رواية قلبي ليس بيدي
الفصل الثالث والعشرون والرابع والعشرون
بقلم حسناء رمضان
Part 23:♥
ستبقى دائماً شيئاً مُختلف عنْ الجَميع💛🦋
جاك: نعم!
جاكي:"بتوتر".. ا ا عامل اي!
جاك: كويس..
جاكي: جبتلك اكل..
جاك: شكرا مش عايز...
كان لسه هيقفل الباب وانا فتحته..
جاكي: استنى بس.. انت مكلتش من الصبح..
جاك: هو انتي مبتفهميش.. قولت مش عايز...
جاكي: طب انا عايزه اشوف اوضتك..
جاك: اي!.. انتي هبله!
جاكي: اوعى بس كدا..
زقيته بعيد ودخلت..
جاكي: اوضتك حلوه..
جاك: انتي عبيطه!... اتفضلي اطلعي بره عشان متزعليش مني..
جاكي: زعلني..
جاك: بقولك اي!.. انا مش فايق لحواراتك دي..
جاكي: طب اتفضل الاكل وانا هخرج..
جاك: مش عايز قولت... واطلعي يلا عشان انا مش طايقك اصلا
جاكي: اي دا اي دا... مالك يعم انت... لا بقولك اي انا
....
لسه مكملتش كلامي راح قاطعني...
جاك: "بحده".. اسمعي... انا عندي صداع هيطير نفوخي.. ف اتفضلي من سكات اطلعي بره بدل مااطلع روحك.. تمام!
جاكي: " بخوف"... مالك يابا متعصب كدا ليه... احسن يطقلك عرق ولا حاجه.. لا انت لسه صغير واحنا عايزينك يعني..
جاك: جاكي!!... اطلعي بره..
راح عند الباب وفتحه...
جاك: سمعتي!
جاكي: لا.. مش طالعه وادي قعده بقااا..
حطيت الاكل وقعدت قدامه ع السرير...
راح قفل الباب بقوه ورجع هو ع وشه غضب الدنيا كلها...
بلعت ريقي واتشاهدت...
جاك: هو انتي مش خايفه ع نفسك!
جاكي: "بخوف" لي!
جاك: هو انتي ليه مبتسمعيش الكلام!.. انا كلامي بقوله مره واحده..
جاكي: ماهو ماهو انت..
جاك: انتي مالك بيا اصلا... مهتمه لي اذا كنت كلت ولا لا.. لاخر مره بقولك اطلعي بره..
جاكي: مش انت انقدتني قبل كدا.. اعتبر دا رد الجميل
جاك: بس انا معملتش حاجه.. الواد الملزق بتاعك دا هو اللي عمل..
جاكي: ااه قصدك الواد الحلو ابو عضلات دا!.. مانت حاولت بردو..
جاك: الواد اي!!
جاكي:"بخوف".. ابو عضلات..
جاك: مش هتتلمي يعني !..هو انا قولت اي!!
جاكي: اي دا في اي... لا بقولك اي متفتكرش اني سهله وهتعرف تزعقلي براحتك كدا..
جاك: بسسس... اسكتي... صوتك عالي لي!
جاكي: مانت اللي عصبتني.. واتفضل اقعد كل يلا..
جاك: والله!... طب مش واكل.. "ربع ايده"..
جاكي: لا هتاكل ياجاك..
جاك: اجبريني... يلا وريني هتعملي اي!
جاكي: طب اديني قاعده بقاا... انا كدا كدا مفيش ورايا حاجه... خلينا قاعدين كدا للصبح..
فضل باصصلي شويه بنظرات غريبه وهو ساكت..
جاكي: انا عارفه ان جمالي لا يُقاوم وكل حاجه.. بس مش للدرجه يعني
جاك: جمال اي يابتاعه انتي!.. اطلعي بره بقولك
جاكي: تؤ تؤ.. مش هطلع..
جاك: انا مش عارف انا صابر عليكي لي!
فجأه موبايلي رن... بصيت ع الفون وبعدين بصيت ع جاك
راح بصلي ورفع حاجبه..
جاك: هتردي!
جاكي: طب انا مضطره امشي بقاا عشان الوقت اتاخر..
جاك: اقفي يابت انتي... ردي يلا..
جاكي: انت مش كنت عايزني امشي!.. اديني ماشيه اهو..
جاك: اديني الموبيل دا..
جاكي: لا طبعا..
راح خطفه من ايدي..
جاكي: انت اتجننت... هات الموبيل يلااا
جاك: ادم... اممم.. طب مسمعش صوتك بقاا
جاكي: اياك ترد انا بقولك اهو..
جاك: اخرسي خالص...
فتح عليه...
جاك: الو
ادم:....
جاك: طب كويس انك فاكرني والله.. ايوا انا جاك..
ادم:.....
جاك: الله يسلمك..
ادم:.......
جاك: لا جاكي نايمه..
جاكي"بصوت خافت"... ولااا هي مين اللي نايمه!.. هات الفون يعم..
جاك: اشششش... حاضر هقولها انك اتصلت تطمن عليها.. واحنا الصراحه شاكرين افضالك جدا بس بلاش تتعب نفسك يعني هي بقت كويسه...
ادم:......
جاك: مع السلامه..
قفل وبص لقاني متنحاله...
جاك: نعم!
جاكي: انت مجنون صح!
جاك: برافو عليكي.. عرفتيها لوحدك!
جاكي: انت اهبل!.. ترد عليه ليه يابتاع انت... وبعدين مين دي اللي نايمه.. انت مالك اصلا..
جاك: صوتك لو علي تاني.. هقطعلك لسانك.. وبعدين خلاص بقااا مش حوار هو.. هو استحلى الموضوع وكل شويه هيرن!
جاكي: وانت مالك بقاا!
جاك: بت انتي.. اتلمي بدل والله اكسر دماغك.. وبعدين خلاص بقاا بطلي سهوكه مع الواد دا..
جاكي: سهوكه!!!... قصدك ان انا مسهوكه يعني!
جاك: ايوا.. وبعدين انا مش فاهم انتوا لسه بتتكلموا ليه لحد دلوقتي!
جاكي: صاحبي وبيتطمن عليا.. انت اي دخلك انت!
جاك: اي!
جاكي: صاحبي
جاك: اول واخر مره اسمع الكلمه دي... مفهوم!
جاكي: طب صاحبي صاحبي صاحبي صاحبي... وريني هتعمل اي!
جاك: يابنتي هتندمي والله...
راح فونه رن... بص فيه وبعدين بصلي..
جاك: طب.. اتفضلي اتفضلي بقااا اطلعي بره..
جاكي:... ااه.. الحكايه شكلها فيها مزه... طب مش طالعه
جاك: ملكيش دعوه.. يلا اطلعي..
روحت خطفت منه الفون وطلعت اجري...
جاك: بت.. لو رديتي والله العظيم هزعلك..
روحت فتحت...
مايا: ايوا يابيبي.. انت فين!
جاكي: بيبي!!!!!
مايا: اي دا انتي مين!
جاكي: انتي اللي مين!
مايا: انا مايا.. وبعدين هو مش دا فون جاك!
جاك: جاكي هاتي الفون واتلمي..
جاكي: انت تخرس خالص.. وانتي ياختي.. عايزه اي منه..
مايا: وانتي مالك... انتي اللي مين..
جاكي: جاتك مله... ماتقولي انتي مين..
مايا: "بدلع".. انا صاحبته.. عندك اعتراض..
جاكي: صاحبتتتته.. ايوا ياختي عندي اعتراض.. احنا هنا مش بنحب السهوكه..
مايا: وانتي مالك انتي كنتي مراته ولا حاجه!
جاكي: اعتبريني مراته ياختي... وبعدين لو بينكوا شغل، هيكون ف الشركه مش ع الفون ياختي.. دا غير ان الكلام يكون بادب مش بسهوكه كدا...
مايا: اديني جاك بس وبطلي رغي..
جاكي:"بغضب".. اي يابت البجاحه دي... لا مش هتاخدي
جاك.. ياخدك ربنا ان شاء الله.. وبعدين انا عارفه الشغل دا كويس.. بتتسهوكي عليه كدا عشان توقعيه.. بس دا بُعدك ياختي..
مايا: هو انتي هبله!.. هو كدا كدا واقع.. مش محتاجه اعمل حاجه.. يلا اديني جوجتي بسرعه
جاكي: جوجتك!!!!... جوجتك اي ياقليلة الادب ياوسخه... ماتحترمي نفسك يابت انتي..
مايا: انا مش فاهمه انتي اي اللي مضايقك!
جاكي: بقولك اي انا اصلا خطيبته... ومترنيش هنا تاني.. ولو رنيتي تاني ههزقك بجد عشان انتي تستاهلي دا... غوري ف داهيه...
