رواية قلبي ليس بيدي الفصل التاسع9والعاشر10بقلم حسناء رمضان

 الفصل التاسع

بقلم حسناء رمضان

واحب تاني ليه!..واعمل ف حُبك ايه!♥♥🥀

جاكي: "بصدمه"......... 

بابا: مالك يابنتي متنحه كدا ليه! 

جاكي: ها لا هو في حاجه!.. حضرتك جاي لي دلوقتي! 

بابا: قلقت فقولت اطلع اتطمن عليكي... 

جاكي: "بتوتر".. لا انا كويسه

بابا: لسه صاحيه لي لحد دلوقتي! 

جاكي: لا مانا مش جايلي نوم.. 

بابا: بكره الصبح هَدي الفلوس لجاك... واياك تتكرر تاني ياهانم.. 

جاكي: يابابا والله هو اللي اصر.. وانا معرفتش اعمل اي! 

بابا: لا ميدفعلكيش... يدفعلك لي هو!.. اول واخر مره دا يحصل.. 

جاكي: حاضر.. 

"فجأه الموبيل رن".. 

بابا: فين الموبيل اللي بيرن داا؟.. 

جاكي: دا د دا اكيد موبيلي.. 

بابا: موبيلك جنبك اهو مبيرنش... 

" فجأه لقيته بيميل ف الارض "

"احييييه... روحت ف داااهيههه.... كنت ببلع ريقي بالعافيه" 

بابا: موبيل مين دا؟ 

جاكي: دا دا اكيد موبيل جاك.. 

بابا: وبيعمل اي هنا؟ 

جاكي:لا ماهو اكيد وقع منه لما كان بيقتل الفار.. 

بابا: طب خليه هنا وابقي اديهوله الصبح.. 

جاكي: حاضر

بابا: يلا تصبحي ع خير.. 

جاكي: وحضرتك من اهل الخير.. 

"خرج وقفل الباب وانا يدوب اخدت نفَسي" 

جاكي: "بصوت خافت".. محمد!.. انت يلاااا... مووت ولا اي! 

"طلّع راسه من تحت السرير واتكلم" 

محمد: خرج! 

جاكي: ايوا خرج يلا بسرعه بمنظرك دا... 

محمد: يا الهي... كان هذا وشيكا... 

جاكي: مش تقفل موبايلك انت كمان!.. كنت هتودينا ف داهيه.. 

محمد: معرفش بقاا انا كنت ف اي ولا ف اي!.. وبعدين مانا عرفت اتصرف وحطيته جنب رجله... انا اصلا مش عارف لي كل دا؟؟.. ماتقوليله تعبتي شويه وخلاص.. 

جاكي: لا عشان خاطري.. لو سمحت بلاش.. 

محمد: ماشي ماشي خلاص.. انا بقولك بس.. 

جاكي: طب يلا اتكل ع الله بقاا قبل ماحد ييجي تاني.. 

محمد: طب والمحلول التاني! 

جاكي: يعم دا وقته!..افرض جه تاني! 

محمد: طب استني ابص عليه... 

"طلع بص ورجع" 

محمد: نزل ودخل اوضته.. تعالي احطلك دا بسرعه.. 

"قعد جنبي عشان يركبه ومسك ايدي وبصيت لقيت ايديه بتتعرش" 

جاكي: مالك! 

محمد: مالي! 

جاكي: ايديك بتترعش كدا ليه! 

محمد: لا مفيش.. 

خلصت اهو وهو شغال تمام..

جاكي: طب وهشيله امتى! 

محمد: هيتشال الصبح قبل ماتنزلي تفطري عشان لو منزلتيش هيلاحظوا.. 

جاكي: طب خلاص يلا بقاا قبل ماحد ييجي.. 

محمد: ماشي باي... 

"وصل عند الباب" 

محمد: اه صحيح!.. الف سلامه

جاكي: "بابتسامة".. الله يسلمك.. 

"خد المحاليل وطلع بالراحه واول ماوصل بره الاوضه.. بص يمين وشمال وطلع يجري" 

جاكي:"بضحك" ربنا يعينك ع دماغك دي يابني والله.. 

