رواية قلبي ليس بيدي
الفصل السابع عشر والثامن عشر
بقلم حسناء رمضان
Part 17:
محمود: انت مين ياجدع انت!
ـ انا اللي هياخد روحك..
بدأوا يضربوا ف بعض وانا سامعه صوتهم من جوا..
شويه وبعدين لقيته دخل بسرعه...
ـ انتي كويسه!
جاكي: انت مين!
ـ مش مهم.. المهم يلا بسرعه قبل مايفوقوا..
جاكي: هتوديني ع فين!
ـ ياست متخافيش انا هطلعك من هنا..
قعد يفك فيا ومسك ايدي عشان نطلع.. وانا شديتها وبعدت عنه
ـ اي!
جاكي: "بخوف" لا انا معرفكش.. مش ممكن تكون حد منهم
ـ مش وقته... تعالي معايا بسرعه وانا هفهمك كل حاجه بس امشي قبل ماحد ييجي..
بصيت ع هدومي وسكت..
ـ ااه طيب خدي..
قلع الجاكيت ولبسهولي..
"طلعت معاه ولقيتهم كلهم ع الارض وملقتش حد بره... فضلنا نجري مسافه كبيره لحد ماوصلنا لعربيه..
ـ اركبي بسرعه..
بصيتله بتردد..
ـ متخافيش.. مش هعملك حاجه..
ركبت وطلع بسرعه... فضلنا ماشيين لحد مابعدنا عن المكان..
ركن العربيه ع جنب وبصلي...
ـ هاا.. قوليلي بقاا!
جاكي:"بدموع" اقولك اي!
ـ هما كانوا خاطفينك!
جاكي: ايوا.. بس انت مين!
ـ اعتبريني فاعل خير ياست
جاكي: عرفت مكاني منين!
ـ اسالتك كتيره.. نروح المستشفى الاول وبعد كدا هفهمك..
جاكي: لا لا.. انا عايزة اروح..
ـ متخافيش مش هاكلك.. هوديكي المستشفى عشان الجروح دي وبعدين هوديكي البيت...
انتي عارفه العنوان!
جاكي: هاا..
ـ العنوان
جاكي: لا
ـ امال هروحك ازاي.. وبعدين هو في حد مش عارف عنوان بيته!
جاكي: ماهوو....
ـ خلاص مش مهم.. نروح نعالج الحاجات دي وبعدين نتصرف..
............
محمد: هاا وصلت لحاجه!
سيف: ايوا قدرت احدد المكان اللي المكالمه طلعت منه..
جاك: طب كويس.. فين..
سيف: المكان هو ******
جاك: تعرف المكان دا يامحمد!..
محمد: ايوا بس دا بعيد قوي عن هنا..
جاك: مش مهم.. يلا بسرعه..
............
فيروز: "بقلق" رني عليه تاني ياهند..
هند: مانا لسه رانه عليه.. استني شويه عشان منشغلوش..
فيروز: قلبي مش مرتاح.. حاسه فيها حاجه..
نور: متقلقنيش والنبي يافيروز.. انا عماله اطمن نفسي..
هند: تفائلوا ياجماعه.. خير ان شاء الله..
.........
ـ انزلي... اي دا انتي نمتي!..
يااستاذه!.. فوقي!..
كان مغمى عليا ومش حاسه بحاجه راح شالني ودخلني المستشفى..
الكل كان بيبصلنا باستغراب..
الممرضه: اتفضل هاتها هنا يافندم..
دخلني الاوضه وحطني ع السرير..
الدكتور: هي مالها المدام..
ـ معرفش هي تقريبا اغمى اعليها..
الدكتور: والجروح اللي ف وشها دي!
ـ "بعصبيه".. ممكن حضرتك تشوف شغلك وبعد كدا نشوف الاسئله دي!
عدى شوية وقت وفوقت..
جاكي:" بخضه".. انا فين!
ـ متخافيش.. انتي ف المستشفى...
مسكت راسي عشان كنت حاسه انها هتتفرتك.. ملقتش حاجه ع شعري.. روحت خبيته بايدي بسرعه..
ـ هو انتي محجبه!
جاكي: احم ايوا..
ـ طب خليكي هنا وهرجعلك دلوقتي..
خرج والممرضه دخلت..
الممرضه: انتي كويسه دلوقتي!
جاكي: ايوا تمام
الممرضه: طب حضرتك فين الاستاذ اللي كان معاكي عشان الدكتور عايزه!