قفلت ف وشها وبصيتله لقيته مربع ايده وواقف مبتسم...
جاكي:" بعصبيه".. اييبي... بتضحك ع اي انت... برقص انااا!
جاك: مين اللي خطيبتي!
جاكي: لا ياخويا انا قولت كدا بس عشان البت المسهوكه دي.. لكن انت اخر واحد ف العالم ممكن ابقاا خطيبته... جاتك القرف.. وبعدين عاملي فيها راجل.. ومتكلميش دا ومتهزريش مع ادم وبلاش سهوكه... مين اللي بيتسهوك دلوقتي يااستاذ!
قرب مني وميل عليا...
جاك: طب وانتي متعصبه لي دلوقتي!
جاكي: "بتوتر".. لا.. مش متعصبه ولا حاجه.. هتعصب لي انا!
جاك: امال وشك احمر كدا ليه!
جاكي: ملكش دعوه.. وبعدين اصلا اصلا انت متتكلمش معايا تاني يابتاع البنات انت.. وبعدين مش لاقي غير واحده اسمها مايا.. دا حتى باين من اسمها..
جاك: احسن من ادم بتاعك دا..
جاكي: ع الاقل ادم محترم.. مش مسهوك.. وبعدين اي جوجتي دي!.. انت ازاي تقبل انها تقولك الخرا دا
جاك: "بابتسامه".. هي حره.. هي بالذات حره.. تقول اللي هي عايزاه..
جاكي: والله!... طب اياك بعد كدا تقولي متكلميش ادم تاني..
جاك: ايوا مش هتكلميه.. ووطي صوتك دا..
جاكي: هكلمه ياجاك.. وهتسهوك معاه.. اي رايك بقاا
جاك: طب ابقي اعمليها...
جاكي: صاحبي وبحبه وهكلمه.. انت مالك
جاك: صاحبي تاني!
جاكي: ايون.. وطززز فيك ياجاك..
جاك: ايه!.. متتماديش معايا عشان مقلبش عليكي..
جاكي: اعمل اللي انت عايزه.. يابتاع مايا.. ودومي اصلا دا قمر وهكلمه كل يوم..
جاك: دووومي!!!
جاكي: اهااا
جاك: مش هتتلمي يعني!
جاكي: تؤ تؤ..
فضل يبص حواليه ولقيته راح مسك حزام ف ايده وانا طلعت اجري...
جاكي: اعااا.. هتعمل اي!
جاك: هوريكي مين دوومي دا...
جاكي: لا لا اعااا.. انت اتجننت!
جاك: هتكلمي الواد دا تاني!!
جاكي: ايون...
فضل يلف ورايا وانا بصوت..
جاكي: لا لا خلاص.. اعاا..
جاك: تعالي هنا بقولك...
جاكي: لا خلاص بجد.. اعقل بقااا
جاك: ماشي.. لما نشوف هتتلمي ولا لا..
خد مني فونه وقعد ع السرير وفضل يقلب فيه..
جاكي: اي خايف ع زعلها!.. يابتاع مايا
جاك: مش هتتلمي!
جاكي: وانا مالي.. وبعدين اطفح بقاا خليني امشي..
جاك: انزلي وملكيش دعوه..
جاكي: ااه عايزني انزل عشان تكلمها.. اخ ياقليل الادب انت..
جاك: انا قليل الادب!..
راح قام ورايا وانا لسه هجري راح شدني من الهدوم...
جاكي: اعااا.. لا خلاص والله.. انا اسفه يعم
فضل يشدني وانا بقاومه لحد ماوقت ع الارض وهو وقع عليا...
"احيييه.. اي اللي بيحصل دا!!!"
فضل باصصلي شويه...
جاكي: احم..
جاك:....
جاكي: احم احم..
جاك: اي!
جاكي: عايزه اقوم..
جاك: "بشرود".. قومي..
جاكي: هقوم ازاي!
جاك: ااه... اسف..
قام وانا قومت نضفت هدومي وانا مكسوفه..
جاكي: عيل براس خنزير والله..
جاك: انتي تاني!
جاكي: لا لا خلاص..
جاك: اوعي بقاا كدا خليني اكل..
جاكي: بقاا حلو الاكل دلوقتي!.. مانا بقالي ساعه بتحايل عليك..
جاك: ملكيش دعوه..
جاكي: دانتوا صنف خنزير فعلا..
جاك: لما احنا صنف خنازير.. بتكلمي الملزق دا لي!
قعدت ع الكرسي قدامه...
جاكي: اولا متقولش عليه ملزق... ثانيا هو حد محترم.. مش بتاع مايا..
رفع عينه من ع الاكل وبصلي..
جاكي: احم.. اني اسف..
جاك: انتي عارفه مين مايا دي الاول!
جاكي: هتكون مين يعني!.. واحده مش محترمه.. انت مشوفتهاش كانت بتتكلم ازاي..
جاك: "بخبث"... صاحبتي وبتدلع عليا.. انتي مالك..
قعدت اقلده بتريقه..
جاكي: صاحبطي بوططدلع عليااا... كانت صحبه مهببه..
ابتسم وبص ف الاكل...
جاك: اعتبر دي غيره...
جاكي: اي!
جاك: هووااا
بصيتله بقرف وبعدين بصيت ف فوني..
جاك: ناويه تطولي هنا!.. ماتخلصي وتمشي..
جاكي: بقولك اي... انت تسكت خالص.. مش كفايه حرقة الدم دي..
جاك: انا الصراحه مش شايف اي سبب يحرق دمك.. وبعدين هو مين اداكي حق تقولي ع نفسك خطيبتي يابتاعه انتي..
جاكي: ياعم يعني هو انا هبقى خطيبة شاروخان!... اتلهي ف خيبتك..
جاك: ولما انا مش شاورخان، غيرانه عليا لي!
جاكي: وانا هغير عليك لي!.. ماتولع انت وهي..
اتكلمت بهمس... الهي تولعوا بجاز وسخ..
جاك: قولتي اي!
جاكي: مقولتش حاجه.. كمل طفح خليني انزل..
جاك: طب بطلي رغي بقاا خليني اعرف اكل...
كمل اكل وانا قعدت العب ف موبايلي ولقيته بيبصلي ويبتسم من تحت لتحت...
جاكي: عاجباك ولا حاجه!
جاك: بصراحه ااه..
جاكي: لا ياحلو.. انا مش مايا..
جاك: هاهوو.. وانتي تيجي اي ف مايا
جاكي: والله!.. اعترفت بنفسك اهو انك نسوانجي.. انا كنت حاسه من الاول اصلا..
جاك: لا مش نسوانجي... الستات هي اللي بتترمي عليا..
جاكي: ع اي ياحسره...
راح رمى شعره لورا..
جاك: "بدلع".. ع جمالي..
ضحكت جامد الصراحه.. وهو ابتسم وبص قدامه..
جاكي: لا وواثق من نفسك..
جاك: اسكتي بقاا.. بتخليني اعمل حاجات توديني ف داهيه..
جاكي: ياراجل فك... محدش واخد منها حاجه.. وبعدين ابسط ياعم خليتك ضحكت اهو.. عد الجمايل بقاا..
جاك: "بشرود" حتى لو ضحكت.. مفيش حاجه هتتغير
جاكي: اي البؤس دا..
جاك: مش بؤس.. دا واقع
جاكي: والواقع ممكن يتغير بإيمانك بالله..
جاك: مفيش حاجه ممكن تتغير..
جاكي: بص انا مليش اني اتدخل.. بس حقيقي مهما كان جرحك.. مسيره هيلم مع الوقت.. وهتنسى كل حاجه..
بصلي شويه كدا...
جاك: اا انا خلصت.. خدي الاكل...
جاكي: طب انت مكلتش كويس..
جاك: خدي الاكل وانزلي...
سابني ووقف ف البلاكونه.. وانا دخلت وراه..
جاكي: احم..
جاك: عايزه اي!
جاكي: تحب اعملك شاي ولا قهوه!
جاك: شكرا.. مش عايز حاجه..
جاكي: اعملك قهوه.. واراهنك لو شربت زيها..
جاك: هو انتي عايزه اي!
جاكي: عايزه اطلعك من الحزن دا..
جاك: بس انا مش حزين..
جاكي: مفيش مرايه هنا!
جاك: ليه..
جاكي: عشان تشوف ملامحك عامله ازاي..
جاك: متشغليش بالك بيا.. خليكي ف اللي انتي فيه..
جاكي: طب اجيبلك القهوه!
بصلي واتنهد..
جاك: بتعرفي!
جاكي: عيب عليك يابرنس..
جاك: برنس!!... طيب.. هاتي
جاكي: اشطا..
سيبته ونزلت اجري...
فيروز: نازله تجري لي في اي!
