الحلقه الثالثه والثلاثون من رواية
قلوب تنزف عشقاً
بقلم :عبير سليم
❤️❤️❤️❤️❤️❤️❤️
هل آن الأوان لتجتمع كل القلوب أم لم يحن الوقت بعد؟
فكل شيء لا يمكن حدوثه من غير مشيئة الله سبحانه وتعالى
يتحدث سامي إلى يحي في الجيم
سحر عامله شغل جامد مع البنات اللي بييجوا والحمد لله بدءوا يجيبوا صحابهم أنا متفائل أوي
يحي :أختك ماشاء الله عليها روحها حلوه ودمها خفيف واجتماعيه فطبيعي البنات يحبوها وبعدين بصراحه فكرتها اننا نعمل خصم الصحاب ده شجع كل واحده تجيب صاحبتها
سامي :كانت فكرة حلوة فعلا وبعدين انت حتقوللي عليها دي هي اللي مصبراني عالبيت عارف يايحي برغم اننا على طول نتخانق لكن مبرتاحش في الكلام غير معاها وكل أسراري عندها
يحي :ربنا يخليكم لبعض يارب
سامي :حبيبي يايحي ويخليك لية ياصاحبي
تخرج إليهم وقد أمسكت بحقيبتها
سامي :ماشيه
سحر :آه ماشيه عندي محاضرة كمان ساعه ويادوب كده
سامي :طب خدي
سحر :إيه ده فلوس مش معقول اكتب ياتاريخ وسجل يازمن سامي أخويا بيديني فلوس من غير مايخليني اتذلله
يحي :ههههههههه
سامي :اه ياناكرة المعروف ده على أساس اني أول مرة اديكي
سحر:تديني اه مانت فعلاً بتديني على قفايا
سامي:تخونك الخمسين جنيه اللي لسه مديهالك عشان تجيبي الشيكولاته بقى تجيبي شيكولاته بخمسين جنيه مرة واحده يامفتريه ليه كنتي بنت مين في البلد مالها الشيكولاتايه اللي باتنين جنيه
سحر :دي قطمه مابلحقش أعرف طعمها إيه
المهم خليهوملك جيب السبع مايخلاش كفي نفسك انت بس
سامي :ده من امتى الزهد والتقوى دي الله يرحم لما كنتي بتقلبيني وانا نايم
سحر :حعمل إيه بس مانت دلوقتى بقيت راجل خاطب ومسئول عن جميلة الجميلات ولازم تمسك إيدك شويه عشان مصاريف الخطوبه يامعلم
سامي :ياحبيبتى قلبك على اخوكي ربنا يخليكي لية
سحر :عشان تعرف بس عد الجمايل بقى ياللا سلام ياشباب اشوفكم بكرة
يحي :مع السلامه يا سحر
سامي :خدي بالك من نفسك يابت
سحر :ماشي يامعلم وتخرج
يحي :وربنا انتوا الاتنين ملكمش حل انا بحب اتفرج عليكم وانتوا بتتكلموا مع بعض ولا كأنه مسلسل كوميدي
بعد مرور عدة دقائق يتصل والد يحي عليه يطلب منه الذهاب إليه
يحي :سامي انا اتاخرت على بابا. عاوزني حمشي انا بقى
سامي :ماشي اتوكل انت على الله
يخرج يحي بعربيته وبعد مسافه يشوف سحر وهي واحد بيشدها وعاوز يركبها عربيته وهي عماله تصوت
يالهوي الحقوني ياناس
يقرب بالعربيه بسرعه وينزل يجري عليها
سيبني يابن........ ياناس الحقوني
أول ما شافت يحي جاي يجري عليها حست إنها اطمنت
هجم يحي عليه ونزل فيه ضرب غي وشه وجسمه زي المجنون كان بيضرب من غير وعي ولا تفكير
لدرجة ان الراجل كان حيموت في إيده
سحر خافت الراجل يموت في إيده ويروح فداهيه بقت تشد فهدومه وتترجاه يسيبه
سيبه عشان خاطري خلاص والنبي كفايه الراجل حيموت في إيدك
لكن يحي كان نازل ضرب وشتيمه:ياحقير ياواطي يازباله اديك خدت علقه محترمه عشان تبقى تعرف تتعدى على بنات الناس تاني
