رواية يومياتي مع بناتي الفصل الاول1والثاني2 بقلم ايه علي الشربيني

رواية يومياتي مع بناتي 

الكاتبة : أية علي الشربيني 

الفصل الاول والثاني 

في صباح يوم جديد تشرق الشمس علي أبطال روايتنا 

أنتي يازفته قومي كفايكي نوم 

ردت نور بكسل وقالت : 

صباح خناق كل يوم وسمعني سلام ل اسطوانة كل يوم 

ردت ولدتها وقالت : 

شكلك وحشك أبو وردة ههريكي بي لو مقومتيش وبطلتي طولة لسان 

رفعت نور ايدها بااستسلام وقالت : 

برئ يابية بقولك اية ياأمينة ونبي بلاش بؤقين كل يوم دول لان نفس الأسطوانة      بنقولها ونعيدها وكل يوم تهدديني وفي الاخر مش بتعملي حاجه 

رفعت أمينه شبشبها وجريت علي نور وقالت : 

طيب تعالي بقا ياعره انا هوريكي علي طولة لسانك دى 

جريت نور وهي تقول : 

عاااااا الحقوني أمينة هتقتلني عاااااا 

ردت أمينة وقالت : 

يابت المجنونة هتفضحيني 

رد مختار وقال : 

ايه ياولاد المجانين الا بتعمله دة 

ردت نور وهي تستخبا وراء ولدها وقالت : 

الحق مراتك هتموتني ياحج مش عارفة هو انتو لقيني علي باب جامع ولا ايه 

ردت أمينه وقالت : 

يابنت الهبلة لازم أربيكي دوختيني وسع يامختار سبهالي علشان هقرقشها 

رد مختار وقال : 

تقرقشي ايه هي مكسرات ياامينه ليه يارب ترزقني ببنت هبلة ومراتي الهبلة خلاص مش قادر اسمهم وارتاح منهم ولا أعمل ايه 

ردت نور وقالت : 

كدة ياميخا وانا الا بقول عليك ابويا وحبيبي وصحبي خلاص انتو طلعتو مش اهلي ولقيني علي باب جامع صدمة عمري ابص لروحي فجأة لقتني     لقتني مش بنتهم فجأة فرحت من المفجأة ونزلت دمعتي ولقيت ابو وردة في وشها راحت صرخت عاااااا ردت أمينة وقالت : 

مش فرحتي من المفجأة البسي بقا 

رد مختار وهو يغني وقال : 

غلطة عمري وحياتي يوم ما دخلتو في حياتي انا هعيد حساباتي وههرب من وشكم 

ردت امينة ونور في صوت واحد : 

بتقول حاجه يامختار 

رد مختار بخوف وقال : 

لا أبدأ بقول هاخدكم معايا 

ردو الاتنين في صوت واحد وقالوا : 

أحسب 

رد مختار وقال : 

ريا وسكينة عاوز افطر ياله 

ذهبت أمينة الي المطبخ ومعاها نور ليجهزو الطعام وقالت نور : 

فين بنتك ياامينه شاطرة بس تصحيني انا 

ردت أمينة وقالت : 

روحي صحيها انتي دى بتشلني زيك فاانا مش هتعب نفسي مرتين 

نظرت لها نور وقالت من عونيا هنروح نصحوها اصل أني بنحبوها أووى بالأذن يامرات      ابويا وقالت جملتها وجريت : 

ولحقتها أمينه وهي بتضربها بشبشب وجيه في نور لبسته في ضهرها 

ردت وقالت نور : 

نشيلتي ياما ورشقت عمودى الفقري باظ 

ردت أمينه وقالت : 

احسن عقبال أحبالك الصوتية 

ردت نور وقالت : 

هتنشري غسيلك فين لو باظت 

ردت أمينه صبرني يارب امشي من وشي 

دخلت نور وهي تمشي علي اطراف أصابعها حتي وصلت غرفة أختها واقتربت من أذنيها وقالت : 

زينهههههههههههههههه 

انتفضت زينة من مكانها وهي تصرخ وتقول : 

الله يحرقك ياشيخة غوري برة هجيبك من شعرك دة واقطعهولك يالي اشوفك مرمية في مستشفي المجانين قريب 

ردت نور بضحك وقالت : 

انا وانتي نروح مع بعض ونعمل فرقة هناك ونجنن المجانين 

ردت زينة بصوت عالي وقالت : 

