رواية قلبي ليس بيدي بقلم حسناء رمضان
الفصل الثالث عشر والرابع عشر
بقلم حسناء رمضان
Part 13:
ـ انت بتعمل اي هنا!
محمد: زي مانت شايف..
جاك: طب اتفضل عشان الدكتور هيكشف عليها..
فيروز: اتفضل يادكتور..
"الدكتور دخل وقعد يكشف عليا"
الدكتور: هي كدا من امتى!
فيروز: من امبارح.. بس هي كانت تعبانه من قبل كدا..
الدكتور: من الواضح كدا ان المريضه عندها انهيار عصبي..
جاك: نعم!
الدكتور: لازم ولا بد اللي هقول عليه يتم عشان حالتها متدهورش اكتر..
فيروز: يعني اي يادكتور!..
الدكتور: لازم تبعد عن الترتر والضغط والزعل... حاولوا تطلعوها من الحاله دي باي طريقه.. وكمان لازم تاكل اكل صحي وكويس.. ودا علاج لازم تمشي عليه عشان السخونه والدوخه دي..
محمد: "بقلق"... طب هي بتترعش كدا لي يادكتور..
الدكتور: من الواضح انها اتعرضت لصدمه او حاجه مشابهه لكدا.. بس متقلقوش، لو انتظمتوا باللي قولت عليه، هتبقى كويسه..
جاك: تمام يادكتور.. اتفضل..
"جاك خرج مع الدكتور وانا كنت حاطه دماغي ع المخده ودموعي نازله لوحدها ومش واعيه لحاجه"
فيروز: حسبي الله ونعم الوكيل.. حد يعمل في ضناه كدا!
محمد: دا حد حقير... انا مستحيل اسمحله ياخدها يافيروز..
فيروز: دي بنته يابني.. هنمنعه ياخد بنته!
محمد: ايوا نمنعه.. طلاما هيضرها كدا يبقاا نمنعه..
فيروز: ابوك هييجي دلوقتي وهنعرف عمل اي معاه..
محمد: طب روحي هاتيلها الاكل..
فيروز: طب خليك جنبها احسن تصحى..
محمد: ماشي..
"حسيت بحد قعد جنبي ع الارض"
جاكي: "بسرعه".. ماما!
محمد: اهدي اهدي دا انا..
جاكي: هي لسه مجتش!
محمد: جاكي كفايه بقاا.. قولتلك هتيجي...
"بدات اعيط جامد"
محمد: طب خلاص اهدي.. انا اسف مش قصدي.. اهدي عشان خاطري..
فيروز: قومي يابنتي عشان تاكلي..
جاكي:.......
محمد: جاكي.. قومي عشان تاكلي
جاكي: مش عايزه
فيروز: مينفعش يابنتي.. قومي انتي تعبانه ولازم تاكلي..
جاكي: قولت مش عايزه.. وسيبوني لوحدي..
محمد: طب عشان خاطري.. كلي شويه صغيرين بس..
جاكي: مش عايزه حاجه.. سيبوني لوحدي..
ـ في اي!
فيروز: كويس انك جيت.. تعالى شوفها مش عايزة تاكل..
جاك: طب اديني الاكل دا وانزلوا انتوا..
محمد: "بضيق".. مش هترضى تاكل معاك..
جاك: لي هو انا هعضها..
محمد: لا بس انتوا متخانقين اصلا..
جاك: متشغلش بالك انت.. انا هعرف اتصرف..
جاكي: اطلعوا بره.. سيبوني لوحدي..
فيروز: تعالى يامحمد.. سيبوا يمكن يعرف يقنعها..
محمد: ماشي..
"خرجوا وقفلوا الباب وجاك قعد جنبي"..
.........
منه: يعني اي!
اسلام: زي مابقولك كدا..
منه: يعني هو قالك كدا!
اسلام: مبيحبكيش... افهمي دا
منه: لا بيحبني.. هو بس اكيد زعلان مني
اسلام: انتي عبيطه!.. بقولك قالي انك زي اخته.. افهمي بقاا
منه: حتى لو قال كدا.. مسيره هيحبني.. وانا هفضل وراه لحد مايحبني..
اسلام: انتي مجنونه..
منه: هو لسه شاف جنان.. وعهد الله لو ماكان ليا ماهيكون لحد..
اسلام: سيبيه ف حاله بقاا.. هو تقريبا بيحب دلوقتي..
منه: نعم!... بيحب مين..
اسلام: معرفش..
منه: حلو اوي كدا..
.................
مجهول: نعم انت كمان!
عمو احمد: اسمع ياجدع انت.. فلوسك اهي.. اديني الوصل وانسى موضوع الجواز دا نهائي
مجهول: "بضحك".. وانت مين بقاا عشان تقولي كدا!.. اذا كان ابوها نفسه وافق..
عمو احمد: انا مليش دعوه بابوها.. وبعدين انت مش كنت عايز فلوسك!.. اهي خدها..
=: مين قالك اننا عايز فلوس
عمو احمد: وانت مين انت كمان!
