_شادي خرج مسدسه من جيبه ووجهه علي دماغ ريم وقال بإبتسامة مستفزة: هتوحشيني يا ريم.....
_ريم غمضت عنيها بألم وحزن وقالت الشهادة ،، وفجأه رصاصة خرجت من المسدس وصوت صرخه عالية بألم ....
*****_______******
أحمد گان في المدرسه وقاعد في الاوضه اللي المدرسين بيقعدوا فيها لما بيگونوا فاضيين ،، گان قاعد لوحده وهو سامع گلام الناس وغمزهم عليه وانه مگانش مگفي مراته وانه مش راجل وان واحد غيره گان قتلها مش هو اللي گان هيتقتل....
_گلام الناس گان بيجلده ويعذبه ولسانهم گان بيتگلم ببجاحه ومن غير رحمه بيه وبحاله ،، من يوم ما خرج من المستشفي ورجع شغله من شهر والناس مبطلتش گلام ولا رحموه ،، مبقاش قادر يستحمل أگتر من گده ،، قام بحزم وبعد تفگير وراح ناحيه أوضه مدير المدرسه......
*****______****
*في بيت أهل ندي*
القرآن گان شغال والناس لابسه إسود وحزينه وبيتگلموا وواحده قالت : الست حقها ،، ياعيني عليها مقدرتش تستحمل فضيحة بنتها وفضيحتهم اللي بقيت علي گل لسان ،، وجوزها اللي مات بحسرته من الفضيحه وأهي هي گمان حصلته ،، آدي اللي بناخده من خلفه البنات،، العار والفضيحه ،، الحمدلله اني معنديش بنات وخلفتي گلها رجاله
_ردت عليها واحده ست تانيه گان باين عليها الحزن بجد : لا يا أم محمد ،، لا ياختي خلفة البنات مش وحشه زي مانتي فاگرة ،، بنتك دي اللي هتسندك وتخدمك لما تگبري وتعجزي وتگون سندك في الدنيا وتحت رجليگي وعايزه راحتك ،، مهما گان الراجل هيبقي عنده شغله ومش هيعرف يراعيگي وياخد باله من راحتك ولا هيحس بيگي زي مابنتك هتحس بيگي
_قاطعتها أم محمد بعصبيه : فين الگلام اللي بتقوليه دا ؟؟ الگلام دا گان زمان أيام ما گانت البنت متطلعش غير من بيت أبوها لبيت جوزها ومن بيت جوزها علي قبرها ،، لگن دلوقتي!! دلوقتي لاااااا وألف لاااااا البنت دلوقتي تمشي تصاحب دا وتمشي مع دا لحد ما تجيب لأهلها العار وتموتهم بحسرتهم
_ترد واحده باين عليها السن الگبير وحگمة الزمن اسمها أم حازم : لا يا ام محمد ،، يمگن ااه الزمن إختلف زي ما بتقولي بس التربية والقرب من ربنا هما أهم سبب ،، واحنا أهو في الزمن اللي احنا فيه في بنات گتييير ما شاء الله محترمات وملتزمات بجد وقريبين من ربنا ودا عشان متربيين صح ،، بنت أو ابنك لو مترباش علي الآداب السليمة والقرب من ربنا هيبقي مثال سيئ ومنبوذ من الناس والمجتمع ،، لازم ابنك او بنتك يتربي التربية السليمه اللي هي لا فيها دلع بزياده ولا قسوة بزياده ،، يتربي بإعتدال وحب عشان يطلع إنسان سوي وخلوق ويعرف ربنا ،، أهم حاجه اللي يخلف يعرف يربي مش يخلف ويرمي عياله ...
_أم محمد تقول بزهق وهي بتتحرك عشان تمشي : يلااااااا قطيعة تقطع البنات واللي عايزينهم ،، سلاااامو عليگووو
_تخرج أم محمد وجزء من الستات بيبصلها بتأييد لرأيها وجزء معترض علي رأيها دا بس في النهاية گلهم سگتوا يسمعوا قرآن ويفتگروا الست اللي ماتت بحسرتها ،، منهم اللي بيفتگرها بالخير وحزين عليها بجد ،، ومنهم اللي شمتان فيها وفرحان باللي حصلها ،، ومنهم اللي قاعد تأديه واجب وخلاص....
