رواية زوجة مغترب ج٢
الفصل الثانى عشر والثالث عشر والرابع عشر
بقلم نسمه مالك
البارت ال12..
عن عقبة بن عامر رضي الله عنه قال: قال رسول الله صلى الله عليه وسلم: «لا تكرهوا البنات فإنهن المؤنسات، الغاليات، [الـمُجَهّزات]».
شرح الحديث :
معنى المؤنسات:
أي يستأنس بهن، للطف حديثهن، وحصول أُنس الأبوين والأهل بهن، ولين عريكتهن غالبا.
ومعنى الغاليات:
أي عظيمات القدر والقيمة والمنزلة عند الأبوين والأهل.
ومعنى المجهَّزات:
أي اللاتي يجهزن لتزويجهن (جهاز العروس)، ويقع اهتمام الأبوين والأهل بذلك، ويحصل لهم من الاهتمام والسرور به ما هو معلوم..
^^^^^^^^^^^^^^^^^^^^^^^^^^^^^^^
..بشقه مياده..
اخيرا..
توقف حسن عن ضرب ابنته..
اقترب منها ومال عليها جذبها من شعرها وتحدث بأمر..
حسن:تتعدلى يا بنت الكلب وتحافظى على بيتك وجوزك..
شد شعرها بعنف كاد ان يقتلعه من جذوره..هتعملى ايه؟؟..
بصعوبه وألم حاد همست من بين شهقاتها..
مياده:ببكاء حاد..هت هتعدل..
حسن:وايه؟؟..
مياده:بقهر..و و وهحافظ على بيتى..
دار بعيناه بانحاء الشقه وجذبها بقوه من شعرها وهب واقفا واشار بيده الاخرى على المفروشات وتحدث بغيظ..
حسن:دا منظر شقه؟؟!!..امسك فكها بين اصابعه بعنف ونظر لها بتمعن ليتفاجئ بفمها وانفها ينزفان بغزاره..
خفف اصابعه قليلا واكمل..جوزك بقاله اد ايه متغرب عنك وعن بيته..ولما يرجع المفروض يلاقى بيته نضيف ومراته انضف وعلى سنجه عشره..نظر للشقه بشمئزاز..
يرجع يلاقى البهدله دى..
نظر لها بستهزاء واكمل بسخريه..خلاص النظافه واخده حقها اوى معاكى..اشار بيده على عبائتها..ولبسه عبايه سوده ومنيله.. اييييييه انتى بت بنت كلب وش فقر ليه..
جذبها من ياقه عبائتها..دا ليه حق يتجوز عليكى مرتين تلاته مش مره واحده..دفعها بعنف..لتفقد هى توازنها من المياه الملقاه ارضا وكادت ان تسقط لكنها تحاملت على نفسها ووقفت تستمع له بعيون توقفت عن البكاء ولكن قلبها ينزف الما وجرحا عميقا..تحولت نظرته هو لاخرى غاضبه اكثر وتحدث بأمر..هطلعلك اخواتك وامك يعملو معاكى القرف اللى انتى عملاه دا وتعملى اكله حلوه لجوزك وتلبسى لبس عدل وتتصلى بيه تتأسفيله وتتحايلى عليه يرجع..اقترب بوجهه منها واكمل بوعيد..ولو فكرتى تغلطى تانى مش هتكون علقه بس..حرك راسه بالنفى وابتسم بصتناع..هخلص عليكى وادفنك جنب امى يا خلفه هم وغم..دفعها بكتفها..
اوعى من وشى..سار بخطوات غاضبه..تركا خلفه رماد انثى..
ولكن؟؟!!..هى بالحقيقه اصبحت نيران اسفل الرماد..
سار هو خطوه اثنان وبالثلاثه..
كان فقد توازنه وسقط على ظهره أرضا بقوه متأوها بصوته كله..وتحدث بنبره اوشكت على البكاء من شده ألمه..
ااااااه..منك لله يا مياده يا بنتى..مغرقه الارض ميه بصابون..
بلمح البصر..كانت اقتربت منه وجثت على ركبتيها بجوراها تتفحصه بلهفه وتتحدث ببكاء..
مياده:قوم يا بابا..اصمالله عليك يا حبيبى..
بحنان بالغ..تربط على كتفه تارا..ركبته تارا..وبحرص امسكت يده لفتها حول رقبتها وبصعوبه..ساعدته على الجلوس..
ينظر هو لها بصدمه وعيون متسعه على أخرها من شده زهوله..
فها هى ابنته التى هانها وضربها بكل قسوه..
لم تتحمل سقوطه امامها..وكانت اول عون له..
بلهفه..تربط على راسه و ظهره وتتحدث بقلق..
حاسس بأيه..فى حاجه بتوجعك يا بابا..
صامت..فقد ينظر لها..تحسست وجهه بيدها الصغيره واكملت برجاء..رد عليا يا بابا انت ساكت ليه..قولى ايه اللى بيوجعك يا حبيبى..
لهنا وانفجر حسن بالبكاء بنحيب..وصوت شهقاته تتعالى..
احتضنته هى بحنان ويدها تربط على ظهره وتتحدث بصعوبه من بين شهقاتها..فيك ايه يا بابا..ايه اللى بيوجعك..
لا يبادلها حضنها..فقط يتأوه بصوتا مسموع..
صوت خبط قوى بعدها عن حضنه سريعا واسرعت نحو الباب فتحته..
وبلحظه..كان مازن جذبها من خصرها داخل حضنه رفعها عن الارض..تمسكت هى بقميصه تجذبه للداخل وهمست بصعوبه من بين شهقاتها..مازن الحق بابا وقع على الارض..
خطى بها مازن للداخل سريعا..وجد حسن جالس ارضا ويحاول جاهد ان يقف لكن دون جدوى..
سبنى يا مازن وشوف بابا..
على مضض انزل زوجته من حضنه بعدما صرخت هى به ان يتركها..اقترب من حسن وود بشده ان يلكمه بوجهه ولكن بكاء ولهفه زوجته على والدها منعه..وايضا رأف بحال حسن الباكى لاول مره بحياته..مد يده له وساعده على النهوض..
اسرعت مياده بجلب كرسيى وجلس عليه والدها..
وجلست امام والدها على ركبتيها ممسكه بيده ويدها الاخرى تمسح دموعه بحنان وتحدثت بتوسل..
طمنى عليك يا بابا..حاسس بأيه..فى حاجه بتوجعك.. حاول حسن السيطره على بكائه بشتى الطرق..وبجمود مصتنع تحدث..
حسن:انا كويس..بس نزلت على العصعوصه..نظر لمازن الواقف ينظر لزوجته بعيون تلتمع بالدمع من هيئتها وقلب يعتصر ألما وتحدث بهدوء..مراتك عايزه تقولك كلمتين يا مازن..نظر لابنته يحثها على فعل ما أمرها به..
ابتلعت مياده ريقها بصعوبه..وهبت واقفه وهمست بتسائل..
مياده:يعنى انت كويس يا بابا..الحمد لله مافيش حاجه بتوجعك..
حسن:بصرامه..كويس..اشار بعينه على زوجها..شوفى جوزك..
اخذت مياده نفس عميق والتفت لزوجها بوجه مليئ بالكدمات اثر صفعها بقسوه..واثار دمائها على فمها وشفاتيها..
اغمض مازن عينه بعنف واضعا كف يده على جبهته..
رسمت هى ابتسامه على وجهها تخفى بها انكسارها وتحدثت كأله بلا روح..
مياده:انا اسفه يا مازن..انا غلطت فى الكلمه اللى قولتها..
نظرت لوالدها بحسره..فأشار لها ان تكمل حديثها..
عادت النظر لزوجها واكملت بعيون لامعه بالدمع تجاهد حتى تتحكم بها..ومش هعمل كده تانى وهتعدل واحافظ عليك وعلى بيتى..نهت جملتها واقتربت منه واقفت على اطراف اصابعها وقبلت وجنته اليمنى..
هم حسن على القيام..فاسرعت نحوه مياده واسندته وتحدثت بقلق..خليك مستريح شويه يا بابا انت رايح فين..
