : طب ممكن نتكلم لوحدنا
نجوى : ممكن تعالو
( نجوى اخدتهم وراحو وفقو فى البلكونه )
نجوى : فى ايه ؟
عثمان : استاذ هيثم عاوز يا خودنى انا وزكى وهيخلينا نلعب كوره
نجوى : تلعبو كوره ازاى ماتنو بتلعبو هنا زى مانتو عاوزين ؟
زكى : لا يا ابله نلعب كوره فى نادى هو قالنا الصبح هياخودنا وهو مسافر على مصر وهيقدم لنا فى النادى وهنلعب كوره وممكن لو عجبنا النادى يمضى معانا عقد
نجوى : طب تمام ربنا معاكم لو انتو شايفين ده فى مصلحتكم خلاص روحو معاه
عثمان : طب انا عاوز اطلب منك حاجه ممكن لو موضوع الكوره ده منفعش نرجع نشتغل هنا تانى ؟
نجوى : اه طبعا تعالو فى اى وقت مش انتو معاكم رقم تليفونى وكمان تعرفو تيجو هنا لوحدكم خلاص فى اى وقت تعالو
زكى : ربنا يخليكى يا ابله والله انتى ست الكل كلهم ربنا يباركلك ويحميكى ويحقق كل احلامك
نجوى : ادخلو بقى كلو لحسن هتلاقو اخواتكم خلصو كل الحله هههههههه انا مش مسؤله
زكى : تعرفى يا ابله زمان كنا نفضل ناكل حتى لو احنا شبعانين كنا نفضل ندور على اكل حتى فى الزباله و بس دلوقتى الاكل بيبقى قدمنا وبنحمد ربنا ان احنا شبعانين شكرا انك لمتينا من الشارع وخلتنا نحس ان احنا مش وحشين زى ما باقى الناس بتشوفنا
نجوى : بصو مش مهم الناس شيفاكم ايه المهم انته شايف نفسك ايه
انتو رضيتو تيجو هنا وتاخدو 20 جنيه فى اليوم وتاكلو وتشربو وتباتو هنا كان ممكن تقولو لا وتفضلو هناك وكان ممكن تكسبو اكتر من 20 جنيه
عثمان : احنا والله مش وحشين بس مش عارفين نعمل ايه
نجوى : معلش يا عثمان الناس كلها كدا مش انتو لوحدكم وبعدين احنا عندنا شغل بكرا يلا روحو كلو عشان من الصبح هنكون فى الارض
زكى : هنعمل ايه ؟
نجوى : بفكر اعمل حدود لمزرعه فراخ بس بفكر استنى لما الناس اللى عندنا تمشى
زكى : ماشى بس احنا قولنالك هنمشى مع استاذ هيثم
نجوى : خلاص ماشى يلا تصبحو على خير
( وتاى يوم الصبح )
ام فارس : لوووووولى لوووووولى مبروك يا شوقيه مبروك يا هيثم
هيثم : الله يبارك فيكم
عربى : شدو حلكم بقى وجبولنا عربى صغير كدا يلعب مع هيثم ومصطفى الصغيرين
فارس : اه يا هيثم وكمان هدى حامل شدى حليك بقى يا شوقيه
شوقيه : يا رب ان شاء الله ادعولنا
هدى : ان شاء الله
ام هدى : طب مش نمشى بقى احنا بقالنا كتير هنا والفرح وكل طلباتك عملنها يا حج عربى
عربى : براحتكم بس والله مونسنا ومنورنا
نجوى : الله مانا معاك اهو يا عمى ولا انا مش بنور
فارس : دانتى لمبه موفره ههههههههه
نجوى : ههههه رخم على فكره
قولى صحيح هى تقى هتفك الجبس امته ؟
فارس : هو فات كام يوم ؟
تقى : حوالى18 يوم
فارس : اول ما نرجع القاهره نفكها ولو قدرتى تحركى اديكى خلاص الدكتور هيكتبلك مرهم يومين تلاته اسبوع بالكتير وترجعى زى الاول
تقى : طب وراسى
فارس : هنعمل اشاعه ونشوف
حمزه : الحمد لله انتى بقيتى كويسه وان شاء الله تفكى الجبس وترجعى احسن من الاول
ابو حمزه : طب مش يلا بقى احنا سايبين الشركه لوحدها
ام حمزه : طب هقوم الم الحاجه
هدى : وانا كمان العياده بقالها كتير لوحدها
ربيع : طب الحاجات اللى بتربيها شوقيه بعد ما تمشى مين هياخد بالو منها ؟
شوقيه : نجوى طبعا وكمان فى 4 بنات هنا بيعملو كل حاجه ومتعلمين انا ونجوى متفقين على كل حاجه صح يا نجوى
نجوى : صح
ابو حمزه : طب الانتاج بتاعك بتوزعيه ازاى
نجوى : بيتوزع يا عمى هو فى حاجه تصعب عليا يلا انا هقوم اقعد مع تقى شويه عشان هتوحشنى
بعد ازنك يا حمزه
حمزه : لا برحتك
ابو حمزه : طب انا هروح اشوف كنزى كدا بتعمل ايه
ابوحمزه : خلى بالك يا كنزى متنسيش حاجه
ام حمزه : لا متقلقش
ابو حمزه : الشبكه هنا وحشه اوى
ام حمزه : ( قفلت الباب ) اناعاوزه اكلمك وترد عليا بكل صراحه
ابو حمزه : فى ايه مالك ؟
نجوى : خلى بالك من نفسك ولو لقيتى حمزه متعصب او اى حاجه حولى تبعدى عنه بدل ما يحصل حاجه
تقى : انا بقيت اخاف منه
نجوى : بصى هو انتى ليكى حق انك تخافى بس برضو معلش متعمليش مشاكل انتى عندك طفل
سمحيه وهو شكلو ندمان
تقى : طب واللى عملو فيك ابوه وكمان ماهر
نجوى : ما ابوه بيقول انو كان خايف عليا من ماهرعشان كدا بلغ عنى
تقى : انا مش مصدقاه وبعدين هو ايه كان عرف ماهر بيكى اصلا مش ابوحمزه
نجوى : تصدقى اه لو ابو حمزه مبلغش عنى ماكنش ماهر عرف انى انا اللى عملت كدا
طب هو فى ايه ؟
تقى : انا شفت حاجه بس مش عارفه الله اعلم صح ولا لا
نجوى : شوفتى ايه ؟
تقى : فاكره اليوم اللى قولتلك انى حطيت لام حمزه المنوم ؟
نجوى : اه فكره
