رواية عشقت حُبك الاسود
الفصل الثالث والثلاثون
................
تدخل يارا بكامل اناقتها وقوتها وجمالها
وهي ترتدي فستان قصير من اللون النبيتي ولكنه كان غاية في الجمال وكانت تضع بعض الميكب الخفيف وشعرها الاسود الطويل وشفاتيها المحدده ب احمر الشفاه التي جعلتها مثل الكرز
وهي شابكة يدها في يد شاب اخر يبدو عليه الاناقة والوسامة
يارا ب ابتسامة وقوة وتحدي وهي تنظر لاحمد قائلة:واديني جيت يا نانسي
ولكن كانت صدمة علي احمد ان يرا يارا مع حد غيره وهو يرا فستانها القصير التي اغضبه بشدة
فلاش باك
في غرفة يارا من يوم واحد فقط
يارا بدموع:ماشي يا احمد انا هعرفك انك ولا حاجة
وانك بتحبني انا
ثم اخرجت هاتفها وحدثت ايهاب
يارا ب ابتسامة:ازيك يا ايهاب
ايهاب بفرح:انا كويس يا يارا انتي اللي عاملة اي
انا كنت بسال عنك كتير لكن مكنش حد يعرف حاجة من ساعت ما انتي واحمد سيبتوا بعض
يارا بألم:انا واحمد خلاص حكايتنا انتهت
انا كلمتك عشان لو هتروح بكرا مع مصطفي وريم لنانسي واحمد انا ممكن اجي معاك
ايهاب ب ابتسامة:لو هتكوني موجودة هاجي طبعا
يارا ب ابتسامة:خلاص نتقابل بكرا ونروح سوا
ايهاب بفرح:تمام
يارا:اوكي..باي
وبعد انتهاء المكالمة
ويارا تتوعد لاحمد ب ان تسقي من الغيرة التي عاشتها بسببه وبسبب حبها الابدي له قائلة:انت اللي بدأت يا احمد تبقي تستحمل بقي
باااك
ريم ب استغراب:غريبة انك جيتي يعني يا يارا
نانسي ب ابتسامة:كويس انك جيتي انتي وايهاب
يارا ب ابتسامة عكس ما بداخلها امام احمد:غيرت رائي وحبيت اجي بس وانا مع ايهاب
احمد والغيرة تاكل قلبه:والاستاذ ايهاب ايه اللي جابه بقي
يارا بضحكة استفزازية:افندم!!
ايهاب ب ابتسامة ليارا:مش معقولة برده اسيب يارا لوحدها وهو ينظر في عيونها قائلاً:هفضل جمبك علي طول
احمد بغضب شديد وهو ينظر لها وكاد ان يلكم ايهاب ولكن اراد ان يظهر البرود امامها اما بداخله ف كان مثل البركان
نانسي ب ابتسامة:دول بقي صحابي يا احمد صحابي من زمان جدا واكتر ناس بحبهم في حياتي
احمد وهو يحاول غيرت يارا قائلة:بس انا بحبك اوي تعرفي كدا
شعرت يارا ب نيران في قلبها ولكنها اخفتها ب ابتسامة عريضة
يارا بغيظ:وياتري بقي فرحكم امتا
احمد ب استفزاز:قريب اوي
نانسي بضحك:ريم واتجوزت من سنتين وحامل وانا واتخطبت انتي بقي هتتخطبي امتا يا يارا
يارا بضحك:عايزة تخلصي مني مش كدا
نانسي بضحك:بصراحة اه
يارا بنظرة حب مزيفة لايهاب امام احمد قائلة:قريب اوي
اتي النادي لياخذ طلباتهم
ولكن اختار احمد ليارا الطبق المفضل لها
ووضعه النادي امام يارا
يارا ب استغراب:مين طلبلي الاوردر دا
احمد ب ابتسامة:مش دا الطبق الوحيد اللي بتاكلي برا
يارا بتوتر من نظراته لها قائلة:كرهته
لوسمحت شيل الطبق دا وهاتلي اوردر تاني غير دا
نانسي بضحك:وعرفت منين بقي ان دا الطبق الوحيد اللي بتاكله برا
احمد ب ابتسامة:احساس
وبعد وقت يشعر احمد بتوتر وخنقت يارا
ريم ب استغراب:مالك يا يارا
احمد ب ابتسامة:يمكن اللون البني اللي في المكان هو اللي مدايقها او يمكن عشان دا اكتر لون بتكرهه
ولا ايه يا انسة يارا
يارا وهي تنظر اليه بنظرة حب مخطلطة بألم:
ايوا انا فعلا بكره اللون البني اوي بيخنقني
ايهاب ب ابتسامة:تحبي نمشي
يارا:لا لا انا كويسة
يري احمد ايهاب وهو قريب من يارا وكانه يحترق بسبب غيرته الشديدة
احمد ب ابتسامة لنانسي:تعالي نرقص يا نانسي
نانسي ب ابتسامة:اوكي
تري يارا احمد وهو يلمس يد نانسي وكانت تحترق هي الاخري وهما يرقصون واحمد يقترب منها وهم يضحكوا
ريم ليارا بهمس:كفاية اللي بتعمليه دا عينيكي هتطلع عليه وبعدين الغيرة بينا عليكي اوي انتي واحمد
يارا بغيظ:شايفة بيضحك ازاي وهو مع نانسي
ايهاب ب ابتسامة:يارا تحبي تقومي ترقصي
يارا بغيرة:ياريت
ثم تصعد وترقص مع احمد بجانب احمد ونانسي
وكانت عيون احمد علي ايهاب ويارا
وبعد انتهاء الرقصة تذهب يارا الي الحمام
اما احمد يذهب اليها دون ان يشعر احد بهما
في الحمام
وهي تنظر في المراية قائلة:لسه بتحبي يا يارا متكابريش لكن يا احمد وحيات حبك اللي في قلبي هخليك تعيش الاحساس اللي انت خليتني احسه
ثم تذهب من الحمام وتري احمد امامها
وكادت ان تذهب ولكنه امسك يدها
احمد بغيرة واضحة:بتعملي كدا ليه وليه خليتي ايهاب يجي معاكي انهاردة
يارا ببرود:نعم انا حره وهو انا سألتك انت خونتني ليه سالتك خطبت نانسي ليه وبعدين انت ملكش دعوة بيا
انت سامع
احمد بحب:لكن انتي ملكي
تقترب يارا من شفايف احمد ولكن لا تلمسها
ولكن يشعر احمد بضعف وكاد ان يقبلها ولكن اوقفته كلمات يارا
يارا وهي تلامس شفايفه قائلة بسخرية وثقه:عمري ماهكون ملكك ابداً وعمري ماهسامحك ابداً
ودا اللي عايزاك تعرفه ان عمر يارا القاضي ماهتكون ملك ليك انت فاهم
ثم تترك يده بعنف وتذهب الي ايهاب والباقي
احمد بغضب:هتكوني ملكي يا يارا غصب عنك
او ب ارادتك وهتشوفي
احمد بحب مزيف لنانسي وهو يلامس يدها امام يارا قائلاً:حبيبتي ايه رائيك تشوفي الياخت بتاعي هيعجبك اوي
تنظر له يارا بصدمة وعيناها تشتد من كلماته
نانسي ب ابتسامة:فعلاً بسمع كتير علي الياخت بتاعك
يا احمد
احمد بحب:خلاص نروح يوم ونكون مع بعض
