رواية قلبي ليس بيدي الفصل الخامس عشر15والسادس عشر16بقلم حسناء رمضان

الفصل الخامس عشر والسادس  عشر

بقلم حسناء رمضان

Part 15:

جاكي: "بخوف".. انتوا مين! 

ـ اخيرا صحيتي ياقمر.. كنا مستنيينك.. 

جاكي: انتوا مين وعايزين مني اي! 

ـ احنا كل خير.. انما عايزين منك اي دي بقاا هتعرفيها دلوقتي.. 

جاكي:" بعياط".. ابعدوا عني... اعاااااا... ساعدووووني.. 

"راح كتم صوتي..."

ـ انتي شكلك هتتعبينا معاكي.. 

"راح طلع مطواه من جيبه.."

ـ لو سمعت صوتك هشوهلك وشك القمر دا.. مفهوم! 

هزيت راسي وانا بعيط.. 

ـ امسكي اكل اهو.. كلي وشويه وهنرجعلك.. 

جاكي: انا مش عايزه حاجه.. مشوني من هنا.. 

ـ نمشيكي ازاي.. دانتي متوصي عليكي قووي.. 

جاكي: "بعياط".. حرام عليكوا.. انا عملتلكوا اي! 

ـ لا لا بلاش الدموع دي... وفريها لبعد شويه عشان هتحتاجيها.. 

جاكي: طب ابويا فين! 

ـ" بضحك".. ابوكي!.. انتي لسه بتقولي عليه ابوكي!.. انتي لو تعرفي طلب مننا اي مش هتقولي كدا تاني.. 

جاكي: "بوجع".. طلب اي! 

ـ نضربك.. ايوا نضربك لحد مانبوظ وشك دا وتتعلمي الادب.. 

جاكي: طب ليه! 

ـ معرفش.. سمعته بيقول للباشا انك سبب ف حاجات كتير وحشه حصلتله وكمان عرضتيه للاهانه عشان كدا جابك هنا... وع فكره طلب مننا كمان لا نخليكي تاكلي ولا تشربي.. بس الباشا قال لا.. 

دموعي كانت نازله لوحدها ومعنديش طاقه اتكلم... 

ـ كلي بقاا واخلصي عشان مش فاضيين للدلع دا.. 

سابوني وطلعوا وانا فضلت اعيط وادعي ربنا يطلعني من اللي انا فيه دا.. 

شويه ودخلوا.. 

............. 

محمود: سيبهالي انا وانا هتصرف معاها.. 

بابا: لا.. دي عنيده ومش هتسمع الكلام.. لازم انا اجي عشان اعلمها الادب شويه.. 

محمود: صدقني مش مستاهله... دا غير انك عكيت الدنيا لما قولتلها اننا منعرفش مكان امها.. دلوقتي هتعند اكتر ومش هترضى تسمع الكلام.. خليك انت هنا وانا هروحلها.. 

بابا: ماشي.. اهي عندك اعمل اللي انت عايزه.. المهم انا عايز الوصل بقاا.. 

محمود: لما نكتب الكتاب الاول واتاكد انها بقت بتاعتي.. 

بابا: طب يارب نخلص.. 

............. 

ف الفيلا.. 

جاك رجع ولقى الكل صاحيين... 

جاك: صباح الخير.. 

الكل:....... 

جاك: اي مش سامعين! 

فيروز: "بصوت خافت".. صباح النور.. 

جاك: مالكوا في اي!.. 

نور: مش عارف في اي! 

جاك: لا مش عارف.. 

نور: في ان محدش فينا نام من امبارح.. وكلنا هنموت من القلق عليها.. انت كنت فين كل دا! 

جاك: كنت ف الشغل.. وبعدين عشان اي دا كله!.. هي راحت معاهم برضاها.. مش هيحصل حاجه يعني.. 

محمد: مش هيحصل حاجه!! 

جاك: ايوا... هيتجوزوا وبعد كدا هيوديها عند امها.. وخلص الحوار ع كدا.. 

