#قلب_فاضي
الحلقه { 75 } والاخيره
جيجي : يا خوفى لنجوى تلتشه منك
جنى : مين دى دى وحشه انا قمر معقول هيسيبنى انا ويروح لنجوى
جيجي : طب هوعاوزها فى ايه ياترى دا اول مره يشوفها
( داخلو الاتنين المكتب وردو الباب ومقفلوهوش )
نجوى : خير ؟
فتحى : طبعا انتى عارفه انى رئيس ومدير تحرير قناة سيلافى
نجوى : هو بصراحه انا مكنتش اعرف بس جنى قالتلى
فتحى : تمام انا متابع الاخبار والاشاعات اللى بتطلع عليكى وعلى شركتك واخر اشاعه بتاعت امبارح الصوره اللى على الفيس
نجوى : اها بس زى ما قولت دى اشاعه
فتحى : انا بعرض عليكى عشان تردى على الاشاعات دى اعملك قصة نجاحك برنامج من اجزاء ونروح بالكميرات نصور الانجازات بتعتك فى كل محافظه ورأى الناس فيكى وعدد الناس اللى شغالين معاكى وازاى انتى بداتى وبعد كام سنه وصالتى للى انتى فيه
نجوى : والله فكره بس انا مش عاوزه حاجه متسجله يعنى لو هوا يبقى افضل
فتحى :طب هو هيبقى صعب بس ايه رئيك نقسم البلد نصفين
تعملى برنامج هواء تردى فيه على الاشاعات واللى هنسجله هو مشروعك ونزيعه على اجزاء
نجوى : لو كدا اوك
موفقه
فتحى : طب هتاخدى منى كام ؟
نجوى : المهم هتسمى البرنامج ايه ؟
فتحى : اااااا اللى تحبيه اتفقى انتى والمخرج
ايه الدوشه اللى بره دى
نجوى : اكيد الماتش
نجوى : ايه فى ايه ؟
فكرى : كسبنا يا نجوى جبنا جوان فى اخر دقيقه
فتحى : طب الحمدلله
فارس : مين ده؟
نجوى : دا فتحى الهنيدى مدير قناة سيلافى
اتفضل استاذ فتحى اعرفك
ده اخويا فارس ودكتور
فتحى :اهلا اتشرفت
وده عمى نبيل صاحب اول مصنع مخلفات فى مصر
فتحى: بجد الله يخليك بعد المصنع الواحد بقى يمشى فى الشارع بجد مفرقتش عن باره
ابو حمزه : الحمد لله احنا فكرنا ازاى نعمل مشروع ونفس الوقت الكل يستافيد
نجوى: وده حمزه ابن عمى نبيل وجوز اختى تقى وده بقى فكرى شريكى وجوز اختى الهام
وده ماهر اخو جنى
فتحى : انا بجد فرحان انى اتعرفت بحضرتكم
نجوى : وده هيثم جوز شوقيه
هيثم : هاى
فتحى : هاى
نجوى : هيثم بقى عندو شركت سياحه حج وعمره
اسبكم مع بعض بقى واروح اشوف شويت حاجات
فارس : ماشى روحى انتى
( وشويه والعيد ميلاد ابتدى وفضلو يغنو وقدمه الهدايه لتقى ولنجوى وشويه وكل واحد روح بيته )
تقى : ممكن اعرف مالك مبوز ليه ؟
حمزه : عشان انا قولت كنزى متعملش شعرها لاكن انا مليش كلمه فى البيت
ام حمزه : ومالو بس مش طفله
حمزه : 7 سنين اه طفله بس دمغها مش دماغ طفله كنزى دمغها كبير
ابو حمزه : بطل تقزمها يا حمزه دى عيله وبعدين ما كركر عامله شعرها وزينا وناردين اشمعنى بقى
حمزه : بابا انا مش عاوزها تبقى زى جنى انا عاوزها زى تقى
تقى : يا حمزه دى طفله لازم تفرح بشعرها وتدلع ولما تكبر تبقى تلبس
حمزه : انا محبش حد يبص على بنتى
ابو حمزه : ومين بص على بنتك ؟
حمزه : هيثم ابن فارس كان بيلعب معاها
تقى : هيثم دا عندو 12 سنه
حمزه : يوووو بقى
المهم كلمتى تتسمع لو مسمعتش كلامى يا تقى بعد كدا هحلقلها ظلابته تمام انا طالع انام
تقى : شايف يا عمى اللى انا فيه ؟
ابو حمزه : معلش امه دلعته
تقى : ولعلمكم مصطفى بيقلده