اه ولو تحبوا تيجوا ونبقي مع بعض كلنا انا هكون مبسوط اوي ولا ايه يا استاذ ايهاب
ايهاب بحده:هفكر ولو يارا وافقت اكيد هكون معاها
يتمالك احمد اعصابه بدلاً من لكمه امام الجميع
احمد بغيرة:قولتي ايه يا انسه يارا موافقة
يارا ببرود:هفكر
نانسي ب ابتسامة:اكيد هيكون يوم جميل عشان هنكون كلنا مع بعض
احمد وهو ينظر الي يارا بثبات قائلاً:اكيد
نانسي ب ابتسامة:احمد كل حاجة فيه تجنن بصراحة احلي حاجة حصلتلي اني شوفته وحبينا بعض
تشرء يارا نتيجه كلام نانسي
ولكن يضحك احمد لانه يلاحظ غيرتها
نانسي ب ابتسامة:احمد صوته حلو اوي يا يارا
يارا بغيره:امممم هو بيغني
احمد وهو ينظر في عيونها ويلاحظ وجعها وحزنها قائلاً:تحبي تسمعي
يارا بثبات:اممم احب
يبدأ يغني احمد بصوته الجميل وهو ينظر في عيون يارا وهو يعبر عن المه الشديد قائلاً
مكملناش هي اختارت كدا..قالتلي هوانا كان غلطة لما ابتدي
لقتني ساعتها وحداني بخاف لو قولت وحشاني عينيا تحن من تاني للحب داااا
انا مفيش حد غيرها ملاني جراح انا بعاتب صورها ساعات علشان ارتاح واسألها سؤال احساسنا زمان فين راح
حاولت كتير استغني عنها وعلم قلبي يتعود علي بعدها لكن فشلت محاولاتي وغلط قلبي حسباتي وجودها مهم في حياتي وبحبهاا
انا مفيش حد غيرها ملاني جراح انا بعاتب صورها علشان ارتاح واسئلها سؤال احساسنا زمان فين راح وفين راحت وعودنا واحلي كلام وايه بس استفادنا طلعنا ب ايه وبكام معقولة خلاص عيشنالنا يومين والسلام..
كانت عيون يارا تدمع
ريم ب ابتسامة:صوتك حلو يا استاذ احمد بس تعرف ان يارا كمان بتعرف تغني حلو اوي
تنظر يارا لريم بتوعد
احمد والدموع معلقه في عيونه:سمعينا صوتك
ترجع يارا الي واقعها وتتذكر خيانته وهي تراه مع واحده اخري وتبدأ تغني بصوت جميل وقوي قائلة: فاكر يا حبيبي في يوم ما سبتني امشي ودموعي في عيني..يومها انا بذات جتلك عشان انت اللي بتقويني وبدال ما اهدي وارتاح وانا جوا حضنك او تطمن عيني كدا وتدفيني القاك انت اللي بتبكيني
تسأل عليا ليه هو احنا لسه احنا مستني مني ايه ملامحنا مش ملامحنا دلوقت بينا ايه غير ذكري بتجرحنا ماهي دنيا بتفرحنا لحظة والباقي بتجرحنا
عايز طب نرجع ليه هو انا مش نفسي نرجع تاني بس الحياة طب مين رجع يعيشها حتي ثواني
لويوم جربت تكون ودا صعب جدا لو تكون في مكان وتعيش حرماني وتدوء طعم ملهوش تاني
تسال عليا ليه هو احنا لسه احنا مستني مني ايه
ملامحنا مش ملامحنا دلوقت بينا ايه غير ذكري بتجرحنا ماهي دنيا بتفرحنا لحظة والباقي بتجرحنااا
يشعر احمد من غناء يارا بلومه وانه هو المقصود بهذة الكلمات
نانسي بضحك:ايه الحزن دا بس
احمد:مش ديماً من الشكل بتبقي الحقيقة كاملة
لازم الواحد يسمع كمان
يارا وهي تنظر له بثبات:بس للاسف في اللي شاف وسمع عرف الناس علي حقيقتها
احمد بوجع:وليه متقوليش ان اللي شافه كدب وانه ظلم مش اتظلم
نانسي ب استغراب:انتوا بتتكلموا ب الالغاز ولا ايه
يارا ب ابتسامة تعكس ما بداخلها قائلة:ولا الغاز ولا حاجة بس انا لازم امشي دلوقت
لكن هنتقابل كتير وهي تنظر الي احمد قائلة:كتير اوي كمان
ثم تذهب ومعها ايهاب
ايهاب وهو يشعر بحب يارا لاحمد
ايهاب:انتي بتعملي كدا ليه يا يارا من طريقتك النهاردة حسيت انك لسه بتحبي احمد
يارا بوجع:انا فعلا بحبه يا ايهاب لكن اتجرحت منه اوي
ايهاب بوجع:لكن انا بحبك يا يارا وممكن افضل جمبك واساعدك تنسي احمد وساعتها هتحبيني انا
يارا بصدمة:انت بتقول ايه يا ايهاب
ايهاب:بقول اني بحبك وبحبك اوي يا يارا ومستني حبك دا من سنين
وهفضل استني علي امل انك تحبيني
اديني فرصة واحدة فرصة واحدة بس يا يارا هسيبك تفكري وتقوليلي قرارك..بعد اذنك
تركها ايهاب تفكر في عرضه اما عنه ف ذهب الي منزله ليري عليا
اما عن احمد ف يذهب مع نانسي ليوصلها الي منزلها ولكن كان يشعر بالوجع الشديد وحبه وغيرته القاتلة علي يارا
نانسي ب استغراب:مالك يا احمد حاسه انك مدايق
احمد بعصبيه:ولا مدايق ولا حاجة
نانسي:طب ليه
احمد بعصبيه وصوت عالي:مش خلاص كفاية اسئلة بقي
تنظر له نانسي بخوف ودموع وتصعد الي الڤيلا دون ان تنطق بحرف
اما عن احمد ف يذهب الي واحدة من الفتايات التي يعرفها
وبعد وقت قصير
في منزل الفتاه واحمد يشعل سيجارته وجالس بقوة دون ان ينطق بكلمة وهو عاري الصدر
الفتاه بدلع:تعرف انك وحشني اوي يا بيبي
احمد بثقه وثبات:عارف
الفتاه:بس انت غريب مش بتتكلم خالص بتيجي وقت ما تكون مدايق وبس وبعدين انا معرفش عنك غير اسمك وبس
يقوم احمد من الاريكة وهو يمسك رقبت الفتاه بعنف وغرور قائلاً:حتي اسمي كتير عليكي
وهو يحسس علي شفايفها و ينظر لها
وينزع ما ترتديه
اما عن الفتاه ف كانت مستسلمة له رغم من قسوته معها
في غرفة اسيا
كانت اسيا تزداد تعلق ب مراد مع مرور كل يوم وكل دقيقة معه
اسيا ب ابتسامة:استني يا مراد بس وكملي الحدوتة
ثم تذهب الي المرآية وتسرح شعرها وتاتي اليه مرة ثانية ولكنها كررتها عدت مرات
مراد ب استغراب:انتي مش مركزة معايا خالص يا اسيا
اسيا ببرائة:ما انا عايزاك تشوفني جميلة يامراد
مراد ب ابتسامة:انتي جميلة وزي القمر كمان ياحبيبتي
اسيا ب ابتسامة:يعني انت شايفني جميلة يا مراد
مراد ب ابتسامة:ايوا اجمل بنت في الدنيا كمان
