روايه زوجة ابي
الفصل الاول والثاني
بقلم / مني الريس
تبدأ الروايه في بيت مروه
تصحي مروه ع صوت والدتها
الام: مروه يا مروه اصحي يا حبيبتي اصحي و اسمعي الخبر الحلو
مروه: صباح الخير يا ماما خير في اي
الام : فوقي كدا و تعالي ع الفطار و نتكلم يلا يا حبيبتي
صحيت مروه و كانت بتفوق
وهي مستغربه فرحه مامتها الأوفر دي غسلت وشها و لبست للجامعه و خرجت الفطار مع عائلتها
الاب : صباح الخير يا حبيبتي
مروه وهي بتاكل بسرعه : صباح الخير يا بابا كنتو عاوزين تكلموني ف اي بس بسرعه لاني مستعجله جدا اتأخرت ع الجامعه
الاب : اقعدي يابنتي طيب ونتي بتاكلي عشان اعرف اكلمك
وقبل ما الاب يكلم مروه
الباب خبط
فتحت مروه الباب و كانت صديقتها هدي
هدي: اي يا بنتي جهزتي يا احسن احنا متأخرين اوي
مروه : ثانيه هجيب الشنطه و نازله. نتكلم أما اجي يا بابا
الام: تفتكر هتوافق يا مجدي
الاب : ومتوافقش ليه بس
الام: يارب
في الجامعه
ابتسمت مروه لاحمد
هدي: اااه طب اسيبك انا بقا عشان تكلمي حبيبك
مروه : هدي مبحبش الطريقه دي
هدي : طيب ياستي
يلا مستنياكي ف الكافيتريا
احمد : وحشتيني
مروه ب ابتسامه : انت مجيتش امبارح ليه الجامعه
احمد: كنت بشوف شويه حاجات ف الشركه
مروه : شركه باباك
احمد : ايوا لاني طبعا قربت اتخرج ف لازم اهتم بالشغل اكتر من كدا خصوصآ اني اول ما اتخرج هاجي
أخطبك حتي لو لسه فاضل كام سنه وتخلصي
مروه : بجد يعني انت ناوي تعمل الخطوه دي
احمد : انتي لسه بتسالي
مروه : طب انا همشي لهدي بقا لأنها مستنياني نتقابل بالليل
احمد قرب من مروه و باسها
مروه بعصبيه : احمد احنا ف الجامعه و ع فكره احنا في بينا حدود لحد ما تيجي و تبقي حضرتك تتقدم
احمد ب ضحك : هانت خلاص يلا سلام
مروه ب ابتسامه : سلام
بعد ما مروه مشيت من الجامعه وصلت للبيت و كانت مستنيه الوقت الي تقابل فيه احمد و بتستعد
دخلت الام لمروه
الام: مروه حبيبتي فاضيه نتكلم
مروه : معلش يا ماما عندي معاد مع واحده صحبتك
الام: في اي يا مروه هو احنا مش هنعرف نتكلم معاكي انهارده ولا اي
مروه : في اي يا ماما مهم عاوزه تتكلمي اوي كدا في
الام : خلاص اما تيجي بس متتأخريش عشان ابوكي اصلا متعصب منك جدا
مروه : حاضر
لبست مروه و قابلت احمد
ركبت تاكسي
وهي راكبه التاكسي خبط ف عربيه
نزل صاحب العربيه
كريم : انت يا غبي يا متخلف مش تاخد بالك
السواق : معلش يا فندم انااسف
كريم : لا اسف اي انزلي يلا يلا انزل
السواق : يا فندم محصلش حاجه حضرتك الي ماشي غلط
كريم : وكمان بتبجح دا انت نهارك اسود
نزلت مروه من التاكسي
مروه. بزعيق : هو في اي انت بتزعقله كدا ليه انت فاكر نفسك عشان غني تقدر تكلم اي حد بالاسلوب دا
كريم اعجب ب مروه جدا خصوصآ انو بتاع بنات
كريم ساب السواق بعد ما كان بيضربه
مروه وهي لسه بتزعق
مروه : لازم تتعلم ازاي تكلم اي حد مش معني انك معاك فلوس تروح تضرب واحد اد ابوك
السواق : خلاص حصل خير انا اسف
كريم وهو باصص لمروه : دا انا الي اسف