فيروز: انت صدقت المسرحيه اللي عملها!!... دا كداب.. وانا متأكده انه هيعمل فيها حاجه.. 

جاك: والله بقاا ابوها وهو حر.. احنا مالنا.. 

هند: لي كدا!.. لي بتكرهها كدا! هي عملتلك اي! 

جاك: بكرهها!!!.. مش بكرهها ولا حاجه.. 

هند: امال بتتكلم ببرود كدا ليه! 

جاك: انا عملت اللي عليا وقولتلها متروحش وانا هساعدها.. وهي رفضت.. 

هند: عشان عاجزه.. حط نفسك مكانها.. وانا نفسي لو مكانها كنت هضحي بنفسي ف سبيل اني الاقي امي اللي بقالي سنين محرومه منها.. هي مغلطتش.. 

جاك: طيب.. والمطلوب.. 

فيروز: مش مطلوب منك حاجه يابني.. انت طول عمرك قاسي كدا.. معندكش قلب.. وانا اللي قولت خلاص، دا فك وبقاا بيهزر ويضحك.. طلعت غلطانه.. هتفضل طول عمرك جاحد.. روح شوف مصالحك يالا.. 

جاك: "بصدمه"......... 

سابهم وطلع اوضته وهو متعصب وعنيه بتطق شرار.. 

عمو احمد: السلام عليكم.. 

فيروز: وعليكم السلام.. تعالى اما احطلك تاكل.. 

عمو احمد: وهو حد ليه نفس للاكل يافيروز! 

فيروز: مين سمعك.. داحنا منمناش حتى.. 

هند:" بعياط".. بابا اعمل حاجه.. ارجوك حاول ترجعها.. 

عمو احمد: مفيش ف ايدي حاجه اعملها يابنتي.. دي بنته واخدها.. 

هند: يابابا انا خايفه عليها.. وحاسه انهم هيعملوا فيها حاجه.. 

عمو احمد: روحت للراجل بنفسي عشان اديله الفلوس ورفض.. 

فيروز: ورفض لي!.. مش كانوا عايزين فلوس! 

عمو احمد: طلعت كل دي مسرحيه عاملينها عشان ياخدوها هي.. هما مش عايزين فلوس.. 

فيروز: وابوها عارف! 

عمو احمد: لا... هو ضحى بيها ع اساس انهم هيحبسوه.. بس هما مش ف دماغهم فلوس اصلا.. 

فيروز: حسبي الله ونعم الوكيل.. ربنا ينتقم منهم يارب.. 

نور: طب حد يدور عليها طيب.. 

عمو احمد: بعتلهم ناس القاهره.. وملقوش حد هناك.. وخليت رجاله يروحوا بيت الراجل دا.. وبردو ملقوهاش.. الله اعلم ودوها فين بقاا.. 

فيروز: يالهوي.. يالهوي ياحمد... اكيد عملوا فيها حاجه.. منهم لله.. ربنا ياخدهم كلهم.. انت هتفضل ساكت كدا! 

عمو احمد: قوليلي ف ايدي اي اعمله.. 

محمد: انا هدور عليها.. ومش هرجع غير بيها.. 

عمو احمد: مفيش فايده يابني.. 

محمد: لا في.. مانا مش هقعد ف البيت كدا ومعرفش بيحصلها اي.. 

سابهم وخرج... 

.............. 

ـ بردو مكلتيش.. 

جاكي:...... 

ـ بكلمك.. ردي.. 

جاكي:...... 

ـ ااه.. انتي عنيده زي ماقالوا.. 

جاكي: عايز اي! 

ـ مانتي بتتكلمي اهو... مكلتيش لي! 

جاكي: ملكش دعوه.. 

ـ "بضحك".. اي دا اي دا.. دانت احلويت وبقيت ترد ياقمر كمان.. 

جاكي: اوعى ايدك.. ايوا برد... 

بصوا لبعض وابتسموا.. 

ـ مش لايق عليكي القسوه ياقمر.. انتي كيوت قووي.. مينفعش تتعصبي كدا.. 

جاكي: احترم نفسك.. واتفضلوا اطلعوا بره.. 