زقه عالعربيه بعد ماالراجل وشه مبقاش باينله معالم من كتر الضرب والدم اللي مغرقه
خاف وركب بسرعه عربيته وطلع يجري
يحي :سحر انتي كويسه عملك حاجه الحيوان ابن ال......... ده
سحر :كويسه كويسه الحمد لله انا كويسه
لا معمليش حاجه بس انا خفت أوي كنت حسه اني حضيع خلاص
يحي :ألف بعد الشر عنك يا سحر ياللا تعالي اركبي
سحر :أركب فين لا مش حينفع انا حمشي خلاص
يحي :اتنيلي بقى اركبي بدل مااديكي بوكس فوشك انتي كمان
وبعدين انتي مجنونه ازاي تمشي فطريق زي ده لوحدك هو ده طريق يتمشى فيه أصلا
سحر :انا متعودة أمشي منه كل مرة ومبيحصلش حاجه والله دي أول مرةيحصللي كده انا خفت أوي يايحي انا قلبي كان حيقف
يحي :طب خلاص خلاص اهدي ياسحر اهدي محصلش حاجه الحمد لله إني لحقتك
ياللا تعالي أوصلك فطريقى
سحر :بس
يحي:ولا بس ولا مبسش وانا اللي حقول ليحي اني شفتك و
سحر :لا والنبي عشان خاطري متقلهوش حاجه
يحي :متخافيش حقولله اني شفتك وانتي ماشيه وخدتك في طريقي ارتحتي كده
سحر :اه
يحي :اتفضلي قدامي عالعربيه
تركب سحر جمبه وبعدين افتكرت اللي حصل وعيطت
يحي يركن بالعربيه قدام أول محل قابله في الطريق :ثواني وجاي
نزل يحي وبعد شويه رجع وهو معاه شنطه كبيرة فيها كانزات وشيبسي وشيكولاتات وقاللها:خدي
سحر :اخد إيه
يحي :شوية حلويات تهدي بيها أعصابك
سحر :كل دي حاجات يايحي ده كتير أوي لاء بص انا حاخد الشيكولاتايه دي وشكراً أوي
يحي :بت انتي متقرفنيش وبلاش كلام كتير الحاجات دي ليكي انتي
سحر :ههههههه
يحي :وربنا مجنونه هو انتي مش كنتي لسه بتعيطي
سحر :اه اصلي انا جرحي بيلم بسرعه وبعدين انا بضحك على طريقة كلام انت بقيت بتتكلم شبهنا
يحي :من عشرتي ليكم وبعدين هو في احلى من الكلام بالطريقه دي
سحر :بس بردو الحاجات دي كتير اوي انت اشتريت المحل كله يابني
يحي :مليش فيه حتاخديها يعني حتاخديها واللا تحبي تاخدي بوكس فوشك
سحر :لا وعلى إيه الطيب أحسن بس انت ايه شرحت الراجل شكل الجيم عمل شغل معاك
يحي :اي خدمه عدي الجمايل بقى
سحر وهي بتاكل الشيكولاته :الله الشيكولاته دي حلوه اوي دي مستورده ياربي عليك يايحي دي غاليه اوي انت ليه كلفت نفسك كده وكمان شيبسي مستورد وبسكوت وكيك مستورد ايه ياعم ده انت لازم تشجع منتج بلدك
يحي :ولا يهمك ياسحورة مفيش حاجه تغلى عليكي ياقمر
سحر :قمر
يحي :وأحلى قمر في الدنيا ياللا وصلنا
سحر :طب بص حستئذنك فحاجه
يحي :خير
سحر :حدي صحباتي من الحاجات الحلوة دي اصلهم مقاطيع زيي اخرهم الشيبسى ابو اتنين جنيه وانا ميهنش علية اكلهم من غيرهم
يحي :الحاجات دي بتاعتك اعملي فيها اللي انتي عاوزاه ادي لصحابك وصحباتك
سحر :لا حيلك حيلك صحابي ده مين انا مبصاحبش غير البنات بس اه مايغركش الكنيش اللي عملاه والضيق اللي لابساه لا ده انا بنت بلد واعجبك أوي
يحي بينه وبين نفسه :والله انتي عجباني فعلاً