انا همشي بقي الوقت لكن هتشوفيني بكرة الصبح
اسيا ببرائة:بس انا مش عايزاك تمشي يا مراد
مراد ب ابتسامة:همشي دلوقت لكن هاجي بكرا الصبح وهكون معاكي
الممرضة:الانسة اميرة خطيبتك يا دكتور مستنياك برا
اسيا بتكشيرة:سيبك من اميرة دي يا مراد وخليك معايا انا يامراد
تدخل اميرة بضيق قائلة:ايه يا مراد كل دا مستنياك برا
اسيا بتكشيرة:يوو
مراد:استني يا اميرة ايه مش شيفاني مع اسيا
اميرة بحده:نعم
اسيا بغيظ من اميرة:اعد يا مراد جمبي واحكيلي الحدوتة اللي بحبها
مراد ب ابتسامة:حاضر يا اسيا
بعد اذنك يا اميرة استنيني برا
تنظر له بضيق وتخرج خارج الغرفة
وبعد وقت
في احد المطاعم الكبيرة
اميرة بضيق:كدا يا مراد تفضل راكني نص ساعة عشان تنيم ست اسيا
مراد بضيق:متاسف يا اميرة مكنش قصدي
اميرة ب ابتسامة:هسامحك المرة دي بس
مهندس الديكور اللي هيوضب شقتنا جاي دلوقت عشان نختار الوان بيتنا
تلاحظ أميرة شرود مراد
اميرة ب استغراب:مراد انت سامعني يا مراد
مراد بسرحان وهو يفكر في اسيا:ها معاكي يا اسيا
اميرة بغضب:انا اميرة علي فكرة
ثم تمسك شنطة يدها وتذهب
مراد:هتروحي فين بس يا اسيا
اف انا اسف يا اميرة
اميرة بضيق:خليك انت قاعد مع وحدة مش موجودة خليك مع ست اسيا بتاعتك اللي من يوم ماعالجتها وانت مش معايا خالص وكمان لما بشوفك بيبقي عقلك مش معايا بعد اذنك
ثم تذهب وتتركه
في ڤيلا مهند القاضي
كانت يارا تتمشي في حديقة الڤيلا وهي تتذكر احمد
ولكن يقطع شرودها قدوم احمد من حديقة الڤيلا
يارا بصدمة:انت بتعمل ايه هنا
احمد هو هينظر في عيونها بحب ووجع وهو ينطق اسمها برقة:يارا
يارا بوجع وثبات:ايه اللي جابك هنا
احمد بوجع وحب:عايز اشوفك يا يارا وبعدين انتي نسيتي لما كنت باجي من هنا عشان اشوفك زمان نسيتي حبنا يا يارا
يارا بوجع:مش انا اللي اتخطبت وسيبتك ومش انا اللي خونتك وكنت في حضن واحد تاني
وامشي من هنا ودلوقت وكادت ان تذهب ولكن امسك يدها بحب واقترب منها بشدة
احمد ب حزن:مش عايز حاجة غير اني اشوفك
يارا بوجع:وانا مش عايزة اشوفك
احمد بندم:بس عينيكي بتقول غير كدا
يارا بثبات:وياتري بقي عينيا بتقول ايه
احمد بحب:مش عايزاني امشي
يارا بوجع وضعف:امشي من هنا يا احمد وبعدين انت عايز مني ايه
احمد بندم وحب:عايزك انتي
صدقيني يا يارا انا حبيتك ديما وعمري ما خونتك
يارا بوجع:وانا مش عايزة اسمعك كفاية سمعتك مرة وندمت وبعدين روح لخطيبتك لكن انا عمري ماهكون حبيبتك ابداً يا احمد انت سامع
ثم تتركه وتذهب
تصعد يارا الي غرفتها وظلت تبكي حتي غلبها النوم
في صباح جديد
اسيا ب ابتسامة وهي ماسكة عروستها قائلة:مراد انا جميلة صح
مراد ب ابتسامة:انتي زي القمر يا حبيبتي
اسيا ب ابتسامة وفرح:قول كدا تاني يامراد
مراد ب ابتسامة:أقول ايه
اسيا ببرائة:حبيبتي
مراد بخجل:احم انا لازم امشي دلوقت يا اسيا لكن هرجعلك تاني
اسيا:طب خلاص يا مراد هسالك سؤال واحد بس
مراد ب ابتسامة:انا هنا عشان اجاوبك علي كل اسألتك يا اسيا
اسيا ب ابتسامة وبرائة:طب يعني ايه حب يا مراد
مراد بخجل وهو ينظر في عيونها:هاا..انا لازم امشي دلوقت يا اسيا
اسيا بزعل مثل الاطفال وهي تتشبس ب يده قائلة:يامراد قولي يعني ايه حب وبعد كدا روح ها يعني حب
مراد بخجل يتركها قائلاً:هرجعلك تاني يا اسيا
سلام
في ڤيلا جد نانسي
تطرق نانسي باب غرفة عمر
نانسي ب ابتسامة:عامل ايه
عمر ب ابتسامة باهته:الحمدلله
نانسي ب ابتسامة:انا جيت عشان اتكلم معاك شوية وعشان كمان مبحبش اشوفك زعلان مني
ومعلش لو زعلتك لكن انا عندي شوية مشاكل عشان كدا اتاخرت عليك
عمر بقلق:مشاكل ايه
نانسي بحزن وهي تتردد في الكلام
عمر:طب تعالي طيب نتكلم جوا
تدخل نانسي ب ابتسامة
عمربقلق علي نانسي:قوليلي بقي ايه المشاكل اللي عندك
نانسي بحزن:انا واحمد متشاكلين
عمر ب ابتسامة شديدة قائلاً:وحيات ابوكي
وهو يبتسم بشدة ويضحك بفرح
...انا اسف بس انا لما بكون مبسوط لساني بيفلت مني
نانسي بضحك واستغراب:وانت ايه اللي بسطك كدا مش انت المفروض تكون مدايق عشاني
عمر ب ابتسامة:هاا
نانسي بضحك:ماعلينا انا جيت بس عشان متفضلش مدايق مني
عمر ي ابتسامة يمسك يدها برقة
ولكن نانسي تستغرب وتسحب يدها ببطي
عمر ب ابتسامة:انا اسف بس ايه رايك نخرج شوية حتي عشان متفضليش مدايقة
نانسي ب ابتسامة:اوكي تعالي ننزل المول نعمل شوبينج ونتمشي برده شوية
عمرب ابتسامة:تمم هستناكي لغايت ما تجهزي
نانسي ب ابتسامة:اوكي
في ڤيلا مهند القاضي في حديقة الڤيلا واطفال مهند يلعبوا ويمرحوا
ومهند وسارة يجلسوا وهما مسكين بيد بعضهم البعض
سارة ب ابتسامة:اليوم اللي بتكون معانا فيه بيبقي حلو اوي
مهند ب ابتسامة:انتي اللي خليتي ايامي كلها حلوة يا سارة
سارة ب ابتسامة:بتحبني اوي كدا
مهند ب ابتسامة:بحبك دي كلمة قليلة اوي يا سارة انا اتخطيت معاكي مرحلة الحب والعشق انتي بتجري ف دمي وساكنه في قلبي عمري ماهقدر اوصفلك انا بحبك قد ايه
سارة ب ابتسامة:وانا مش عايزة من الدنيا دي غيرك انت وولادنا
تاتي لينا وهي تجري في حضن مهند
لينا بضحك:بابا بابا عايزة فراورة
مهند بضحك:فراورة!!حاضر يا ملكة يا صغننة طبق فرارورة اهو ليكي لوحدك بس ينفع تسبيني انا وماما شوية