ييي نسي ياخد الموبايل.. 

خلاص ابقى اديهوله الصبح بقاا... 

"لسه بشيله لفت انتباهي صورة الشاشه.. كانت صورته مع واحده ست وعيل صغير" 

جاكي: ااه اكيد دول مامته واخوه.. ماشاء الله.. حلوين مع بعض... ربنا يرحمهم.. 

"شيلت الفون تحت المخده ونمت.... 

.................. 

صحيت ع خبط الباب.. 

ببص ع ايدي لقيت المحلول متشال.. "اي دا هو مين اللي شال دا!"... قومت فتحت الباب وانا مغمضه من النعس... 

جاكي: اممم

ـ :.......... 

بفتح عيني لقيته محمد.. 

جاكي: في حاجه! 

محمد: هاا

جاكي: انا نعسانه ومش فاضيالك خالص.. امشي امشي.. 

محمد: استني بس.. الجماعه مستنيينك تحت ع الفطار.. 

جاكي: "بنعس".. ماشي جايه.. 

محمد: وبالنسبه للابره الي ف ايدك دي!.. هتنزلي بيها! 

جاكي: اه صحيح.. بس هو مين اللي شال المحلول من ايدي.. 

محمد: احم.. اناا

جاكي: ازاي! 

محمد: هو انا جيت الصبح عشان اشيله وفضلت اخبط بس انتي محستيش.. وكان لازم اشيله عشان لو حصل حاجه فجأه.. فدخلت لقيتك نايمه ومحبتش اصحيكي.. 

" احيييه... انت دخلت عليا وانا نايمه!! "

جاكي:......... 

محمد: متقلقيش دخلت بأدب..قصدي يعني مبصتش عليكي.. انا دخلت شيلته من ايدك لما لقيته خلص.. وغضيت بصري زي ماعلمتيني... 

جاكي: "بابتسامه".. واثقه فيك... بس مشلتش الابره بالمره لي! 

محمد: خوفت تقومي مخضوضه... فقولت اسيبها واجيلك الصبح.. 

جاكي: طب شيلها اهي.. 

محمد: اي.. 

جاكي: شيلهاا

محمد: هي اي! 

جاكي: الابره.. الابره يامحمد وركز شويه.. 

محمد: ااه.. تمام... 

خلصت... 

هند: انتوا بتعملوا اي كل دا؟.. اخلصوا بيسألوا عليكوا تحت

جاكي: جايين ياست هو.. 

دخلت غسلت وشي وعدلت لبسي ونزلت.. 

جاكي: صباح الخير

فيروز: صباح النور.. تعالي

بابا: كنتي فين كل دا؟ 

جاكي: كنت نايمه 

بابا: سهرتك كانت صباحي ولا اي ياهانم.. هو احنا ف بيتنا للدلع دا؟!.. 

عمو احمد: اي اللي بتقوله دا يامصطفي!.. ماتسيبها براحتها.. اقعدي يابنتي افطري.. 

"قعدت ولقيت الكل مركز معايا" 

عمو احمد: الراجل كلمني يامصطفي.. 

بابا: "بقلق".. وقالك اي! 

عمو احمد: قال ممكن اتنازل عن كل حاجه.. بس في شرط واحد.. 

بابا: اي هو! 

عمو احمد: قالي تعالوا وانتوا تعرفوا.. ناكل ونتكل ع الله وبعدين نطلع ع الشغل.. 

بابا:" بتنهيد".. ماشي.. لما نشوف اخرتها.. 

عمو احمد: هتتحل.. متقلقش

فيروز: ماتريحوني وتقولولي في اي! 

جاك: في حاجه ياعمي! 

عمو احمد: لا لا مفيش.. دي مشكله ف الشغل وهتتحل ان شاء الله.. 

بابا: خدت موبايلك ياجاك! 

جاك: موبايل اي! 

"محمد بصلي بتوتر"

روحت خبطت جاك ف رجله.. وهو فهم الحمد لله.. 

جاك: ااه افتكرت.. ايوا خدته.. 

فيروز: اي رأيكوا ياولاد لو خرجنا النهارده! 

نور: اشطاا ماشي

جاك: نخرج فين! 