يحي :طب ياللا يابنت البلد عشان متأخرش انا كمان على شغلي
سحر وهي بتفتح الباب:ماشي شكرا ياكابتن مننحرمش منك
فضل واقف باصص عليها وهي نازله شافها بتسلم على صاحبتها وباسوا بعض وشافها وهي بتفتح الشنطه وتطلعلها شيكولاتايه وراحت باصه وحطاها تاني جوة الشنطه وطلعتلها كيس شيبسي واديتهولها
يحي :هههههه هههههه وربنا عسل
وياخد نفسه ويطلع بالعربيه
❤️❤️❤️❤️❤️❤️❤️❤️
تستيقظ من نومها على قبله رقيقه على خدها فتتثاءب:صباح الخير
أكمل :صباح الورد والفل والياسمين
ميرا :هي الساعه بقت كام
أكمل :الساعه سته المغرب
ميرا :إيه معقوله انا نمت ده كله وليه مصحتنيش
أكمل :مقدرتش اصحيكي
ميرا :ليه
أكمل :يعني انتي عاوزة تبقى قدامي لوحه جميله بالمنظر الطبيعي واضيع اللحظه دي من ايدي
انا من بدري وانا قاعد مش قادر أنزل عيوني من عليكي خايف يكون كل اللي انا فيه ده حلم
ميرا :ده يبقى أحلى وأجمل حلم في الدنيا
بحبك أوي يا أكمل
أكمل :وانا بموت فيكي ياقلب أكمل مبسوطه ياحبيبتي
ميرا :ياااه انا خايفه احسد نفسي عالسعاده اللي انا فيها
اكمل :ربنا يقدرني يارب واخليكي سعيده العمر كله
بقولك ايه ياللا بقى قومي ياكسلانه
ميرا :على فين
أكمل :على بلد الحب اللي تجمع شمل العشاق
حبيبتي عاوز اخرجك وابسطك وافرحك واعيش معاكي الدنيا اللي ياما حلمت بيها
ميرا وهي تحتضنه :حبيبي انت دنيتي اللي ياما حلمت بيها واتمنيتها ومش عاوزة حاجه من الدنيا دي كلها غيرك انت انت وبس
أكمل :حبيبتي ربنا يخليكي لية يارب
ميرا :ويخليك لية ياعمري كله
❤️❤️❤️❤️❤️❤️❤️❤️
أخيراً يصلان بعد رحلة سفر دامت عدة ساعات يطرقون على البيت بعد أن استطاعوا الوصول إليه بعد سؤال عدد من الأشخاص
يجدون من يفتح لهم :أيوة مين انتم
حمزة:السلام عليكم
المرأة :وعليكم السلام ورحمة الله وبركاته مين حضرتكم
حمزة :مش الحاج محمد ابو حمزة ومنى ساكن هنا بردو
المرأة :أيوة ساكن اهنيه بس انتوا مين وعاوزينه فايه عاد
حمزة :انا ابنه حمزة
المرأة :حمزة اخو منى
حمزة بفرحه:أيوة انا
المرأة :مش معجول الف حمد الله عالسلامه دول بيحكوا عنك كتير جوي ومنى مبتبطلش كلاك عنك بس يعني هما كانوا بيجولوا انهم ميعرفوش اذا كنت يعني
حمزة :دي حكايه طويله
المرأة :معلش والله كان بودي اجولكم اتفضلوا بس اصلي هنا لوحدي في الدار
حمزة:مش فاهم ليه امال والدي واختي فين
المرأة بفرحه :في المستشفى
حمزة بفزع:مستشفى ليه حد حصلله حاجه
المرأة :لا اطمن خير ان شاء الله دي اختك منى بتولد واني سلفتها الكبيرة جاعده عشان منسيبش الدار لوحديها وهما كلياتهم راحوا معاها والدك ووالدتك وحماها وحماتها وجوزها
حمزةفين المستشفى واسمها إيه
المرأة :هي مش بعيده عن اهنيه على اول الشارع يمين فشمال تلاجيها جصادك مفيش غيرها
يتحركان سريعا نحو السيارة للحاق بهم بينما هم جميعهم كانوا بصحبة ابنتهم التي ستضع مولودتها بعد قليل