تقى : بعد الغدى انا عملت شاى وكان حمزه وابو حمزه بيشتغلو فى المكتب وانا داخلتلهم الشاى شفتهم وهما بيقولو
واحد اسمو فيصل مش قابل المشروع عشان الارض مش بتاعتهم وكمان فى شركاء كتير وفى الصعيد وهما مش عاوزين الصعيد
ولو لازم المشروع يتعمل يبقى لازم حمزه هو يبقى يمتلك الارض بس انا مفهمتش ارض ايه او مشروع ايه وبعدين لماحصلى اللى حصلى ده نسيت اقولك
نجوى : ايه اللخبطه دى انا مش فهمه حاجه
ليكون ابوحمزه عاوز يخلص منى عشان ياخد الارض
طب اقولك بصى لو حمزه طلب منك انك تمضى اى ورقه مترضيش وقوليلى او قولى لفارس على طول ماشى
تقى : حاضر بس خلى بالك من نفسك انتى وكمان انا ليه طلب
نجوى : ايه ؟
تقى : مش انتى عملالى حساب وبتحطيلى فلوس فيه خودى كل الفلوس دى سدى ديونك واعملى المشروع
نجوى : ايوه بس ده حقك
تقى : وانا بقولك خوديه
نجوى : ماشى بس بينى وينك ربنا انا مش هاخد قرش لنفسى واى فلوس هاخودها هكسبك قدها
تقى : ربنا معاكى يا رب
نجوى : يا حببتى يا تقي
( وشويه كلهم مشيو ونجوى فضلت فى البلد مع عمها وولاد عمها والولاد )
نجوى : ايوه يا سليمان ازيك
سليمان : انتى فين انا مش عارف اطمن عليكى
نجوى : لا انا تمام الحمدلله قولى عملت ايه فى المحل
سليمان : الحمد لله لقيت واحد صغير صحيح بس اهو يأدى الغرض
نجوى : طب تمام
ماشى بس خلى بالك لازم يبقى فيه خدمة الدليفرى وكمان انا هعمل هنا مزرعه للفراخ البيضه عشان الناس اللى ملهاش فى البلدى
سليمان : ايوه بقى يا كبيره خلينا ننطلق
نجوى : ههههههه ماشى يا عم المنطلق بس خلى بالك متعليش الاسعار وكمان العروض اللى قولتلك عليها
سليمان : حاضر والله فاهم
نجوى : طب انا كنت عاوزه منك تبعتلى 10 الف جنيه فى حساب الكاش
سليمان : ليه بس كدا دا بدل مانتى تبعتيلى انتى عليكى 40 الف
نجوى : هنروح من بعض فين يا سليمان ماليش غيرك استلف منه ابعتهملى وان شاء الله ربنا يكرم لما اجيلك
سليمان : ماشى هروح احولهملك دلوقتى
نجوى : تسلملى اه وكمان عاوزك تروح للمصنع تجبلى منه اطباق وازايز واكياس انا اللى عندى خلصو
سليمان : وهبعتهم ازاى ؟
نجوى : مع عمرو
سليمان : وانتى فكره عمرو هيشتغل معاكى تانى ؟
نجوى : اه هيشتغل انا هكلمو دلوقتى وهتفق معاه بس ابعتلى الحاجه
سليمان : ماشى حاضر مقولتيش صحيح هسامى المحل ايه ؟
نجوى : هى دى محتاجه سؤال كوكو واوا طبعا
سليمان : دائما متظرظره كدا يا ساتر عليكى
نجوى : المهم حولى الفلوس ماشى
سليمان : حاضر
ام فارس : اخيرا واصالنا
فارس :انا مهدود من الطريق ايه دا 6 ساعات من نجع حمادى للقاهرة ومن القاهرة للبيت ساعتين
هدى : الحمد لله ان كان معانا عربيه
ام هدى : انا كدا بعد الطريق والمطبات دى محتاجه اغير المساعدين
هيثم : يارتنا كنا فضلنا يومين كمان الجو هناك هادى اوى
شوقيه : انا اول مره اجى مصر
هدى : وعجبتك بقى
شوقيه : اه حلوه اوى
ام هدى : هما الولاد هيجو امتى يا هيثم
هيثم : انا قولت اكلم الكبتن اللى بيدرب الاول وافرجو على الفديوهات بتاعتهم وبعد كدا اقولهم يجو
ام فارس : يا هيثم كورت ايه وبتاع ايه شوف شغلك واكل عيشك
هيثم : انا هبيع الواحد مش اقل من 200 الف جنيه
فارس : ليه فاكرهم ميسى وليوناردو
هيثم : احلى بكتير على فكره
المهم يلا يا شوكى عشان نرتاح جوا
شوقيه : حاضر يلا بينا
ام هدى : استنو انا جايه معاكم
( وبعدما كلهم داخلو جوا )
هدى : انا هدخل ارتاح شويه
فارس : ماشى ادخلى
ماما انا كان ليه طلب كدا
ام فارس: خير يا حبيبى عاوز ايه
فارس : انا الفلوس اللى كانت معايا اشتاريت بيها شقه عشان العياده
كنت عاوز فلوس عشان اجيب عربيه سلف وهرد هملك تانى
ام فارس : بس انا مش معايا فلوس يا فارس
فارس : لا معاكى نصيبك من الشغل اللى بتعملو نجوى انا عاوز 30 الف سلف وهرد هملك تانى والله انا اصلا هجبها بالتقسيط ودول المقدم
ام فارس: انا اختك كانت مديانى اللى اسمها مش عارفه كارت هو كدا
خودو اسحب اللى انته عاوزو
فارس : ربنا يخليكى ليه يا رب
كدا انا الاسبوع اللى جاى اناقش الماجستير وبعد كدا افتح العياده وانا معايا العربيه
ام فارس : طب مش هتقول لاختك انك هتسحب فلوس ؟
فارس : لا وهى مالها دى فلوسك انتى مش هى
قومى بقى هتيلى الكارت الفيزا
ام فارس : حاضر
نجوى : السلام عليكم
سلمى : عليكم السلام بتكلمينى ليه وانا زعلانه منك
نجوى : انا مقدرش ازعلك بس انا كانت حالتى وحشه اوى وحصلى ظروف كتير بس الحمدلله
سلمى : ( بخوف ) لا سلامتك مالك يا نجوى حصلك ايه ؟
