رواية زوجة مغترب ج٢
الفصل الثامن عشر والتاسع عشر والعشرون
بقلم نسمه مالك
البارت ال18..
..ثوره نسائيه..
شيماء..
ممسكه بياقه قميص زوجها تهزه بعنف وتصرخ بعلو صوتها بنهيار شديد..
طلقنى يا حسن..هزته بعنف اكبر..طلقنى بقولك..
اقتربت منهم نجاه وحاولت ابعاد شيماء عنه وتحدثت ببكاء حاد..
نجاه:اهدى يا ام مياده..والله مياده هتقوم بسلامه وهتبقى زى الفل..
تركت شيماء ياقه قميصه..وقبضت على رقبته بكل قوتها..
فقد فاض بها الكيل..وحسمت امرها ولن تتراجع فيه..
وبعيون شديده الحمار من شده غضبها نظرت لنجاه وتحدثت بانفاس لاهثه..
شيماء:بنتى هتبقى كويسه..صرخت بعلو صوتها..
بنتى هتخسر ضناها من قبل حتى ما تعرف بوجوده وتقوليلى هتبقى كويسه..نظرت لزوجها بقهر وحسره..بنتى محتاجه اسطره ودعامه فى قلبها بسبب قسوه ابوها وغدر جوزها..نظرت لحما ابنتها..وتقويم حماها عليها اللى اتسببلها فى علقه موووت على ايد الراجل اللى المفروض يبقى امانها وحمايتها..لكمت حسن بعنف على صدره..
بنتى بقت مريضه ضغط وسكر وهى يا حبه عين امها مكملتش 23سنه وتقوليلى هتبقى كويسه..
حسن..يقف بثبات..تاركها تخرج كم غضابها منه طيله السنين..
وكمن القت شراره أشعلت النار بقلب نجاه..
بعيون اشتعلت بغضب دافين..استدارت نجاه ونظرت لزوجها..
ابتلع نبيل ريقه بصعوبه وبخوف تحدث..
نبيل:ايه يا ام مازن..رمش بعيناه اكثر من مره..
بتبصيلى كده ليه يا وليه..
بلمح البصر..كانت قفزت نجاه فجأه وقبضت على رقبه نبيل بعنف وتحدثت بغيظ وغضب عارم..
نجاه:طلقنى يا فتان انيسه..هزته بعنف اكبر وبكت بقهر..
طلقنى يلى مستحملتنيش فى مرضى وجريت سمعت كلام امك واتجوزت عليا..صرخت بعلو صوتها..
طلقنى يا نبيل..خلاص مبقاش فى حد هيغصبنى اعيش معاك تانى..
نبيل:بزهول..انيسه مين يا وليه؟؟؟..
انتى اتجننتى ولا ايه؟؟!!..
عايزه تطلقى على غلطه عملتها من اكتر من 30سنه..
بكت نجاه بنحيب وتحدثت بصعوبه من بين شهقاتها..
نجاه:اكتر من 30سنه ومش قادره انسى..صرخت..
غلطاتك كتير اوى اخرتها طلعت فتان وقومت على مرات ابنك خليت اللى ميتسمى ابوها..
اتسعت عين حسن بصدمه..فنظرت له شيماء بشمئزاز وحركت رأسها بالايجاب وهمست بتأكيد..
شيماء:فعلا عندها حق..انت متتسماش اب..
نجاه:يضرب البت علقه موت واهى يا حبه عين امها مرميه فى المستشفى بين الحياه والموت بسبب فتنتك يا فتااااااان..
لو كنت خرست ومقولتش لابوها كانت رجعت لجوزها وسامحته..لكن انت عايز ابنك يبقى زيك..يتجوز على مراته علشان تورينى ان كل الرجاله كده..هزته بعنف اكبر..
مبقاش عندى حاجه تخلينى افضل على زمتك اكتر من كده..
اخذت نفس عميق..لو عندك ذره رجوله طلقنى يا نبيل..
جز نبيل على اسنانه بغيظ..وبتهديد تحدث..
نبيل:اتلمى يا نجاه..انا مقدر الموقف الصعب اللى؟؟!!..
نجاه:بشهقه..مقدر ايه يا عنيا..الموقف..امسكته من ياقه قميصه مره اخرى وهزته بعنف اكبر..
وانت لو مقدر الموقف كنت فتنت يا فتااااااان..
صفقت على يدها..وانت هتجيبو من بره..الله يرحمها امك كانت نفس العينه كده فتانه وقوامه ومبيتبلش فى بوقها فوله؟؟!!..قطع حديثها صفعه قويه هبطت على وجناتيها..
وبكل غضب نظر لها نبيل وبغصه مريره تحدث..
نبيل:لحد هنا والزمى حدودك ومتجبيش سيره امى..
صمت قليلا..انتى طالق يا نجاه..يكشى ترتاحى دلوقتى..
نهى جملته وسار للخارج بخطوات شبه راكضه..
حسن:بعلو صوته..استنى يا ابو مازن انا جاى معاك..
نهى جملته وهم بالتحرك من امام زوجته..
لكنها امسكته سريعا وتحدثت بأصرار..
شيماء:ارمى اليمين يا حسن..
حسن:برجاء..اعقلى يا شيماء..انا مش هطلق؟؟!!..
شيماء:بصراخ..ورب بناتى ما هبقى على زمتك يوم تانى..
بكت بنحيب..انت هتعيش لوحدك يا حسن..من غيرى انا وبناتى..من غير الهم والغم اللى دايما تنادى انا وبناتى بيهم..
هخدهم وابعد عنك علشان نريحك من وشنا ومن همنا..
بكت بقهر اكبر..خلينى احافظ عليهم واحميهم من قسوتك..
حسن:بدموع تلتمع بعيناه..يا شيماء انا غلطت وندمت؟؟!!..
شيماء:بنفاذ صبر..طلقنى يا حسن واندم بعيد عنى انا وبناتى..
نظرت له برجاء..لو فى قلبك ذره رحمه ارحمنى وطلقنى..
