الحلقه الخامسة و العشرون
رواية
قلوب تنزف عشقاً
بقلمي :عبير سليم
😰😰😰😰😰😰😰
هو الآن حائر ماذا يفعل لقد سأل عن أصدقائه في كل مكان قد يتواجدوا فيه ولم يتوصل لشئ عنهم بعد
حسين لم يأت بعد منذ سنوات وحمزة لم يتوصلوا لأخبار عنه منذ سفره وأغلب مايقال أنه مات
وأما أهله فقد هجروا المكان ولم يعودوا بعد حتى ياسمين ذهبت إلى القاهرة بصحبة والدتها المريضه ولم تظهر بعدها
ماذا يفعل الآن أين يبحث عنهم أين هم رفقاءالعمر من عاش معهم طفولته من مرح معهم في شبابهم من تنزه معهم في الحدائق وعلى شواطئ الإسكندرية من ظن انهم لن يفترقوا مهما حدث
أين انتم يارفقاء العمر أين انتم يامن ظننت انكم اول من ساراكم عند عودتي
كم اشتقت إليكم وإلى حديثنا جميعا معا إلى ضحكاتنا واهاتنا
وذكرياتنا الجميله
مااسوا تلك الأيام التي تفرقنا ولكن لايحق لنا ان نعيب الزمن ليس من شيمة الأخلاق ان نسب الدهر فقط نعيب البشر الذين ارغمونا على ماوصلت اليه امورنا
يوم طويل لم يسفر عن شيء وها هو الآن يقف امام بيت حمزة يتذكر اللعب بالكرة والضحكات النابعه من القلب
يجد نفسه تلقائيا يجلس على تلك القهوة الشعبيه التي طالما جلسوا عليها ولعبوا طاوله وشطرنج وكانت اصواتهم تملاء المكان
يجلس واضعا يده على راسه بياس شديد
يفكر كيف له ان يمشي دون الوصول لأي شئ، يدله عليهم
وبينما هو تائه فى تلك الذكريات يجد من يتحدث اليه
تؤمر بأيه ياباشا
يرفع حازم رأسه فينظر إليه الآخر بدهشه:مين أستاذ حازم مش معقول إيه الغيبه الطويله دي من زمان مجيتش هنا
حازم:انت عيسى صح
عيسى:ايوة عيسى بشحمه ولحمه
حازم :ازيك ياعيسى عامل إيه
عيسى:زي ماحضرتك شايف اهوه زي مانا حروح فين اديني لسه قهوجي زي مانا
حازم:وليه محاولتش تفتح لنفسك قهوة تبقى بتاعتك
عيسى :منين بس يااستاذ حازم واللي جاي على اد اللي رايح العيال مش مخلليين لا ورايا ولا قدامي
حازم :ربنا يخليهوملك ياعيسى
عيسى :ربنا يخليك يارب وحضرتك اخبارك ايه كنت سمعت انك سافرت
حازم :اه سافرت ورجعت
عيسى :الحته نورت والله
حازم :منورة هوفين النور ده بس ياعيسى وانا كل حبايبي راحوا حسين اللي محدش عارف فين أراضيه واللا وحمزة اللي كل الناس بيقولوا انه مات انا حاسس من غيرهم اني بقيت يتيم ياعيسى
عيسى وهو يقترب منه ويهمس له:عاوز اقولك حاجه بس بيني وبينك
حازم :خير ياعيسى قول
عيسى:الاستاذ حمزة عايش مماتش والاستاذ حازم اتجوز الست خلود صاحبة الست ياسمين وسافروا برة
حازم :انت بتتكلم بجد انت متأكد طب فهمني بالراحه الله يخليك
عيسى:بص انا مش حقدر اقول دلوقتى اكتر من كده بس لوعاوز تفهم كل حاجه قابلني بعد ساعتين في قهوة القصر أكون خلصت شغلي وححكيلك كل حاجه من طاطا لسلام عليكم بس انا لا شفتك ولا اعرفك