جاكي: خرج وجاي دلوقتي..
الممرضه: طب تمام.. عن اذنك..
خرجت وانا قعدت اعيط واغطي نفسي ومش عارفه هروح فين!
شويه والباب خبط..
جاكي: اتفضل..
ـ في حاجه!
جاكي: لا لا مفيش..
ـ طب اتفضلي حجاب اهو
كان بيكلمني وهو باصص ف الارض لحد ماحطيته ع شعري...
جاكي: متشكره..
ـ بقيتي كويسه دلوقتي!
جاكي: ايوا..
ـ طب افتكرتي العنوان عشان اروحك!
جاكي: هو الحقيقه انا..
ـ انتي اي!
دموعي نزلت..
جاكي: انا معنديش مكان اروحه..
ـ يعني اي!.. فين والدك او والدتك!
جاكي: معنديش
ـ احم انا اسف.. طب ممكن تبطلي عياط..
جاكي: انا عايزه امشي..
ـ طب هتروحي فين!
جاكي: معرفش...
ـ طب قبل ماتتخطفي كنتي قاعده فين!
جاكي: "عياط".....
ـ لو سمحت يااستاذ..
ـ نعم!
الممرضه: الدكتور عايز حضرتك..
ـ حاضر..
ـ بعد اذنك هشوفه عايز اي وهرجعلك..
سابني وخرج..
جاكي:"بعدم وعي".. انا لازم امشي.. انا هروح ادور ع امي.. ايوا انا مش عندي غيرها..
لبست الجاكيت كويس وحطيت الطرحه وخرجت وانا مش حاسه اي اللي بيحصل.. فضلت الف ف المستشفى لحد مالقيت الباب وطلعت بره ف الجنينه وقعدت انادي عليها بصوت عالي وانا بعيط..
جاكي: ماما.. ماما انتي فين!
ماما انتي فين انا هجيلك.. مش هسيبك تاني والله.. انا اسفه.. بس تعالي خديني.. الناس هتضربني.. تعالي والنبي.. مامااا..
فضلت اكلم نفسي كدا لحد ماتعبت وانا بجري وقعدت تحت شجره وضميت رجلي وفضلت اعيط واكلم نفسي...
...............
جاك: يلا بسرعه..
نزلوا ودخلوا جري بس ملاقوش حد.. فضلوا يدوروا ف المكان وملقوش غير الرجاله اللي كانت بره، كانوا مرميين ع الارض..
محمد: اتأخرنا..
جاك: "بغضب".. اي الزفت دا..
محمد: هنعمل اي دلوقتي!
جاك: اكيد هيكونوا لسه قريبين من هنا.. هندور عليهم..
محمد: طب يلا بسرعه..
ركبوا العربيه وقعدوا يلفوا ويدوروا....
...........
فيروز: رني بقاا يابنتي اي كل دا؟
هند: خلاص هرن اهو..
هند: الو جاك..
جاك:" بعصبيه".. عايزه اي!
هند: عملتوا اي!
جاك: معملناش.. وصلنا وملقيناش حد..
هند: ايه!.. يعني اي!
جاك: يعني الله اعلم هي فين... اقفلي بقاا ومترنيش تاني..
فيروز: في اي!
هند: "بعياط".. راحوا المكان اللي كانت فيه وملقوهاش..
فيروز: يعني اي!.. يعني البت ضاعت!
هند: تقدري تقولي كدا..
............
ـ انتي هنا وانا قالب عليكي الدنيا!..
رفعت وشي لقيته هو..
جاكي: هاا
ـ اي اللي جابك هنا!..
جاكي:"بعدم وعي".. بدور ع امي..
ـ امك!!.. هي فين!
جاكي: مش عارفه..
ـ طب ممكن تقومي معايا عشان انتي تبعانه!
جاكي: لا لا امي عايزاني.. سيبني يعم
سيبته وقومت وانا بلف حواليا...
ـ استني بس انتي رايحه فين!..
جاكي: "بعياط".. معرفش.. انا عايزه امي..
ـ طب خلاص.. تعالي معايا وندور عليها بالعربيه..
جاكي: هتدور معايا!
ـ ايوا طبعا بس تعالي معايا..
مشيت معاه ووصلنا للعربيه ووقتها اغمى عليا تاني..
ركبني العربيه وفضل يفوق فيا...
ـ ياشيخه وقعتي قلبي..
جاكي: اااه دماغي...
ـ اتفضلي مايه..
