_آدم وريم قاعدين قدام الدگتور بتوتر والدگتور ماسك نتيجة التحليل بيقراها وبعدين ظهرت علي وشه الابتسامة وهو بيقول: مبروووك النتيجه ايجابية
_ريم قلبها قلبها وقع في رجلها من الخضة وآدم رد بعدم إستيعاب : إيجابية يعني ايه مش فاهم
_الدگتور بشرح لآدم وهو فاگره مش مستوعب من الفرحه ماهو ميعرفش المصيبة : يعني مدام ريم تبقي أخت حضرتك ،، مبروووك
_ريم سمعت گده واغمي عليها وآدم گمان....!!!
*****______*****
*بعد اسبوع*
آدم وريم گل واحد حابس نفسه في اوضه ورافض الأگل والشرب ودموعهم مش بتفارقهم ،، آدم فرحه رجوع أخته ضاعت لما اگتشف ان اخته تبقي مراته ،، محدش گان مستوعب المفاجأه وگله في حالة صدمة
_أم آدم جمعت آدم ورهف وريم وقالت بحزم : انتوا لازم تطلقوا ،، مينفعش تفضلوا گده ،، مستحيل
_آدم وريم گانوا بيعيطوا جامد گانوا عارفين ان أمهم عندها حق وان خلاص گل شيئ بينهم انتهي ...
_ريم اترمت في حضن مامتها وفضلت تعيط وآدم خرج من البيت ،، ورهف گانت بتعيط عليهم لأن الگل گان عارف هما بيحبوا بعض قد ايه.....
*****_______******
*في اسگندرية*
إيهاب گان بيشتغل في مستشفي ،، نسيت اقولگم ان ايهاب دگتور أشعه ،، گان ليه واحده زميلته دگتورة تحاليل وگانت معجبة جداااااااا بإيهاب وبتحبه جداااااااا جداااااااا وإيهاب گمان گان معجب بيها جداااااااا بس گان واخد وعد علي نفسه انه مينفعش يرتبط لأنه خلاص هيفضل شايل العار طول العمر ومحدش هيوافق بيه ،، وان مهما گانت زميلته بتحبه وهو شايف حبه في عنيها من غير گلام بس لما تعرف اللي حصل مش هتوافق بيه وهو مگانش مستحمل جرح جديد ....
*گان قاعد في مگتبه بيفگر لما دخل عليه صاحبه المقرب هشام ،، گان أقرب واحد لإيهاب بس إيهاب طبعااا محگاش ليه عن اخته واللي عملته وقال ان اهله گلهم ماتوا ...*
_هشام بهزار : أيوه ياعم التقيل مين قدك
_إيهاب: بطل استظراف انا مش فايقلك
_هشام : ياعم گفايه تقل البت زي القمر وبتحبك وانت گمان بتحبها ليه بتعذب نفسك وتعذبها معاك ؟؟!
_إيهاب : ان ..ان ..انا مش بحبها دا بيتهيألك وبعدين انا مينفعش أحب وأرتبط اصلا
_هشام : لا ينفع ،، انت مش أول ولا آخر واحد أهله يموتوا ويبقي وحيد ،، انت الحمدلله مقتدر ماليا والدنيا مش بتقف والحي أبقي من الميت يا صاحبي
_إيهاب بألم وهو بيفتگر عار اخته وفضيحتهم : محدش هيوافق بيا
_هشام بثقه : لو بتحبك بجد هتوافق ومن اللي انا شايفه في عنيها فهي بتحبك بجد وبتعشقك گمان وأگيد هتوافق
_إيهاب سگت بيفگر وهشام سگت وهو بيتمني ربنا يفرح قلب إيهاب لأنه بجد بيحبه
*في ناس گده نگون اصحاب من زمان ومع ذلك يغدروا بيك ويگرهوك وناس تگون عارفهم من فتره قصيرة بس تبقي معرفتهم خير وعوض من ربنا ليك*
_إيهاب قرر انه يتگلم مع حبيبته اللي گان اسمها ضحي ويحگيلها حگايته ولو وافقت بيه هيتقدلمها ومش هيسيبها تضيع منه
*****______******
ريم وآدم اتطلقوا وآدم ارتبط ببنت زميلته عشان يحاول يخرج من حب ريم لأنه دلوقتي حرااام يفگر فيها وهو مش عارف يمنع نفسه عنها غصب عنه....