ـ لا احنا مينفعش نطلع.. داحنا جايين هنا مخصوص عشانك.. 

بدأ يقرب مني ويبصلي بنظرات مش كويسه.. 

جاكي: ابعد عني يابتاع انت.. لو مبعدتش هصوت والم عليك الناس.. 

ـ صوتي.. اعملي اللي انتي عايزاه.. محدش هنا.. 

جاكي: انت فاكرني هخاف منك!.. 

ـ"بضحك".. قلبك قوي كدا ليه ياقموره!.. دانتي كنتي مرعوبه اول مادخلنا.. 

جاكي: كنت.. دلوقتي مش خايفه من حد.. معنديش حاجه اخسرها.. 

ـ لا في.. عندك حاجه بس مش هتبقى موجوده دلوقتي.. 

قرب مني جامد ولسه هيلمسني... 

ـ انت بتعمل اي! 

لف لقى محمود.. 

مشي عليه ومسكه من الهدوم.. 

محمود: انت متخلف!.. اي اللي انت بتعمله دا! 

ـ ا ا حضرتك باباها قال نعلمها الادب وو... 

محمود: وانت كدا بتعلمها الادب!.. اطلع بره انت والاغبيه دول وحسابكوا معايا بعدين.. 

طلعوا وهو قربلي.. 

محمود: انا اسف ع اللي حصل.. انا مطلبتش منهم كدا.. 

جاكي: انت عايز مني اي! 

محمود: عايزك.. 

جاكي: وانا مش عايزاك.. 

محمود: مش مهم.. مسيرك هتحبيني قريب.. ولو محبتنيش بمزاجك، هتحبيني غصب عنك.. 

جاكي: دا بُعدك.. 

محمود: مش خايفه يعني!.. 

جاكي: لا مش خايفه.. 

 راح فكلي الطرحه وانا قعدت اصوت راح حاطط حاجه ع بوقي... 

فك الطرحه وقعد يلعب ف شعري وانا كنت بعيط وحاسه اني بموت.. 

محمود: تعرفي انك حلوه بشعرك... اول مره اشوف جمال كدا.. مغلطتش لما قولت انك بتاعتي.. 

اي ساكته ليه.. 

جاكي:..... 

محمود: ااه صح.. نسيت.. 

شال اللي ع بوقي.. 

جاكي: اتفووو عليكي ياحيوان.. بتستقوى عليا عشان لوحدي! 

محمود: مكنتش ناوي اعمل كدا.. بس انتي عنيده ومش بتسمعي الكلام.. 

جاكي: انا بكرهك.. ومستحيل هحب حد وسخ زيك.. اتفوو عليك.. 

ضربني بالقلم وقعد يقطعلي ف هدومي وانا اصوت... 

جاكي: اعاااا.. الحقونيي.. ابعد عني ياحيوان.. انت فاكر نفسك راجل!.. 

محمود: تمام.. هبعد عنك.. بس صدقيني هخليكي انتي اللي تطلبي مني دا.. 

جاكي: هييجي.. 

محمود: هو مين! 

جاكي: جاك.. هييجي.. ومش هيرحمك.. 

محمود: "بضحك".. لا كدا يبقاا في حاجه بقاا.. واثقه فيه كدا ليه! 

جاكي: عشان هو راجل.. مش زيك.. 

محمود: طب انا مستني.. وهنشوف مين الراجل.. بس صدقيني لو جه هنا مش هيشوف الشمس تاني.. 

جاكي: حسبي الله فيك يااخي.. انت شيطان.. مش كفايه اللي عملته زمان.. 

محمود: اي دا!.. انتي لسه فاكره! 

جاكي: ولا يمكن هنسى.. وكنت مستنيه اليوم اللي هاخد فيه حقي منك.. 

محمود: "بضحك".. ومجاش.. جه اليوم اللي بقيتي فيه بين ايديا.. 

هو انتي ليه مش مصدقه اني بحبك بجد! 