حسن:لا هنزل علشان اطلعلك امك واخواتك يعملو اللى قولتلك عليه ونمشى على طول..سارت بجواره هى للخرج..
فأوقفها مازن سريعا واقترب من حسن اسنده هو وتحدث بهدوء ما قبل العاصفه..
مازن:خليكى انتى يا مياده..انا هنزله..
خطى به مازن لخارج الشقه غالقا خلفه الباب وبلحظه كان قبض على رقبه حسن وهمس بغضب عارم بأذنه..
انت اييييه..ليه بتعمل كده فى بناتك..متعمد تكسرهم وتحسرهم بدل ما تبقى سندهم وضهرهم..
حسن:بصعوبه..انا عايزها تحافظ عليك وعلى بيتها..
مازن:بغيظ..عايزها تحافظ على بيتها بالاجبار..بالضرب..والاهانه وكسره النفس..انت كده هتخليها تكره اليوم اللى اتولدت فيه ولقتك ابوها..ابتلع غصه مريره..
مش كفايه انك سبب اساسى فى كل المشاكل اللى احنا فيها..
ابتعد بقبضه يده عنه واكمل بوعيد.. انا لغايه دلوقتى عامل حساب لمياده وانك راجل كبير..بعد كده مش هعمل حساب لاى حاجه وهخلص عليك بايدى واريح ولادك ومراتك والبشريه من اشكالك..
..اما بداخل الشقه..
ترتمى هى على سريرها..تبكى بنحيب بصوتا مكتوم..
توقفت عن البكاء سريعا حين حسمت قرارها وهبت واقفه بضعف وامسكت هاتفها وطلبت احدى الارقام..
وضعت الهاتف على أذنها وانتظرت الرد..
منه:بفرحه..بت يا دادا..واحشتينى..
مياده:بنهيار..منه..عايزه اطلب منك طلب..
منه:ببكاء لبكائها..اؤمرينى يا حبيبتى..
مياده:عايزه اجيلك من غير ما مخلوق يعرف..
منه:من عنيا يا حبيبتى..بكره احجزلك على اول طياره..
مياده:لا احجزى بعد 10ايام علشان احضر فرح اميره..
مسحت دموعها بعنف..هستحمل الكام يوم دول علشان خاطر اختى..وبعد كده محدش هيعرفلى طريق غيرك انتى يا منه..
^^^^^^^^^^^^^^^^^^^^^^^^^^^^^
..بمنزل خالد..
يجلسون جميعا بسهره عائليه..
يتابعون احدى الافلام..
بقلق..وتوتر..وخوف..تجلس مروه جوار زوجها..
شعر هو بها..فقترب منها التصق بها ملتف بيده حول خصرها..
استندت هى بيدها على صدره وهمت بالابتعاد بخجل..
فامسك هو ذقنها بيده الأخرى يحثها على النظر له وهمس بشفاتيه دون أصدار صوتا..
خالد:هشششش..متخفيش..ضغط على خصرها بكف يده برفق..خليكى فى حضنى..
ابتسمت له بستحياء..ومالت برأسها على كتفه..
لمحتهم ناهد..فاسرعت ورفعت كف يدها امام وجه عابد وهمست بسرها..
ناهد:الله اكبر..خمسه وخميسه..كان عندنا كتكوت وكبر وبقى ديك اد كده يا واد يا عابد..اشارت بكلتا يدها بوجهه..
عابد:بعبوس..انتى بتخمسى فى وشى يا ناهد..قصدك ان عينى وحشه..
ناهد:بنفى..لا يا حبيبى انت عينك حلوه وبتنقر..
كامل:ههههههه..عندك حق يا ام خالد..نظر لخالد..الواد دا هو اللى نقركم عين يا مروه يا بنتى..
عابد:بغضب مصتنع..طيب جوزونى يا جدعان..انا داخل على 28سنه ومن حقى كانسان انى اتجوز واتكاثر..
ناهد:هههههههه..تتكاثر..هههههههه..نظرت لمروه الصامته..
بت يا مروه عارفه الواد دا عايز يتكاثر مع مين..قصدى يتجوز مين..
مروه:بصوتا مهزوز بعض الشئ..يويو..
عابد:هههههههه..فهمتى دماغى انتى يا مرات اخويا..
اعتدل بجلسته واكمل بحماس..البنت عجبتنى اوى يا خالد..
خالد:بتعقل..يا حبيبى ربنا يفرحك طبعا بس لازم انت كمان تعجبها..
عابد:بثقه..طبعا هعجبها..اخوك بعون الله يعجب الباشا اللى هى يويو يعنى..
حركت مروه راسها بالنفى..فتنحنح عابد بحرج..احححم..
ايه يا ام ريتال انا معجبهاش ولا ايه..
مروه:بوهن..ايه مبتفكرش خالص فى الجواز..
عابد:باصرار..اخليها تفكر..
مروه:ببدايه تعب..هى احتمال تجيلى بكره علشان تجبلى كرت دعوه ليا وليكم لفرح اختها كمان كام يوم..
شعر بها زوجها..فهب واقفا وحملها بين يديه كطفلته وسار بها سريعا وتحدث بستعجال..
خالد:معلش يا جماعه مروه ليها علاج دلوقتى لازم تاخده وترتاح..
لهفه خالد وتوتره وقلقه الزائد..جعل الجميع ينظرون لبعضهم بندهاش..
صعد بها هو الدرج راكضا..وخطى بها لداخل شقتهم..
متمسكه هى به بكل قوتها..تجاهد وتجاهد حتى لا تستسلم لمرضها..تجز على أسنانها بعنف..وينتفض جسدها بين يديه ولكن ليس بقوه كالمرات السابقه..وبصعوبه شديده همست..
مروه:ودينى الحمام يا خالد..
ركض بها نحو الحمام بفرحه عارمه..يبكى ويضحك بأن واحد ويردد بسره..
خالد:الف حمد وشكر ليك يارب..
ساعدها بكل شئ بصدر رحب حتى نهت حمامها..ووجهه يبدو عليه السعاده الشديده..تتابعه هى ببتسامه خجوله..
حملها وسار بها للخارج..دافنه هى وجهها بعنقه وبصوتا مكتوم همست..
مروه:الفرحه اللى على وشك دى بتفكرنى بفرحتى بريتال اللى متتوصفش لما عملت بيبى فى البوتى..
جلس بها وجذبها على قدمه ضممها بكل قوته وتحدث بفرحه عارمه..
خالد:انا فعلا فرحتى متتوصفش..قبل وجناتيها بعمق..
الحمد لله يا حبيبتى ربنا استجاب لدعواتى..وفعلا الدكتور طلع عنده حق..قبل اسفل شفاتيها..الحاله النفسيه اهم حاجه فى علاجك..قبل شفاتيها قبل رقيقه متتاليه..طمنينى..
نفسيتك عامله ايه..
مروه:ببكاء..انا كويسه بيك انت يا خالد..احتضنته بكل قوتها..
قولتلك انت علاجى..ربنا ميحرمنيش منك..
ربط على ظهرها بحنان بالغ..
خالد:بحب شديد..ولا يحرمنى منك يا ام ريتال..
قبل كتفها..ان شاء الله هوديكى للدكتوره علشان نطمن اكتر..
امسك وجهها بين يديه يداعب انفه بانفها واكمل بمزاح..
ونقولها مرمر عملت بيبى فى البوتى..
ضحكت هى بقوه حتى ادمعت عيونها وارتمت داخل حضنه ملتفه بيدها حول خصره وبعمق قبلت موضع قلبه وهمست بعشق..
مروه:يديمك الفرحه والضحكه اللى فى حياتى يا قلب مرمر..
^^^^^^^^^^^^^^^^^^^^^^^^^^^^
..من مياده لوالدها..
..متهونش..
متهونش..عليا يا ابويا وانا هونت عليك وقسيت..
جرحت قلبى بأيدك..وبقلبى انا خوفت عليك..
ارحم ضعفى ودموعى وقوينى يا ابويا بيك..
دا انا بنتك حته منك لو هنت فى مره عليك..
متهونش يا ابويا عليا مهما منك انا قسيت..