ياماماااااااااااااااا 

ردت أمينة بصوت عالي وقالت : 

يقطعكم تعبتوني كل يوم نفس المشكلة يامختار شوف بناتك دول 

رد مختار وقال : 

هم بناتي لوحدى 

طلعت نور وردت : 

اتبريتو مننا خلاص ياحزني علية وعليكي يازينه 

ردت زينه بتمثيل : 

انا بنت مين طيب كدة طتعنوني في صباعي عااااا 

نظر مختار وأمينه ونور إليها وصفقه فجأة وقالوا في صوت واحد : 

عظمة علي عظمة ياست 

ثم قالت أمينه : 

ياله يابت منك ليها جهزو السفرة ياله 

ردت نور بضحك وقالت : 

حاضر ياابليتي 

ردت زينة بضحك وقالت : 

خديني معاكي يااوخه 

ردت أمينه وقالت : 

يارب صبرني عليهم 

رد مختار وقال : 

يارب صبرني انا عليهم هما التلاته 

ردو جميعا بتقول حاجه ياحج 

رد وقال : 

ابدا بقول ربنا يخليكم ليه بس 

ردو وقالو : 

نحسب بس 

وجهزو الفطار وجلسة يفطرون في سعادة وحب عائلي 

" الشخصيات "

نور مختار فتاة شقية ومرحة جدا ومجنونة رسمي تشبة الاطفال في برائتهم كل من يقابلها للمره الأولة يتخم فيها ويقول هادية وهي عكس كدة تمامآ لسانها عاوز يتقص هي عكس أختها في كدة جمالها يخطف الأنظار كل من يراها يقول ما شاء الله وجه بخدود      عيونها جميلة برموش كثيفة بلون السما شعرها اشقر حرير وفم مثل الكريز جسدها ممشوق ولا طويلة ولا قصيرة بشرتها بيضاء كلثلج ناعمة مثل الأطفال تبلغ من العمر ٢٣عام اخر سنه في الدراسة ولديها صديقة أسمها وفاء 

أمينة ولدت نور سيدة جميلة جدا تبلغ من العمر ٤٠ سنه لديها ابنه اسمها نور وابنه اخره اسمها زينه وزوجها مختار تعشقة جدا وهي سيدة مثل بناتها وزوجها مجانين 

مختار وهو رجل مرح جدا يبلغ من العمر ٤٥ عام يعشق بناته وزوجته أمينه وأمنية حياته أن يراهم في مستقبل أفضل ويمتلك شركة صغيرة هو وصديقة هاشم شركة أعلانات 

زينه وهي أخت نور جميلة جدا شعرها بني فتح بعيون عسلي وبشرة ناعمة ورموش كثيفة مجنونة جدا وتعشق عائلتها وتبلغ من العمر ٢٥ عام فهي      أكبر من نور ولكن من يراها يقول أنها لسه صغيرة جسدها ممشوق ولكن نور اطول منها وانهت دراستها وتبحث عن عمل لكي تساعد مع ولدها في المنزل ولديها صديقة أسمها شرين وهي أخت وفاء صديقة نور متربين مع بعض من وهم أطفال 

وفاء فتاة تبلغ من العمر ٢٣ عام صديقة نور خمرية بملامح جميلة جدا شعرها ناعم      جدا لونه بني عيونها واسعه برموش كثيفة بلون عسلي غامق يلمع بتدرس في نفس كلية نور ونفس القسم 

شرين وهي صديقة زينه واخت وفاء تعشق زينه وتحب نور واختها وعائلتها وهي تبلغ من العمر ٢٥ عام انهت دراستها وتبحث عن عمل مثل زينه وهي فتاة جميلة تشبة أختها وفاء 

خديجة ولدت شرين ووفاء وهي وأمينه جيران جدا واصدقاء تبلغ من العمر ٤٣ سنه      سيدة طيبة اووى وجميلة وتحب بناتها ولديها ابن ويدعي أدهم يبلغ من العمر ١٩ سنه 

هاشم وهو والد شرين ووفاء وادهم وزوج خديجة رجل طيب وصديق والد نور وزينه ويعشق اولاده ويحب زوجته ويبلغ من العمر ٤٧ عام شريك مخت