حسن:ببكاء..ياشيماء خلينا نطمن على مياده؟؟!!..
شيماء:بصراخ..ملكش دعوه ببنتى..ابعد عننا بقى يا اخى وكفايا اللى جرلنا منك..نظرت له بأسف..
انا مش طايقه اكون على زمتك..ضربته على صدره بكلتا يدها..
خلى عندك دم وارمى عليا اليمين..
حاول حسن التماسك قدر الأمكان..وبجمود مصتنع تحدث..
حسن:هترتاحى لو طلقتك يعنى..
شيماء:ببتشامه متشفيه..هرتاح اخر راحه..على الاقل هترحم من حرقه الدم والكلام اللى بتسم بيه بدنى انا وبناتى..
اغمض حسن عينه بعنف..وبصعوبه تحدث..
حسن:انتى طالق يا شيماء..
نهى جملته وسار للخارج سريعا..وعيناه تسيل بدمع غزير..
شهقت شيماء بعنف..
تلتقط انفاسها كمن كانت على وشك الموت خنقا..
التفت لنجاه..الواقفه بصدمه..لا تبدى اى رد فعل..
فقط واقفه تنظر للفراغ بعيون متسعه من شده صدمتها..
اقتربت منها وربطت على ظهرها برفق..
استدارت لها نجاه وتحدثت بزهول..
نجاه:نبيل ضربنى و طلقنى؟؟!!..
شيماء:ببكاء..وانا كمان اطلقت..
انتفضو اثنانتهم على صوت مازن الواقف خلفهم..
مازن:بعتاب..ويا ترى ارتحتو كده؟؟!!..
نظرت كلا من نجاه وشيماء لبعضهم ومن ثم نظرو لمازن نظره حارقه تفهمها هو جيدا..وبغضب تحدثو بنفس واحد..
نجاه..وشيماء:لا لسه مرتحناش..اقتربو منه ووقفت كل واحده من جانب وتحدثو بتأكيد..مش هنرتاح غير لما تطلق مياده وتحصلهم يااللى قهرت البت زياده وبتقولها انا اتجوزت صاحبه الشركه؟؟!!..
مازن:ببرود..على جثتى..وزع نظره بين والدته وحماته..
على جثتى اطلق مياده..نهى جملته واستدار متجه نحو غرفه الطبيبه المتابعه لحاله زوجته. لكنه توقف ثانيا ونظر لهم واكمل ببتسامه من بين دموعه..وصاحبه الشركه تبقى مراتى فعلا..رفع يده واشار على دبلته المدون عليها اسم زوجته وقبلها بعمق واكمل بعشق..مياده؟؟؟!!!..
^^^^^^^^^^^^^^^^^^^^^^^^^^
..بغرفه الكشف..
نائمه ايه على سرير الكشف..
بعدما اعطوها حقنه مهدئه..
بجوارها يجلس عابد..ممسك بيدها الصغيره بين كفيه..
يتأمل ملامحها الشاحبه والحزينه للغايه بعيون عاشقه..
اغمض عيونه بعنف ومال برأسه على يدها وقبلها بعمق..
ورفع رأسه واقترب من اذنها وهمس بأصرار..
عابد:هفرحك..بأذن الله هكون انا سبب فرحتك..وضحكتك..
تنهد بصوتا مسموع..بس ادينى فرصه اقرب..
التمعت عيناه بالدموع..ادينى فرصه احبك..افتحيلى قلبك يا ايه..
بضعف..فتحت عيونها..ملس هو على وجناتيها وتحدث بلهفه..ايه..انتى كويسه..
ايه:ببكاء حاد..اختى مياده..
عابد:والله كويسه..اهدى بالله عليكى..
بصعوبه..هبت واقفه تستند بيدها على السرير..
حاولت سحب يدها منه لكنه امسكها بأحكام وساعدها على النهوض..
تبكى بنحيب..وهو يملس على راسها ووجناتيها بحنان بالغ..
بل وبدأ يبكى لبكائها..
تعالت شهقاتها وبنهيار بدأت تتحدث..
ايه:انا تعبت..والله تعبت يا ربى..سارت عده خطوات بضعف..
انا مش حمل كل الجرح والحزن اللى انا فى انا واخواتى..
تاوهت بصوتا مسموع..واحده من اخواتى وقعت مننا..
يبكى هو لبكائها..وانتفض قلبه بفزع حين دعت هى برجاء..
يارب اموت ولا اتبهدل البهدله اللى اختى متبهدلها دى..
بلحظه كان جذبها داخل حضنه..ونظر لها بعيون عاشقه..
تبكى هى بنهيار..وهو عيناه تفيض بالدمع بغير ارادته..
تناسى كافه شئ..واكتفى انها داخل حضنه..
وهذا كافى بالنسبه له..
وكالمغيب..اقترب بوجهه منها..
..من بين كم دموعهم..
يغرقها..
هو بسيل قبلاته الرقيقه على كافه وجهها..
وبين كل قبله واخرى يهمس لها..
عابد:عارف ان جرحك كبير..ضمها لحضنه مقبلا اسفل شفاتيها..
سبينى اداوى جرحك..ادينا فرصه نقرب..
امسك وجهها بين يديه يحثها على النظر له..
سبينى انسيكى اى وجع شوفتيه فى حياتك..
امسك يدها وضعها على موضع قلبه..
حسى بيا وبشوقى ليكى..
ايه:تبكى بنحيب..وبصعوبه همست..خايفه..
انتشلها داخل حضنه رافعها عن الارض دافنا وجهه بعنقها وهمس من بين شهقاته..
عابد:انا معاكى..وانتى فى حضنى..ومستحيل اخذلك فى يوم..
قبل عنقها بعشق شديد..متخفيش..
رفع وجهه ونظر لعيونها بعمق وعيون تفيض وتصرخ بعشقها..
انتى احلى واجمل حاجه حصلتلى فى حياتى..