جاكي: هو اي اللي حصل..
ـ اغمى عليكي تاني..
ممكن تهدي شويه بقاا عشان هتتعبي اكتر!..
جاكي: احم.. شكرا ع كدا.. انا بس عايزه امشي..
ـ طب هوديكي فين!
جاكي: لا شكرا انا هروح لوحدي..
ـ لوحدك اي!.. انتي مش قولتي مش عارفه العنوان!
جاكي: متشغلش بالك انا هتصرف..
كنت ماسكه دماغي وحاسه ان الدنيا بتلف بيا..
ـ استني بس لو سمحتي.. لو نزلتي هتتعبي تاني والله..
طب انتي اكيد مأكلتيش، نروح ناكل وبعد كدا نشوف هنعمل اي
جاكي: لا شكرا.. مش عايزة حاجه..
ـ مانتي بتقولي مفيش مكان تروحيه.. تعالي معايا البيت..
جاكي: نعم!!!!
ـ مش قصدي والله اهدي... انا هوديكي عند والدتي وهي هتهتم بيكي..
جاكي: لا شكرا مش عايزه..
سيبته ونزلت وفضلت ماشيه ومش عارفه اروح فين بمنظري دا ولا بهدومي المقطعه دي..
شويه وطلع عليا شابين...
ـ الجميل ماشي لوحده لي!
ـ طب نمشي معاه احنا طيب..
جاكي: انت مالك انت وهو..
ـ مالنا ازاي بس!.. مش حرام القمر دا يمشي لوحده كدا..
جاكي: ابعدوا عني بدل ما اصوت والم عليكوا الناس..
ـ ههه صوتي.. انتي مش شايفه هدومك!... يعني احنا مش اول ناس..
ـ اخرس ياوسخ انت وهو..
بصيت لقيته هو...
ـ وانت مين بقاا!
ـ اتكل ع الله ياحلو بدل مااعرفك انا مين..
ـ ولو ممشتش..
ـ امشيك اناا..
فضل يضربه والناس اتلمت وانا قعدت ع جنب وحطيت ايدي ع ودني...
شويه وجه..
ـ ممكن تقومي معايا بقاا؟
هزيت راسي وقلتله لا..
ـ يعني انتي عاجبك اللي بيحصل دا!.. لو مقومتيش معايا هيحصل كدا تاني..
قومي.. لو سمحتي..
قومت معاه وركبنا العربيه ومشينا...
.........
جاك: يلا يامحمد..
محمد: لا مش هروح.. انا هدور عليها.
جاك: مفيش فايده.. مش هنلاقيها.. اكيد خدوها مكان بعيد..
محمد: قولتلك مش همشي.. عايز تمشي انت اتفضل..
جاك: تعالى نروح وهناك نفكر هنعمل اي..
محمد: اكيد عملوا فيها حاجه..
جاك: لا اكيد محصلش حاجه.. تعالى بس خلينا نمشي..
ركبوا ورجعوا...
فيروز: هاه عملتوا اي!
محمد: معملناش..
هند: ملقتوهاش بردو!
جاك: لا..
نور: يعني كدا خلاص!
جاك: معرفش.. احنا عرفنا المكان اللي كانت فيه وروحنا وملقيناش حد..
فيروز: البت ضاعت.. خلاص ع كدا.. انا غلطانه اني سيبتها تمشي من الاول..
جاك: اهدي يافيروز انتي ملكيش دعوه...انا هحاول ارجعها..
عمو احمد: هند خدي امك جوا وانتوا اطلعوا ع اوضكوا..
..............
ـ وصلنا...
جاكي: "بتوتر".. لا لا
ـ متخافيش.. طب ياست لو طلعتي وملقيتيش حد ابقي امشي..
جاكي:.......
ـ ثقي فيا.. والله والدتي فوق...
" طلعت معاه وانا مرعوبه ومش فاهمه حاجه"...
خبط ع الباب وشويه والباب فتح....
Part 18:
ـ ازيك ياماما..
ـ الحمد لله ياحبيبي.. امال مين دي!
ـ ا اتفضلي ادخلي..
ـ مالك يابنتي اي اللي عمل فيكي كدا!
ـ ماما لو سمحتي خديها جوا وخليها تغير هدومها وانا هفهمك كل حاجه..
ـ طب تعالي يابنتي.. بطلي عياط ياحبيبتي تعالي معايا..
دخلت معاها وجابتلي هدوم البسها..
ـ اتفضلي يابنتي غيري هدومك..