جاكي: لا مفيش.. دانا نازله اعمل قهوه..
فيروز: طب جاك قالك اي!
جاكي: كل ياست الكل وبعمله قهوه كمان اهو..
فيروز: فعلا!!.. لا بتهزري..
جاكي: والله كل مش مصدقه لي!
فيروز: ع كدا انتي مش سهله بقاا.. دا محدش بيقدر عليه نهائي..
جاكي: ع فكره لو حاولتوا معاه هيهدى عادي خالص..
فيروز: والله ابدا.. بنحاول معاه بكل الطرق..
جاكي: يبقا انا سحري قوي بقااا..
فيروز: "بابتسامه"... الواضح كدا...
عمو احمد دخل علينا..
عمو احمد: ازيك ياجاكي!
جاكي: الحمد لله ياعمو تمام..
عمو احمد: بقيتي احسن دلوقتي!
جاكي: ااه الحمد لله..
عمو احمد: خلي بالك من نفسك يابنتي وخدي دواكي..
جاكي: حاضر..
عمو احمد: فيروز عايزك..
فيروز: حاضر... طلع وهي طلعت وراه وانا خلصت القهوه وطلعت تاني...
________
نور: ايوا مانا بقولك كدا...
ـ........
نور: وانت كمان وحشتني اوي..
ـ......
نور: غصب عني والله مانت عارف..
ـ......
نور: خلاص نتقابل بكرا..
ـ....
نور: لا دلوقتي صعب.. الكل هنا.. وبعدين الوقت اتاخر
ـ.....
نور: لا مش هينفع بجد.. دا غير ان ماما هنا...
ـ.....
نور: لا شقه لا.. هنتقابل عادي زي كل مره..
ـ....
نور: هو انا كل مااقولك شقه لا تقولي مش بتحبيني!.. اي علاقة دا بدا..
ـ.....
نور: لا مانا مقدرش اروح الشقه اناا.. احنا نتقابل عادي.. وبعدين انت عارف انا بحبك قد اي..
ـ بتكلمي مين!!!!!
____________
جاكي: احم..
جاك: انتي جيتي!
جاكي: تؤتؤ..
جاك: طب هاتي ياختي..
جاكي: دوق وقولي رايك
جاك: اكيد هتبقى شبهك يعني..
جاكي: ايون مانا قمر اصلا..
بدا يشرب وسكت شويه..
جاكي: اييي
جاك: مين اللي عملها!
جاكي: اناا..
جاك: حلوه..
جاكي: طبعا..
جاك: معملتيش لنفسك ليه!
جاكي: يععععع
جاك: اي دا انتي تفيتي فيها ولا اي!
جاكي: "بضحك".. لا طبعا اي القرف دا... انا بس مبحبهاش..
جاك: لي دي حلوه..
جاكي: اتجوزها..
جاك: هي مين!
جاكي: القهوه..
جاك: اي يابت العسل دا!
جاكي: مش انت اللي بتتغزل فيها..
بص قدامه وسكت...
جاك: كنتي بتعملي اي انتي ومحمد!
جاكي: بنعمل اي ف اي!
جاك: كنتوا قاعدين ف البلاكونه..
جاكي: اي دا انت شوفتنا!
جاك: ايوا..
جاكي: طب مجتش قعدت معانا ليه!
جاك: وابوظ عليكوا اللحظه ليه!
جاكي: لحظة اي!
جاك: قاعدين مع بعض وبتهزروا وتضحكوا وشكلكوا مبسوطين.. ابوظ اللحظه لي!
جاكي: لا عادي.. كانت هتكمل بيك ع فكره..
سكتنا شويه وبعدين اتكلم...
جاك: جامعتك بعد بكرا..
جاكي: اني اعلم..
جاك: وهتعملي اي!
جاكي: ف اي!
جاك: هتروحي ازاي.. احنا منضمنش اي اللي ممكن يحصل..
جاكي: لا ماهو محمد هياخدني ومعاه وهنيجي مع بعض..
جاك: ااه.. دانتوا رتبتوا كل حاجه بقاا
جاكي: اوماااال..
جاك: طب تمام..
ساد الصمت تاني بردو...
جاك: عارفه!.. عايز ارمي نفسي من هنا...
جاكي: كانتحار يعني وكدا!
جاك: امم
جاكي: لا فاكس.. المسافه قريبه ومش هتعمل حاجه..
بصلي باستغراب..
جاك: هو انتي طبيعيه!
جاكي: لا بلاستيك.. هيهيهي
بصلي بقرف..
جاك: طب انا بقول ارمي نفسي احسن..
جاكي:"بضحك".. لا لا خلاص والله هسكت اهو..
خلص القهوه...
جاكي: انا همشي بقااا عشان الوقت اتاخر..
جاك: خليكي..
جاكي: لا يعم اروح انام.. كلتوا دماغي انت والاخ محمد..
جاك: ماشي.. وشكرا ع الاكل والقهوه
جاكي: العفو... تصبح ع خير..
جاكي: وانتي من اهله...
سيبته وروحت اوضتي...
مسكت فوني وبعدت مسدج لادم اعتذرله ع اللي جاك قاله.. وبعدين نمت...
Part 24:💛
بارت كبير اهووو زي ماطلبتوا..🖤🕊
- لو الوقت كان مختلف أو لو الوقت كان فيه شوية عدل، كان زمانك دلوقتى احسن حاجة حصلتلى فى حياتى..♥🕊
نور: "بخوف".. اي!
نهى: بتكلمي مين بقولك!
نور: لا دا.. دا
نهى: دا اي!.. ماتخلصي..
نور: بكلم واحده صاحبتي ياماما..
نهى: وهي صاحبتك ملقتش غير الوقت دا وتكلمك فيه!
نور: واي المشكله!
نهى: الموبيل دا يتقفل من بعد الساعه ١٢.. ولو دا اتكرر تاني، هاخده منك خالص..
نور: اي اللي بتقوليه دا!.. لا طبعا مش هعمل كدا..
نهى: انتي كمان بتردي عليا ياقليلة الادب انتي.. امال عايزه اي!.. تفضلي ترغي ف الفون ف نص الليل!.. والله اعلم بتعملي اي
نور: مبعملش حاجه.. واتفضلي لو سمحتي اطلعي بره..
نهى: ماشي.. لما اشوف اخرتها معاكي..
سابتها وخرجت...
نور: ايوا.. بقولك اي سلام دلوقتي..
ـ........
نور: انت مسمعتش يعني!.. قولتلك مش هينفع.. سلام..
قفلت معاه وقعدت تعيط....
____________
صباح جديد.....
صحيت وكانت الساعه 7.. اتوضيت وصليت ونزلت اعمل شاي...
دخلت المطبخ وبدات اعمل...
ـ بتعملي اي!
لفيت بسرعه...
جاكي: ياراجل طب كح ولا اعمل اي حاجه..
جاك: اي دا انتي بتخافي!
جاكي: امال زيك!
جاك: طب بتعملي اي!
جاكي: بلعب ماتش كوره..
جاك: ااه دانتي رايقه بقاا..
جاكي: اهممم
جاك: طب ممكن تعمليلي قهوه..
جاكي: تؤتؤ..
جاك: اي تؤتؤ دي!
جاكي: يعني لا
جاك: و لا ليه!
جاكي: خلي مايا تعملك... الا صحيح.. عرفت تصالحها!
جاك: "بخبث"... ااه.. عرفت
جاكي: انت هتقولي!..
قلدتها بتريقه..
جاكي: قال جوجتي قال... اي المسخره دي..
جاك:" بضحك".. شكلك حلو وانتي متعصبه..
جاكي: بس انا مش متعصبه..
جاك: امال متضايقه منها ليه!
جاكي: عشان بت مش محترمه.. تصدق!.. عندي فضول رهيب اشوفها..
جاك: ليه!
جاكي: عشان اشوف اي اللي ورا صوت العرسه دا..
جاك: طب ف ذمتك، دا صوت عرسه!
جاكي: ايواا طبعا... بس انت هتشوف كدا ازاي!.. مانت واقع..
جاك: واقع!!!
جاكي: ايوا واقع.. وهتموت عليها..
جاك: مين قالك كدا..
جاكي: هي..
قعد يضحك...
جاك: انتي لسه متعرفنيش..
جاكي: كفايه اللي عرفته..
جاك: طب هتعملي القهوه ولا امشي!
جاكي: انت مش هتفطر!
جاك: لا مبفطرش..
جاكي: مينفعش..
جاك: انتي مالك.. انا كدا..اخلصي بس بسرعه والنبي..
ـ اي اللي مصحيك بدري!
لفينا ولقيناها مامته وهو وشه قلب ولف وشه تاني ومردش..
نهى: بكلمك ع فكره..
جاك: "بغضب".. عندي شغل..