وبحمد ربنا انى قابلتك..اقترب بوجهه منها واكمل وهو على وشك تقبيلها..بحبك..نهى جملته والتقط شفاتيها بقبله لهوفه شغوفه..
مشتاقه.. ومتمكنه لاقصى درجه..طالت قبلته قليلا..
ود لو يبقى هكذا داخل حضنها طيله عمره..
ولكن؟،!!..انتفض بفزع حين تشنجت بشده بين يده..
وبلحظه..تهاوى جسدها وفقدت وعيها مره اخرى..
^^^^^^^^^^^^^^^^^^^^^^^^^^
..مازن..
بغصه مريره..قصدك ايه يا دكتوره فهمينى اكتر..
الطبيبه:بعمليه..اقصد ان مدام مياده محتاجه عمليه قسطره ودعامه فى اقرب وقت..وللاسف..هى طلعت حامل فى 3اسابيع..والحمل فى خطوره على حياتها..
مازن:يجاهد حتى لا يبكى وبصعوبه همس..طيب والحل..
الطبيبه:يأسفنى ابلغك ان هيحصل اجهاض للجنين من اثر الادويه اللى بتاخدها المدام..واحنا بنحاول بكل جهدنا نظبط الضغط والسكر و نفوقها علشان تدخل عمليات فى اسرع وقت..
لان عمليه القسطره والدعامه بيتعملو والمريض فايق..
ولازم السكر والضغط يبقو مظبوطين..صمتت قليلا..
وسواء دلوقتى او بعد كده الحمل هيبقى خطر جدا عليها..
مازن:بعيون تلتمع بالدمع..انا اهم حاجه عندى مراتى..ميهمنيش اى حاجه غيرها هى..
الدكتوره:تمام..بس اعمل حسابك لو حصل اجهاض ممكن تحتاج نقل دم..
مازن:بغصه مريره..انا هتبرعلها..هى نفس فصيلتى..
الطبيبه:بتأثر..مافيش فى ايدينا غير اننا ندعلها تفوق فى اقرب وقت..
حرك مازن راسه بالايجاب وهمس برجاء وتوسل..
مازن:ياااارب..هب واقفا..واتجه للخاج بخطوات شبه راكضه..
ودموعه تهبط على وجهه بغزاره..
قلبه يعتصر الما على زوجته حبيبه قلبه وروحه..وعلى طفلهم الذى حلم به كثيرا..ان تكون حبيبته حامل منه..
والان بعد ان تحقق حلمه..ينتهى بكابوس بشع..
سيفقد طفله..وزوجته ببن الحياه والموت بسبب غربته التى طالما توسلت هى له ان لا يسافر ويتركها..
وبلهفه..خطى لداخل غرفتها واترمى داخل حضنها يبكى بنحيب وصوت شهقاته تتعالى..
وبتوسل تحدث..
مازن:مياده بحلفك بالله تفوقى..انا بموت..والله بموت من غيرك..شدد من احتضانها..
فوقى يا حبيبتى خلينى اقولك انك حامل منى..
ظل يبكى بنحيب وصوت شهقاته تتعالى ويده تملس على بطنها بحنان بالغ..وفقط يردد جمله واحده دون توقف..
انتى حامل منى يا حب عمرى..
انتفض فجأه حين استمع لهمسها بضعف شديد..
مياده:بوهن..ح ح حامل..
مازن؟؟!!..
^^^^^^^^^^^^^^^^^^^^^
..من مازن لمياده..
فقد ابقي..
لا تتركيني.. لا ترحلي بدوني..
لا تدعيني ابكي..
فقط ابقي..
لا تدعي قلبي يصرخ ألما..
لا تدعي روحي تفارق جسدي..
يا نفسي انتي يا شمسي وقمري..
لوميني..حدثيني..ثوري حتي وأصفعيني..
ولكن لا تتركيني..ظلي دائما داخل اعماق حضني..
بقلبي..بعقلي ..وحتى بدمائي..
فقط ابقي..
البارت ال19..
..بِسْمِ اللَّـهِ الرَّحْمَـٰنِ الرَّحِيمِ..
فَلَمَّا رَأَىٰ قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ (28)..
صدق اللَّهُ العظيم..
^^^^^^^^^^^^^^^^^^^^^^^^
..بالمشفى..
فجأه..
توقف عن البكاء حين استمع لهمسها الضعيف..
مياده:بوهن..مازن..
ببطئ رفع رأسه من حضنها..ونظر لها بعيون متسعه على أخرها..
فتحت عيونها هى بصعوبه..ودارت بعيونها تبحث عنه..
حتى وقعت عيونها عليه..
ليشهق هو بعنف يستعيد انفاسه المقطوعه فور رؤيه عيونها..
وبفرحه عارمه تحدث..
مازن:يا قلب وروح مازن..قبل يدها بعمق شديد عده مرات..
وجبهتها ووجناتيها..وهو يردد..
الحمد لله..الف حمد وشكر ليك يا رب..
مد يده سريعا وضغط على جرس الانظار اكثر من مره..
واقترب منها ثانيا وامسك وجهها بين كفيه وتحدث برجاء..
مياده فتحى حبيبتى..قبل جبهتها..
متغمضيش عيونك واحشونى..
تجاهد لفتح عيونها..ولكن الاضاءه تمنعها..
رفع يده فوق عيونها يمنع عنها الضوء قليلا..
واخيرا..فتحت عيونها ونظرت له نظره عاتبه..
بادلها هو النظره بأخره لهوفه عاشقه وببتسامه وعيون لامعه بالدمع همس..
واحشتنى عيونك يا احلى عيون شفتها عنيا..
صوت خبط الباب جعله يعتدل بوقفته وأمسك يدها بين كفيه وتحدث بعلو صوته..ادخل..
خطت الطبيبه خلفها اكثر من ممرضه وتحدث بقلق..
الطبيبه:خير يا استاذ مازن؟؟!!..قطعت حديثها حين لمحت مياده ترمش بعيونها..
