رواية قلبي ليس بيدي
الفصل السابع والعشرون والثامن والعشرون
بقلم حسناء رمضان
Part 27: 👀♥
*أنا اتوب عن حُبَك انا!...انا ليا ف بُعدَك هَنا!*♥🕊
جاكي: جاااك...
اول مادخلت لقيت واحد بيحاول يخنق بابا واول مازعقت ضربني ع دماغي وطلع يجري وانا اغمى عليا...
جاك سمع صوتي وجه يجري لقاني مرميه ع الارض..
فوقت لقيته جنبي هو محمد...
جاك: انتي كويسه!
جاكي بخضه: جاك بابا..
جاك: اتطمني.. باباكي كويس.. قولي اي اللي حصل
جاكي بعياط: كان في واحد بيحاول يقتله..
جاك: طب اهدي خلاص.. طب شوفتيه ولا عرفتي هو مين!
جاكي: معرفش معرفش.. انا عايزه اشوف بابا..
سيبته وقمت روحتله وهما جم ورايا...
دخلت لقيته مفاقش..
جاكي: هو مصحيش ليه!!
جاك: اهدي.. الدكتوراوه مهدأ عشان ميتعبش بعد اللي حصل..
جاكي بعياط: طب هيفوق امتى!
جاك: هيفوق والله.. اهدي انتي بس.. حاولي تفتكري مين الشخص دا عشان نبلغ البوليس..
جاكي: معرفش.. واحد طويل كدا واسمر ومعندوش شعر.. بس ملحقتش اشوف حاجه تاني..
جاك: خلاص تمام انا هتصرف.. محمد تعالى معايا...
خرج هو ومحمد وانا قعدت جنب بابا اعيط...
جاك: روح شوف الكاميرات اللي هنا ولو وصلت لحاجه بلغني بسرعه..
محمد: ماشي..
شويه وفيروز وعمي وصلوا..
فيروز: فين جاكي يابني!
جاك: جوه معاه..
عمو احمد: طب هو عامل اي دلوقتي!
جاك: كويس.. تعالوا..
فيروز: اهدي ياحبيبتي ماهو بقاا كويس خلاص...
عمو احمد: يعني الدكتور قالك انه بقاا كويس!
جاك: هو في حد حاول يقتله..
فيروز: يالهوي.. اي اللي بتقوله دا..
عمو احمد: ازاي دا يحصل!.. وانت كنت فين!
جاك: اهدوا بقاا ياجماعه.. الحمد لله لحقناه قبل مايعمل حاجه..
عمو احمد: احنا لازم ناخده عندنا البيت.. مينفعش يفضل هنا..
جاك: ايوا انا شايف كدا بردو.. خليكوا معاها وانا هروح اشوف الدكتور...
___________
جاك: بعد اللي حصل دا يادكتور مينفعش يقعد هنا..
الدكتور: هو حالته مش كويسه لدرجة انه يخرج.. لازم رعايه..
جاك: هنهتم بيه ف البيت كويس.. وكمان نجيب ممرضات معاه.. وممكن حضرتك تيجي تشرف عليه هناك..
الدكتور: اذا كان كدا ماشي.. بس دا محتاج رعايه واهتمام تام..
جاك: تمام يادكتور..
جاك خلص مع الدكتور ومحمد رجع وطلعوا...
عمو احمد: قالكوا اي!
جاك: تمام وافق انه يخرج..
بَص لقاني حاضناه ودموعي نازله وساكته..
جاك: وكمان عشان جاكي ترتاح ف البيت اكتر... جاكي!.. جاكي!.. خلاص مفيش حاجه.. كفايه عياط..
محمد: جاك عايزك...
خرجوا مع بعض..
محمد: انا راجعت الكاميرات..
جاك: وعملت اي!
محمد: وصلت لدا....
________________
سما: يعني احنا هنفضل قاعدين كدا ياهند!
هند: في ايدينا اي نعمله!
سما: ماتيجي نروحلهم..
هند: ايوا عشان جاك يفرج علينا المستشفى كلها..
نور: طب رنوا حتى عشان نتطمن..
نهى: ماتفهموني اي الحكايه!.. ومين الراجل دا!
هند:دا ابو جاكي..
نهى: ومش قولتوا انه مسافر!
هند: لما جاك ييجي ابقي افهمي منه..
نهى: ع اساس انه هيكلمني ولا يقولي حاجه..
سما: خلاص يامرات عمي نبقى نفهمك بعدين... انا هرن ع جاك اشوف اي اللي حصل...
طلعت الفون ورنت عليه...
سما: مش بيرد...
هند: رني تاني..
سما: الو جاك..
جاك:......
سما: يعني جايين!
جاك:......
سما: حاضر ماشي.. طب..
لسه مكملتش وهو قفل...
سما: اووف.. قفل كالعاده..
هند: قالك اي!
سما: بيقول جهزوا اوضه لعمي بسرعه عشان هما ف الطريق.. وكمان نعمل اكل..
هند: يعني هو جاي معاهم!
سما: تقريبا كدا...
هند: طب يلا قولي لعطيات تعمل الاكل ويلا نطلع نظبط الدنيا..
_______
استنينا لحد الليل يكون فاق ونقلناه ورجعنا... نقلوه فوق وانا فضلت معاه ومسبتوش لحظه....
جاكي: بابا انت كويس!
بابا بتعب: كويس الحمد لله..
جاكي بعياط: اي اللي حصل يابابا.. وعملوا فيك كدا ليه!
بصلي ودموعه نزلت لوحدها.. قومت قعدت قدامه ع السرير ومسحتله دموعه..
بابا: انا اسف يابنتي.. حقك عليا
جاكي: لا متتأسفش يابابا.. انا مش زعلانه منك خالص والله..
بابا: انا عارف اني مهما عملت مش هعرف اخليكي تسامحيني.. ودا حقك..
جاكي: مسامحاك والله ومش زعلانه منك..
جاك: جاكي كفايه كدا وسيبيه يرتاح...
جاكي: لا طبعا مش هسيبه..
جاك: اسمعي الكلام.. هو محتاج يرتاح عشان ميتعبش ياجاكي..
فيروز: هو معاه حق يابنتي.. سيبيه باين عليه تعبان.. تعالي بس معايا عشان متتعبيش..
طلعت معاهم وروحت اوضتي ولقيت في ممرضات وصلوا ودخلوا عنده..
جاكي: جاك اي دا!
جاك: دول هيخلوا بالهم من باباكي عشان يبقاا كإنه ف المستشفى..
جاكي: انت مش قولتلي انه بقاا كويس!