ولو روحت فى يوم يا ابا منك..
متبكيش وتقول ياريت..
البارت ال13..
..خطه..
بشقه مياده..
أصرو ان ترتاح مياده وتنام قليلا..
اخذت حمام دافئ..وغصت بنوما عميق من شده تعبها..
بدموع منهمره..
اخيرا..انتهو اميره وايه من تنظيف شقه شقيقتهم..
ووالدتهم ايضا..اعدت لها اشهى الطعام..
يبكون بنحيب..بقهر وحسره..على ألم شقيقتهم..
وألمهم ايضا..كم تمنو رجلا غير والداهم..
رجلا يكن لم ظهر وسند..يد تكون للدافع عنهم وليس لضربهمن..
جلسو ارضا بجوار بعضهم يبكون بصمتا وصوتا مكتوم حتى لا يزعجو شقيقتهم..
اقتربت شيماء منهم وجذبتهم داخل حضنها ويدها تربط على ظهرهم بحنان بالغ وتحدثت بغصه مريره..
شيماء:بس يا ضنايا..كفايا عياط..متقطعوش قلبى زياده..
ايه:بغيظ شديد..انا نفسى اعرف الراجل اللى اتجوزتيه دا عجبك فيه اييييه؟؟!!..صمتت قليلا واكملت بزهول..
وازاى اصلا قدرتى تعيشى معاه كل السنين دى يا ماما..
ابتسمت شيماء بألم وبهدوء تحدثت..
شيماء:انا يا حبيبتى ابويا كان اقسى من ابوكو كمان..
تنهدت بصوتا مسموع واكملت بتعقل..كل اب وام بيحبو ولادهم وبيخافو عليهم بطريقتهم اللى دايما مبتعجبش ولادهم ابدا..وابوكو مش بس خايف..حركت راسها بنفى..
حسن مرعوب..انتو تلت بنات لا عم عدل ولا خال بيسأل والدنيا لهيه الناس عن بعضها..وهو ماصدق يجوز واحده فيكم لراجل هو شايف انه هيصونها..لما تيجى وتطلب الطلاق دى فى نظر ابوكو كارثه..وكل تصرفاته اللى بيعملها دى من شده خوفه عليكم..
اميره:بسخريه..خوف!!؟؟..انتى بتبررى الغلط يا ماما..
بكت بنحيب..عايزه تفهمينى ان ضرب بابا لمياده فى بيت جوزها خوف عليها..دا كسرها وحرق قلبها..
ايه:بفضول..مجوبتنيش على سؤالى يا ماما..
ليه وافقتى على جوازك من الراجل اللى خلتيه ابونا دا..
اغمضت شيماء عيونها بعنف..وبألم حاد تحدثت..
شيماء:اتغصبت على الجواز منه ومكنتش اقدر اقول لابويا لا..
اميره:ببكاء..واحنا اللى بندفع تمن جوزتك اللى بالغصب دى يا ماما..
ايه:ببكاء طفولى..ما انتى كلها كام يوم وتتجوزى يا اختى وهقعد انا فى وشه ادفع لوحدى..
نظرت اميره وشيماء لبعضهم ومن ثم انفجرو بالضحك من بين دموعهم وتحدثو بصعوبه من بين شهقاتهم..
شيماء:دا انتى يا يويو اللى هطلعى على عين حسن القديم والجديد..
اميره:اه والله يا ماما..انا ومياده خوفين..نظرت لأيه..
لكن البت الاوزعه دى بتاخد حقها تالت ومتلت..
انتبهو على اكثر من خبطه على الباب..
فأرتدو ثيابهم سريعا..واقتربت شيماء من الباب وفتحته..
خطى مازن للداخل..وبلهفه..دار بعيناه بأنحاء الشقه يبحث عن زوجته..وبألم حاد تحدث..
مازن:مياده فين يا ماما..
شيماء:بنظره عاتبه..نايمه فى اوضتكم..سارت نحو احدى الغرف واكملت بأمر..تعالى يا مازن عيزاك فى كلمتين..
سار خلفها وجلست هى على اقرب اريكه..
وجلس هو امامها وتحدث سريعا بندم..
مازن:قبل اى كلام انا عايز اعتذر..نظر لها بعيون تلتمع بالدموع..انا اسف على كل حاجه عملتها وزعلت مياده منى..
صمت قليلا يحاول السيطره على دموعه..
اقسم بالله ما كنت اقصد اخونها ولا اجرحها..
شيماء:بهدوء..عارفه..وواثقه انك بتحب مياده؟؟!!..
قطعها هو بلهفه..
مازن:انا بعشقها..مياده حب عمرى كله..
شيماء:بتحذير..وعلشان كده بقولك خلى بالك..
مازن:بقلق..اخلى بالى من ايه؟؟!!..
شيماء:مياده بنتى دلوقتى هاديه..وساكته..ومبتعيطش ولا بتشتكى..وبتسمع الكلام على الاخر..قولتلها خدى دش يا مياده..قالتلى حاضر..نامى شويه..حاضر..
مازن:بعدم فهم..قصد حضرتك ايه..وضحى كلامك..
شيماء:ببكاء..قصدى ان بنتى يا انكسرت واتغلبت على امرها وهتعيش معاك زيها زى اى حته عفش فى البيت..
بكت بنحيب اكبر..يا فى دماغها حاجه بتفكر فيها والحاجه دى هتوجعنا كلنا عليها..
شحب وجه مازن للغايه..وتعرق جبينه بوضوح..
وبدا جسده وصوته بالارتعاش..وبصعوبه تحدث..
مازن:انتى قصدك ممكن تعمل فى نفسها حاجه؟؟!!..
هبت شيماء واقفه وتحدثت بألم حاد يعتصر قلبها..
شيماء:شوف جسمها عامل ازاى وانت تعرف قصدى..
نهت جملتها واقتربت منه خطوه واكملت..
انا كنت بعتبرك ابنى لكن بعد اللى حصل لبنتى هترجع فى نظرى راجل غريب لحد ما اشوف بنتى زى الاول واحسن كمان..تحولت نظرتها لتهديد..
والله يا مازن لو بنتى جرالها اى حاجه ما هيكفينى رقبتك انت وابوها وابوك كمان..امسكت ياقه قميصه وهزته منها بعنف..بنتى أمانه معاك..نظرت له بتمعن..
أمانه مع راجل يصونها ويحميها..ابتسمت بصتناع..
بدل ما يصحى فى يوم من الايام يلقيها طفشت منه ومن القهر اللى عيشه فيه..
مازن:بتأكيد..مياده جوه قلبى وعنيا واحميها بروحى..
شيماء:هنشوف..كله هيبان يا مازن..
تركته وخرجت خارج الغرفه توجهت نحو غرفه ابنتها..
وجدتها تغص بنوما عميق وتأن بألم اثناء نومها..
اقتربت منها قبلت جبهاتها وملست على شعرها بحنان وخرجت مره اخرى حدثت بناتها بحنان..
يله بينا يا حبايبى اختكم رايحه فى سابع نومه..
اميره:نبقى نيجى انا وانتى نبص عليها بكره يا ماما..
نظرت لايه..وانتى ابقى وزعى الدعاوى على اصحابنا كلهم واصحاب مياده يا يويو..
ايه:بعبوس..طيب انا هلف على كل اصحابنا لحد ما ترجعو من عندها ومش هروح غير لما تيجو..
شيماء:بستعجال..يله بس خلينا ننزل لابوكى بدل ما نسمعلنا كلمتين فى جنابنا..
سارو الثلاثه للخارج غالقين الباب خلفهم..
انتفض مازن من شروده على صوت الباب..
ينظر حوله بضياع..ايقعل؟؟!!..
ان تتركه حبيبه قلبه وروحه كما يلقبها..
ايعقل ان يحدث لها مكروه بسببه..
حرك راسها بالنفى سريعا ودموعه تهبط بغزاره على وجنتيه وبأصرار حدث نفسه..
والله لعوضك عن كل تعب وألم وجرح شوفتيه يا مياده..
اخذ نفس عميق..ومسح دموعه وبلهفه وشوقا جارف..