نجوى : الحمد لله ربنا ستر المهم انا هحولك ال10 الف جنيه على حساب الكاش روحى اسحابيهم فى اى وقت
سلمى : هاااا بجد يا نجوى بس انتى قولتيلى ان
نجوى : انا فعلا ماليش داعوه باللى حصل بس انا برضو السبب
سلمى : انا مش فهمه
نجوى : مش مهم بس لازم تعرفى انا بعتلك الفلوس مش بس عشان انتى سلمى لا عشان الستات اللى شغاله معاكى ملهاش ذنب ان شغلها يقف ويرجعو تانى مش لقين شغل
سلمى : انتى جدعه اوى يا نجوى بجد انتى مفيش زيك
بس انا عندى مشكله انا مش عارف اوزع
نجوى : هخلى عمرو يجيلك انا لسه مكلمه وصالحتو لما تحبى ياخد بضعه اتصلى بيه وهو هيتصرف
سلمى : نفسى تكونى قدامى دلوقتى هاكلك بوس
نجوى : طب خودى دى كمان
هبعتلك ازايز وطبقان واكياس كوكو واوا عشان نرجع نشتغل زى زمان
سلمى : بس محمود حلف انى ما اشتغلش معاكى
نجوى : ماشى مش هتشتغلى معايا انتى هتبعتى الحاجه مع عمرو وعمرو بقى هيتصرف انا مالى
سلمى : اه نشتغل من الباطن يعنى ؟
نجوى : لا انا ماليش داعوه انتى منك لسليمان وعمرو انا يا دوب باخد نسبتى من البيع مش شريكه يعنى وقريب اوى هعمل حاجه كدا ربنا يسهل بس مش هقولك عليها دلوقتى
سلمى : ماشى يا نجوى ربنا يكرمك يا رب
نجوى : امين يا رب انا هحولك الفلوس اهو يلا السلام عليكم
سلمى : عليكم السلام
( وبعد ما حولت الفلوس)
نجوى : فى حاجه يا ناجى مالك
ناجى : انا جاى اقولك حاجه سمعتها
نجوى : فى ايه ؟
ناجى :الصبح والضيوف كانو هنا انا كنت بلعب وسمعت البيه والهانم اللى هو نبيل وكنزى بيتكلمو
نجوى : طب ما يتكلموهيكونو بيتكلمو فى ايه ؟
ناجى : انا هقولك
ام حمزه : انا طول الليل بفكر فى الكلام والحاجات اللى بتعملها وبصراحه مش ركبه على كلامك
ابو حمزه : مش فاهم بتتكلمى على ايه ؟
ام حمزه : ماهر عرف منين ان نجوى هى اللى شوهت جنى
وماهر عرف منين ان نجوى بتشتغل مع اطفال الشوارع ؟
ابو حمزه : انا اللى قولتلو عشان يروح يبلغ
ام حمزه : ويبلغ ليه وانته مش معاك اى داليل
ابو حمزه : يوووو
ام حمزه : انته ليه عاوز تخلص من نجوى فهمنى
ابو فارس : اخلص منها ايه انا داخل معاها شغل يبقى ازاى اخلص منها
ام حمزه : لا فى حاجه قول
ابو حمزه : انتى شكلك اتجاننتى انا طالع استناكى باره
ام حمزه : فيصل هو اللى مش عاوز يشاركك وانته كدا صح ؟
ابو حمزه : انا سايبك وخارج
ناجى : وسابها وخرج باره الاوضه الراجل ده عاوز يخلص منك خلى بالك
نجوى : فيصل معرفتش اسمو فيصل ايه ؟
ناجى : لا دا اللى سمعتو بس انا كنت واقف ورا الشباك من تحت بس الصوت كان باين
نجوى : بقولك ايه متعرفش سيبر قريب ؟
ناجى : اه فى بس بنمشى شويه او ممكن نروح بالتوكتوك
نجوى : خلاص روح خود المفتاح وتعالى نروح لمانشوف مين فيصل دا اكيد مكتوب عنه معلومات على النت عشان هو شريكهم فى الشركه
ناجى : طب مانتى عامله باقه
نجوى : لا هتخلص روح بس يلا قبل العشاء ما تدن
حمزه : هتفضلى كدا بعيده عنى ؟
تقى : انا خايفه منك
حمزه : خايفه منى من مره واحده قسيت عليكى طب افتكريلى لما كنت بحبك وبحايلك وبتمنالك الرضى ترضى
تقى : وكمان قولتلى انا مستحملك وانتى خرسه وطارشه وساكت
حمزه : والله غصب عنى طب نفرض انك انتى اللى لقتينى بكلم ست وبقولها الكلام دا هتعملى ايه
تقى : هتخانق معاك بس مش هقسى عليك ولا اعيرك بأعقتك
حمزه : ( قرب منها اوى ) طب اعمل ايه عشان تسمحينى اضربينى طيب انا اهو بين اديكى اضربى
تقى : وانا ايدى متجبسه كدا اضربك
حمزه : خلاص عضينى ايدى اها اللى ضربتك عوضينى
تقى : ما للاسف انا مقدرش اوجعك
حمزه : ولاانا اقدر اوجعك
انا بحبك اوى يا تقى
تقى : طب روح هات مصحف واحلف عليه انك عمرك ما هتمد ايدك عليا تانى ولا هتازينى انا واختى تانى
حمزه : حاضر بس انا ماليش داعوه بنجوى والله انا ماليه داعوه
تقى : ليه باباك قال لماهر ان نجوى هى اللى عملت كدا
حمزه : بصى انا بجد مش عارف بس يمكن مكلمت منير هى السبب
تقى : منير ليه هو قالك ايه
ناجى : ها يا ابله لقيتى الراجل ؟
نجوى : ادينى بدور اهو هو فى واحد اهو بس مفيش معلومات كفايا عنه
ناجى : طب خلاص كبرى دماغك
نجوى : اكبر ايه بس ليه فيصل مش عاوزنى فى المشروع
( فضلت نجوى تفكر وتربط بين كلام تقى اللى قالتو الصبح وكلام ناجى ليها )
اللهم اغزيك ياشيطان
اهو يا ناجى المعلومات كلها اهو
اسمو
واسم ابوه وجنسيتو
واسم امو كمان وجنسيتها
دى طلعت امو امريكيه
نجوى : الله ما راجل كويس اهو
لا انا مش مطمنه
ناجى : ولا انا
نجوى : يلا نمشى نفكر فى البيت
( وبليل)