محمد :اهدى يايونس يابني ان شاء الله مراتك وبنتك حيقوموا بالسلامه
يونس :يارب يابوي يارب
فى داخل غرفة العمليات بينما كانوا يقومون بتوليدها كانت هي تدعو الله من قلبها ان يعيد لها اخاها ويريح قلب ابيها وأمها كانت دائمه على هذا الدعاء وهي على يقين أن الله سيستجيب لدعائها
جميعهم يجلسون منتظرين ان يخرج إليهم أحد ويطمئنهم
هنا بقى حمزة وحازم وصلوا وسالوا في الاستقبال وعرفوهم مكان تواجدها وتواجد المصاحبين ليها
حمزة كان بيجري بين الطرقات وبيخبط في الناس زي المجنون وأول ما لقى نفسه وصل ليهم خلاص وقف ياخد نفسه وهو بيعلا وينزل وعيونه عماله تبص عالمكان بلهفه وشوق لرؤيتهم فجاة يلمح ابوه وهو قاعد ورافع ايده وبيدعي ربنا :بابا
يقرب منهم وبصوت أعلى :بابا ماما
يلتفت الجميع لهذا الصوت الذي افتقدوه منذ زمن
فاطمه وهي مندهشه غير مصدقه ماتراه عيناها:حم حمزة ابني لا مش ممكن مش معقول الحقني يامحمد انا شكلي اتجنيت وبقى بيتهيألي حاجات مش موجوده
محمد وهو ينظر له باعين جاحظه بفرحه شديده غير مصدق ماتراه عيناه:حمزة حمزة ابني انا لا مش معقول مش ممكن حمزة ابني هنا ده حمزة ايوة هو حمزة
يعلو صوتها وتجري عليه ويجري عليها هو الآخر فيلتقطها فى حضنه :أمي أمي حبيبتي وحشتيني وحشتيني أوي ياأمي كان يحتضنها ويقبلها بشده من كل جزء في وجهها ومن يدها
وهي لا تتوقف عن البكاء :ياحبيبي ياحبيبي ياحمزة ياضنايا يابني انت عايش عايش يانور عيني انا كان قلبي حاسس والله كان قلبي حاسس انك عايش ياحبيبي ياما انت كريم يارب حمزة عايش حمزة عايش يامحمد حمزة عايش ياناس
ابني عايش ياضنايا يابني ياحبيب قلب امك ياحمزة
يأخذه ابوه من بين احضانها ليحتضنه هو الاخر بشده يحتصنه حمزة ويقبل يده ووجهه يريد ان يشم رائحته التي افتقدها منذ زمن
بابا بابا حبيبي وحشتني اوي يابويا وحشتني اوي
محمد :ياحبيبي يابني ياحبيبي ياحمزة انت عايش عايش ياحبيبي اللهم لك الحمد والشكرياما انت كريم يارب يامنت كريم يارب انا مش مصدق نفسي مش مصدق عينيه ياحبيبي يابني
فجاة يسمعون صوت ارتطام شديد على الأرض نعم إنها أمه لم يتحمل عقلها ماحدث لم يتحمل تلك المفاجأة يجرون عليها جميعهم لافاقتها يحملونها داخل احدى الغرف وتقوم الممرضه بافاقتها تفيق فتجد امامها يقبل قدميها
امي امي ياحبيبتي انا هنا انا اهوه ياامي تتحسس وجهه وكانما تخشى ان يكون حلما ولبس واقعا ملموسا تضحك وتبكي في ان واحد
تحتضنه وتبكي بشده:انا مش مصدقه مش مصدقه انك عايش وقدامي ياحبيبي ياضنايا يابني يامانت كريم يارب
كنت فين ياحبيبي كنت فين ياغالي سبتنا كل السنين دي واحنا مش عارفينلك مكان ولا عارفين فين اراضيك ليه هنا عليك تسيبنا كده منعرفش اذا كنت عايش واللا ميت
انا دموعي مانشفتش عليك ياغالي مفرحتش من يوم ماغبت عني ياحبيبي
محمد ابنك عايش، يامحمد شفت يامحمد شفت لما قلتلك ان ابني عايش وانه مماتش عرفت دلوقتي إني كان عندي حق