اقتربت منها تتفحصها بعنايه..وتحدثت بعمليه..
حمد لله على سلامتك يا مدام مياده..خضتينا عليكى..
تلتزم مياده الصمت..فتحدثت الطبيبه بقلق..
مدام مياده انتى سمعانى..حركت مياده راسها بالايجاب..
طيب سمعينى صوتك من فضلك..
مياده:بوهن..الحمد لله..
تنهدت الطبيبه براحه ونظرت لمازن..
الحمد لله السكر بدا يتظبط..نظرت لمياده..حمد لله على سلامتك يا مدام مياده..نهت جملتها وسارت نحو الخارج..
لكنها توقفت مره اخرى واشارت لمازن..
على مضض ترك يد زوجته واقترب من الطبيبه..
مازن:بقلق..خير يا دكتور؟؟!!..ابتلع ريقه بصعوبه..
مراتى فيها حاجه..
الطبيبه:لحد دلوقتى الحاله مستقره..نظرت له بأسف..
بس والده حضرتك تعبت فجأه و؟؟!!!..
مازن:بفزع..امى؟؟!!..نهى جملته واقترب من مياده قبل جبهتها بعمق وهمس بأذنها..حبيبتى ثوانى وراجعلك..
بخطوات راكضه اتجه خارج الغرفه..
انتظرت الطبيبه حتى تاكدت انه ابتعد..
ونظرت للممرضات وتحدثت بامر..
الطبيبه:استنونى قدام الباب ممنوع تدخلو اى حد..
وواحده فيكم تروح تقف عند اوضه الحاله اللى كنت عندها دلوقتى لو شوفتو الاستاذ دا جاى على هنا رنو عليا..
بطاعه نفذو الممرضات حديثها..
اغلقت هى الباب وعادت لمياده ونظرت لها بعتاب قليلا..
تبادلها مياده النظره بعيون تلتمع بالدمع وبوهن همست..
مياده:انا حامل؟؟!!..
اقتربت منها الطبيبه وتحدثت ببتسامه..
الطبيبه:ايوه حبيبتى..انتى حامل الف مبروك..
هبطت دموع مياده بغزاره وضحكت بأن واحد من شده فرحتها..فربطت الطبيبه على يدها برفق وتحدثت بعتاب..
هو دا اللى اتفقنا عليه يا مياده؟؟!!..
..فلاش باااااااااك..
بعلو صوتها..
تنادى نجاه على زوجه ابنها..
نجاهيبا مياده خدى يا بنتى اختك ايه على التليفون..
هبطت مياده الدرج سريعا واخذت الهاتف وتحدثت بستغراب..
مياده:الو..ايه يا يويو مكلمتنيش على تليفونى ليه؟؟!!..
ايه:بتسائل..لو ابيه مازن جنبك اقفل وكلمينى وانتى لوحدك..
مياده:بقلق..لا مازن مش هنا..انا لوحدى..فى ايه؟؟!! ومكلمتنيش على تليفونى ليه؟؟!!..
ايه:علشان تليفونك اكيد متراقب..اخذت نفس عميق..
مياده انا سمعت بابا وهو بيكلم جوزك امبارح بيقوله انك هتهربى يوم فرح اميره..بكت بصتناع..وغلوتى عندك اهرب معاكى..
مياده:بصدمه..بابا قال لجوزى؟؟!!..اغمضت عيونها بعنف..
اقفلى يا ايه هكلمك تانى..
اغلقت الهاتف ودارت حول نفسها وتحدثت بغيظ شديد..
يا بابا هتفضل ترخصنى لحد امتى بس..
امسكت هاتفها اظهرت احدى الارقام وطلبته من هاتف حماتها..وانتظرت الرد بلهفه..
مريم:بفرحه..بت يا دادا عامله ايه يا حبيبتى واحشانى..
مياده:ببكاء..مش كويسه خالص يا مريم..انا مقهوره..
حاسه انى مزلوله..
مريم:فهمينى براحه ايه اللى حصل تانى؟؟!!..
قصت لها مياده كل شئ بالتفصيل..
فتحدثت مريم بهدوء..ابوكى دا عايز حاجه تفوقه قبل جوزك كمان..
مياده:ببكاء حاد..ابويا السبب فى كل اللى انا فيه..
انا حاسه انى هموت بحسرتى وكسره نفسى يا مريم..
مريم:بستفهام..طيب هو عرف ازاى انك كنتى هتهربى..
مياده:اكيد سمع ماما وهى بتكلمنى امبارح..مكدبش خبر وراح قال لجوزى..بكت بنحيب..بدل ما يخدنى فى حضنه ويحتوينى ويقف فى ضهرى..لا راح يقول لجوزى..
مريم:وانتى كنتى هتهربى بجد يا مياده؟!!..
مياده:انا كنت فعلا هروح لمنه بس راجعت نفسى وقولت مش انا اللى اعمل كده واتفقت مع حماتى انى هقعد فى شقتى..
مريم:بتعقل..طيب اهدى وقوليلى جوزك رد فعله ايه..
مياده:جوزى ناوى على حاجه خصوصا انى لقيت شنطتى متفتشه يعنى اكيد شاف برشام منع الحمل اللى فيها..
مريم:بشهقه..انتى بتاخدى برشام من ورا جوزك يا بت؟؟!..
مياده:باسف..كنت هاخده فعلا يا مريم بس استحرمتها ومرضتش اخده..
مريم:طيب انتى عايزه تعملى ايه دلوقتى..
مياده:ببكاء..نفسى ارد جزء من كرمتى..نفسى ابويا يعرف ان اللى بيعمله معايا دا بيخرب بينى وبين جوزى اكتر..
نفسى اخد حقى من جوزى اللى رجعلى بعيل..
بكت بنحيب..ومن ابويا اللى طول عمره بيضربنى وبيسم بدنى بالكلام..وكله وكوم و انه يضربنى فى بيت جوزى دى كوم تانى..مش سيبنلى فرصه أزعل حتى يا مريم..