سار بخطوات شبه راكضه نحو الغرفه النائمه بها زوجته..
بحذر..اقترب منها وبعد شعرها عن وجهها..نظر لها قليلا..
يتأملها بعشقا شديد..وبأصابع مرتعشه تخلص من قميصه وبقى بتيشرت حمالات اسود..
وجلس جوارها..يتفحص كل أنش بها بعنايه..
بين لحظه واخرى..تأن هى بألم..وينتفض جسدها بفزع..
اتسعت عيناه بزهول من كم الكدمات واثار الحزام على جسدها وخصتا ظهرها واخر ظهرها..
ووجهها..وشفاتيها المجروحتين..
بحرص شديد..حملها بين يديه اجلسها على قدميه وضمها بحنان بالغ داخل حضنه..
وبين النوم واليقظه همست هى بما شق قلبه لنصفين وجعله ينفجر ببكاء مرير..
مياده:بتعب شديد..يارب اموت وارتاح..
دون ارادته..شدد من احتضانها بكل قوته..تأوهت هى بضعف ودموعها بدأت تهبط بغزاره من عيونها المغلقه..
وبفزع ورعب تحدث..
مازن:بعد الشر عليكى يا حبيبتى..ربنا يجعل يومى قبل يومك..
رفعت يدها وضمته لها بخوف..متمسكه بيدها به بكل قوتها..
لحظات..وكانت غاصت بنوم عميق مره اخرى بين يديه..
لم يتركها..فقد اعتدل بجلسته..ومد يده داخل سرواله اخرج انبوبه مرهم للكدمات..وبدأ يدلك جسدها بمكان اصابتها..
وشفاتيه توزع على وجهها ويدها الالاف القبلات وبين كل قبله واخرى يعتذر لها بندم شديد.
..بشقه نجاه ونبيل..
اقتربت نجاه من شيماء واحتضانتها وهمست بأذنها..
نجاه:قولتى اللى اتفقنا عليه..حركت شيماء رأسها بالايجاب..
علت نجاه صوتها..نورتينا والله يا ام مياده انتى والبنات..
خفضت صوتها..ابو مياده ضلمنا..
شيماء:بهمس..ومضلمنا احنا كمان..ابقى اتصلى بيا وطمنينى على باقى الخطه..
نجاه:اطمنى..اول ما انفذها هكلمك على طول..بس ادعى من قلبك مياده ربنا يهديها وتطوعنى..
^^^^^^^^^^^^^^^^^^^^^^^^^^^^^
..خالد ومروه..
هى..
تتحسن بشكل ملحوظ..
هو..
له كل الفضل بتحسنها هذا..
فماذا لو كان فعل العكس..
زهدها..وابتعد عنها..تركها لوالدته تهتم بها وبمرضها..
ماذا لو نظر لها نظره مشمئزه..
كم كانت ستسوء حالتها اذا علم الجميع بمرضها..
كتم هو سرها..صانها وسترها..صبر عليها بمرضها..
منحها القوه والاطمئنان بحمايته لها..بحنانه عليها..
والأن سيفاجأها بشقاوته التى ستفرحها كثيرا..
^^^^^^^^^^^^^^^^^^^^^^^^^^^^^^
..خالد..
اعد مشروب المانجو المفضل لزوجته..
ملئ كوبا كبير جدا وخرج من المطبخ متجه نحوها..
جالسه هى امام التلفاز..تشاهد فيلم رومنسى ببتسامه رائعه على وجهها..
جلس جوارها..وجذبها على قدميه كعادته وبدأ يسقيها بيده..
تنظر له هى بهيام وعيون تفيض بالعشق..
يبادلها هو النظره باخرى حنونه وابتسامه فرحه تزين شفاتيه..
تحولت نظرته سريعا لاخرى عابثه وغمز لها وتحدث ببراءه مصتنعه..
خالد:ما تجيبى حبه طيب..
رفعت يدها وامسكت الكوب قربته على فمه..
عبس بملامحه وحرك رأسه بالنفى واكمل بجديه مصتنعه..
لا انا مش عايز حبه من هنا..
توردت وجناتيها بحمره الخجل وبصوتا مبحوح همست..
مروه:امال عايز منين؟!.
وضع الكوب من يده..وامسك وجهها بين يديه وهمس امام شفاتيها بانفاس لاهثه..
خالد:من هنا..نهى جملته والتهم شفاتيها بقبله عميقه..
قبله نابعه من قلب يحب حب صادق..
قلب تحمل حبيبته بكل حالاتها..
ابتعد عنها بصعوبه..وبدأ يوزع قبلات صغيره على كافه وجهها..حتى وصل لأذنها وهمس بخبث..
تيجى نلعب شويه..
مروه:بحماس..ياريت..احتضنته..تصدق نفسى العب معاك..
رفعت راسها تنظر له..بس هنلعب ايه..
ابتسم بتساع شديد..وتحدث بفرحه عارمه ظاهره بوضوح على وجهه..
خالد:هلعبك لعبه من ساعه ما اتجوزتك وانا نفسى العبها معاكى..نظر لها بجديه مصتنعه..بس دى عايزه جديه وتتقمصى الدور حلو ولو ضحكتى يبقى انا كسبت..
مروه:بفرحه..موافقه جدا..اسمها ايه بقى اللعبه..
خالد:بخبث..امسك متحرش..نظرت له بعدم فهم..
فاكمل هو..بصى يا ستى انتى هتقومى تعملى انك بتروقى الشقه وتعملى اكله حلوه كده يكون ابو ريتال بيحبها..
رقص حواجبه لها.. وانا بقى هقوم بدور المتحرش..
يريدها ان تتناسى ما حدث لها..ان تتعافى..وتستعيد توازنها بالحركه مره أخرى..
نظرت له هى بفهم..وببتسامه عاشقه تحدثت..
مروه:بس ابو ريتال مخلى الشقه زى الفل..وعاملنا احلى اكل كمان..
خالد:بعبوس..مثلى يا مرمر انك بتروقى..تقمصى الدور وادينى وش خشب كده ومافيش مانع من حبه تلج فى المشاعر..عض على شفاتيه..وانا ادوب التلج دا بطرقتى..
نظر لها بتحدى..ولا انتى بقى جبانه و خايفه تخسرى وانا اكسب..
مروه:بحاجب مرفوع..بقى كده..طيب انا هكسبك وهتشوف..
خالد:بحماس..ورينى..يله..
قبلت وجناتيها بعمق وهمست بحب..
مروه:وهعملك حاجه بتحبها خالص..
بلحظه..اختفى ضعفها..
تعبها..وهنها..
وفقط..ظهر رونقها..
لمعه عيونها..ابتسامتها الاكثر من رائعه..
وبفرحه شديده..هبت واقفه..وتقمصت شخصيه جديده عليها كليا..
وبدأو التحدى..
خالد..
..ذهابا وايابا..
يسير خلفها دون توقف..
مروه..
لا تعيره ادنى اهتمام..
فقط منشغله للغايه بترتيب المنزل وطهى الطعام..
يتعمد هو الاصتدام بها..
ويده الخبيثه تتسلل لخصرها تارا..لذراعها تارا..
لشعرها تارا اخرى..
صامته هى..تريد ان ترى الى اين سيصل..
خطت لداخل المطبخ ووقفت تعد الطعام بمهاره وحرفيه..
بخبث..اقترب منها التصق بظهرها وهمس بأذنها بجديه مصتنعه..
خالد:ايه دا انتى بتعملى كوسه بالبشاميل..التصق بها اكثر..
ومال على رقبتها يلثمها برقه..
انا اول مره فى حياتى اشوف كوسه طعمه كده..
جامده هى..لا يبدو عليها اى مشاعر..فقط برود تام..
وبنفاذ صبر تحدثت..
مروه:دا انت متحرش بقى؟!!..
خالد:بتاكيد..طبعا..نظرت له بعيون متسعه اكمل هو ببتسامه عابثه..ما انا متجوزك علشان اتحرش بيكى فى الحلال..
دفعته عنها بقوه..لكنه كالسند المنيع لم يبتعد عنها حتى انش واحد..