سابتني وطلعت وقفلت الباب وانا غيرت وقعدت ع السرير اعيط...
ـمين دي!
ـ دي واحده كانت مخطوفه..
ـ يالهوي! يعني اي!
ـ يعني كانت مخطوفه ياماما.. وكمان عايزين يجوزوها غصب عنها..
ـ طب واهلها فين!
ـ معرفش.. بتقول معندهاش..
ـ طب وهي هتروح فين دلوقتي!
ـ هتقعد معانا هنا لحد مانشوف هتروح فين.. دا بعد اذنك طبعا..
ـ طب انت متاكد يابني!.. احسن تكون نصابه ولا حاجه..
ـ لا لا خالص.. هبقى احكيلك كل حاجه بعدين.. دلوقتي هاتيلها حاجه تاكلها عشان بقالها كتير مكلتش وتعبانه..
ـ ماشي يابني...
ـ انا هنزل اجيب الحاجات اللي الدكتور قالي عليها..
ـ حاجات اي!
ـ انتي مش شايفه وشها عامل ازاي!.. دا غير ان في جروح ف جسمها.. وكمان هجيب حاجات تساعد جنب الاكل عشان متتعبش تاني..
ـ ماشي بس متتأخرش..
ـ لا مش هتأخر بس اوعي تخليها تمشي..
ـ ماشي..
عدى شوية وقت ولقيت الباب خبط..
جاكي: ادخل..
ـ عامله اي دلوقتي يابنتي!
جاكي: كويسه..
ـ كويسه ازاي بالدموع دي.. انتي عنيكي حمرا قووي.. كفايه عياط..
جاكي: لا مبعيطش..بس انا عايزه امشي..
ـ لا تمشي فين.. دانا جايبالك اكل..
جاكي: شكرا لحضرتك والله بس انا عايزه امشي معلش..
ـ يابنتي انتي كنتي مخطوفه.. احسن يكونوا بيدوروا عليكي ولا حاجه
خليكي معانا هنا لحد ماتصحي شويه..
جاكي: ليه!
ـ ليه اي!
جاكي: هتعملي معايا كدا ليه!
ـ انتي زي بنتي.. وممكن بنتي كانت تتحط ف موقف زي دا.. وبعدين ربنا بيوقعنا ف طريق بعض عشان نساعد بعض..
حضنتها وفضلت اعيط بصوت عالي.. وكإني كنت مستنيه اللحظه دي بقالي كتير... فضلت حاضناها وبعيط فتره كبيره وكنت مرتاحه جدا وحاسه اني متطمنه..
ـ اهدي.. اهدي.. حصل خير.. يلا كلي بقاا
جاكي: لا مش عايزه اكل..
ـ لا مينفعش.. لازم تاكلي عشان متتعبيش
جاكي: صدقيني مش عايزه اكل خالص..
ـ طب بصي اسيبك ترتاحي دلوقتي وشويه كدا يكون ادم رجع وناكل مع بعض..
جاكي: ادم مين!
ـ ابني..
جاكي: هو اسمه ادم!
ـ ايوا ياحبيبتي اسمه ادم... ارتاحي انتي ولو احتاجتي حاجه نادي عليا..
جاكي: حاضر..
.............
ف الڤيلا..
جاك كان بيتكلم ف الفون ف اوضته...
جاك: موصلتش لحاجه!
ـ..........
جاك: تمام.. ابعتلي الحاجات دي بسرعه..
الباب خبط..
جاك: ادخل..
فيروز: تعالى يابني عشان تاكل..
جاك: طب هكلمك بعدين سلام...
لا يافيروز مليش نفس..
فيروز: انت مكلتش من امبارح
جاك: مش عايز يافيروز سيبيني..
فيروز: طب عرفت حاجه!
جاك: لسه.. بحاول اهو بس مش عارف
فيروز: حاول يابني والنبي.. انا قلبي متقطع عليها..
جاك: امال لو سمعتي صوت القلم اللي سمعته وانا بكلمها..
فيروز: الهي ايده تتشل البعيد.. هي قده!
جاك: متقلقيش كسرتهاله... المهم انزلي انتي انا مش جعان..
فيروز: براحتك يابني...
...........
البنات مع بعض ف الاوضه...
هند: ياجماعه انا مليش نفس اعمل اي حاجه..
نور: ولا انا..
سما: طب ياجماعه انا خايفه عليها.. هي ممكن تكون ماتت!