شوقيه : ربنا يخليك ليا يا رب انا والله ما كنت عايشه
هيثم : فرحانه معايا يا حبيبتى
شوقيه : اوى اوى كفايا انى بين ايدين سيد الرجاله كلهم
هيثم : ههههه انتى طيبه اوى يا شوقيه
شوقيه : بس الحلو ما يكمالش انا مش حلوه انته احلى منى بكتير
هيثم : ومين قالك انى مش شايفك حلوه
انتى عيونك سودا وجميله
وكمان جسمك حلو مش طخينه ومش رفيعه مناسبه اوى
وكمان شعرك عاجبنى اوى كرلى اوى
شوقيه : كرلى ايه دا زى السلك
هيثم : مش مهم بس عاجبنى والاهم من كدا
فاكره يا شوكى لما انتى قولتيلى امشى لو مش عاوز تتجوزنى وانا مش مشيت
شوقيه : اه فكره وساعتها قولتيلى لما نتجوز هتحكيلى ليه مش مشيت
ليه بقى قول
هيثم : عشان وانا ماشى شفتك وانتى بتسرحى شعر البنات وحنينه اوى عليهم وخداهم فى حضنك زى ما تكونى امهم
شوقيه : انا بجد كنت باعملهم زى ما يكونو بناتى
هيثم : عشان كدا
انا امى ماتت وانا 15 سنه كانت بوسى اتجوت وفضلت عايش لوحدى
ماما كانت حنينه اوى يا شوقيه كانت احلى ام فى الدنيا رغم انى كنت 15 سنه بس كانت تفضل تدلعنى وتبوس فيه وتاكلنى باديها وكانت تسرحلى شعرى وكانت اى حد يدايقنى تاخد حقى
اناشفت فيكى ماما يا شوقيه
شوقيه : وانا امك وابوك وكل اللى خلفوك كمان امسح دموعك دى معندناش رجاله تعيط كدا
هيثم : طب قومى بقى نتعشا باره
شوقيه : هتعشينى ايه ؟
هيثم : بيتزا نفسى فيها اوى
( وبعد كام يومين داخل فارس البيت وهو مش طايق نفسو )
ام فارس : فى ايه مالك
فارس : روحت اسحب فلوس زى ما قولتلك ملقتش غير 5000 جنيه بس
ممكن تقوليلى باقى الفلوس فين ؟
اكيد مع نجوى
وبعدين فلوس ايه يا فارس هو انا يابنى حلتى حاجه وكمان انا مش عارف 5000 دول نجوى حطتهم فى حسابى بتوع ايه
فارس : هى هتيجى امته ؟
ام فارس : انا كلمتها امبارح وهى قالتلى هتيجى بكرا عشان تروح مع تقى وهى بتفك الجبس
فارس : يومها اسود معايا
فكرى : يا بنتى قولى عاوزه كام فى الشقه
نجوى : والله ابدا ما اخد منك حاجه
فكرى : لا ما كدا ماينفش
نجوى : بقولك ايه ما تفكك من التدريس والكلام ده واشتغل معايا
فكرى : اشتغل معاكى هشتغل معاكى ايه ؟
نجوى : ( شراحتلو الشغل ) انته بقى تاخد البضاعه وتوزعها فى طنطا الغربيه المحافظات اللى حوليك يعنى
فكرى : "
#قلب_فاضي
الحلقه { 64 }
نجوى : ( شراحتلو الشغل ) انته بقى تاخد البضاعه وتوزعها فى طنطا الغربيه المحافظات اللى حوليك يعنى
فكرى : انا عمرى ما اشتغالت حاجه غير التدريس يا نجوى معرفش فى البيع والشراء والحاجات دى
نجوى : بص انا بعد بكرا هروح لتقى وانشاء الله اطمن عليه واجلكم اشرحلك اكتر صدقنى الموضوع سهل اوى
فكرى : طيب عقبال ما تيجى بس ونبقى نشوف هتخدى كام فى الشقه
نجوى : مش هاخد حاجه ولو مصمم كلم ماما
فكرى : يا نجوى متتعبيش قلبى قولى بقى
نجوى : طب لما اجيلك نبقى نتكلم بس وحيات عيالك يا فكرى فكر فى موضوع الشغل ده بجد احسن من الدروس
فكرى : طيب وحياتك عندى هفكر
نجوى : قشطه عليك سلام
سراج : انا عاوز اكلم نجوى فى موضوع الجواز دى بنت عمى وانا اولى بيها
عربى : انا شايف انها مش بتفكر فى الجواز دا غير انى مش شيفها مايله ليك يا سراج
سراج : طب وبعدين هتفضل قاعده فى البيت معانا كدا دا اهل البلد ياكلو وشنه قعده معانا بصفت ايه
عربى : مش بيتها وبيت ابوها وعمها وكمان بتراعى الارض وتشوف اشغالها
سراج : طب كلمها انته هى بتحبك وهترضى
عربى : انا مش هكلمها عاوز تطلبها انته كلمها انته مش صغير روح وقولها انا رايح الارض عاوز حاجه
سراج : لا يابا مش عاوز
( عربى ساب سراج وراح على الارض )
( وقتها نجوى كانت مع البنات وناجى وبتتفق معاهم على اللى هيعملوه طول اليوم)
نجوى : يلا يا بنات روحو بقى لمو الحاجه من البيوت عشان نخلص بدرى مش كلو يوم نخلص على 4 او 5 العصر
سمر انتى ودينا روحى لمو البيض والحاجات من البيوت
وانتى يا سمسمه انتى ونوسه روحو شوفو البيوت اللى تجيبو منها اللبن وخلو بالكم اوعو يكون فيه نقطة مايه او مش نضيف خلو بالكم
وانته يا ناجى تعالى معايا نشوف البطريات والفراخ ورا البيت
سمر : طب انا عندى فكره بدل البهدله ونروح ونيجى الستات اللى بتربى الحاجات هى اللى تجبها مش كفايا بنديهم فلوس
نجوى : حرام عليكى فيهم ستات كبيره واللى عندهم عيال
دينا : ما يا ابله كل يوم كل يوم احنا تعبنا
نوسه : وكمان فيهم ناس بيعملونا وحش ويفضلو يشخطو فينا
نجوى : وانتى يا سمسمه مش عاوزه تقولى حاجه ؟
سمسمه : والله يا ابله انا بقالى حوالى اسبوع كدا بفكر فى اختراع بس مش عارفه اوصل لحل