ام حمزه : اه مانا ملحظه كدا
تقى : انا هطلع اصالحه بقى
ام حمزه : اه يا تقى متنيمهوش زعلان
ابو حمزه : ربنا يصبارنى انا وانتى يا تقى يا رب
ام فارس: انتى صحيح هتعملى برنامج؟
نجوى : اه ياماما عشان الاشاعات اللى طالعه عليه
ام فارس : طيب بس تعرفى فتحى ده لايق عليكى اوى
نجوى : لا يا ماما فتحى ده قريب اوى هيخطب جنى
ام فارس : يا خساره شايفه يا نجوى الناس كلها بتتجوز نفسى اشوفلك عيل كدا
نجوى : حاضر يا ماما
ام فارس : حاضر يعنى موفقه تتجوزى ؟
نجوى : اه بس انا قدامى حاجتين وبعد ما اخلصهم هفكر بقى فى الجواز
ام فارس : حاجتين ايه تانى يا نجوى
نجوى : اول حاجه البرنامج اللى هعمله هياخد تقريبا شهر عشان هصور وحاجات كدا
ام فارس : طب والحاجه التانيه؟
نجوى :الحاجه التانيه بقى انا وانتى يا جميل نطلع نحج
ولا مش عاوزه
ام فارس : الا مش عاوزه دا من ساعت ما روحت من سناتين العمره وانا نايمه صاحيه احلم انى احج
نجوى : خلاص ومتنسيش بقى عند الكعبه ادعيلى ربنا يرزقنى بالزوج الصالح
ام فارس : يعنى خلاص العقده اتفكت ؟
نجوى : اه يا ماما اتفكت
( وبعد شهر جه معاد البرنامج الحلقه على الهواء)
": انهارده معانا سيدة دار حوليها الفتره الاخيره اشاعات واخبار منها الحقيقى ومنها الملفق وهى منورانا انهاردا عشان توضح كل حاجه وكمان هتحكلنا عن ازاى بدئة مشروعها من الصفر وفى خلال 10 سنين بقة اكبر سيدة اعمال فى مصر
معانا ومعاكم نجوى مصطفى
اهلا بيكى مدام نجوى
نجوى : لا قولى نجوى بس وانا هقول رحاب بلاش القاب
رحاب : تحبى نبدئ منين ؟
نجوى : اللى تشوفيه انا معاكى تحبى نبتدى منين
رحاب : انا بصراحه عاوزه ابتدى من الصوره والخبر ده
نجوى : اه تمام دا منير رزق كان جوزى فضلنا متجوزين حوالى سنه ونص وانفاصلنا
اليوم ده انا شوفت منير مرتين اول مره خبطو بعربيتى صدفه والله
وتانى مره فى مول العرب انا عندى محلين هناك كوكو واوا واحد منتجات لحوم بكل انوعها ودواجن وطيور والمحل التانى منتجات البان وبيض كوكو واوا
قاعدنا نتكلم شويه هو تقريبا مراته كانت مرقبه وعملت المشكله دى ووقتها كان فى ناس كتير واحد من اللى كان واقف صوارنا ورفع الصوره على الفيس وبس
رحاب : يعنى مكنش فيه معاد غرامى
نجوى : دا شكل معاد غرامى فى مكان شغلى وفى مكان عام لا طبعا وبقولك دا كان جوزى من حوالى 10 سنين
رحاب : طب تانى مره اتقابلته ازاى ؟
نجوى : اول مره لما خابطه الصبح انا اديته الكارت بتاعى عشان هو كان بيدور على شغل وانا قولت اساعده يعنى انا كمان محتاجه اكتر من حد محاسب وهو محاسب فا قولت بدل التاكسى اللى شغال عليه يشتغل معايا فى الشركه
وقولنا نتقابل فى المول
وخلى بالك يا رحاب انا من النوع اللى مش بحب اخسر الناس
اه كنا متجوزين وانفصالنا بس بنا احترام وتقدير
رحاب : يعنى ماكنش معاد غرامى
نجوى : ههههه لا خالص
رحاب : فى خبر انك اتجوزتى15 مره ؟
نجوى : 15 لالا طبعا انا اتجوزة مره واحده بس من منير رزق
دا افتراء
رحاب : طب ليه الصحافه بتقول ؟
نجوى : والله مايقولو انا مالى انا واحده مركذه فى شغلى وبعدين والله انا مش فاضيه اهرش هروح اتجوز وكمان 15 مره