هند: اي اللي بتقوليه دا ياحيوانه.. بعد الشر
نور: ياشيخه تفائلي بقاا.. ربنا معاها ومش هيسيبها اكيد..
سما: طب وبالنسبه الجامعه اللي بعد اسبوع دي..
هند: مالها!
سما: هنروح منغيرها!
نور: لا ان شاء الله من هنا لوقتها هتكون ظهرت...
هند: يارب..
..........
ادم: ها ياماما!
ـ كويس انك جيت.. تعالى اقعد عشان الاكل جاهز..
ادم: هي فين!
ـ هدخل اناديها من جوه وانت اقعد..
ادم: هي هتاكل معانا!
ـ ايوا..
ادم: متدخليش اكل جوه ليها لي!
ـ مرضتش وانا سيبتها براحتها..
ادم: طب ناديها عشان تاكل وتاخد الدوا..
خبطت ع الباب ومحدش رد.. راحت فتحت..
ـ جاكي!.. انتي نمتي!..
غطتني وخرجت..
ادم: اي!
ـ نايمه
ادم: نايمه اي.. احسن يكون اغمى عليها تاني..
ـ لا لا نايمه... ياحبة عيني دي رايحه ف النوم خالص ولا حاسه بحاجه..
ادم: انتي مشوفتيش وشها كان متخرشم ازاي..
ـ الحمد لله انك لحقتها.. الله اعلم لو اتاخرت كانوا ممكن يعملوا فيها اي..الهي ينتقم منهم..
ادم: انتي لحقتي تحبيها!
ـ اه حبيتها جدا والله.. باين عليها محترمه وطيبه.. بس هو الزمن كدا..
ادم: طب تعالي بقاا حطيلي اكل عشان انا واقع.. ااه وخدي ابقي اديها الدوا دا لما تصحى..
ـ ماشي..
.........
عدى وقت.. معرفش قد اي... بدات اصحى..
فتحت عيني وانا ثابته مكاني وقعدت ابص حواليا ودموعي نزلت لوحدها...
قومت قعدت وسرحت ف اللي حصل...
جاكي: طب انا هروح فين دلوقتي.. مينفعش ارجع عند جاك.. دا مش بيتي.. كفايه اللي ابويا عمله.. ومش هعرف ارجع القاهره.. طب وجامعتي!.. ياااارب..
الباب خبط..
جاكي: ادخل..
ـ حسيت انك صحيتي فقولت ادخلك..
جاكي: حسيتي!
ـ ايوا.. المهم يلا اطلعي عشان تاكلي وتاخدي الدوا..
جاكي: "باحراج".. لا شكرا جدا لحضرتك ع كل دا.. بس انا مينفعش اقعد اكتر من كدا..
ـ عيب متقوليش كدا... انتي زي بنتي.. تعالي بس معايا عشان مزعلش منك..
جاكي: حاضر..
قومت معاها غسلت وشي وحطيت طرحتي وطلعت..
لقيت ادم قاعد بيلعب ع اللاب..
ـ ادم قوم هات الدوا..
ادم: اي دا هي صحت!.. عامله اي دلوقتي..
جاكي: الحمد لله..
ادم: الحمد لله..
دخل جاب الدوا ومامته حضرتلي الاكل...
ـ يلا يابنتي اتفضلي..
جاكي: احم.. ملوش لزوم التعب دا..
ادم: طب انا نازل ياماما عشان تاخد راحتها..
جاكي: لا لا مش قصدي.. وبعدين انت هتمشيني..
ادم: امشيكي فين!
جاكي: هتمشيني من هنا..
ادم: عندك مكان تروحيه..
جاكي: لا..
ادم: طب كلي وانا هطلع البلاكونه ولما تخلصي براحتك ابقي تعالي عشان عايزك...
جاكي: تمام..
سابني ودخل وانا بدأت اكل وكنت هموت من الجوع فعلا.. فضلت اكل ومحستش بنفسي.. بس كنت مرتاحه.. كنت مرتاحه معاهم وحاسه اني ف امان هنا.. يمكن لبساطة المكان واللي فيه..
خلصت ولقيتها باصالي ومركزه معايا..
جاكي: احم.. في حاجه!
ـ مستغربه
جاكي: من اي!
ـ ازاي القمر دا يحصل فيه كدا..
بصيتلها وابتسمت بغُلب...
جاكي: نصيب..
انا كنت محتاجه اغسل ايدي..
ـ الاكل عجبك!!