جاكي: انت متعرفش حب.. انت انسان وسخ وزباله ومعندكش قلب عشان تحب بيه.. متخيل اني ممكن احبك!.. ع اي ياحسره.. ع وساختك! 

بصلي بغضب وفضل يضربني ووشي اتخرشم وجاب دم وانا مقهوره من العياط.. 

جاكي: اضربني زي مانت عايز.. طلاما ابويا بنفسه اللي سمح بكدا.. بس صدقني جاك هييجي.. هييجي وهياخدني من هنا... 

محمود: ماشي.. انا مستنيه بره.. اول ماييجي نادي عليا.. باي ياقمر.. 

سابني وطلع وانا كملت عياط.... 

بعد شويه بدات افوق وبصيت كدا لقيت في موبيل ع الارض.. تقريبا وقع من حد فيهم.. 

فضلت ازحف ع الارض وانا بتألم لحد ماوصلتله ولسه بمسكه لقيت الباب فتح روحت خبيته ورايا.. 

ـ بتعملي اي!.. 

جاكي: مبعملش.. 

ـ هو خرشمك كدا لي! 

جاكي:..... 

ـ طب لو احتاجتي حاجه ابقي نادي عليا انا بره ياقمر.. 

طلع وقفل الباب.. 

وانا فضلت احاول امسك الموبيل عشان ايدي كانت مربوطه.. 

جاكي: طب انا دلوقتي مش فاكره اي ارقام... ياربي... هعمل اي دلوقتي.. 

فضلت افكر لحد مافتكرت رقم محمد.. كتبته ورنيت.. 

مردش.. 

جاكي: يوووه افتح بقااا.. 

رنيت تاني وقعد شويه لحد مافتح.. 

محمد: الو.. 

جاكي: "بصوت خافت".. ايوا يامحمد.. انا جاكي.. 

محمد:" بخوف".. جاكي!.. انتي فين.. 

جاك: في اي! 

محمد: جاكي ع التليفون.. 

جاك: اديهاني بسرعه.. 

جاك: الو جاكي انتي معايا!... 

جاكي: "بعياط".. جاك الحقني بسرعه ابوس ايدك.. هيموتوني.. 

جاك: اهدي اهدي.. محدش فيهم هيقدر يقربلك.. قوليلي انتي فين! 

جاكي: معرفش.. تعالى خدني انا خايفه قووي.. 

جاك: اوعي تخافي.. خليكي جامده ومتخليش حد فيهم يقربلك.... حاولي توصفيلي المكان طيب.. 

بدات اوصفله المكان وفجأه ... 

ـ انتي بتعملي اي!

...... 

Part 16:

جاك: الو الو.. جاكي 

فيروز:  اي اللي حصل! 

جاك: معرفش مبتردش... جاكي!.. جاكي انتي معايا! 

................ 

جاكي: مبعملش

ـ متاكده.. 

جاكي: ايوا.. 

ـ مشوفتيش موبيلي! 

جاكي: لا

ـ امال اي اللي وراكي دا! 

جاكي: "بخوف: هاا

ـ اي اللي وراكي! 

جاكي: ايدي.. هيكون اي يعني.. 

ـ طيب.. 

لسه هيطلع راح الموبيل رن.. راح لف وبصلي.. 

ـ قولتيلي ايدك اللي وراكي! 

جاكي:..... 

قرب مني ومد ايده وطلعه من ورايا وانا قلبي بيدق جامد... 

راح شدني من شعري... 

ـ امال دا اي! 

اخد التليفون وفتح.. 

ـ الو.. 

جاك: عارف لو عملت فيها حاجه انا هعمل فيك اي! 

جاكي: جاااك.. الحقني ارجووك.. 

ـ اخرسي.. "ضربني" 

جاك: اقسم بالله لاكسرلك ايدك اللي بتمدها عليها دي.. 

ـ ومين انت بقاا! 

جاك: انا اللي هياخد روحك.. 

راح جاك قفل ف وشه.. 

ـ مين دا يابت.. 

جاكي: ملكش دعوه... 

ـ ماشي.. عمتا محدش هيعرف مكانك.. ارتاحي بقاا.. 