حازم :ماشي ياعيسى وانا حستناك متتاخرش
بعد مرور ساعتين يمران عليه كدهر
عيسى :لا مؤاخذه يااستاذ حسين اتاخرت عليك
حازم :عيسى الله يخليك فهمني
عيسى:حفهمك بس اهم حاجه الكلام ده يفضل سر بيني وبينك انا مش عاوز مشاكل مع اسامه
حازم :تقصد اسامه اخو ياسمين
عيسى :ايوة هو كل يومين يطب علينا فالقهوة مبيهمدش الله يهده
المهم خلاصة الكلام بعد ماالاستاذ حمزة سافر بييجي عشر ايام عرفنا ان المركب اللي كان عليها غرقت وانه مات مع اللي ماتوا واسامه كان فرحان فرحة ليه معرفش
المهم بعديها بفترة ييجي اكتر من شهر لقينا أسامه بيقول في الحته كلها ان اخته ياسمين حتتجوز راجل كانت بتشتغل عنده وانه راجل غني اوي اوي وانها حتعيش في فيلا وعملها حنه محصلتش وتصدف اني الاقي واحد عمال يسأل عن اهل الاستاذ حمزة ولما عرفته انهم مشيوا ومحدش يعرفلهم طريق لقيته بيقوللي في واحد عالتليفون عاوزك واتفاجئت انه الاستاذ حمزة وانه عايش
ولما عرف ياعيني ان ياسمين حتتجوز بقى زي المجنون وقاللي عايز يكلم اسامه وخليت اسامه كلمه وقالله على فرح ياسمين اخته
وبعد كده اسامه هددني لو فتحت بؤي بكلمه وقلت ان حمزة عايش حيشرحني وده واحد بلطجي انت عارفه وانا راجل صاحب عيال ومكدبش عليك هو شافني بقرشين ومن يومها مفتحتش بؤي بكلمه مانا مش اده
حازم :طب وحمزة مااتصلش تاني معرفتش هو فين
حازم :طب وحسين
عيسى :انا سمعت اسامه وهو بيقول لحد عالقهوة ان خلود بنت خالته حلقتله واتجوزت حسين صاحبكم وخادها وسافروا وانه مش حيسيبهم
حازم :طب واهل حمزة ماتعرفش حاجه عنهم
عيسى :لاء بس انا سمعت ان ابوه مرة جه وسأل لو ظهر اي اخبار ومشى
حازم :متعرفش اي حاجه تانيه
عيسى :بص انا معرفش غير اللي قلتهولك ولولا انك دايما كنت بتشوفني وكريم معايا وبتعاملني كويس مكنتش فتحت بؤي بكلمه انا مش عايز مشاكل مع المخفى اسامه
حازم:الحمد لله انك طمنتني عليهم واني عرفت ان حمزة عايش
: بص ياعيسى لية عندك خدمه واوعدك محدش حيعرف وكمان عينيه ليك فاللي انت عايزه
عيسى :قول سامعك
حازم:بص عاوزك بس تصحصح كده لو حد من اهل حمزة ظهر تاني متسيبهوش غير لما تاخد رقمه وعنوانهم تمام كده
عيسى :تمام يااستاذ حازم
حازم:هات تليفونك اكتبلك رقمي ومتنساش
عيسى :عينيه
يضع حازم لعيسى في يديه مبلغا
عيسى :ليه بس كده خيرك سابق
حازم:هات لولادك حاجه حلوه حستنى خبر حلو ووقتها ححليلك بؤك
عيسى :يظهر بس حد من عنده وحتلاقيني بتصل ببك هوى
يعود الى اهله وقد اخبرهم بما عرف
والده:طب حتعمل ايه في الشغل دلوقتي يابني
حازم:انا شفت اعلان عن شركه عاوزه ناس معاهم شهادات خبرة وحروح اقدم ان شاء الله
والده:ربنا معاك يابني بس الشركه دي فين هنا فاسكندريه
