#صعب_ولكن_مش_مستحيل
الفصل الثاني والثالث
بقلم...#آمنة_غباشي
ومسكتني من أيدي ورمتني في الاوضه بتاعتي وقفلت الباب عليا بالمفتاح وسابتني ومشيت 💔
_ أنا عملتلك ايه عشان تعملي فيا كل دا 😭 أنا استحملت كل حاجه وهستحمل أي حاجة
لكن تمنعيني اروح المدرسة وتمنعيني من التعليم فدا اللي ما اقدرش استحمله 😭💔
قعدت أعيط لوحدي وأبكي جامد لحد ما جاتلي فكرة جامده .... هي مش جامدة أوي يعني ، بس المهم أنا مسكت كل الهدوم والفراش اللي في
الأوضه وربطهم في بعض وعملتهم حبل ونزلت من الشباك وجريت بعيييد أوي ... أول
مكان رحته هي المقابر ، رحت عند علتي زرتها وقفت قدام مقبرة بابا وقعدت اعيطلوا واشكيله وقلت وانا بعيط :
_ شفت يا بابا ؟؟ شفت أخوك عمل فيا إيه هو ومراته ؟ وكل العيلة ساكته وما عملوش اي حاجه 😭😭💔
شفتي يا ماما ؟؟ مرات عمي مش عيزاني اكمل تعليمي ومش مريحاني خالص 😭😭💔
أنا ادمرت بعدكم يا اهلي 😭😭😭💔
وقعدت اعيط جامد بطريقة هستيرية لحد ما افتكرت اني لازم اتصرف ووقفت وبصيت على المقابر وقلت بحرقة وقلب مكسور :
_ مع السلامه يا بابا مع السلامه يا ماما مع السلامه يا خديجه يا احلى اخت مع السلامه
يا محمد يا احلى اخ مع السلامه يا اهلي هرجعلكم بعد ما احقق.
حلمي اللي كنتوا هتفرحوا جدا لو كنتوا موجودين مع السلامه هرجع تاني بعد ما احقق حلمي.
وسيبت المقابر وانا عيوني مليانه دموع وروحت المدرسة وسحبت اوراقي وخرجت
من المدرسه تاني عشان هروح مدرسة مختلفة ... وكان لازم اخرج برة قريتي خالص عشان اكيد الناس عرفاني هنا في
القريه .. المهم ركبت ميكروباص كان رايح القاهرة ولما وصلنا
السواق كان عايز 100 جنيه أجره وانا ما كنش معايا غير تلاته جنيه ونص فوقعت في ورطه معاه😳 ......
= هاتي الفلوس يا أبله الناس كلها دفعت إلا إنتي
_ طب حضرتك أنا مش معايا فلوس والله مافيش غير التلاته جنيه ونص دول وكما...
= وأنا مالي بقا بالكلام دا كلو إذا كان مش معاكي فلوس بتركبي ليه من أساسه؟؟ أنا ما ليش فيه أنا عايز فلوسي دلوقتي
_ طب هفهم حضرتك والله أنا ما....
= لا تفهميني ولا افهمك عشان الناس دي كلها دفعت اشمعنا انتي يعني اللي مش هتدفعي على راسك ريشه يا اختي ؟؟!
_ أست....
وقبل ما أكمل كلامي في شاب ابن حلال باين عليه فافي أوي بس ابن ناس وجدع انقذني و طلع مية جنيه من جيبه وبعدين دفعهم للسواق وقاله :
~ خد يا اسطا الفلوس بتاعتك أهي وعيب لما تتكلم مع بنت بالطريقه دي عشان حاجات تافهة زي الفلوس يمكن نست فلوسها في البيت وهي خارجه او يمكن محفظتها وقعت منها يعني اعذرها يا اخي او اعتبرها زي اختك وخليك كويس وجدع مع الناس خلي ربنا يكرمك، يلا اتوكل على الله !!....
بعدها نزلت من الميكروباص والشاب دا نزل بردو أنا كان المفروض عليا أشكره بس كنت مكسوفة جداً بحكم أني مش متعودة أكلم شباب بس اتشجعت وندهت عليه ..