نهى: انتي جاكي!
جاكي: ايوا..
نهى: اممم.. وبتعملي اي!
جاك: بتعملي قهوه..
نهى: دي ضيفه!.. هتشغلها عندك!
جاكي: لا لا ياطنط... انا اللي قولتله اعملك معايا..
نهى: بس انت مبتشربش غير من ايد فيروز..
جاك: انا حر.. دا غير انها بتعملها حلوه زيها كدا...
نهى: ااه.. بس هو اي اللي ف وشك دا!
اتصدمت من السؤال واتوترت ومكنتش عارفه ارد اقول اي...
جاكي: دا من...
جاك: عملت حادثه..
نهى: حادثة اي!
جاك: حادثه وخلاص... هتحققي معاها هي كمان!
نهى: ماشي..عملت اي ف اللي طلبته منك!
جاك: معملتش..
نهى: يعني اي!
جاك: انا قولتلك مش هعمل حاجه انا مش عايزها..
نهى: ااه.. انت بتعمل كدا عندا فيا يعني..
جاك: صدقيني متفرفيش معايا...
الحوار كان حاد جدا بينهم والاتنين بيتكلموا بغضب وحِده...
جاكي: اتفضل القهوه..
جاك: شكرا...
خد القهوه وخرج الجنينه وهي فضلت واقفه وانا خايفه معرفش لي..
جاكي: تحبي اعملك حاجه ياطنط!
بصتلي من فوق لتحت بطريقه غريبه كدا وسابتني ومشت...
قعدت مكاني وشربت الشاي وشويه وجاك دخل..
جاك: متشكر ع القهوه..
جاكي: الف هنا...
جاك: هي ماما قالتلك حاجه!
جاكي: لا
جاك: غريبه... ع العموم انا ماشي.. محتاجه حاجه..
جاكي: سلامتك..
جاك: سلام..
ـ ع فين..
جاك: رايح الشغل..
سما: طب هعملك القهوه قبل ماتمشي..
جاك: لا جاكي عملت.. سلام..
بصتلي بطريقه غريبه..
جاكي: صباح الخير..
سما: صباح النور.. هو انتي صاحيه من امتى!
جاكي: من نص ساعه كدا..
سما: هو جاك اللي طلب منك القهوه ولا انتي اللي عملتيها!
جاكي: وبتسالي لي!
سما: لا عادي..
__________
ف عربية جاك..
جاك: ايوا تمام.. رتبي كل المواعيد بتاع النهارده..
ـ.......
جاك: كتيره ولا مش كتيره.. انتي مالك.. نفذي اللي بقول عليه من سكات..
ـ......
جاك: طب مالك وصل ولا لسه..
ـ.....
جاك: ماشي تمام.. سلام...
__________
ف الفيلا...
محمد: صباح الخير ياقمرات..
جاكي: صباح النور..
محمد: امال فين فيزوو!
سما: ف اوضتها..
محمد: اشطا..
سابنا وراحلها...
محمد: صباح الخير ياقمر
فيروز: صباح الخير ياحبيبي..
محمد: كنت عايزك ف حوار كدا.. بس هو بابا فين!
فيروز: طلع بدري عشان عنده شغل..
محمد: طب خدي دول..
فيروز: اي دول..
محمد: بصي دول فلوس لجاكي.. انتي اديهالها عشان انا مش هينفع اعمل كدا..
فيروز: بس لي!
محمد: عشان جامعتها يافيروز.. اكيد هتحتاج مصاريف كتير ومش هتقول لحد فينا طبعا..
فيروز: وانت مهتم بيها كدا ليه!
محمد: لا عادي.. يعني هي ضيفه واكيد لو احتاجت حاجه مش هتقول..
فيروز:"بشك" مهتم بيها ليه يامحمد!
محمد: مالك يافيروز!.. عادي يعني
فيروز: انت بتحبها!؟
_____________
طلعت اوضتي وقعدت اكلم صحابي والوقت عدى عليا فوق وجاك ف الشركه...
.....
نور: فيروز انا خارجه..
فيروز: خارجه رايحه فين!
نور: هقابل واحده صاحبتي قريب هنا..
فيروز: قولي لامك الاول..
نور: لا يافيروز اوعي تقوليلها حاجه.. مانتي عارفه طبعها عامل ازاي.. وهتقعد تحقق معايا وخلاص..
فيروز: خلاص روحي مع محمد..
نور: محمد اي بس.. بقولك هقابل صاحبتي.. يلا سلام انا مش هأخر..
سابتهم وخرجت...
فيروز: والله ماعارفه اخرتها معاكي اي.. ربنا يهديكي..
محمد: هي رايحه فين البت دي..
فيروز: بتقول هتقابل واحده صاحبتها... بقولك اي.. ماتروح تودي الاكل لجاك ف الشغل..
محمد: لي هو مش هييجي!
فيروز: لا هيأخر هناك..
محمد: اروح انا وجاكي..
فيروز: لا يابني.. احسن يحصل حاجه..
محمد: اي اللي هيحصل.. وبعدين مانا معاها.. دا غير انها كدا كدا جامعتها بكرا..
فيروز: طب ماشي بس خلي بالك منها..
محمد: تمام...
شويه والباب خبط.. طلعت فتحت..
جاكي: خير!
محمد: جهزي نفسك!
جاكي: لي هتخطفني!
محمد: ااه وهنهرب بعيد..
جاكي: لا بجد رايحين فين!
محمد: هنروح نودي الاكل لجاك ف الشغل..
جاكي: واشمعنى احنا يعني..
محمد: هي الصراحه فيروز كانت عايزاني انا اللي اروح بس قولت تغيري جو معايا...
جاكي: اشطا.. هغير ع طول وانزلك..
محمد: متتاخريش..
جاكي: حاضر..
نزل وانا دخلت لبست ع السريع ونزلت...
جاكي: اني جاهز..
محمد: قمر يخواتي..
جاكي: عارفه.. كله بيقولي كدا..
محمد: طب يلا ياختي..
خدنا الاكل وركبنا العربيه...
محمد: عامر منيب!!
جاكي:"بابتسامة".. عامر منيب..
_________
ف كافيه..
ـ اهلا بالغالي..
نور: وحشتني..
ـ وانتي اكتر ياروحي.. تعالي..
نور: ع فكره لو حد شافني هروح ف داهيه..
ـ ماقولتلك نروح الشقه.. انتي اللي رفضتي..
نور: لا شقه لا.. خلينا هنا وخلاص..
كانوا قاعدين جنب بعض وفجأه قرب منها... وبدأ يملس بإيده ع شعرها..
ـ بس تعرفي انك وحشاني قوي.. بقالي كتير مشوفتكيش..
نور: "بتوتر".. احم.. ممكن تبعد شويه
ـ انتي خايفه مني ولا اي!
نور: لا مش خايفه.. بس عشان الناس..
ـ مش مهم الناس.. المهم انتي..
الجرسون: تحبوا تشربوا اي يافندم!
ـ شوف السنيوره تشرب اي!
نور: عايزه عصير ليمون لو سمحت..
ـ ليمون!.. اشمعنى..
نور: عادي..
ـ خلاص هات اتنين ليمون..
الجرسون: حاضر يافندم..
ـ قولتيلي بقاا مامتك ف البيت..
نور: ايوا.. مش عارفه انا اي اللي رجعها..
ـ امم.. شكلك مش بتحبيها..
نور: لا مش كدا.. بس هي قاسيه قوي.. تعرف انها اصلا لو عرفت اني معاك دلوقتي ممكن تقتلني..
ـ امم.. هي صعبه كدا!
نور: جدا.. انا اصلا زهقت من البيت كله..
ـ خلاص ياجميل.. تعالى اقعد معايا..
نور: ياريت والله.. وقتها هبقى مبسوطه جدا... انت هتيجي تخطبني امتى!
ـ "بتوتر".. ها.. اه حاضر هاجي..
نور: ع فكره انت بقالك كتير بتقولي كدا ومبتجيش..
ـ ياقمري هاجي.. هو انا اقدر ابعد عنك.. لو عليا عايزك معايا دلوقتي قبل بكرا..
نور: بجد ياسيف..
سيف: بجد ياروح سيف..
فضل يقرب منها ومسك ايدها وكان عمال يبصلها بنظرات مش كويسه...
نور: "بتوتر".. سيف.. سيب ايدي..
سيف: بصي بقاا.. انا الصراحه مش قادر.. انتي قمر اووي..
نور: يعني مش هتسيبني!
سيف: وهو في حد يسيب القمر دا.. دانتي بطل..
__________
محمد: يلا ياجميل وصلنا..
جاكي: الله.. الشركه الكبيره دي بتاعتكوا!
محمد:الواضح انك مسمعتيش عننا خالص..