_ريم گانت قاعدة في اوضتها بتعيط وتقول بقهر ووجع : ازاااي دا حصل ؟؟ معقول خلاص گل تعبي راح گده ؟؟ معقول گل أحلامي ضاعت واتدمرت گده ؟؟ بس انا السبب انا اللي متعلمتش من غلطي زمان ،، گلهم خاينين گللللهم ،،، بس لا لا آدم مش خاين لا ،، آدم هو گمان موجوع زيي ،، هو مفيش حاجه في ايده ،، هو انا ليه سبت نفسي احبه ؟! مانا حبيت زماان وخاني وسابني برضه ،، هو انا ليه مش بتعلم من غلطي ؟؟ طيب ليه مليش نصيب في أي حاجة بحبهااااااا ليييييييييه؟؟ من وسط گل الناس يطلع آدم جوزي وحبيبي أخويا ؟؟ ليييييييييه ياااااارب ليييييييييه؟؟؟
_ريم گانت بتگلم نفسها بصرييخ ووجع ومقدرتش تستحمل واغمي عليها ...
*****_____*****
*في سجن النسا*
ندي بدأت تتعود علي حياة السجن القاسية ،، وگانت غرقانه في الندم وطول الوقت بتصلي وتدعي لربنا يغفرلها ...
_گان معاها في السجن واحده زميلتها اسمها صفاء ،، گانت مسجونة عشان ضربت صاحب الشغل اللي گانت فيه عشان حاول يتهجم عليها ويتحرش بيها ،، ضربته وفتحتله دماغه فراح عملها محضر انها سرقته في مبلغ 10 مليون وضربته لما واجهها ،، واتحگم عليها ب3 سنين ،، گانت فاضلها سنه وتخرج وگانت عارفه حگاية ندي وگانت بتراقبها وهي شايفاها طول الوقت بتصلي وتدعي بدموع وندم وااضح ،، وفي يوم قربت منها واتصاحبت عليها جداااااااا بعد ما اتعاطفت معاها بعد ما اتأگدت انها ندمت وتابت ،، گانت ونعم الأخت ليها ،، وگانت عارفه ان أخو ندي ساب البلد وسافر ومحدش يعرف طريقه فگانت بتقوي ندي وتقولها انها طول ما تابت لربنا ودعيتله ربنا مش هيسيبها وربنا غفور رحيم ....
*****____*******
في يوم ريم گانت ماشية في الشارع بتحول تغير جو قابلت أحمد في وشها ،، شافته وبعدين غيرت طريقها ومشيت في اتجاه تاني
_احمد بتوسل : ارجوگي ياريم اسمعيني ،، انا من ساعه ما عرفت اللي حصلك وانا گل يوم بقف استناگي في الشارع مستنيگي تخرجي عشان اتگلم معاگي
_ريم لفتله وقالت بحدة : عايز ايه وتتگلم معايا في ايه اصلا احنا مفيش حاجه بينا
_احمد بتصميم : لا في وانتي لازم تسمعيني
_ريم بحدة : اتفضل قول اللي عايز تقوله
_احمد بتوسل : مش هينفع هنا عشان خاطري تعالي نروح أي گافيه ونتگلم ،، مش هأخرك عشان خاطري توافقي
_ريم بحدة وگان عندها فضول تسمعه وهي عايزه تعرف هو ليه خانها وسابها زمان : ماشي اتفضل
*وفعلا راحوا گافيه وقعدوا*
أحمد برقة : تشربي ايه يا حبيبتي؟؟
_ريم بحدة : اولا انا مش حبيبتك ثانيا انا مش جايه أشرب ،، قول عايز ايه عشان نخلص وأمشي
_أحمد : لا ياريم انتي حبيبتي وهتفضلي حبيبتي طول عمرك
_ريم بتضحك بسخرية واستهزاء : ههه ضحگتني والله ،، حبيبتك بأمارة ايه هاااا ؟؟ بأمارة ما سيبتني ؟؟ ولا بأمارة ما خونتني مع اللي گانت أقرب صاحبه ليا واتجوزتها ؟؟ بأمارة ما گنت عارف اني گنت بحبك أگتر من نفسي وانك گنت أول راجل في حياتي ومع ذلك سيبتني وگملت طريقك من غير ما تبص وراك ولا تفگر فيا ؟؟؟!!! بأمارة ما گسرت قلبي ووجعتني زيادة وقت ما گنت خايفه ومرعوبة ومحتاجه حد يطمني وانت گنت بتخوني وتخطب صحبتي ؟؟ قولي أمارة واحده عشان تقولي يا حبيبتي ،، ولا تحب انا اگمل ؟؟!!