حازم :لاء في القاهرة
والده :ربنا يوفقك ويكتبلك الخير يارب
حازم :دعواتك معايا يابابا
❤️❤️❤️❤️❤️❤️❤️❤️
هو الآن في حيرة من أمره ماذا يفعل مع تلك الصغيرة وقد يغيب عدة أيام
يعود إلى الفيلا ليجدها تؤكد عليه عدم تواجدها يوم الخميس ولكنها تتفاجأ به
ياسمين ممكن تقعدي فالفيلا هنا أسبوع كامل
ياسمين :اسبوع لا طبعا مينفعش وبعدين اسبوع ليه يعني
حمزة:انا مسافره ايطاليا ومش عارف حعمل ايه مع سيلا
ياسمين :وديها عند الست صوفيا هانم
حمزة :لاء، طبعا مينفعش
ياسمين :وانا كمان مينفعش اسيب ماما اسبوع ماهو زي مانت عارف انها بتاخد كيماوي وبتبقى تعبانه اسيبها إزاي يعني
حمزة :طب وبعدين ايه الحل
ياسمين :مفيش غير حل واحد. حمزة :حل حل ايه
ياسمين :اخدها معايا
حمزة:تاخديها معاكي فين
ياسمين :البيت عندنا
حمزة :البيت عندكم لا طبعاً مينفعش
ياسمين :اه فعلا مينفعش معاك حق معلش أصلي نسيت اننا مش اد المقام
حمزة :لا طبعا مش ده قصدي انا قصدى انها ممكن تخاف او تتضايق
ياسمين :وحتخاف من ايه واللا من مين لا احنا مربيين تعابين ولا عندنا حد اصلا ده مفيش غيري انا وماما وملناش علاقه بحد غير جيراننا خليها تيجي معايا ومتقلقش حنشربها وحناكلها مش حنجوعها وحتنبسط معانا ولما ترجع ابقى قوللي وانا اجيبها واجي
حمزة:لاء لما ارجع حبعتلكم السواق يجيبكم لحد هنا زي ماحيوديكم
ياسمين بفرحه وضحكه تهز قلب حمزة وتجعله يود لو يحتضنها:بجد يعني انت موافق
حمزة :اه للأسف مفيش ادامي حل غير كده
ياسمين :وللأسف ليه لو الموضوع مضايقك أوي كده بلاش أحسن
حمزة :قلت خلاص ياياسمين جهزيلها حاجتها وحخللي السواق والبودي جارد يوصلوكم لحد البيت ياللا مفيش وقت عشان انا كمان الحق ارتب نفسي
تصعد ياسمين للأعلى وتملاء حقيبة سيلا بالملابس وتملاء حقيبه بالعابها وتمسكها من يديها وينزلان بينما تصعد الخادمه لتحمل مع ياسمين الحقائب
حمزة وهو يقبل سيلا:سيلا حبيبة قلبي متتشاقيش وتقولي حاضر
سيلا :حاضر يا بابي
حمزة :ياسمين مش حوصيكي على البنت
ياسمين :متقلقش على سيلا دي فعنيه
حمزة وهو يقدم لها ظرفا:اتفضلي
ياسمين :إيه ده
حمزة :فلوس
ياسمين :بس انا لسه معاد مرتبي مجاش
حمزة :ده مش مرتبك دي فلوس لسيلا عشان تجيبلها اللي هيا عاوزاه
ياسمين :على أساس اننا حنجوعها يعني احنا صحيح على اد حالنا بس نعرف نكرم ضيوفنا كويس
حمزة :لا معلش خليهم معاكي
ياسمين :على كيفك
تأخذ الصغيرة إلى السيارة وتتوجه بها إلى امها
تصل إلى المنطقه التي تسكن بها فيقف الجميع لينظروا لتلك السيارة الفارهه التى تنزل منها ياسمين
ينظرون لذاك الرجل الذي يصطحبها بالحقائب الى البيت والى تلك الصغيرة التي لم يروا في جمالها من قبل