كريم خلاص خلاص محصلش حاجه و ركب عربيته
مروه : معرفش دا مجنون دا ولا اي
السواق : في نوع من الناس دا كتير يابنتي لسه ياما هتقابلي اركبي
ركبت مروه و كانت مستعجله لأنها اتأخرت ع احمد جدا كان احمد مستنيها ف الكافيه وصلت مروه
احمد : اتأخرتي كدا ليه
مروه : حصل خناقه كدا
احمد : خناقه اي في حاجه حصلت لا اي
مروه : لا يا حبيبي متقلقش سواق التاكسي انت عارف أن في ناس بتحب تتكبر ع الناس بس المهم مكنش اتأخرت عليك اوي
احمد : انا عايز افهم انتي ليه مش بتخليني اجيلك و اوصلك انا
مروه : يا احمد انت مينفعش تيجي عندنا خصوصآانك عارف أننا ف منطقه شعبيه و بابا لو شافك هيعمل مشكله مش عاوزين نعمل مشكله من قبل ما تيجي تتقدم
احمد : انا مستني اليوم دا من اول ما شوفتك
وفجأه دخل كريم الكافيه بعد ما عجبته مروه قرر يعرف مكانها عشان يقرب منها
واتفاجأ أما لقاها مع اخوه
كريم فضل باصص وهو مستغرب جدا
دخل
كريم : اي دا انت طلعت جامد بقا و بتظبط بنات مزز
احمد : كريم انت اي الي جابك هنا
بصتله مروه وهي متفاجأه
مروه : اي دا انت تعرف الإنسان المستفز دا
احمد ؛ انتو تعرفوا بعض
مروه : دا الي اتخانق مع سواق التاكسي
كريم : ياستي منا اتأسفت ف الآخر عمومآ اديني بتأسف تاني اهو ولا اي يا احمد مش انت عارف اخوك كويس بردو
مروه بصدمه : اييييهه انتو اخوات
احمد : ايوا كريم اخويآ بس انا وهو مختلفين شويه عمومآ تعالي يا مروه اوصلك
مشيت مروه مع احمد
وكريم باصصلهم اوي و متعصب من أحمد لانو مع البنت الي عجبته جدا
احمد.: لو كريم دايقك أو قابلتي ف اي مكان و دايقك هموتوا ومش يهمني اخويا ولالا
مروه : هو خلاص معملش حاجه يا احمد
احمد : معجبنيش بصيته ليكي
مروه : انا معرفوش من قريب يعني وبعدين مش هتغير من اخوك
احمد ؛ تمام خليني حتي اركبك التاكسي منتي مش راضيه اوصلك
مروه : طيب
بعد ما احمد ركب مروه التاكسي سابها و رجع لأخوه
احمد دخل الكافيه وهو متعصب من اخوه و من طريقته مع مروه
قعد احمد
احمد: انت عارف لو قابلت مروه ف اي مكان و قليت ادبك معاها انا عارفك بس مش مع مروه لان ساعتها مش يهمني حاجه مروه صديقه قريبه مني
كريم : اي دا بجد يعني انتو صحاب
احمد مرضيش يقول لكريم حاجه عشان ميقولش لابوا دلوقتي لانو مأجل الموضوع دا لحد ما يكون شركه لنفسوا عشان لو أبوه موافقش ع مروه
احمد : ايوا صحاب
ابتسم كريم
و بعديها قالو انو حتي لو شافها ف الشارع اكنو ميعرفهاش و مشي وسابوا
كان كريم فرحان إن مفيش حاجه بين احمد و مروه لأنها عجبته جدا
نيجي في بيت مروه
بعد ما وصلت
الاب : اعمليلنا شاي كدا عقبال ما مروه تيجي أما نشوف اتأخرت كدا ليه
الام : تفتكر هتقبل ب اي احنا عايزينوا
الاب : لازم تقبل يا ماجده لازم انتي مش شايفه حالنا عامل ازاي
لازم حياتنا تتغير بقا متعرفيش انا بعاني ازاي ف شغلي
وقبل ما ترد الام دخلت مروه
مروه : مساء الخير
قعدت مروه مع مامتها وباباها
مروه : ها بقا يا بابا اي هو الموضوع الي عاوز تكلمني فيه
الاب :.......