ـ ابنه.. انا ابنه
عمو احمد: اه انت اللي عايز تتجوزها
محمود: ايوا انا..
عمو احمد: طب ياسيدي اتفضل الفلوس اهي واديني وصل الامانه وشكرا ع كدا..
محمود: وجاكي!
عمو احمد: مش موافقه..
محمود: هتوافق.. حتى لو بالغصب..
عمو احمد: ومين هيغصبها بقااا..
محمود: اناا.. انا هغصبها..
عمو احمد: يعني انتوا مش عايزين فلوس.. انتوا عايزينها هي..
محمود: الله ينور عليك.. انا عايزها هي.. اصلا كل الحوار دا، عشان خاطرها هي..
عمو احمد: هو مش بالعافيه ياجدع انت.. هي مش بتحبك..
محمود: بس انا بحبها.. ومينفعش احب حاجه ومتبقاش ليا..
عمو احمد: وروني هتعملوا اي!
محمود: احسنلك تبعد عني عشان متندمش..
عمو احمد: طيب هنشوف
"سابهم ومشي"..
محمود: شايف جرأته..
مجهول: متقلقش.. هتبقى ليك ف الاخر.. والا هيندموا ندم السنين..
..............
جاك: اهم خرجوا ياست.. قومي بقاا...
جاكي: اطلع بره انت كمان..
جاك: اطلع بره!.. انتي بتطرديني!
جاكي: ايوا..
جاك: طب هطلع لو قومتي..
جاكي: مش هقوم..
جاك: طب قومي اقعدي ومتاكليش..
جاكي:.....
جاك: طب معلش.. قومي وانا هخرج ع طول..
"قومت قعدت ودموعي مازالت بتنزل"
جاك: مش كفايه دموع بقاا!
جاكي:.....
جاك: ع فكره باباكي خرج وعمي خرج وراه واكيد هيعرف يهديه ويقنعه.. وبالنسبه لموضوع مامتك انا بدات ادور عليها..
جاكي: بجد!
جاك: بجد.. بس لو ماكلتيش مش هعمل حاجه..
جاكي: لا لا خلاص..
جاك: امسكي الاكل اهو..
جاكي:......
جاك: تحبي أاكلك انا!
جاكي: ها.. لا شكرا..
مسكت المعلقه ولسه هاكل لقيت ايدي بتترعش جامد ومش عارفه اتحكم فيها..
جاك: طب خلاص سيبيها وانا هأكلك..
جاكي: لا لا انا هاكل..
جاك: اسمعي الكلام انتي مش عارفه تمسكي المعلقه..
"مسك المعلقه وبدأ ياكلني"
جاك: لازم تاكلي كويس عشان العلاج..
جاكي: علاج اي!
جاك: الدكتور كشف عليكي وكتبلك علاج..
جاكي: دكتور مين!
جاك: ااه.. دانتي ضايعه خالص..
طيب هو الدكتور جه وكشف عليكي وكتبلك علاج لازم تاخديه فعشان كدا لازم تاكلي كويس.. وفي ممرضه هتيجي دلوقتي عشان تديكي الحقن..
جاكي: "بصدمه"... نعم ياخوياا
جاك: اي دا في اي!
جاكي: حقن اي!
جاك: حقن.. هتاخديها مع العلاج..
جاكي: لا طبعا مش هاخد حقن..
جاك: هو اي اللي مش هاخد حقن!.. لي!
جاكي: لا مبحبش الحقن اناا..
"قعد يضحك"
جاكي: بتضحك ع اي انت كمان..
جاك: مكنتش اعرف انك بتخافي من الحقن... امال عملالي سبع رجاله ف بعض لي!
جاكي: ملكش دعوه.. انا مش هاخد حقن اناا..
جاك: "بضحك".. تحبي اديهالك انا!..
جاكي: ولاااا متهزرش..
جاك: طب خلاص بهزر ياست.. اي دا مابراحه شويه..وبعدين انا مالي الدكتور هو اللي كتبها..
جاكي: لا والله ماهاخد..
جاك: طب خلاص متاخديش بس تاكلي كويس..
جاكي: طب كفايه كدا بقاا واتكل ع الله عشان عايزه انام..
جاك: اي يابت الوطيان دا!.. انتي بتطرديني تاني!
جاكي: ايون..
جاك: ع فكره دي اوضتي.. يعني اقعد فيها براحتي..
جاكي: كانت اوضتك ياخفيف.. دلوقتي ملكش فيها حاجه..
جاك: والله!.. بقاا كدا!
جاكي: ايون..
جاك: طب تصدقي اني غلطان اني خوفت عليكي.. انتي تعبانه انتي!
جاكي: بقولك اي يعم انت اطلع بره انا مش فايقه للخناق معاك..
جاك: طب مش طالع وادي قعده..
"راح قعد وربع رجله ع السرير"
جاكي: انت بتعمل اي!.. قوم يلا عايزه انام..
جاك: ماتنامي هو انا ماسكك..
جاكي: انام ازاي وانت واخد نص السرير كدا..
جاك: سريري وانا حر..