محمد:الحمد لله الحمد لله يافاطمه الحمد لله ان ابنك رجع لينا بالسلامه الحمد لله
حازم ازيك يابني متاخدناش ياحازم فرحتنا برجوع حمزة نستنا انك موجود
حازم والدموع تجري في عينيه:ولا يهمك ياعمي انا نفسي مصدقتش لما ربنا جمعني بيه
الحمد لله ان ربنا جمع شملنا من تاني الحمد لله
محمد :ألف حمد وشكر ليك يارب
حمزة معرفتكش يابني
ده عمك عبد الرحيم فاكره ياحمزة
حمزة :أيوة طبعا فاكره ازيك ياعمي ياااه مشوفتكش من سنين طويله
عبد الرحيم :مسير الحي يتلاجى باحمزة ياولدي
وديه بجى يبجى يونس ولدي وجوز أختك منى
حمزة بفرحه يسلم عليه ويحتضنه:جوز اختي انا اهلا بيك ياااه كان نفسي اوي كان حلم عمري اني اعمل لاختى فرح وارقصلها فيه معقوله مشوفش اختي وهي عروسه
عبد الرحيم :اطمن يابني اختك اتعملها احلى فرح وبعدين احنا فيها تجوم بالسلامه ونعملها سبوع ترجص وتهيص فيه زي مانت عايز
محمد :كنت فين ياحمزة يابني السنين دي كلها
حمزة :كنت بدور عليكم والله مخلتش حته مدورتش عليكم فيها قلت يمكن رحتوا عند اهل امي في المنصورة دورت هناك وملقتلكمش اثر ودورت فالبحيرة كلها ومخلتش أي نكان مدورتش فيه
بس اخر حاجه كنت ممكن اتخيلها انكم ممكن تيجوا هنا قنا يابابا قنا
ايه اللي خلاكم تسيبوا البيت واسكندريه تيجوا هنا دي كانت ابعد حاجه عن تفكيري
محمد :وكان أبعد شئ عن تفكيرنا كلنا ياحمزة انا عمري ماكان يخطر ببالي اني اسيب بيتي ولا بلدي اللي عشت فيها عمري كله واجي هنا
بس حنعمل ايه مقدر ومكتوب منه لله اللي كان السبب منك لله يااسامه ربنا يؤذيك زي مااذيتنا وفرقتنا عن بعض واتسببت فاللي احنا فيه
بس الحمد لله ربك كريم وعمك عبد الرحيم وقف جمبنا وفتحلنا بيته وابنه اتجوز اختك وكلنا بقينا عايشين في بيت واحد مكانش ناقصنا غيرك يابني
حمزة :بابا انت قلت منه لله اللي كان السبب وقلت اسامه صح بابا انا مش فاهم حاجه فهمني الله يخليك
تدخل عليهن الممرضه :حمد الله على السلامة يا جماعه جاتكم بنوته زي الجمر
حمزة :واختي امها عامله ايه
الممرضه :بخير والله الحمد لله وهما حيدخلوا الاوضه
بعد قليل
كلهم حوالين منى وعمالين يشيلوا البنت وفرحانين بيها أوي
حمزة:ألف مبروك يا يونس تتربى فعزك ان شاء الله
يونس :الله يبارك فيك يااه انا والله مامصدج اخيرا بجيت اب انا بجيت اب ياناس بجيت اب
عبد الرحيم :ياللا بجى اتجدعن وكبرها عشان ناخدوها لمصطفى ابن اخوك
يقعد يونس ويحط رجل على رجل :والله لما يجدملي شهاداته ويجوللي عنديه ايه وانا ساعتها ابجى افكر اه دي مش اي حد دي بتي حبيبتي أول فرحتي وبت حبيبة جلبي من جوة
يضحك الجميع بينما بدأت منى في استعادة وعيها وده بعد مااخدت حقنه بنج تساعدها عالولاده من غير ألم
اه انا تعبانه
فاطمه:حمد الله على السلامة يا حبيبة امك
منى :ماما الله يسلمك ياحبيبتي فبن بنتي
فاطمه:بنتك منورانا ياحبيبتى زي القمر على ايد خالها
منى:خالها خالها مين