رواية يومياتي مع بناتي 

الكاتبة : أية علي الشربيني

الفصل الثانى

وبعد انتائهم من الفطار تجهزت زينة وذهبت مع شرين للبحث عن عمل فقد قدمة سابقاً السي في في بعض الشركات وذهبت كل منهم الي شركة الشامي للأزياء تقدمت الفتيات الي الشركة وعند وصلهم ذهبه الي السكرتيرة الخاصة ردت السكرتيرة وقالت : 

اتفضلو انتو قبلته في الشغل ودة مكتبكم تقدرو تستلمو الشغل من دلوقت هتكونو       مسؤلين عن خامات الفاشون وحسابتها واحدة علي الكمبيوتر والتانية شغل أوراق وتسجيل كل حاجه 

فرحت كل من زينه وشرين وبدئة في تنظيم الشغل وفهمه كل شئ وذهبه الي المنزل     وعلي وجوههم السعادة لتخبرهم زينه وتقول : 

أنا قبلت في الشغل انا وشرين يابشررررررر 

ردت أمينه بسعادة وقالت : 

مبروك ياروحي وقبلتها 

لتدخل نور وتنظر لهم وهي تمثل الصدمة : 

خيانه 

لتنتفض أمينه وزينه وتقول أمينه : 

يابت الهبلة خضتيني 

لتجيب نور بضحك وقالت : 

بتشتمي نفسك ياحجه 

لتمسك أمينه شبشبها وتقول : 

انتي عاوزة تتأدبي والله تعالي يااخرة صبري 

ردت زينه وقالت : 

اتشطري بقا يانور وخلصي كليه وان شاء الله هجيبك معايا في الشركة 

لتجيب نور وتقول : 

لا يااخه انا هشتغل في شركة الشامي دة حلم حياتي 

لتضحك زينة وتقول : 

طيب شوفي بقا مين هيشغلك فيها ياعرة 

ردت وقالت نور : 

لا هما يطولة يشغله عندهم مصممة حلوة زي 

لتجيب زينه وتقول : 

طيب بكرة نشوف وانا هتوسطلك لله 

لترود نور وتقول : 

ههههههههههههه تتوسطيلي انا المصممة نور 

اجابت زينة بمرح وقالت : 

أنا وبلا فخر مسؤله عن الحسابات في شركة الشامي 

لتنصدم نور من المفاجاة وقالت : 

انتي بتتكلمي بجد قبلتي هناك 

ردت زينه وهي طايرة من السعادة وقالت : 

ايوة مبسوطة جدا جدا يانور واخيرا 

لتنط نور في احضان اختها وتقبلها بجنون وتقول : 

ياعم الناس ياسيد الناس العب ياله ارقص ياله 

لترود أمينه وتقول : 

يارب اشفيها دى هتكون خريجة فنون جميلة ازاي بس 

ردت نور وقالت : 

جري اية ياامينه انتي بتشكي في قدوراتي 

لتجيب أمينه وتقول : 

بلا وكسه 

ردت زينه وقالت : 

بصراحه بهبلك دة مش هتنفعي اخاف تقولي لصاحب الشركة ياعرة 

ردت نور بضحك وقالت : 

تصدقي قولتها لدكتور في الجامعة بس البت وفاء كتمت بؤقي ولحقتني 

لتضحك أمها وأختها علي جنانها وتقول أمينه صبرني يارب 

في فيلا الشامي داخل تلك القصر الكبير الذي يتكون من ديكورات علي اعلي      مستوي وفرش راقي جدا تجلس سيدة ذات وقار وتقول : 

يازينب سفيان بيه صحي ولا لا 

ردت زينب وقالت : 

لا ياست هانم دة جيه متأخر ولسه نايم 

ردت سوزان وقالت : 

هيجنني الولد دة 

ليأتيها صوت من الخلف ويقول : 

سلامتك من الجنان ياسوزى ياقمر انتي 

لترتسم علي وجهها الحب والسعادة وتقول : 

غيث حبيبي 

ليجيب غيث ويقول : 

عيونه عاملة ايه ياست الكل 

لتنظر له بحب وقالت : 

الحمدلله ياماما مالك زعلانه ليه 

ردت سوزان وقالت : 

سفيان مجنني ياغيث 

ليجيبها غيث ويقول : 

اطمني هخلي يلتزم متقلقيش ياماما وانا اتكلمت معه وهيبدء شغل معايا حتي بصي 

لينزل علي الدرج بخطواته المرحة وهو يقول : 