سابني وخرج.. 

................. 

فيروز: في اي يابني! 

جاك: معرفتش منها حاجه.. بس.. 

محمد: بس اي! 

جاك: كان بيضربها الحيوان..

محمد:انا مش هفضل هنا انت فاهم!..انا هروح ادور عليها

فيروز:بالله عليك ياجاك اعمل حاجه..انت عارف ناس كتير وهتعرف توصلها..

محمد:طب مقالتش اي حاجه ع المكان اللي هي فيه!

جاك: كان في صوت قطر هناك.. 

محمد: قطر!.. 

جاك: بتقول انها ف مكان مهجور وبعيد كدا ومفيش بيوت حواليه ومفيش حد غيرهم.. 

محمد: معرفش حته هنا بالمواصفات دي.. 

جاك: انا هتصرف.. 

هند: هتعمل اي! 

جاك: هلاقي طريقه اعرف مكانها بيها... تعالي معايا يامحمد.. 

فيروز: يارب تكون بخير يارب.. يارب شل ايديهم يارب.. احميها دي يتيمه وملهاش حد.. 

نور: متقلقيش هما اكيد هيلاقوها.. 

هند: يارب.. 

........... 

مجهول: نعم! 

بابا: كنت عايز ارجع البيت.. 

مجهول: دا بامارة اي! 

بابا: ماهي البت معاكوا اهي.. 

مجهول: والفلوس! 

بابا: انت قولتلي هتتنازل مقابل جاكي!.. 

مجهول: خلاص.. استنى لحد مايكتبوا الكتاب

بابا: وانا هقعد فين لحد مايكتبوا الزفت.. 

مجهول: في اوضه عندك تحت.. روح اتلقح فيها لحد مانشوفلك مكان.. 

.......... 

جاك: الو.. 

ـ....... 

جاك: دا وقته!.. أجلي اي شغل دلوقتي.. والغي كل المواعيد.. 

ـ...... 

جاك: يغور ف داهيه.. انا مش فاضي لاي شغل دلوقتي.. سلام.. 

محمد: هنعمل اي دلوقتي! 

جاك: تعالي معايا بس.. 

.......... 

محمود: ها ياقمر... عامله اي دلوقتي! 

جاكي:...... 

محمود: انتي لسه زعلانه مني! 

جاكي:....... 

محمود: انا عارف هصالحك ازاي.. 

خرج ودخل تاني.. 

محمود: اتفضلي.. 

جاكي: اي دا! 

محمود: اي!.. فراوله.. عارف انك بتحبيها اكتر من اي حاجه.. 

جاكي: هو البعيد معندوش دم! 

محمود: وليه الغلط طيب! 

جاكي: مش عايزه منك حاجه.. انا عايزه امشي من هنا.. 

محمود: هتمشي.. الماذون جاي دلوقتي.. 

جاكي: مأذون اي!.. انا مش موافقه.. 

محمود: هو لعب عيال ولا اي! 

جاكي: انا وافقت ع اساس ان امي موجوده وهشوفها.. بس طلعتوا ناس زباله.. وانا مش هتجوزك مهما حصل.. 

شدني من شعري.. 

محمود: لا ياحلوه.. مش عليا الحركات دي.. 

جاكي: انت وعدتني هتوديني عن امي.. 

محمود: هي عايشه فعلا.. بس انا معرفش مكانها.. 

جاكي: امال قولتلي عارف لي! 

محمود: امال كنت هجيبك هنا ازاي! 

جاكي: بردو مش هتجوزك.. وسواء برضاك او غصب عنك همشي من هنا.. 

محمود: كلها شويه وتبقي مراتي.. ووقتها هتمشي معايا ياجميل.... هو انتي لي مش مقدره حبي ليكي! 

جاكي:حب!.. هو في حد يعمل ف اللي بيحبه كدا!.. انت مش شايف عامل ف وشي اي!.. دا غير البهايم اللي باعتهملي يكملوا عليا.. 