جاكي: تسلم ايدك.. بصراحه اول مره اكُل اكل حلو كدا..
ـ الف هنا يروحي..
دخلت غسلت ايدي وطلعت عنده ف البلاكونه لقيته مشغل قصيده لعمرو حسن وسرحان معاها...
جاكي: احم..
ادم: تعالي..
قعدت ع الكرسي اللي قدامه..
ادم: اي حكايتك بقاا ياستي..
جاكي: حكاية اي!
ادم: مخطوفه لي!.. ومين الناس دي!
سكت ومكنتش عارفه اقوله ولا لا... اثق فيه ولا لا..
ادم: انا معرفكيش.. واول مره اشوفك النهارده.. يعني انا مليش مصلحه اني اضرك او حاجه.. فَ لو حابه تحكيلي عشان ساعدك، انا سامعك..
جاكي: هو انا.. مش عارفه اقولك اي بس..
ادم: احكيلي اللي حصل.. مين اللي كان خاطفك وكان عايز منك اي!
جاكي: طب هو انا ممكن اسالك سؤال!
ادم: اه طبعا اتفضلي..
جاكي: هو انت عرفت مكاني ازاي!.. وانقذتني لي!..
ادم: بصي ياستي انا كنت ماشي بالعربيه وبالصدفه انتوا كنتوا جنبي بالعربيه وشوفتك راكنه راسك ع الشباك وبتعيطي وبعدين انتوا سبقتوني فبالتالي شوفت الراجل اللي كان جنبك لما مد ايده عليكي وانتي كنتي بتصوتي..
ف الاول ترددت اني اتدخل بس فضولي كان هيموتني ومشيت وراكوا عشان حسيت ان في حاجه غلط... وقفت بعيد وشوفتهم وهما واخدينك مكان مهجور كدا وشويه وسابوكي وطلعوا.. فانا قلقت اكتر وكنت هبلغ البوليس.. بس فجأه جالي تليفون ان واحد صاحبي عمل حادثه فرجعت ع طول.. وبعدين افتكرتك فقولت اروح تاني يمكن الاقيكي او حاجه... بس كان في اتنين كدا واقفين قدام البيت فمكنتش عارف ادخل...
جاكي: ودخلت ازاي!
ادم: عملت اصوات كدا بعيد ع اساس اني ابعدهم عن البيت.. فواحد منهم جه ناحية الصوت وانا ضربته ع دماغه فاغمى عليه تقريبا..
جاكي: والتاني!
ادم: عملت نفسي تايه وروحت سالته ع مكان مكتوب ف ورقه وكدا.. وهو بيقرأ الورقه رشيت ف وشه الرشاش اللي البنات بتستخدمه دا وفضلت اضرب فيه لحد ماوقع هو التاني..
جاكي: "باستغراب".. وهو كان معاك بيعمل اي!!
ادم: مش بتاعي.. دا بتاع اختي وهي نسته ف العربيه ففكرت ف الفكره دي والحمد لله نجحت..
ادي كل الحكايه ياست.. قوليلي بقاا.. مين دول!
جاكي: ابويا..
ادم: نعم!!!
جاكي: للاسف..
ادم: انتي مش قولتي ان معندكيش اب او ام..
جاكي: لا ابويا موجود.. بس هو اللي كان خاطفني..
ادم: طب وهو عمل كدا لي!
جاكي: عشان ينقذ نفسه من السجن.. فقدمني انا كضحيه يعني..
ادم: انا مش فاهم حاجه..
جاكي: افهمك..
حكيتله كل حاجه لحد مافهم وعرف الحكايه...
ادم: هو انا بس مش قادر استوعب.. انتي بتتكلمي بجد!
جاكي: اممم
مامته دخلت بالشاي...
ـ اتفضلي ياحبيبتي اشربي..
جاكي: متشكره جدا..
ـ الا صحيح مقولتليش انتي اسمك اي!
ادم: اي دا وانا كمان معرفش اسمك لحد دلوقتي..
جاكي: اسمي جاكي..
ادم: جاكي!
جاكي: ايوا
ادم: اي الاسم الغريب دا!
ـ جاكي!!.. انتي اسمك جاكي!!
جاكي: ايوا ياطنط.. هو في حاجه!
ـ هاا.. لا لا ياحبيبتي دانا فكرت ف حاجه كدا بس لا خلاص..
المهم خد اديها الدوا ياادم عشان انا نازله..
جاكي: نازله!!!
