#صعب_ولكن_مش_مستحيل
الفصل الرابع والخامس
بقلمي #آمنة_غباشي
انصدمت بصراحه من منظر الطقم ... قصير وضيق وشكله مقزز وانا بلبس لبس
محتشم ومحترم فطلعت عند اللي بيسموه الريس دا وقلتله :
_ أنا مستحيل ألبس لبس زي دا !!
= ماله اللبس دا آخر موضه وآخر شياكه ، ولا قصدك أنه مش مقاسك ؟؟
_ لأ دا لبس ضيق وقصير وأنا مش بلبس كدا ومستحيل ألبس كدا !!
= يا بنتي بصي حواليكي تلات ارباع بنات القاهرة بتلبس كدا وبعدين سيبك من بنات القاهرة ، انتي لازم تلبسي اللبس دا لو عايزة تشتغلي هنا
_ طب سؤال بس اشمعنا اللبس دا ليه هو الناس هتاكل ولا هتتفرج على عرض ازياء؟!!
= لا لازم تلبسي لبس زي دا عشان الناس نفسها تتفتح على الأكل وتاجي المطعم بتاعنا على طول
_ نعم !!! 🤨🤨🤨 بس كدا حرام !
= مش عاجبك اتفضلي اطلعي برة هي ما جاتش عليكي يلا الباب يفوت جمل !
_ لا لا لا لا لا استنى لحظه ارجوك انت مش عارف انا محتاجه الشغل دا قد ايه بجد والله مش معايا اي فلوس خالص ، طب انا لبسي دا جميل جدا هو آه لبس مدرسي بس شكله شيك أنا شايفه أنه اجمل من الطقم دا بكتير صدقني وهشتغل كويس وهعمل كل حاجه واي حاجه بس ارجوك ما تحرمنيش من الشغل
= هتشتغلي بالقوانين بتاعتنا ماشي غير كدا لا سلام ما تعطليناش
_ طب هقترح على حضرتك اقتراح أنا ممكن آخد راتب اقل يعني ممكن 300 جنيه بس بدل 600 ، بس بشرط اني مش هلبس اللبس المقطع دا وهشتغل بلبسي العادي ...
= قلت لأ حتى لو ببلاش لازم تلبسي دا
_ والله بجد ؟؟ 😡 طب سوري على طريقة كلامي دي ولكن حضرتك انسان مستفز جدا وغير متفتح وغير منطقي نهائي ازاي اللبس المعفن المقطع القصير دا احلى من اللبس النضيف الشريف الجميل بتاعي ، لا يا فندم أنا عايزة اموت من الجوع على اني اعمل حاجه تعصي ربنا! استأذن أنا بقا سلااام ! 😡😡
= بنت غريبه جدا 🤨
خرجت من المطعم وأنا مكتأبة وحزينه لأني خسرت الشغلانه دي ، كانت مربحه وانا هموت من الجوع وحاسة هيغمى عليا من الجوع🥴😵 قعدت مكاني تحت السلم وحطيت راسي على ركبي وبدأت اعيط واكلم نفسي :
_ يعني مش كفايا ان قلبي مكسور وجعانه وتعبانه لأ وكمان اتهان بالشكل دا !
أنا كنت بترجاه !! أنا ... امل كنت بترجا الراجل التخين دا عشان يشغلني وايه جارسون كمان ! مش معقول يصل بيا أنا أمل البنوته المرفهة المُدَلَّله الجميلة الرقيقة للحال دا ، انا شكلي بدأت أخرف ...
وبكيت تاني من الجوع والألم اللي بيعتصر قلبي ولكن ما استسلمتش وحطيت ايدي في جيبي وطلعت التلاته جنيه ونص ورحت اشتريت بيهم بسكوت يمكن يسد جوعي شوية ، وبعدين وانا راجعه لمحت مكتبة مكتوب عليها (مطلوب آنسة جميلة للعمل)
_ ايه دا مطلوب آنسه ؟ ....أنا آنسة !! بس اشمعنا جميلة ؟؟ دا ايه العبط دا !! مش مهم ... أنا لازم اشتغل في المكتبة دي على الأقل احسن وانضف من الجارسون السخيف .... ودخلت المكتبة وكان فيه شاب قاعد فيها :
_ السلام عليكم
= وعليكم السلام
_ ممكن أشتغل هنا
= أكيد ... اسمك ايه
_ امل
= جميل يا أمول تقدري تشتغلي من بكره من 7 ل 12 فترة صباحية يعني و...