لينا ببرائة وتوسل وهي تاكل قطع الفراولة:لاء يا بابا انت وماما تلعبوا معايا انا ومالك وزين ويوسف ونبي يا بابا ونبي ونبي
مهند ب ابتسامة وضحكة من قلبه يحمل طفلته وهو يقبل خدها الناعم:بس كدا تعالي يا قلب بابا نلعب مع بعض
سارة ب ابتسامة:بدأت اغير من بنتك يا مهند
مهند ب ابتسامة وهو يقبل خد سارة ب ابتسامة:عمري ماهحب حد قدك وبعدين هي الملكة الصغيرة وانتي الملكة الكبيرة والجميلة واللي مقدرش ابعد ثانية عنها
سارة ب ابتسامة:احم يلا نشوف الولاد عشان لينا مش هتسيبنا خالص
في منزل ايهاب
عليا بحزن:هتفضل مدايق كدا يا ايهاب ومش عايز تتكلم
ايهاب بألم:انتي عارفة اني بحب يارا يا عليا لكن هي ديما بتبعدني عنها مع ان انا اكتر واحد بيحبها
عليا بوجع ودموع:اسكت يا ايهاب كفاية اسكت
انا مش عايزة اشوف ولا اسمه اكتر من كدا
ايهاب ب استغراب
عليا بدموع تمسك يد ايهاب قائلة:قولي انك بتحبني انا
يا ايهاب وانك مش هتسيبني ابدا
ومتقولش كلمة تانية غير دي
ايهاب بدموع وهو يشعر بحب عليا الشديد له:عليا...مش هينفع
عليا بدموع:لو كان حبك عليا ممنوع ف ميهمنيش فاهم ميهمنيش كفاية احس انك بتحبني
ايهاب بوجع:مش كفاية يا عليا
عليا بدموع:لا كفاية حبك ليا كفاية عشان اقدر اعيش
يا ايهاب..عشان اقدر اكمل في الدنيا دي
ينظر لها بحزن ولم ينطق بحرف ولكن يخرج خارج المنزل متجهه الي يارا. أما عليا فظلت تبكي بوجع
في المول
وعمر يختار بعض الملابس
نانسي ب ابتسامة:التي شيرت دا هيبقي حلو عليك يا عمر
عمر ب ابتسامة:ماشي هجيبه
وايه رائك في دا حلو
نانسي بنفي:لا دا وحش اوي يا عمر
عمر ب ابتسامة:منا بقول كدا برده دا وحش اوي
ثم يذهبوا الي قسم نظارات الشمس
البائعة ب ابتسامة:النضارة دي هتبقي لايقة عليك اوي يا فندم
نانسي بشعور غريب تخلع النظارة من وجهه وتختار له النظارة التي اعجبتها هي
نانسي ب ابتسامة:دي هتبقي لايقة عليك اكتر
ثم يكملوا شوبنج
في النادي
ايهاب ب ابتسامة:عاملة ايه النهاردة يا يارا
يارا بضيق:كويسة يا ايهاب
ايهاب ب امل:فكرتي في كلامي يا يارا
يارا بتردد:فكرت يا ايهاب ومش هينفع احنا هنفضل طول عمرنا اصدقاء وبس لكن محتجاك تقف جمبي
ايهاب بوجع:في ايه في احمد مش فيا يا يارا ولا عشان انا بحبك ف بتعملي كدا
يارا بحزن:مش هينفع يا ايهاب
ايهاب بوجع:وانا مش هفرد نفسي عليكي يا يارا بعد اذنك
بعد انتهاء عمر ونانسي من الشوبنج
نانسي ب ابتسامة:انا جوعت اوي يا عمر ايه رائيك نروح نتغدا برا
عمر ب ابتسامة:ماشي تعالي نروح نتغدي برا
وبعد ذهابهم وطلب الاوردر
عمر ب ابتسامة:احم طيب انا هروح الحمام اللي في المول وهاجي تاني علي طول
نانسي ب ابتسامة:اوكي بس متتاخرش
يذهب عمر وياتي بعد وقت قصير
نانسي بضحك:كل دا يا عمر في الحمام الاكل برد
عمر ب ابتسامة يفتح علبه هدايا صغيرة وهي سلسلة رقيقة وشكلها جميل جدا قائلاً:اتفضلي
نانسي ب ابتسامة ودهشة:ايه دا
عمر ب ابتسامة:انا دوختك معايا انهاردة وبعدين يارب ذوقي يعجبك
نانسي بسعادة:تحفة جميلة اوي يا عمر بجد
عمر ب ابتسامة:انا عارف انك مش بتلبسي سلاسل خالص لكن حبيت اكون اول واحد يجبهالك وتكون مني عشان تفكرك بيا
نانسي ب ابتسامة:ومش هقلعها من رقبتي ابداً يا عمر وبجد هي جميلة اوي وبدام انت اللي جيبهالي يبقي انت اللي تلبسهالي بقي
يقترب عمر منها بخجل وهو ينظر في عينها بشرود وحب ويلبسها السلسلة برقة
نانسي ب ابتسامة:انا اللي متشكرة علي كل حاجة حلوة انت بتعملهالي يا عمر..احم ويلا ناكل بقي الاكل برد
يبتسم عمر ويبدأ ياكل وهو سعيد لقضاء اليوم معاها وجعلها تفرح ويكون هو السبب في ابتسامتها يسعده كثيرا
في المساء
تدخل الممرضة غرفة اسيا وتلاحظ حزنها
الممرضة:مالك يا اسيا زعلانة ليه
اسيا بحزن:عشان مراد كل دا ولسه مجاش
الممرضة:هو مش بيبقي معاكي علي طول يا اسيا
هو دلوقت مع خطيبته
اسيا بحزن:يوووو كل شوية خطيبته خطيبته مفيش مرة واحدة اسيا وبعدين انا مش بحبها خالص يا مني
لكن بحب مراد اكتر واحد في الدنيا
الممرضة ب استغراب:طب نامي دلوقت يا اسيا وبكرة الصبح هتشوفي دكتور مراد قدامك
تستجيب اسيا لكلامها واملها ان تري مراد صباحاً
بعد يوم طويل يعود كل من عمر ونانسي الي الڤيلا من جديد
نانسي بسعادة وتعب من طول اليوم:بجد كان يوم حلوة اوي ياعمر انا مش قادرة هطلع انام علي طول واه شكرا للمرة التانية علي الهدية الحلوة دي
عمر ب ابتسامة:انا اللي كنت مبسوط علشان معاكي
نانسي ب ابتسامة:تصبح علي خير يا عمرينوا
عمر بضحك:وانتي من اهل الخير يا نانسي
في صباح جديد
كان مراد جالس في مكتبه وهو يتابع بعض الاعمال
تدخل اسيا وهي تبتسم بهمس الي مكتبه وتعطي له وردة
مراد ب ابتسامة:ايه دي يا اسيا
اسيا ب ابتسامة:دي ورده يامراد خليها معاك عشان تفتكرني
مراد ب ابتسامة:انا فاكرك علي طول يا اسيا وعلي العموم متشكر يا اسيا
اسيا ب استغراب:انت بتعمل ايه يا مراد
مراد:انا ورايا شغل يا حبيبتي
وانتي روحي علي اوضتك عشان تستريحي وتاخدي الدوا اللي قولت عليه
اسيا وهي تبتسم:لا يامراد انا هعد معاك كام يوم كدا
مراد بضحك:كام يوم ..لا مينفعش عشان عندي شغل
اسيا ببرائة:ما هو انا شغلك يا مراد
وبعدين انا مشوفتكش بقالي يومين يامراد وانت وحشتني هو انا موحشتكش ولا ايه