جاك: ااه.. ايوا هو كويس..بس محتاج شوية اهتمام كمان..
فيروز: انا هنزل ياحبيبتي اجيبلك تاكلي..
جاكي: لا مش عايزه..
جاك: روحي هاتي الاكل يافيروز..
فيروز طلعت وهو قعد قدامي ع السرير...
جاك: بصي بقاا.. باباكي محتاج يرتاح شويه.. وحالتك دي هتخليه يتعب اكتر.. لازم تسندي نفسك كدا وتبقي كويسه قدامه عشان ميتعبش.. دا غير ان دا هيحسن من حالته النفسيه اكتر.. فبلاش عياط بقاا.. هو بقاا كويس والدنيا حلوه..
جاكي: ومحمود!
جاك: متقلقيش.. انا بلغت البوليس باللي حصل وبيدوروا عليه.. وقريب هيبقى ف السجن ونرتاح منه.. دا غير اني خليت رجاله تدور عليه فلو انا وصلتله الاول هخلص عليه...
جاكي: هو محمد فين!
جاك: بتسالي عليه ليه!
جاكي: عادي اصله مختفي..
جاك: انا قولتله ع كام حاجه كدا فراح يعملهم..
جاكي: تمام..
قام وقف وقعد يتمشى ف الاوضه...وشويه ولقيته وقف وبص ع حاجه وفضل متنح مده كدا وملامحه اتغيرت....
جاك: بتعرفي ترسمي...
جاكي: ايوا يعني..
مسك الرسمه ف ايده وقرب مني..
جاك: راسمه محمد كإنها صوره مش رسمه.. واضح انك كنتي منسجمه معاها...
جاكي: لا عادي يعني..
فيروز طلعت بالاكل..
فيروز: يلا ياقمر بقاا كُلي.. وانت ياجاك كل معاها انت مكلتش حاجه..
جاك: لا انا مش جعان.. خليها هي تاكل..
جاكي: انا مليش نفس..
فيروز: لا مينفعش.. يلا كلي..
بدات اكل وهند ندهت عليها فسابتني ونزلت وجاك كان واقف وساند ع الشباك وباصص منه ومربع ايده...
كنت باكل ومركزه معاه وباين عليه انه حزين.. ملامحه كلها اتغيرت.. بدل الجد اتقلبت حزن.. كملت اكل لحد ماخلصت وهو لسه واقف...
جاكي: جاك!
كان سرحان ومسمعنيش...
جاكي: جاااك!
جاك: هاا نعم!
بصلي وعنيه مليانه دموع وحزن معرفش ليه..
جاكي: مالك!
جاك: مالي!
جاكي: شكلك زعلان..
جاك: لا متشغليش بالك.. كملي اكلك..
جاكي: لا انا خلصت..
جاك: طب تعالي اقعدي ف البلاكونه احسن من هنا...
جاكي: ماشي تمام..
دخل البلاكونه وبصلي باستغراب..
جاكي: اي!
جاك: اي دا!
جاكي: ايوا مانا مبحبش قعدة الكراسي دي فحبيت اعمل حاجه ع الارض احسن.. بس طبعا تقدر تشيلها عادي..
جاك: لا دي جميله جدا... تسمحيلي اقعد..
جاكي: ااه طبعا..
قعد وسند ضهره ع الحيطه وانا قعدت جنبه وبصينا للسما...
___________
عمو احمد: يابنات التزموا الصمت والهدوء لو سمحتوا عشان عمكوا يرتاح..
هند: حاضر يابابا..
فيروز: طب انا هطلعله بالاكل دا وانت تعالى عشان اكيد هيعافر ومش هيرضى ياكل..
عمو احمد: ماشي يلا...
طلعوا وسابوا البنات ف المطبخ...
سما: ياجماعه الحوار بوخ قووي.. افرض جاكي حصلها حاجه..
نور: وانا كمان خايفه عليها من الواد دا..
هند: بس يابنات بقاا.. لما نشوف الدنيا هتمشي ازاي..
_________
كنا قاعدين والصمت سائد...
جاك: ممكن اسالك سؤال!
كان بيكلمني بنفس نظرة الحزن وهو باصص للسما..
جاك: هو انتي ومحمد قربتوا من بعض ليه!
جاكي: يعني اي!
جاك: يعني ارتاحتيله ازاي... اللي عرفته عنك انك انطوائيه وكلامك قليل ومبتعرفيش تتعرفي ع حد... ازاي محمد بقاا اقرب حد هنا ليكي.. حتى اقرب من البنات..
جاكي: مش عارفه.. بس يمكن عشان هو كويس وطيب وفيه صفات حلوه كتير..دا غير ان هو اللي كان دايما بيبدا كلام وبقينا صحاب.. عشان هو يتحب..
بَص ف عيني شويه وبعدين رجع بص للسما تاني..
جاك: اي الصفات الحلوه اللي فيه!
جاكي: طيب وحنين ومتواضع و.. وبسيط.. وصاحب جدع..
جاك بشرود: يابخته.. كان نفسي يبقا عندي نص حظه..
جاكي باستغراب: واي اللي عنده مش عندك!..
جاك: كل حاجه.. ع الاقل قلبه مرتاح..
جاكي: وانت قلبك مش مرتاح ليه!
بصلي وعنيه فيها دموع بيحاول يداريها..
جاك: عارفه احساس الرفض!.. انا مبحسش غيره..
جاكي: رفض ليه!.. بالعكس مفيش الكلام دا.. انت حد ناجح وكويس واهلك معاك وبيحبوك.. مفيش رفض ف الموضوع..
ابتسم بغُلب ورجع بص للسما تاني..
جاكي: احم.. لو حابب تتكلم اتكلم..
حسيته موجوع وبيحاول يسيطر ع نفسه وبيبلع ريقه بوجع..
جاك: كل دا ملوش لازمه... ابويا وامي رفضوني.. رفضوني من وانا صغير..
ومن ساعتها والشعور دا ملازمني..
جاكي: هي ممكن تكون مامتك صعبه شويه.. بس اكيد ف الاول والاخر بتحبك يعني.. دي مامتك..
جاك: عارفه!.. مره وانا صغير كسرت قلم.. فتحت دماغي.. خبطت دماغي ف الحيطه ودماغي اتفتحت..
كنت كل مااعمل اي حاجه واقولها شوفي ياماما عملت اي، تزقني بعيد وكإني مش موجود..