احد الشباب :مش دي ياسمين
الاخر :ايوة هي
صديقه :امال ايه العربيه الابهه دي ومين البت اللي معاها دي
الاخر :وانا ايش عرفني اللي يعرفتا سامي
دلوقتي يهل علينا ونفهم منه الحوار
تدخل البيت فتجد صفاء جالسه أمام التلفاز
فتتفاجا صفاء بمن تصطحبها بيدها :مين دي ياياسمين
ياسمين :ثواني ياماما اتفضل ياخالد ادخل
خالد:سلام عليكم
صفاء :وعليكم السلام ورحمة الله وبركاته
ياسمين :حط الشنط هنا
يضعها خالد ويستئذن للانصراف
ياسمين :في ايه ياخالد ماتتفضل يابني اقعد انت فاكرنا مش حنعرف نعمل معاك الواجب والا ايه
خالد :ياخبر لا طبعا ياانسه ياسمين بس السواق تحت لوحده ولازم اخده ونمشي
ياسمين : طب حتى كوباية شاي
خالد :اشربها في الأفراح ان شاء الله
صفاء :انتوا بتتكلموا عالباب ليه ميصحش كده ادخل يابني
خالد :معلش ياامي والله مش حينفع مرة تانيه ان شاء الله
انسه ياسمين لو احتاجتيني فأي وقت اتصلي بية حجيلك فغمضة عين
ياسمين :ماشي شكرا باخالد
تغلق وراءه الباب بينما عين صفاء على الجميله المممسكه بيد ياسمين ولا تريد تركها
صفاء :هي ايه الحكايه ياياسمين متفهميني
ياسمين :حفهمك ياماما بابا سيلا مسافر ومفيش حد يقعد مع البنت فهي حتقعد معانا لحد ماباباها يرجع هي دي كل الحكايه
صفاء :تنور يا حبيبتي تعالي ياصغيرة انتي
ياسمين :تعالي ياسيلا متخافيش دي مامتي قوليلها ازيك ياااناه
سيلا :ازيك يااناه
صفاء :الحمد لله ياحبيبتي تضعها على قدمها وتقبلها:بسم الله ماشاء الله تبارك الله فيما خلق ايه الجمال ده كله دي شبه البنات الاجانب اللي بنشوفهم فالافلام
ياسمين بحزن:ايوة ياماما اصل مامتها اجنبيه
صفاء :طيب وسايباها ليه حد يبقى معاه البدر المنور ده ويسيبه
سيلا:انا مامي عند ربنا
صفاء :ياضنايا يابنتي يقطعني ياحبيبتي
ياسمين :سولا انتي حتقعدي معانا هنا لحد مابابي ييجي من السفر لو عاوزة اي حاجه قوليلي ياروحي
سيلا :حاضر
ياسمين :ماما انا حاخد سيلا اغيرلها واحضر الغدا عشان ناكل سوا
يدخل سامي الشارع فيستقبله الشباب:سامي ياكابتن
سامي :ايوة خير ياعيال في حاجه
أحدهم :ياسمين جارتكم جت من شويه فحتة عربيه انما ايه ولا عربية الملوك ومعاها بنت صغيرة واقعه من فيلم اجنبي وقلنا محدش حيفهمنا الحوار ده ايه غير سامي
سامي :ده على اساس اني مخبر والا المفتش كرومبو
أحدهم :لا على اساس انك فاضي وموركش حاجه يامعلم
سامي :متظبط كلامك كده ياجدع واعرف بتقول ايه ده انا كابتن سامي
احدهم:يكونوش اخدوك تلعب في المنتخب واحنا منعرفش
سامي :ملكمش فيه بلعب فين وماتجيبوش سيرة حد من بنات حتتنا على لسانكم ده تاني يااقطعهولكم
احدهم:ليه يعني هو احنا بنسال على البرنسيسه احنا بس مش عاوزين نبقى مركبين اريال فالحته