ـ متخافيش.. انا اتطمن عليكي معاه اكتر مااتطمن عليكي مع بنتي..
جاكي: احم لا مش قصدي..
ادم: نازله فين!
ـ هنا ف الشارع اللي جنبنا دا هجيب شوية حاجات وهاجي ع طول..
ادم: طب خليكي وانا اجيبلك اللي انتي عايزاه..
ـ لا لا خليك وانا مش هتأخر.. كلها نص ساعه وهاجي..
ادم: ماشي.. خلي بالك من نفسك..
"سابتنا ومشت"..
......
ادم: هو انتي خايفه مني!
جاكي: هاا!.. لا مش قصدي..
ادم: لو انا مش كويس كنت استغليت اننا كنا ف مكان بعيد ومهجور وانتي لوحدك.. او كنت استغليت انك اغمى عليكي وانتي ف عربيتي..
جاكي: لا مش قصدي حاجه.. طبعا لو انت حد مش كويس مكنتش هتساعدني...
ادم: طب اتفضلي اشربي الدوا دا.. وبعدين خدي البرشام دا..
جاكي: حاضر..
ادم: خدي دا بردو مرهم للجروح اللي ف جسمك..
جاكي: شكرا..
خدت الدوا وقعدت....
ادم: هتعملي اي!
جاكي: انا همشي.. بس مش عارفه هروح فين..
ادم: لا مش لازم تمشي.. خليكي..
جاكي: لا شكرا قوي كدا... انا بس كنت عايزه اكلم محمد من موبايلك عشان موبايلي مش معايا..
ادم: ااه طبعا اتفضلي..
كتبت رقمه ورنيت عليه... رد عليا وكان صوته مليان حزن..
محمد: الوو..
جاكي: الو محمد.. انا جاكي..
محمد: جاكي!!!.. انتي فين!.. انتي كويسه!
جاكي: ااه انا كويسه.. انا بس رنيت عشان اطمنكوا..
محمد: انتي فين!
جاكي: مش هينفع يامحمد.. كفايه اللي حصلكوا بسببي...
محمد: انتي بتقولي اي!.. بالله عليكي قوليلي انتي فين
جاكي: انا كويسه متقلقش.. انا بس هشوف مكان هقعد فيه عشان مينفعش ارجع..
محمد: مكان اي.. انتي اتهبلتي.. قوليلي انتي فين دلوقتي.. انا جاي اخدك..
جاكي: معلش انا اسفه.. مش عايزه اعملكوا مشاكل تاني..
قفلت التليفون قبل مايرد...
............
محمد: الو الو.. جاكي..
طلع يجري ونده ع جاك..
محمد: جااك.. جاك..
جاك: عايز اي!
محمد: جاكي.. جاكي رنت عليا..
جاك: اي!.. امتى دا!
محمد: دلوقتي.. الحمد لله هي كويسه..
جاك: طب هي فين دلوقتي!
محمد: معرفش..
جاك: يعني اي متعرفش.. مسألتهاش ليه!
محمد: سالتها ومرضتش تقول.. بتقول مينفعش ترجع تاني عشان متعملناش مشاكل..
جاك: رن عليها تاني..
فيروز: في اي ياولاد..
جاك: جاكي رنت..
فيروز: اي.. طب قالت اي!
جاك: هي كويسه بس مقالتش هي فين..
محمد: برن مش بترد
جاك: هات..
......
ادم: ردي..
جاكي: مش عايزه..
ادم: اكيد قلقانين عليكي.. ع الاقل طمنيهم..
خدت الموبيل وفتحت..
جاكي: الو..
جاك: الو جاكي انتي فين..
جاكي: اتطمن انا كويسه..
جاك: بقولك انتي فين!
جاكي: مينفعش..
جاك: اي اللي مينفعش.. اخلصي وقولي انتي فين.. مش هتفضلي ف الشارع يعني..
جاكي: لا انا مش ف الشارع..
جاك: امال فين!
جاكي: في ناس لقوني وانا دلوقتي قاعده عندهم..
جاك: وعايزاني اسيبك!!.. قولي انتي فين..
جاكي: جاك بجد مش هينفع ارجع..
جاك: طب لما ترجعي هنشوف الحوار دا...
فيروز: اديني الموبيل دا... ايوا ياجاكي.. اخص عليكي يابنتي.. يرضيكي تسيبيني قلقانه عليكي كدا!
جاكي: معلش يافيروز والله انا اسفه.. بس غصب عني..