ف مره كان في حفله ف المدرسه ومسرحيه وانا كان ليا دور فيها والمفروض ان كل واحد اهله يكونوا معاه او ع الاقل امه.. قولت لبابا، قالي مش فاضي.. قولت خلاص مش مشكله اخد ماما.. قولتلها قالتلي اقعد هي مش ناقصه قرف.. انا مش فاضيالك.. روحت لوحدي.. كان كل ماحد من زمايلي يعمل حاجه، اهله هيسقفوله جامد ويفضلوا يشجعوه.. وانا كنت خايف.. كنت مرعوب.. طلعت ع المسرح ومعرفش قولت اي ولا عملت اي وبصيت ملقتش حد واقف عشاني.. لما الناس لاحظوا ان محدش عملي نفس اللي اتعمل لزمايلي، فضلوا يسقفوا ويصفرولي عشان متحرجش..
من ساعتها وانا حاسس اني لوحدي..
كنت ساكته ومش عارفه ارد اقول اي واتصدمت لما لقيت دموعه بدات تنزل بالراحه..
جاك: حتى بابا.. بيحب ماريا ومارك اكتر مننا.. كان طول الوقت معاهم.. وانا كنت لوحدي..
ف مره فضلت اعيط واقول عايز اروح الملاهي مع صحابي واصريت ع كدا.. فماما قالتلي تعالى وانا هوديك.. فرحت وركبت معاها ولقيتها ماشيه ف طريق غريب ونزلنا ودخلتني جوه وقفلت عليا.. حبستني ف المقابر... هه لمجرد اني كنت عايز افرح... قالتلي لما اقول ع حاجه لا يبقى لا.. ولو اصريت ع حاجه تاني بعد كدا هجيبك هنا ع طول.. وسابتني ومشت.. سابتني يوم كامل..كان عندي حوالي عشر سنين.. كنت بعيط وخايف...
حتى كل اللي هنا بيحبوا محمد اكتر.. يمكن عشان يتيم.. بس مانا كمان يتيم..
كان بيسكت شويه ويتكلم شويه ودموعه نازله ومظنش انه كان واعي اصلا...
جاك: سمعت ابويا وهو بيقول انا مش عايزهم.. وديهم ملجأ ولا ارميهم ف اي حته..
وكان رد ماما عليه انها كمان مش عايزانا واننا مش ولادها لوحدها..
كنت دايما مختلف.. وناقص عن كل اللي حواليا.. كنت دايما قلبي واجعني وعايز اعيط لاي حد... بس مكنتش بحب ابين لصحابي حاجه...
مره المدرسه بتاعتي شتمتني جامد وضربتني كمان وف الاخر اكتشفت ان مش انا الغلطان... ولما قولت لبابا عشان يعمل حاجه، مسمعش مني وضربني بالقلم وقالي انت لو فضلت تعمل مشاكل كدا هرميك ف الشارع للكلاب...
كنت شاطر جدا وبطلع الاول ع طول.. بس مكنش حد بيهتم...
كنت ببقا بردان بالليل ومحدش بييجي ويتطمن عليا ويغطيني.. وكنت بدخل اعمل لنفسي اكل.. لدرجة ان الزيت مره وقع عليا وايدي اتحرقت.. ماما مهتمتش.. زعقتلي بس ع الزيت اللي وقع..
جبت مرهم من الصيدليه وحطيته لوحدي..
والى الان في علامات ف ايدي..
قتلوا مشاعري.. قتلوني..
دموعي كانت نازله ومش عارفه اقول اي مع اني متاكده ان في حاجات تاني محكهاش... غمض عينيه وقال..
جاك: كان كل املي عيله صغيره ف بيت صغير ومش عايز حاجه تاني.. عايز اهلي بس.. عايزهم يحبوني.. بس يمكن انا اللي متحبش...
مسكت ايده وقولتله..
جاكي: لا.. مش انت اللي متتحبش.. هما اللي مش اهل.. هما اللي عاقوك ودمروك.. هما اللي مبيعرفوش يحبوا.. انت ملكش ذنب ف حاجه..
بصلي بابتسامه حزينه...
جاك: عارفه اخر مره ماما حضنتني امتى!
ولا مره...
جاكي: عارف.. ممكن يكون حصلك كل دا عشان تبقى ف اللي انت فيه دا دلوقتي.. شاب كويس ومحترم وناجح..
جاك: مش عايز... مش عايز اي حاجه.. انا عايز ارتاح..
جاكي: يمكن ربنا شايلك العوض اللي ينسيك كل دا..
بصلي شويه وقال..
جاك: فكرته جه.. بس طلع مش ليا.. طلع لحد تاني..
جاكي: هو اي!
بصلي شويه وسكت...
مسح دموعه وكان شكله تعبان...
جاك: ممكن اطلب منك طلب!
جاكي: اكيد..
جاك:.. م.. ممك.. ممكن تحطي ايدك ع قلبي!
جاكي:.....
جاك: معلش شويه بس وهمشي..
مكنتش فاهمه حاجه وقلبي بيدق وخايفه..
غمض عينه وسند راسه ع الحيطه وانا حطيت ايدي ولقيت قلبه بيدق جامد وجسمه ساقع وعمال يعرق..
كنت هشيل ايدي راح حط ايده عليها وداس عليها جامد وهي مكانها وفضل كدا شويه وانا متوتره ومش عارفه هو بيعمل اي!... استنيت شويه يمكن هو يقول خلاص او حاجه.. فضلت كدا شويه كتار فقولت مبدهاش بقاا انا هقوله..
جاكي: جاك.. جاك
مكنش بيرد وانا قلقت..
جاكي: جاك!..
شيلت ايدي بصعوبه لانه كان متبت فيها جامد وحاولت احركه بس مقدرتش ووقع ع الارض بس اتقلب ووقتها عرفت انه نام..
جاكي: جاك انت نمت!.. جاك..
كان باين عليه انه مش واعي ونايم فعلا.. فضلت بصاله شويه واتأمل وشه... بقا القمر دا يحصل فيه كل دا!.. عرفت وقتها اي مصدر طبعه القاسي...
فضلت مركزه معاه شويه ومستنيه يحصل اي حاجه او فيروز تطلع.. بس محصلش حاجه وفجأه بدا يترعش جامد وملامحه خدت شكل الخوف.. كإنه بيحلم بكابوس او خايف من حاجه.. معرفتش اعمل اي وجسمه كان بيترعش جامد.. فكرت في اني احط ايدي تاني يمكن يحصل حاجه..
حطيت ايدي ع قلبه تاني وتلقائيا حط ايده عليها تاني بس هو كان نايم فعلا... فضل كدا شويه وبعدين هدي خالص... مكنتش فاهمه حاجه ولا عارفه هنفضل كدا لإمتى... بعدها محستش بحاجه تاني...