سامي :يااخي قطع لسانكم كلكم وديني اللي محيخليه فحاله منكم ليه لافرمه ياسمين اختي و ستكم كلكم واللي يجيب سيرتها بكلمه اشرحه
الاخر :طب متتحماش اوي كده يجيلك جلطه واللا حاجه ولما انت بتخاف على اخواتك اوي والنخوة واكلاك طب ابقى بص على السنيورة الصغيرة شويه بدل مابتمشي فالحته والكل عينه عالهدوم اللي حتتقطع عليها
فيمسك فيه سامي:انت اتجننت انت بتجيب سيرة اختي انا على لسانك انت مجنون ده انت يومك مش فايت يومك اسود على دماغك ان شاء الله
يمسكان في بعضهما والكل يحاول فك الاشتباك وتعلو الاصوات وطبعا الستات تصوت
والكل يفتح الشابيك يبتفرج مانتوا عارفينا بقى نموت في الفرجه عالخناقات
تفتح ياسمين الشباك فتلمح مايحدث فتجري على الباب وتطرق الباب عليهم
فيفتح لها سعيد
ياسمين :الحق ياعمي سامي بيتخانق فى الشارع
سعيد :سامي بيتخانق يارب استر يلبس الراجل وينزل ياعيني الراجل على ملا وشه يلاقي الرجاله الحمد لله هدوهم وقعدوهم وبيمسحوا لسامي الدم من على بؤه
والتاني عمال يتأسف له:خلاص بقى ياسامي ميبقاش قلبك اسود بقولك مقصدش ياجدع طب وربنا انتوا اجدع ناس فالشارع زلفة لسان بقى
سامي :احنا خلاص مفيش بيننا كلام تاني من النهارده
سعيد :لا ياسامي انتوا كلكم اخوات يابني وتربية شوارع زي بعض
سامي :تربية شوارع ايه يابابا انت كمان ايه العك ده
سعيد :ايوة تربية شوارع جاتكم الهم وعيب عليكم كده واتلموا واللا انتوا ملكمش كبير
فيرد عليه الشاب :حقك علية بقى ياسامي والله مااقصد فكها بقى
وادي راسك اهيه
سامي :ماشي ياجذمه بس عقابا ليك بقى حتفرش الشارع كله كراسي يوم الخميس الجاي وحتعلق النور كمان
احد الرجال:ايه ياجدع حتتجوز واللا ايه.
سعيد :خطوبة بنتي سميرة على سعد ابن خالتها يوم الخميس الجاي ان شاء الله وكلكم معزومين ان شاء الله
الشاب :ألف ألف مبروك ده احنا حنعملها حتة زفة ولا زفة الملكه فريده عالملك فاروق
يتصافوا والموقف يعدي الحمد لله ويطلع سامي مع ابوه فوق
فين ماما والهوانم
سعيد :راحوا يشتروا الشبكة
سامي:طيب كويس بس عالله ميتخانقوش
سعيد :ويتخانقوا ليه ماهما متفقين حيجيبوا ايه
❤️لا احنا متفقناش على كده
سعاد :ليه بس يابنتي مش قلنا حنجيب حاجه عالقد
سميرة :ايوة بس ماقلناش على الغوايش دي
خالتها:امال عاوزة ايه ياسميرة يوه ياسمورة
سميرة :عاوزة اسورة
سعاد:ياهبله الغوايش أحلى تبان كده فايدك ونعرف نفرجها للجيران لكن الاسورة مش حتبان وحتبقى عرة
سميرة :وانا مش حجيب غير اسورة غوايش ايه البلدي دي اللي عاوزاني أجيبها ال غوايش ال ايه حرقص في مولد
سعد:جماعه من فضلكم هي اللي حتلبسها سيبوها تختار اللي عاوزاه