فيروز: نخرج نغير جو.. انا من ساعة ماجيت مخرجتش من البيت.. وكمان عشان البنات يتفسحوا شويه.. 

عمو احمد: مش دلوقتي يافيروز.. لما اجي نبقاا نشوف الحوار دا.. 

"كلنا وخلصنا وبابا وعمو خرجوا وخرجت اتمشى ف الجنينه شويه"

نور: ماشي لوحدك لي ياجميل! 

جاكي: لا عادي.. 

نور: عامله اي دلوقتي.. 

جاكي: الحمد لله بقيت كويسه.. 

نور: انتي متعرفيش قلقتينا عليكي ازاي! 

جاكي: مكنش مستاهل كل دا.. ولا كانت مستاهله تجيبوا دكتور كمان.. 

نور: لا مانتي ماشوفتيش نفسك كنتي مرميه ازاي.. 

جاكي: الحمد لله عدت.. بس صحيح.. هو جاك فين! 

نور: جاك قاعد هناك اهو.. بس ليه! 

جاكي: كنت عايزاه هقوله حاجه.. 

نور: طب اشطا.. روحيله بقاا وانا هروح اشوف البنات باي.. 

جاكي: باي.. 

بصيت عليه لقيته قاعد بيشرب قهوه وبيشتغل ع اللاب.. 

جاكي: احم.. 

جاك: نعم.. 

جاكي: كنت عايزه اشكرك.. 

"كان بيكلمني وهو باصص ف اللاب"

جاك: على اي! 

جاكي: ع اللي عملته معايا امبارح.. 

جاك: العفو.. 

جاكي: وكمان اسفه.. 

جاك: ع اي! 

جاكي: عشان اضطريت تكدب عشاني.. 

جاك: طب كويس والله انك خدتي بالك اننا اضطرينا نكدب.. 

جاكي: يعني اي! 

"قفل اللاب وبصلي" 

جاك: يعني حضرتك بتتدلعي وكنتي هتعملي مشكله من حاجه تافهه اصلا... فيها اي لما تقولي انك تعبتي شويه واغمى عليكي... فين المشكله ف كدا!.. ولا هو لعب عيال وخلاص.. 

جاكي: هو انت مين اداك الحق انك تتكلم معايا كدا! 

جاك: بس انا مقولتش حاجه غلط.. دي حقيقه.. وبعدين اتكلم زي مانا عايز.. 

جاكي: اي اللي حقيقه!.. قصدك يعني اني عملت نفسي اني اغمى عليا!..انا مش مضطره اعمل كدا... هيفيدني ف اي اصلا...

جاك: اولا توطي صوتك وانتي بتتكلمي معايا.. ثانيا انا مقولتش كدا.. بس الواضح ان انتي غبيه شويه.. 

جاكي: هي مين دي اللي غبيه! 

جاك: انتي

جاكي: لو انا غبيه فانت مش محترم.. وانا مسمحلكش تتكلم معايا كدا انت فاهم.. 

جاك: لا مش فاهم.. وريني هتعملي اي! 

"ببص جنبي لقيت جردل فيه مايه.. روحت جيبته".. 

جاكي: هعمل كدا.. 

"دلقت عليه جردل المايه وهو وقف متنح من الصدمه" 

جاك:.......... 

جاكي: عرفت هعمل اي!.. ودا اخر تحذير ليك.. انت فاهم.. 

"ببص ورايا لقيت فيروز والبنات واقفين مصدومين" 

جاك: "بعصبيه".. انتي عارفه انتي عملتي اي! 

جاكي: اه عارفه.. 

كان باين انه متعصب جدا وانا خوفت.. ايون خوفت عشان هو شخصيته قويه و انا خواافه اصلا.. بصيت لقيته ماشي عليا وراح شالني" 

جاكي: انت بتعمل اي ياحيوان!.. نزلني بقولك.. 

جاك: هوريكي هعمل اي.. 

جاكي: اعااااااا... "رماني ف البسين" 

جاك: عشان تبقي تتجرأي وتعملي كدا تاني.. 

جاكي: انت متخلف!.. ازاي تعمل كدا! 