___________
هند: امال جاك فين!
سما: اكيد ف اوضته..
فيروز: ملكوش دعوه بيه يابنات هو مش فاضي دلوقتي..
هند: طب هي جاكي فين
فيروز: تقريبا نامت.. عشان مش سامعه صوتها.. اكيد كلت ونامت.. محدش يدخل عندها.. سيبوها ..
نور: طب احنا هنعمل اي ف الجامعه!
هند: ايوا احنا هنغيب تاني!
فيروز: لا متغيبوش.. اساسا وجودكوا ملوش لازمه.. روحوا شوفوا مذاكرتكوا والصبح تروحوا الجامعه..
سما: طب وجاكي!
فيروز: جاكي اي.. هو دا وقت تروح فيه ف حته!
هند: ايوا صح.. مش هترضى تسيب باباها ابدا..
سما: بس انا مستغربه.. ازاي بعد كل اللي عمله فيها دا ولسه بتحبه كدا وخايفه عليه..
فيروز: دا مهما كان ابوها.. وهي طيبه ومش هتقدر تكرهه ابدا..
محمد رجع..
محمد: السلام عليكم..
فيروز: وعليكم السلام..
محمد: جاك فين!
فيروز: كان مع جاكي... تعالى عشان تاكل..
محمد: لا مش عايز.. انا هطلع اشوفه..
محمد سابهم وطلع وقرب من الباب وبعدين خبط.. خبط شويه ومحدش رد ففتح الباب ودخل....
Part 28: ♥🐊
ان گان امل العُشاق القرب، انا املي ف حُبك هو الحُب♥🕊
دخل ملقانيش..
محمد:جاكي!..
محدش رد ففكر اني ف الحمام فطلع ع طول وبعدين فونه رن فدخل اوضته.....
تاني يوم.....
فوقت لقيت النهار بدأ يطلع وبصيت لقيت جاك نايم مكانه وانا حاطه ايدي زي ماهي وحاطه دماغي ع صدره ونايمه...
قومت بسرعه وانا مصدومه... انا نمت ازاي كدا!.. وازاي محدش طلع!..
كان نايم ومحسش اني صحيت...
دخلت جوه الاوضه ومسكت موبايلي لقيت الساعه 5.30.. اتوضيت وصليت وهو لسه مصحيش.. قومت غطيته لان الجو بدا يبرد جامد.. ورجعت قعدت مكاني اقرأ قران... عدا شوية وقت وهو بدأ يفوق.. بص مكانه وقام بسرعه وهو مصدوم... بص لقاني قاعده..
جاك: احم.. هو..
جاكي: صباح الخير..
جاك: صباح النور.. هو انا نمت هنا!!
جاكي: ايوا..
جاك: ازاي!
جاكي: نعست ومعرفتش اصحيك!
جاك: ومندهتيش ع فيروز ولا حد ليه!
جاكي: معرفش.. انت كنت..
قاطعني..
جاك: طب هو حصل حاجه!... عملت حاجه وانا نايم!
جاكي: حاجه زي اي!
جاك: اي حاجه..
حسيته خايف ومتوتر فمحبتش اقوله...
جاكي: لا... انت نمت ومعملتش حاجه..
جاك بتنهيد: تمام.. انا همشي.. بس هو انا اتكلمت كتير امبارح!
جاكي: انت مش فاكر!
جاك: مش قوي..
جاكي: يعني.. مش كتير قووي..
جاك: طب ممكن لو سمحتي اي حاجه قولتها محدش يعرفها.. انا اصلا مش عارف انا عملت اي ولا قولت اي..
جاكي: اتطمن.. اعتبر نفسك مقولتش حاجه..
جاك: شكرا..
سابني ومشي.. وفيروز دخلت وشافته وهو طالع..
خوفت ومعرفتش هي هتفكر ف اي..
فيروز: صباح الخير..
جاكي: صباح النور..
فيروز: عامله اي دلوقتي!
جاكي: لا كويسه الحمد لله.. بس هو بابا عامل اي!
فيروز: باباكي زي الفل وتمام وأكل كمان امبارح..
جاكي: طب الحمد لله.. انا هروح اشوفه..
فيروز: هتلاقيه نايم دلوقتي.. متصحيهوش..
جاكي: حاضر
روحت اوضة بابا وكان في ممرضه نايمه ف الاوضه.. قعدت جنبه بهدوء ومسكت ايده... قعدت جنبه شويه ولقيته نايم وشكله مش هيصحى دلوقتي فسيبته براحته وطلعت...
نزلت عند فيروز تحت...
فيروز: نايم!
جاكي: ااه..
فيروز: لما يصحى ابقي اطلعيله..
ـ صباح الخير..
بصينا لقيناه جاك..
فيروز: صباح النور.. صاحي ليه بدري كدا!..
بصلي وبعدين اتكلم..
جاك: انا خارج..
فيروز: هتروح فين بدري كدا يابني!.. طب حتى افطر الاول..
جاك: مش عايز..
سابنا ومشي وكان باين عليه متضايق وملامحه كلها جد...
جاكي: فيروز!.. هو انتي مطلعتيش بالليل بعد ماكلت..
بصتلي وابتسمت بخبث..
فيروز: ليه!
جاكي: بسال يعني..
فيروز: طلعت..
جاكي: ايه!.. قصدي يعني.. كنت نايمه!
فيروز: قصدك كنتوا نايمين..
جاكي: احم.. اصل..
فيروز: انا واثقه ف اخلاقك.. انتي مش محتاجه تبرري حاجه يابنتي.. دا غير ان جاك اخر واحد ممكن يعمل حاجه غلط.. وانا واثقه جدا ف اخلاقه.... انا دخلت اشوفك ملقتكيش ع سريرك.. دخلت لقيتكوا ف البلاكونه ومش حاسين بحاجه..
جاكي: اصل جاك نعس ومعرفتش اصحيه.. فاستنيته يصحى او حد يطلع بس محدش طلع ومحستش بنفسي ونمت...
فيروز: عارفه ياحبيبتي..
ـ صباح الخير..
بصيت لقيتها نهى..
جاكي: صباح النور..
نهى: الف سلامه ع ابوكي..
جاكي: الله يسلمك..
نهى: قوليلي صحيح.. هو اي اللي حصل..
بصيت لفيروز..
فيروز: عمل حادثه يانهى... عمل حادثه
نهى: حادثه ازاي وهو مضروب بالرصاص..
فيروز: ماهي حادثه.. واحد ابن حرام ضرب عليه نار..