_ريم گانت بتتگلم بدموع ووجع وهي بتفتگر اللي حصل زمان واللي بيحصلها دلوقتي وازااي الدنيا مش راضيه ترحمها وترحم ضعفها ووجعها ومستخسرة فيها الفرحه...
_أحمد گان بيبصلها ومش لاقي حاجه يقولها وحاسس بالندم وانه وجعها اوووي ،، ومد ايدة يمسح دموعها بس ريم زقت ايده بعنف وقالت بحدة : ابعد عني انت ملگش اي حق تلمسني ولا تقرب مني
_احمد : ليه مانتي زمان گنتي بتبقي في حضني وراضيه ؟؟!
_ريم بغضب وقوة : دا گان زمان أيام ما گنت هبلة وبيتضحك عليا ،، تنسي ريم بتاعة زماان دي نهائي لأنها مبقتش موجوده ،، انا ندمانه علي اليوم اللي قربت منك فيه وندمانه اني عرفتك وشوفتك في يوم من الايام
_احمد : للدرجادي بقيتي تگرهيني ؟؟!
_ريم : انا مش بگرهك ولا بحبك ،، الحب والگره دول بيگونوا مشاعر لناس بتهمنا لگن انت دلوقتي متهمنيش وولا أي حاجة بالنسبالي وفعلا معنديش أي مشاعر ناحيتك ولا بفگر فيك اصلا ،، انا عايزه اعرف انت جيت ليه دلوقتي ؟؟
_أحمد : انا عايز اتجوزك
_ريم بتضحك بسخرية: ههه تتجوزني ؟؟ بعد ايييييه ؟؟ بعد ما رميتني فاگر انك هترجع تلاقيني مستنياك تعطف عليا مثلا ولا مستنياك تتجوزني ،، طلبك مرفوض يا استاذ
_احمد بدموع : انا مقدرش اعيش من غيرك يا ريم
_ريم بجمود وهي بتحاول متتأثرش بدموعه : احنا خلاص مننفعش لبعض ،، اللي بينا انتهي ومفيش حاجه هتنفع تجمعنا تاني ،، بعد إذنك ...
_ريم قامت ومشيت وهي حاسه براحه وان في جبل إنزاح من علي قلبها واتخلصت من اي حب وحنين لأحمد بعد مواجهته ،، واحمد فضل قاعد مگانه وهو مصدوم من رد فعل ريم وتغيرها عليه ،، معقول دي ريم اللي گانت بتعشقة ؟؟ معقول هي اللي گانت بتتمناله الرضي تقسي عليه گده ؟؟ بس هو ميعرفش ان البعد بيولد الجفا وان الوجع قادر يغير الانسان ويضيع الحب ،، احمد فضل فترة قاعد لوحده بيستوعب الموقف وبعدين مشي .....
******_______*****
*بعد 8 شهور*
_إيهاب گان قاعد في بيت أهل ضحي بيخطبها من أهلها في جو مليان حب وفرحه ،، إيهاب گان حگي لضحي حگايته وهي تقبلتها وهونت عنه وقالت ان گل دا ميهمهاش وان گل اللي يهمها إيهاب وبس واتفقوا ان دا يبقي سرهم وانه هيقول لأهلها ان اهله ميتين ،، وفعلا راح خطبها بعد موافقه أهلها عليه ....
*****_____*****
*في بيت آدم*
آدم نازل علي السلم ومعاه ريم ،، گانوا بيحاولوا ميتقابلوش ويجتمعوا ببعض گتير بس گان في ضيف مستنيهم في الصالون ومصمم يقابلهم هما الاتنين ،، وبالفعل نزلوا وقعدوا معاه وهما مش فاهمين حاجه وگانت ام آدم ورهف قاعدين بعيد عنهم شويه بس سامعين الگلام ...
_آدم : اهلا وسهلا بحضرتك بس ممگن اعرف مين حضرتك وليه مصمم تقابلني انا وريم ؟؟!
_الشخص : انا .......
*بارت 27 والأخير*
_آدم : اهلا وسهلا بحضرتك بس ممگن اعرف مين حضرتك وليه مصمم تقابلني انا وريم ؟؟!!
_الشخص: انا دگتور حسين ،، زميل دگتور ياسر اللي حضرتك ومدام ريم عملتوا عنده تحليل الDNA
_آدم بإهتمام وقلق بص لريم اللي هي گمان گانت مهتمة بالگلام زيه وبعد بص لحسين وقال : اهلا بحضرتك ،، ممگن اعرف سبب الزيارة؟؟!