ناجى : اختراع ايه بقى هنلم الحاجات من البيوت بالنيه هههههههه
سمسمه : بس انتى
نجوى : لا يا ناجى استنى يمكن تكون بتفكر فى حاجه مهمه قولى يا سمسمه اختراع ايه ؟
سمسمه : بصى انا ونوسه بنروح نلم كل يوم اللبن من الناس ونفضل بقى نبص نضيف ولا لا فيه مايه ولا لا
انا بقى بفكر نخترع حاجه احنا اللى نحلب بيها المعيز والجواميس والبقر من غير ما ايد تلمس الحيوان
نجوى : ودى تبقى ازاى ان شاء الله
اه هو فى اجهزه الحيوان بيدخل ويروحو مركبين ماكنه كدا تروح شافطه اللبن بس دى فى المصانع الكبيره
نوسه : طب ما نجيب واحده يا ابله بدل البهدله دى
نجوى : غاليه وبعدين معرفش بتتباع فين اصلا
وبطلو رغى بقى ويلا كل واحد يشوف شغلو يلا يا ناجى
حمزه : انا نازل الشركه يا حبى عاوزه حاجه ؟
تقى : لا شكرا
حمزه : ( قرب منها وباس راسها وطبطب عليها ) هتوحشينى اوى هجيلك على طول 5 بالدقيقه هكون عندك
تقى : ( بأحسيس متلخبطه وبصوت متردد ) ترجع بالسلام
حمزه : اجبلك ايه معايا وانا راجع ؟
تقى : مش عاوزه حاجه
حمزه : ماشى يا عمرى خودى صحيح التاب اتسلى فيه او كلمى نجوى انا عارف انك ملكيش فى التلفزيون اوى
تقى : انا هفتح اقرا الحلقات واقفلو ولا استنى لما تيجى احسن بدل ما تشك فيه تانى
حمزه : مش هزعل من كلامك عارفه ليه ؟
تقى : ليه ؟
حمزه : عشان انتى اغلى من روحى
انا هنزل بقى سلام يا قلبى ( باس ايديها وخدها وسابها فى الاوضه وخرج باره )
حمزه : يلا يا بابا
ابو حمزه : اه انا خلصت القهوه اهو
ام حمزه : بقولك ايه مش المفروض تقى تروح لدكتور عشان التخاطب والكلام بتعها يتحسن
حمزه : فارس قال لو نفضل نتكلم معاها هتتحسن مش لازم تروح
ام حمزه : لا لما تروح لدكتور برضو تتحسن اسرع انا هكلم فارس دلوقتى ولو فى دكتور يعرفو انا هاخودها ونروح للدكتور انهارده
حمزه : طب استنولما اجى اروح معاكم
ام حمزه : بقولك ايه يا حمزه ركذ فى الشغل شويه انتو تقريبا مش بتشتغلو ولا ايه يا نبيل
ابو حمزه : على ايدو كل ما ناخد مشروع يطير
حمزه : اه يعنى انا السبب
مش حضرتك يا بابا اللى كنت موقف كل حاجه عشان نجوى
ابو حمزه : وكمان مشروع نجوى طار بسبب الزفت اللى اسمو فيصل منه لله بقى
ام حمزه : احسن انا مش مرتحالو الراجل ده اصلا
حمزه : ليه ما كنا فى الامارات شغلين مع بعض كويس
انا مش عارف لما جينا هنا ايه جرالو
ام حمزه : طبعا ما انتوهناك كنتو بتعملو المشاريع فى بلدو لاكن هنا مش بلدو
حمزه : لالا دا فيصل بيحب مصر اوى
ابو حمزه : يلا يا عم الحبيب هنتاخر يلا
( نزل ابو حمزه وحمزه راحو الشغل وام حمزه داخلت لتقى )
ام حمزه : بتعملى ايه تقى ؟
تقى : مش بعمل حاجه قاعده جنب مصطفى
ام حمزه : ليه زعلانه كدا ؟
تقى : عشان مش هقدر ارضعو تانى الحمد لله كان بيرضع منى الكام يوم اللى كنت فيهم فى المستشفى اللى كان بيرضع صناعى خالوه يرفض يرضع منى
ام حمزه : معلش اطفال كتير كدا ولايهمك
كنت عاوزه اخد رئيك فى حاجه بس مش تزعلى
تقى : ايه ؟
ام حمزه : انا عاوزه اخدك واوديكى عند اخصائى تخاطب عشان الكلام عندك يتحسن اسرع
تقى : انا كمان عاوزه كدا بس مش عاوزه اطلب حاجه من حمزه
ام حمزه : بصى يا تقى اى اتنين متجوزين بيتخانقو وممكن يحصل مشاكل كبيره وفى الاخر بيتصالحو ويرجعو تانى زى السمنه على العسل
وانتى بتحبى حمزه صح ولا لا ؟
تقى : اه بحبو بس باقيت بخاف منه
ام حمزه : معلش كام يوم كدا والخوف دا هتنسيه بس بلاش تفكرى فى اللى حصل
تقى : حاضر مش هفكر
ام حمزه : طب يلا قومى عشان البسك ونروح عند فارس بدل القاعده دى انا زهقانه من البيت
تقى : بلاش انا مقولتش لحمزه انى هخرج
ام حمزه : لا انا قولتلو
تقى : طب اكلمو على الواتس اقولو بارضو بدل ما يزعق
ام حمزه : ماشى خودى اه صح دا موبيلك معايا كلمى حمزه عقبال ما اروح اجبهولك
( تقى مسكت التاب وكلمت حمزه كتابه على الواتس )
ممكن اروح مع مامتك عند فارس ؟
حمزه : ( كان فى اشاره والطريق واقف فا رد عليها ) لو عاوزه تروحى روحى يا حببتى بس خلى بالك من نفسك
تقى : شكرا
ام حمزه : اتفضلى الموبيل
تقى : شكرا
ام حمزه : قومى عشان البسك ونمشى
سراج : ايه خلاصتى الشغل ؟
نجوى : اه خلاصت الحاجه اللى فى الزريبه ورا والارانب خلاصت كلو انا وناجى
اخبار الخرفان ايه ؟
سراج : تمام دا فى واحد عاوز يشترى منى 20 خاروف الحمد لله
نجوى : طب حلو وهيعمل ايه ب 20 ده ؟
سراج : عشان رمضان قرب بياخوهم يربوهم وفى رمضان بيوزعوهم بقى لحمه على الغلابه