جاكي: لا مسمعتش.. بس ماشاء الله يعني..
محمد: طب يلا
دخلنا وانا فضلت ابص ع المكان وبصراحه كان حاجه كدا قيمه..
محمد: اهو واقف اهو.. تعالي نروحله..
كان واقف ومعاه بنت والبنت دي عاطياني ضهرها..
مشينا عليهم..
ـ بس صحيح جاك.. مين الشرشوحه اللي كلمتني امبارح دي!
جاك: دي تبقى...
جاكي: اناااا
بصوا لقوني واقفه مربعه ايدي ومتعصبه من البت السلعوه دي..
جاك: اي دا انتوا بتعملوا اي هنا!
مايا: مين دي!
جاك: "بضحك".. دي الشرشوحه..
جاكي: والله!..
جاك: انا مالي.. هي اللي قالت..
جاكي: انتي بقاا مايا!
مايا:" بدلع".. اه.. انا مايا..
جاكي: ومالك فخوره كدا ليه!.. كنتي بتقولي مين بقا الشرشوحه!!... طب انتي تعرفي اني ممكن انتف شعر المعيز اللي ع دماغك دا دلوقتي..
مايا: هي مالها دي... هو انا كلمتك!.. ماتشوفها ياجاك..
جاكي: ااه.. شوفها ياجاك.. ولا اي ياجوجتي!
محمد: هي وصلت لجوجتي!!!
جرا اي ياجاك.. ماترسيني ع الحوار..
جاك: "بضحك".. بس بس انتوا الاتنين.. خلاص..
مايا: طب انا هروح اشوف باقي الشغل.. باي جاك..
مشت وانا بصيت لجاك وسكت..
جاك: نعم!
جاكي: تصدق اصلا ان انا الغلطانه اني جيت اجيبلك اكل.. دانتوا خنازير فعلا..
جاك: طب اهدي اهدي.. جايه هنا ليه!
جاكي: اتفضل.. جايبالك اكل..
جاك: ولي التعب دا!.. ماكان محمد جابه وخلاص..
جاكي: حظي بقاا.. عشان اشوف السلعوه دي وهي بتغلط فيا..
جاك: سلعوووه!!
جاكي: اي هتتكلم كمان!
جاك: طب ف ذمتك يامحمد.. دي وحشه!
محمد: هي ممكن تكون حلوه شويه.. بس مش كويسه..
جاكي: اهو دا واحد بيفهم وعنده ذوق.. دي حتى كفايه لبسها.. لبسها اي.. دي مش لابسه حاجه.. اي القرف داا
.. وكمان حاطه كيلو مكياج ف وشها.. يععع بجد
جاك:" ببرود".. بس حلوه..
جاكي: محمد.. يلا بينا عشان دي ناس خنازير وانا مرارتي خلاص..
محمد: انا مش فاهم حاجه.. ومالها مايا اصلا..
جاك: خلاص ياشباب سيبكوا منها.. المهم تعالوا نقعد ف اي حته..
جاكي: لا انا عايزه اروح..
جاك: ماتقعدي بقاا.. اي رايكوا نطلع مكتبي وناكل مع بعض..
محمد: اشطا.. يلا ياجاكي..
جاكي:....
جاك: براحتك.. بس ع فكره لو مطلعتيش، مايا هتطلع معانا..
سابني ومشي ومحمد مشي معاه وانا تراجعت وطلعت.. ماهو بردو مش هسيب مايا الزفت دي تغري العيال وانا موجوده يعني..
________
نهى: سما.. امال فين نور..
سما: مش عارفه والله يامرات عمي..
فيروز: نور خرجت..
نهى: نعم!.. وخرجت لي ان شاء الله!..
فيروز: قالت هتقابل واحده صاحبتها..
نهى: ومين سمحلها تخرج!
فيروز: اناا.. وبعدين مش جريمه يعني.. خليها تغير جو شويه..
نهى: هو انا هفضل لحد امتى اقولك متدخليش بيني وبين ولادي.. ملكيش دعوه باي حاجه ولادي بيعملوها.. انا عارفه هربيهم ازاي.. خليكي ف نفسك لو سمحتي..
فيروز: نهى.. اتقي الله وروحي شوفي بتعملي اي
نهى: مش هحذرك تاني يافيروز..
فيروز: اي.. انتي محدش قادر عليكي لي.. هاكلهم انا ولا هاكلهم.. دانا بخاف عليهم اكتر منك.. ولا نسيتي!
نهى: لا منستش.. بس كمان احب افكرك ان جاك ونور ولادي انا.. مش ولادك.. ربي ولادك انتي وسيبيلي ولادي اربيهم انا..
فيروز: انتي مفيش فايده فيكي.. اوعي من وشي..
سابتها ودخلت والاتنين متعصبين ومش طايقين بعض...
____________
نور: انا همشي بقاا عشان اتاخرت..
سيف: ليه مالسه بدري..
نور: لا انا اتاخرت جامد وماما هتنفخني اصلا
سيف:طب هنتقابل تاني!
نور:ماشي هحاول.. سلام
سيف: سلام..
هي مشت وهو ابتسم ابتسامه خبيثه "قربت تقع يابن الدالي... وحياتك لاندمك ع اليوم اللي فكرت تلعب معايا فيه"...
__________
ف الشركه:
جاك: يعني جيتي!
جاكي: اسكت بقاا..
جاك: طب اقعدي ياختي.. وبعد كدا ملكيش دعوه بحد..
جاكي: وهو انا كنت عملت اي!.. ماهي اللي مهزءه..
محمد: ماتفهموني ياجماعه في اي!.. انتي اتخانقتي معاها قبل كدا!
جاكي: ايوا
محمد: ازاي! وتعرفيها منين اساسا
جاكي: رنت عليه بالليل وقال اي.. عايزه جوجتي..
محمد: اي!.. وانتي عرفتي منين!
جاكي: مانا اللي رديت عليها..
محمد: مش فاهم.. رديتي ازاي وهو فون جاك.. وبعدين بالليل ازاي وانا سايبك عشان تنامي..
كان بيسال باستغراب شديد وملامحه كلها جد وجاك اخد باله..
جاك: خلاص ياجماعه.. حصل خير.. وبالنسبه لمايا فانا بعتذرلك بالنيابه عنها.. اقفلي الموضوع بقاا..
"غمزلي عشان يوصلي ان محمد مينفعش يعرف وانا مكنتش عارفه ليه!...
جاكي: ماشي خلاص
جاك: محمد انت هتوصلها معاك ع الجامعه!
محمد: ايوا هاخدها معايا ونيجي مع بعض..
جاك: تخلي بالك منها كويس.. وتسيبك من السرمحه شويه لحد ماترجعها بخير..
محمد: متقلقش ف عينيا..
جاكي: اخلصوا بقاا انا عايزه امشي من هنا..
جاك: مش هتاكلي!
جاكي: لا مش عايزه..
فون محمد رن...
محمد: الو..
ـ.....
محمد: امتى دا!
ـ.....
محمد: طب انا جاي حالا..
قفل السكه وكان متوتر جامد..
جاك: في اي!
محمد: واحد صاحبي عمل حادثه.. بقولك اي انا لازم اروح دلوقتي حالا وانت ابقى روح جاكي.. سلام..
سابنا وطلع يجري...
جاكي: طب انا ممكن اخد تاكسي وانت كمل شغلك..
جاك: تاكسي اي!.. اقعدي هنا نص ساعه بس وهخلص ونمشي ع طول..
جاكي: نص ساعه!.. انا هقعد كل دا..
جاك: وراكي اي.. مانتي قاعده ف البيت..
جاكي:.. اووف لما نشوف اخرتها..
قعدت وهو قعد يكمل شغله ومكنتش لاقيه حاجه اعملها فطلعت موبايلي اقلب فيه شويه.. شويه وبصيت عليه كان مندمج جدا ف الشغل وملامحه كلها جد ومركز جامد بس حقيقي اي الجمال دا.. تبارك الخلاق ياخي والله.. عضلاته باينه بشكل ملحوظ وعروق ايده بارزه وبشرته الخمريه مع لمعة عينيه ونظراته الحاده وشعره اللي طاير...ورموشه الطويله والهدوء اللي ف ملامحه.. هو انا بحلم اجدعان!.. اي الجمدان دا!.. انا كنت بشوف دا ف الافلام بس.. مش زي محمود اللي شبه البرص دا...
شخصيته باينه جدا ع ملامحه القمر دي.. وكل شويه يلعب ف شعره اصل انا ناقصه اغراء المهزء..
فضلت قاعده مكاني والصمت سائد ومن حين لاخر ببص عليه من تحت لتحت عشان دا شئ لا يُقاوم..