بالدماغ كدا 15 × 10 سنين يعنى كل سنه جوازه ونص هههههههههه
رحاب : طب ليه مردتيش فى وقتها ؟
نجوى : ارد ليه دا صحفى مغمور فى جريده محدش بيشتريها اصلا ولولا الناس الفاضيه اللى عماله تشير عمال على بطال مكنش حد عرف
رحاب : طب مفكرتيش ترفعى عليهم قضيه تشهير ؟
نجوى : انا اكبر من كدا
وهسبتلك انزلى فى الشارع قولى الخبر بتاع الجواز ده واسئليهم مين الصحفى اومين الجريده مش هيعرفوه
لاكن انا لو رفعت قضيه هيتكتب سيدة الاعمال نجوى مصطفى ترفع قضية تشهير على الصحفى فلان وعلى الجريده وهو ده اللى هما عوزينه وانا مش هعمل كدا
رحاب : عندك حق فعلا هههههه
نجوى : شفتى بقى
رحاب : تقولى ايه فى الخبر اللى بيقول انك بدئتى خدامه فى البيوت ؟
نجوى : صح خبر مظبوط فى اول حياتى من حوالى12 سنه لما أتخرجت من الجامعه ولدى تعب ووقتها ماكنش معنا تمن العلاج وقتها كنا سكنين فى بنها نزلت مصر القاهره يعنى واشتغالت فى البيوت باليوم
كنت باخد فى اليوم حوالى 100 حنيه
رحاب : فخوره بيكى بجد انك مانكرتيش حاجه زى كدا ومش مكسوفه
نجوى : اتكسف من ايه ؟ انا اتكسف لو كنت مديت ايدى واستلافة من ده وده لاكن انا اشتغلت شغلانه شاريفه محترمه مأخجلش منها بالعكس
وكان اول خاطوه فى مشروعى
يمكن لو ماكنتش اشتاغلت فى البيوت ماكنتش عملت المشروع ده
رحاب : ازاى ؟
نجوى : كنت يوم بشتغل عند واحده وكانت جايبه فراخ بلدى بس مكنتش حلوه فا قولتلها انا هجبلك حاجات ماما مربيها فوق السطوح
وجبتلها فعلا هى بقى قالت لجرانها واقريبها وكنت باجبلهم وواحده واحده المشروع كبر
رحاب : فى اشاعه بتقول انك اول شحنت فراخ جبتيها فاسده من غانا؟
نجوى : انا عمرى ما استورة عمرى حتى التصدير اتعرض عليا اصدر باره
قولت لا بدل ما اصدر ويحصل عجز فى مصر لا لما يكون فى فائض ونرخص الاسعار افضل ما اصدر باره وبعدين فين ورق الشحنه دى لو الكلام ده صحيح ؟
رحاب : طب اطفال الشورع ؟ انتى المفروض متهمه انك شغالتى اطفال فى سن غير قانونى
نجوى : اطفال الشوارع دول طول عمرنا بنقول دول قنابل موقوته لما اخد انا 25 قنبله واخليهم مواطنين صالحين ومنتجين وادخلهم مدارس
واخلى واحد منهم مدير اعمالى وكلهم كل واحد منهم ماسك الشغل فى كل مكان وكمان اتجوزه ابقى مش متهمه ابقى استاهل تكريم دا منه جهت نظرى
رحاب : بس المنظامات وجمعيات حقوق الطفل بتمنع عمالت الاطفال
نجوى : طب ما تمنع بس قبل ما كانت تمنع كانت المفورض تلاقى حلول للاطفال دول
وبعدين دول كانه فى سن من10لحد19 فامش اطفال اوى
رحاب : مخوفتيش ؟
نجوى : انا مش بخاف غير من ربنا
وعاوزه احكيلك على حاجه فى موضوع اطفال الشوارع
زمان ايام محمد علي باشا كان فى300 الف طفل شوارع وطبعا كانت مصيبه عمل ايه بقى محمد علي ؟
امر المسؤل عن الجيش تقدرى تقولى زى وزيرالدفاع كدا دلوقتى
انه ينزل الشوارع ويلم الاطفال بنات وولاد دول وراح موديهم معسكر فى اسوان وعلمهم وكمان دربهم على كل الحرف وفى خلال 10 سنين مصر كانت تمتلك احرف واشطر الحرفيين اللى بيهم محمد علي عمل بيهم النهضه الصناعيه