الفصل الثاني
بقلم / مني الريس
مروه : ها بقا اي الموضوع الي عاوزني فيه
الاب : بصراحه يابنتي الموضوع يمكن ميعجبكيش خصوصآ اني عارف دماغك بس انتي عارفه ظروفنا
مروه : قول يا بابا في اي
الاب : انتي متقدملك عريس
مروه : ايه بس انا مش بفكر ف الجواز يا بابا
الاب : بس دا مش اي عريس يابنتي دا عندو فلوس مش عند حد ملياردير هيطلعنا من كل الي احنا فيه دا
مروه : انت بتقول اي يا بابا انا مش بفكر في الجواز خالص لو سمحت يا بابا متكلمنيش ف الموضوع دا تاني
الاب : يابنتي افهمي الكلام الاول بقولك معاه فلوس كتير يعني هيخرجني من كل الهم دا و الشغل دا انا كل يوم رجلي بتوجعني من وقفه الاتوبيس
مروه : بابا انا مش عارفه انت بتتكلم ازاي كدا يا بابا انا هشتغل و اساعدك مهو مش معقول هتجوز واحد عشان فلوسوا
وفجأه قام الأب بعصبيه
الاب : هتتجوزي و مش هتتجوزي غيروا و كمان هتتجوزي ونتي بتتعلمي أن شاءالله حتي تسيبي تعليمك الراجل دا لا يمكن نضيعوا من أيدينا و مش هكرر كلامي تاني انتي بنتي ونا عارف اجوزك مين و مجوزكيش مين
دخلت مروه اوضتها و فضلت تعيط ب كل ما فيها
و مكنتش عارفه تعمل اي
وحست انا والدها هيغصب عليها فعلا
فضلت ايام ف اوضتها و قافله موبايلها و حتي مش بتروح الجامعه كان احمد قلقان عليها جدا
دخلت الام لاوضه مروه
الام : وبعدين يا بنتي هتفضلي كدا ع طول
مروه : ياماماا انا مش عايزه اتجوز حرام عليكوا
الام : يابنتي عشان خاطر اختك الصغيره دي مش بتصعب عليكي يابنتي عايزين نخلص من الفقر بقاا
مروه : حرام عليكوا يا ماما انتو كدا بتدمروا حياتي
الام: هندمر حياتك عشان عاوزين نجوزك يا مروه يابنتي فوقي بقا احنا اهلك و عازينلك الخير يابنتي
فضلت مروه تعيط
و فكرت ف كلام امها وحست انا قرار والدها مش هيتغير و فضلت تبعد عن احمد و هو مكنش عارف السبب بس هي خايفه تواجهوا
و باباها كان مصمم جدا ع العريس
قررت تكلم احمد ييجي يتقدملها
اول ما احمد شاف اسمها
رد ع طول بخوف
احمد : مروه انتي مش بتردي علي الموبايل ليه ومش بتيجي الجامعه ليه انتي قلقتيني عليكي هو في حاجه ولا اي
ابتدت مروه تعيط بس مسحت دموعها
احمد : مروه انتي معايا
مروه : ايوا يا احمد
احمد: وحشتيني
مروه : ونت كمان وحشتني اوي
احمد : انا مستني اكون شركه عشان اجي اتقدملك و تبقي معايا ع طول
مروه : وباباك هيوافق
احمد : اكيد هيوافق انا صحيح مش عارف ردوا هيكون ايه بس كدا كدا انا مستني اعمل شركه مش هحتاج لبابا ف لي حاجه
مروه قضلت تعيط
ومش هتقدر تقولوا ييجي يتقدملها لأن أبوه مش هيوافق
وكمان باباها مصمم ع العريس
احمد : مروه انتي بتعيطي
مسحت مروه دموعها
و قالتله بكل قوتها
مروه : احمداحنا مش هينفع نبقي مع بعض
احمد : نعم انتي بتقولي اي ولا انتي بتهزري
مروه : احمد لو سمحت انا مش هقدر اكمل معاك اعتبر كل حاجه بينا محصلتش يمكن تقابل واحده احسن مني
احمد : انتي اتجننتي ولا ايه
انا مش هسيبك لو هموت و مش هتبقي مع حد غيري طول حياتك
مروه : يا احمد انا مش بحبك خلاص بقا
احمد : يعني مش بتحبيني امال كنا مع بعض ازاي كل الوقت دا
مروه: انا مش هقدر ارد ع اسالتك بس انت هتعرف كل حاجه لوحدك ياريت متحاولش توصلي تاني يا احمد
قفلت مروه مع احمد
و فضلت تعيط جامد اوي
و بعديها دخل باباها اوضتها وهو متعصب
الاب : انتي بتعيطي عشان متقدملك عريس يابنتي هو نا هضرك دا انا بقولك هتتجوزي واحد مليونير لا مليونير اي دا ملياردير ونتي بتعيطي
مروه : خلاص بقا خلاص اعملوا الي انتو عايزينوا سيبوني بقاااا
حدد الاب معاد مع العريس يوم الخميس
و أما جه اليوم كانت مروه حاسه بخنقه وأنها عاوزه تخرج تطرد العريس
و خرجت تقابل العريس و هي باين عليها جدا الحزن و اتفاجأت جدا أما لقت العريس ..........