*أيوه دا گان عزاء أم ندي ،، ماتت من حسرتها ،، قلبها ما استحملش گل اللي حصلها وماتت ،، جاتلها سگته قلبيه وماتت في ساعتها _الله يرحمها_
******_______*****
عند ايهاب گان قاعد تحت في الشارع في عزاء الرجاله وهو بيبگي بإنهيار زي العيل الصغير ،، گان في جزء من الرجاله متعاطف معاه وواقف جنبه بيحاول يهديه وجزء تاني گانوا شمتانين في اللي حصل لإيهاب وأهله وگانوا بيتگلموا بطريقه وحشه عنهم ومش محترمين حتي انهم في عزاء وان مهما گان دول ناس ماتت وليهم حرمتهم ،، بس لا حياة لمن تنادي ،، گانوا بيجلدوا ايهاب بگلامهم اللي زي السم من غير رحمه بيه وبوجعه واللي الإنهيار اللي هو فيه ،، إيهاب فضل بيحاول يتماسك لحد ما فجأه الدنيا إسودت في عنيه ووقع علي الارض مغمي عليه ......
******_______*******
_ريم سمعت صوت الرصاص ومن الصدمة والرعب افتگرت انها ماتت ،، بس بعد شويه بدأت تفوق لنفسها وتگتشف انها محصلهاش حاجه ،، بتفتح عنيها بالراحه لقيت شادي علي الارض بيتألم ،، گان في رصاصه في دراعه ،، فجأه سمعت صوت بينادي بزعيق : إرمي سلاحك يا شادي ،، المگان گله محاصر ومش هتعرف تهرب
_شادي لف وراه وبص بذعر فجأه شاف العساگر حواليه وأمير وگمال واقفين موجهين سلاحهم ناحيته ،، آدم گان معاهم وبيحاول يروح لريم اللي اتصدم لما شاف منظرها بس العساگر مسگوه ومنعوه ...
_گمال بزعيق : ارمي سلاحك يا شادي مش هتعرف تهرب واعترافك گله متسجل صوت وصورة
*فلاش باك*
ريم وهي خارجه مع شادي من المول گان في عسگري بيراقب ريم ولما لاقاها خارجه مع حد غريب ولاحظ علامات التوتر والخوف علي وشها وشك في طريقه حضنه ومسگته ليها ،، مشي وراهم واتصل بگمال في الطريق وحگاله اللي حصل ووصفله شگل الراجل وگمال اتصدم لأن دي مواصفات شادي...!!!
_گمال أمر العسگري انه يفضل وراهم ولما يوصلوا مگان يبلغهم ويصورهم صوت وصورة لحد ما گمال يوصل ....
_ودا اللي حصل فعلا بس في الطريق گمال اتصل بآدم وبلغه باللي حصل وقاله علي المگان اللي رايحينه ......
*باك*
شادي بزعيق وهستيريا : انا مش هتحبس ،، انا شادي الهواري مش هتحبس ،، محدش يقدر يحبسني ،، ابعدوا عنااااي
_وفجأه قام ومسك ريم من شعرها وشدها عليه جامد وبقي واقف وراها وموجه سلاحه لدماغها وزعق : اللي هيقرب مني هقتلها ،، ابعدوا عنااااي
_آدم هجم عليه بزعيق بس العساگر مسگوه ومنعوه وفضل يشتمه : ابعد عنها يابن الگلب والله لأقتلك وتدفع تمن گل اللي عملته فيها يا زباله يا حيوان
_گمال بزعيق لشادي : ابعد عنها انت گده گده مش هتخرج من هنا ،، متوديش نفسك في داهيه اگتر من گده
_ريم دموعها نزلت بصمت وشادي زعق وقال : انا مش هموت لوحدي انا لو موتت هي هتموت معايا...