_ يا أستاذ! يا أستاذ! لو سمحت استنى
التفت وراه وبصلي كدا وقالي :
~ محتاجه حاجه يا آنسة ؟؟
_ أنا مش محتاجة حاجة والله شكراً بس حبيت أشكر حضرتك على اللي عملتوا معايا في الميكروباص بجد متشكرة جداً مش عارفه أشكر حضرتك ازاي ... انت انقذتني!
~ على ايه بس انا ماعملتش حاجه
_ ما عملتش حاجه إزاي مش انت اللي دفعتلي ال100 جنيه ولا مش انت🤨🧐
~ يا آنسة مش قصدي 🤦🏼♂️ أنا قصدي انك مش محتاجه تشكريني أنا عملت واجبي بس مش اكتر
_ آه معلش فهمتك غلط 🤦🏻♀️😅 المهم سلام
بيقول في نفسه : (شكلها غبية جداً 🙄)
بعدين سيبتوا ومشيت ولقيتو بيقولي :
~ ايه ايه استني انتي هتمشي كدا وخلاص بالبساطه دي لا تعرفي اسمي ولا اعرف اسمك ولا اي حاجه خالص ؟
_ أنا شكرتك وخلاص يا استاذ 😡 وبعدين مالك ومال اسمي هتستفاد ايه لما تعرف اسمي بقولك ايه سلام وماتعصبنيش زيادة وكفاية كلام كدا اتكلمنا زيادة عن اللزوم أصلا أنا مش بكلم شباب أنا كنت جاية اشكرك بس مش جايه اتعرف وك...
~ بس بس اهدي اهدي وشك إحمر وعنيكي قلبت أحمر انتي غريبة ليه كدا أنا ما غلطش فيكي !! وايه التعقيد اللي انتي فيه دا يا بنتي ايه هو اللي مش بكلم شباب دا هو في حد كدا أصلا؟؟
أنا سبتو يتكلم مع نفسو ومارديتش عليه ومشيت بعيد عنه وبعدت جامد وهو ينده عليا عشان يعرف اسمي وأنا ما رديتش عليه أنا نسيت أننا في القاهرة يعني أي حاجه هنا عادي بالنسبالهم وكنت بقول في نفسي : (يا ربي ايه البني آدم العبيط دا كان عايز اسمي ليه هو مالو اصلا يا ريتني ما كنت نزلت شكرته وكنت مشيت من سكات .... )
هو بيقول في نفسو : (دي مش بس غبية دي كمان معقدة ومجنونة وباردة ومغرورة ! أنا كان ايه اللي ورطني مع واحدة هبلة زي دي ؟ يا ريتني ما دفعت الفلوس و كنت نزلت من سكات .... )
البارت 3
المهم أنا مشيت ومش عارفه همشي فين أو آجي منين أو أعيش فين وما اعرفش
حد هنا ولا اعرف مكان للعيش وبعدين لمحت بعنيا عمارة كبيرة
أوي طبعا مش معايا فلوس أقعد في شقة في العمارة الحلوة دي واعيش فيها فبصيت تحت العمارة في سلم للعمارة وفي تحت
السلم مكان فاضي ، يعني حلو شويه ومستخبي ورحت وقعدت تحت السلم بهدوم المدرسة بتاعتي ... المكان بارد وضلمه
وكأيب ووحيد ومليان حشرات ، قعدت افكر وسرحت في اللي حصل واللي بيحصل ولقيت دموعي انهمرت على خدودي وانخرطت في البكاء بكل حرقة وألم ، ويقطع هذا البكاء صوت عصافير بطني
_ أوبااااا أنا جعانة أوي هأكل ايه دلوقتي 🤦🏻♀️😔💔
لازم ألاقي شغلانة دلوقتي عشان اقدر اعيش بس إزاي وفين؟
هروح أتمشى وسط البلد يمكن الاقي حد يشغلني أي شغلانه كويسة .... هو أنا بكلم نفسي زي المجنونة كدا ليه😳🥴🤔 ؟؟ لازم أبطل العادة دي😐👍🏻🤦🏻♀️
المهم وأنا بتمشى لقيت مطعم مكتوب عليه : (مطلوب جارسون)
_ جارسون !! 😳 طب ما فيش غير جارسون يعني؟؟ يا ربي مش معقول ابقا جارسون في مطعم !! أنا أرقى من كدا بكتير 😒
وبعدين كملت طريقي .... وشوية والجوع قرصني جامد واضطريت ارجع تاني ....