جاكي: سريرك ف عينك... دلوقتي بقاا سريري اناا..
جاك: والله ابدا.. دا سريري وهيفضل سريري..
جاكي: يابني اطلع بقاا انا مش حملك اناا..
جاك: يابني!.. دانتي خدتي عليا قوووي اهوو..
"راح زقني بايده"
جاكي: ولااا اطلع بره بقاا عشان انت زودتها..
جاك: مش طالع.. وريني هتعملي اي!
"قام وقعد يتمشى ف الاوضه"
جاكي: يعم اطلع بقاا.. انت اي اللي طلعك اصلا!
جاك: قولتلك اوضتي.. هو اي دا..!
جاكي: اعااا.. انت بتفتح التلاجه لي!
جاك: تلاجتي ع فكره..
جاكي: هو كل حاجه بتاعتك!
جاك: اي حاجه هنا بتاعتي..
جاكي: طب هات اللي ف ايدك دااااا
جاك: الله فراوله.. مين جابها دي!
جاكي: ولا متفتحهاش دي بتاعتي..
"فتحها وقعد ياكل"
جاك: الله حلوه..
جاكي: يابني هات بقااا دي بتاعتي والله..
جاك: لااا.. مين جابهالك..
جاكي: محمد
جاك: ااه.. طيب كويس..
جاكي: اي اللي كويس يعم انت... هات الفراوله بتاعتي..
جاك: تعالي خديها..
جاكي: انت مستغل ان انا تعبانه يعني!.. لا ميغركش
"روحت قومت وطلعت اجري عليه وهو قعد يلف ف الاوضه"
جاك: بس تصدقي محمد بيعرف يجيب حاجات حلوه..
جاكي: اعااا هتخلصها ياطفس..
جاك: انا طفس!.. طب اهووو
جاكي: لااااا... والله اعيط هنااا..
جاك: "بضحك".. عيطي انا مجتش جنبك..
جاكي: طب هاتها بالله عليك..
جاك: قولتلك تعالي خديها..
جاكي: طب اثبت مكانك..
جاك: مانا واقف اهووو..
"جريت عليه وفضل يلف بردو المهزء"
جاكي: ااه انت فاضي وعايز تهزر بقاا... اعاااااا
جاك: اي في اي!
"طلعت اجري وقفت ع السرير"
جاكي: فاااار... اعااااا..
جاك: اي ياختي!...
جاكي: اي مبتسمعش.. فاار
جاك: لا انا اوضتي نضيفه مفهاش الحاجات دي..
"بَص لقاه جاي نحيته"..
جاك: اعااااا
"طلع يجري وقف جنبي ع السرير"
جاكي: هي دي اللي نضيفه!
جاك: انا هطلع ازاي دلوقتي!
جاكي: نعم ياخويا!.. انت عايز تطلع وتسيبني!
جاك: وانا مالي اناا..دي اوضتك انتي..
جاكي: دلوقتي بقت اوضتي!.. اما انت ندل بصحيح
جاك: ايوا انتي اول مره تعرفي كدا.. اعااااا
جاكي: اعاا في اي!
جاك: انا كان اي اللي جابني اناا... مانا كنت تحت..
جاكي: احسن وبعدين هات الفراوله بتاعتي بقااا..
جاك: بت سيبي يابت بدل والله مااحطلك الفار ف قفاكي..
جاكي: يعم اتنيل.. انت مش شايف نفسك واقف فين!
جاك: لا خلي ف علمك انا مبخفش.. انا اتخضيت بس..
جاكي: نينيني.. العب غيرها.. كلكوا عضلات ع الفاضي
جاك: طب اتلمي بدل ماازوقك دلوقتي واخليه ياكلك..
جاكي: اعااا دا جاي هناا..
جاك: طب نادي ع حد يطلع ياخدنا...
جاكي: "بصتله بصدمه"........
جاك: اي!
جاكي: هو انت بجد خايف!
جاكي: لا طالع العب جنبك ع السرير..
جاكي: احترم نفسك..
"ضربته ف كتفه"
جاكي: وبعدين انت مش مكسوف من نفسك!.. طب اتكسف مني انا حتى
جاك: اتكسف لي اناااا.. مانتي خايفه انتي كمان..
جاكي: انت بتقارن نفسك بيااا!.. انت عبيط!
جاك: بت انتي اتلمي.. وبعدين شوفي هنعمل اي دلوقتي..
جاكي: هنعمل اي يعني!.. هتنزل زي الشطور كدا تفتحلي الباب عشان اطلع..
جاك: نعم ياختي!... دا بُعدك.. كنت فتحته لنفسي..
جاكي: ياجبااان.. طب نادي ع حد..
جاك: فيزووووو... فيزوووووو..
جاكي: مش هيسمعوك..
جاك: طب وريني جمال صوتك..
جاكي: امحمممممممممد..
جاك: يخربيتك ودني باظت.. اي داااا!.. بالعه اييييي!
جاكي: ماتكست بقاا عشان انت مفيش منك اي فايده.. اتوكس ع عضلاتك دي..