مراد:ما انا بشوفك كل يوم يا اسيا
اسيا بحب:ماهو انا كمان بشوفك يا مراد بس بتوحشني برده
مراد وهو يحاول الهروب من عيناها التي تسحره
مراد:لازم تروحي علي اوضتك دلوقت يا اسيا عشان انا خارج
اسيا:وخارج فين
مراد:خارج مع اميرة
اسيا بحزن:يوووو كل شوية اميرة اميرة مفيش مرة تقول اسيا يا مراد
مراد بزعيق:روحي علي اوضتك يا اسيا قولت
اسيا بعند :مفيش مشكلة يا مراد عشان انت بتحبني انا
مراد:وهحبك اكتر لو سمعتي الكلام
اسيا:حاضر يا مراد اسيا هتسمع الكلام بس تيجي معايا وبعد كدا تروح لاميرة دي
مراد ب ابتسامة:وانا موافق
وهما يتمشوا تري اميرة مراد واسيا
اميرة بضيق:كل دا ولسه مخلصتش يا مراد انا مستنياك من بدري
اسيا بغيرة:مراد جاي معايا يا اميرة انتي وبعد كدا هيبقي يجيلك
اميرة بغضب:شايف كلامها يا مراد
مراد:انا اسف يا اميرة
اسيا بزعل:انت بتقولها ايه يا مراد
مراد:اسيا روحي علي اوضتك يلا
اسيا بعند:مش هطلع اوضتي يا مراد انا هفضل واقفة معاك هنا وبس
هي لو عايزة تمشي خليها تمشي
مراد بزعيق:اسيا انا قولت ايه
اسيا بغضب وحزن تري احدي الممرضات في المشفي وتقوم بسكب القهوة التي تحملها بطريقة لا ارادية ولكنها عن قصد
اميرة بزعيق:مراد القهوة كلها اتكبت عليا
ولكن اسيا كانت تضحك بشدة من منظرها
في غرفة اسيا وهي تضحك بشدة قائلة:جزمتها باظت وهدومها باظت ومراد مش هيعرف يخرج معاها
الممرضة بصدمة:انتي عملتي كدا عشان دكتور مراد ميخرجش معاها
اسيا بفرح:اه عشان ميخرجش غير معايا انا وبس وبعدين هي بتغظني
الممرضة:يا اسيا يا حبيبتي انسة اميرة بتغير علي خطبها وبتحبه ومش بتحب تشوفه مع واحدة تانية ودا من حقها
اسيا بثقة:صح انا كمان مش بحب اشوف مراد مع واحدة تانية
الممرضة:بس هو هيتجوزها هي يا اسيا مش هيتجوزك انتي
اسيا بدموع وغيرة:مش هيتجوزها..مش هيتجوزها انتي بتكدبي عليا
الممرضة:طب ينفع متزعليش وتاخدي الدوا بتاعك
اسيا ببكاء:مش هاخد الدوا ومش هخف وانا مش هكلم مراد تاني ابداً
في ڤيلا مهند القاضي كانت تجري يارا بشدة
ولكن جلست في حديقة الڤيلا وهي تلتقط انفسها
وتتذكر احمد وهي تضع يدها علي وجهها لتخفي دموعها
ولكن تاتي من خلفها لينا وتمسح دموعها ببرائة
لينا ببرائة:بتعيطي ليه يا يارا
يارا بحزن:مش بعيط ولا حاجة
لينا ببرائة:انتي بتعيطي عشان بتحبي يا عمته ماما كمان كانت بتعيط عشان بتحب بابا
لكن هو اللي بيحب يا عمته لازم يعيط مش المفروض يكون فرحان
يارا ب ابتسامة من وجعها:الظاهر كدا اللي بيحب لازم يعيط
لينا:بس انا مشوفتش حد بتحبي يا عمته
يارا بدموع:عشان سيبنا بعض من زمان
لينا بحزن: من امتا
يارا بوجع:من ٤سنين
لينا بدهشة:٤سنين وانتي بتعيطي يا عمته بتعيطي من ساعت ماانا اتولدت انا ومالك
طب ليه مش بتتصالحه يا عمته
يارا بوجع:مبقاش ينفع
لينا ببرائة:لو متصلحتوش هتفضلي تعيطي كتير كتير اوي يا عمته لكن لو اتصلحتوا مش هتعيطي تاني وبعدين بقي انا هروح دلوقت عشان العب مع مالك لكن مش عايزة اشوفك بتعيطي يا عمته عشان انتي عينيكي جميلة اوي وحرام انك تعيطي وعنيكي توجعك
يارا ب ابتسامة لتلك الصغيرة التي احتلت قلبها وتمنت لو تنجب بنت مثلها قائلة:خلاص معنتش هعيط تاني عشانك يا لينا
لينا ب ابتسامة تطبع قبلة علي خد يارا قائلة:شاطرة يا يارا وبعدين انا كمان مش هسيبك زعلانة تعالي وخليكي معانا انا بحبك اوي يا يارا
يارا ب ابتسامة:وانا كمان بحبك اوي اوي يا لينا
وبعدين يلا بينا نلعب
في المشفي
في غرفة اسيا
يدخل مراد ويري رسومات والعاب اسيا مكسرة
مراد ب استغراب:مين اللي عمل كدا
اسيا بدموع:انا اللي عملت كدا
مراد ب استغراب:انتي يا اسيا بقي اسيا الطيبة الجميلة تعمل كدا
الممرضة:اسيا يا دكتور مردتش تاخد الدوا بتاعها
مراد:كمان يا اسيا طب اتفضلي لمي لعبك ودلوقت حالاً
اسيا بعند:لاااء
مراد:طيب انا خارج من هنا ومش راجع تاني
اسيا ببكاء:لاء استني متخرجش انا هلموهم اهو
وتبدأ اسيا في لم العابها وهي تبكي بشدة مثل الاطفال الصغار
يحزن مراد لدموع اسيا ويمسك يدها قائلاً:ينفع اعرف بتعيطي ليه بقي
كانت اسيا تبكي بشدة
مراد بحب وهو يمسح دموع اسيا قائلاً:بس اهدي خلاص متعيطيش
انتي زعلانة عشان خرجت مع اميرة مش كدا
مش عايزك تعيطي عشان مراد مش هيحب غير اسيا
اسيا ب ابتسامة رغم دموعها:خلاص اسيا مش زعلانة منك يا مراد عشان انت بتحبها ومش بتزعلها وهتفضل معاها علي طول مش كدا يا مراد
مراد ب ابتسامة وهو شارد في حبها وجمالها قائلاً:كدا يا حبيبتي
وبعد مرور يومان
في المساء
في ڤيلا جد نانسي
في حديقة الڤيلا
نانسي ب ابتسامة:عامل ايه يا عمر
عمر:يعني
نانسي بقلق:ليه في حاجة حصلت انهاردة في شركت جده
عمر ب ابتسامة:طبعا..انتي مكنتيش موجودة
نانسي بضحك:بس يا عمر افتكرتك بتتكلم جد
عمر ب ابتسامة:المهم قوليلي انتي ايه اللي مصحيكي لغايت دلوقت
نانسي بضحك:مش جايلي نوم
عمر:انتي واحمد لسه متخانقين
نانسي:لاء خلاص هو اعتذرلي وصالحني
عمر بغيرة:طيب
نانسي ب ابتسامة:هنروح بعد بكرا انا واحمد ويارا وريم ومصطفي وايهاب صحابنا وهنكون كلنا مع بعض في الياخت بتاعه بس مش عارفة ليه خايفة ياعمر ينفع تيجي معايا عشان خاطري
عمر:بس..