محمود: انا بعتهم يحرسوكي.. بس مقولتش لحد يمد ايده عليكي او يقربلك.. انا عاقبتهم وعرفت ان ابوكي اللي قالهم كدا.. انتي متخيله اني ممكن اخلي حد يمد ايده عليكي! 

جاكي: امال اللي انت عملته دا اي! 

محمود: انتي اللي عصبتيني.. وبعدين بطلي تجيبي 

سيرة الواد بتاعك دا عشان بيحرق دمي.. 

جاكي: "باستفزاز".. وبيحرق دمك لي!.. عشان هو راجل يعني! 

محمود: شوفتي!.. انتي اللي بتضطريني امد ايدي عليكي بطولة لسانك دي.. 

جاكي: ريح نفسك.. مش هتجوزك بردو.. والله ماهتطول مني شعره ياوسخ انت.. 

محمود: طب تمام.. انا كنت جايلك اصالحك وانتي طلعتي قليلة ادب ولسانك طويل.. 

جاكي: هو انتوا لي جبتوني هنا!.. مع ان كان ممكن جدا نروح البيت وتكتبوا الكتاب هناك! 

محمود: مش مضطر اقولك بس تمام.. لان حاليا مينفعش اخدك الشقه بتاعتي اللي هنا لانها متراقبه وفي ناس بتدور عليا.. وكمان مينفعش ارجع القاهره عشان بردو في ناس بتدور عليا... وزي ماتقولي كدا، دا المكان اللي بقعد فيه لما اهرب من حد.. عشان محدش هيعرف ييجي هنا.. فجبتك هنا وبعتلك ناس تحرسك عشان عارفك عنيده وممكن تحاولي تطلعي.. 

جاكي: اطلع ازاي وانا مربوطه! 

محمود: مانا بردو كان لازم اعمل احتياطاتي عشان متضيعيش مني.. 

جاكي: فاشل.. هتفضل فاشل وقذر.. بردو مش هحبك.. ولا هقبلك.. 

محمود: اهو الماذون وصل.. 

"سابني وطلع.. وبابا دخل.. 

بابا: يلا ياعروسه.. 

جاكي: مش هتجوز... انا مش موافقه.. 

بابا: "مسكني من شعري"... انتي تخرسي خالص وتطلعي معايا من سكات.. مفهوم! 

طلعت معاه لقيت المأذون قاعد ومعاه راجل غريب.. 

الماذون: هي مالها كدا يااستاذ.. وشها فيه دم لي!.. وايديها مربوطه لي! 

محمود: ملكش دعوه انت.. اشتغل وانت ساكت.. 

جاكي: لا لو سمحت.. ارجوك.. انا مش عايزه اتجوزه دا مسجل خطر وبلطجي.. 

بابا: اخرسي خالص.. ادخلي جوه يلا.. 

الماذون: فين وكيل العروسه! 

بابا: انا اهو... 

الماذون: ووكيل العريس! 

مجهول: انا... 

............. 

هند: اتصلي بيهم يانور.. شوفيهم عملوا اي! 

نور: ماشي.. 

فيروز: ربنا يستر

نور: الو جاك.. 

جاك: في اي! 

نور: وصلتوا لحاجه! 

جاك: بنحاول.. سلام دلوقتي 

نور: طب ابقى طمني.. 

جاك: متقلقيش..سلام 

نور: ماشي سلام.. 

فيروز: هاا

نور: بيحاولوا

هند: ربنا معاهم يارب

فيروز: انا خايفه عليها قووي.. 

سما: خير ان شاء الله.. 

.......... 

بابا: تعالي عشان تمضي.. 

جاكي: لا مش همضي.. 

بابا: هتسمعي الكلام ولا اطلع روحك ف ايدي دلوقتي! 

جاكي: حسبي الله ونعم الوكيل فيكوا.. 

بابا: وكمان بتحسبني عليا ياقليلة الادب... 

راح ضربني بالقلم وانا زعقت.. 

فجأه سمعنا صوت باب اتكسر جامد..

ـ متكتبش حاجه ...

               الفصل السابع عشر من هنا

لقراءة باقي الفصول من هنا