جاك: لا ميغركيش وقفتي جنبك دي.. دانا جامد جدا
جاكي: اسكت يلاااا...
جاك: احم حاضر..
جاكي: اهندددددددد... انتوااااا ياجمااااعه
"فجأه الباب اتفتح"
محمد: في اي!.. اي دا!
جاكي: اخيرا جيت.. كل دا مش سامع!
محمد: انتوا بتعملوا اي فوق..
جاك: هنكون بنعمل اي.. في فار عندك.. اقتله وتعالى طلعنا..
محمد: مفيش حاجه ياست ان اعاااااااا..
طلع يجري وقف جنبنا ع السرير..
جاكي: احم.. الله اكبر يارجاله.. ربنا يحميكوا لشبابكوا والله..
جاك: يعني طلعت جنبنا انت التاني!
جاكي: اه صح انا نسيت.. دا بيخاف من الصراصير وانا بغبائي بنادي عليه عشان يقتل فار..
جاك: انت بتخاف من الصراصير!
محمد: شوف نفسك واقف فين ياحلو قبل ماتتكلم..
جاك: لا انا واقف هنا عشان اطمنها بس..
جاكي: لا يارااااجل!
جاك: انكري بقاا..
جاكي: طب اسكتوا بقاا ونادوا معايا..
جاكي: افيزوووووووو.... ياسمااااا..
محمد: اي دا!.. اي الصوت دااا.. امال تعبانه ازاي!
جاك: قولها..
جاكي: بس يارجوله.. نادي وانت ساكت..
راح محمد ميل عليه"
محمد: هو احنا شكلنا وحش للدرجادي!
جاك: بطيييييخ
محمد: لا اذا كان بطيخ خلاص..
جاك: نووووووور
محمد: سمااااااا... فيزووووو
فيروز: اي في اي!
جاك: كويس انك جيتي.. تعالي طلعينا بقاا..
فيروز: انتوا بتعملوا اي عندكوا..
جاكي: في فار عندك..
فيروز: فار اي!
جاك: اه والله في فار عندك..
فيروز: انتوا بتهزروا!.. انتوا بتصوتوا عشان فار!
هند: في اي!
اي دا انتوا فوق بتعملوا اي!
سما ونور طلعوا..
سما: اي دا اي المنظر دا!
محمد: اي الصدمه اللي انتوا فيها دي!.. هنكون بنعمل اييييي!.. تعالوا طلعونا والنبي..
فيروز: اتفرجوا يابنات.. التلاته خايفين من فار..
هند: كل دا عشان فار!
سما: طب هي تصوت عشان هي بنت.. انتوا بتصوتوا لي!
جاك: هااا... بتكلمني انا ياكابتن ولا محمد!
محمد: لا يعم بتكلمك انت..
فيروز: طب انزلوا.. انزلوا فضحتونا.. مش مكسوفين انتوا الاتنين بطولكوا دا!
جاك: لا انا كنت بطمنها بس.. حتى اساليها..
جاكي: ايوووون حصل.. هو جامد ومبيخفش...
جاك: حبيبي والله..
جاكي: اي خدماااات..
فيروز: طب انزل ياشحط منك ليه.. راعوا حتى ان البت تعبانه..
جاك: لا مش تعبانه دي قطر اهي..
جاكي: تصدق انك ندل يلاااا
هند: طب بس بس انزلوا يلا..
محمد: طب موتيه الاول
نور: يابني اتكسف من جسمك دا حتى..
محمد: خلاااص انتوا هتعايرونا!.. يلا يعم ننزل..
جاك: انزل انت الاول
محمد: لا والله ابدا.. حضرتك ليك احترامك طبعا..
جاك: لا ياعم مفيش بينا الكلام دا.. انت مهما كان اخويا بردوو..
محمد: لا يعم انا ابن عمك.. متتلزقش فيا وخلاص..
جاك: طب انزل بقاا ياحيوان انت..
"نزلوا ولسه طالعين راح الفار جري ناحيتهم"
الاتنين: اعااااا..
"طلعوا يجروا وقفوا ع الكنبه والبنات ميتين ضحك ع منظرهم"
فيروز: "بضحك".. عوض عليا عوض الصابرين يارب..
محمد: اقسم بالله هعيط.. فيزو تعالي شيليني..
"راح الكل ضحك"
فيروز: ياعيال بطلوا هبل بقاا وانزلوا خلوا البت ترتاح..
جاك: مش نازل غير لما تقتلوه.. هو الواحد هيعيش كام مره ياختي!
سما: احيييه.. انتوا بتتكلموا جد!.. انتوا فعلا خايفين!
جاك: لا ياست انتي عارفه اني جامد.. دا بس تعاطفا مع العيال دي عشان ميحسوش بالضعف يعني..
محمد: لا ياراجل!..
هند: "بضحك" طب يلا بطلوا هبل بقااا وانزلوا..
نور: الصور دي لازم بابا يشوفها..
جاك: انتي صورتينا!!!!!...
نور: انت عايزني افوت لحظه زي دي من غير توثيق!
جاك: بت.. امسحي الصور دي بدل مااجيلك..