نانسي بتوسل:عشان خاطري ياعمر
عمر ب ابتسامة:خلاص هاجي معاكي
بس انا عندي سؤال يا نانسي انتي بتحبي احمد!!
تغير وجه نانسي الي الحزن قائلة:مش عارفة يا عمر انا مشدودة لاحمد اوي بس تعرف نفسي احب واتحب من غير حسابات العقل والتفكير
نفسي احس ان في حد بيحبني اكتر من نفسه
عمر لنفسه بألم:انا بحبك اكتر من نفسي يا نانسي لكن انتي عمرك ماحسيتي ولا هتحسي بيا
عمر ب ابتسامة:ساعات كتير الحب بيبقي قدامنا لكن مبنشفهوش
نانسي بضحك:طب قولي كدا مين دا اللي ميتحبش واحد دمه خفيف وعينيه زرقه وزي القمر وغير كدا وكدا قلبه دا اطيب قلب في الدنيا قولي كدا ها
عمر بضحك:شكلك مش هتنامي النهاردة
نانسي ب ابتسامة:بالعكس انا هطلع انام دلوقت استريحت اوي لما اتكلمت معاك
اسيبك بقي انا دلوقت سلام
ثم تتوجه الي غرفة نومها وتنام والابتسامة مرسومة علي شفايفها
في منزل ايهاب
يدخل ايهاب المنزل ويرا عليا واثر دموعها الباكية
و انها في حالة غير حالتها الطبيعية واتزانها
ايهاب بألم:بتعملي كدا ليه يا عليا
عليا بحزن تضع اصابعها علي شفايفه قائلة:ششش يا ايهاب
كان ايهاب يشعر بحبها ولكن كان هناك شي يمنعه من هذا الحب
عليا بوجع:خليني المس ايديك يا ايهاب لوسمحت
شعر ايهاب بجرحها ووجعها وانه سبب كل شي المها في هذة الحياة
تحسس عليا علي يد ايهاب ب الم وحب قائلة:خلينا ننسي كل حاجة انسي كل حاجة يا ايهاب
ينام ايهاب علي الاريكة التي امامها وعيونهما اما بعض
عليا بوجع ودموع:خلينا ننام كدا يا ايهاب
عليا بدموع:انت الوحيد اللي حبيته يا ايهاب انت عمري اللي عيشته واللي لسه هعيشه انت كل حاجة في حياتي
يا ايهاب كل يوم كنت بشوفك وانت بتفكر في يارا كان قلبي بيوجعني عشان بتحبها هي مش انا
تنزل الدموع من عيون ايهاب بوجع علي تلك الفتاه التي احبته من صميم قلبها
مسحت عليا دموعها
اما عن ايهاب فحاول ان يذهب الي غرفته ولكن عاد الي عليا وقبلها بقوة وشغف وبادلته عليا وهي تبكي وكادت ان تذهب الي غرفتها
ولكن اوقفها يد ايهاب التي شدها الي احضانه بحب
لاول مرة وقطعها ب قبلة طويلة من الحب والشغف للمرة الثانية وهو يشعر بحبها
اما عن عليا ف تبكي في حضنه وهي مستسلة له وتعلن عن عشقها الابدي له حتي أصبحت زوجة له امام الله
في الصباح
في غرفة ايهاب الخاصة تستيقظ عليا وترا نفسها نائمة علي صدر ايهاب العاري
تنتفض عليا من مكانها ثم تتذكر ماحدث ليله الامس
وكانت خجلة و متوترة بشدة
ايهاب ب ابتسامة:مكسوفة اوي كدا ليه انتي مراتي علي فكرة
عليا بتوتر:ا..انا انا هروح لاوضتي
ايهاب ب ابتسامة:دي من النهاردة اوضتك يا عليا اوضتنا
عليا بخوف:خايفة اصدقك
ايهاب ب ابتسامة:صدقيني ومش هتندمي
اوعدك
يطبع قبلة خفيفة علي خدها
عليا ب ابتسامة وكسوف وهي لم تصدق ما تراه ولكنها كانت فرحة بسبب تغيره معاها
اما عن ايهاب ف هو يعشقها بصدق ولكن يطارده شبح يارا وتوهموا بحبها
في ڤيلا فريد
كانت ندي كعادتها تحب في عز وداليدا اولادها
ومنشغلة عن يوسف
ويوسف بجانبها و كاد ان يحترق من الغيرة بسبب حب ندي الشديد لاولادهاا
يخرج هاتفه ويجري اتصال ب احد ما
و يبتعد عن ندي ويرد بعيد عنها وهو يضحك ويطبع قبلة علي الهاتف
تشك ندي به وتشعر بالغيرة وحبها الشديد له
وتاخذ الهاتف منه
وتراه يقبل صورتها ويقربها الي حضنه بشدة
يوسف بضحك وحب:كنتي فكراني هحب في مين غير فيكي
ندي بحب وغيرة:تحبيني انا وبس
يوسف بضحك:ما هو اللي تاعبني كدا اني بحبك وبغير عليكي حته من عيالك
ندي ب حب تطبع قبلة صغيرة علي خده وهو يضمها الي صدره قائلة:وانا بحبك اوي اوي اوي يا يوسف
في ياخت احمد
كانت السماء صافية والجو جميل بحق
احمد ب ابتسامة وهو ينظر الي يارا ويمدلها يده لتمسك بها حتي تصل الي الياخت ولكنها نظرت له وصعدت بنفسها دون ان تلمس يده
يتعصب احمد قليلاً
احمد ب ابتسامة باهته:اتفضل يا مصطفي انت ومدام ريم
مصطفي:شكرا ويساعد زوجته في الصعود
نانسي بخوف من منظر المياة يلاحظها عمر
عمر:مالك يا نانسي خايفة اوي كدا ليه
نانسي بتوتر:ما انت عارف يا عمر انا عندي فوبيا من منظر البحر
عمر ب ابتسامة:طب متخافيش وهاتي ايدك بس ويساعدها في صعود الياخت تغمض نانسي عيناها بخوف وتصعد الي الياخت وهي تمسك بيد عمر
يمد احمد يده ليصافح عمر ولكنه يرد ببرود قائلاً:اهلاً
نانسي بضحك:يلا نتصور كلنا
احمد بضحك:يلا
يقف الجميع ونانسي في المقدمة وبجانبها عمر ومن الجهه الاخر احمد وكانت يارا بجانبه ولكن كانت تحاول الابتعاد عنه وريم بجانب مصطفي
وتلتقط نانسي لهم الكثير من الصور
وبعد وقت واحمد يتحرك بالياخت
كانت يارا واقفة علي سطح الياخت وهي تتذكر كلام احمد لها زمان
فلاش باك
يارا بخوف:طب لو انا وقعت وانت مقدرتش تلحقني
احمد وهو ضامم يارا بيده قائلاً:لو وقعتي هقع معاكي وهنقذك متخافيش من حاجة طول ما انا جمبك يا يارا