يجيبوا الشبكه ويرجعوا البيت وتدخل بيها سعاد لصفاء وياسمين عشان تفرجهم عليها
صفاء :جميله يا حبيبتي ربنا بهنيها يارب
سعاد :عقبال ياسمين ان شاء الله
صفاء :يا رب
سعاد:امال فينها مش شايفاه
صفاء :نايمه شويه هي والبنت
سعاد :بنت بنت مين
صفاء :اه مانسيت اقولك اقعدي ححكيلك
بينما يخرج سامي من غرفته لتتفاجا سحر بسامي وهو بيشدها من شعرها
سحر :يالهوي يخرببيتك انت اتجننت
سامي :اه اتجننت وحخلص عليكي النهارده
سميرة :ياربي عالخطوبه النحس دي طب استنى لحد ماتعدي بس وابقى خلص عليها بعديها
سامي :بقى انتي يازفته تخليني اتخانق مع شباب الحته بسببك تخللي اللي يسوا واللي ميسواش يتكلم علية
ده انا حفرمك النهارده
سحر :يالهوي الحقيني ياماما
تخرج سعاد وصفاء سريعا على صوتها :في ايه حصل ايه ياسامي
سامي:حصل ان كلامي مبيتسمعش وانا بقيت طرطور في البيت ده
سعاد :ماتتلم بقى ياولا انت محدش ماي عينك
سامي :قولي لبتك هي اللي تتلم والا وربنا حمنعها تنزل الكليه وحتقعد في البيت زي الجذمه مانا مش حخللي حد يتكلم عليها ولا يجيب سيرتنا بكلمه
صفاء :قطع لسان اللي يجيب سيرة سحر بكلمه دي ست البنات
سامي :لا ياخالتي احنا اللي بنجيب الكلام لنفسنا والناس ملهاش الا الظاهر وابوها وامها سابينها تعمل اللي هي عاوزاه
سحر :وانا مبعملش حاجه غلط
سامي :واللبس اللي انتي لابساه ده مش غلط ماقلتش مية مرة قبل كده اللبس ده ميتلبسش
اولعلك فيه دلوقتى والا اولع فيكي وارتاح يرضي مين تمشي فالشارع بالمنظر ده لابسالي بنطلون مقطع من الركبه يابت سعاد الله يرحم جدك اللي كان بيشرب الشربه بالخرطوم
سعيد :ولا انت حتخبط في الحلل والا ايه مالك بجدها
سحر :الحقني يابابا عاوز يتحكم فية
سامي :سحررررررر
سحر :خلاص خلاص وربنا وبعدين مش هما المفروض يغضوا بصرهم بيبصوا ليه
سامي :لا وربنا عاوزاهم يشوفوكي ماشيه تستعرضي وميبصوش وديني ياسحر
سحر :خلاص خلاص بقى اهدى كده يامعلم ده انت خطوبة اختك كمان كام يوم مش عاوزينها تقلب بغم احسن ماتصدق وهي بتتلكك
سامي :ماشي ياسحر اما ربيتك من اول وجديد
يدخل غرفته بينما تمسكها سعاد من شعرها:عاجبك الفضايح دي ياوش الهم
سحر:ربنا ياخدني عشان تستريحوا مني
سميرة :ياخدك مش مهم بس بعد خطوبتي الفقر دي
تدخل عليهم ياسمين :مالكم ياجماعه صوتكم جايب لاخر الشارغ
تقع اعينهم على تلك الحوريه الواقفه بجانبها
ياسمين :اعرفكم سيلا
ودول بقى ياحبيبتى سحر وسمورة وجدو سعيد وانااه سعاد
سعاد:بسم الله ماشاء الله الله اكبر
سحر :الله دي امورة اوي ياماما جيبتيها منين دي ياياسمين
ياسمين وهي تنظر لسميرة التي فهمت واستوعبت الموضوع :بنت الراجل اللي بشتغل عنده
يجلسون جميعم وهم فرحين جدا بها
سعيد : تعالي ياحبيبتى