نور: تعالى
جاك: طب استني بس لما يقتلوا الفار وهجيلك افتحلك دماغك..
نور: مظنش بعد اللي حصل دا..
فيروز: خلاص اهو مشي يلا انزلوا..
محمد: متاكده!
فيروز: مشي والله.. انزل بقاا
"بصوا لبعض بتردد"
محمد: مش واثق..
جاك: ولا انا
محمد: بص تعالي نعد لحد تلاته وبعدين نجري لتحت..
جاك: اشطا..
محمد: يلا.. واحد.. اتنين.. تلاته..
"راح الاتنين طلعوا يجروا لبره وسابوني الاندال"
البنات فضلوا يضحكوا وانا بصراحه مقدرتش اقاوم الهبل اللي حصل دا وضحكت معاهم"...
هند: وانتي هتفضلي واقفه عندك كدا!
جاكي: لا ياما انا مش هقعد ف الاوضه دي تاني..
فيروز: انتي خايفه انتي كمان!
جاكي: هي جت عليا يعني!
فيروز: طب يلا انزلي..
جاكي: لا ياست خليني هنا احسن..
نور: طب تعالي اقعدي معانا تحت..
فيروز:ايوا تعالي وبالمره تغيري جو الاوضه دا..
جاكي: طب حد ييجي ينزلني..
سما: تعالي ياختي.. والله كلكوا مجانين..
"نزلت معاهم تحت ولقيت الشباب واقفين يضحكوا"
فيروز: انتوا لسه هنا!
محمد: امال هنروح فين!
هند: مش وراكوا شغل ولا اي حاجه!
جاك: لا مش ورانا حاجه ياختي..
"فجأه دوخت وحسيت اني هقع"
فيروز: حاسبي.. طب تعالي اقعدي هنا..
"جابتلي مايه وشربت"
فيروز: ينفع كدا اهي تعبت اهي.. هي مفهاش حيل اصلا للفرهده دي.. محدش فيكوا يطلع عندها تاني
محمد: الحق عليا اني طلعت انقذهم يعني..
هند: بس يابطه عشان شكلك وحش..
محمد: اتلمي يابت بدل مااكسر دماغك..
هند: يعم اتنيل..
فيروز: بس خلاص بقاا.. فين العلاج ياجاك..
جاك: فوق
فيروز: طب اطلع هاته..
جاك: لا مش طالع طبعا..
فيروز: يييي عليك.. خلاص اطلعي انتي يانور..
نور: ماشي..
فيروز: انتي كويسه دلوقتي ياحبيبتي!
جاكي: ايوا تمام..
جاك: ع فكره العلاج فيه حقن وهي مش راضيه..
محمد: اه ماهي بتخاف من الحقن..
جاك: اي!.. وانت عرفت منين..
محمد: قالتلي انها مش بتحبها.. وريح نفسك مش هتخلص معاها..
فيروز: مينفعش يابنتي.. لازم تاخديهم عشان تخفي..
جاكي: لا مش هاخد حقن..
جاك: طب انا ممكن اخلي الدكتور يحطهم ف المحلول مثلا..
محمد: ايوا كويس..
"عمي رجع"
.....
فيروز: هاا.. عملت اي!.. طمني!
عمو احمد: "بزعل" معملتش..
فيروز: يعني اي!
عمو احمد زي ماسمعتي كدا.. مش راضي يقتنع بحاجه..
محمد: مش هياخدها صح!
عمو احمد: "بتنهيد".. معرفش..
جاك: يعني اي متعرفش.. انا مش هخليه يدخل البيت دا تاني اصلا..
ـ السلام عليكم..
" كلنا بصينا بره"
جاكي: "بصدمه".. انت!!!!!!
Part 14:
وحشني ياجميل..
جاكي: وحشك برص ياحيوان وكمان جاي لحد هنا برجلك!
ـ والله انا عشانك الِف العالم كله..
جاك: مين دا!
جاكي: محمود
محمد: نعم!
جاك: عايز اي!
محمود: مش تسلمي عليا ياجوجو
جاك: "بحده".. ولاااا.. كلامك معايا انا
محمود: مين الاخ دا!
جاكي: ملكش دعوه.. وبعدين اتفضل امشي من هنا
محمود: عيب كدا.. دانا جاي لحد عندك
محمد: انت هتمشي بالذوق ولا امشيك انا!
محمود: انا همشي.. بس وهي معايا..
جاك: قلبك مقويك ماشاء الله
محمود: ماهي قلبي
جاك: ااه.. طب انت لو مقصرتش ف الكلام دلوقتي، مش هخليك تعرف تتكلم تاني
محمود: ياماا.. تصدق خوفت
جاك: مانت لازم تخاف.. انت عيل يابابا
محمود: بقولك اي يانجم.. ابعد عن طريقي احسنلك
جاك: ولو مبعدتش!
محمود: انا كلامي مش معاك.. انا جايلها هي وهي اللي تقرر اذا كانت هتيجي معايا ولا لا..