وشيلي بقاا الموضوع دا من دماغك...
جاكي: انا هطلع اوضتي..
سيبتهم وطلعت ومكنتش عارفه المفروض اعمل اي.. قعدت اتمشى ف الاوضه وشوفت رسمة محمد.. فمسكتها وقعدت ابصلها.. طب هو ملامحه اتغيرت ليه لما شافها!..
عدى اليوم وجه وقت الغدا والكل رجع..
قعدنا وكنت بخطف نظرات لجاك من غير ماياخد باله.. وكان شكله جد قووي ومبصليش حتى...
نهى قطعت الصمت وقالت...
نهى: كنت فين امبارح ياجاك..
بصينا لبعض وكنت خايفه...
جاك بثبات: كنت ف اوضتي.. هكون فين!
نهى: بس انا روحتلك اوضتك ومكنتش هناك..
فيروز: انا ندهت عليه وهو نزل عملي كام حاجه كدا..
نهى: ونمت فين!
جاك: هو تحقيق!
عمو احمد: في اي يانهى!.. مالك بيه!
نهى: قوله كان بيتسرمح فين!.. هو مكنش موجود وفيروز بتداري عليه..
فيروز: ماتبطلي افترا بقاا ياشيخه.. دا مطلعش من ساعة ماجه من المستشفى..
جاك بحده: كنت بتسرمح.. عايزه اي بقاا!
نهى: انت فاكر نفسك كبرت عليا ومش هعرف اعاقبك لما تغلط!
جاك: ايوا.. ايوا كبرت.. ومش هتعرفي تعاقبيني.. عارفه ليه!.. عشان انتي فراغ بالنسبالي.. مش موجوده..
سابنا وقام وهي كانت متعصبه جدا وقامت وراه..
عمو احمد: لا حول ولا قوة الا بالله... عمرها ماهتتغير..
فيروز: ع طول معكننه عليه كدا منها لله.. الواد اتعقد بسببها..
خلصنا اكل وانا طلعت عند بابا وكان صحي..
_________
جاك: تمام.. جهز كل حاجه..
ـ........
جاك: النهارده..
_________
الكل كان مع بابا ماعدا جاك.. وشويه ودخل..
جاك: مساء الخير..
الكل: مساء النور..
جاك: عامل اي دلوقتي!
بابا: الحمد لله احسن..
جاك: عمي.. عايزك لو سمحت..
عمو احمد خرج معاه وانا حسيت بحاجه غريبه..
_________
عمو احمد: خير يابني..
جاك: انا مسافر..
عمو احمد: مسافر فين!
جاك: راجع..
عمو احمد: وشغلك اللي هنا!
جاك: لا هنقله هناك..
عمو احمد: ليه يابني!.. خليك معانا.. انت بقالك كتير مجتش..
جاك: ومظنش اني جاي تاني...
عمو احمد: ليه كدا.. اي اللي حصل!..
جاك: محصلش.. بس هناك احسنلي بكتير.. اصلا ياريتني ماجيت..
عمو احمد: طب اقعد شويه كمان..
جاك: لا معلش.. انا قولتلك انت عشان مش عايز حد يعرف غير لما امشي..
عمو احمد: ازاي!
جاك: لو عرفوا مش هيخلوني امشي.. وانا مش عايز ازعلهم.. فلو سمحت ياعمي بلاش تقولهم..
عمو احمد: بس لو تفهمني اي اللي حصل..
جاك: محصلش حاجه.. متشغلش بالك انت بس.. خليك معاهم... انا هروح الم حاجتي.. عن اذنك..
سابه وطلع وكان لسه معدي وانا خارجه من اوضة بابا فخبطنا ف بعض..
جاكي: ا. ا انا اسفه.. مخدتش بالي..
جاك: حصل خير..
بصلي شويه ومشي...
اليوم عدى عادي وهو مختفي...
كنت ف اوضتي بفتح الشباك ولمحته وهو ف العربيه وهو شافني وبصلي وبعدين مشي.. كنت حاسه ان في حاجه...
_________
بالليل...
فيروز: امال جاك فين!.. يعني مش باين..
عمو احمد بزعل:.. مشي..
فيروز: يعني اي مشي!
عمو احمد: رجع امريكا..
فيروز: انت بتقول اي!.. رجع ازاي ومقلناش..
محمد: ازاي يابابا..
عمو احمد: هو طلب مني مقولش لحد عشان هتمنعوه..
فيروز: وهو يمشي ليه اصلا!.. مش قال هيقعد معانا شويه!
عمو احمد: اهو اللي حصل.. واعملوا حسابكوا انه احتمال كبير ميرجعش تاني..
سابهم وقام وفيروز عيطت..
نور: هو يقصد اي بانه مش راجع تاني!
نهى: ف داهيه.. مالكوا عاملين كدا ليه!.. هو اول مره يسافر يعني!
فيروز: اخرسي بقاا ياشيخه.. انتي اي.. جبروت.. مش هتشوفي ابنك تاني.. انتي مش بتحسي!!
نور سابتنا وطلعت اوضتها...
محمد: انا هرن عليه اشوف في اي!
فيروز: حتى لو رنيت.. هو جاك حد بيقدر عليه!.. منه لله اللي كان السبب..
سيبتهم وطلعت اوضتي وانا حاسه اني متضايقه...
محمد فضل يرن عليه وتليفونه مقفول..
فيروز: متتعبش نفسك يابني.. مش هيرد غير بمزاجه هو..
الوقت عدا وفيروز طلعتلي فوق..
فيروز: هتعملي اي ف جامعتك!
جاكي: مش عارفه.. بس انا مش هقدر اسيب بابا..
فيروز: هو معاه ناس تهتم بيه.. وانتي لازم تروحي جامعتك يابنتي مينفعش كدا..
جاكي: مش هقدر اسيبه..
فيروز: كلنا معاه يابنتي.. وبعدين هتفضلي قاعده جنبه كدا لحد امتى!.. مسيرك هتروحي ف الاخر..
جاكي: مش عارفه..
فيروز: انتي تروحي جامعتك مع البنات عادي.. واحنا معاه هنا.. وهو الحمد لله بقا كويس..
جاكي بتنهيد: ماشي..
فيروز: طب نامي بقاا وارتاحي وانا هنزل..
هي نزلت وانا حاولت انام بس كنت حاسه بخنقه ومش عارفه في اي... لحد مانعست...
___________
تاني يوم....
صحيت واتوضيت وصليت ونزلت افطر..
جاكي: صباح الخير..
فيروز: صباح النور.. تعالي افطري..
جاكي: امال فين البنات!