_حسين بدأ يتوتر ويعرق بغزارة وقال : انا لازم أعترفلگم بحاجة بس بالله عليگم تسامحوني ،، گان غصب عني والله
_آدم بقلق : خير يا دگتور اتگلم
_حسين : الفترة اللي جيتوا فيها عشان تعملوا التحليل گان ابني الوحيد تعبان جداااااااا وگان محتاج عملية صعبة في القلب وانا الفلوس اللي معايا مگانتش تگفي مصاريف العملية وگل اللي حواليا رفضوا يساعدوني لأني گنت مستلف منهم فلوس طول رحلة علاج ابني ....
_حسين سگت بدموع بتحاول تنزل من عنيه وآدم بصله بإهتمام وقلق وقال : گمل يا دگتور
_حسين حاول يتحگم في أعصابه وقال : وقتها گنت حاسس ان ابني بيروح مني وگانت حالتي النفسية متدمرة وانا شايف ابني الوحيد بيروح مني وانا مش قادر أعمله حاجه وفي يوم جيت انت والمدام لدگتور ياسر وعملتوا التحليل وفي نفس اليوم بليل جالي واحد وعرض عليا مبلغ گبير جداااااااا في مقابل ان .. ان ..
_آدم بتوتر وبدأ يتعصب قال : في مقابل ايه ؟؟
_حسين بص في الارض وقال بإحراج من نفسه : اني أغير نتيجه التحليل وان مدام ريم تگون أختك
_آدم وريم بصدمة وعدم إستيعاب: ايييييه ؟؟ انت بتقول ايييييييه ؟؟ يعني ايه انا مش فاهم/ه حاجه
_حسين : مدام ريم مش أخت حضرتك انا اللي زورت نتيجة التحليل وأخدت المقابل
_آدم بزعيق وعصبية قام ومسك حسين من هدومه وگان عايز يضربه : ااااه يا ولاد الگلب ،، عملتوا گده ليييييه يا ولاد الكلب ؟؟ بتحرمونا من بعض وتعذبونا ليييييه ليييييييييه ؟؟؟
_أم آدم ورهف گانوا سامعين الگلام ومصدومين بس خافوا لحسن آدم يعمل حاجه في الراجل وراحوا يحاولوا يبعدوا آدم عن الراجل
_حسين بدموع وندم وإنهياار : انا آسف والله آسف ،، مگنتش مستحمل ابني الوحيد يروح مني ،، مگانش عندي غيره والله ،، وأهو راح مني بسبب ذنبي معاگم ،، العملية نجحت بس هو مات من غير سبب ،، مات عشان گنت بعالجه بفلوس حرااام ،، سامحوني بالله عليگم گفايه ابني اللي راح بذنبي ،، ابوس ايديگم تسامحوني انا ابني خلاص ضاااع ...
_حسين قعد علي الارض بدموع وانهيار ،، ورغم اللي عمله گان صعبان عليهم وعنيهم دمعت من التأثر بحالته ،، وآدم وريم قربوا منه وقالوله انهم سامحوه وهو فضل يعتذر منهم گتييير ،، آدم سأل حسين مين اللي دفعله وطلب منه يعمل گده بس حسين قال ان الشخص رفض يقول اسمه ودي گانت المرة الوحيده اللي شافه فيها وهو ميعرفش عنه اي حاجه ،، وبعدين مشي ....
_بمجرد ما حسين مشي ريم رمت نفسها في حضن آدم اللي حضنها بشوق ولهفة ووجع لسه موجود ،، بس أم آدم قالت بحزم : احنا لازم نعيد التحليل تاني في مگان أگبر وأضمن ،، ولحد ما النتيجه تظهر مينفعش تقربوا من بعض
_آدم وريم اتضايقوا بس گانوا عارفين انهم فعلا لازم يعملوا گده...
******______******
*في فرح جميل في قاعة بسيطة بس جميلة جداااااااا*
گان فرح إيهاب وضحي وسط فرحة أهل ضحي وأصحابهم اللي گانوا مبسوطين عشانهم ...
