مهمة سرية
الفصل الثامن عشر
خرجت الاء من المستشفي وأخذ الدكتور رقم مها وطلب منها مقابلة شخصية ووافقت
في مكان عام تجلس مها ومعها الدكتور مراد
مراد انا حابب ادخل ف الموضوع ع طول بدون مقدمات
مها تفرك في يديها بارتباك وتقول له ياريت
الدكتور تتجوزيني
مها فرحة وارتباك وحزن يتصارعون بداخلها وتفضل الصمت لبرهة من الوقت لتقطع الصمت ب اشمعنا انا
مراد في واحدة متقدملها عريس تقوله اشمعنا انا
مها معلش مش قصدي
مراد ولا يهمك ممكن رقم بابا و ماما وبابا علشان اقابلهم
مها الحزن سيطر عليها تماما
مراد مالك
مها انا مش موافقة عالجوازة دي
مراد محاول تمالك أعصابه فهو ليس بشاب طائش لكي يرفض ويقول ليه هو انتي في حد في حياتك
مها. لا
مراد اعتبريني صديق واحكي
مها دي حياتي الشخصية
مراد وانا حبيتك ونفسي اكون من ضمن الحاجات الشخصية اللي ف حياتك
مها بص يا ابن الناس انا امي وابويا منفصلين كل واحد عايش حياته بعيد عن التاني كل واحد بيرميني للتاني خايفين من المسؤلية و
مراد يقطع كلامها انا كل ده مش مهم عندي وانا كمان يتيم وتقدري تكلميهم وتعرفيهم حابين أنهم يقابلوني دي حاجة
تشرفني مش حابين خلاص المهم عندي انتي وبس فكري وقوليلي رايك رقمي معاكي مستني ردك ف اسرع وقت
مها اوكي ☺️
مها في طريقها لشقة سارة حيث محل إقامة الاء انتقل الي هناك بحكم اقتراب موعد كتب كتاب الاء و مالك (مفاجأة مش كدة ) وتجهيزها استعداد لهذا اليوم
تتذكر مها يوم خروج الاء من المستشفي ومالك ينتظر خارجها ليجلس متكئا ع ركبة واحدة وبيده الخاتم والورد ويطلب يدها مجددا 😍🙈🙊 وتوافق الاء مباشرة فهي رأت حب مالك لها واهتمامه بها طوال فترة العلاج
وصلت اخيرا مها
مها ل سارة و آلاء
وحشتوني وحشتوني وحشتوني
الاء اهلا اهلا بالقمر
مها عندي ليكم مفاجأة
سارة خير اشجيني أما الاء كانت ترتب ملابسها الجديدة ف حقيبة لتاخدها معها عش الزوجية ولم تنتبه لجمله مها لتعيد مها نفس الجملة لتلفت انتباه الاء عندي ليكم مفاجأة
البنات خييير يا آخرة صبري 😅
مها صبري مات 😂
الاء وحياة امك 👊 انطقي يابت
مها حاضر حاضر مراد عاوز يتجوزني
سارة لولولولولولولولولولولولي
الاء مش بعرف ازغرط 😂 الف مبروك 😍 اتصلي على باباكي ومامتك عرفيهم
مها عملت كدة فعلا وانا جاية ف الطريق وحضراتهم مش فاضيين بيستغلوه إجازة آخر السنة ف خروجة برة مصر ومحدش سال ع حاجة ولا علق على حاجة
الاء كبري دماغك زي ما في عقوق الأبناء في عقوق الوالدين ع الابناء وربنا مش بيسيب حق حد ابقي وكيلة نفسك شبهي 😂 احنا مقاطيع يا قلب امك 😂 ونكتب الكتاب ف يوم واحد 😍
سارة والله فكرة حلوة
مها هكلم مراد واقوله
سارة أيوة يا عم الله يسهل 😍♥️♥️
مها كلمت مراد ووافق
مها وافق يا بنات النهاردة الاحد وكتب الكتاب يوم الخميس
يا ولاد بلدنا يوم الخميس هكتب كتابي وابقا عروسة 😂💃
الاء زغرطي يا انشراح عالعمر اللي راح 😅
سارة (متعهدة الزغاريد ) لولولولولولولولولولولولي 💃😅
واتس الخميس الموعود وال ٣ فتيات وال ٣ شباب جاهزين ع اكمل وجه
تخرج مها لمقابلة خطيبها وتجد مع فتاة صغيرة
اذيك يا مها دي اختي الوحيدة عزة
عزة ١٢ سنة داخلة اولي اعدادي
مها يا خرابي عالعسل اذيك يا زوزو
عزة الحمدلله يا طنط
مها طنط لا انسي طنط انا اسمي مها وتقدري تقوليلي يا ميمو
عزة حاضر يا ميمو ♥️
مها ل مراد معرفتنيش عليها ليه قبل كدة
مراد مجتش فرصة وكمان ف مدرسة داخلية علشان انا مش هقدر اراعيها لوحدي هناك في رعاية واهتمام كامل
مها من النهاردة زوزو هتعيش معانا ع طول
عزة بفرحة بجد يا طنط
مها بجد يا روح طنط
مراد بفرحة انتي بتتكلمي بجد
مها أيوة بجد انا مريت بحاجات كتير صعبة لوحدي مش هيهون عليا اختك كمان تشوفها وانا اقدر اعمل غير كدة
مراد ربنا يباركلي فيكي يارب
يوسف المأزون وصل
تمت اجراءات الزواج مراد & مها الاء & مالك
بارك الله لكما وبارك عليكما وجمع بينكما في خير