رحاب : بس الزمان اتغير
نجوى : لا الصح مش بيتغير انا اخات 25 طفل بنهم 4 بنات
ووفرتلهم مكان يعيشو فيه وعلمتهم شغلانه وكمان خلتهم يكمله دراستهم وخلتهم بجد ناس انا فخوره بيهم
2 لاعبين كوره وبيلعبو كمان فى المنتخب
وواحد مدير اعمالى
وبينهم كمان سمسمه دى المخترعه بتاعتى بقى
رحاب : ازاى ؟
نجوى : من حوالى8 سنين كنا بنحلب البقر والجاموس والمعيز بأدينا وطبعا وقتها ماكنش معايا فلوس اجيب المكنه اللى بتبقى فى المصانع الكبيره
سمسمه بقى جابت المكنسه وعملتلها تعديل وبقت افضل من الماكنات اللى فى المصانع
رحاب : ازاى بقى افضل ؟
نجوى : حجمها اصغر واخف وكمان بتتناقل من مكان لمكان وبشتغل فى اى فيشه مش محتاجه سولار او مولدات كبيره
رحاب: فى منهم حد اتجوز ؟
نجوى : اه فى اكتر من حد
رحاب : طبعا مشروعك هنتكلم عليها فى برنامج قصة صعود الاسابيع اللى جايه بس قبل ما انهى الحلقه
مفيش قصة حب كدا ؟
نجوى : لا للاسف لسه ربنا يسهل
رحاب : مفيش مشروع جواز يعنى
نجوى : لا مفيش ادعيلى
رحاب : يعنى قلبك فاضى دلوقتى
نجوى : اه والله فاضى خالص
رحاب : حاسه بالسعاده ؟
نجوى : اه الحمد لله جدا
رحاب : انتى عندك ولاد
نجوى : عندى ولاد اخواتى اكتر من ولادى هما اصحابى اوى وبيقولوى ماما
رحاب : مش ندمانه انك اهتماتى بشغلك على حساب حياتك الخاصه ؟
نجوى : لا طبعا لان مستقبلى وشغلى هو جزء من حياتى الخاصه وكونى انا نجحت فى شغلى يبقى نجحت فى حياتى الخاصه
رحاب : بس متزعليش انتى مش عندك بيت وولاد
نجوى :لا عندى بيت وعلى النيل كمان وممكن تجيلى نشرب شاى سوى وعندى ولاد اخواتى زى ما قولتلك من شويه
رحاب : بس اكيد حسه بالوحده ؟
نجوى : بصى انا لما اطلقت اتقدملى اكتر من حد كنت باشوف دائما هل يناسبونى ولا لا وفى الاخر الاقى لا مش مناسبنى
رحاب : طب ليه مكانوش بيناسبوكى ؟
نجوى : طب تعالى نفكر بالعقل وانتى اختارى
اول واحد كان سى السيد عاوزنى مشتغلش وافضل فى البيت مستنياه وطبعا مكنتش هشتغل وكنت هبقى مجرد ست بيت ؟
رحاب : بس كنتى هتبقى ام
نجوى : مش شارط على فكره ممكن كنت اتجوز ومأخلفش ها كنت اختار اتجوز واكون تحت رحمة واحد واخرج بتصريح ولو عوزت اى حاجه لازم اخد ازن ولا ارفض واشوف شغلى ؟
رحاب : لا لو حد كدا اكيد اختارى شغلك بس اكيد مش كلهم سى السيد ؟
نجوى : الحقيقه لا بس زى ما قولتلك مكانوش يناسبونى
رحاب : طب والولاد ؟
نجوى : الولاد رزق من ربنا ممكن اتجوز ومخالفش
وممكن اتجوز واخلف اطفال عندهم اعقات
وممكن اخلف ولاد افضل اعانى منهم طول عمرى من زى اللى بيحصل دلوقتى وانتى شايفه الشباب والبنات بيعملو ايه فى امهاتهم وابهاتهم
رحاب : يعنى مش ندمانه على العمر اللى راح وانتى معمالتيش بيت ؟
نجوى : خالص مش ندمانه بالعكس انا فخوره بنفسى
رحاب : تقولى ايه لكل بنت متجوزتش او اتجوزة والطلقت
نجوى : وبقول لكل بنت متجوزتش او اتجوزة واطلقت زايى عيشى حياتك بالشكل اللى شيافه صح طورى شغلك اهتمى باخواتك وامك وابوكى فكرى انك مش محتاجه حاجه الجواز مش ميزه على فكره خالص ملكيش داعوه بكلام الناس لانك مهمه عملتى مش هتقدرى ترضيهم