_ اسمي هو أمل .... أمل بس يا استاذ انت 😡😡
= ماشي يا امل بس 😅😂 حلوة وانتي متعصبه 😂
_ احب اقول لحضرتك على حاجه☺️
انت مش محترم شوف آنسة غيري😡😡
سلام
= استني ... استني بس والله مش قصدي حاجه استني والنبي أنا آسف يا آنسه! يا آنسه!
خرجت بردو من المكتبة دي وانا متضايقه ومخنوقه ومش عارفه اعمل ايه ....
_ دا ايه العالم دا استغفر الله العظيم يا رب يعني الواحد ينحرف يعني عشان يحصل على لقمة العيش يعني ولا ايه ، انسان مستفز وفاشل ... بطلي تكلمي نفسك يا أمل بقا ...
الليل جه والجو ساقع والمكان بارد اوي ومافيش اكل غير البسكوت اللي اشتريته وكلته كله ومبقاش معايا اي اكل ولا اي فلوس ، وحيدة بردانه جعانا ولسة مش عارفه ازاي هقدم في المدرسة اللي هنا بالورق بتاعي ، افكار وافكار وعيااط طويل لحد ما غلبني النعاس ونمت ، آه نمت تحت سلم العمارة اللي في الشارع دا .... اول يوم يعدي عليا برة البيت ..... مليان احداث وانكسارات يا ترا هعيش ازاي وهاكل منين ؟
تاني يوم صحيت وكنت هموت من الجوع لكني اتحملت وسكت وبعدين طلعت ورقه بيضه من الورق الورق اللي معايا وقلم وبدأت ارسم ..... آه صح نسيت اقولكم أنا بحب الرسم اوي وبرسم أحياناً لما تكون مشاعري ملغبطة زي دلوقتي ......
قعدت ارسم وارسم وفي الآخر رسمت صورة لبنت واقفة وبتبكي لكنها مبتسمه وماسكه كتب في ايديها ... الرسمه كان شكلها حلو اوي واول مرة ارسم رسمه بالجمال دا ، مسكتها وبصيت فيها وقعدت ابكي وركنتها جنبي وقعدت ابكي جامد ....
شوية وفي بنت عدت من جنبي كانت تقريبا في نفس سني بس كانت اجمل وشكلها نضيف وأنيق، المهم البنت دي شافت الرسمه بتاعتي وقالت :.
= واااااو ، الصورة دي جميلة جداً
أنا مسحت دموعي بسرعه عشان ما حدش يشوف دموعي لأني مش بحب حد يشوفني وأنا ببكي .... المهم مسحت دموعي وبصيتلها وقلتلها :
_ بجد حلوة ؟؟ ... شكرا !
= ايه دا هو انتي اللي رسمتيها ! 😲
_ آه أنا !
= لا بجد انتي فنانه .... ممكن آخدها منك ؟؟ خدي معايا خمسة جنيه خديها وعاطيني الرسمه دي بليييز هعلقها في اوضتي دي حلوة خالص
_ بجد عايزاها بخمسة جنيه 😳
= آها اكيد تستاهل اكتر من كدا بس دي الفلوس اللي معايا حاليا مش معايا غيرهم 😂
_ آه ماشي خديها
= شكراً 😍
_ العفو 😅
البنت خدت الرسمه ومشت وانا خدت الخمسه جنيه وبصيت فيها كدا وضحكت :
_سبحان الله خمسة جنيه من مافيش 😍🤭😂 ، الحمد لله يا رب هروح بقا اشتري أكل 😋 ..... لحظه واحدة المفروض اكون ذكية وما اصرفش الخمسة جنيه دي على الفاضي يعني مثلا اشتري حاجه مفيدة ... زي ايه ..... زي ايه ....... ؟؟ 🤔
عرفت أنا هشتري ايه 😃👌🏻
#البارت 5
_ أنا هشتري إبرة وبقرة فتل!! ايوا إبرة خياطه وممكن اشتغل في الخياطه وأخيط هدوم
واكسب فلوس ... واو فكرة روعة وشغلانه ولا مهينه ولا معيبة ولا متعبة وميه ميه كمان .... نفسي ابطل كلام مع نفسي
زي المجنونه كدا ...🙂🤦🏻♀️
المهم رحت اشتريت إبرة وبقرة خيوط واشتغلت في التخييط كنت باخد حوالي 2 أو 3 جنيه على اللبس الواحد وكنت بخيط اكتر من لبس في اليوم الواحد
و يمكن الناس كانت بتعطيني هدومهم اخيطها رغم
عدم توفر المكان المناسب عندي شفقة منهم عليا المهم قعدت
اشتغل كدا كام يوم لحد ما عملت حوالي 50 جنيه مش بطالة أنا كنت بصرف منهم اصلا
على الأكل والشرب يعني كويس أنه فضل معايا 50 جنيه اصلا ، لازم اوفر الفلوس الكافيه
عشان اقدر اقدم في المدرسة اللي هنا واشتري كتب وأكمل دراسه ....