حمزة وهو يحمل الرضيعه ويقترب منها :وهي بنتك ليها خال غيري يامنى
منى وهي تفتح وتغلق عيناها عدة مرات:ايه ده هو في ايه ايه اللي بيحصل انا بحلم صح اه اكيد بحلم
لا ماهو مش معقوله يكون ربنا استجاب لدعائي بالسرعه دي يعني ادعي فاوضه العمليات انك ترجعلنا بالسلامة أخرج الاقيك قدامي
لا اكيد ده من البنج أيوة اكيد منه بخرف من البنج شكلي بخرف ومش في وعيي: ماما ياماما انا بخرف صح بيتهيالي صح
يعطي الطفله لأمه ويحلس امامها يمسك يدها ويقبلها:اختي وبنتي وحبيبتي الف حمد وشكر انك قمتي لنا بالسلامه ياحبيبة اخوكي
انا كان نفسي اكون موجود في فرحك لكن الحمد لله انه محرمنيش من وجودي وانتي بتولدي
منى بفرحه لا توصف :حمزة حمزة يااخويا وحشتني اوي ياحمزة وحشتني ياحبيبي
يااه ياحمزة يااه لو تعرف كنت بحلم اني اشوفك تاني ازاي
يعني انت عايش صح انت عايش مش كده قول انك عايش والنبي
يونس :أمال عفريت يعني ايوة هو اخوكي بلحمه وبشحمه
منى:يعني انت هنا بجد مش بحلم طب ازاي ازاي ده حصل وامتى ده انا يددوب دخلت وخرجت لاقيتك
يونس :حكمة ربنا بجى حنجول ايه حنعترض اياك هو أول ماسمعك وانتي بتدعيله ركب بساط الريح وجه طيارة
الجميع :هههههههههه
بينما كانت منى تبكي بشده
حمزة وهو بيمسحلها دموعها:طب لازمتها ايه الدموع دي بقى دلوقتى مش انتي دعيتي ربنا اني ارجعلكم واديني رجعت اهوه
منى :من فرحتي بيك يااخويا وفرحتي برجوعك ياحبيبي
يونس :حبيبي لا انا كده حغير بجى حمزة :هههههههه انت شكلك دمك خفيف أوي
منى:يونس ده احلي وأطيب واجدع حد ممكن تعرفه
حمزة واضح والله
عبد الرحيم :طبعاً مش بيجولوا الطيبين للطيبات وهما الاتنين ولاد حلال وربنا وجعهم فبعض
حازم:ازيك يامنى الف حمدلله على السلامه
منى:حازم الله يسلمك انت كمان هنا لا والله ده مش معقول
كنت فين ياحمزة كنت فين السنين دي كلها سايبنا كده مش عارفين اذا كنت عايش واللا وترجع تعيط تاني
محمد :خلاص بقى يامنى يابنتي المهم اننا الحمد لله اطمنا على رجوعه وحنعرف كل حاجه بس قولولي الأول حتسموا البنت ايه
يونس :امها مختارة اسمها من يوم ماعرفت انها بت بس جالت خليها مفاجئه
حمزة :وايه هو بقى الاسم اللي اختارتيهولها
منى بفرحه:ياسمين
الجميع :الله اسم جميل
حمزة بدهشه :واشمعنى يعني ياسمين يامنى
منى:عشان هي اللي لولاها لاكونت اتجوزت ولا خلفت ولا كان حيكونلي مستقبل من أساسه
حمزة وحازم بيبصوا لبعض ومندهشين:مش فاهم انتي بتتكلمي عن ايه يامنى فهميني
محمد :دلوقتى نروح البيت وافهمك كل حاجه ياحمزة
تدخل الدكتورة وتطمنهم وتقوللهم ان ممكن شويه ويروحو عادي
فاطمه:انا حاخدها عندي فوق يايونس
حماتها:ياسلام وماخدهاش اني ليه دي بتي حبيبتي
يونس :ولا انتي ولا هيه منى حتطلع من اهنيه على شجتها ومحدش حيخدمها غيري هو اني فديك الساعه لما اخدم مرتي حبيبة جلبي وبتي نور عينيه واللي عايز منكم يشوفها ياجي البيت مفتوح لكن بتي محتدخلش غير بيت أبوها