جاك: زي ماعملتي.. 

جاكي: طب اديني ايدك عشان اطلع.. 

جاك: ماتطلعي لوحدك.. انتي اتكسرتي!.. 

"كنت بعوم ناحيته"

جاكي: اخلص وطلعني.. 

جاك: ماشي... 

مد ايده عشان يطلعني.. روحت شديته... ايوا مانا مش سهله بردوو... 

"البنات واقفين يضحكوا"

وهو بصلي بعصبيه وقرب ناحيتي.. 

"هتعمل اي!.. طب خلاص والله... احييه" 

جاكي: بقولك اي.. ابعد عني

راح ماسك راسي وغطسني ف المايه المهزء.. 

جاكي: اعاا.. يامتخلف هغرق.. 

جاك: عشان تعرفي تعملي كدا تاني.. 

فيروز: خلاص ياجاك بقى البت هتموت ف ايدك.. 

جاك: اسكتي.. انتي مشوفتيهاش عملت اي من شويه.. 

فيروز: "بضحك".. شوفتها.. 

روحت زقيته بعيد وقعدت ارش عليه مايه.. 

جاكي: انت عيل متخلف اصلا...هو انا قدك.. 

"رد عليا وهو بيرش عليا مايه"

جاك: ولما انتي مش قدي بتهزري معايا لي! 

جاكي: وانا ههزر معاك لي ياوجه المعزه انت.. 

جاك: نعم!.. قولتي اي! 

"طلعت من البسين وهو لسه تحت"

جاكي: ايوا انت وجه معزه.. معندكش مرايا ف اوضتك تشوف نفسك! 

جاك: طب انا هوريكي مين اللي وجه معزه دلوقتي... 

خرج من البسين وانا طلعت اجري وهو جري ورايا.. 

جاك: بقاا انا وجه معزه!.. انتي مفكراني محمد! 

جاكي: لا محمد وجه برص.. انت اللي شبه المعزه

جاك: طب تعالي هقولك حاجه.. 

جاكي: ولااا ابعد عني بدل ماافتح دماغك.. 

"قرب مني وانا واقفه مرعوبه"

جاك: هتعملي اي! 

جاكي: هاا.. لا ولا حاجه.. 

جاك: عارفه لولا انك بنت كنت عملت فيكي اي! 

جاكي: لا بقولك اي.. متفكرش ان انت كدا هتخوفني.. انت متعرفش انا ممكن اعمل اي.. 

جاك: "رفع حاجبه بغضب".. هتعملي اي!!

جاكي: لا حضرتك دا كلام انفعالي بس.. انت لي منفعل كدا... 

جاك: "ميل عليا".. بت انتي.. انا مش فاضي للعب العيال بتاعك دا.. ملكيش دعوه بيا وروحي شوفي عيل العبي معاه.. 

جاكي: طب والله مافي عيل غيرك.. 

"سيبته وطلعت اجري وهو جه ورايا"

جاك: من الواضح انك مش هتعدي يومك.. 

جاكي: اعااا فيروز الحقيني.. 

فيروز: خلاص ياجاك والنبي.. دي بتهزر معاك

جاك: دا هزار؟ 

جاكي: مانت اللي ابتديت يا مهزء.. 

جاك: شايفه طولة لسانها! 

فيروز: خلاص عشان خاطري.. عندي انا المرادي.. 

جاك: لا لازم افتح دماغها بحاجه دلوقتي.. اوعي بس انتي كدا.. 

جاكي: بس يالااا... دانت عيل... دانا لو متجوزه كان زماني معايا عيل قدك.. 

جاك: طب تعالي بقاا وانا اوريكي من العيل.. 

جاكي: اعاااا الحقونيييي... 

هند:"بضحك" خلاص ياجاك دي تعبانه حتى.. 

جاك: دي تعبانه؟.. دي عقربه قصدك.. 

جاكي: مين دي اللي عقربه ياراجل ياهُزء... اما انت عيل براس بقره صحيح.. 

جاك: والله لاقطلعلك لسانك الطويل دا... بس امسكك.. 

فيروز: ياعيال خلاص بقااا هتجننوني.. 