_ يا ترى هيقبلوني كجارسون هناك ولا لأ ؟؟ يلا مش وحش بردو هاكل ببلاش وهاخد فلوس بردو مش بطال ويمكن أقابل الفار الطباخ وابقا
شيف مشهور زي الجارسون اللي في الكارتون 🤔 ايه اللي أنا بقولوا دا 😂🙂 هروح
أسأل وأشوف الموضوع😳🙄🤷🏻♀️😔
السلام عليكم
= وعليكم السلام اتفضلي يا آنسة تطلبي إيه ؟؟
- أطلب إيه ؟؟ لأ لأ أنا جاية عشان عععايزة .....
= عايزة ايه ؟
_ أشتغل هنا😅😳 ....
= آه مفهوم يا فندم اتفضلي الريس جوة في المكتب بتاعه كلميه
_ مكتب في مطعم وريس كمان دا ايه المكان الغريب دا 🙄 ( قلت كدا لنفسي بصوت واطي )
= بتقولي حاجه يا آنسه مش سامعك
_ لا لا أنا ماقلتش حاجه أنا كنت بقول بس اني داخلة أشوف الريس اهو 😁😅
ودخلت جوة ولقيت باب مكتوب عليه ( رئيس المطعم ) وطقرت على الباب وسمعت صوت من جوة بيقولي ...
= اتفضل ادخل ..
فتحت الباب براحه كدا وبصيت لقيت واحد تخين أوي وبطنوا ضخمه حوالي مترين
لأ تلاته أدامه وشكله كبير شوية في السن وقاعد محشور في الكرسي وبعدين قلتلوا ...
_ السلام عليكم
= وعليكم السلام اتفضلي يا بنتي عايزة إيه
_ عايزة الريس 😐😐😐
= قدامك يا بنتي انتي ما قرأتيش اللي على الباب من برة ولا إيه
_ آه أنا آسفه جدا يا فندم ، أنا عايزة بس اشت...
= عايزة إيه؟؟
_ عايزة اشتغ...
= يا بنتي ما تقولي مالك بتقطعي في الكلام كدا ليه ؟!!
_ جارسون عايزة اشتغل جارسون هنا😳
= عايزة تشتغلي جارسونه ومالو مش تقولي كدا من الأول؟ طب ومالك مكسوفه ومرتبكه كدا ليه ؟؟!
_ ...... هبدأ امتى 😐😐
= طب غيري هدومك والبسي طقم المطعم اللي بيعبر عن المطعم الأول لأن دا مطعم
خاص جدا ومميز وفيه زي رسمي خاص
_ تماما تمام يا أستاذ هلبسوا ماشي نخش في الجد .. فين الأكل بقا ؟
= أكل ايه مش فاهم ؟ 🧐
_ أكل ! أكل ! يعني اللي بيتاكل دا وبنحطوا في بقنا لما نجوع فين هو ؟؟
= يا بنتي انتي بتقولي ايه بس مالك مش طبيعية 😂
_ مش الجارسون بياكل أكل ببلاش 😕
= لا لا لا انتي فاهمه غلط خالص الجارسون مش بياكل أكل المطعم ولا أي حد هنا بياكل غير الزباين بس
_ الزباين بس 😅😅 تمام 😔 طب الأجر هيبقا كام وامتى وهبدأ امتى وفين طقم المطعم؟!
= ادخلي الأوضة دي هتلاقي مجموعة ملابس بمقاسات مختلفة شوفي اللي
يناسبك وخديه وهتبدأي بكره وبالنسبة للأجر هتاخدي 600 جنيه في آخر كل شهر
_ آخر الشهر 😳 ماشي 😔
ودخلت الأوضه اللي قال عليها وببص في شكل الطقم كدا واتصدمت 😲😳