عبد الرحيم :ربنا يهني سعيد بسعيده حمد الله على سلامتك يامنى
منى :الله يسلمك يابابا
عبد الرحيم :والله أنا ما في حاجه بتفرح جلبي غير كلمة بابا دي
حمزة :تستاهلها والله ياعمي
بعد مرور عدة ساعات وبعد مامنى رجعت البيت والكل كان بيهني ويبارك وكانوا فرحانين جدا بيها وبالطفله
دخل محمد الشقه ومعاه حمزة وحازم
وطلعت زوجة اخو يونس الاكل عشان ياكلوا
خد دي من ايدي ياحبيبي
حمزة :مش قادر والله ياماما كلت كتير أوي
فاطمه :وإيه يعني كل دي كمان ده انت هفتان
وانت ياحازم كل ياحبيبي انت مكسوف واللا إيه
حازم:مكسوف ده ايه ده انا متربي فبيتكم
حمزة :بابا فهمني معناه إيه الكلام اللي قلتوه في المستشفى انت ومنى فهموني الله يخليكم
محمد:حنقولك كل حاجه يابني من يوم ماسافرت لحد ماخدنا عفشنا وجينا على هنا
طبعا محمد وفاطمه حكوله من أول يوم سافر فيه والحاله اللي كانت فيها ياسمين وشغلها عند جوز صاحبتها في الشركه وطمع عمه فيها
ولما عرفوا أنها حتتجوز وهي جت واستخبت عندهم ولما جه الأول اسامه وبعد ماطرده رجع ومعاه البيه عشان ياخدوها بالقوة
والأذى اللي كان حيحصل لبنتهم لولا أن ياسمين لحقتها فاخر لحظه ومشيت معاهم وموت ام خلود وحسين لما قاللوا خد بالك من ياسمين
كان حمزة طبعا بيسمع وهو مش مصدق اللي بيسمعه ده معقوله كل ده يحصل وهو ميعرفش طب ازاي ازاي
ازاي يابابا ازاي ده انا مكلم اسامه بنفسي وقاللي انها اتجوزت بمزاجها وانا شفت بنفسي صور الفرح والفيديو بتاع فرحها وكانت بتضحك وفرحانه لا مش ممكن مش معقول
محمد :أسامه وهو في حد يصدق الصايع ده وربنا بيقول في كتابه الكريم
ياأيها الذين آمنوا إن جاءكم فاسق بنا فتبينوا ان تصبيبوا قوما بجهاله فتصبحوا على مافعلتم نادمين
اسامه ده انا حفضل أدعي عليه طول مانا عايش ان ربنا ينتقم منه
اه لو كنت شفت حالة المسكينه دي كانت عامله ازاي وهي بتتحامى فينا عشان تحميها ومياخدوهاش بس مكنش فايدنا حاجه شوية كلاب مسعورة
ولما لقتهم حيضيعوا اختك خدتها من تحت ايدهم وقالتلهم خلاص انا تحت أمركم
ومشيت معاهم كان قلبي بيتقطع عليها ياترى فين اراضيكي انتي كمان ياياسمين انت معرفتش حاجه عنها ياحمزة معىفتش توصلها انا عرفت انها عايشه فمصر بعد ماامها تعبت وجالها المرض الوحش وعرفت كمان ان اخوها الصايع عايش مع رقاصه استغفر الله العظيم يارب اكيد نهايته حتكون سوده إن شاء الله
حمزة :طب وماتعرفش إيه اللي حصل بعد كده وحسين اخد خلود وراحوا فين
محمد :انا لما خبطت على جارتها ودي ست كبيرة مبتخرجش من البيت حتى لما رحت المرة دي عرفت انها اتوفت من فترة الله يرحمها
قالتلي ان بعد ماام خلود ماتت بكام يوم لقت خلود بتخبط عليها وسلمت عليها واخدت هدومها ومشيت وقالتلها انها اتجوزت حسين وانهم حيسافروا بلاد برة
انا الصراحه قلت أكيد هو زعل على جواز ياسمين وهج لبلاد الله لكن لااعرف هما اتجوزوا ازاي ولا امتى ولا حتى راحوا فين