جاك: فيروز.. قوليلها ملهاش دعوه بيا بدل والله اخليكوا تترحموا عليها.. 

جاكي: ولااا اتكلم ع قدك ياااض.. 

جاك: بت انتي اتلمي بقاا.. 

جاكي: اتلم انت.. مانت اللي بتغلط.. 

فيروز: طب خلاص ياجاك.. هي مش هتكلمك تاني.. بس خلاص عديها المرادي... واطلع يلا غير هدومك.. 

جاك: ماشي.. بس دا اخر تحذير للبت دي.. 

جاكي: بت ف عينك.. 

هند: اسكتي بقاا هيموتك والله.. 

"سابني وطلع مع فيروز وانا ببص كدا لقيت محمد واقف وحاطط ايده ف جيبه وساكت"

جاكي: اي دا انت هنا من امتي.. وبعدين لما انت هنا، مش تدافع عني! 

محمد:"بزعل".. اي اللي كان بيحصل دا! 

جاكي: هو اللي انسان مهزء وغلط فيا وانا كنت جايه اشكره.. اسكتله يعني! 

محمد:"بزعل".. لا.. اقعدوا رشوا ع بعض مايه.. 

"وسابني ومشي.. ودا ماله دا كمان"

هند: يلا ياجاكي تعالي غيري هدومك عشان متبرديش.. 

جاكي: ماشي جايه.. 

"طلعت غيرت ونزلت"

جاكي: هو محمد فين! 

سما: محمد خرج.. 

جاكي: ماشي.. ممكن تعملي حسابي ف شاي معاكي! 

سما: عينيا.. 

جاكي: صحيح الواد ابو وجه معزه دا فين! 

ـ انا هنا..... 

Part 10:

ـ انا هنا... 

"احووو... اتشاهدوا عليا ياجدعان" 

جاكي: ماشاء الله.. عرفت نفسك ع طول.. 

جاك: انا مش عارف انا ساكتلك لي! 

جاكي: عشان انت متقدرش تعمل حاجه.. 

جاك: طب وسعي بقاا كدا عشان اخد الشاي.. 

جاكي: ع فكره دا الشاي بتاعي

جاك: بطلي وش.. 

"سابني ومشي المهزء"

جاكي: ينفع اللي بيعمله دا! 

سما: خلاص متزعليش.. هعملك واحده غيرها.. 

جاكي: اما واحد مهزء صحيح.. 

سما: بس انا مستغربه.. هو خلقه ضيق.. وضيق جدا كمان.. ومبيهزرش كدا ولا بيسيب حد يغلط فيه.. معرفش لي لين معاكي كدا! 

جاكي: هيعمل اي يعني! 

سما: لا هو عصبي جدا ومبيسمحش لحد يتخطى الحدود معاه... وع طول جد.. فاحنا كلنا استغربنا انه عدى اللي حصل بره دا عادي.. 

جاكي: عشان انا شخصيتي قويه وميقدرش يعمل معايا حاجه عشان انا حد جامد... 

 ـ لا عشان انتي تعبانه.. 

جاكي: هو انت بتطلع منين! 

جاك: بلاش اقولك عشان متزعليش.. 

جاكي: لا قول وانا اللي هزعلك.. 

جاك:"بغضب" مش معنى اني سيبتك تهزري معايا يبقاا نسوق فيها... انا عصبي وخلقي ضيق.. وانا عديت اللي حصل بره دا عشان انتي تعبانه.. لو كانت واحده فيهم مكنتش رحمتها... فمتفتكريش اني ايزي وتهزري معايا كدا تاني.. 

دا غير انك ملكيش كلام ولا هزار معايا.. في حاجه اسمها حدود.. انا مش محمد.. تمام

جاكي: ماله محمد!... محمد زي اخويا مش اكتر.. وان كنت انا بتكلم معاه او بهزر فدا عشان هو حد محترم وعنده ذوق.. اما حضرتك معرفش اي التناكه اللي انت فيها دي... انت اللي ملكش كلام معايا.. وعصبيتك دي ع نفسك مش عليا.. انا ضيفه هنا وماشيه.. ولو عايزني امشي من دلوقتي معنديش اي مشكله... بس مسمحلكش تكلمني بالطريقة دي.. انت فاهم! 