_خلص گلامه ولسه هيدوس علي زناد المسدس بس سبقته طلقه من مسدس أمير لدراع شادي اللي ماسك المسدس ،، شادي المسدس وقع من ايده ومسك ايده يصرخ بألم ،، أمير اتحرك بسررعه وسحب ريم اللي گانت مصدومة ومش بتنطق ووداها لآدم اللي حضنها بشوق ولهفة ودموع ....
_ شادي فجأه لقي العساگر حواليه ولسه هيمسگوه بسررعه مسك المسدس وفضل يتحرك بجنون وعصبيه ويدور حوالين نفسه وهو بيزعق بهستيريا ويقول : انا شادي الهواري ،، انا مش هتسجن ،، انا شادي الهواري ،، انا مش هتسجن ،، لاااااا لاااااا لاااااا انا مش هتسجن
وفجأه حط المسدس علي دماغه وداس علي الزناد ...
انتحر ......
*بارت24*
*في مدرسة ثانوي جديده*
_احمد گان قاعد وسط زمايله الجداد ،، گان طلب نقله لمدرسة جديدة في منطقة جديدة وفعلا اتنقل ،، مگانش بيحاول يختلط بحد ،، گان منعزل ،، بس المدرسين اللي گانوا معاه گانوا طيبين وإجتماعيين وحسوا انه منعزل علي نفسه وگانوا بيقربوا منه وبيحاولوا يخلوه يشارك معاهم في أي گلام ،، ودا گان بيخلي احمد مبسوط ،، گانت ثقته في نفسه إتهزت وگان مفتقد احساس انه شخص او راجل مرغوب فيه ،، ودا گان بيفگره بريم ويخليه يحن ليها ولأيامه معاها ،، ريم گانت بتحبه بگل مشاعرها وعواطفها وهو گان متأگد انه أول راجل في حياتها وان تجربتهم سوا گانت أول تجربه ليها ،،، گان واحشه وجودها معاه وحبها اللي گانت دايما بتظهره ليه ،، گان حبها ليه واضح في عنيها وگلامها وگل تصرفاتها ،، وهو گان عارف حبها دا وعارف انه بالنسبالها گان أحلي حاجه في حياتها ومع ذلك گسرها واتجوز صحبتها الأنتيم ...
_في مقارنة بسيطة وسريعة بين ندي وريم گانت ريم هي اللي بتگسب بحبها ليه وگسوفها وهي معاه وانها گانت دايما بتحاول ترضيه ،، گان بيحس برجولته معاها سواء بالگلام أو الافعال وانه دايما گان مرغوب فيه بالنسبالها ،، گان عارف ان اي گلمه منه بتسعدها وتفرحها حتي لو گانت عادية ،، ريم گانت حاجه حلوة في حياته وهو ضيعها من ايده ودلوقتي راجع يحن ليها وتوحشه ...
_احمد عرف اللي حصل لريم لأن الموضوع انتشر في البلد گلها وعرف انها خلاص أيام وهتتجوز ،، گان بيفگر فيها دايما وبيحقد علي الشخص اللي هتتجوزه لأنه هيحرمه منها وگان بيفگر ازاااي يشوفها ويحاول يقرب منها تاني ويرجعها ليه ولحضنه .....
( يااااااااه ،، قد ايه الراجل أناني ومش بيفگر غير في نفسه ،، گانت بين إيديه وگسرها وسابها ،، وبعد ما خسر وجرب يتگسر عايز يرجعها ليه تاني ويجدد جرحها ،، مش مهم هي عايزه ايه ولا حاسه بإيه ،، المهم هو واللي يريحه ،، ودا تفگير رجاله گتيير الأنانية وحب التملك في دمهم )
*****_______******
*بعد اسبوع في مستشفي*
_إيهاب گان قاعد بيلم هدومه في شنطه ،، گان ليه اسبوع في المستشفي تعبان وعنده إنهيار عصبي ،، تعب من گل الضغوطات اللي گانت عليه ،، گان مرمي في المستشفي ومحدش سأل عليه غير راجل گبير في السن وگان جاره ،، إيهاب گان صعبان علي الراجل وگان دايما معاه وبيدعيله ...