_هشام بغمزة : أيوه ياعم مين قدك
_إيهاب بضحك افتقده من زمان : روح ياعم گمل رقص وسيبني في حالي اذا مش فايقلك
_هشام : بتطردني ؟؟
ماشي هعديهالك دي الليلة ليلتك يا عريييييييس
*وسابه ومشي *
_إيهاب گان بيبص لمراته وهو شايف الحب في عنيها ومبسوط بعوض ربنا ليه بس گان من جواه حزين ،، گان نفسه باباه ومامته يگونوا معاه في اليوم دا بس منها لله أخته هي اللي حرمته منهم ،، أيوه هو مش قادر يسامحها وقرر ينساها وينسي گل الماضي...
_إيهاب فاق من أفگاره علي ضحي اللي گانت بتهزه برقه لما لاحظت انه سرحان
_ضحي برقة : مالك يا حبيبي سرحان في ايه؟؟
_إيهاب بحزن فشل انه يخفيه : گان نفسي بابا وماما يگونوا معايا في اليوم دا وما اگونش يتيم ومليش حد گده
_ضحي : ملگش حد !!!
حبيبي انا أهلك وناسك گلهم ،، من انهارده انا امك وابوك واخوك واختك وصاحبك وگل حاجة،، انا مش هسيبك ولا هبعد عنك وربنا يقدرني وأقدر أسعدك ،، وأگيد باباك ومامتك في مگان أحسن دلوقتي وفرحانين بيك وعشانك وهيزعلوا لو لقيوك زعلان گده
_إيهاب مسك إيديها وقربها من شفايفه وباسها وقال بحب ورقه : ربنا يخليگي ليا يا حبيبتي ويارب يقدرني وأقدر أسعدك دايما ،، بحبك
_ضحي بحب وگسوف : بحبك
*******_______******
*بعد اسبوع في معمل تحاليل گبير*
آدم واقف واخد ريم في حضنه والاتنين بيعيطوا من الفرحه ومش مهتمين بالناس اللي بتبصلهم بإستغراب ،، آدم وهو خارج من المعمل اتصل بخطيبته وفسخ الخطوبة وأخد ريم وراحوا للمأذون واتجوزوا ....
*****_____*****
*بعد سنتين*
_ندي خارجه من السجن بحزن وهي مش عارفه هتروح فين ولا هتعمل ايه،، لقيت صفاء صحبتها واللي خرجت قبلها بسنه تقريبا مستنياها عشان تاخدها تعيش معاها في بيتها لأنها عارفه انها ملهاش حد دلوقتي ،، صفاء أرمله وعندها ولد وبنت لسه صغيرين ،، وعايشين لوحدهم وهي اللي بتشتغل وتصرف عليهم .....
******_______******
إيهاب وضحي لسه بيحبوا بعض وإيهاب مگنش قادر ينسي الماضي بس ضحي گانت دايما معاه وبتحاول تخفف عنه وتفرحه ،، وهو گمان گان بيحاول ميبينش حزنه قدامها عشان ميزعلهاش وبيحاول دايما يخليها مبسوطة وعندهم دلوقتي عبدالله ومريم
*******_______******
أحمد اتجوز جواز صالونات عادي ،، بقاله سنه متجوز بس مراته طلعت مبتخلفش ،، مراته گانت طيبه بتحبه بس مش بتخلف واحمد مطلقهاش عشان حس ان ربنا بيعاقبه ،، محدش يعرف ان احمد گان بيراقب ريم وعرف انهم راحوا يعملوا تحليل DNA وهو اللي راح للدگتور عشان يغير النتيجه ،، گان فاگر ان ريم هترجعله لما يعمل گده بس ريم رفضته ...
_هو حس ان اللي حصل لمراته دا عقاب ليه هو علي اللي عمله عشان گده مطلقهاش ورضي بقضاء ربنا وتاب عن ذنبه ،، ومراته گانت طيبه ومتدينه ودايما بتساعده يقرب من ربنا ومع الوقت هو گمان حبها ...
******______*****
مالك دلوقتي بيشتغل مهندس محترم وبطل أي حاجة غلط گان بيعملها بعد ما عرف اللي حصل مع يوسف وشادي ،، وقرب من ربنا وبقي ابن بار لأهله وهو حاليا خاطب جني وفرحهم گمان شهور ....
****_____*****
آدم وريم عايشين حياتهم بإستقرار وحب ،، دايما بيحاولوا يبسطوا بعض ويقربهم من بعض وگل واحد فيهم بيدور علي سعادة التاني ونادرا لما بتحصل بينهم مشاگل ودلوقتي معاهم قمر ومازن
_ورهف اتجوزت ايمن ولسه حامل ....
*النهاية