نجوى : اه طيب ربنا يجازيه خير
سراج : اناكنت عاوز اخد رئيك فى حاجه كدا
نجوى : طب بسرعه عشان انا ورايا مليون حاجه عشان مسفره بعد بكرا
سراج : اناعاوز اتجوزك
نجوى : ( اتفجئة ) تتجوزنى ؟ ايوه بس . . . . طب ليه ؟
سراج : انتى بنت عمى وانا وانتى فى بيت واحد وكمان ااااا ااااااا يعنى انتى عجبانى الصراحه
نجوى : بس انا مش عاوزه اتجوز
سراج : ليه يعنى هتفضلى كدا؟
نجوى : انا لازم اتجوز حد بحبو وانا مش بحبك اه انته ابن عمى وزى اخويا
بس مفيش اخوات بيتجوزو بعض
سراج : بس انا مش اخوكى انا ابن عمك
وبعدين احنا فى الصعيد وانتى مطلقه وكلام الناس كتير
نجوى : اللى عاوز يتكلم يتكلم انا مش همسك لسان حد هما احرار
سراج : طب ما تفكرى ونتجوز والله ما هزعلك وكمان شغلنا هنكبرو سوى
نجوى : مش هينفع يا سراج صدقنى
( وصلو البنات ومعاهم الحاجه )
نوسه : احنا جينا يا ابله
نجوى : طب يلا قدامى على الحمام اللى تحت عشان هندبح الحاجات دلوقتى
ناجى شوف حد معاك وغلف البيض زى ما بنعملو واحكمو حلو عشان ميتكسرش
ناجى : حاضر
نجوى : يلا يا بنات على تحت
فارس : انا كنت نازل كويس انى شفتكم وحشانى يا تقى
تقى : مش بتيجى تشوفنى ليه ؟
فارس :والله ما فاضى انا هناقش الماجستير الحد الجاى خلاص
ام حمزه : مبروك عقبال الدكتوره
فارس : ادعيلى
ام حمزه : ربنا معاك يا رب
ام فارس : يا رب
ام حمزه : كنت عوزاك تشوف دكتور لتقى عشان الكلام
فارس : ليه ما هى كويسه
ام حمزه : انا عارفه الحمد لله بس عشان تتحسن اسرع
ام فارس : ربنا يديكى الصحه يا رب اه يا فارس عشان تتحسن بسرعه وتعلم ابنها الكلام
فارس : ماشى هشوف كدا وهتصل بيكم استأزن انا السلام عليكم
ام حمزه : عليكم السلام
هى هدى فين ؟
ام فارس : راحت المستشفى هى كمان
ام حمزه : وبوسى والعرسان ؟
ام فارس : بوسى فى النادى راحت الصبح بتقولى هتنزل البيسين معاد الستات بيبقى بدرى
والعرسان سافرو بليل
تقى : سافرو فين ؟
ام فارس: الغردقه
ام حمزه : يلا خليهم يتفسحو ربنا سعدهم
( شوقيه وهيثم قاعدين تحت الشمسيه على البحر شوقيه لبسه بلوزه وبنطالون وفقيهم كاش مايوه وهيثم لابس مايوه و الكاش مايوه فوقيه )
شوقيه : ايه دا مافيش حد بيتكسف كدا كلو عريان
هيثم : فين العريان ده ماهى لبسه ما يوه اهو
شوقيه : وهو المايوه دا لبس ؟
هيثم : اه طبعا لبس مش على البحر عادى مش احسن من البلوزه والبنطالون دول بجد شكلك ياكى وبيئه خالص
شوقيه : يعنى انته ترضالى انى البس مايوه ؟
هيثم : اه طبعا برحتك بصى يا شوكى انا زوج فيري اوى
شوقيه : لا انا مالبس كدا دا كان ابويه واخواتى يقطعونى
هيثم : لا انا جوزك دلوقتى اعملى كل اللى تحبيه ومتخفيش
شوقيه : تعشلى يا رب يخليك ليا
هيثم : خودى بقى يا شوكى حطيلى الصان بلوك عشان الشمس
شوقيه : احطهولك فين ؟
هيثم : على جسمى يلا حوطيلى وانا هحوطلك
شوقيه : يا فضحتى احطلك كدا قصاد الناس وافضل احسس عليك ؟
هيثم : اه عادى
شوقيه : لا اتكسف مقدرش
هيثم : طب تعالى انا احطلك
شوقيه : لالا عيب لا
هيثم : مش عيب عادى
شوقيه : لا ازاى يعنى تحط ايدك عليا وسط الناس لا
هيثم : طب بصى الراجل ده بيعمل للبنت عادى عادى
شوقيه : يا خويا بلا قلت ادب
انا جوعت ما تيجى نروح ناكل
هيثم : ماشى نروح نفسك تاكلى ايه ؟
شوقيه : حااااااااا نفسى فى محشى كرنب
هيثم : كرنب
ربيع : بقولك ايه نجوى دى شكلها مش بتاعت جواز ماشوفتك جوزها ماكملش معاها سنه وراح اتجوز عليها
سراج : بس انا بحبها
ربيع : انته ماداخلتش دنيا قبل كدا يوم ما تتجوز تتجوز واحده مطلقها بص انا بقالى فتره كدا فى واحده انا مراقبها وبنت كويسه اوى
هى ليها اخت اكبر منها ما تيجى نتقدملهم
سراج : لا انا عاوز نجوى
ربيع : انته حر بس اسمع كلامى نجوى دى مش بتاعت جواز مش هتعرف تكسرها دى عاوزه تتجاوز واحد تكون راسها براسو
دا غير شغلها مش هترضى تقعد فى البيت
عربى : ( داخل عليهم وهما بيتكلمو ) ايه بتتكلمو فى ايه ؟
ربيع : فى الجواز يابا انا فى واحده عاوز اروح اتكلم عليها
عربى : ماشى على خيرت الله بس مين دى ؟
ربيع : صباح يا با بنت عم رجب اللى شغال فى الجمعيه الزراعيه
عربى : اه عارفها مش البت البيضه القشطه دى اللى شبه امها
ربيع : ايوه يا باهى القشطه دى
عربى : زوقك حلو يا ربيع خلاص نروح نتقدم
وانته يا سراج عملت ايه فى موضوعك مع نجوى ؟
سراج : مرضيتش وقالتلى احنا اخوات
عربى : خلاص شوف اى واحده تانيه البنات على قفا مين يشيل
سراج : بس انا بحب نجوى
عربى : والله انا شايف ان نجوى متنفعكش هى مطلقه وانته لسه متجوزتش