وقبل ما ترضى الناس وترضى نفسك ارضى ربنا
عندك وقت فاضى بسيطه اشتاغلى خلاصتى شغل اقرءإ قرءان صلى احفظى قرءان
عملتى كل ده وحاسه بالوحده روحى لاخواتك ولاد اخواتك ممكن يكونو ولادك مش قادره بقى ونفسك تبقى ام روحى اكفلى طفل من اى دار ايتام بس اوعى تتجوزى عشان بس تعملى بيت وولاد
لان فى الاخر لو الجوازه بس عشان بيت وولاد بتنتهى بالطلاق والولاد اللى كان نفسك فيهم اصبحو ضحايا وحمل عليكى
الجواز سهل وفيه حاجات حلوه كتير وزى ما فيه حاجات حلوه فى حاجات وحشه
الوحده والحياه من غير راجل واطفال صعبه
بس الحياه مع زوج انانى وخاين وكداب
وحماتك تنكد عليكى وتهين كرامتك
واطفال يطلعو عينك ويطلعو معقادين اصعب الف مره من الوحده
ممكن وانتى لوحدك تهربى من الوحده بالنوم بالخروج بالشغل
لاكن مع المشاكل زى ما قولت قبل كدا زوج انانى واطفال معقدين ونفسيات خربانه هتهربى منها ازاى
لما تعيشى قلبك فاضى من الحب والجواز
احسن ما تتجوزى وقلبك يتملى حزن ودموع
ومتنسوش المثل بيقول السنجله جنتاله ده رئيى عن نفسى
رحاب : الفتره اللى جايه هتعملى ايه ؟
نجوى : انا ان شاء الله الاسبوع الجاى مسفره انا وولدتى واخويا جروب كدا واختى وجوزها هنروح نحج السنادى ودى اخر خطوه قرارتها
رحاب : حج مقبول انشاء الله
وفى نهاية حلقتنا بعد ما سيدة الاعمال نجوى مصطفى وجوبتنا على كل الاسئله
انتظرونا الاسبوع اللى جاى والجزء الاول من برنامج قصة صعود نجوى مصطفى من اهم سيدة لاعمال الفتره الاخيره وهنروح ونصور لكم كل حاجه ونجوى هتشرحلنا مشروعها ازاى بدئة ولحد ما وصلت لقمة الهرم
صابرين : شفت كانت بتقبلك عشان تعطف عليك وتشغلك عندها
ام منير : هى مالها نظفة كدا ليه الله يرحم كانت معفنه
منير : ما تبطلو كلام بقى
احنا بنتفرج عشان نفضل نشتم فيها
صابرين : اومال انته بتتفرج ليه بتعيد الذكريات ؟
منير : انا سايبكم ونازل هما العيال فين ؟
ام منير : بيلعبو فى الشارع
( ومر يوم ورا يوم سافره كلهم لاداء مناسك الحج نجوى وام فارس وفارس وتقى وحمزه وام حمزه وابو حمزه وتقى وهما بداخل الحرم المكى بيطوفو وبيدعه )
ام فارس : يا رب نجوى تتجوز يا رب واشوف عيالها
فارس : اللهم وفقنى فى شغلى ووافق ولادى وارزقنى الحلال واغنانى عن الحرام يا الله
حمزه : اللهم استرنى انا وزوجتى وجميع المومنين فوق الارض وتحت الارض ويوم العرض
ابو حمزه : اللهم أدخلني مدخل صدق وأخرجني مخرج صدق و اجعل لي من لدنك سلطانا نصيرا
ام حمزه : ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا
تقى : اللهم ارحم ابى واغفر له وادخله جناتك واسكنه مع الصالحين
نجوى : اللهمّ إنّي أسألك بأنّي أشهد أنّك أنت الّذي لا إله إلا أنت الأحد الصّمد الذي لم يلد ولم يولد ولم يكن له كفواً احد. اقض حاجتي اللَّهُمَّ رَحْمَتَكَ أَرْجُو، فَلاَ تَكِلْنِي إِلَى نَفْسِى طَرْفَةَ عَيْنٍ، وَأَصْلِحْ لِي شَأْنِي كُلَّهُ، لاَ إِلَهَ إِلاَّ أَنْتَ
>>وجميع الحجاج يرددون <<
لبيك لا شريك لك لبيك. إن الحمد والنعمة لك والملك لا شريك لك
النــــــهـــــــايـــــــه