فيروز: البنات مشوا من شويه عشان عندهم كام مشوار كدا.. تعالي افطري وانا هصحي محمد عشان يوصلك معاه..
جاكي: ماشي..
ـ محمد صحي لوحده اهووو..
فيروز: طب جدع.. تعالى افطر معاها بالمره..
محمد: صباح الخير ياقمر.. مبوز ليه ع الصبح!
جاكي: صباح النور.. مش مبوزه ولا حاجه..
فطرنا وطلعنا نلبس..
خلصت ونزلت...
جاكي: يلا..
محمد: بس لو اعرف متضايقه ليه!
جاكي: يعم مش متضايقه..
محمد: امال فين الضحكه.. مظهرتش من الصبح..
جاكي: واخده اجازه..
محمد: طب مانا مقدرش ع بُعدها..
بصتله وضحكت..
جاكي: انت فايق يعم.. يلا عشان متاخرش..
محمد: يلا ياست البنات..
" مااااله دااااا!!.. ممحووووون ليه ياسطاااا"
ركبنا العربيه وطول الطريق وانا ساكته وباصه من الشباك.. وهو عمال يبصلي...
محمد: وصلنا... جاكي!
جاكي:.....
محمد: جااااكي..
جاكي: اي... بتزعق ليه!
محمد: سرحانه ف اي!
جاكي: ولا حاجه.. يلا باي..
محمد: طب هتخلصي امتى!
جاكي: ع الساعه ٤ كدا..
محمد: ٤ ودقيقه هكون عندك...
جاكي: لما نشوف.. يلا باي..
محمد: خلي بالك من نفسك..
جاكي: حاضر.. سلام..
محمد: سلام..
نزلت ودخلت وهو مشي...
كنت داخله لوحدي وفي بنات وشباب كتير... وفي تلات بنات واقفين يبصوا ع محمد بطريقه غريبه... كبرت دماغي ودخلت قعدت بعيد كالعاده...
كنت شايله هم اليومين اللي غبتهم والمحاضرات اللي فاتتني..
ـ صباح الخير ياقمر..
رفعت وشي لقيت بنت قموره كدا..
جاكي بابتسامه: صباح النور..
ـ قاعده لوحدك ليه!
جاكي: عادي يعني..
ـ امم.. اصل انا كمان مليش صحاب هنا عشان لسه ناقله ومعرفش حد.. وتقريبا انتي كدا عشان مش مصاحبه حد..
جاكي: ايوا دي حقيقه.. انا فعلا لسه ناقله السنه دي ومعرفش حد هنا...
ـ تمام ياجميل.. هو انتي مش من هنا!
جاكي: لا انا من القاهره..
ـ اسمك ايه!
جاكي: اسمي جاكي.. وانتي
ـ جاكي!.. اي الاسم دا..
جاكي: اي وحش!
ـلا خالص.. بس غريب يعني.. انا اسمي هاجر..
جاكي: تشرفنا ياهاجر..
فجاه ادم جه..
ادم: صباح الخير...
جاكي: صباح النور..
ادم: فينك كدا!
جاكي: كان عندي ظروف كدا ابقا اقولك بعدين..
هاجر: طب اسيبك انا ياجاكي..
جاكي: ماشي..
هي مشت وهو قعد..
ادم: مين دي!
جاكي: معرفش.. واحده جت قعدت معايا واتعرفت عليا..
ادم: طب كويس.. بداتي تعملي علاقات اهو.. بس اهم حاجه تخلي بالك عشان البنات هنا مش كلهم كويسين..
جاكي: انا مالي بيهم ياعم.. المهم انت عامل اي!
ادم: انا كويس.. بس انتي مختفيه فين كدا!
قعدت حكيتله...
______
عمو احمد: البنات ف الجامعه يافيروز!
فيروز: ايوا.. فطروا ومشوا..
عمو احمد: متضايقه ليه!
فيروز: وهو اللي حصل ميضايقش!
عمو احمد: كنتي عايزاني اعمل اي..
فيروز: امنعه.. او ع الاقل عرفني..
عمو احمد: مكنتيش هتقدري عليه يافيروز.. وبعدين هو كان باين انه متضايق من حاجه..
فيروز: كدا مش هشوفه تاني يعني!
عمو احمد: لا ان شاء الله هيروق ويرجع..
__________
جاكي: بس كدا يعم..
ادم: الله يكون ف عونك ع الحوارات دي كلها والله..
جاكي: هعمل اي طيب.. قدري..
ادم: ااه صحيح.. اتفضلي..
جاكي: اي دا!
ادم: دي المحاضرات اللي فاتتك ف اليومين دول.. كتبتهم وجبتهملك..
جاكي: بتهزر!.. دانا كنت شايله همهم ومش عارفه هعمل اي!
ادم: لا مانا عارف.. عشان كدا حضرتهم كلهم عشان اجمعهملك..
جاكي: شكرا والله بجد مش عارفه اقولك اي..
ادم: متقولش يعم.. يلا عشان المحاضره هتبدأ..
دخلنا ولقيت هاجر جت قعدت جنبي..
خلصنا المحاضره وطلعت...
هاجر: تحبي اقعد معاكي ولا بتحبي تقعدي لوحدك!
جاكي: لا طبعا تعالي..
قعدت وقعدنا نتكلم ونهزر..
هاجر: الا صحيح مين الواد الحلو دا..
جاكي: دا ادم..
هاجر: حتى اسمه قمر زيه..
جاكي بابتسامه: اي يعم مالك.. ماتمسك نفسك..
هاجر: هو انتي تعرفيه!
جاكي: ااه اعرفه.. معرفه شخصيه كمان يعني قبل الجامعه..
هاجر: ااه كويس.. بس قمور قووي..
جاكي: فعلا قمور.. ومحترم كمان..
فوني رن وكان رقم غريب.. فتحت..
جاكي: الو..
ـ.....
جاكي: الووو..
ـ.....
جاكي: مين..
محدش رد وبعدين قفل..
هاجر: تلقاه واحد بيعاكس..
جاكي: لا دا محدش بيرد خالص.. مش مهم..
قعدنا نتكلم وادم كان واقف قصادنا مع صحابه وشافها قاعده معايا فاتطمن وسابنا براحتنا...
اليوم عدى عادي والساعه جت ٤..
قعدت استنيت محمد ييجي..
وهي استنت معايا وكمان اخدت رقمها وبقينا صحاب..
شويه والاخ وصل..
جاكي: الساعه ٤.١٥..
محمد: اني اسف والله.. بس زحمه وكدا..
بص لهاجر..
محمد: اهلا..