ربيع : انا قولتلو كدا برضو
سراج : وهى ذنبها ايه ما جوزها هو اللى عينو زايغه
عربى : ولو وبرادك الناس يقولو ايه شوف غيرها احسن
ربيع : طب يابا هى هتفضل عايشه معانا كدا بعد ما نتجوز
عربى : الله مش ليها فى البيت
ربيع : طب يعنى هنعيش ازاى؟
عربى : الدورالاخير ليك والدور التانى لسراج وانا وهى قدينا فى الارضى وهى ماتكلمتش
ربيع : طب العيال يابا هيفضلو كدا والبيت هيبقى فيه حريم ؟
سراج : عيال مين ما طول النهار العيال مع ابوك او معانا انا وانته او مع نجوى
عربى : هما بيجو من التعب بينامو
ربيع : لا باردك لازم شوف لهم حل
عربى : خلاص هبقى اكلم نجوى فى الموضوع ده
سمر : اه اخيرا خلصنا
نجوى : انا تعبانه اوى دراعاتى مش حسه بيها
نوسه : لازم نجيب حد يساعدنا بعد كدا
نجوى : مين بس هيجى
دينا : اى حد يا ابله احنا اتفحتنا
نجوى : طب هشوف كدا
احنا نسيب الحاجه تتجمد بقى فى الديب فريزر ونطلع ننام
سمسمه : طب مش هناكل
نجوى : اه انا جعانه خلاص تعالو نعمل اكل وناكل وننام بس الاول نستحمى لحسن رحتنا تقرف
انا هروح استحمى الاول وهروح اعمل لكم اكل عقبال ما تخلصو انتو
سمسمه : ماشى بس كنا عاوزين نروح مصر معاكى نشوف امنا
نجوى : ماشى اخودكم معايا وانتو عاوزين ؟
( ال3 بنات ) اه
نجوى : خلاص تعالو معايا بس خلو بالكم همشى الفجر
سمر : ماشى
نجوى : ماشى انا هقوم بقى
( نجوى بعد ما اتعشت هى والبنات داخلو نامو وتانى يوم الصبح وهى فى السوق وحوليها البنات وناجى )
ام فادى : السلام عليكم
نجوى : عليكم السلام
ام فادى : ليه طلب عندك بس وحيات الغالى عندك ما تكسفينى
نجوى : والله لو فى ايدى حاجه هعملها
خير
ام فادى : انا ابنى فادى متخرج بقالو 5 سنين ومش لاقى شغل فالو تشغاليه معاكى
نجوى : ماشى بس هو بيعرف يعمل ايه ؟
ام فادى : مش بيعرف يعمل حاجه
نجوى : اه طب هو متخرج من كلية ايه ؟
ام فادى : من التجاره
نجوى : خلاص ممكن يجى يمسك الحسابات بتاعة السوق خليه يجيلى
ام فادى : لا ما هو مش بيقدر يخرج من البيت لوحدو
اصلو ربنا يديكى الصحه قاعد على كرسى
نجوى : اه طب تمام ناجى كل يوم خميس وجمعه تروح تساعد فادى وتجيبو السوق وتروحو ماشى
ناجى : حاضر يا ابله
ام فادى : ربنا يكرمك يا رب
نجوى : بصى انا مسفره يومين هاجى على السبت او الحد من اول يوم الخميس انا بنفسى هجيلك وهتفق معاكى على الشغل
ام فادى : ماشى ربنا يكرمك يا رب ممكن طيب رقم تليفونك
نجوى : اه طبعا
ماهر : كل دا مفكرتش تسئل عليا
حمزه : انته عاوزنى اسئل عليك وانته عامل مصيبه انته ايه اللى عملتو ده
ماهر : مش مهم اللى عملتو انا عاوز 15 الف جنيه دلوقتى
حمزه : ليه ؟
ماهر : البلطاجيه اتفت انا معاهم هديهم 10 لو كسرو عين نجوى بس هما اغبيه هربت منهم
ودلوقتى بيقلولى عوزين الفلوس وكل يوم تأخير ب1000 زياده
حمزه : ايوه بس انا اجبلك فلوس منين انته عارف اليومين دول ظروفنا مش اوى
ماهر : اتصرف يا حمزه دول بيهددونى انهم هيتغرضو لماما وجنى
حمزه : طيب حاضر بس دى اخر فلوس هدهالك
ماهر : كلو من نجوى الزفت
حمزه : لاكلو من دماغك
اناهقوم اشوفلك فلوس فى المكتب
( قام حمزه فتح الخازنه وجابلو الفلوس )
اتفضل
ماهر : شكرا يا حمزه وانتى بقى يا نجوى طارك معايا
حمزه : اوعى تقرب لها فاهم
ماهر : انته اللى بتقول كدا
حمزه : ايوه انا ومتنساش ان امك واختك كانو السبب فى المشكله من الاول ولانسيت
ماهر احنا عشان اخوات وولاد خاله انا واقف جنبك بس تقرب من نجوى وتكون سبب طلاقى من تقى لا مش هسمحلك
فكرى : انا شايف ان عرض حلو وكمان الشغل انا يا دوب هنقل البضاعه
الهام : وتكون شغال فى مشروع نجوى بدل ما نكون شغالين فى المشروع بتعنا
فكرى : نجوى اختك وانا بعتبرها اختى وعادى فيها ايه لما نشتغل مع بعض
الهام : انا مش موفقه
فكرى : طب فكرى تانى يمكن تغيرى رئيك انا هروح انا والعيال نشترى حاجات عاوزنها
عاوزه حاجه من تحت ؟
الهام : لا يا فكرى خلى بالك من نفسك ومن العيال
( وتانى يوم سافرت نجوى القاهره واخدت البنات معاها وناجى كمان )
سليمان : ها ايه رئيك فى المحل ؟
نجوى : حلو اوى واحلى حاجه ان فيه مخزن نقدر نحط فيه البضاعه كلها
سليمان : ربنا يجعلو فتحت خير
نجوى : امين يا رب
بص انا هسبلك بقى العربيه وناجى نزلو البضاعه ورسوها بقى وهجيلك تانى عشان هروح لماما
سليمان : مش هتروحى لتقى يعنى ؟
نجوى : باقيت عارف العيله اهو يا سليمان
لا ما تقى عند ماما فى شقت فارس
سليمان : ماشى بس ماتتأخريش