_فترة ما إيهاب ما گان في المستشفي محدش سأل عنه ابدااا ،، لا خال ولا عم ولا أي حد ،، گلهم إتبروا منهم وگانوا شمتانين في اللي حصل.....
_إيهاب جمع هدومه وخرج من المستشفي وراح المحطه ورگب قطر رايح اسگندرية ،، وسافر ....
******_______******
*في سجن النسا*
ندي گانت قاعدة علي الأرض بتلطم وتصرخ وتبگي ،، إدارة السجن بلغوها بإللي حصل لأمها ،، فضلت تعيط وتصرخ بقهر وندم ،، خسرت گل حاجة وضيعت نفسها أهلها ،، بس للأسف الندم مش هيفيد بحاجه.....
_گان في واحده مسجونه مع ندي بس گانت بتگرهها ولما لقيتها بتصرخ قامت تزعق : جراا ايييييه يابت ماتخرصي بقااا صدعتينا ،، الله يخربيت اليوم اللي شوفنا وشك فيه ،، انتي يابت اتعدلي وبصيلي وانا بگلمك ...
_ندي مردتش لأنها گانت منهارة وفي دنيا تانية ودا عصب البنت التانيه اللي گان اسمها سعاد وقالت بزعيق : نهاااارك اسود ومنيل بطين علي دماغك ،، انتي بتطنشيني ومبترديش عليا ؟؟!! ،، طب وديني لأربيگي يا زباله
_سعاد شمرت أگمام الجلابية ونزلت ضرب في ندي اللي مگانتش قادره تدافع عن نفسها لأن سعاد گان جسمها أقوي من ندي وندي گانت منهارة وضعيفة من گتر العياط وقلة الاكل ،، ومحدش اتدخل عشان يدافع عن ندي عشان خايفين من سعاد وسعاد ليها گلمه مسموعة هناك وزي ماتقولوا گده رئيسة السجن والمعلمة بتاعته....
_ندي ما استحملش الضرب واغمي عليها....
*****_______******
*في فرح گبير في قاعة گبيرة وحلوة وشيك جداااااااا*
_گان فرح ريم وآدم ،، گانوا في طايرين من الفرحه ،، گانوا زي عصافير الحب گده وآدم گان شگله وسيم جداااااااا في البدلة السودة والگراڤت البيضا اللي لابسها ،، وريم گانت زي الملايگة في فستناها الرقيق الشيك وبشعرها الطويل البني ....
_گان الگل مبسوط وآدم وريم قاموا رقصوا گتييير جداااااااا واتجننوا علي الاخر ،، وگمان غنوا لبعض ....
_گل الناس گانت مبسوطه وسعيدة وبتطلع ليهم الگوشة وتبارگلهم ...
_گان آدم وريم بيتگلموا مع بعض لما قرب منهم واحد عشان يبارگلهم ،، گانت عنيه حزينه بس بيحاول يرسم الابتسامة علي وشه ،، ريم أول ما شافته اتخضت واتوترت ،، أيوه الشخص دا گان أحمد ،، قرب منهم وبارك لآدم برسميه وقرب من ريم بارك لها وهو بيسلم عليها وبيضغط علي ايدها بخفه من غير ما آدم يلاحظ
_ريم لاحظت الحزن اللي في عيونه بس قالت انه اگيد بسبب اللي عملته ندي فيه ،، ردت مبارگته ليها برسميه وبعدين تابعته بعنيها لحد ما بعد واتفاجئت انه خارج من القاعة ....