شوية ولقيت شلة بنات حوالي 6 بنات جايين عليا من بعيد شكلهم في نفس سني
تقريبا ومعاهم البنت اللي اشترت مني الرسمه وكانت بتشاور عليا ......
بعد ما وصلوا عندي بصيت للبنت اللي اشترت مني الرسمه قبل كدا وقلتلها :
_ اهلا تاني يا قمر عامله
ايه، وازيكم يا بنات اهلا بيكم ، معلش ما عنديش مكان تقعدو فيه للأسف أنا آسفه
= لا لا عادي احنا هنقعد معاكي شوية ، اصل صحابي دخلوا عندي الأوضه وشافوا
رسمتك وحكتلهم عليكي فعجبتهم الرسمه وحبوكي اوي وحبينا نقعد معاكي شويه ....
_ بجد ؟؟🥺 أنا ... أنا ... مش عارفه اقول ايه بصراحه اهلا بيكم والله شرفتوا ونورتوا، أنا
سعيدة جدا لتواجدكم معايا وحزينه جدا لاني معنديش حاجه اقدمهالكم 😔
= يا حبيبتي عادي احنا هندردش شوية وممكن نشتري منك شوية رسومات لانه بجد
عجبنا رسمك ... رسمك تحفه
~ آه صحيح فنانتنا اسمها ايه
_ اسمي أمل 😊 فرحانه جدا بيكم ، استنوني لحظه هروح مشوار صغنن وراجعه بس اوعوا تمشوا ....
- رايحه فين يا أمل؟
= ايوا رايحه فين احنا لسه واصلين !
_ ثواني ومش هتأخر ...
وخدت الخمسين جنيه الحاجه الوحيدة اللي معايا ورحت على الدكان اشتريت 6 علب
كنز ب30 جنيه العلبة الواحده ب5 جنيه وفضل معايا 20 جنيه ورجعت تاني ...
_ السلام عليكم اتفضلوا حاجه بسيطه، اللي موجود
= ايه دا احنا مستحيل ناخدها يا امل ليه كدا يا بنتي
_ لا لا انتوا ضيوفي ولازم أكرمكم
~ لا شكرا والله مش هينفع
_ هو ايه اللي مش هينفع أنا كدا كدا اشتريتهم ومش هينفع ارجعهم ولا هقدر اشربهم كلهم
وما عنديش تلاجه احطهم فيها يبقا لازم تتفضلوا وما تكسفونيش بقا ...
كل واحدة خدت علبة كنز وقعدنا نتكلم مع بعض ....
_ قولولي بقا يا بنات كل واحدة اسمها ايه؟
~ أنا فاطمة
~ وأنا إيمان
~ وأنا جودي
~ وأنا تسنيم
~ وأنا نور
~ وانا خديجه
_ خديجه 😲🥺💔💔
= آه خديجه ... اشمعنا أنا اللي علقتي على اسمي 🤭😂
_ خديجة 💔🥺
= يا بنتي مالك 🤨
_ مافيش بس افتكرت حد عزيز جدا على قلبي، افتكرت حد هو عبارة عن قطعه مني،
افتكرت اختي الصغيرة خديجة الله يرحمها 💔😢
والكل سكت فجأة مدة حوالي 5 ثواني وقطعت نور الصمت دا وقالت :
= يا أمل انتي اتعلمتي الرسم فين ؟
مسحت دموعي اللي ماحدش شافها وبصيتلها وقلتلها :
_ ما تعلمتش في حته دي موهبه
= تعرفي ترسميني ؟
- آه وارسميني أنا كمان
~ وأنا وأنا
_ حاضر حاضر هرسمكم كلكم بس قولولي اقدم ازاي في مدرسة هنا
= هنا في مدارس كتير بس ممكن تقدمي في مدرستنا انتي في سنه كام
_ أنا في تانيه ثانوي المفروض
= ايه دا احنا كمان تانيه ثانوي يعني هنبقا صحاب
_ آه هي فين المدرسة ؟؟
= مش بعيدة عن هنا في وسط منطقة حكومية جنب العمارة اللي بعد دي ....
البنات قعدوا اتكلموا معايا شوية ورسمت كل واحدة فيهم ... ببلاش طبعاً كهدية على
زيارتهم الجميلة دي اللي فرحتني بجد ، وبعد ما البنات مشوا أنا خدت الورق بتاع التقديم
ورحت المدرسة عشان اقدم فيها
ودخلت المدرسة ورحت لمكتب المدير ...