هاجر: اهلا..
محمد: يلا!..
هاجر: طب انا همشي بقاا سلام..
جاكي: سلام..
ركبنا ومشينا...
محمد: مين دي!
جاكي: واحده اتعرفت عليها هنا..
محمد:كويس.. بس خلي بالك..
جاكي: لا باين عليها كويسه..
محمد: طب بقولك اي..اي رايك نروح اي حته...
جاكي: لا انا عايزه اروح اشوف بابا
محمد: باباكي كويس والله.. انا اتصلت عليهم وقالولي كله تمام.. يلا بقاا بطلي رخامه..
جاكي: ماشي.. بس هنروح فين!
محمد: تعالي نروح كافيه مثلا.. او ندخل مطعم..
جاكي: او نجيب اكل ونقعد ع البحر..
محمد: اشطا موافق..تحبي تاكلي اي!
جاكي: بس عشان نبقاا متفقين من الاول كدا انا اللي هدفع..
محمد: ليه ان شاء الله.. قولتلك كتير قبل كدا ان انا مش سوسن..
جاكي بضحك: ماهو مينفعش كل مره انت اللي تدفع..
محمد: ماهو انا الراجل.. دا طبيعي..
جاكي: لا مش طبيعي.. انت مش مجبر تدفعلي حاجه..
محمد: ليه بقاا..
جاكي: لا انا لا اختك ولا بنتك ولا مراتك.. تدفعلي ليه بقاا..
محمد بغمزه: اعتبري نفسك مراتي..
جاكي: اتلم انا بتكلم بجد..
محمد: طب خلاص لما نجيب الاكل هناخده ونجري ومش هنحاسب خالص عشان ترتاحي..
جاكي: بيس يامان..
طلعنا وهو راح جاب اكل ورجع وروحنا قعدنا ف حته معزوله كدا ع البحر وقعدنا ناكل...
__________
هند: قولتلك قبل كدا ياياسين مينفعش..
ياسين: ايوا ياهند بس انا عايزك.. ومستعد اتقدم النهارده قبل بكرا..
هند: بس انا لسه بدرس.. دلوقتي مش هينفع صدقني..
دا غير ان اهلي مش هيوافقوا دلوقتي خالص..
ياسين: ع الاقل اتكلم مع باباكي.. عشان ابقاا ضامنك بس..انا معرفش مين ممكن يسبقني وياخد الخطوه دي..
هند: ياعم حتى لو حد اتقدم.. انا مش موافقه ع الجواز دلوقتي.. انا لسه صغيره ياعم وابويا مش هيرضى..
ياسين: هند انا بحبك.. اقسملك بحبك جدا.. ومستعد اضحي بأي حاجه عشانك.. طب مثلا مسألتيش نفسك انا ليه مش برضى اقابلك ف الجامعه!.. عشان مديش فرصه لحد انه يقول عليكي نص كلمه لان وقتها مش هسكت.. وليه مش راضي اكلمك ف الفون! او لي ممسكتش ايدك مثلا زي اي اتنين مرتبطين!.. عشان انا مش عايز اعمل اي حاجه تزعل ربنا مني فيحرمني منك.. خايف تضيعي مني.. انا شاريكي.. والله بعمري شاريكي ياهند.. طب هو انتي مش بتحبيني!
هند: لا بحبك..
ياسين: عايزاني!!
هند: اكيد..
ياسين: بس كدا كله تمام.. اخد بعضي واروح لوالدك واتكلم معاه مجرد كلام.. ولو قالي استناها ١٠٠ سنه انا موافق وهستناكي.. بس ع الاقل ابقاا ف الصوره ويكون في كلام ف النور...
هند: ماشي.. هاخدلك معاد منه..
ياسين: لا انا جاي بكرا..
هند: اي يابني في اي.. ماتهدى شويه.. هو انا هطير..
ياسين: ياست انا مستعجل.. بصي انا هروحله بكرا الشغل واحدد معاه معاد اقعد معاه ف البيت..
هند: ماشي.. طب انا همشي بقاا عشان اتاخرت..
ياسين: استني اوصلك..
هند: لا لا انا هاخد تاكسي..
_____________
ف اوضة نور...
كانت قاعده تتكلم ف الفون وبتلعب ف شعرها..
نور: يعني وحشتك!!
سيف: اوماال.. انا لو عليا عايزك معايا دلوقتي حالا ياقمر..
نور: وانا كمان.. بس انا مش عارفه اي اللي معطلك انك تتقدم..
سيف: الفلوس.. هتقدم ازاي وانا مش مظبط دنيتي..
نور: كل المشكله الفلوس يعني!
سيف: ايوا..
نور: خلاص هديهوملك انا..
سيف بخبث: لا لا مينفعش يانور.. ازاي اخد فلوس منك..
نور: يابيبي ماحنا الاتنين واحد.. وبعدين بعد مانتجوز فلوسك هتبقى فلوسي..
سيف: لا يانور بلاش.. احسن انزل من نظرك وتفتكري اني عايز استغلك او حاجه..
نور: لا ابدا ياحبيبي والله.. انا عارفاك كويس.. بص انت شوف عايز كام وانا هتصرفلك ف المبلغ...
سيف: ايوا يانور بس دا مبلغ كبير.. كفايه اللي خدته قبل كدا ولسه مرجعتوش..
نور: ياعم ابقاا رجعه بعدين لما يبقاا معاك.. قول محتاج كام..
سيف: مبلغ كبير يانور..
نور: اللي هو كام..
سيف: ٣٠٠ الف جنيه..
نور: اتصدمت من الرقم فسكتت..
سيف: شوفتي الموضوع مش سهل ازاي..
نور: لا لا مش كدا.. بس هو انت مش مجهز حاجه خالص!
سيف: انا لسه طالب يانور.. ولسه يادوب بكون نفسي.. ياكدا ياتصبري بقاا..
نور: لا خلاص خلاص.. انا هتصرفلك ف المبلغ دا...
سيف: مش عايز اعملك مشاكل..
نور: لا ولا مشاكل ولا حاجه.. المهم هتصرفلك فيهم وتيجي تتقدم ع طول..
سيف باستهزاء: طبعا طبعا.. ع طول..
_____________
محمد: فكره حلوه اننا نقعد ع البحر وناكل..
جاكي:......
محمد: جاكي.. جاكي..
جاكي: اي..
محمد: بتسرحي ف اي!
جاكي: بقولك اي!.. متعرفش جاك مشي ليه!
محمد: ليه!
جاكي: بسال..
محمد: لا انا كلمته ومردش عليا..