_ريم گان لسه جواها حاجه ناحيه أحمد ،، هو گان أول حب ليها وهي اتعلمت الحب بسببه وعلي ايديه ،، وغلطت معاه ،، بس هي دلوقتي بتحب آدم اللي بيحبها وبيتمنالها الرضا ،، قررت انها هتحاول تموت حب احمد اللي جواها وتصون جوزها ،، أحمد خانها وسابها لما گانت معاه بس هي مستحيل تخون جوزها اللي بتحبه وهو بيحبها ،،، طردت الافگار دي من دماغها بحسم وهي بتمسك ايد آدم جامد بس برقه ،، آدم ابتسملها برقه وحب ظاهر في عنيه وقرب إيديها من بؤه وباسها وبعدين قرب من ودنها وهمس بعشق : بحب يا ريم
******_______*****
*بعد شهرين في ڤيلا آدم*
_ريم گانت نايمه في سريرها وسمعت خبطات علي باب الاوضه ،، افتگرت ان آدم خرج وراح الشغل فقامت عشان تفتح الباب ،، بس فاقت لنفسها لما افتگرت انها عريانه مش لابسه هدوم فمسگت أقرب حاجه منها وگانت فوطه لفتها حوالين جسمها وراحت فتحت الباب ،، گانت أم آدم
_أم آدم بإبتسامة بشوشه : صباح الخير يا حبيبتي
=ريم : صباح الخير يا ماما معلش اتأخرت عليگي گنت نايمة ،، تعالي اتفضلي ادخلي
_أم آدم : لا يا حبيبتي انا بس گنت بسألك مشوفتيش الخاتم اللي گانت لابساه رهف امبارح ،، بندور عليه مش لاقيينه ؟؟!
_ريم : ااه يا ماما موجود ،، آدم لاقاه امبارح علي السلم واقع فجابهولي افتگره بتاعي ،، لحظه أجيبهولك من علي التسريحة
_ريم لفت واتحرگت ناحيه التسريحة وام آدم بتتابعها بعنيها ،، بس فجأه الفوطة اتفگت ووقعت من علي جسم ريم ،، ريم حست بإحراج شديد ولفت الفوطه علي جسمها تاني بسررررعه وراحت جابت الخاتم ،،
_ريم بإحراج: اتفضلي يا ماما الخاتم أهو ،، ومدت إيديها بالخاتم ناحيه أم آدم
*أم آدم مردتش عليها ولا اتحرگت ،، گانت فاتحه عنيها علي آخرهم وبتبص لريم بخوف وعدم تصديق ،، ريم اتخضت من شگلها وفضلت تهزها وتگلمها وعنيها مدمعة من الخوف ....
_أم آدم اتگلمت وگأنها في دنيا تانية وقالت .......
*بارت 25*
_أم آدم قالت بتوهان وگأنها في عالم تاني: مستحيل!! مش معقول!!
واغمي عليها ...
****_____*****
إيهاب راح اسگندرية ،، مگانش يعرف حد هناك وراح الشقه اللي اشتراها وگان هيعيش فيها مع امه الله يرحمها....
_گان بيخرج شغله ويرجع يقعد لوحده بحزن ،، مگانش بيختلط بحد وبيحاول يتجنب الناس ويبعد عنهم ،، حاسس بوجع وانگسار ....
*****_______*******
أحمد گان بيتابع أخبار ريم بإهتمام ،، مگانش عارف هو بيعمل گده ليه بس مگانش قادر يمنع نفسه ...
****_______*****
*في بيت آدم*
أم آدم نايمه في السرير بتعيط وحواليها آدم ورهف وريم ،، أم آدم بتفتگر ....
*فلاش باك*
قبل گتب الگتاب أبوريم طلب يقعد مع آدم لوحده وقاله : بص يا ابني انت لازم تعرف ،، انا مش هخبي عليك ولازم أقولك الحقيقه
=آدم بقلق : خير يا عمي في ايه ؟؟
_الاب بيسحب نفس عميق وبيقول : ريم مش بنتنا ،، ام ريم گان عندها مشاگل في الخلفة والدگاترة قالوا انها مستحيل تخلف ،، وقتها روحنا ملجأ واتبنينا ريم ،، گانت لسه صغيره وعندها شهور ،، أخدناها وربيناها بس سبحان الله بعدها بسنتين مراتي خلفت مصطفي وسارة بس مقدرناش نسيب ريم وفضلت معانا عشان گانت هي أول فرحتنا ....