بل لف يده حول خصرها وضمها لداخل حضنه اكثر رافعها عن الارض ظهرها مقابل صدره..
جزت على اسنانها وتحدثت بغضب وغيظ..
مروه:ما تتلم يا جدع انت فى يومك دا بقى..
دفن وجهه فى شعرها يستنشق رائحته بهيام وهمس بانفاس لاهثه..
خالد:ما تلمينى انتى يا مجننه الجدع..
اقترب بوجهه من وجناتيها وقبلها بعمق رغم اعتراضها..
وبأصرار شديد همس بأذنها..
هفضل رزعك جوه حضنى كده لحد ما نار قلبى وشوقى ليكى يدوبو الجليد اللى محصنه قلبك بيه..
تتحكم بنفسها بصعوبه حتى لا تخسر التحدى..
ولكن يده التى تسللت لخصرها تتحسسه بخبث جعلتها تضحك بعلو صوتها..ومن بين ضحكاتها تحدثت..
مروه:هههههههه انت بتخم على فكره..
اعتدلت داخل حضنه وجهها مقابل وجهه..
خالد:بعبث..لا انا بسيح التلج..قبل عنقها..
انت خسرت يا جميل..ابتسم بفخر..
ايه رايك فيا وانا متحرش..
تضحك هى بقوه..وتنظر له بزهول..فهو يظهر لها جانب جديد من شخصيته..
وبحب شديد تحدث..
مروه:انا مخسرتش..امسكت يده رفعتها على فمها وقبلت باطن يده بعمق..انا كسبت احسن راجل فى الدنيا..
ضحكت بقوه..واحسن متحرش كمان هههههههه..
قبل هو جبهتها بحب وتحدث بحنان..
خالد:ربنا يديملى ضحكتك الحلوه دى يا حبيبتى..
سار بها للخارج واكمل بأمر..تعالى بقى اقعدى ارتاحى شويه وانا هخلص الأكل واجيبه واجيلك..ناكل وتاخدى علاجك وننام علشان اوديكى للدكتوره بكره ان شاء الله..
مروه:بفخر..انا مش محتاجه دكتوره يا خالد..قبلت لحيته..
انا عندى جوزى دكتورى الخاص..
^^^^^^^^^^^^^^^^^^^^^^^^^^^^
مر اليوم بسلام..
مياده..نائمه بحضن زوجها لساعات طويله..
واخيرا اشرقت الشمس بنورها..
فتحت عيونها بضعف..لتجد نفسها نائمه فوق جسد زوجها..
ويده ملفوفه حولها بحمايه..
يغص هو بنوما عميق لسهره بجوارها طيله الليل..
نظرت له قليلا..تتأمل ملامحه..
تتنفس انفاسه..يا الله لو يعلم هو كم تعشقه..
بشتياق شديد..قبلت اسفل شفاتيه برقه..
وببطئ..انسحبت من بين يديه وهبت واقفه واتجهت لخارج الغرفه..
وكعادتها..جهزت اشهى فطار واخذت حمامها وارتدت اسدالها وحملت صنيه الطعام ونزلت بها للاسفل..
خبطت على الباب..ففتحت لها نجاه بلهفه وتحدثت ببكاء..
نجاه:انا عارفه انك اصيله وبنت اصول يا مياده..
مياده:بجمود..اتفضلى دا فطارك انتى وعمى..
نظرت لها نجاه بستغراب..وكلمه عمى اخترقت سمع نبيل جيدا..
فقترب من الباب لتتسع عيناه بصدمه من كدمات وجهها اغمض عينه بعنف وبغصه تحدث..
نبيل:عمى؟؟!!..نظر لها..من امتى بتقوليلى يا عمى يا مياده..
كنتى بتقوليلى يا بابا..
مياده:ببتسامه متألمه..لأن دى الحقيقه..حضرتك حمايا مش ابويا..نظرت لحماتها..عايزه حاجه تانى يا حماتى..
عن اذنكم هطلع احضر فطار لجوزى..
همت بالتحرك..لكن صوت الصغير اوقفها ثانيا..
ركض بكل سرعته ومر بين جده وجدته وارتمى بحضنها وتحدث برجاء..
ادم:ممكن اتى معك للاعلى عند ابى رجاءا خاله مياده..
مياده:ببتسامه حنونه..نعم صغيرى..جلست على ركبتيها امامه تنظر لملامحه بزهول..يشبه زوجها كثيرا..بكافه شئ..
انه فقط نسخه مصغره منه..
داعبت انفه باصابعها وامسكت يده وهبت واقفه وتحدثت بتسائل..اخده معايا فوق..
نجاه:بتهيده..تعالو معايا الاول عند الطيور على السطح..
غمزت لمياده..عيزاكى تروقيه معايا..نظرت لزوجها بشرار..
اقعد انت افطر يا اخويا..انا مليش نفس..
صعدو سويا للطابق الأخير من العماره..
جلست نجاه على اقرب مقعد تلتقط انفاسها..
بجوارها مياده..وعلى قدمها جلس الصغير..
ربطت نجاه على ظهر مياده بحنان وتحدثت بندم..
نجاه:حقك عليا يا حبيبتى..متزعليش..ولا تقهرى نفسك وانا وامك هنجبلك حقك من مازن ومن ابوكى ومن حماكى كمان..
مياده:بعدم فهم..ازاى؟!!..
نجاه:بتعقل..انتى هتطفشى يا مياده..نظرت لها مياده بعيون متسعه من شده زهولها..اكملت نجاه بهدوء..
هتكتبى جواب فيه كل حاجه وجعتك وزعلتك وقهرتك فى يوم وتكتبى كمان اللى كنتى بتتمنى انه يحصل..
وتسبيه لمازن..
مياده:وبعدين..اطفش اروح فين..
نجاه:بخبث..مش هتروحى فى حته..
مش هتسيبى بيتك اصلا..
البارت ال14..
..بمنزل خالد ومروه..
يويو..
تقف امام المنزل واضعه هاتفها على اذنها تنتظر حتى يأتيها الرد..
مروه:بت يا يويو..عامله ايه واحشانى..
يويو:الحمد لله يا ابله مروه..انا قدام البيت عندك..
جيبالك دعوه فرح اميره..
مروه:طيب اقفلى وانا ثوانى يا حبيبتى وهفتحلك..
اغلقت الهاتف ونظرت لزوجها..
خالد ايه صحبتى تحت هنزل افتحلها..
نهت جملتها واسرعت برتداء اسدالها..
هب خالد واقفا واحتضانها من ظهرها مقبلا كتفها بعمق وتحدث بهمس ويده تملس على وجناتيها بحنان..
خالد:انا هنزل اقعد مع عابد علشان تقعدو براحتكم..
قبل عنقها بنهم..ولما صحبتك تمشى نادى عليا علشان عايز اقولك حاجه مهمه..
بخجل..حركت رأسها بالايجاب..وارتدت حجابها..
وسار بها للخارج ملتف بيده حول خصرها..وبين لحظه واخرى يقبل جبينها ووجناتيها ويدها بحب شديد..
خطى هو لداخل شقه والده..واكملت هى وفتحت الباب..
مروه:بترحاب..يا مرحب بيويو القمر..
اقتربت ايه واحتضانتها..تعالى يا حبيبتى..مياده مجتش معاكى ليه..
ايه:بدموع تلتمع بعيونها..مياده فى بيتها وماما واميره هيرحولها..معلش انى جيالك بدرى كده بس انا لسه هلف على كل اصحابنا..
مروه:بفهم..لسه مياده وجوزها مترضوش..حركت ايه رأسها بالنفى واكملت بألم..وبابا زودها اكتر..حركت مروه راسها بأسف..
فاكملت ايه ببتسامه..اتفضلى يا ابله مروه دى دعوه فرح اميره انتى مش محتاجه دعوه طبعا بس دى ماما بعتاها لطنط حماتك..
مروه:طيب تعالى بس ادخلى يا بنتى احنا هنتكلم على الباب..
ايه: لا انا مش هينفع اقعد..بقولك لسه هلف على باقى اصحابنا..