_ السلام عليكم ورحمة الله وبركاته
= وعليكم السلام اتفضلي يا بنتي
_ أنا عايزة اقدم في المدرسة دي لو سمحت يا فندم واتفضل حضرتك دي كل اوراقي اللي محتجاها للتقديم ..
= اكيد طبعا يا بنتي ، فين ولي أمرك عشان هيمضي على ورق تاني كدا وهيدفع 200 جنيه ...
_ ما عنديش أب 💔
= مامتك اخوكي الكبير عمك خالك اي حد مسؤول عنك !
_ .......💔😢
= يا بنتي مالك ما تردي عليا !..
_ ماعنديش حد !!
= إزاي يعني؟!
_ ما عنديش أب ماعنديش أم ما عنديش أخ كلهم ماتوا وعمامي اتخلوا عني
وماعنديش إخوال وخالاتي وأهل امي في محافظة بعيده عن هنا وما يعرفوش حاجه عني ولا اعرف حاجه عنهم وعايشه في الشارع و .... و ....
(وبعدها حطيت ايدي على وشي وبدأت اعيط بما اني مش بحب حد يشوفني وأنا
بعيط فعيطت وانا حاطه ايدي على وشي)
= طب اهدي بس يا بنتي اهدي وبطلي عياط معلش ....
_ أنا مش بعيط 💔
= طيب يا بنتي أنا هخلي أستاذ رشاد يخلصلك ورقك وتقدري تاجي المدرسة بس عندنا
نظام في المدرسة ولازم تاجي في المواعيد وما تقلقيش من اي حاجه لو احتاجتي اي حاجه أنا موجود وكل المدرسين هنا تحت أمرك ....
_ وال ... وال 200 جنيه؟
= لا لا ما تشغليش بالك بالفلوس اعتبريهم وصلوا ...
_ بجد شكراً جدا والله أنا مش عارفه اقول ايه بجد والله متشكرة جدا يا استاذ
= خلاص بقا بطلي عياط وامسحي دموعك يا ..... ( وبص في الورق ) يا أمل
_ لا لا مش بعيط دا باين حاجه بس دخلت في عيني 🥲🥲
= حاجه دخلت في عينك إزاي ؟ 😂 طيب ماشي يا بنتي ولا يهمك
_ استأذن أنا بقا يا أستاذ .... بعد اذنك 😊
= آه طبعاً اتفضلي وتقدري تيجي المدرسة انتي كده متسجلة في المدرسة يعني ما ينفعش
تغيبي ولا تتأخري .. مفهوم ؟؟
_ آه طبعاً مفهوم يا أستاذي أنا بحب آجي على المواعيد بالمظبوط ما تقلقش أنا
مش هغيب ولا يوم ....
وخلص الحوار وروحت لبيتي ( تحت السلم 🙄 )
كنت مبسوطه جدا وفرحانه أخيرا ضحكت من قلبي😍❤️❤️
بس بعد ما خرجت من مكتب المدير وروحت لمكان ما أنا عايشه المدير اتكلم مع
الأستاذ رشاد اللي كان واقف وانا بتكلم وحصل حوار مابينهم ...
= يا أستاذ رشاد لازم تبحث وتتحرى عن موضوع البنت دي اللي اسمها أمل عشان مش
معقول تدخل مدرستي واحدة مشردة ملهاش اصل لربما
تكون إرهابية أو واحدة مجرمه أو همجية تثير الفوضى في صفوف الطلبة !
- بس يا استاذ عثمان دي باين عليها بنت مسكينه ومن طريقة كلامها هي بنت مهزبة ومؤدبة
جدا وطريقة كلامها جميلة ....
= استاذ رشاد ! أنت مش شايف هدومها ازاي مقطعه ومبهدلة ! دا مش شكل واحدة مهزبة
وبعدين ما تتغرش بطريقة كلامها ، الناس اللي كلامها حلو هما
دول اللي تخاف منهم بيبقوا ناس خبثه ومخبيين بلاوي، لا يا
رشاد لازم تتحرى عنها ! أنت اكتر حد بيحب يلف فأتمنى تعرف موضوعها ايه وهل هي كدابة ولا صادقه !
- طيب يا استاذ عثمان هحاول 🙄 ما تقلقش هعرف عنها كل حاجه ....
خلص الحوار مابينهم وبدأ الأستاذ رشاد يبحث ويتحرى عني لحد ما وصل للمنطقة اللي
أنا عايشة فيها ( تحت سلم العمارة ) وعرف كل حاجه عني من الناس ... وشافني وأنا كنت
قاعده تحت السلم وبخيط في عباية ( مصدر عيشي 🙂 ) بس انا ماشفتوش
وياجي الأستاذ رشاد ويقف قدامي ...