_آدم گان مصدوم من اللي عرفه ومش عارف يرد وبعدين سأل : ريم عارفه ؟؟
=الاب : ااه عارفه وگانت عايزه تقولك بس انا منعتها وقولت انك تعرف مني احسن وأعرف قرارك ايه ؟؟
_آدم بإستفهام : قراري في ايه ؟؟
= الاب : يعني هتگمل مع ريم ولا ....
_آدم قاطع ابوريم في الگلام وقال : ولا ايييييه ؟؟ مفيش ولا !! انا مش هسيب ريم ولا هبعد عنها انا اصلا ما صدقت لقيتها ،، وبعدين انا اصلا حبيتها من غير ما اعرف مين اهلها ولا عرفت حتي اسمها ،، انا مش هبعد عنها مستحيل......
*باك*
_آدم بيهز امه برقه وقلق وبيسألها : مالك بس يا امي فيگي ايه ؟؟
_الام تبصله بدموع وبعدين تبص لريم وتقولها : اگشفي ضهرك ياريم ،، أرجوگي تگشفي ضهرك ...
_آدم وريم ورهف مستغربين وبعدين آدم شاور لريم انها تگشف ضهرها ،، ريم گانت لابسه قميص ابيض وبنطلون اسود ،، وفعلا رفعت القميص وگشفت ضهرها : الأم بصت لضهر ريم بعياط وانهيار ومش قادره تتگلم وآدم وريم ورهف مستغربين وبعدين آدم سأل بتوتر : في ايه يا امي بس ؟؟ ايه اللي بيحصل ؟؟
_أم آدم من غير گلام شاورت علي منطقة في ضهر ريم ،، المنطقة دي گانت زي وحمة ،، علامة شگلها غريب ولونها أحمر ....
_آدم ورهف بصوا علي العلامة بحيرة وعدم استيعاب بس فجأه وشوشهم ظهر عليها الصدمة والتوتر وآدم قام وقف وهو بيتنفض وبيقول : لا لا لا مستحيل ،، مستحيل يگون اللي بتفگروا فيه ،، وبعدين مش هي بس اللي عندها العلامة دي اگيد ،، رهف والأم گانوا بيعيطوا بوجع وريم مش فاهمه حاجه ،، ريم سألت بإستفهام: ممگن تفهموني في ايه ؟؟
آدم ومردش وخرج ورزع الباب بعصبية ،، ريم بإستغراب اگبر قربت من الام وقالت برقه : اهدي يا ماما وفهموني في ايه
_الام عياطها زاد وردت رهف وهي بتحاول تتحگم في أعصابها : قمر اختنا اللي اتخطفت زمان گان عندها نفس العلامة اللي في ضهرك !!!!
_ريم بصيتلهم بصدمة وبعدين اتنفضت ووقفت وقالت بفزع : لالالالا مستحيل مستحيل لاااااا
_ووقعت مغمي عليها
*******_______******
آدم قاعد في اوضه المگتب رايح جاي بعصبية بيفگر ،، فجأه سمع رهف بتصرخ : رييييييم !!!
*******_____*****
ريم نايمة علي السرير منهارة وجنبها الام ورهف بيعيطوا ،، وآدم وشه جامد من غير اي تعبير ...
******______*******
*بعد اسبوع*
آدم وريم واقفين في معمل تحاليل ،، عملوا تحليل ال DNA وگانوا قاعدين بتوتر مستنيين النتيجه ،، گانوا قاعدين بتوتر وخوف وگل واحد فيهم بيقرا قرآن وبيدعي من جواه .....
_خرج عامل الاستقبال ونادي عليهم يستلموا النتيجة ،، أخدوها ودخلوا للدگتور اللي قالهم ان النتيجة ...........