مروه:بأصرار..والله لتدخلى ترتاحى شويه ونفطر سوا علشان تقدرى تلفى..نهت حديثها وجذبتها للداخل واغلقت الباب خلفها.. صعدوا سويا للاعلى ومروه تربط على ظهر ايه بحنان وتحدثت بود..هتحكيلى ايه سبب الدموع اللى فى عنيكى ولا هتخبى على مرمر..خطو لداخل الشقه..فنظرت ايه لمروه قليلا ومن ثم انفجرت ببكاء حاد وارتمت بحضنها تبكى بنحيب..احتضانتها مروه بحنان وتحدثت بقلق..
ايه بس يا حبيبتى..لسه باباكى بيزعلكو..
ايه:بصعوبه من شده بكائها..بابا هيموتنا بحسرتنا وكسره نفسنا..
مروه:بتعقل..متقوليش كده يا يويو باباكى بيخاف عليكم بزياده..
ابتعدت عنها ايه وتحدثت بغيظ..
ايه:خوف ايه اللى هيقضى علينا دا..دا انا كرهت نفسى واليوم اللى اتولدت فيه والرجاله كلها بسببه..
مروه:يا بت يا بكاشه انتى..دا انتى بتاخدى حقك عن مياده واميره..سحبتها على المطبخ..تعالى نعمل فطار واخد رايك فى العريس اللى اتجنن من ساعه ما شافك..
ايه:بشمئزاز..عريس!!؟؟..اعوذ بالله..لا يا ابله مروه انا مش هتجوز راجل ابدا..
مروه:هههههههههه..امال هتتجوزى ايه يا يويو..
دكر بط..هههههههه..
ايه:بتنهيده..ولا حتى دكر وز..انا مش عايزه اتجوز اصلا..
ابويا كرهنى فى صنف الرجاله كله..وابيه مازن هو كمان أكدلى انهم صنف لا يؤتمن..
..بشقه والده خالد..
خطى خالد هو وصغيرته لغرفه شقيقه ممسك بيده رشاشه مياه..وضعها بيد الصغيره ووجها لوجه شقيقه النائم بعمق..
ودون سابق انظار اغرقه بالمياه بكثره..
وصوت ضحكاته هو وصغيرته تتعالى..
انتفض عابد بفزع وتحدث بغيظ..
عابد:عاااااااااا..كفايه..
خالد:ههههههههه..قبل صغيرته..شطوره يا تيتى صحيتى عبوده..
عابد:بغضب مصتنع..انت وبنتك اتفقتو عليا يا خالد..
نظر للصغيره..بعتينى فى لحظه يا تيتى وانا اللى فاكر انى لوحدى اللى حبيبك..
خالد:بفخر..بنت ابوها يا ابنى..قبلها بحب..حبيبه ابوها..
نظر لشقيقه..قوم بس خلينا نتكلم فى الشغل..
عابد:بكسل.. لا مش قادر اقوم دلوقتى سبنى انام شويه..
خالد:بخبث..طيب براحتك..سار للخارج وحدث الصغيره..تعالى يا تيتى اطلعك لماما علشان طنط ايه عايزه تشوفك..
بسرعه البرق..كان هب عابد واقفا وركض نحو شقيقه وتحدث بفرحه بلهاء..
عابد:هى يويو فوق..
خالد:بحاجب مرفوع..يويو دى مين ان شاء الله؟!!..
عابد:بلهفه..ايه يا خالد اللى كنت بكلم مروه عليها قدامك..
خالد:بعبث..اه افتكرت..ايوه هى فوق مع مرو؟؟!!..
لم يكمل حديثه..فقط ركض عابد نحو المرحاض وغسل وجهه سريعا وصفف شعره بعنايه وعاد مره اخرى لغرفته وارتدى ترنج رياضى أسودوخرج كالمدفع متجها لاعلى..
ليوقفه صوت خالد الصرام..
انت يا اخينا يلى رامح زى الخيل انت..اقترب منه..
على فين العزم كده ان شاء الله؟؟..
عابد:ببتسامه متسعه..طالع عند يويو..
خالد:بندهاش..يويو!!؟؟..نظر له بتحذير..
عابد البنت ضيفه فى بتنا اعقل كده وقولى انت ناوى على ايه..
عابد:بجديه..والله ناوى كل خير..انت تعرف ان اخوك بتاع لف ودوران..
خالد:لا يا حبيبى انا متأكد انك زى الجنيه الدهب..
عابد:طيب تعالى نطلع سوا..
خالد:لا مش هينفع نطلع..هنرحجها وممكن تقوم تمشى..
تعالى بس ادخل نتكلم فى الشغل وهى نازله مع مروه اكيد هتفوت علينا..
عابد:بعبوس..طيب تعالى نقعد فى المدخل..لاحسن تمشى من غير ما نشوفها..
خالد:بعبث..دا انت واقع على بوزك بقى..
عابد:بهيام..عجبانى اوى..اوزعه بس عسل بنت اللذينه..
خالد:ربنا يكتبلك كل خير يا حبيبى..بس ركز معايا كده..
عايزين نشترى حته ارض فى منطقه حلوه نعملها معرض سيارات..ايه رايك..ولا انت ناوى تتغرب تانى..
عابد:بتنهيده..حلوه اوى الفكره دى وهتبقى مربحه..
واطمن انا مش هتغرب تانى..كفايه كده انا استويت..
عايز اتجوز يويو واستقر بقى؟!!..
قطع حديثه وهب واقفا عندما استمع لصوتهم يقترب..
مروه:يا بنتى اقعدى شويه لسه بدرى..
ايه:مش هينفع اتاخر اكتر من كده علشان لسه هروح اعمل بروفه على فستانى ودى لوحدها فيها ساعتين تلاته على ما اظبطه عليا..
مروه:طيب تعالى سلمى على ماما واديها الدعوه هتفرح اوى لما تشوفك..لمحت ايه خالد وعابد الواقفين..
ايه:دون ان تنظر لهم..السلام عليكم..
عابد:ببلاهه..وعليكم السلام..عض شفاتيه ونظر لشقيقه وهمس برجاء..
انت اخويا الكبير لمنى وجوزنى بدل ما انحرف..
نظر له خالد بعيون متسعه وعاد كلتمه بزهول..
خالد:تنحرف؟!!..
سحبتها مروه لداخل شقه حماتها..
مروه:ماما..انتى فين..
ناهد:تعالى يا مرمر انا فى المطبخ يا ضنايا..
وضعت مروه يدها على كتف ايه وسارت بها للمطبخ..
ماما فاكره يويو اخت مياده صحبتى..
اقتربت ناهد من ايه واحتضانتها بحب وتحدثت بطيبه شديده..
ناهد:ماشاء الله.. الله اكبر.. طبعا فكراها..دى بقت عروسه زى البدر يا بت يا مرمر..
ايه:ببتسامه..ربنا يخليكى يا طنط..مدت يدها بالدعوه..اتفضلى ماما بعته لحضرتك دعوه فرح اميره اختى..
ناهد:يا الف بركه..ربنا يكملها على الف خير يا حبيبتى..
وعقبالك يا يويو..
خطى عابد لداخل المطبخ وامسك كوب مياه يتناوله بتلذذ وعيناه مثبته على ايه يتاملها بأعجاب واضح..
همت ايه بالسير وتحدثت بخجل..
ايه:طيب انا هستاذن..عايزه حاجه يا ابله مروه..
ناهد:مستعجله ليه بس اقعدى يا حبيبتى افطرى معانا..
ايه:مش هينفع والله عندى مشاوير كتير اوى لازم اخلصها انهارده..
عابد:بجديه مصتنعه..ياااه دا انا كمان عندى مشاوير كتير جدا انهارده..نظر لايه..اتفضلى معايا يا انسه ايه انا هوصلك فى طريقى..
ايه:دون ان تنظر له..لا متشكره..
عابد:بأصرار..لا متشكره ايه..قوليلها يا ام ريتال..
ايه:بتجاهل لحديثه..اشوفك فى الفرح بقى يا ابله مرمر اوعى تنسى..
نهت جملتها وسارت للخارج بخطوات سريعه..
يقفز عابد عن الارض ويهمس بغيظ شديد..
عابد:قوليلها تستنى هوصلها..