جاكي: "بغضب"... مش هكلمك عشان انتي ضيفه وواجب اني احترم الضيف.. 

جاكي: لا متحترمنيش.. قول اللي انت عايزه.. لما اشوف هتتجرأ وتقول اي عشان تلاقي القلم نازل ع وشك.. 

جاك: "بغضب" متقدريش.. عارفه لي!.. عشان انا ممكن ادفنك لو دا حصل... صحيح مديتي ايدك عليا ف الموول، بس انا سكت عشان انا اتهمتك ف شرفك وكنت غلطان.. غير كدا هتزعلي مني قووي.. 

جاكي: عارف.. انا اصلا مبتكلمش مع حد بسهوله ولا باخد ع حد... ومع ذلك خدت عليهم كلهم، حتى محمد.. مع اني اصلا مليش كلام مع شباب... بس عارف لي!.. 

عشان دول ناس محترمه وعندها ذوق واخلاق.. ومحمد كمان حد متواضع ونضيف.. مش شايف نفسه زيك.. انت تشوف نفسك ع الدنيا كلها الا انا.. انت فاهم!..

سما:" بصدمه".. في اي لكل دا.. بس ياجماعه محصلش حاجه... هتتخانقوا تاني! 

جاكي: لا حصل... حصل ان الاستاذ من ساعة ماجيت وهو اصلا مش طايقني وبيكلمني بقرف.. ع اساس اني شغاله عنده.. مش معنى اني قاعده عندكوا ان دا يديك الحق انك تقولي اي حاجه.. ومش معنى ان انا هزرت معاك مره يبقى تسوق فيها بقاا.. 

جاك: انا مقولتش اني مش طايقك ومش بكلمك بقرف.. 

انا طريقتي كدا... انتي اللي بتاخدي كل كلمه بحساسيه.. انا اصلا مش فاضيلك عشان اطيقك ولا مطقكيش ولا افكر فيكي اصلا.. 

جاكي: لا وعلى اي كل دا؟.. انا كدا كدا ماشيه دلوقتي..بس عايزه اقولك حاجه..."انت حد وقح ومتربتش"

"بصيت لقيت محمد واقف ع الباب.. سيبتهم وطلعت اوضتي الم حاجتي"

سما: اي اللي انت عملته دا ياجاك.. عيب دي ضيفه مش كدا.. 

جاك: انتي مشوفتيش طولة لسانها انتي كمان! 

المفروض اني اسيبها تقل ادبها عليا يعني! 

فيروز: بس بس صوتكوا عالي كدا ليه!... اي اللي حصل! 

سما: جاكي طلعت تلم هدومها وهتمشي.. 

فيروز: نعم؟!!.. لي اي اللي حصل.. 

سما: اتخانقت مع جاك... 

فيروز: اي اللي حصل يابني! 

جاك: انا معملتش حاجه.. انا يدوب قولتلها تخلي في حدود بينا ومتتكلمش ولا تهزر معايا.. هي اللي لسانها طويل

سما: جاك انت كلمتها بقلة ذوق فعلا.. 

فيروز: بس خلاص انا هطلعلها.. 

جاك: انا رايح الشغل.. سلام

"لقيت الباب بيخبط"

جاكي: ادخل.. 

فيروز: اي اللي بتعمليه دا ياجاكي! 

جاكي: لو سمحتي... انا كدا كدا ماشيه.. 

فيروز: الامور متتاخدش كدا يابنتي.. استهدي بالله بس كدا وقوليلي اي اللي حصل! 

جاكي: محصلش حاجه.. احنا فعلا طولنا هنا ولازم نمشي.. 

فيروز: طب ممكن تهدي عشان خاطري وتسيبي الحاجات دي من ايدك!.. عايزه اقولك حاجه... متزعليش منه ..هو كلامه قاسي كدا ودايما جد... غصب عنه يابنتي.. اللي شافه مش قليل.. ودا طبعا ميديلوش الحق انه يكلمك بطريقه وحشه.. انا بس بفهمك هو لي كدا.. 