مالك ياسوزى قاعدة بتندبي بختك فيه ولا ايه 

لتجيبه سوزان وتقول : 

انت هتفضل بيئة كدة ايه تندب دى وبعدين مش قولتلك متتأخرش برة 

رد سفيان عليها وقال : 

مفيش سهر تاني خلاص ابنك حبسني خلاص

ردت سوزى وقالت : 

احسن كدة ثم قالت زينب جهزتي الفطار 

ردت زينب وقالت : 

جهزته ياهانم اتفضله وسليمان بيه نزل اهو 

لتنظر سوزان له وتقول : 

صباح الخير 

ليجيبها ويقول : 

صباح الخير ايه دة معقول سفيان صاحي 

رد سفيان وقال : 

معقول انا سمعتي وحشه اووى كدة 

ليضحكه الجميع ويقول غيث : 

هينزل معايا الشغل يابابا وهيبدء يلتزم 

ليجيب سليمان وقال : 

طيب كويس علي خير الله امال فين سليم وساندى 

اتاهم صوت من الخلف يقول : 

انا هنا 

لتنزل تلك الفتاة الجميلة صاحبة الشعر الكيرلي البني وصاحبة البشرة البرونزية والعيون      العسلية وينظر لها والدها بحب : 

ساندى حبيبه بابا تعالي 

رد احدهم وقال : 

وانا فين من الدلع دة 

ليجيبه والده سليمان بيه : 

انت حبيبي ياسليم 

لينزل احدهم ويقول بصوت طفولي : 

زحلان منك ياجدو 

ليفتح سليمان زراعية ويقول : 

مقدرش علي زعلك ياحبيبي 

يرود الطفل ويقول : 

مث سألت عليه ليه ( مش ) 

رد سليمان بحب وقال : 

دة أنت اهم واحد في عيلة الشامي انت الباشا سيف 

يرود سيف بمرح ويقول : 

قول لبابي كدة هو مث لضى ياخدني معه السركه ( قول لبابي كدة هو مش راضي ياخدني معه الشركة ) 

ليجيب سليمان ويقول : 

جدو هياخدك ياحبيبي 

ليحتضن سيف سليمان ويقول : 

يس 

يضحك الجميع لتدخل يسري علي صوت ضحكهم وهي ولدة سيف وزوجه غيث لتقول : 

هاي 

ليسكت الجميع وينظر لها غيث بقرف ويخرج خارج الفيلا ويذهب الي الشركة 

لتنظر لها سوزى وتقول : 

انتي ايه علطول منكدة عليه كدة 

ليقول سليمان : 

سوزى بلاش علشان سيف ياله نفطر ونشوف الموضوع دة بعدين 

جلسة العائلة في سكوت تام ليتناولة وجبه الفطار لتتحدث يسري وتقول : 

سيف عامل ايه 

مفيش رد فتعيد وتقول سيف مش بكلمك 

ليطلع سيف الذي يمتلك من العمر ٣ سنوات ولكنه طفل لمض جدا وأكبر من عمره في لمضاته ويفهم كل شئ 

لينظر لها سليمان بغضب ويقول : 

انتي ام ازاي انتي متنفعيش لا أم ولا زوجه 

ردت يسري وقالت : 

لو سمحت ياأونكل مينفعش تكلمني كدة 

رد سليمان بغضب وقال : 

انتي تخرسي خالص انتي بتروحي وتيجي علي مزاجكك وعاوزاني اسكت وسيبه أبنك الصغير الا ميعرفش حنان الام عقدتي الولد وهو صغير       انتي ايه ولا كمان ابني الا خلتي متجنب الكل وفين وفين لما نشوفه الحزن بقا ملي حياته وكمان بقا عصبي بسببك انا الا باعد غيث عنك لان لو سمحتلو انتي مش هتكوني عايشة 

ردت يسري وقالت : 

انا حرة في حياتي ومستحيل ابوظ حياتي علشان كل دة ابنك عاوزني خدمة لبيتي وبس وعاوزني اخلف تاني انا قعدت فترة اعالج جسمي من حملي في سيف اصلا مكنتش حابة اخلف دلوقت بس ابنك السبب 

لتصرخ بها وتقول : 

                      الفصل الثالث من هنا

لقراءة باقي الفصول من هنا