يأخذها ويضعها على قدمه:قوليلي بقى ياقمر إسمك ايه
سيلا:سيلا
سعيد :سيلا الله اسم جميل اوي والاجمل بقى انه بحرف السين
شفتوا ياعيال اسمها بادئ بحرف السين
سميرة :يالهوي ابوكي حرف السين جننه
سعيد :ياسامي انت يبني ادم
يخرج اليهم :عاوزين إيه من زفت
ايه ده مين دي اه دي اللي سمعت انها جت معاكي ياياسمين صح
ياسمين :اه صح سيلا ضيفه عندنا لحد ماباباها يرجع من السفر
سعيد :شفت ياسامي اسمها ايه انتي قلتي ايه
ياسمين :هههههه سيلا سيلا ياعمي
سعيد :بحرف السين اسمها بحرف السين واد ياسامي خد الفلوس دي وانزل هاتلها حاجات حلوة من تحت بص اشتريلها كل اللي تشاور عليه دي دخلت قلبي من جوة
سعاد :كل ده عشان حرف السين ربنا يشفيك ياابو ولادي يارب
يضحك الجميع عليه
سامي :ياللا بينا ياسوسو
ياسمين :لاء حتاخدها فين
سامي :مالك يابنتي في ايه
ياسمين :لا والنبي ياسامي دي امانه عندي مينفعش خالص تنزل
سامي :نعم طب ده احنا حنخرجوها ونفسحوها ونودوها المرسي ابو العباس واقروا الفاتحه لابو العباس يااسكندريه يااجدع ناس
ياسمين :معلش ياسامي
سامي:سيلا تيجي ننزل
سيلا :اه ننزل
سامي:قلتش حاجه انا
ياللا بينا يحملها على كتفيه وهي تضحك بشده:وصلللي صلللي صلللي عالنبي صلللي صلللي
تقوم ياسمين لتنظر لهم وهم بالأسفل خوفا على تلك الامانه التي تحملتها
يصعدون ومعهم الكثير من الحلوى ويسهرون جميعهم ويضحكون
سامي :بص ياحاج بل لمناسبه السعيده دي واننا بنضحك ودي مش عاده يعني في موضوع كده عاوز افاتحك فيه
سعيد :خير
سامي :عاوز اخطب
سعاد :تخطب بأيه ياعين امك هو انت حيلتك ايه تخطب بيه والا ناوي تخزب ببنطلونك المرقع
سامي :ماما من فضلك عيب كده انا راجل واد كلمتي ومش حقول عاوز اخطب غير لما اكون ادها
سعيد :سيبك انت اهم حاجه اسمها ايه
سامي :سهير اسمها سهير
سعيد :بجد بجد اسمها سهير الحمد لله احمدك يارب انا كده موافق مادامت بحرف السين يبقى على بركة الله عقبالك ياسحر يابنتي يارب
سعاد :يالهوي يعني انت كل مشكلتك في الدنيا ان يكون اسمها بحرف السين لا حول ولا قوة الا بالله الراجل اتجنن ياعيني
ياسمين وصفاء :هههههههه
سحر :سامي ياسامي
سامي:عاوزة ايه يازفته انتي ملكيش كلام معايا
سحر :ماشي بس قوللي هو انت قلبت جميله
سامي :انتي اتخبطتي فمخك اقلب جميله دي الحب كله يابت الهبله
سحر:امال مين سهير دي
سامي :جميله
سحر :مش فاهمه
سامي :سهير هي جميله وجميله هي سهير فهمتي
سحر :ايه ده هي غيرت اسمها وبقى سهير عقبالك يااختي يارب
سامي :غيرت ايه يامتخلفه انتي كمان احنا اتفقنا نقول لبابا ان اسمها سهير عشان يوافق وميعملش مشكله واخرسي بقى عشان انا مش طايقك اساسا
كان سعيدفرح بتلك الصغيرة ويطعمها في فمها بيديه