مروه:مستحيل توافق متحرجش نفسك..
عض عابد شفتيه وتحدث بتأكيد..
عابد:انا راشق فى الفرح دا..
ناهد:وماله يا حبيبى نروح كلنا سوا ويمكن يحصل قبول ونخطبهالك فى الفرح انا شوفت افراح كتير بتتخطب فيها اخت العروسه..
مروه:بتمنى..ياريت والله يا ماما..بس ايه توافق..
لانها مبتفكرش فى الجواز خالص دلوقتى..
عابد:بشرود..انا هخليها توافق ومش هنخطبها بس..
ابتسم بهيام..هكتب عليها كمان..
اقترب خالد من زوجته ووضع يده على كتفها قربها لداخل حضنه وتحدث بحنان..
خالد:فطرتى وختى علاجعك..
مروه:بخجل..كلت معاها حاجه بسيطه كده..
نظرت له بعيون عاشقه.. علشان نفطر انا وانت سوا..
قبل جبهتها بعمق وهمس بعشق..
خالد:طيب تعالى عيزك فوق افطرك واديكى العلاج و..
غمز لها بعبث..وبنتك بتلعب مع جدها..
امسك كف يدها وسحبها خلفه وسار للخارج متجه نحو شقتهم..
عابد:بعبث..طيب يا عم خالد الله يسهلك ياعم..
رفع يده للسماء..عقبالى يارب..
ناهد:تخمس بوجهه وتقرا الكتير من الايات القرأنيه بسرها..
^^^^^^^^^^^^^^^^^^^^^^^
..مرت عده ايام..
واليوم حفل زفاف شقيقه مياده..
بمنزل مازن ومياده..
مياده..
اصبحت دائما..صمته..شارده..
عيونها تلتمع بالدموع..
وايضا..مطيعه لاقصى حد..لا تنطق سوا كلمتين..
نعم..حاضر..
فقدت رونقها..هزل جسدها قليلا..لا تأكل غير لقمات قليله..
كالساعه..ترى واجبات بيتها وزوجها على أكمل وجهه..
حتى ابن زوجها..اصبح لا يفارقها..تهتم هى به كأم وطفلها..
اما زوجها..
يعاملها بكل ما يملك من عشق خالص لها..
وبدا يرتاح قليلا وظن انها قد بدات تتناسى خطأه..
ولكن!!؟؟..هى فقط اصبحت نار أسفل الرماد..
لا تكف عن التفكير..تريد ان تتأخذ قرار صحيح حتى لا تندم..
اليوم ستحسم أمرها..فقد تطمئن على شقيقتها وبعدها ستنفذ قرارها..
..كعادتها..
استيقظت بالصباح الباكر..وتوجهت نحو المطبخ لتحضير الفطار لحماتها وحماها..
توقف مكانها بتفاجئ حين وجدت اشهى الطعام جاهز وموضوع على الرخامه وبجواره ورقه مدون عليها..
(حبيبه قلبى انا حضرت الفطار ونزلته لبابا وماما ودا فطارنا لما تصحى رنى عليا اطلعلك نفطر سوا..بحبك اوى..)..
تنهدت بألم شديد يعتصر قلبها..واغمضت عيونها بعنف لتهبط دمعه حارقه على وجناتيها مسحتها سريعا..
وجلست ارضا تستند بظهرها على الحائط وضمت ركبتيها لصدرها وبدات تبكى بصمت كعادتها وتتذكر ماحدث لها اثناء حديثها مع حماتها..
..فلاش باااااااااااااااااك..
..بقلب احدهم..
ألم وجرح عميق لن ولم ينسى..
..مياده:بعدم تصديق..حضرتك عايزه تفهمينى انك هتيجى على ابنك وتقفى فى صفى!!!؟؟؟..
حركت رأسها بالنفى..معتقدش..
نظرت لها نجاه ببتسامه متألمه وعيون تلتمع بالدمع وتحدثت بهدوء..
نجاه:لا صدقى..صمتت قليلا..لأنى اتجرحت قبلك ودوقت من نفس الكاس اللى انتى بتشربى منه دلوقتى يا بنتى..
بصدمه وعيون متسعه تستمع مياده لحديث حماتها..
تنهدت نجاه بصوتا مسموع واكملت..هقولك على سر وعارفه انك هتصونى سرى يا مياده ومش هتجيبى سيره لمازن..
نظرت لها مياده بهتمام..تنهدت هى بصوتا مسموع وحاولت السيطره على دموعها وببتسامه متألمه تخفى بها دموعها تحدثت..
انا اتجوزت عيله بنت 16سنه..قعدت مع حماتى فى الشقه..جزت على اسنانها والله يرحمها كانت تطيق العمى ولا تطقنيش..كنت درتها مش مرات ابنها..لوه فمها اكثر من مره..ما عمك نفس عينه جوزك حيله امه لا ليه اخ ولا اخت..المهم..اول ما اتجوزت حملت على طول بس للاسف مكنش بيعشلى عيال..كنت احمل ولما اوصل لسابع او التامن العيل يموت فى بطنى..
هبطت دمعه حارقه على وجناتيها مسحتها سريعا..
الحمد لله 3صبيان وبنت ماتو منى قبل مازن..
اغمضت مياده عيونها بألم وتأثر لتهبط دموعها بغزاره على وجناتيها..ربطت نجاه على ظهرها واكملت..
طبعا حماتى واهل جوزى بقو هيتجننو على عيل..
والدكتور قال ان ليا علاج بس هياخد وقت..
فضلت على كده كذا سنه..حماتى بقى فضلت تزن على دماغ جوزى علشان يتجوز..والزن على الودان أمر من السحر..
هبطت دموعها بغزاره..قالتلو بدل ما عمال تصرف فلوسك على علاجها اتجوز عليها اسهل..وللاسف جوزى وافق..
وبداو يدورو على عروسه..لكن مكنش حد بيوافق بيه حالته على اده اوى وحماتى سمعتها كانت سبقاها انها ست جامده وقادره فالناس كانو بيخافو على بناتهم..
لحد ما اخيرا لقى بنت واحد غلبان ووافق عليه وكتب على بنته واتفق هتعقد معايا انا وحماتى فى الشقه..
مياده:بصدمه..وحضرتك وافقتى وسكتى؟؟!!..
نجاه:لا طبعا..سبت البيت وروحت عند اهلى..ضحكت بشده ودموعها تهبط على وجناتيها بغزاره..ورجعت فى نفس اليوم ولوحدى..نظر لها مياده بعدم فهم فأكملت هى..
بصراحه هو حقه انه يتجوز بس انا كنت عايزه اهج من حماتى..الله يرحمها كانت موريانى ويل الويل..
وابويا الله يرحمه كان طيب اوى اوى طيبه بهبل زى ما بيقولو..
عمى الكبير بقى كان العكس كان جاحد وقلبه قاسى لابعد الحدود..
غصب عليا ارجع والا هيطخنى بالنار..شهقت مياده بعنف..
حركت نجاه راسها بالايجاب..ايوه يطخنى ويعملها..
ابويا بقى يعيط بالدموع علشان ارجع لجوزى من كتر خوفه عليا..اتغلبت على امرى ورجعت..
مياده:بفضول..وفين اللى عمى اتجوزها دى دلوقتى؟؟!!.
نجاه:بتنهيده..اتجوزها وجابها معايا انا وحماتى والشقه كانت اوضتين..اليوم اللى يبات فيه معايا حماتى تبات معاها واليوم اللى يبات معاها حماتى تبات معايا..
وطبعا معامله حماتى كانت زى الزفت لينا احنا الاتنين..
البت مستحملتش معاملتها وبعد ما حاملت سقطت نفسها بالقصد وكانت هتموت فيها وطلبت الطلاق وابوها على اد ما هو غلبان كده بس خاف على بنته ومجبرهاش على العيشه ووقف جنبها وطلقها من جوزى الموكوس ابن امه..
مياده:بدموع..بس انتى كنتى عارفه..وكل حاجه كانت بعلمك..لكن انا كنت عايشه مخدوعه اكتر من ست سنين ومفكره انى اول واحده فى حياه جوزى..