فيروز: والنبي لاتقولي انتي فين.. حرام عليكي مش قادرين نقعد من الخوف عليكي..
جاكي: حقك عليا بس..
فيروز: مبسش... لو كان ليا عندك خاطر قوليلي انتي فين عشان ييجوا ياخدوكي..
جاكي: "بتنهيد".. حاضر... ادم هو احنا فين!
ادم: قوليلهم ف ******
جاكي: العنوان******...بس تقريبا دي مسافه بعيده..
جاك: ملكيش دعوه.. بس اياك تتحركي من مكانك لحد مانيجي..
جاكي: حاضر..
قفلت معاهم...
ادم: اي!
جاكي: جايين..
ادم: واضح انهم بيخافوا عليكي قوي..
جاكي: كتر خيرهم...
ادم: طب خليها للصبح.. ع الاقل ترتاحي شويه..
جاكي: مش هيوافق..
ادم: بس دلوقتي انتي محتاجه ترتاحي..
جاكي: ومين قالك اني هرجع معاهم!
ادم: امال
جاكي: خليهم ييجوا عشان يتطمنوا... بس مش هرجع
ادم: طب لي!
جاكي: مش بيتي
ادم: خلاص اقعدي معانا
جاكي: لا مش للدرجادي يعني.. انا هشوفهم عايزين اي وبعدين همشي خالص..
ادم: لا صدقيني لو مروحتيش معاهم هتقعدي هنا..
جاكي: هو انا مش عارفه الصراحه اشكرك ازاي ع اللي عملته معايا...
ادم: لا ياست متشكرنيش دا واجب عليا... بس دلوقتي هتعملي اي ف موضوع باباكي دا!
جاكي: ربنا يسامحه بقاا..
ادم: افرضي حب يضرك تاني!
جاكي: معايا ربنا بقااا... دا غير اني عايزه اروح اي مكان بعيد عن هنا..
ادم: مظنش انهم هيرضوا يسيبوكي اصلا...
فجأه الباب خبط..
ادم: طب بعد اذنك هفتح الباب..
طلع فتح الباب...
ـ دوووومي.. واحشني
بصيت لقيت بنت ف نفس سني تقريبا وحاضناه..
ادم: اي المفاجأه دي... وحشاني
ـ انت اللي واحشني ياقمر انت.. بس اي الحلاوه دي..
ادم: تعالي بس ادخلي..
ـ مين دي!
ادم: ااه تعالي اعرفك..
جابها وجه..
ادم: دي جاكي..
ـ جاكي!.. ااه اهلا..
جاكي: اهلا..
ادم: دي منه..
جاكي: تشرفنا..
منه: انا مش فاهمه حاجه..
ادم: ادخلي بس انتي وانا هفهمك بعدين.. ادخلي وماما هتيجي دلوقتي..
منه: اوكيه..
سابتنا ودخلت..
ادم: مالك!
جاكي: لا مفيش..
ادم: دي اختي ع فكره..
جاكي: وبتقولي ليه!
ادم: لا عادي بعرفك بس..
جاكي: ربنا يخليكوا لبعض..
ادم: طب فكيتي شويه!
جاكي: ااه الحمد لله تمام جدا..
ادم: طب ع فكره احنا لازم نستناهم بره عشان هما مش هيعرفوا البيت..
جاكي: المفروض استناهم فين!
ادم: هنزل معاكي دلوقتي بس ثواني..
سابني ودخل عند اخته وانا قعدت مكاني..
.....
ادم: منه.. بقولك اي انا نازل..
منه: نازل فين!
ادم: لما ارجع هفهمك..
منه: طب هي ماما فين!
ادم: اهي تقريبا جت اهي..
طلع لقى مامته جت..
منه: ماما..
طلعت تجري عليها حضنتها..
ـ اي المفاجأه دي.. يعني مقولتيش انك جايه...
ادم: طب اسيبكوا انا بقاا عشان نازل..
ـ نازل فين!... وفين جاكي!
ادم: لا مانا نازل معاها عشان اهلها جايين
ـ هتمشي!
ادم: مش عارف.. هي مش عايزه تمشي معاهم وهما اصروا.. ع العموم ابقاا احكيلكوا لما اجي..
دخل البلاكونه..
ادم: يلا!
جاكي: يلا..
نزلت معاه واول مانزلت الشارع حسيت بنفس الخوف اللي كنت حاساه وانا مخطوفه..
ادم: انتي كويسه!
جاكي: ايوا..
شويه وفونه رن...