شويه فوني رن فقومت اتكلمت جنب الشباك... قعدت شويه وبصيت عليه تاني.. لا لا ياجماعه اسكوزمي بقاا انا هروح ابوسه...كنت واقفه وبصاله بتناحه وبعض شفايفي وف وسط افكاري الانحرافيه دي لقيته بصلي بعنيه من تحت كدا وانا وديت عيني بعيد وحسيته ابتسم.. ايوا مانا اصلا مهزءه ولازم احط نفسي ف مواقف بايخه..
جاك: انا خلصت..
جاكي: طب سلام ياحبيبتي هكلمك بعدين..
جاكي: "باحراج".. احم تمام يلا..
بصلي وابتسم وخرج من غير ولا كلمه...
خرجت وراه وانا عماله اكلم نفسي..
جاك: مش محتاجه كل دا..
جاكي: هاا
جاك: هواا.. اركبي..
ركبت وطلع وشغل اغاني انجلش... ايوا ماهو امريكاني بقاا وهيعيش الدور...
____________
ف الفيلا..
نهى: كنتي فين!
نور: كنت.. ف ف
نهى مشت عليها ومسكتها من شعرها..
نهى: كنتي فين بقولك.. هاا.. ومين سمحلك تخرجي
نور: اااااه.. شعري.. ياماما شعري اوعي بقااا
هند: خلاص يامرات عمي مش كدا..
نهى: كنتي فين قولت!
نور: كنت مع واحده صاحبتي..
نهى: وقافله تليفونك ليه!
نور: فصل مني.. اوعي بقاا..
سابتها وطلعت تجري ع اوضتها تعيط...
عمو احمد دخل..
عمو احمد: انتي فاكره انك كدا بتربيهم!.. انتي كدا بتزرعي الكره جواهم.. وهو اصلا مزروع من زمان..
نهى: انا حره ياحمد... ولادي وانا حره فيهم.. وبعدين لو كان حد زرع حاجه جواهم فهو انتوا..
فيروز: واحنا هنزرع الكره جواهم ليه ياختي!.. بينا وبينك اي ياختي!
نهى: الله اعلم بقاا..
عمو احمد: نهى.. مش عايز رغي كتير...انا مش ناقصك انتي كمان.. ولادك عندك اهم.. اياك تولعي فيهم.. جاتكوا القرف..
__________
ف العربيه..
كنت قاعده محرجه جدا وببص عليه من تحت لتحت كدا.. كنت مندمجه مع افكاري.."طب هو ممكن يفكر ف اي!.. احسن يفكرني سهله ويخطفني ويعمل فيا حاجه.. ايوا هوا باين عليه باد بوي قمر اصلا بفتحة القميص دي..
بصيت عليه لقيته بيحاول يداري وشه ويبتسم.. احييييه بقى شكلي بطيخ قدامه...
لقيته وقف العربيه ونزل وقف قدام البحر..
نزلت وراه.. ايوا مانا قولت انه ناوي يعمل فيا حاجه.. وكلمته بكل غباء..
جاكي: هو انت هتخطفني!
جاك: اي!
جاكي: وقفت هنا ليه!
جاك: مستعجله ع البيت ليه!.. اقعدي شويه ف الهوا دا..
قعد ع كبوت العربيه وانا طلعت قعدت جنبه..
قعدنا ساكتين شويه وبعدين الاخ اتكلم..
جاك: عامله ايه!
جاكي: مين
ضحك بصوت وانا تنحتله كدا.. اللي هو انت عايز تاخد اي تاني يعني!.. مش كفايه قلبي اللي واخده دا!..
جاك: عارفه!.. مبضحكش غير معاكي.
جاكي: ليه!
جاك: مش عارف.. بس يمكن عشان غبيه شويه..
ضربته ف كتفه..
جاكي: ماتحترم نفسك..
جاك: "بضحك".. خلاص خلاص بهزر معاكي.. تحبي تشربي حاجه!
جاكي: لا
جاك: طب خليكي هنا ثواني وانا جاي.. متتحركيش من هنا..
سابني ومشي وغاب شويه وبعدين رجع..
جاك: اتفضلي..
جاكي: اي دا!
جاك: عصير ياجاكي.. هيكون اي!
جاكي: مانا قولتلك مش عايزه حاجه..
جاك: ماتمسكي ياشيخه بقاا..
قعدنا نشرب العصير قدام البحر والهوا تحفه واحنا ساكتين..
جاكي: انا اسفه..
جاك: ع اي!
جاكي: عشان قولتلك قبل كدا انك حد مش محترم..
جاك: بس انتي مقولتيش كدا..
جاكي: لا قولت..
جاك: لا مقولتيش كدا.. انتي قولتي ان انا متعجرف وشايف نفسي وتنك وحقير ومتربتش..
جاكي: احم.. سوري..
جاك: لا عادي..
جاكي: يعني مش زعلان!
جاك: اممم يعني..
جاكي: ااه.. طب اعمل اي عشان تسامحني يعم..
بعد تفكير عميق...
جاك: هتعملي اللي هقول عليه!
جاكي: ايوا..
جاك: انزلي اقلعي الكوتش ولفي عشر مرات حوالين العربيه وقولي انا مهزءه..
جاكي: نعم!!!!!!!!!
جاك: وتقدري ترفضي عادي خالص..
جاكي: انت بتهزر!.. طب شوف حاجه غير كدا..
جاك: لا هو دا..
جاكي: لا مش هعمل كدا طبعا.. الناس دي هتقول عليا اي!
جاك: براحتك...
_________
محمد: طمني يادكتور..
الدكتور: اتطمنوا جت سليمه.. شويه كسور كدا..
منه: يعني هو كويس يادكتور!
الدكتور: كويس انها جت ع كسور وجروح بس.. الحمد لله ع كدا..
محمد: طب احنا عايزين ندخل عنده..
الدكتور: شويه بس يكون فاق... عن اذنكم
محمد رجع قعد مكانه ومنه قعدت جنبه..
منه: عامل اي!
محمد: كويس..
منه: مالك!
محمد: مالي!.. اظن انتي شايفه احنا ف اي دلوقتي..
منه: لا يامحمد انت كدا من فتره كبيره.. مش دلوقتي بس.. ممكن افهم في اي!
محمد: في اي ف ايه!
منه: متغير معايا ليه!
محمد: عادي يعني..
منه: لا مش عادي يامحمد... في حاجه غيرتك من ناحيتي كدا..
محمد: يابنتي والله مافي حاجه.. وانتي لسه صاحبتي واختي زي الاول..
منه: "بزعل".. اختك!
محمد: ايوا يامنه.. اختي..
منه: تمام قوي يامحمد..
__________
جاكي: انا مهزءه... انا مهزءه.. انا مهزءه...
كنت بلف حوالين العربيه وبقول كدا وحضرته قاعد يضحك...
جاك: خمسه.... سته.. برافوو.. يلا فين النشاط!
جاكي: اخرس بقاااا... والله انك عيل براس بخاخه صحيح..
جاك: كملي والا هعيد من الاول..
جاكي: لا خلاص..
فضلت اعمل الهبل دا لحد ماخلصت.. وقفت قدامه وانا بنهج...
جاك: اقعدي اقعدي..
جاكي: مسمعش صوتك لحد مانروح... احيييه.. شايف الناس بتبصلي ازاي..
جاك: "بضحك".. وهو في حد عاقل يعمل كدا!... مانتي مهزءه فعلا..
جاكي: والله انت عيل رخم يجدع..
جاك: عيل!!
جاكي: ايوا عيل وستين عيل كمان...بس مش مهم... المهم اتراضيت ياعم!
جاك: لا مش قوي..
جاكي: نعم ياخويا!!!!
جاك: خلاص بهزر.. اتراضيت ياست..
جاكي: اشطا..
جاك: تحبي نتمشى شويه!
جاكي: هيا بنا...
جاك: يلا ياست..
قعدنا نتمشى ع البحر واحنا ساكتين...
كان في مركب كبيره ف البحر بس شكلها جميل خالص.. وكنت مركزه معاها..
جاك: عاجباكي!
جاكي: هي اي!
جاك: المركب..
جاكي: ااه حلوه..
جاك: تحبي تركبي!
جاكي: اركب فين!
جاك: المركب ياجاكي.. هتركبي فين يعني..
جاكي: لا يعم مش عايزه..
جاك: لا تعالي..
مسك ايدي ومشي وانا مصدومه.. اي دااا هو ماسك ايدي!!!!...
راح عند واحد كدا وانا وقفت بعيد شويه وقعد يرغي معاه وبعدين جه..
جاك: بصي ثواني وهرجعلك..
جاكي: انت رايح فين!
طلع يجري ناحية العربيه وسايبني لوحدي المهزء...
شويه ورجع ومعاه حاجات كتير..
جاكي: اي دا!
جاك: تعالي بس..