محمد: ومين قالك انها عايزاك
محمود: حتى لو مش عايزاني.. انا عايزها
جاك:"بغضب" انا لحد دلوقتي بكلمك بذوق.. بلاش تخليني اقلب عليك..
محمود: وانتوا مالكوا ياشباب.. هي مش من عيلتكوا يعني ولا هي اختكوا ولا حاجه.. مالكوا زعلانين لي!
محمد: مين قال انها مش من عيلتنا.. وبعدين متخيل انها ممكن تبص لبلطجي زيك!
محمود: بلطجي!... طب تمام.. ع الاقل البلطجي دا بيحبها.. بيحبها وممكن يبيع الدنيا كلها عشانها بس هي ترضى..
جاك: "بعصبيه" وهي مش راضيه... يبقاا نخلي عندنا دم ونمشي..
محمود: تؤ تؤ.. مانا مش عندي دم..
راح جاك مسكه من قميصه وضربه بالبوكس ف وشه..
جاك: يعني طلع عندك دم اهو!
محمود: كدا بقااا انت زودتها قووي.. انا هاخدها سواء برضاك او غصب عنك.. دي هتبقى مراتي.. فاهم!
جاك: لا دانت غبي بقاا ومبتفهمش
كان لسه هيمد ايده عليه
ـ استنى..
بصينا لقينا بابا دخل..
بابا: اي الهمجيه دي!.. مين سمحلك تعمل كدا!
جاك: هو الكلام دا ليا ولا ليه بس عشان مش فاهم!
بابا: ليك طبعا.. هو معملش حاجه غلط..
جاك: "بصدمه".. جاي ياخدها بالعافيه..
بابا: وانا موافق.. انت مالك!
جاك: دانت بجح بقاا
بابا: مبسوطه!.. مبسوطه وابوكي بيتهان قدامك كدا!
محمد: هي ملهاش دعوه.. انت اللي مش محترم وجبت لنفسك قلة القيمه..
محمود: مش عايزين رغي كتير.. احنا جايين ناخدها وهنمشي من غير مشاكل..
"جاك بصلي لقاني بعيط"
جاك: بس هي مش هتمشي..
بابا: ومين هيمنعني!
جاك: اناا.. انا همنعك.. واظن انت عارف انا ممكن اعمل اي كويس..
محمود: متقدرش تعمل حاجه... عارف لي!.. عشان انا ممكن ادفنك هنا..
جاك: اتفضل... اتفضل واقف لي!.. ادفني يلا..
بابا: جاك!.. ابعد عن طريقي احنا مش عايزين مشاكل..
عمو احمد: انت اي اللي جرى لعلقك انا عايز افهم.. اي الجحود دا؟
فيروز: البت مش هتمشي من هنا.. واعلى مافي خيلك اركبه..
بابا: جاكي امشي معايا من سكات..
محمد: لا حضرتك اللي هتتفضل تمشي بدل مااطلبلك البوليس..
"راح محمود مشي عليا ومسكني من ايدي وشدني جامد عشان امشي معاه"
محمود: امشي معايا..
جاكي: اوعى ايدي ياحيوان..
"جاك اتحرك ومسك ايده وفضل يضرب فيه لحد ماخرشم وشه"
وبابا استغل انشغال الكل معاهم وشدني معاه عشان اطلع..
بابا: امشي..
جاكي: "بعياط".. سيبني.. مش هاجي معاك.. ااه ايدي.. حرام عليك... سيبني بقاا.. جااااك
جاك سمع صوتي وبص وراه لقاه بياخدني بالعافيه..
جاك: "بحده".. هتشيل ايدك ولا اشيلها انا!
بابا: ابعد عني بقولك.. دي بنتي..
راح جاك شايل ايده بالعافيه وخباني وراه..
جاك: لا مش بنتك.. ولا عمرها هتكون بنتك..
واتفضل انت والحيوان دا بره..
بابا: طب ماشي.. همشي.. بس انتي شكلك نسيتي.. ولا انتي استغنيتي عن امك!
افتكرت اللي قاله قبل كدا ودموعي فضلت تنزل بغزاره..
بابا: معنديش مشكله امشي دلوقتي.. بس صدقيني لو مشيت، عمرك ماهتشوفيها تاني..
محمود: ايوا.. معاه حق.. انا كمان عارف مكانها.. ومستعد اوديكي هناك..
جاك بصلي وسكت..
جاكي:"بدموع" لي!.. لي يابابا!.. لي حابب تشوفني كدا!.. طب لي مبتحبنيش!.. مش انا ضناك!.. طب انا زعلتك ف اي!..
بابا: "بغضب".. ومين قال انك ضنايا!.. انتي واحده قذره.. انتي متعرفيش انا بكرهك قد اي انتي وامك.. انتوا خربتولي حياتي.. معرفش انا كنت عملت اي ف حياتي عشان ربنا يبليني ببنت زيك ولا بامك.. طب انتي عارفه! من شدة كرهي ليكي..كنت هدفنك وانتي صغيره.. خدتك وروحت مكان بعيد كدا ف الصحرا وكنت هدفنك.. بس مقدرتش للاسف.. كنتي صغيره وبتعيطي.. بس ياريتني كنت عملت كدا وارتحت..