نجوى : ماشى ناجى مش عاوزه لخبطه فى الكاشف ماشى
ناجى : هو انا تلميذ
نجوى : ماشى مستنيه منكم تليفون سلام
تقى : وحشانى اوى اوى اوى
نجوى : انتى اكتر
هما العرسان فين ؟
ام فارس : فى الغردقه
نجوى : اه فى الغردقه زمان هيثم بيتغردق دلوقتى ههههههههه
ام فارس : سكر يا نجوى بتجيبى الكلام ده منين
نجوى : من كوكو واوا يا مامتى
هى ام حمزه فين وبوسى ؟
ام فارس : بوسى كانت راحه المول تشترى حاجات ام حمزه راحت معاها زمانهم جايين
نجوى : يجو بالسلامه
هتفكى الجبس بكرا يا تقى
تقى : اه ان شاء الله
نجوى : انشاء الله
ماما انا جايبه شويت حاجات ادخلى شوفيها بقى وحطيهم فى الفريزر
ام فارس : ماشى هقوم تشربو شاى
تقى : اه يا ريت
نجوى : لسه ام حمزه منعاكى من الشاى والحاجات دى
تقى : مش اوى بس هى بتخاف عليا
دى حنينه اوى يا نجوى
نجوى : ربنا يهديهالك يا رب
وحمزه معاكى عامل ايه ؟
تقى : هو كويس وطيب اوى معايا زى الاول بس
نجوى : ما بسش بقى متنكديش على نفسك وتخربى بيتك هو حاسس بغلطتو وندم خلاص الحمد لله جات على قد كدا
( فارس فتح الباب ودخل )
نجوى : هاااااااا ايه ده فارس وحشتنى
فارس : وانتى كمان
نجوى : الساعه 4 جيت بدرى يعنى ؟
فارس : جاى اتكلم معاكى قبل ما حد يجى
ام فارس : مش وقتو يا فارس اتغادو الاول
فارس : هى ام حمزه هنا ؟
تقى : لا
فارس : نجوى رصيد ماما فى البنك قد ايه ؟
نجوى : مش فهمه ؟ تقصد ايه ؟
فارس : هى ملهاش اى معنى رصيد ماما فى البنك كام
نجوى : تقريب 4 او 5 الف جنيه تقريبا
فارس : الباقى فين
ام فارس : خلاص يا فارس مش مهم انا مش عاوزه حاجه خود الغوايش بتعتى بعهم وهات اللى انته عاوزو
فارس :لا يا ماما مش هاخد حاجه انا عاوز اعرف فلوس ماما راحت فين
تقى : وطى صوتك العيال نايمين
نجوى : اتكلم بهدوء فلوس ماما بتاعت ايه ؟
هى ماما ليها فلوس اصلا
فارس : اه طبعا مش احنا تمنا البيت والارض وجابو 140 الف وناصيب ماما كان 17.5 فين بقى ؟
نجوى : نصيب ماما دا لو كانت هتبيع بس ماما مابعتش
فارس : نعم ؟
نجوى : فارس احنا بعنا الارض والبيت عشان ماما تاخد ناصبها
انته والهام بس اللى بعتو ناصبكم ليا انا وانا اشتاريتو انا دافعه ليك ولالهام 80 الف جنيه
فارس : وماما
نجوى : هى ماما باعت ناصبها عشان تاخد فلوس ماما ليها نصيب فى البيت والارض وهى ما بعتهمش فا عشان كد معهاش فلوس
ام فارس : شفت بقى عصبت نفسك على الفاضى
نجوى : وبعدين انته مالك بتشوف فلوس ماما ليه انته مش اخدت نصيبك
فارس : انا كنت محتاج فلوس
نجوى : محتاج تانى فلوس
وبعدين محتاج فلوس ليه مش خلاص اشتاريت عياده
فارس : كنت عاوزاجيب عربيه
نجوى : بحسبك تقولى كنت هطلع امى عمره مش هتشترى عربيه
فارس : طب والعمل
نجوى : عمل عمل ايه
ام فارس : بصى اخوكى عاوز 30 الف ادهملو سلف وهو هيردهملك قريب
نجوى : انا مديونه ب 50 الف ومش عارف اسدد تقوليلى اديلو 30 طب منين
فارس : انا مش عاوز حاجه من حد انا كنت هاخد من ماما واردهم تانى
نجوى : انا اعرف معرض بيبيع عربيات ممكن اوديك تاخد من عندهم واحده
فارس : نجوى متزعليش انا كنت فاكر ان انتى كمان اشتاريتى نصيب ماما
نجوى : لا متقلقش مش بزعل
بس لازم تفهم شغلى دا محدش دافعلى فيه جنيه اه الارض بتاعتى انا وماما وتقى بس الارض مش بطلع فلوس انا اللى بصرف عليها فلوس
فارس : اومال ال5 جنيه دول دول بتوع ايه ؟
نجوى : مكسب من كام بضاعه كدا بدل ما كنت اخد لوحدى المكسب فتحت حساب لماما ولتقى وباقيت احطلهم فيه فلوس
وعلى فكره الحسابات دى بأسمى انا عشان لو عاوزه اسحب منها باخد ماهى فى الاخر فلوسى انا
تقى : خلاص يا نجوى بقى بلاش الكلام فى الفلوس
نجوى : انا هقوم ارتاح شويه عقبال ما تعملو الغدا
حمزه : بابا فيصل على التليفون
ابو حمزه : الو السلام عليكم
فيصل : عليكم السلام ايش اخبار الارض والمشروع نجع حمادى حمزه بيقولى عليه مشاكل
ابوحمزه : اه فعلا وخلاص مش هنعملو
فيصل : من الاول انا مكنت حابب ها المشروع الشغل فى القاهره او على السواحل احسن بكتير
ابو حمزه : اه فعلا
فيصل : طب ما فى مشروع ندخلو قريبا ؟
ابو حمزه : اه طبعا فى مول فى العاشر وان شاء الله لسه بندرس المشروع
فيصل : ماشى الله معنا يوفقنا جميعا السلام عليكم
ابو حمزه : عليكم السلام
حمزه : مول ايه يا بابا فين المول ده
ابو حمزه : انا بقولو كدا بس عشان انا شاكك فى حاجه ؟
حمزه : حاجة ايه ؟
ابوحمزه : فى لعبه بتتلعب وللاسف انا مفهمتهاش غير دلوقتى
حمزه : لعبت ايه ؟
ابو حمزه : "