جاكي: ممكن تديني رقمه..
محمد: نعم!.. ليه!
جاكي: عايزه اقوله حاجه..
محمد: هو في كلام بينكوا اصلا!
جاكي: لا يعني في موضوع كدا عايزه اكلمه فيه وخلاص..
محمد: تمام.. اتفضلي..
عطاني الرقم وشكله متضايق.. اخدت الرقم ورجعتله موبايله....
جاكي: هاا..
محمد: اي
جاكي: هتفضل ساكت!
محمد: اقول اي!
جاكي: اي حاجه.. اتكلم عن نفسك مثلا..
محمد: ايوا يعني اقول اي!
جاكي: قولي مثلا بتحب!
بصلي وابتسم ورجع بص للبحر تاني..
جاكي: اشطا يبقااا بتحب..
محمد: بتسالي ليه!
جاكي: لا عادي بنرغي..
محمد: امم.. بحب
جاكي: العب... الله يسهلك ياسطا بس مين..
محمد: واحده كدا..
جاكي: طب اوصفها..
محمد: مينفعش فيها وصف..
جاكي:مش للدرجادي يابو الصحاب..
محمد: اكتر..
جاكي: طب قولي مثلا لون عينيها اي!
محمد: عسلي قمر كدا..
جاكي: زي عنيا يعني..
محمد بضحك: ايوا زي عنيكي كدا..
جاكي: طب محجبه ولا بشعرها..
محمد: محجبه..
جاكي: طويله ولا قصيره..
محمد: قصيره..
جاكي: اممم.. طب لون بشرتها اي!
محمد: عاديه.. يعني مش بيضه قووي.. ودا احسن يعني..
جاكي: امم... تخينه ولا رفيعه!
محمد: لا دا ولا دا.. كيرفي قمر كدا..
جاكي: اهااا.. انت خلبوص وقليل الادب وبتركز..
محمد بضحك: لا انا مش بتاع الكلام دا الحمد لله..
جاكي: انت هتقولي!.. طب حلوه يعني!
محمد: قمر... عارفه القمر..
جاكي: بتحبها قوي قوي!
محمد: اكتر من حياتي..
جاكي: طب ماتعرفني عليها دانا بردو صاحبك..
محمد: قريب.. قريب قوي..
جاكي: اشطا..
محمد: وانتي!
جاكي: انا ايه!
محمد: بتحبي!
جاكي: بص هو انا حاليا مظنش اني فيا دماغ افكر ف حاجه.. بس انا زمان كنت بحب..
محمد: اي دا بجد!.. مين..
جاكي: واحد كان جارنا ف القاهره.. بس اي!.. تبارك الخلاق فعلا..
محمد: ااه دا كان حلو بقاا..
جاكي: قمررر.. اشي عيون خضرا ع شعر حرير وطويل وغمازات وحاجه كدا عسل قووي..
محمد: وهو كان بيحبك!
جاكي: اهاا.. جدا.. وهو اللي قالي اصلا انا بحبك..
محمد: ودلوقتي.. لسه بتحبيه!
جاكي بضحك: ياسطا وقتها كان عندي حوالي ١٢ سنه.. وهو كان اكبر مني بسنه.. يعني كنا عيال.. بس لما كبرت عرفت ان دا كان لعب عيال واننا كنا بنلعب وخلاص ومش فاهمين حاجه..
محمد: وهو!.. لسه بيحبك!
جاكي: مش عارفه.. بس مظنش يعني دا كان زمان قووي..
محمد: طب دلوقتي.. مفيش اي حاجه كدا ولا كدا!
جاكي: امم.. مش عارفه..
محمد: لا متهزريش.. قولي
جاكي: حقيقي مش عارفه.. اصل انا الحب بالنسبالي حاجه تاني..
محمد: ازاي!
جاكي: يعني يوم ماهحب حد.. لازم اكون مستعده لدا كويس.. لاني لو حبيت هحب بجد.. وانا لو حبيت بجد، ممكن اديله عيني عادي.. بس يكون جد.. اما لعب العيال بتاع اليومين دول لا.. حاليا مبقاش في حب بجد الا نادرا.. وانا مش عايزه ابقاا طرف ف لعبه ماسخه مع حد عايز يتسلى وخلاص...
محمد: تمام.. تمام قوي..
جاكي: نمشي بقااا.. الوقت اتاخر..
محمد: يلا..
ركبنا العربيه ورجعنا...
محمد دخل وانا كنت بربط الكوتشي وداخله وراه بس لمحت طيف حد ورايا.. بصيت ملقتش حد.. مشيت شويه لبرا ومكنش في حد...
فجأه فوني رن وكان نفس الرقم الغريب.. فتحت..
جاكي: الو..
رد صوت حد غريب..
ـ ادخلي جوه..
جاكي: مين..
ـ قولت ادخلي جوه.. ومتقفيش بره لوحدك تاني.. مفهوم!
جاكي: وانت مالك انت.. وبعدين انت مين اصلا!
ـ بعصبيه: كلامي واضح.. هعد لحد تلاته لو فضلتي واقفه انا مش مسؤول..
واحد... اتنين..
قبل مايكمل قفلت الفون وطلعت اجري لجوا وانا قلبي بيدق...
محمد: في اي!
جاكي: لا مفيش.. انا هطلع اشوف ابويا بقاا..
طلعت قعدت معاه..
جاكي: عامل اي دلوقتي!
بابا: كويس..
لف وشه الناحيه التانيه..
جاكي: مالك يابابا..
بابا: مليش عين ابص ف وشك..
جاكي: بابا ارجوك.. انسى بقاا
بابا: عمري ماهنسى اللي عملته فيكي..
جاكي: مش مهم.. المهم انك بقيت كويس..
بابا: سيبيني يابنتي لوحدي..
جاكي: يابابا خلاص بقاا..
بابا: اطلعي ياجاكي..
سيبته وطلعت روحت اوضتي... وقفت قدام الشباك ودموعي بتنزل...
وصلتلي مسدج ع الفون.. فتحتها..
ـ امسحي دموعك مبحبش اشوفها...
استغربت جدا وطلعت البلاكونه ابص ع اي حد ملقتش حد موجود.. قولت يمكن جاك.. بس جاك مسافر.. دا غير ان دا مش صوته.. هو انا ناقصه بقاا..
دخلت قعدت ع السرير وبقلب ف الفون و جاك جه ع بالي فقولت اشوف يمكن عامل اكونت ع الفيس.. دورت عليه وفضلت ادور
كتير وملقتوش.. يإست وكنت لسه هقفل الفون وفجأه شوفت صورته......