باك
تبتسم يارا بوجع
وهي تميل كي تسقط وتتخلص من حبها له
ولكن يلحق بها يد احمد التي امسكت بها
احمد بخوف من فقدانها وحب قائلاً:هو انا مش قولتلك قبل كدا اني عمري ما هسمحلك تقعي يايارا ولو كنتي وقعتي من علي الياخت كنت هنزل وراكي وهلحقك ومش هيهمني حد
تشعر يارا بحبه ولكن تخشي ان تضعف له
يارا بوجع:كداب
احمد بوجع:في الحقيقة انتي اللي بتكدبي علي نفسك يا يارا
يحسس احمد علي شعرها برقة ويشير الي قلبها قائلاً:يلا قولي هاا قولي انك مبتحبنيش قولي انك مش عايزاني وساعتها هسيبك يا يارا
تصمت يارا ولم تنطق بحرف
احمد وهو ينظر داخل عيناها بوجع قائلاً:مقولتيش حاجة عارفة ليه عشان انتي بتحبني زي ما انا بحبك لكن بتكابري
في هذا الوقت كانت نانسي جالسة بخوف وعمر بجانبها مع ريم ومصطفي
يلاحظ عمر توترها..يحاول عمر ان يطمئنها قائلاً:ممكن متخافيش بقي انا قولتلك طول ما انتي معايا متخافيش
نانسي ب ابتسامة:اوكي
تلاحظ ريم نظرات عمر لنانسي واهتمامه بها
وكادت نانسي ان تقف ولكن تعلقت بشي ما وسقطت في البحر
نانسي بخوف وصراخ:عمر
يجري كل من احمد ويارا بدهشة ليروا ما يحدث ولكن ينصدموا من سقوط نانسي في البحر
يقفز عمر ورائها ويحملها من المياه وهي معلقة في رقبته وتصرخ من خوفها
عمر بقلق:بس اهدي متخافيش يا نانسي انا جمبك اهو
نانسي بخوف وهي تتنفس بشدة وتاتي ريم وتعطي لها بعض المناشف
يارا بخضة:نانسي انتي كويسة
نانسي بخوف وهي متشبثة في عمر وتحرك راسها ب ايجاب
يمسك عمر يدها ليطمئنها ويدفيها قائلاً:خلاص اهدي يا نانسي انتي طلعتي وكويسة متخافيش
وبعد ساعات طويلة
في ڤيلا جد نانسي
في غرفة نانسي تحديداً
شاهين:كدا برده يا نانسي تخضيني عليكي بالشكل دا انا كان قلبي هيقف لما عرفت
نانسي بتعب بسيط:انا كويسة يا جدو دلوقت
يطرق عمر غرفة نانسي ويدخل
شاهين:كويس انك جيت عشان تعد معاها انا هنزل عشان ارتاح في اوضتي شوية
عمر:ماشي يا جده
يجلس عمر بعيد عنها
عمر بقلق:ايه يا نانسي بقيتي كويسة دلوقت
نانسي ب ابتسامة:احسن يا عمر الحمدلله
انت اعدت بعيد ليه يا عمر تعالي اعقد هنا وهي تشير علي الاريكة
نانسي ب ابتسامة:انت كدا انقذت حياتي مرتين مرة وانا صغيرة ودي المرة التانية في البحر
عمر ب ابتسامة:انا لايمكن اخلي حاجة وحشة تحصلك طول ما انا موجود جمبك
نانسي ب ابتسامة باهتة:علي قد ماكنت خايفة وانا في الماية علي قد ما كنت متاكدة انك هتنقذني
من صغري وانا بحمد ربنا علي وجودك جمبي ديما كنت بحس جمبك بالامان
كاد ان يرد عمر ولكن يقطعهما هايدي بضحك قائلة:الله ما انتي زي القردة اهو اومال خضاني عليكي ليه بقي
نانسي بضحك:ياساتر عليكي يا هايدي انا كان زماني ميته دلوقت وانتي بتعيطي عليا لولا عمر
هايدي بضحك:لا ياستي مكنتش هعيط ولا حاجة
عمر بضحك:احم طيب هسيبكم بقي تعدوا مع بعض وبعد اذنكم ولو عوزتي حاجة كلميني يا نانسي
نانسي ب ابتسامة:اوكي يا عمر
نانسي لهايدي:وايه اخبار شغلك يا هايدي
هايدي بضحك وغمزة:شغل ايه دلوقت
انتي مش شايفة عيونة الزرقة وحلاوتها لاء كتير كدا بقولك ايه يا نانسي ماتظبطي خروجة كدا لينا كلنا انتي واحمد وانا وعمر يعني
نانسي بضحك:ان شاء الله
اما عن يارا في ڤيلا مهند القاضي وهي جالسة في فراشها وتتذكر كلام احمد لها ولكنها عادت اي وعيها من جديد وتذكرت ما رائته بعيناها
بالرغم من حبها له
في صباح جديد
في ڤيلا مهند القاضي
علي السفرة
مهند بضحك:ايه اللي مصحيكي بدري اوي كدا يا يارا ولبسه ورايحة علي فين
يارا بضحك:انت لسه فاكرني صغيرة ولا ايه انا رايحة معاك الشركة وحضرتك هتعيني مترجمة لجميع صفقات المهمة للشركة ولا نسيت كمان اني متخرجة وبحضر ماچيستير ومتخرجة بتقدير امتياز
مهند بضحك:خلاص يا سيتي هتكوني مترجمة لصفقات شركة القاضي يا ستي
سارة ب ابتسامة:كدا احسن ليكي يا يارا
يارا ب ابتسامة باهتة:بحاول اكون قوية يا سارة وانسي حبه بالشغل
لينا ومالك ب ابتسامة:صباح الخير يا بابي..صباح الخير يا مامي
مهند وسارة ب ابتسامة:صباح النور ياحبيب بابي ومامي
سارة ب ابتسامة:خلاص كل حاجة جاهزة عشان تروحوا المدرسة
لينا بضحك:ايوا يامامي انا خلصت قبل مالك
مالك بضحك:متصدقيهاش يامامي دي بتكدب
سارة بضحك:طيب خلي بالكم من نفسكم وانت يا مالك تخلي بالك من اختك
مالك ب ابتسامة:حاضر يا مامي
لينا بضحك:يلا يا مالك عشان لسه هنروح ل عز وبعد كدا المدرسة لكن شكله كدا هيفضل نايم
سارة بضحك لمهند:لينا لازم تطلع عز غلطان في كل حاجة يامهند
مهند بضحك:والله عندها حق مش يوسف اللي مربيه عايزة يبقي عامل ازاي وبعدين متخليش يوسف الصغير معاه كتير عشان ميبقاش شبه
سارة بضحك:هو حد بيقدر علي يوسف ابنك دا يا مهند دا بيفضل يعيط لغايت ما يروح ليوسف الكبير وعز وداليدا