الكلام كان نازل زي الرصاص عليا وانا واقفه مصدومه ودموعي بتنزل لوحدها..
بابا: فاكره اللي كان بيحصلك وانتي صغيره!.. كنت ببقى عارف.. وشايف وسامع.. بس مكنتش بعمل حاجه.. كنت بستمتع وانا بشوفك بتتعذبي قدامي كدا.. لو تعرفي انا كمان كنت باخد فلوس ع كدا..
محمود: خلاص ياعمي.. كفايا كدا!
بابا: دلوقتي قدامك اختيار من الاتنين.. ياتتجوزي ياتنسي امك دي خالص..
الكل كان واقف مصدوم ومحدش عارف يتكلم والبنات بيعيطوا..
جاكي: "بعياط".. هي فين!
محمود: مستعد اخدك عندها النهارده. بس نكتب الكتاب..
جاك: انتوا عالم قذره.. مفيش ف قلوبكوا رحمه.. ع جثتي لو جاكي طلعت من هنا..
محمود: انت مضايق نفسك كدا لي ياجدع انت!.. تكنش عملت معاها حاجه!
جاك: اخرس ياحيوان دي اشرف منك..
راح مشي عليه وكمل ضرب فيه
بابا: بس.. كفايه لحد كدا.. وانتي شوفي هتعملي اي عشان نمشي..
محمد: هتعمل اي ف اي!.. مستحيل توافق طبعا.. انت بتحلم..
فيروز: "بعياط".. سايق عليك النبي ياخويا.. قولها امها فين ومشي البلطجي دا من هنا..
بابا: قولتي اي!
جاك بصلي وهز دماغه بيقولي لا..
جاكي: "بقهر" هتوديني عند امي!
جاك: جاكي لا.. متعمليش كدا..
بابا: هوديكي طبعا..
محمد: جاكي دا بيضحك عليكي.. بيعمل كدا بس عشان توافقي وينقذ نفسه من السجن..
محمود: امك عايزاكي.. من زمان بتسال عليكي.. وكل يوم بتعيط ياحرام.. قربت تموت من القهر عليكي.. هتسيبيها كدا.!؟
جاك: انت تخرس خالص.. جاكي لا.. ارجوكي لا.. والله بيضحكوا عليكي.. لو امك عايشه انا هجيبهالك
بابا: هتتخلي عن امك عشان العيال دي!
فيروز: اوعي توافقي ياجاكي... اوعي
بابا: ع فكره.. هي تعبانه جدا واحتمال تموت ان شاء الله يعني..
عمو احمد: بطل قرف بقاا ياخي.. اي الوساخه دي!
هند: "بعياط".. جاكي خليكي معانا واحنا والله هنلاقيها.. هما مش هيودوكي عندها..
بابا: متصدقيش.. محدش يعرف مكانها غيرنا..
راحت فيروز مشت عليه وفضلت تضرب فيه..
فيروز: انت اييي.. جبروووت.. اي الوساخه اللي انت فيها دي.. حرام عليك يااخي دي بنتك من لحمك.. هتبيعها لكلب زي دا عشان تنقذ نفسك!..
بابا: ابعدي عني انتي كمان.. محدش ليه دعوه.. انا اب وحش.. متدخلوش بقاا.. وانتي اخلصي وشوفي هتيجي معانا ولا نمشي..
جاكي: موافقه..
جاك: لا.. قولتلك لاا.. انتي كدا بتضيعي نفسك..
جاكي: "بعياط".. انا ضايعه من زمان..
محمد: جاكي.. بالله عليكي.. والله العظيم هجيبلك امك.. بس بلاش تمشي.. والله هيضروكي..
جاكي: انا اسفه.. غصب عني.. دي امي.. ع الاقل بقاا عندي امل اعيش عشانه..
جاك: وانتي معاه هتبقي عايشه!
جاكي: امي هتبقى معايا ف المقابل.. مش شايف ان دي حاجه تستاهل!..
عمو احمد: لا يابنتي متروحيش.. دي ناس وسخه ومحدش ضامن هيعملوا فيكي اي!
بابا: اظن انتوا سمعتوا بنفسكوا... اتفضلي قدامي من سكات ومن غير مشاكل
محمد:"بعصبيه ودموعه نازله" مش هتمشي.. انتي سامعه انااا بقولك ايي... مش هتمشي بقولك..
محمود: ها ياهانم.. هنفضل كدا كتير..
جاكي: اوعدني انك هتوديني..
محمود: "بضحك".. اوعدك ياست.. ممكن نمشي بقاا..
بصيتلهم وشوفت ف عنيهم كلهم دموع وحسره وخوف عليا مع انهم مش اهلي.. حتى عمي دموعه كانت بتنزل..
جاك كلمني وعيونه كلها دموع..
جاك: مليش اني امنعك.. بس للمره الاخيره بقولك لا..
جاكي: مش بإيدي.. سلام
يلا..
محمود مسك ايدي وخدني وماشيين..
