روايه زوجة ابي
الفصل الثالث
بقلم / مني الريس
اتفجأت مروه أما لقيت العريس
راجل عجوز
مروه كانت مش مصدقه ازاي ابوها خبا عليها اكيد عمل كدا عشان يحطها قدام الأمر الواقع و توافق
مروه كانت مصدومه من الي عملوا امها و ابوها
العريس كان باصصلها و معجب بيها جدا
مروه : هو انت ابوالعريس
مكنتش مروه مقتنعه انو العريس
الام : احم ابو العريس اي يا مروه يابنتي دا العريس
العريس : بنتك حلوه اوي ماشاء الله
مروه بعصبيه : مش عيب عليك ونت ف السن دا و جاي تخطب واحده اد بنتك و كمان صابغ شعرك
الاب بزعيق مروه
مشيت مروه لاوضتها و فضلت تعيط
الاب : انا اسف بدل مروه البنت صغيره وانت عارف بنات اليومين دول
العريس : انا عارف انها بتدلع شويه بس مش عيب الي عملته دا
الاب : معلش هي بردو لسه صغيره عمومآ متقلقش احنا نتم قرايه الفاتحه اي رايك دلوقتي
العريس : انا موافق بس العروسه باين عليها مش عاجبها الموضوع في مليون بنت تقبل
الام : ومين قال كدا ع فكره البنت موافقه ولا اي
الاب : ايوا ايوا
العريس : إذا كان كدا نقرأ الفاتحه بس ف وجود العروسه و كمان اتأخد إذا كانت موافقه
الام : ثانيه واحده هروح اناديها
مريم اخت مروه الصغيره
مريم : اتفضل شوكولاته يا جدو
العريس : جدو
الاب : مريم روحي يا حبيبتي العبي
في اوضه مروه
الام : اي الي انتي عملتي دا
مروه : انتو ازاي متقولوليش انو راجل عجوز
الام : ومالو بس معاه فلوس
مروه: حرام عليكوا انا مبحبوش انا مش عايزه فلوس
الام : هتتجوزي غصب عنك يا مروه و دا اخر كلام يلا اخرجي احسن هيكون ليا رد تاني
خرجت مروه و الدموع ف عينيها
قرأوا الفاتحه و اتفقوا ع معاد الفرح و كان كل ما بيقرب كل ما مروه بتفضل تعيط و تفتكر احمد
أما احمد ف قرر يسافر ويبعد عن البلد بعد ما حاول مع مروه كتير و كلم صاحبتها و حس فعلا انها مش بتحبه
و كمل اخر سنه ليه ف بلاد برا و سافر
و جه ميعاد فرح مروه
و الي كانت حاسه انها جنازتها
الام : اضحكي يا حبيبتي شويه بكره تشكرينا ع الي عملناه دا بدل ما انتي حزينه كدا
مروه : سيبوني بقاا مش عملتوا. الي انتو عايزينوا من غير ما تفكروا انا هبقي فرحانه ولالا
الام : يابنتي يا حبيبتي انا عايزه الي يفرحك و الي يرفعنا كلنا لفوق اسمعي كلامي بس
مروه مردتش عليها
و عملوا الفرح كان كتب كتاب
و مكنش فيه ناس كتير يعني
و ف اليوم دا مروه كانت رايحه للفيلا بتاعت الي المفروض بقا جوزها
وصلت الفيلا بحزن و كل ما تفتكر احمد بتكون حزينه اكتر بعد ما دخلت الفيلا
العريس فاروق ': اتفضلي يا عروسه أنا متأكد أن الفيلا عجبتك
مروه مكنتش بترد و كانت حاسه بخنقه
دخلت الفيلا و غيرت الفستان لبست. بيجامه و فضلت تعيط ع السرير و فجأه الباب خبط
اتخضت مروه
مروه بخوف : مين
الخدامه : انا يا فندم اتفضلي انزلي للعشا
مروه : انا مش جعانه
الخدامه : يافندم فاروق بيه قالي انك لازم تأكلي
مروه : قولتلك مش جعانه
طلع فاروق لمروه
فاروق : في اي يا حبيبتي
انتي مش عايزه تأكلي ليه
مروه : انا مش جعانه دلوقتي
فاروق : طب تحبي ادخلك الاكل
مروه : أما اجوع هاكل متقلقش و شكرآ انك مهتم
فاروق : ازاي مش ههتم انتي مراتي و باسها من قورتها
مروه كانت حاسه انو ابوها جدا
و بعد ما نزلت للجنينه و كانت بتشرب نسكافيه و تفكيرها كلوا ف احمد لقيت
عربيه جايه الجنينه استغربت و قالت يمكن دا حد من ولاد جوزها ولقيت أما نزل و اتصدمت
انو كريم
ايوا كريم اخو احمد
مروه كانت مش مصدقه و مصدومه جدا معقول ازاي ازاي يعني هي دلوقتي متجوزه ابو حبيبها
كانت مروه من الصدمه دموعها نزلت
كريم استغرب أما لقاها و كمان بالبيجامه
كريم : انتي انتي ازاي هنا ولا انا بحلم ولا انا فين مش معقول بحلم
و حاول كريم يقرب منها
مروه زقيته
و فجأه جه فاروق الجنينه
فاروق : انتو اتعرفتوا
كريم وهو باصص لمروه ب إعجاب جدا و مش مصدق انها ف بيته
الاب : اعرفك مرات ابوك
و دي كانت الصدمه علي كريم
كريم : مرات ايييي مرات ابويا مروه انتي مرات ابويا
كريم ازاي متقولش انك هتتجوز
الاب: ونا لازم اخدالاذن منك ولا اي أنا ابوك
كريم كان مش مصدق نفسوا
الاب : عمومآ كويس انك عرفت و اخوك أما يرجع من السفر هيعرف بردو تصبح ع خير عندي شركه بكره الصبح
كانت مروه مصدومه و تفكيرها كلو ف احمد و مش عارفه تعمل اي بس اطمنت أما عرفت انو مسافر
كريم : انتي ازاي ازاي تتجوزي ابويا يعني متبقيش معايا وتبقي مع ابويا
مروه بعصبيه: ابقي معاك انت بتقول اي انت مجنون
كريم : انا الي مجنون و سابها وطلع اوضته بعصبيه شديده جدا
مروه كانت بتاخد نفسها
بصعوبه و كل الي ف دماغها احمد يعني هي مرات أبوه ازاي
طلعت اوضتها
صحي فاروق قبليها و لبس و باسها قبل ما ينزل و كانت نايمه
و قال للخدامين محدش يصحيها و أنها تصحي لوحدها
صحيت مروه لقيت فاروق سايبلها ورقه
بيقول انو المفروض مكنش ينزل و يسيبها يوم صباحيتهم بس عندو شغل كتير
مروه رمت الورقه بعصبيه هو مش هاممها اصلا
و لبست و نزلت تفطر
كانت حاسه طول الوقت انها هتشوف احمد و انو ف كل مكان بس حاولت تبعد
عنو و تنساه خالص لان مش هينفع يكون فيه حاجه بينهم و فعلا ابتدت تعمل كدا
أما كريم ف كان بيحاول يقرب منها كتير جدا رغم انو عارف انها مرات أبوه بس مش قادر يمنع إعجابه بيها
و مرت سنه تقريبآ و صحيت مروه لقيت الخدامين بيتكلمواو فرحانين جدا و فاروق فرحان
سالت في اي و اتصدمت أما عرفت أن ........