مهند بضحك:انا قولتلك وخلاص وبعدين انا هنزل دلوقت بقي انا ويارا علشان الشركة وابعتي مالك ولينا مع الدادة بتاعتهم لعز عشان يروحوا مع بعض المدرسة
وانتي يا يارا استنيني في العربية
يارا بضحك:اوكي
بعد ذهابهم جميعاً
مهند ب ابتسامة:انا رايح الشركة
سارة بعدم فهم:اوكي ترجع بالسلامة
مهند بضحك:حاف كدا
سارة بضحك:تقصد ايه
يشد مهند سارة من خصرها وتستقر في حضنه ويقبلها قبلة طويلة بشغف
سارة ب ابتسامة وكسوف:مهند
مهند بضحك:كدا بقي اقدر انزل الشركة
في هذا الوقت في ڤيلا فريد
ندي:يا عز اصحي ياحبيبي عشان تروح المدرسة متغلبنيش
يوسف بضحك:والله حرام عليكي انتي مش شايفة نايم ازاي وبعدين مين اللي كان سخن امبارح وحرارته كانت عليا
عز وهو ينظر ليوسف بغمزة وكدب علي ندي:مش قادر يا ماما انا تعبان خالص
ندي بقلق:طب خلاص يا حبيبي انا هديك الدوا الوقت وهتكون كويس
يوسف بضحك:انا هدي لعز الدوا بنفسي بس انزلي انتي ياحبيبتي شوفي ماما وبابا هيفطروا معانا ولا
ندي ب ابتسامة:حاضر يا حبيبي
وتستجيب ندي لكلام يوسف وتنزل للاسفل
يوسف بضحك:قوم يا سي عز متمثلش كتير مشيت خلاص
عز بضحك:الله عليك يابابي انا بحبك طول ما انت بتخليني مروحش المدرسة
يوسف بضحك:بس في مدرسة بعد كدا ها
عز بضحك وغمزة:عشان تروح وتتكلم مع مس ناتلي مش كدا
يوسف بضحك:اسكت ووطي صوتك امك لو سمعت هتخلي عشتنا احنا الاتنين سودا وبعدين هو انا مش بروح المدرسة وبكلم مس ناتلي يا سيدي بسبب المصايب اللي بتعملها في المدرسة
عز بضحك علي يوسف
يوسف بضحك:لو قولتلها علي مس ناتلي هقولها انك حطيت الترومومتر في الشاي عشان تبقي سخن ومتروحش المدرسة وساعتها بقي هتشوف هتعمل فيك ايه
عز بضحك:لا لا خلاص مش هقولها حاجة يابابابي
يوسف بضحك:نام نام يلا ندي جاية
يمثل عز النوم
ندي بقلق:اديتوا الدوا يا يوسف
يوسف بضحك:اقولك ايه بس مخلفة ملاك ياربي الكدبة الكدبة ياربي مش بتخرج من بوئه دا لسه قبل ما ينام كان بيقولي انه اول مايصحي هيذاكر ياا فعلاً فعلاً ابني
ندي بضحك:مش مرتحالك لا انت ولا ابنك يايوسف
في غرفة اسيا
كانت تضحك بشدة ومعها مراد
مراد ب ابتسامة:بطلي ضحك وقوليلي عملتي كدا ليه
اسيا بخجل:مش مهم اجاوب يا مراد المهم انك مخرجتش معاها
مراد:وانا مش هسيبك غير لما تجاوبي
اسيا بخجل:عشان ايه..مكسوفة يا مراد
مراد ب استغراب:لا قولي
اسيا بخجل:عشان...عشان انا بحبك وعايزة اتجوزك يا مراد
مراد بدهشة ونظرة حب تحمل الخوف لم يرد بكلمة
اسيا بدموع:هو انا قولت حاجة غلط يا مراد ولا ايه
مراد بتوتر:انتي مقولتيش حاجة غلط لكن نكمل كلامنا وقت تاني
اسيا بقلق:انت ليه هتمشي طيب
مراد بحزن:عشان احنا اتكلمنا كتير اوي انهاردة
اسيا بدموع:انت زعلت مني عشان قولتلك بحبك وعايزة اتجوزك
مراد وهو يتمني ان تكون نصفه الاخر :انا
اسيا:مش انت قولتلي عايز تعرف لي كبيت القهوة علي اميرة دي
عشان انا غيرت عليك منها يا مراد ومني قالتلي انك هتتجوزها
مراد:طب وايه علاقت ان انا هتجوزها وانك تكبي القهوة عليها يا اسيا
اسيا بحب وحزن:مهو انا يامراد مش هتجوز حد غيرك وانت مش هتتجوز واحدة غيري فاروحت وعملت كدا ونتجوز احنا بقي
انت خلاص مش زعلان مني
مراد ب ابتسامة:انا عمري مزعل منك يا اسيا
اسيا بحب وامان:انا بحبك اوي يا مراد بحبك خالص هو انت مش بتحبني يا مراد ولا ايه
ثم تمسك يده قائلة:مش بتحبني ولا ايه
يصمت مراد ولم ينطق بحرف
ويخرج خارج الغرفة
اسيا بدموع:يامراد استني انا بحبك والله بحبك اوي اوي
مراد وهو خارج الغرفة قائلاً بهمس:انا كمان بحبك اوي يا اسيا ومش عايز حاجة من الدنيا دي غير ان اكون جمبك
انتي الوحيدة اللي عايز اكمل معاها حياتي
انتي طلعتيلي منين بس يا اسيا لخبطتيلي حياتي اكتر ماهي متلخبطة بس انتي لسه تعبانة وممكن حبك ليا دا يروح وساعتها هتوجع اوي بسبب حبي ليكي
في شركة مهند القاضي
تدخل يارا الي مكتبها الجديد ثم تري عملها والترجمة المسئولة عنها
السكرتيرة:انسة يارا شريك استاذ مهند مستنيكي في مكتبه عشان في اميلات محتاجة ترجمة قبل ما اجتماع الشركة يتم
يارا ب ابتسامة:تمم انا جاية بس عرفيني مكتبه فين
السكرتيرة جمب مكتبك بالظبط يا انسة يارا
يارا:تمم اتفضلي انتي
تذهب يارا لتتابع عملها وتطرق الباب وتدخل
يارا بصدمة
احمد ب استغراب وابتسامة:يارا!!اانتي بتعملي ايه في الشركة هنا
في المشفي
في غرفة اسيا
اسيا بملل تفتح التلفاز وتري بعض القنوات ولكنها تري في التلفاز
بنت صغيرة ورجل كبير يظهر عليه القسي والقوة وهو يضرب تلك الفتاه الصغيرة
ويحبسها في غرفة مظلمها وحدها
تقف اسيا مرة واحدة بخوف وهي تتذكر طفولتها وتري نفسها وخالها يعذبها ويضربها بقسوة
حتي تسقط مرة واحدة وهي فاقدة الوعي
ولكن هل سترجع لغيبوبتها وتفقد الحياة من جديدام سيحدث شي اخر🤦🏻♀️