زى ما هو اول واحد فى حياتى..
نجاه:بتعقل..ابنى غلط زى ابوه..واستسهلو..نظرت لها مياده بعدم فهم..ابوه مستحملنيش فى تعبى وجرى سمع كلام امه وقهرنى وجبلى دره..وابنى مستحملش كلمتين من ابوكى وبايعنا اللى ورانا واللى قدمنا وقال يا غربه رغم انه لو كان صبر كان ربنا هيرضيه هنا بوظيفه كويسه لكن هو استسهل وقال هتعب هنا 10 سنين لا اتغرب واللى هعمله فى 10 سنين هنا اعمله فى 5سنين بره..وسابك وراه وانا وابوه هنا بنكح تراب على ما ربنا كرمه ومن عليه ووقف على رجله..
مياده:ببكاء..بس مازن مغلطش فى حقى لوحده..خفضت رأسها بأحراج..ابويا اتفق معاه ميجبليش سيره..
نجاه:بحزم..برضو ابنى غلطان..كان لازم يصرحك..
همت نجاه بأكمال حديثها لكنها انتبهت على رنين هاتفها..
دى اكيد امك يا بت يا مياده..
مياده:بزهول..هى ماما كمان عارفه..حركت نجاه راسها بالايجاب وردت بلهفه..
نجاه:ايوه يا ام مياده..انا قاعده مع مياده اهو بقولها على اللى اتفقنا عليه..
شيماء:بقلق..وقالتلك ايه؟؟!!..كانت ناويه تعمل كده صح يا ام مازن..صرحينى يا اختى انا هموت من القلق عليها..
نجاه:اطمنى يا شيماء مياده عقله خديها معاكى اهى..
اعطتها الهاتف..
مياده:ببكاء..ايوه يا ماما..
شيماء:ببكاء ايضا..ياحبيبتى حقك عليا انا..متقهريش نفسك يا ضنايا..
مياده:مقهوره؟!!..انا اتكسرت يا ماما..بكت بنحيب..ابويا كسرنى ورخصنى اوى يا ماما..
شيماء:بأصرار..هجبلك حقك..والله لهجبلك حقك واعرفهم كلهم قيمتك يا حبيبتى..ابتلعت ريقها بصعوبه..بس بحلفك بالله يا مياده اوعى تحرقى قلبى عليكى..اسمعى كلامى انا وحماتك واحنا هنقف فى ضهرك ونجيب حقك وحقنا من عنيهم..شعرت بباب الغرفه يتفتح عليها مسحت دموعها سريعا وغيرت حديثها..طمنينى عليكى يا حبيبتى..
خطى حسن لداخل الغرفه ونظر لها بشرار..
مياده:بغصه مريره..الحمد لله..
شيماء:هتيجى امتى يا ضنايا علشان نشوف هنعمل ايه فى الحاجه اللى ناقصه لاختك..
اقترب منها حسن وخطف الهاتف من يدها وتحدث بصرامه..
حسن:بت انتى خليكى مع جوزك متجيش..
جوزك لسه راجع من غربته مينفعش تسبيه وتيجى..
اغمضت مياده عيونها بعنف لتهبط دموعها بحسره على وجناتيها بغزاره..
شيماء:بغضب..انت بتقول ايه يا راجل انت..
دا بدل ما تقولها هاتى جوزك وتعالى تفرح معانا ونفرح اختها..
حسن:بستفزاز..جوزها يجى فين..لا احنا هناخد رحتنا ولا هو كمان هيرتاح..اسمعى يابت انا هوجع دماغى ليه خدى امك معاكى اهى وانا هكلم جوزك اقوله مشوفش وشكم غير يوم الفرح وفى القاعه كمان..
مياده:برجاء..خلاص يا بابا والله مش هاجى بس متكلمش جوزى وتقوله كده وترخصنى زياده..
حسن:بغضب..انا برخصك يا بنت الكلب..
دا بدل ما تقوليلى كلامك صح يابابا وانا هترزع فى بيتى وافضل مع جوزى..لكن هتقولى كده ازاى ما انتى بت وش فقر وهتجننى وتطلقى وتخربى بيتك يا خلفه الهم والغم..
خطفت شيماء الهاتف من يد زوجها وصرخت بوجهه بعلو صوتها..
شيماء:كفااااايه بقى..انت ايه يا اخى..ارحمها شويه البت هتموت بحسرتها من اللى بتعمله فيها يا ظالم؟؟!!..
اسكتها هو بصفعه قويه هبطت على وجهها وتحدث بغضب عارم..
حسن:انا ظالم يا هانم ولا انتى اللى معرفتيش تربى وبنتك رايحه تقول لجوزها عايزه اجرب واحد غيرك..
دا بل ما تقوليلها افضلى تحت رجل جوزك واستسمحيه طول عمرك لحد ما يرضى عنك..
تنظر له شيماء بجمود..بدموع تابى النزول وببتسامه مصتنعه تحدثت..
شيماء:افترى كمان وسوق فى ظلمك يا حسن..
اقتربت خطوه منه ونظرت لعيناه بتمعن..
بس مترجعش تندم وتقول ياريت..
نظر لها بشمئزاز وسار للخارج وهو يسب ويلعن بسره..
امسكت الهاتف وحدثت ابنتها بصرامه..
شيماء:اجمدى يا مياده..اخذت نفس عميق..علشان انتى اللى هترجعى حقك وحقى وحق حماتك كمان..
مياده:ببكاء..عيزانى اعمل ايه يا ماما..
شيماء:ببكاء..يوم فرح اختك بعد ما الفرح يخلص قولى لجوزك عايزين نقضى ليله فى اى فندق وبعد ما تتاكدى انه نام تستنى لما النهار يطلع و تكونى مجهزه جواب كاتبه فيه كل حاجه زعلتك ووجعتك وكلمتين كده يصحصحو ضميره وضمير ابوكى قابله وتسبيهولو وترجعى لحماتك الشرقيه..
نهايه الفلاش بااااااااااااااك..
فاقت من شرودها على يد زوجها..
انتفضت بفزع..فجذبها هو داخل حضنه وتحدث بغصه..
مازن:سرحانه فى ايه كل دا..قبل جبهتها..انا قاعد جنبك بقالى ساعه..
مياده:دون النظر له..مختش بالى..حاولت الابتعاد عنه..
خلينى اخلص اللى ورايا علشان نجهز ونسافر لاميره..
علشان هتعمل سيشن بعد العصر..
حملها بين يديه وسار بها نحو الحمام وهمس بأذنها..
مازن:طيب خلينى اساعدك تاخدى دش علشان تفوقى..
حركت رأسها بالايجاب وعادت مره اخرى لشرودها تاركه نفسها له يحركها هو كدميه فاقده القدره على الاعتراض..
حتى انتهى..لف حول جسدها منشفه كبيره وسار بها للخارج..
وبدا يساعدها على ارتدأ ثيابها..وجذبها على قدميه وبدا يمشط شعرها وتحدث بهدوء..
فى شركه هندسه بتاعت واحد صحبى وواحده شريكه معاه..كلمنى وطلب منى اشاركه..قبل عنقها بعمق..
ايه رايك أشاركه..
مياده:براحتك..زى ما تحب..
ملس على شعرها بحنان..وتحدث باسف..
مازن:بس فى مشكله..الشركه حلوه جدا وموقعها ممتاز لكن شريكته مش راضيه تبعلى نصبها..
مياده:بجديه مصتنعه..اتجوزها علشان تبعلك نصبها..
مازن:بعبث..تخيلى صاحبى قالى كده فعلا؟؟!!..
🌹🌹🌹🌹🌹🌹🌹🌹🌹🌹🌹🌹
عندنا فقط ستجد كل ما هوه جديد حصري ورومانسى وشيق فقط ابحث من جوجل باسم كرنفال الرويات وايضاء اشتركو على
قناتنا ايضا كرنفال الرويات
🌹🌹🌹🌹🌹🌹🌹🌹🌹🌹🌹🌹🌹🌹
لقراة فصول الجزء الاول كامله اضغط هنا
لقراة باقي الفصول الجزء الثاني اضغط هنا