روحنا عند المركب..
جاك: اركبي..
جاكي: اي دا لا... انا فكرتك بتهزر..
جاك: وانا ههزر معاكي لي!.. انتي هتصاحبيني!.. اطلعي واخلصي..
هو ماله الاخ دا!.. هو عنده انفصام شخصيه مثلا او حاجه!!.. بس قمر بردوو..
ركبت وهو ركب والمركب طلعت بينا...
اي دا احيييه.. انا وواحد مز وف مركب واحده وف البحر!.. الله اكبر دانا امي دعيالي والله...
جاك: نفسك ف اي كمان!
جاكي: انا كنت بتكلم معاك عادي.. مكنتش عايزاك تعمل كدا..
جاك: واي المشكله!.. مانا كمان من زمان مجتش البحر اصلا...
جاكي: شكرا..
جاك: استمتعي بقاا بالمنظر دا وبطلي رغي...
طلعنا ع المركب من فوق وهو قعد بعيد وسرح وانا الصراحه مفيش حاجه لفتت نظري غيره...
ع الرغم من انه متعجرف شويه وشايف نفسه وعنده انفصام شخصيه رهيب بس قمر ودمه خفيف والله... سرحت ف تفاصيله وكإني بشوفه لاول مره.. معرفش مر قد اي بس انا مكنتش حاسه بحاجه....
فوقت ع صوته..
جاك: جاكي تعالي بسرعه.. جاكي..
جاكي: اي..
جاك: تعالي..
روحت وقفت جنبه..
جاك: شوفي...
جاكي: فين! مش شايفه حاجه
جاك: القروش دي.. اي اتعميتي!..
جاكي: اي دا الله.. ااي دا احيه.. احنا ف منطقة قروش!!!!
جاك: الله ولا احييه..
جاكي: الاتنين.. بس رجعنا ياعم..
جاك: انتي بتخافي!
جاكي: دي قروش..
جاك: يعني هي هتنط تاكلك من هنا!
جاكي: بردو يعم..
جاك: طب اسكتي اسكتي.. انا غلطان اني ناديت عليكي اصلا...
فوني رن فبصيت لقيته ادم.. روحت بعيد شويه ورديت..
جاكي: الو
ادم: الو جاكي.. عامله اي!
جاكي: انا كويسه الحمد لله.. انت اي اخبارك..
ادم: الحمد لله بخير...
جاكي: وطنط عامله اي!
ادم: كويسه.. بتسلم عليكي..
جاكي: سلملي عليها كتير والنبي.. وسلملي ع منه كمان..
ادم: حاضر يوصل...
جاكي: انا اسفه ع الطريقه اللي جاك اتكلم بيها.. بس هو عصبي شويه..
ادم: لا لا عادي.. انا متفهم دا جدا..
قعدنا نتكلم شويه وبعدين قفلت.. بصيت ورايا لقيته لف وشه ومربع ايده وباصصلي..
روحت وقفت جنبه وانا ساكته عشان عارفه انه ممكن يرميني ف المايه دي...
سكت شويه وبعدين كلمته..
جاكي: كان بيتطمن عليا..
جاك: وانا مسالتكيش..
جاكي: بس انت شكلك اتضايقت..
جاك: وانا هتضايق ليه!.. دي حياتك وانتي حره فيها.. انا اصلا اسف اني كنت بتدخل ف الاول.. معرفش اتدخلت ليه!
كلامه ضايقني نوعا ما ومعرفش ليه.. يمكن كنت ببقا مبسوطه وهو غيران منه..
جاك: عندك حاجات ف الشنطه دي روحي كلي..
حسيت ان الموقف رخم فروحت جبت شوية حاجات ورجعتله..
جاكي: اتفضل..
جاك: مش عايز..
جاكي: مش هاكل من غيرك..
جاك: هاتي...
قعد ياكل وبالله الواد قمر ياخواتي...
جاكي: "بابتسامة".. شكلك حلو وانت متضايق..
جاك: نعم!
جاكي: حلووو... اي محدش قالك انك حلو قبل كدا!
جاك: لا قالولي كتير..
جاكي: عادي انا احلى..
جاك: والله!.. دا بامارة اي بقااا!
جاكي: من غير اماره.. انا قمر ف كل حالاتي..
جاك: انتي مش قمر انتي شرشوحه..
جاكي: اي!... انا شرشوحه!!!!
جاك: اهااا
بصيت حواليا لقيت قزايز مايه روحت فتحتها...
جاك: لو المايه جت عليا هرميكي من هنا..
جاكي: انا شرشوحه صح!.. طب اهو ياجاك...
مسكت القزازه وكبيتها ع دماغه وهو ثابت ومغمض عينه...
جاكي: اهو وريني بقاا هتعمل اي!... قام وقف وقرب مني وانا رجعت...
جاك: انتي قد اللي انتي عملتيه دا!!
جاكي: ايوا...
راح مسك قزايز المايه التانيه ورشها عليا...
جاك: طب اهووو... والله لولا ان في قروش هنا كنت رميتك..
جاكي: بس بقاا.. كفايه يخربيتك.. هروح ازاي كدا!
جاك: وانا هروح ازاي كدا!
جاكي: بس انا مرشتش الكميه دي!
جاك: البادي اظلم..
جاكي: بس..
ـ استهدوا بالله ياجماعه مش كدا...
بصينا لقينا عمو اللي بيسوق المركب واقف وعمال يضحك علينا...
جاك: عاجبك كدا!
جاكي: مانت اللي مهزء يابني..
جاك: يابت اتلمي بقاا..
سيبته وروحت قعدت بعيد وهو فضل باصصلي..
جاكي: اي.. عاجباك!
جاك: ايوا..
ركن ضهره وبعدين كمل كلامه..
جاك: كنت مفكر ان جمالك دا ميكب او حاجه.. بس طلع رباني..
جاكي: ايون انا عارفه اني قمر اصلا...
بصيت قدامي وسرحت...
جاكي: كنت شبه ماما... نفس الملامح.. نفس الطبع
جه قعد جنبي...
جاك: خير ان شاء الله..
جاكي: دورتلي عليها!
جاك: بدور.. والله بعمل المستحيل عشان الاقيها..
عشان عارف ان دا هيفرق معاكي وهيبسطك..
بصيت ف الارض ودموعي نزلت...
جاك: طب وليه الدموع بقاا...
طلع منديل ورفع وشي ومسح دموعي...
جاك: بطلي عياط.. انتي مش صغيره.. انتي شحطه كبيره اهو.. مش كل شويه هتعيطي وامسحلك دموعك.. دا استغلال ع فكره...
بصتله بغلب...
جاك: هترجع.. صدقيني هترجع..
ـ سبحان مغير الاحوال..
بصينا لقيناه هو بردو..
فضحكنا احنا الاتنين..
جاكي: ممكن اسالك سؤال!
جاك: اسالي..
جاكي: هو انت ليه بتتظاهر بعكس اللي جواك..
جاك: مش فاهم..
جاكي: يعني بتتظاهر بانك قاسي وانت مش كدا.. بتتظاهر انك جد ورخم ومعندكش قلب أحيانا يعني.. وانت حنين..
جاك: مين دا اللي حنين!
جاكي: انت..
جاك: "بهزار".. عشان مسحتلك دموعك ياختي وكدا.. لا خدي المنديل اهو وامسحي لنفسك.. انتي هتطلعي عليا سمعه!..
سابني وقام وقف مكانه وانا قومت وراه..
جاكي: لا مش عشان مسحت دموعي.. عشان انت جواك حنيه فعلا.. جواك حاجه كويسه..
جاك: لا بيتهيقلك..
جاكي: تؤتؤ.. دي حقيقه..
جاك: صدقيني انا حد مش كويس اطلاقا.. وفيا كل الصفات الوحشه.. وبُعدك عني راحه ليكي..
جاكي: لا انت كويس.. انت بس يمكن...
جاك: خلاص.. اقفلي.. ويلا عشان نرجع..
لف بينا ياريس لو سمحت..
________
محمد: عامل اي دلوقتي!
اسلام: الحمد لله..
منه: حمدلله ع سلامتك.. الحمد لله انها جت ع قد كدا..
ف الوقت دا اهله دخلوا وهما مرعوبين عليه..
مامته:"بعياط" اسلام حبيبي... اي اللي حصل..
اسلام: اهدي ياماما انا كويس...
والده: اي يابني اللي حصل..
اسلام: العربيه اتقلبت..
والده: يادي العربيات وسنينها.. مش بناخد منها غير وجع القلب..
محمد: مش وقته ياعمي.. هو تعبان دلوقتي..
والده: طب طمني يابني الدكتور قال اي!
محمد: لا اتطمن هو قال شوية كسور وهيبقى كويس مع الوقت...