مريم:بتنهيده..طيب بطلى عياط وانا هقولك تعملى ايه..
مسحت مياده دموعها سريعا وتحدثت بلهفه..
مياده:قولى يا مريم..سمعاكى..
مريم:بصى انا لما كنت زعلانه مع ادهم عمل انه تعبان ودايخ خلانى حنيت ونسيت كل الزعل ومهمنيش حاجه وقتها غير انه يبقى كويس وبخير وبس..
مياده:بتفهم..انتى قصدك اعمل انى تعبانه؟؟!!..
مريم:ايوه..تدوخى ويغمى عليكى علشان يعرفو انهم زعلوكى اوى..
مياده:بضحكه ساخره من بين دموعها..
انا ياما اغمى عليا فى ايد ابويا وهو بيضربنى يا مريم..
واغمى عليا برضو لما جوزى رجعلى بعيل..
التمعت عيونها بفكره..مريم انتى كنتى قولتيلى ليكى واحده دكتوره صحبتك؟!!..
مريم:ايوه..دكتوره عيون الغندور..اللى طهرت ابنى يامن..
وعندكو من الشرقيه على فكره بس متجوزه فى مصر..
مياده:بستغراب..عيون الغندور!!؟؟.. ايه الاسم دا؟،!!..
مريم:يا بت دى تبقى مرات يونس الغندور مسمعتيش عنه..
دا ماشاء الله عاملها مستشفى باسمها..
مياده:طيب هترضى تساعدنا لو طلبتى منها..
مريم:دى جدعه جدا ومن انصار حقوق المرأه ومش هتتأخر عليكى ابدا..
تنهدت مياده بصوتا مسموع وتحدثت بغصه مريره..
مياده:عايزه اتحجز فى المستشفى اسبوع يا مريم ولو حتى بفلوس..
..نهايه الفلاش بااااااااااااااك..
عيون:بدموع تلتمع بعيونها..متفقناش يجيلك السكر بجد يا مياده..
مياده:ببتسامه متألمه..السكر بس ولا فى حاجه تانيه..
تنهدت عيون وتحدثت بهدوء..
عيون:اطمنى الحمد لله السكر بس..جزت على اسنانها بعنف..
ودخولك فى غيبوبه دا اكدلى انك فعلا مقهوره بالقوى..
ودا خلانى اتقل العيار على جوزك وابوكى شويه واقوله ان قلبك تعب وان احتمال لاقدر الله يحصل اجهاد..
شحبت ملامح مياده بشده..فبتسمت عيون وربطت على يدها بطمئنان واكملت..اهدى انتى كويسه..
وبأذن الله حملك هيكمل على خير..وكلهم دلوقتى عرفو قيمتك كويس اوى اوى كمان..وخصوصا ابوكى وجوزك..
مياده:بغصه..عرفو قيمتى بعد ما جبولى السكر..
وكانو ممكن يموتونى بحسرتى وكسره نفسى..
نظرت لعيون بمتنان.. مش عارفه اشكرك ازاى يا عيون..
عيون:حبيبتى طمنينى بس انتى ناويه على ايه..
هتكملى مع جوزك..
همت مياده بالحديث..لكن رنين هاتف عيون قطعهما..
هبت عيون واقفه وتحدثت بستعجال..جوزك جاى على هنا..
انا هخرج وهبقى اجيلك تانى..
^^^^^^^^^^^^^^^^^^^^^^^^^
صفعه..
قويه هبطت على وجه عابد..
وبغضب عارم تحدثت..
ايه:انت انسان مش محترم علشان تبوسنى بالطريقه دى.. نظرت له بشمئزاز..استغليت تعبى وضعفى وما صدقت ونزلت فيا بوس..
لكمته بكتفه بعنف..مش عايزه اشوف خلقتك دى تانى..
نهت جملتها وسارت بخطوات متعبه نحو الخارج..
اسرع هو ووقف امامها يمنعها من الخروج وتحدث بهدوء..
عابد:ايه..اسمعينى؟!!..
ايه:بغضب..مش هسمعك..مبقاش فى بنا كلام بعد قله ادبك دى..
عابد:بعيون راجيه..ايه..انا كنت متغرب فى بلد اجنبى اكتر من خمس سنين..ومش هكدب واقول انى مطبعتش بطبعهم شويه..لا انا بشر وبغلط بس اقسملك عمرى ما تعديت حدودى..كل الحكايه انى بقيت جرئ شويه و؟!!..
قطعته ايه بأسف..
ايه:قصدك بقيت وقح وسافل..
عابد:جز على أسنانه بغيظ..ممكن فعلا اكون اكتسبت بعض الصفات المنيله..خصوصا ان عندهم البوس زى السلام عليكم عندنا هنا..
اتسعت اعين ايه بصدمه وتوردت وجناتيها بحمره الخجل وتحدثت بزهول..
ابه:وانت كنت ماشى هناك تقول السلام عليكم لكل بنت تقابلها؟؟!!..
عابد:بعدم فهم..السلام عليكم؟!!..اه قصدك ماشى ابوس..
لا اطمنى انا اول ما لقيت نفسى هميل للغلط رجعت على طول..اخذ نفس عميق..بصى انا اسف..انا معرفتش اتحكم فى مشاعرى معاكى وبعترف ان دا غلط..
ايه:ببتسامه ساخره..وانت بعد اللى عملته معايا و اللى قولته دا هصدق انك رجعت قبل ما تعمل الغلط..
عابد:بهدوء..انا صريح معاكى ومبكدبش على فكره..
تنهد باسف..انتى متعرفيش يعنى ايه شاب عايش لوحده فى الغربه فى بلد متاح فيها كل انواع الحرام..فكونى حافظت على دينى هناك وتماسكت ومنجرفتش مع التيار دا يشفعلى عندك غلطى دلوقتى..
اقترب بوجهه منها بحذر ونظر لعيونها بعشق..
انا قلبى دق على ايدك يا ايه..سامحينى لو تجوزت حدودى معاكى..