بصيت ورايا.. كلهم واقفين وف عنيهم حزن كبير ورجاء اني ممشيش.. جاك دموعه نزلت ف اللحظه الاخيره بعد ماكان بيعاند معاها...
طلعنا بره وركبنا العربيه وفجأه لقيت حد بيجري ورانا بصيت لقيته محمد...
بصلي من الشباك وهو بيعيط..
محمد: جاكي لا.. جاكي ارجوكي لا.. بالله عليكي.. بالله عليكي خليكي معايا.. متسيبنيش.. انا محتاجك.. جاكي اناا....
مكملش كلامه راح محمود طلع بالعربيه.. بصيت ورايا لقيته قعد ف الارض وعمال يعيط....
............
محمود: وع اي الفرهده دي كلها.. ماكنتي ركبتي معانا من سكات..
بابا: حيوانه.. والله لاندمك ع اليوم اللي اتولدتي فيه..
كنت ساكته وبعيط..
محمود: والغبي بتاعك دا، والله لاعلمه الادب انه فكر يمد ايده عليا.. همحيه من ع وش الدنيا..
جاكي: لااا.. انت كنت عايزني اناا.. واديني معاك اهو.. ملكش دعوه بحد فيهم..
محمود: وانتي خايفه عليه ليه!.. لو طلع اللي ف دماغي صح، والله لانهي حياتكوا انتوا الاتنين..
جاكي: اخرس ياوسخ انا مش زيك..
راح بابا ضربني بالقلم وشدني من شعري..
بابا: مسمعش صوتك لحد مانوصل... انتي فاهمه!
..........
ف الڤيلا:
جاك: "بعصبيه ".. واقفين لي!!.. خلاص مشت...
فيروز: "بعياط".. سيبتوها تمشي لي حرام عليكوا.. حرام عليكوا دي تعبانه ومش حمل وجع قلب.. ربنا ينتقم منهم..
جاك: عايزانا نعمل اي!!.. فضلنا نترجاها وبردو سابتنا ومشت.. خلاص تستحمل بقاا نتيجة غبائها..
فيروز: اخرس ياواد انت.. غباء اي اللي بتتكلم عنه!.. دي باعت نفسها عشان بس تشوف امها.. انت اللي غبي عشان سيبتها تمشي..
جاك: وانا مالي.. هو انا جوزها عشان اتحكم فيها..هي حره.. وبعدين خلاص اقفلوا الموضوع دا.. وانتوا اطلعوا لموا حاجتها من فوق ورجعوها...
عمو احمد: مش عايز اسمع صوت حد فيكوا....
"راح سابهم ودخل اوضته"
هند: جاك.. جاك بالله عليك روح وراها.. متسبهاش..
جاك: "بحزن"... لا.. مش هروح.. حتى لو روحت.. مش هترجع معايا.. وبعدين خلاص بقاا.. خلاص.. كانت ضيفه ومشت.. قفلوا بقااا الموضوع دا..
"سابهم وخرج لقى محمد قاعد ع الارض ودموعه نازله"
بصله بصه طويله وركب عربيته ومشي...
...........
في مكان بعيد و مهجور..
محمود: انزلي..
جاكي: انتوا جايبيني هنا ليه!
بابا: امشي وانتي ساكته..
دخلنا جوه لقيت بيت قديم ومهجور ومفيش غيرنا والمكان شكله مرعب..
دخلنا وبصيت لقيت محمود جاي ومعاه حبل..
جاكي: هتعمل اي!
محمود: متقلقيش.. مش هعمل دلوقتي.. انا بس هربطك مش اكتر.. وبعد كدا نبقاا نشوف هنعمل اي ياجميل.
جاكي:"بعياط". بابا انت هتسيبه يعمل فيا كدا..
بابا: اخرسي يابت.. ومتقوليش بابا دي تاني..
محمود ربطني بالحبل وقعدني ف الارض..
جاكي: انتوا عايزين مني اي!.. مش قولتوا هتودوني عن امي..
بابا: "بضحك".. امك مين ياحلوه.. امك انا رميتها من زمان ومعرفش مكانها.. بس اللي اعرفه انها اكيد ماتت والكلاب كلت لحمها..
جاكي: انا بكرهك.. بكرهك.. انت حجر..
راح شدني من شعري..
بابا: اغلطي زي مانتي عايزه.. بس صدقيني هتندمي.. بس الصبر..
كانوا ماشيين وسايبيني..
جاكي: انتوا هتمشوا وتسيبوني هنا لوحدي!!!
محمود: ااه.. هنمشي ونسيبك.. بس متقلقيش هرجعلك تاني ياقمر.. دانا مصدقت..
فضلت اصوت باعلى صوتي...
راح حط حاجه ع بوقي عشان مزعقش..
محمود: ريحي نفسك.. مفيش فايده.. محدش هيسمعك..
راحوا سابوني ومشوا وانا فضلت اعيط وبعدين محستش بنفسي...
..............
تاني يوم..
فوقت ولسه بفتح عيني لقيت تلات شباب قدامي...