فاطمه :لازم توصلها ياحمزة لازم تعرف مكانها فين ياحبيبي دي وحشتني أوي وكنت كل مابشوفها بحس إنك قدامي كنت بشوفك فيها وفحبها ليك
فضلوا طول الليل يتكلموا ويحكوا عن ياسمين وحسين وخلود وحمزة طبعاً مقدرش يفتح بؤه ولا يقول على أنها عنده ولا عاللي بيعمله فيها ده كان ابوه تف فوشه وامه ضربته بالشبشب (لا مؤاخذة ياجماعه)
وبقى طبعا قاعد على نار وعلى اد اشتياقه لأهله واحساسه انه مش عاوز يسيبهم ثانيه واحده على اد مانفسه يطير عليها يعرف منها بقية الحكايه يبوس على راسها ويبوس ايديها ويطلب منها تسامحه على سوء ظنه فيها
كلام كتير اتقال وهو فدنيا تانيه مش معاهم الكل نام وهو مغمضلوش جفن ولا شافت عينه طعم النوم
وازاي يقدر ينام وهو فراسه ألف سؤال وسؤال محتاج للجواب
❤️❤️❤️❤️❤️❤️❤️❤️❤️
يخرب عقلك ياسحر يعني كنتي حتبقي مغتصبه
سحر :اه شفتي كانوا حيجيبوني فبرنامج خلف الأسوار
ياسمين :بعد الشر عنك يا حبيبتي والحمد لله ان يحي لحقك وانقذك بس عارفه ياسحر انا حسه كده والله أعلم وانا نادر لما احساسي بيخيب انه بيحبك
سحر :ههههههه بيحبني وربنا انتي عسل ياياسو
بيحبني ده ايه ياتحفه كل ده عشان شوية الحلويات اللي جابهوملي
يابنتي هو طول عمره كريم ده لما بابا عمل عمليةاللوز واللحميه اااه مش، قادرة وتضحك هههههه هههههه
عارفه ايامها كنت بموت من الضحك لما حد يسالني ابوكي عمل عملية ايه واقولهم لوز ولحميه
ياسمين :مجنونه وربنا يابنتي اعقلي شويه
سحر :ماهو من افعالهم بزمتك في راجل عنده خمسين سنه او اكتر يعمل لوز ولحميه ده انا عاملاها وانا عندي اربع سنين بس ماما فضلت تقولله شخيرك جايب لآخر الشارع فضحتنا في المنطقة قال يعني ساكنين في المعادي
المهم بقى وقتها يحي جه زاره يالهوي عالحاجات اللي جابها قعدنا ناكل فيها أسبوع اه وربنا فدي عادته
ياسمين :انتي يازفته سيبي اللب ده من ايدك وركزي شويه بطنك حتوجعك يخرببيتك
سحر :اطمني يااختي متعودة عليه
ياسمين :افهمي ياللي مبتفهميش الفكرة مش شوية الحلويات لاء انا حسه من كلامك وعن المواقف اللي بتحصل انه بيحبك والله بيحبك وبكرة تقولي ياسمين قالت
سحر :اه بيحبني بأمارة ماكان حيموت عليكي وحيتجنن ويخطبك
ياسمين :ده عشان كان شايفني مناسبه ليه مش اكتر لكن الحب كله حيبقى ليكي انتي ياسحورتي
سحر :يالهوي انتي بتحرضيني عالرذيله ياياسمين يالهوي يا خرابي
ياسمين :رذيله يخرببيتك انتي حتوديني فداهيه امشي يابت غوري من هنا امشي جتك الهم اصلي كنت ناقصاكي
سحر وهي بتغمزلها:مش ناقصاني ليه ياياسو هاه قوليلي هو المز لسه تاعبك
ياسمين :قلبي هو اللي تاعبني ياسحر والله النهارده مشوفتوس خالص أول مرة من يوم مااشتغلت امشي من غير مااشوفه
ثم تحدث نفسها :ياريتني ماكنت ضعفت ادامه ياترى بيقول علية إيه دلوقتي خايفه يكون افتكر اني ماصدقت
ليه ياحمزة تعمل فينا كده ليه توصلنا لكده ربنا يسامحك ياحمزة