تحولت نظرته لأخرى عابثه واكمل ببكاء مصتنع..
انا واحد بقالو سنين بيشوف الناس كلها بتبوس بعض قدامى فى كل حته وكل مكان..عض شفاتيه بعنف..
ارحمينى واتجوزينى لأن انا عندى كبت عاطفى على وشك الانفجار..
رمشت بعيونها اكثر من مروه وبخطوات شبه راكضه اتجهت للخارج وتحدثت بغيظ وخجل..
ايه:عبو سافلتك..
ملس عابد على وجنته وتحدث ببتسامه عابثه..
عابد:اجدع يويو دى ولا ايه..قبل يده بستمتاع..
صحيح ضرب الحبيب زى اكل الزبيب..
عض على شفاتيه بعنف..اممممممم..
يا لهوى يا مستهوى بحب اوزعه يا ناس..
^^^^^^^^^^^^^^^^^^^^^^
..مازن ومياده..
مياده:هششششش..
كفايه ارجوك..اهدى انا كويسه..
بأنفاس مقطوعه وبكاء وضحك بأن واحد همس بفرحه عارمه..
مازن:الحمد لله..قبل كلتا يدها بعمق..ودا كفايه عندى..
والله ما عايز اى حاجه من الدنيا دى غيرك انتى..
امسك وجهها بين يديه وهمس امام شفاتيها..
انا عايش بأنفاسك..اغمض عينه واستنشق انفاسها بستمتاع ودموعه تهبط ببطئ على وجنتيه وبعشق همس..
انا بتنفسك..فتح عيناه ونظر لها برجاء وتوسل وندم شديد..سامحينى..وضع جبهته على جبهتها وهمس بصعوبه
من بين شهقاته..يارب اموت دلوقتى لو فضلتى زعلانه منى..
بضعف..لكمته على كتفه عده مرات وتحدثت ببكاء..
مياده:بعد الشر عنك..جذبته من ياقه قميصه لداخل حضنها وضمته بكل قوتها..ويدها لم تتوقف عن لكمه وتردد بهستريا..
بعد الشر عنك..متقولش كده تانى..
ظلت طويلا داخل حضنه وبقلق همست..
مامتك كويسه؟!!..انا سمعت الدكتوره وهى بتقولك انها تعبت..
مازن:ايوه كويسه الحمد لله وهتيجى تشوفك دلوقتى..
ابتعدت عنه مياده ونظرت له ببتسامه رقيقه وهمست..
مياده:بتحبنى يا مازن؟؟!!..
مازن:بلهفه..انا بعشقك وبموت فيكى يا قلب مازن..
مياده:بعشق..وانا كمان بحبك اوى..ملست على وجهه..وسامحتك على فكره..صمتت قليلا..
بس بحلفك بالله تطلقنى؟؟؟!!..
البارت ال20..
..بعد مرور بعد الوقت..
بدايه جديده بشخصيات اقوى..
..ال4M..
مطعم غايه الأناقه والرقى..رغم صغر حجمه..
يمتلكه..مريم..مياده..مروه..منه..
بالمطبخ..
على قدم وساق..تعمل كلا من..
مروه..ونجاه..وشيماء..وحتى ايه..
وبالكاشير..تجلس المهندسه مياده..
ومنه مسؤله الاعلانات عن المطعم ومتابعه الفانز وتصميم المينو والتواصل مع الزبائن عبر السوشيال ميديا بسبب غربتها مع زوجها..
مريم..الممون بكافه شئ من منتجات الهايبر الخاص بها..
اما مروه..مسؤله المطبخ وصاحبه المكان بالاشتراك مع مياده..
ونجاه وشيماء وايه..مساعدين درجه اولى بصدر رحب وحب وفرحه شديده..
جميعهن يد واحده..عون وسند وظهر لبعضهن..
مواعدهم منضبطه بالثانيه..
بحماس تحدثت شيماء..
يله يا يويو خفى نفسك شويه وسرعى ايدك ورانا اوردارات كتير ماشاء الله عايزين نخلصها..
مروه:ببتسامه..اطمنى يا خالتى كلو هيخلص قبل معاده كالعاده..اهم حاجه على مهلكم علشان محدش يتلسع تانى..
نهت جملتها ووجهت نظرها لنجاه الناظره للفراغ بشرود.
تنهدت شيماء بصوتا مسموع وتحدثت بعتاب..
شيماء:ايه يا ام مازن..ما تروقى بقى يا اختى..
اللى حصل حصل..الحمد لله انها جت على اد كده..
نجاه:ببكاء مصتنع..انا اول مره يتحرق منى اكل يا ام مياده..
ايه:بشفاه مرفوعه..هو حضرتك زعلانه على الاكل اللى اتحرق مش على طلاقك من عمو نبيل!؟؟؟..
نجاه:بشهقه..عمو نبيل دا مين اللى هزعل عليه..
تنهدت براحه..دا انا حاسه براحه وروقان بال وبراوه على الاخر..
شيماء:ههههههه..وبأيه يا اختى..
نجاه:وبراوه..على راى نجاه الصغيره..
صفقت بيدها وبدات تغنى بستمتاع..
اما براوه برواه اما براوه طلاق حبيبى براوه اخر براوه ههههههههههه..
انفجر الجميع بالضحك..فدخلت مياده على صوت ضحكاتهم وتحدثت ببتسامتها الرقيقه..
مياده:الله الله على صوت الضحك اللى يفرح ويشرح القلب..
شيماء:ولا الروقان يا بت يا مياده والانسجام والهدوء..
عبست بملامحها فجأه..لا حد يقولى فين شرباتى ولا فزى اعملى 40شاى وانجرى حضريلى الطفح..ضربت على صدرها بكلتا يدها..ياختىىىىىى دا كان حالل وابرى ياختى..
نظرت ايه لمياده وتحدثت بمزاح..
ايه:يا صلاه النبى عليكى يا مياده انتى وامك وحماتك بقيتو حسب المطلقات..نظرت لمروه..ربنا يستر عليكى يا ابله مروه..