مامته: "بعياط"... ياحبيبي يابني.. حرام عليك توجع قلبي عليك كدا.. دانا مليش غيرك..
محمد كان بيبصلها بزعل...
محمد: طب انا هنزل اشوف الدكتور وهرجع تاني...
محمد خرج وحاول يسيطر ع نفسه... طلع بره المستشفى خالص ووقف بعيد...
_____
جاك: يلا...
نزلنا من المركب وروحنا العربيه وطلعنا ع البيت...
فيروز: كنتوا فين كل دا!! قلقتيني عليكي..
جاك: متقلقيش.. كانت معايا..
نهى: وكانت معاك بتعمل اي ان شاء الله!
جاك: فيروز.. انا طالع اوضتي...
نهى: انا مش بكلمك!.. ازاي تمشي ومتردش عليا!
جاك: نعم!
نهى: كنتوا فين!
جاك: وهيفرق معاكي ف اي!
نهى: جاوب ع قد السؤال..
جاك: كنت ف الشغل..
نهى: وهي كانت معاك بتعمل اي!
جاك: مكانتش معايا... كانت مع محمد وهو راح مشوار وانا رجعتها... اي اسئله تانيه!
نهى: ومالكوا مبلولين ليه!.. كانت بتمطر ولا حاجه!
جاك: ايوا.. كانت بتمطر.. عن اذنك..
سابها وطلع اوضته
فيروز: هدومك مبلوله ليه يابنتي!
نهى: قوليلي كنتوا فين!
جاكي: كنت معاه ف الشغل..
نهى: وايه المايه دي!
فيروز: اطلعي يابنتي ع اوضتك.. مش هتخلصي النهارده..
جاكي: عن اذنكم...
سيبتهم وطلعت اوضتي وغيرت هدومي.. واليوم عدى والاجواء متوتره ف البيت وكل واحد ف اوضته... اتوضيت وصليت وكنت لسه هنام عشان جامعتي الصبح وفجأه الباب خبط...
قومت فتحت وطلعت فيروز...
جاكي: في حاجه!
فيروز: كنت عايزاكي ف كلمتين يابنتي..
جاكي: اه طبعا اتفضلي..
دخلت وقعدنا...
فيروز: بصي بقاا.. بالنسبة لنهى، فانتي لازم تتجنبيها خالص ع قد ماتقدري.. دي ست مفتريه يابنتي وانتي مش قدها.. ولو سالتك ع اي حاجه تخصك هتقوليلها انك قريبتي من القاهره وقاعده معانا شويه عشان اهلك مسافرين..
جاكي: طب وانا ليه اكدب عليها!
فيروز: دي مش هتسيبك ف حالك.. هتقعد تسال وتستفسر دا غير انها غلاويه والله اعلم ممكن تعمل اي.. دا غير ان اللي حصل مينفعش حد غيرنا يعرفه.. ماشي!
جاكي: ماشي.. بس انا مينفعش اطول هنا يافيروز.. دا مش بيتي..
فيروز: لا ياحبيبتي انتي بنتي.. متقوليش كدا.. هند وسما ونور اخواتك ومتعودين عليكي وبيحبوكي.. وانتي بقيتي واحده مننا خلاص..
جاكي: ايوا يافيروز بس حقيقي مينفعش..
فيروز: كنت اقولك ايوا مينفعش لو كان عندك حته تروحيها.. لكن انتي معندكيش يابنتي.. عايزاني اسيبك ف الشوارع كدا!.. والله اعلم الحيوان دا ممكن يعمل فيكي اي!..
خليكي معانا هنا لحد مانشوف القدر مخبيلك اي...
جاكي: حاضر..
فيروز: خدي خلي دول معاكي..
جاكي: اي دا..
فيروز: فلوس ياحبيبتي عشان لو احتاجتي حاجه..
جاكي: لا يافيروز مش هقدر اخدهم.. كفايه قووي كدا..
فيروز: دي مش مني.. دي من ابوكي..
جاكي: اي!
فيروز: ابوكي كان شايل معايا فلوس قبل مايحصل اللي حصل دا.. عشان يعني لو احتاجتي حاجه تقوليلي انا ع طول.. اتطمني دي فلوسك انتي..
جاكي: ايوا بس دا كتير قووي..
فيروز: ولسه في تاني... شيلي دول معاكي عشان لو احتاجتي حاجه يبقى معاكي ياحبيبتي.. ولما يخلصوا ابقى اديكي الباقي..
جاكي: انا مش عارفه اقولك اي!
فيروز: متقوليش حاجه ياحبيبتي.. يلا ارتاحي بقاا عشان تعرفي تصحي بدري..
جاكي: ماشي.. تصبحي ع خير...
خرجت وقفلت الباب وقعدت ابص للفلوس دي وانا عارفه ومتاكده ان دي فلوس منها هي مش من بابا.. بس هي قالت كدا عشان ارضى اخدهم...
ظبطت المنبه ونمت.......
صحيت تاني يوم كانت الساعه ٦.. قومت اتوضيت وصليت ونزلت...
جاكي: صباح الخير..
فيروز: صباح العسل.. كنت لسه طالعه اصحيكي..
جاكي: امال فين البنات!
فيروز: لسه نايمين.. مش راضيين يصحوا.. معلش روحيلهم انتي يمكن يصحوا معاكي..
جاكي: اشطا..
طلعت عندهم وفضلت اخبط عليهم لحد ماصحيوا..
هند:اي بتخبطي كدا ليه!
جاكي:بقالي ساعه بخبط..اي كل دا
هند:خلاص صحينا..
جاكي:طب اخلصوا عشان متتأخروش..
هند: طب روحي شوفي محمد عشان دا مش هيصحى غير بالطبل البلدي..
جاكي: ماشي ياختي.. اخلصوا انتوا بس وانزلوا...
سيبتهم وروحت عند محمد وفضلت اخبط جامد وهو ولا هو هنا... قعدت كدا شويه لحد مافتح..
جاكي: اخيرا يااستا... احييييه..
لفيت وشي ع طول لانه كالعاده قالع...
جاكي: هو انت مبتلبسش ابدا!
محمد: سوري مكنتش اعرف ان انتي...صباح الخير..
جاكي: صباح النور.. يلا عشان متتاخرش..
محمد: حاضر..
سيبته ونزلت وكانوا البنات نزلوا...
فيروز: يلا اقعدوا افطروا عشان تلحقوا تلبسوا..
قعدنا ومحمد نزل...
محمد: صباح الخير يااجمل بنات ف الدنيا...
الكل: صباح النور..
فيروز: امال جاك فين!
جاك: انا هنا اهو..
فيروز: طب كويس انك صحيت.. تعالى افطر بالمره..
قعدنا فطرنا وخلصنا وبعدين كل واحد طلع يلبس...
لبست بلوزه وبنطلون وعليه جاكيت وظبطت نفسي ونزلت لقيت محمد ف العربيه...
جاكي: هااي مان..
بصلي وتنح..
جاكي: اي!
محمد: اي اللي انتي لابساه دا!
جاكي: ايه!
محمد: هو انتي بتلبسي بناطيل!
جاكي: ايوا.. ماهو مش ضيق اهو..
محمد: عارف انه مش ضيق.. بس لو دريس كان هيبقى افضل...
جاكي: محمد خلصني بالله عليك انا اصلا متوتره لوحدي..
جاك والبنات خرجوا..
محمد: انا هوصل جاكي ف طريقي وانتوا روحوا مع جاك...
جاك كان باصصلي بطريقه غريبه وعمال يبص ع لبسي وساكت..
ركبنا ومشينا...
محمد: مالك متوتره كدا ليه!
جاكي: مش عارفه بس.. هبقى لوحدي هناك..
محمد: لا متقلقيش... خليكي جامده كدا ومتتهزيش.. وانا مش هتاخر عليكي... بس متتكلميش مع حد.. ولو حد حاول يضايق تعرفيني ع طول.. مفهوم!
جاكي: مفهوم..
محمد: يلا وصلنا...
نزلت وانا قلبي بيدق جامد...
محمد: محتاجه حاجه!
جاكي: لا تمام... يلا سلام..
محمد: سلام..
سابني وراح جامعته وانا دخلت وقعدت ف مكان معزول كدا شويه عشان كان في ناس كتير جدا...
_________
جاك: يلا يابنات... محتاجين حاجه!
هند: لا ياروحي سلامتك...
جاك: خلوا بالكوا من نفسكوا..
نور: ماشي.. يلا سلام..
جاك: سلام...
نزلوا وهو راح الشركه....
________
دخلت قعدت وكنت متوتره شويه فطلعت المصحف وقعدت اقرا قران...
ـ قاعده لوحدك ليه!
رفعت وشي بسرعه واتصدمت...
جاكي: انت!!!!!