جاكي: لا انا شكلي مضايقاه بقعادي هنا.. كدا كدا همشي متحاوليش لو سمحتي.. 

فيروز: طب ع الاقل استني لما ابوكي ييجي وهو يشوف.. 

جاكي: "بتنهيد".. ماشي.. هستناه.. 

............ 

عمو احمد: اي اللي انت بتقوله دا!... انت اتجننت

مجهول: هو دا شرطي.. والله موافقين اهلا وسهلا.. مش موافقين خلاص.. اروح اقدم الشيك دا للنيابه وهي تجيبلي حقي.. 

بابا: انت عارف انت بتقول اي!.. 

مجهول: اي المشكله مش فاهم!.. 

بابا: بس.. بس مينفعش.. 

مجهول: لا ينفع... ع العموم فكروا كويس وابقوا ردوا عليا.. 

................ 

 ف الڤيلا.. 

سما: انت هتفضل واقف عندك كدا كتير!.. ماتدخل

محمد: "بزعل".. اطلعيلها ياسما.. قوليلها متمشيش

سما: مش هتمشي ان شاء الله.. فيروز معاها واكيد هتصالحهم.. 

محمد: هما مش كانوا بيهزروا وحلوين.. لي كل دا؟ 

سما: ماهو بصراحه جاك زودها... محدش يستحمل الكلام دا.. مش كل شويه يكلمها بطريقه وحشه.. اكيد هتزعل يعني.. 

هند: هي مين دي اللي هتزعل! 

سما: كويس انك جيتي... اطلعي لجاكي والنبي.. 

هند: ليه! 

سما: عايزه تمشي عشان اتخانقت مع جاك.. 

هند: لي اي اللي حصل.. 

سما: روحي وهحكيلك بعدين.. بس اقنعيها.. 

هند: ماشي انا طالعه.. 

.............. 

مجهول: ايوا ياباشاا.. هما لسه طالعين من عندي دلوقتي.. 

ـ............ 

مجهول: اعتبره حصل ياباشاا.. بس متنسانيش ف الحلاوه.. 

ـ.......... 

مجهول: خلاص تمام.. وعمتا هما مفيش قدامهم حل تاني.. 

................ 

عمو احمد: هتعمل اي! 

بابا: مش عارف.. وخاصة اني عارف انهم مش كويسين 

عمو احمد: مفيش قدامنا حل غير انك تسيبني اتصرف ف الفلوس.. 

بابا: قولت لا ياحمد.. 

عمو احمد: لا اي.. امال هتعمل اي.. هتعمل اللي قال عليه! 

بابا: عندك حل تاني! 

عمو احمد: انت اكيد اتجننت... دول مسجلين خطر..انت مجنون! 

بابا: مفيش حاجه ف ايدي اعملها...دا غير اني لو معملتش كدا، هتحبس..

عمو احمد: وانت كدا بتحل الموضوع يعني! 

بابا: مضطر.. 

عمو احمد: مستحيل توافق.. 

بابا: بالغصب... 

عمو احمد: انا مصدوم.. انت ازاي يجيلك قلب تعمل كدا؟ 

بابا: بقولك اي ياحمد! سيبك مني بقاا عشان انا مش عارف افكر اصلا... 

عمو احمد: طب يلا وصلنا... 

.......... 

ف الفيلا

هند: اهو عمي جه تحت.. 

فيروز: انا هنزله... 

"فيروز نزلت وفجأه سمعت صوت بابا بينادي عليا" 

بابا: جاكي... جاااااكي

جاكي: نعم يابابا.. 

بابا: عايزك.. 

جاكي: في اي! 

بابا: تعالي اقعدي

"قعدت وانا حاسه ان قلبي مقبوض" 

بابا: انتي طبعا عارفه انا بحبك ازاي.. دانتي بنتي الوحيده.. 

جاكي: في اي يابابا! 

عمو احمد:"بعصبيه".. غلط يامصطفي... فكر كويس قبل ماتاخد رأيها.. 

جاكي: تاخدوا رأيي ف اي! 

بابا: هتتجوزي.....

               الفصل الحادى عشر من هنا

لقراءة باقي الفصول من هنا