نظرو جميعا لمروه وتحدثو بنفس واحد بحب شديد..
مياده..نجاه..شيماء:ربنا يهدى سرك ويحفظك ويحفظلك جوزك وبنتك يا حبيبتى..
اقتربت مياده من مروه واحتضنتها بحب وتحدثت بمتنان..
مياده:مش عارفه أشكرك ازاى يا مروه على وقفتك انتى ومريم ومنه جنبى..ربنا ميحرمناش من بعض يا حبيبتى..
مروه:بعبوس..مافيش بنا شكر يا بت يا عبيطه..التمعت الدموع بعيونها..ربنا وحدو يعلم انا بعتبركم اكتر من اخواتى يا مياده..
سحبتها مياده للخارج..وتحدثت بستعجال..
مياده:هنظبط الاوردارات ونرجعلكم..
انتظرت نجاه حتى خرجت مياده ومروه وتحدثت بغصه مريره موجهه حديثها لشيماء..
نجاه:بت يا ام مياده..نظرت لها شيماء بتفهم وتحدثت ايضا بغصه..
شيماء:عارفه اللى هتقوليه..ادعلهم يا ام مازن ربنا يلم شملهم على خير لو ليهم نصيب فى بعض تانى..
نجاه:ببكاء..بدعلهم والله يا شيماء..ربنا يريح قلوبهم ويكتبلهم الخير يارب..نظرت لايه بغيظ..
وتحنى على الواد اللى مطلعه عنيه يا ايه يا بنت شيماء يارب..
ايه:ببتسامه واثقه..صنف الرجاله دا يا خالتى ميمشيش معاه الحنيه..ابسلوتلى..دا صنف عامل زى فص التوم لو محطتيش عليه ملح..رفعت يد الهون..متعرفيش تدقيه ويفضل يطنطط منك رايح جاى زى القرد..ابتسمت بتساع..
لكن لما ترشى عليه رشه ملح تعرفى تهرسيه وتشكليه زى ما تحبى..
شيماء:بحاجب مرفوع..يا حلاوه امك..وانتى عرفتى الكلام دا ازاى يا ست يويو!!؟؟..
ايه:ببكاء مصتنع..ما انا فضلت ساعه بجرى ورا فص التوم فى الهون لحد ما ابله مروه قالتلى رشى عليه رشه ملح..
نظرت نجاه وشيماء لبعضهم وحركو رؤسهم بيأس من شقاوه هذه اليويو..
وساد الصمت قليلا قطعته ايه بتسائل..
انتو خلاص كده مش هترجعو تانى لبابا وعمو نبيل..
بلحظه..ظهر الحسره وخيبه الأمل والحزن على ملامحهم..
وخفضو رؤسهم ومثلو انشغالهم لتخفى كلا منهم دموعها التى خانتهم واوشكت على الانهيمار بغزاره..
..بالخارج..
مروه:بعتاب..مياده يا حبيبتى كفايه كده بقى..مازن لازم يعرف انك لسه حامل..والطلاق لايقع على الحامل يا حبيبتى يعنى انتى لسه مراته..
مياده:بتنهيده..عارفه يا مروه انى لسه مراته..
التمعت الدموع بعيونها..بس كان لازم ابعد شويه..اشم نفسى..احس ان ليا قرار مش لعبه بين ايد ابويا وجوزى..
محتاجه ارجع وانا مياده جديده..قويه مش ضعيفه..
مش مجبوره على امرها..
مروه:بتعقل..حبيبتى حقك طبعا..بس انتى كمان شويه وبطنك هتبدا تظهر..وممكن مازن يشوفك هتقولى ايه ساعتها..هيحصل مشكله اكبر بينكم..لازم انتى تصرحيه وتبداو حياتكم بصفحه جديده مبنيه على الصراحه يا مياده..
مياده:بغصه..عارفه يا مروه السبب الأساسى اللى خلانى أصريت على الطلاق ايه..
نظرت لها مروه بتسائل فاكملت هى ببكاء..خوفت..
خوفت مازن يبقى محرج يسبنى ويكمل معايا شفقه او علشان الحمل وبعد كده مع الايام حبه يقل او يمل منى..اغمضت عيونها بعنف..علشان كده دكتوره عيون دخلتنى العمليات على انى اجهضت واقنعته انها عملتلى القسطره والدعامه..
كده لو عايز يبعد هيبقى عنده فرصه انه يبعد من غير ما يكون محرج..
ولو حب يرجعلى يبقى لسه حبى جوه قلبه وراجع بأراته..
مروه:بحب..ربنا يهديلك الحال ويكتبلك كل الخير يا حبيبتى..
همت مياده بالحديث لكنها لمحت شيئا ما..فأسرعت للخارج بلهفه..وقفت امام المطعم وفتحت زراعيها..
ليركض ادم الذى نزل من باص حضانته نحوها بكل سرعته واحتضانها بحب شديد وتحدث بفرحه..
ادم:امى اشتقت اليك..
مياده:بحنان بالغ..وانا ايضا صغيرى..جلست على ركبتيها..
عملتلك كيك الفراوله اللى بتحبه بس اغسل ايدك على ما احضرلك الغدا وبعدين تاكله كلو كلو..
ادم:بفرحه..امممم..شكرا امى..قبل وجناتيها..وركض للداخل متوجها نحو المرحاض..نظرت مياده لمروه وتحدثت بتنهيده..
عايزه ارجع علشان مازن ومياده..مش ارجع مجبوره علشان حملى ولا علشان الطفل اليتيم..بيا او من غيرى ادم هيتربى..
بس نرجع واحنا عايزين بعض علشان ميكررش الغلط مره تانيه ويعتمد ان مياده بتعشقه وهتسامحه..
^^^^^^^^^^^^^^^^^^^^^^^^^^
..بمكان اخر..
بشركه..المياده لتصليح وصيانه جميع الاجهزه الكهربيه..
يجلس المهندس مازن بمكتب رئيس مجلس الأداره يتحدث بصرامته المعتاده..
مازن:عايز كل الموظفين رجاله فقط..حتى السكرتاريه..
نظر لاحدى العاملين..ملمحش طيف واحده ست بالشركه..
مفهوم..
العامل:مفهوم يا بشمهندس..
تنحنح مازن وتحدث بتسائل..
مازن:احححم..ورد انهارده وصل ولا لسه؟؟!!..
العامل:على وصول يا فندم..هنبعته بردو على مطعم 4M..
مازن:ايوه تبعتوه على المطعم طول الاسبوع معادا يوم الجمعه تبعتوه على عنوان البيت اللى قولتلك عليه..
العامل:تمام يا بشمهندس..تأمر بحاجه تانيه..
مازن:شكرا..اتفضلو انتو..
خرج جميع العاملين واحد تلو الاخر..
اعتدل مازن بجلسته..وامسك هاتفه ينظر لصوره حبيبته بعشق وشوقا جارف ظاهر بشده على ملامحه وهمس بشتياق شديد..واحشتينى اوى اوى يا مياده..
تنهد بصوتا مسموع..ارجعيلى بقى..هتجنن عليكى..
رفع الهاتف وقبله بعمق عده مرات..وحتى دبلته المدون عليها اسمها قبلها ايضا بحب شديد..انا لحد دلوقتى مش قادر اصدق انى طلقتك..اغمض عينه بعنف واكمل بغصه مريره..
اكيد هتفكرى انى ندل وطلقتك بعد ما خسرنا ابننا..
بس انا والله نفذت رغبتك علشان عارف انك محتاجه تهدى..
محتاجه تحسى انك مش مجبوره..عض شفتيه بأحراج..
ومحتاجه كمان تربينى اكتر..تحسس صورتها ببطئ يرسم ملامحها..بس انا اتربيت..والله اترببت وعرفت قيمتك وغلاوتك يا حبيبه قلبى..
ظل قليلا يتأمل صورتها بهيام وعيون عاشقه..
قطع تأمله رنين الهاتف..فأخذ نفس عميق ورد بهدوء..
ايوه يا بابا..
نبيل:باحراج..مازن..احححم..هو محل الورد اللى انت متفق معاه يبعت ورد كل يوم لمياده اسمه ايه؟؟..
مازن:بستغراب..ليه يا بابا..
عبس نبيل بملامحه ونظر لحسن الواقف جواره بضيق وتحدث بغيظ..
نبيل:اصل عمك حسن قال ايه عايز يجيب لحماتك ورد..
حسن:بغضب طفولى..لا والله وانا هجيب لوحدى..
نظر له بغيظ..دى فكرتك اصلا من الاول يا بيه..
حاول تقليده..قال تعالى نعمل زى الواد مازن ابنى ونجبلهم ورد..
نبيل:بنفاذ صبر..خلاص يا عم حقك عليا..ايوه يا مازن هى فكرتى المنيله اخلص وقول العنوان علشان احنا واقفين فى الشارع مش عارفين نروح..
مازن:هبعتلك العنوان فى رساله روح وانا هحصلك..
نبيل:ماشى..يله سلام..
اغلق الهاتف وأرسل له مازن العنوا وحدث نفسه بخوف..
مازن:اما اروح الحقهم قبل ما يعرفو الاسعار ويمسكو فى صاحب المحل..
^^^^^^^^^^^^^^^^^^^^^^
..بأحدى محلات الورود..
يقف كلا من حسن ونبيل ينظرون لبعضهم بزهول واستغراب شديد..
وبشفاه مرفعه وحاجب مرفوع تحدث حسن لصاحب المحل..
بوكيه ورد ايه اللى ب500ج يا ابنى..نظر لنبيل المنصدم..
هما هياكلوه..دول هيشموه شامه والتانيه وهيدبل ويموت..
نبيل:ببكاء مصتنع..طيب معندكش بوكيه ب5ج يا ابنى..
حسن:بعتاب..5ج ايه يا نبيل انت كمان..هو يا 500ج يا 5ج..
نظر للبائع بثقه..قول ب15ج..
البائع:ببتسامه مصتنعه..حضرتك 15ج دا ميجيش تمن ورده واحده..
حسن:بغضب..يابنى ورده اييييه دى اللى ب15ج..نظر لنبيل..
قولتلك انا هجيب لمراتى سندوتشين حواوشى هى بتموت فى الحواوشى عملتلى انت كاظم الساهر وقولتلى الورد هيجيب من الاخر..
نبيل:بعبوس..ما تهدى بقى يا حسن خلى ام اليوم دا يعدى على خير ونردهم بقى..اقترب منه وهمس بأذنه ببكاء مصتنع..انا عفنت فى بعد الوليه عنى يا حسن..لا عارف انام ولا اكل ولا اشرب..واكيد انت كمان نفس الحكايه..
حسن:بغصه..انا انيل..انا عفنت ونتنت وقاعد زى قرد قطع من غيرهم وهما ولاد الكلب اتفقو عليا وطلعو روقو الشقه اللى على السطح و قعدو فيها..نظر للبائع وتحدث بجديه..
اعملى يا بنى بوكيه فيه ورده وحبه نجيله..
نبيل:هههههههههه..نجيله ايه..ههههههههه وورده واحده بس دا ايه التبذير دا..
حسن:بغيظ..هى يعنى الورده بجنيه..وبعدين ما انا لسه هجبلها حواوشى..
هم نبيل بالحديث..لكن رنين هاتفه قطع حديثه..
نبيل:ايوه يا مازن..
المتصل:حضرتك صاحب الرقم دا عمل حادثه عربيه وهو فى مستشفى ****..
نبيل:بصراخ..ابنى..نظر لحسن بفزع..ابنى عمل حادثه..
نهى جملته وركض للخارج خلفه حسن
لقراة فصول الجزء الاول كامله اضغط هنا
لقراة باقي الفصول الجزء الثاني اضغط هنا